قصص و روايات - قصص رومانسية :

رواية دعني أحطم غرورك للكاتبة منال سالم الفصل الثاني والستون

رواية دعني أحطم غرورك للكاتبة منال سالم الفصل الثاني والستون

رواية دعني أحطم غرورك للكاتبة منال سالم الفصل الثاني والستون

وفجأة دلف إلى الغرفة شخصاً لم يتوقعه أحد، والذي كان بمثابة مفاجأة للجميع، وكان يحمل باقة من الورد في يده، ،
-حازم مبتسماً: مساءالنور
-سهير متسائلة في استغراب: مين حضرتك؟
-عايدة بدهشة وهي فاغرة شفتيها: هاه، آآآ، أنت!
-جانا وهي تعقد حاجبيها في اندهاش: انت مين؟
حدق حازم في جانا، ورمقها بنظرات حانية و..
-حازم وهو يتنحنح: آآ، احم، أنا حازم منصور
-عايدة بنبرة مترددة: ده، ده، صاحب عز ابني.

التفت حازم برأسه ناحية السيدة عايدة و...
-حازم بصوت رخيم: ازيك يا عايدة هانم، ازيك يا مدام جانا
عقدت جانا ساعديها أمام صدرها، ورمقته بنظرات ممتعضة و...
-جانا بنظرة ممتعضة: حضرتك جاي هنا ليه؟ وتعرفني اصلاً منين؟
ابتلع حازم ريقه، ثم نظر إليها بثقة و...
-حازم بنبرة هادئة: أنا، أنا جاي اطمن عليكي، أما مسألة أعرفك منين، فأنا أعرفك كويس أوي..!
-جانا بحدة وهي تنظر إليه باستغراب: بس، بس انا معرفكش!

-حازم مبتسماً من زاوية فمه: مش مهم، لأن المهم الوقتي عندي هو انك تكوني بخير، ده أنا لما عرفت باللي حصل مصدقتش، وكنت عاوز أجي من بدري اطمن عليكي بس، بس، ال آآآ...
أرتابت عايدة في أمر حازم، لذا قاطعته قبل أن يكمل باقي حديثه و...
-عايدة مقاطعة بنظرات ثاقبة، ونبرة جادة: انت جاي ليه يا حازم؟
-حازم ببرود تام: زي ما قولتلكم أنا جاي أطمن ع جانا
-سهير بنبرة هادئة: شكراً يا بني ع سؤالك.

-دينا وهي ترفع أحد حاجبيها في تسائل: بس مش غريبة حضرتك تيجي تطمن ع حد مش تعرفه!
-حازم بنبرة جدية: ما أنا قولتلك يا آنسة اني أعرف مدام جانا لكن هي لأ
-جانا بايجاز: على العموم ثانكس ع اهتمامك
دنى حازم من فراش جانا، ثم مد يده بباقة الورد إليها و...
-حازم مبتسماً من بين أسنانه: اتفضلي الورد ده عشانك، و آآ، سلامتك!

مدت جانا يدها لكي تمسك بباقة الورد، فتعمد حازم أن يلمس أصابعها لكي يتحسس ولو جزءاً من بشرتها، فأبعدت هي يدها عنه، ونظرت إليه بنظرات جادة و...
-جانا باقتضاب: ثانكس
نهضت عايدة عن مقعدها، ثم رمقت حازم بنظرات مغتاظة و..
-عايدة بنبرة جدية: حازم عاوزاك شوية؟
-حازم بصوت رخيم: سوري عايدة هانم..
-عايدة بدهشة: نعم!
-حازم بتردد: آآ، يعني، أقصد، أنا أصلا عندي شغل، بس حبيبت أطمن على جانا، آآآآ، قصدي مدام جانا.

-عايدة على مضض: أنا مش هعطلك
-حازم بنظرات متوترة: احم، آآ، وقت تاني عايدة هانم، عن اذنكم...
وفجأة دلف إلى الغرفة شخص أخر، لقد كانت سيلين، والتي اندهشت من وجود حازم بها، فمرقته من أسفل حاجبيها بنظرات ضيقة و، ،
-سيلين وهي ترفع أحد حاجبيها: You، بتعمل ايه هنا؟
-حازم بتوتر: هه، آآآ أهلا سولي هانم
صُدمت سهير حينما وجدت سيلين -والدة جانا- متواجدة أمامها، فقد كان بينهما صراعات وصدامات لم تنتهي إلى اليوم..

-سهير بدهشة شديدة: انتي؟
لم تتوقع جانا هي الأخرى مجيء والدتها إليها، لذا نظرت إليها بأعين مدهوشة و...
-جانا فاغرة شفتيها: هاااااه
-عايدة متسائلة في حيرة: مين دي؟
-دينا متسائلة في استغراب: who s she؟
شعر حازم أن الوقت والمكان غير مناسبين بالمرة لكي يبرر سبب وجوده هنا، لذا...
-حازم بنبرة جادة: هنتكلم بعدين سولي هانم
-سيلين بنظرات قاتمة: اوكي..

دلف حازم خارج الغرفة، في حين أكمل الجميع دهشتهم من تلك الزيارات الغير متوقعة من أناس تربطهم مشاكل سابقة مع كلا العائلتين...
رمقت جانا والدتها بنظرات حانقة، و...
-جانا بنبرة منفعلة: انتي ايه اللي جابك؟
-سيلين ببرود: مش هتقولي وحشتيني يا مامي؟
-جانا بنبرة عصبية: مش أما تكوني أم أصلاً!
أدركت سهير أن الصدام بين جانا وسيلين سيحدث لا محالة، لذا بادرت ب...

-سهير بنبرة راجية: لو سمحتي يا مدام سيلين ممكن تمشي الوقتي
أشارت سيلين بيدها لسهير لكي تصمت، ونظرت إليها شزراً و...
-سيلين بنبرة متجهمة، ونظرات استعلاء: ششششش، انتي مين أصلاً عشان تقوليلي أمشي ولا لأ
-سهير بحدة: أنا مرات عمها واللي قايمة بدور سيادتك
-سيلين بتهكم: محدش قالك تاخدي دوري
مالت عايدة قليلاً على دينا التي وقفت بجوارها و...
-عايدة لدينا بخفوت: مين دي يا دودي؟

-دينا وهي تمط شفتيها في همس: مش عارفة أنطي ديلة
-سيلين بنبرة حادة: جانا is my daughter، وانا جاية أطمن عليها
-سهير بضيق واضح: محدش منعك، بس البنت مش حابة تقابلك الوقتي
تملك جانا الغضب، ولم تعد تستطيع أن تسيطر على انفعالاتها المفرطة لذا...
-جانا بحدة وهي تشير بيدها: اطلعي بره!
-سيلين بنبرة باردة: جاجووو حبيبتي، أنا جاية أخدك معايا، أرجعك لحضني.

-جانا بنبرة ضائقة: أنا مش عاوزة ارجع تاني ليكي، انتي ليه مش بتفهمي ده
-سهير بنبرة جادة: من فضلك يا سيلين
-سيلين مقاطعة بحدة: شششش، اسكتي خالص، انا بتكلم مع بني، مش عاوزة الأشكال اللي زيك تتحشر بينا
-سهير بعصبية: لأ مسمحلكيش
لم تتقبل دينا أن تهان والدتها على مرآى ومسمع منها، لذا تدخلت هي الأخرى و...
-دينا بنبرة منفعلة: Hey, you، متكلميش مع مامي كده.

-سيلين بتهكم صريح وهي ترمقها بنظرات ازدراء: ودي مين دي كمان اللي بتكلم؟
-عايدة بنبرة عالية نسبياً: يا جماعة اهدوا، بليز مينفعش كده، احنا في مستشفى، وجانا محتاجة ترتاح..!
رمقت سيلين عايدة هي الأخرى بنظرات استعلاء، ثم أشاحت بوجهها بعيداً عنها، ونظرت إلى جانا و...

-سيلين بنبرة شبه هادئة: جانا، بصي يا بيبي، في الأول ولا في الأخر مش هتلاقي غير بيت مامي مفتوحلك، كل الناس دي مقربالك بس عشان خاطر ال money بتاعك
-جانا بنظرات شرسة: برضوه الفلوس!
-سيلين وهي توميء برأسها: ييس، دي الحقيقة اللي لازم تفهمهيها، الكل بيدور ع مصلحته معاكي، وانتي كنز بالنسبالهم..!
لم تطق سهير أن تستمر سيلين في إطلاق الأكاذيب، لذا...
-سهير بنبرة ثائرة: يا شيخة اتهدي، انتي ايه شيطان؟

التفتت سيلين بجسدها ناحية عايدة، وسارت في اتجاهها و...
-سيلين بعصبية ونظرات حادة: اسكتي خالص، انتو لأمتى هتفضلوا ضاحكين على عقل بنتي؟ نصبتوا على باباها وخدتوا فلوسه، والوقتي بنتي...!
-جانا بنبرة ممتعضة: بليز اسكتي يا مامي
أشاحت سهير بيدها في وجه سيلين، ورمقتها بنظرات احتقار و...
-سهير بنبرة غاضبة: فلوس ايه يا أم فلوس انتي، لو كنتوا نسيتوا اللي جرى هاتوا الدفاتر تتقرى.

-عايدة بنبرة عالية: ميصحش كده، بليز نقعد نتكلم
-سيلين بحدة: انتو نصابين وحرامية وبتدعوا الشرف
-سهير بنرفزة: لأ فوقي لنفسك يا هانم، النصابة هي انتي وجوزك اللي ضحكتوا على عاصم، وكنتوا عاوزين تستغفلوه وتدخلوه في مشاريع وهمية عشان تلهفوا فلوسه، وأما اكتشف ده لحق نفسه ورجع على بلده تاني وفي حضن أخوه عشان يحميه...!
-سيلين بنبرة منفعلة للغاية: انتي كدابة، ضحكتوا على عاصم.

-سهير بنظرات ثابتة، ونبرة صادحة: لأ مش كدابة، والنهاردة بتعملي نفس الفيلم الزبالة ده تاني على بنتك، ده بدل ما تاخديها في حضنك بتدوري على فلوسها
-سيلين بنبرة متجهمة: دي فلوسي أنا كمان مش فلوسها لوحدها...!
-جانا بنظرات جاحظة: الفلوس!
-سهير بضيق جليّ: مش بقولك انتي واحدة بتدوري على مصلحتك حتى لو على حساب بنتك
-سيلين بنظرات شرسة، ونبرة قاسية: بنتي مصلحتها معايا، وفلوسها هي فلوسي وهاخد الاتنين غصب عنكو.

صرخت جانا عالياً ليهز صدى صراخها أركان الغرفة و...
-جانا بصريخ وهي تشير بيدها: بسسسسسسسسسس، بره مش عاوزة أشوف وشك
-سيلين بنظرات مصدومة: جاجووو حبيبتي
-جانا بنظرات قاتلة، ونبرة آمرة: بررررررررررررره out
أدركت عايدة أن الوضع قد تأزم بالفعل، وأن الجدال قد بلغ ذروته، لذا...
-عايدة بنبرة مضطربة: آآآ، طب يالا نطلع يا جماعة بره الوقتي، ونكمل كلامنا في مكان تاني.

-دينا وهي تشير بيدها، وبنظرات راجية: يالا يا مامي
ظلت جانا مسلطة نظريها على والدتها، و...
-جانا لسيلين بحدة: انتي مابتسمعيش، Get out
-سهير على مضض: يالا بينا يا دينا
أشارت جانا لزوجة عمها بيدها، ثم...
-جانا بنبرة عصبية وجافة: لأ يا أنطي، كلكم هتستنوا إلا هي، اطلعي بره ياسيلين هانم
-سيلين بنظرات مغتاظة وهي تجز على أسنانها: بتطرديني يا جانا
-جانا ببرود تام، ونظرات إزدراء: Out.

-سيلين وهي تعض على شفتيها في حنق: ممممممم، طيب، بس اعرفي ان حياتك الوقتي في ايدي أنا، وزي ما عرفت أدمرها، أقدر أدمر ناس تانية...!
أصغت عايدة إلى عبارة سيلين الأخيرة بإنصات تام، وظلت تفكر في الغرض وراء عبارتها تلك و...
-عايدة لدينا متسائلة باستغراب: تقصد ايه دي؟
-دينا بتوجس: مش عارفة!
-سهير بنبرة جادة وواثقة: مش هتقدري، طول ما أحنا جمبها مش هتعرفي
-سيلين بنظرات متحدية: هنشوف، والأيام بينا...!

وبالفعل دلفت سيلين إلى خارج الغرفة وعلى وجهها الغضب العارم، فهي لم تتوقع تلك الردود الحانقة من جانا أو حتى أن تطردها من غرفتها بكل صرامة...
-سيلين وهي تتوعد: هدمركم كلكم، زي ما غيرتوا بنتي عليا هدمركم...!
سارت سيلين في الرواق نحو مخرج المشفى، ثم بحثت في حقيبة يدها عن هاتفها المحمول، وما إن وجدته حتى أخرجته، وضغطت على الأزرار في عصبية و...
-سيلين وهي تهاتف رامز بنبرة منزعجة: هاي رامز، Come now.

-رامز متسائلاً: انتي فين؟
-سيلين بضيق واضح: كنت عند جانا، بس، بس
-رامز متسائلاً بتوجس: what happened؟
-سيلين وهي تجز على أسنانها في حنق: أنا اتعصبت وخرجت عن شعوري و، آآآ
-رامز مقاطعاً بتوتر: أوعي تكوني نيلتي الدنيا؟
-سيلين بانزعاج واضح: مش عارفة، بس مش هسيبهم
لم يعد رامز في حاجة لفهم ما يحدث من زوجته، فقد أدرك أنها لم تتصرف بحكمة مع جانا، وأنها قد أخفقت في مسعاها...

-رامز على مضض: calm down now، انا جايلك
أنهى رامز المكالمة مع سيلين، ثم كور قبضة يده في ضيق واضح، و...
-رامز وهو يلوي فمه: اكيد عملت مصيبة! بغبائها واستعجالها هتبوظ كل اللي بخططله! أنا قولتلها من الأول متروحش عند جانا والجماعة الفقر دول عندها، بس دماغها جزمة وعملت اللي هي عاوزاه...!
ثم رن هاتف رامز، فرفعه ليرى اسم المتصل، فامتعض وجهه حينما قرأه، ولكنه كان مضطراً أن يجيب على ذلك الاتصال،.

-رامز هاتفياً ببرود: ألوو
-دارين هاتفياً بتوتر: هاي رامز
-رامز بقرف: خير يا دارين
-دارين بتردد: أنا، أنا..
-رامز متسائلاً في حنق: انتي ايه يا دارين؟
-دارين وهي تبتلع ريقها في توتر شديد: أنا pregnant!
اعتلت الدهشة وجه رامز، وفغر شفتيه في صدمة، ولم يصدق ما قد سمع لتوه و...
-رامز بتهكم صريح: نعم ياختي؟
-دارين بنبرة مضطربة: زي ما بقولك كده، أنا حامل.

صمت رامز للحظات، وكأنه يحاول أن يفكر في حل سريع للخروج من ذلك المأزق، لذا..
-رامز ببرود تام: طب مبروك
اندهشت دارين من ردة فعل رامز الجافة على ما قالته و...
-دارين بقلق: بس ده، ده منك انت
-رامز بتهكم: وده من ايه ان شاء الله..!
-دارين بنظرات متوجسة، وبعدم فهم: قصدك ايه؟
-رامز بنبرة جافة وقاسية: قصدي يا حلوة، شوفي حد تاني تلزقيله المصيبة دي
شعرت دارين أنها قد تلقت دلواً من الماء البارد على رأسها و...

-دارين بنظرات زائغة، ونبرة مرتعدة: انت بتقول ايه؟ مش انت اللي كنت نايم معايا
-رامز بنبرة قاسية: لأ يا حلوة، أنا واخدك used، سكاند هاند يعني، شوفي مين قبلي غلط معاكي
ابتلعت دارين ريقها في توتر صريح، وأطرقت رأسها في خزي و...
-دارين بخوف وصوت خافت: بس، بس، ده أنا حامل منك
-رامز بقسوة: معرفكيش
تملك الغضب دارين حينما وصل حديثها مع رامز إلى طريق مسدود و...
-دارين بنبرة حادة: انت جبان وخسيس و...

-رامز بنبرة محذرة وصوت صارم: لمي نفسك يا بت انتي، وبعدين كله كان بمزاجك أنا مضربتكيش على ايدك..!
بدأت العبرات تتجمع في مقلتي دراين، ثم أجهشت في البكاء، وحاولت أن تسيطر على انفعالها و..
-دارين بنبرة باكية وصوت مختنق: انت ضحكت عليا وفهمتني انك آآآآ...
-رامز مقاطعاً ببرود شديد: كان برضاكي ولا لأ، وزي ما قولتلك أنا مكونتش أول حد في حياتك، فشوفي حد غيري تلبسيه الليلة
-دارين بنبرة تهديد: انا، أنا هفضحك.

-رامز بعدم اكتراث، ونبرة جافة للغاية: روحي، هو أنا حوشتك، ويا رايح كتر من الفضايح، يا بت ده أنا صايع قديم، لافف وداير، مش واحدة زيك لسه مطلعتش من البيضة هتعملهم عليا
اغتاظت دارين أكثر من قسوة رامز معها، فضاقت عينيها، وجففت دموعها و...
-دارين بحدة: اه يا واطي يا...
-رامز بنبرة عالية وصارمة: اخرسي واسمعيني، أنا ممكن أساعدك، أوديكي عند دكتور من اياهم يظبطك...!

خفق قلب دارين بقوة حينما سمعت تلك العبارة الأخيرة منه، و...
-دارين بنظرات مصدومة، ونبرة منفعلة: انت اتجننت، ده أنا ممكن أروح فيها
-رامز بإيجاز: خلاص اتصرفي بمعرفتك، سلام يا، يا قطة!
أنهى رامز المكالمة مع دارين دون أن يعبيء بها، في حين اجهشت دارين بالبكاء، وإنهارت تماماً، ولم تعد تقوْ ساقيها على حملها، فجثت على ركبتيها وظلت ترثي حالها و...
-دارين ببكاء مرير: أنا، انا اللي ضيعت نفسي!

Flash Back لما حدث مع دارين
أثناء وجود دارين في المطعم مع حازم وسيلين ورامز، وبعد استئذان دارين للذهاب إلى المرحاض، عرض رامز عليها أن يريها الطريق، لذا انصرف كلاهما سوياً، اقترب رامز من دارين، ووضع يده على خصرها، فانتفض جسدها فزعاً منه، في حين رمقها هو بنظرات جريئة و...
-رامز وهو يتنحنح: احم، آآ، سوري ان كنت خضيتك
-دارين بحرج: It s Okay
-رامز مبتسماً في خبث: ممكن your phone number عشان نكون على تواصل.

-دارين بنبرة ناعمة: شور مستر رامز..
-رامز بنظرات لئيمة: انتي ممكن تقوليلي رامز ع طول
-دارين بتردد: بس، بس
-رامز مازحاً: It s okay, I am not so old
-دارين وهي تضحك: هههههههههههههههههه، طبعاً حضرتك لسه شباب
-رامز وهو يشير بيده: اتفضلي، وأنا هنتظرك
-دارين مبتسمة نص ابتسامة: ثانكس
في اليوم التالي
اتصل زيدان هاتفياً بدراين لكي يبدأ في السيطرة عليها وإخضاعها تحت إمرته، بالإضافة إلى الاستفادة منها و...

-رامز هاتفياً بصوت خافت: ألوو، دارين
-دارين هاتفياً بنبرة عادية: هاي مستر رامز
-رامز بلؤم: مش اتفقنا تقوليلي رامز ع طول
-دارين وهو تمط شفتيها: اووه، ييس، I am sorry I forgot
-رامز بنبرة جادة: بس انا مش بنسى
شعرت دارين أن هناك خطب ما وراء تلك المكالمة، لذا حاولت أن تتجنب تلميحات رامز الجلية في عبارته و...
-دارين متسائلة في استغراب: خير يا مستر، قصدي يا رامز.

-رامز بجدية: كنت عاوز أقابلك عشان أعرف شوية details عن عز
-دارين بنبرة مندهشة: ما أنا ممكن أقولك اللي أنت عاوزه ع الفون
-رامز بصوت رخيم: وتحرميني من فرصة إني أشوفك تاني
-دارين بقلق: بس، بس
-رامز بجدية: no excuses
صمتت دارين للحظات تفكر في طلب رامز بمقابلتها، فربما تستفيد منه في الانتقام من عز الدين وجانا، خاصة أن حازم لم يوفي إلى الآن بوعده في الانتقام منهما، لذا...
-دارين بنبرة ناعمة: عشان خاطرك بس.

-رامز مبتسماً ابتسامة شيطانية: ثانكس dear
وبالفعل تقابل كلاً من رامز ودارين في أحد المطاعم الفاخرة، مد رامز يده وأمسك بأحد المقاعد الجلدية، وسحبه للخلف لكي تجلس عليه دارين، وبالفعل جلست دارين، ونظرت إليه بامتنان ثم سار رامز في اتجاه مقعده، وجلس في مقابلتها، ومن ثم أخرج علبة زرقاء اللون، ومد يده في اتجاه دارين و، ،
-رامز مبتسماً: اتفضلي.

مدت دارين يدها، وامسكت بالعلبة الزرقاء، ونظرت إلى رامز باستغراب شديد و...
-دارين متسائلة: what s this؟
-رامز مبتسماً من بين أسنانه، وهو يشير بعينيه: افتحيها وهتعرفي
فتحت دارين العلبة، وتفاجئت بوجود عقد ماسي يلمع بداخلها، برقت عينيها حينما رأته، ولمح رامز لمعان عينيها، فأدرك أنه قد نال منها و..
-دارين بنظرات اعجاب: واو، ده عقد تحفة
-رامز بنظرات متفحصة: مايغلاش عليكي.

أغلقت دارين العلبة حيث أنها توجست خيفة مما قد يطلبه رامز منها، ثم مدت يدها في ناحيته و...
-دارين وهي تتنحنح في حرج: أحم، آآ، ثانكس، بس مقدرش أقبله
عقد رامز حاجبيه في استنكار، ثم نظر إليها بنظرات معاتبة و...
-رامز وهو يمط شفتيه في انزعاج: اوووه، هتزعليني منك
-دارين باستغراب: ليه؟
-رامز بنبرة جادة وهادئة: احنا الوقتي بنعمل بيزنس، وده زي ما بيقولوا هنا عربون محبة.

أصر رامز على أن تأخذ دارين العقد منه، ورغم أنها رفضت في البداية إلا انها إنهارت تماماً أمام إلحاحه، وأمام بريق الماس
-دارين مبتسمة: ثانكس
اعتلى فم رامز ابتسامة لئيمة، ثم نظر إلى دارين بنظرات جريئة، نفضت دارين شعرها للخلف بطريقة مثيرة، مما جعل رامز ينظر إليها بنظرات طامعة وراغبة و...
-رامز بنظرات متفحصة: ع فكرة انتي so beautiful
-دارين بثقة: ميرسي
-رامز بنبرة جادة: أنا مش بجامل ع فكرة، بس دي الحقيقة.

-دارين مبتسمة: ثانكس، انت قولتلي انك عاوز معلومات عن عز؟
-رامز وهو يوميء برأسه: شور، بس الوقتي أنا عاوزك انتي..!
اضطربت دارين حينما سمعت عبارة رامز الأخيرة، وتوجست خيفة منه و..
-دارين بعدم فهم: تقصد ايه؟
لاحظ رامز ارتباكها، لذا حاول أن يعدل قليلاً في اسلوبه و...
-رامز بنبرة هادئة: أقصد عاوز أعرف عنك كل حاجة
-دارين باستغراب: ليه؟

-رامز بنظرات متفحصة وطامعة: بصراحة، من ساعة ماشوفتك، وانا، أنا، اعذريني ع صراحتي، عاوز أعرف كل حاجة عنك، حاسس انك واحدة مختلفة، انك businesswomanرائعة
-دارين مبتسمة بسعادة: ميرسي
أدرك رامز أنه قد بدأ يصل إلى غرضه، وأنه قد نجح في التلاعب بعقل دارين، وبمشاعرها، وأن كلماته المزيفة والمنمقة قد لعبت على أوتار قلبها..
تراجع رامز للخلف، وأسند ظهره على المقعد، ثم نظر إلى دارين بنظرات ثابتة و...

-رامز بثقة: انتي عارفة اني rich man، الفلوس مالهاش حصر عندي، ونفسي أسيب كل ما أملك لحد أثق فيه
أرادت دارين أن تلعب هي الأخرى على رامز، خاصة أنها قد فهمت ما يرمي إليه، و...
-دارين مبتسمة: ربنا يخليلك مدام سولي
-رامز وهو يعيد رأسه للخلف: أها، سيلين، بصي سيلين مش هي اللي...
نهضت دارين عن مقعدها فجأة، وأمسكت بحقيبتها في يدها و..
-دارين مقاطعة بجدية: سوري مستر رامز، أنا أتاخرت.

نهض رامز هو الأخر عن مقعده، ووقف ينظر إليها باستغراب و...
-رامز مندهشاً: لسه بدري
-دارين بإيجاز: معلش، ورايا مواعيد تانية
-رامز مبتسماً: اها، شور، أكيد هنتقابل تاني
-دارين باقتضاب: ييس
مد رامز يده لكي يصافح دارين، ثم رفع كف يدها إلى فمه، وقبله، وأسبل لها جفنيه، ورمقها بنظرات مترقبة..

ظنت دارين أنها قد نجحت في إيقاع رامز في شِباك جمالها الآخاذ، ولكنها لم تكن تعلم أن رامز قد ضمن أنها وقعت في مصيدته لا محالة...
بعد مرور يومين...
اتصلت دارين هاتفياً برامز، وهي ترتجف من شدة الخوف لتطلب منه أن يساعدها في...
-دارين هاتفياً بنبرة مرتعدة: هاي مستر رامز
-رامز هاتفياً ببرود: هاي دارين
-دارين بنبرة مرتبكة: انا كنت واقعة في مشكلة كده ومحدش هيحلها إلاحضرتك
-رامز بإيجاز: خير.

-دارين وهي تبتلع ريقها بصوت خافت: أنا، انا مقبوض عليا في القسم بتهمة خبط واحد والسواقة في حالة سُكر
-رامز مدعياً دهشته: مش معقول
-دارين بنبرة راجية: بليز ساعدني
-رامز ببرود مفتعل: سوري دارين، انا عندي شغل ومش فاضي الوقتي
-دارين بتوسل: بليز مستر رامز، محدش من أهلي هنا، وحازم بكلمه مش بيرد عليا، فمش قدامي إلا أنت
-رامز باقتضاب: سوري
اختنق صوت دارين فجأة، وبدأت تبكي وهي تحدثه عبر الهاتف و...

-دارين بنبرة راجية: بليز، أنا مستعدة أعمل أي حاجة حضرتك تقولي عليها، بس بليز خرجني من هنا
-رامز بنبرة جافة: سوري دارين، زي ماقولتلك مش فاضي، أنا ممكن بس أبعتلك المحامي، لكن، أكتر من كده سوري!
-دارين برجاء شديد: بليز مستر رامز، بليز، أنا مستعدة اعملك أي حاجة
-رامز وهو يمط شفتيه في لؤم: مممممم، Are you sure؟ أي حاجة؟
-دارين برعب: ييس
-رامز متسائلاً بنبرة واثقة: طيب انتي في قسم ايه؟

-دارين بقلق: في قسم ال ((، ))
-رامز بنبرة جادة: خلاص أنا جايلك ومعايا المحامي، متقلقيش، بس خليكي عند وعدك، وإلا زي ما هخرجك م القسم في ثانية أرجعك السجن تاني
دلف أحد الأشخاص إلى مكتب رامز، ويبدو على وجهه علامات الإجرام...
-خليفة بصوت جهوري: تمام يا باشا، اللي أمرت بيه حصل
-رامز مبتمساً: حصل يا خليفة
-خليفة بنبرة جادة: تؤمرنا بايه تاني؟
-رامز وهو يلوي فمه: تسحب البلاغ، وتعمل اللي هاقولك عليه بالظبط.

-خليفة وهو يوميء برأسه: أوامر معاليك، بس، بس
-رامز متسائلاً: بس ايه؟
-خليفة بجدية: المعلوم يا باشا، المووني
-رامز وهو يعيد رأسه للخلف: أها..
وضع رامز يده في جيبه، ثم أخرج منه مبلغاً كبيراً من المال وأعطاه لذلك الشخص و...
-رامز بنظرات جادة: خد، كده مرضي؟
-خليفة وهو يعد النقود: مرضي أوي يا سعت الباشا، واحنا في الخدمة
-رامز بلهجة جادة: خلص بس اللي اتفقنا عليه
-خليفة بنظرات واثقة: اعتبره حصل...!

خارج قسم الشرطة
نجح رامز كما وعد دارين في إخراجها من قسم الشرطة، وفي جعل المحضر يتم التنازل عنه..
نظرت دارين إلى رامز بنظرات ممتنة و...
-دارين بنبرة فرحة: انا مش عارفة أقولك ايه يا مستر رامز
-رامز باقتضاب: متقوليش حاجة
-دارين على مضض: without you، كان زماني الوقتي في ال، المكان البيئة ده
-رامز بنظرات مترقبة، ونبرة جادة: أنا قولتلك، إن في ايدي اطلعك السما، وأعيشك ملكة زمانك، وأديكي كل ما أملك.

-دارين بتوجس: بس آآآ...
-رامز متسائلاً: بس ايه؟
-دارين بقلق: أنا، أنا خايفة
-رامز بخبث: هتخافي من ايه وانا معاكي
-دارين وهي تبتلع ريقها في توتر: انك، آآآ، انك تضحك عليا
-رامز بنظرات ضيقة، ونبرة ممتعضة: مش عيب عليكي تقولي كده، ايه فكراني عيل بيلعب معاكي ده أنا رامز عبد الشكور
-دارين بنبرة مضطربة: I didn t mean it، بس مراتك سيلين
-رامز وهو يلوي فمه في انزعاج: مالها؟

-دارين متائلة بترقب: هتعمل ايه لما تعرف اننا هنتجوز
-رامز بتهكم: نتجوز، انتي مخك راح لبعيد
-دارين بعدم فهم: قصدك ايه؟
-رامزبنظرات شيطانية، ونبرة مخيفة: قصدي نقضي يومين حلوين مع بعض، أنا أصلي بحب الوظاويظ اللي زيك كده
أدركت دارين للتو الهدف الذي كان يسعى إليه رامز منذ البداية معها و...
-دارين بتوجس: بس...
-رامز بحدة: شوفي يا حلوة، انا ممكن في لحظة أرجعك السجن تاني، اختاري، أنا ولا السجن.

-دارين بنظرات خائفة: آآآآآ...
لاحظ رامز توتر دارين، وتبدل ملامحها للخوف، لذا عَمَد إلى أن يستخدم اسلوبه اللين معها و...
-رامز بصوت هاديء: يا بيبي، معايا انتي هتكسبي، انا هخليكي تكوني فوق اوي، وكمان أي حاجة تطلبيها هعملهالك
-دارين بتردد: بس..
-رامز مبتسماً بثقة: متخافيش مع رامز انتي دايماً كسبانة
-دارين متسائلة في حيى: طب حازم، وعز؟

-رامز باستهجان: دول ورق الاتنين، في لحظة أحرقهم، مش انتي يهمك اني أدمر عز
-دارين بنظرات حانقة: ايوه، بس حازم صاحبي ولو عرف ان..
-رامز وهو يشير بيده، وبنبرة واثقة: متقلقيش محدش هيعرف حاجة، ها تحبي بقى نروح فين؟
-دارين بقلق: أنا تعبانة النهاردة و...
-رامز مقاطعاً بنظرات وضيعة: تعالي معايا وأنا هريحك!
-دارين متسائلة في توتر: احنا هنروح فين؟
-رامز بنظرات خبيثة: على بيتي
-دارين بخوف: بس سيلين مراتك ممك...

-رامز بنبرة جادة: متقلقيش هي سافرت النهاردة الفجر وهترجع بكرة، فهناخد راحتنا، ولا تحبي عندك
-دارين بلهفة: لألألألأ، بلاش، خليها عندك احسن
-رامز غامزاً: تعجبيني، يالا بينا يا حلوة.

وبالفعل ذهبت دارين بصحبة رامز إلى شقته حيث استسلمت له، ولكنه تفاجيء بأنها ليست فتاة عذراء كما ظن، لذا رمقها بنظرات احتقار، وابتعد عنها، وتمدد إلى جوارها على الفراش، ثم أمسك بعلبه سجائره الموضوعة على الكومود، وأخرج منها سيجارة وأشعلها وظل ينفث دخانها بحنق و...
-رامز وهو يدخن السجائر بلهجة آمرة: قومي البسي هدومك
-دارين باضطراي: ل، ليه؟
-رامز بنظرات قاتلة: بتضحكي عليا؟

-دارين وهي تبتلع ريقها: أنا؟ طب ليه؟
-رامز بنظرات شيطانية، ونبرة حادة: فكراني أهبل ومش عارف
-دارين بتوجس: آآآآ...
اغتاظ رامز من دارين، وأمسك بفكها بقبضة يده، وظل يضغط عليه محاولاً عصره و...
-رامز بنبرة غاضبة: أما انتي كده، بتعملي بنت ناس عليا ليه؟
تأوهت دارين من الآلم، وحاولت أن تتخلص من قبضته و...
-دارين متآلمة: آآآآه، أنا، أنا
أرخى رامز قبضته عن دارين، ثم رمقها مجدداً بنظرات استنكار و...

-رامز وهو يلوي فمه في تهكم: بس، شكراً ع الوقت اللطيف، وأهي تجربة وعدت، by the way, the necklace is fake زيك!
فغرت دارين شفتيها في صدمة، ونظرت إليه بعدم تصديق و...
-دارين بنظرات مصدومة: نعم؟
-رامز بتهكم واضح: العقد زيك مش أصلي
-دارين وهي تبتلع ريقها في اضطراب: يعني، يعني...
-رامز بنبرة جادة: بس أنا عند وعدي لسه، هدمرلك عز!

وبالفعل تكررت اللقاءات السرية أحياناً بينهما، وتعددت العلاقة المحرمة إما في فيلا دارين، واحياناً أخرى في شقة مفروشة وضيعة...
-رامز وهو عاري الصدر، وبنبرة هادئة: بصراحة يا دونا، منكرش انك الوحيدة اللي بتظبطيني
-دراين وهي تزم شفتيها: أها..
-رامز بتهكم: سيلين راحت عليها من بدري
-دارين بجدية: رامز، أنا عاوزة money
-رامز بانزعاج: ايه مابتشبعيش
-دارين بضيق: يعني، مش بتاخد المقابل.

-رامز ضاحكاً في استهانة: هههههههههههه عندك حق
-دارين متسائلة بحنق: وبعدين فين وعدك ليا بأنك تدمر عز
-رامز بنبرة جادة: هانت، كلها ساعات وهتشوفي
-دارين بلهفة: بجد؟
-رامز وهو يعبث بخصلات شعرها: شور يا بيبي، بس عاوزك تعملي الفيلم ده
-دارين متسائلة: فيلم ايه؟
-رامز بنظرات خبيثة: حاجة بتعرفي تعمليها كويس، بس المرة دي هتتقمصي شخصية واحدة
-دارين بعدم فهم: تقصد مين؟
-رامز بنظرات شيطانية: جانا.

-دارين فاغرة شفتيها في صدمة: مين؟
في فيلا عز الدين وجانا
اتصلت جانا هاتفياً بصاحب محل المصوغات لكي تبلغه بشأن كسر القفل الخاص بسلسلتها و...
-جانا هاتفياً: خلاص يا مستر شريف، هبعت لحضرتك السلسلة مع الشغالة تصلحها، انت عارف دي غالية أوي عليا
-شريف الصائغ هاتفياً بصوت هاديء: حضرتك تؤمرينا يا مدام جانا، المهندس عز صاحب مكان
-جانا بنبرة راجية: بس بليز مش تقوله ان القفل اتكسر لأحسن يزعل.

-شريف الصائغ بصوت هاديء نسبياً: حاضر يا مدام
-جانا متسائلة: أه معلش كنت عاوزة أسأل سؤال
-شريف الصائغ بصوت واضح: اتفضلي حضرتك
-جانا بتردد: آآآ، هو، ينفع إني أزود على النقشة حرف؟
-شريف الصائغ مبتسماً: ممكن يا مدام نعملها حاجة زي الدلاية كده
-جانا بنبرة فرحة: Great، شكراً كتير مستر شريف، وهبعتلك السلسلة مع الشغالة دلال، وحضرتك تبلغني بالتكاليف.

-شريف الصائغ مبتسماً في هدوء: خلاص يا فندم، هبعتلك الفاتورة معاها
-جانا بسعادة: ثانكس كتير
أنهت جانا المكالمة الهاتفية مع الصائغ، ثم صاحت في الخادمة ب...
-جانا لدلال بنبرة عالية: دلال، دلااااااال!
-الخادمة دلال بصوت ناعم: أيوه يا هانم
-جانا وهي تمد يدها بالسلسلة: خدي السلسلة دي وديها لمحل المصوغات اللي اسمه ((اللؤلؤة ))، هيقابلك مستر شريف هناك هتقوليله اني بعتاكي وهو هيصلح القفل بتاعها.

-الخادمة دلال: حاضر يا هانم، هخلص بس اللي ورايا وعلى طول هاروحله
-جانا وهي توميء برأسها: اوكي، بس متنسيش، ضروري تصلحيها، وخدي دول عشانك
-دلال وهي تضع النقود في صدرها، وبنبرة فرحة: ياخد عدوينك يااااا رب.

اتصلت الخادمة دلال بدارين لكي تبلغها بأنها قد أنجزت الجزء المطلوب منها، حيث استطاعت دارين أن تجند الخادمة لكي تعمل لصالحها وتأتيها بأخبار جانا وعز الدين أولاً بأول في مقابل مبلغاً من المال..
-الخادمة دلال هاتفياً: خلاص يا ست دارين، عملتاللي قولتلي عليه
-دارين متسائلة: جبتي هدوم جانا؟
-دلال وهي تهز رأسها: ايوه معايا، بس، بس في حاجة كده!
-دارين باستغراب: حاجة ايه؟

-دلال بنبرة خافتة: الست جانا ادتني سلسلتها أوديها تصلح
-دارين وهي تمط شفتيها: سلسلة؟
-دلال وهي توميء برأسها: ايوه، ها يا ست دارين، أعمل ايه؟ أوديها ولا أطنش وأجيبهالك.
فكرت دارين قليلاً فيما قالته الخادمة، ثم حسمت أمرها في النهاية ب...
-دارين وهي تزم شفتيها: مممم، أقولك، هاتيها
-دلال بنبرة جادة: بس ده بحساب جديد
-دارين بتهكم: والله واتعلمنا نعمل سمسرة يا دلال
-دلال مبتسمة في لؤم: البركة فيكي ياست هانم.

-دارين على مضض: اوكي، شوفي انت عاوزة ايه، بس السلسلة تكون عندي النهاردة مع الهدوم.
-دلال بنبرة فرحة: حاضر ياستي، طب لو ست جانا سألتني عنها؟
-دارين وهي تمط شفتيها: ممم، بصي قوليلها، انها هتاخد وقت عشان تصلح، ولا أقولك قوليلها ان الصايغ قالك تعالي بعد اسبوع استليمها
-دلال بنبرة متوجسة: بس يا ستي السلسلة ترجع.

-دارين بحدة: انتي عبيطة يا دلال، هو انتي مفكراني زيك خدامة، ده أنا أشتري مليون سلسلة زيها، هخلص بيها بس مصلحة وأرجعهالك
-دلال بتوتر: ماشي يا ست دارين
في النادي
وصل حازم إلى النادي، وجاب ببصره المكان بحثاً عن دارين، ولكنه لم يجد سوى لوجي جالسة على طاولتهم المعتادة، لذا اقترب منها و..
-حازم متسائلاً: اومال فين دونا؟
-لوجي بنبرة عادية: لسه مجتش.

-حازم وهو يلوي فمه: ممم، أنا عمال طلبها مش بترد، أما تيجي خليها تحصلني ع الساونا
-لوجي باندهاش: ليه؟
-حازم بغمزة: هنقول كلام كبير
-لوجي بنظرات مترقبة: ممم، بس الساونا بايظة
-حازم مبتسماً بخبث: ماهو عشان كده عاوزها تيجني على هناك
-لوجي بجدية: اوكي، لو شفتها هبلغها
ثم انضمت إليهما ياسمين و...
-ياسمين وهي تلوح بيدها: هاي زوما، هاي لوجي
-حازم مبتمساً: هاي ياسمين، فين دونا؟

-ياسمين وهي تشير بيدها: بتركن العربية بره وجاية
-حازم بجدية: طب تمام اوي، جاهزة؟
-ياسمين وهي توميء برأسها: ييس
-حازم وهو يشير بيده: خلاص أنا هسبقكوا وانتو حصلوني
-ياسمين مبتسمة: done
لاحظت لوجي وجود شئ ما غريب يجري حولها، لذا...
-لوجي متسائلة: هو في ايه بالظبط؟
-ياسمين بتردد: آآآ، آآ. مافيش
-لوجي بنبرة منزعجة: من امتى يا ياسمين بتخبي عليا؟
-ياسمين بجدية: بصي انا ماليش دعوة، دارين هي اللي عاوزة كده.

-لوجي متسائلة: ايه في love storyجديد مع حازم؟
-ياسمين بتوتر: آآآ، أه، حاجة زي كده
وصلت دارين هي الأخرى إلى النادي، ثم
-دارين متسائلة: بترغوا في ايه؟
-لوجي مبتسمة: هاي دونا، miss you كتير
-دارين باقتضاب: هاي لوجي، ها يا ياسمين، جاهزة؟
-ياسمين وهي توميء برأسها: of course
-لوجي باندهاش: على فين؟
-دارين بإيجاز: مشوار كده وراجعين
-لوجي بغمزة: مع حبيب القلب
-دارين بنظرات جادة: قصدك ايه؟

-لوجي وهي تعقد حاجبيها: قصدي حازم
-دارين بتردد: هه، يعني، اشوفك بعدين، يالا يا ياسمين
-لوجي مبتسمة: اوك، have fun.

وبالفعل نفذت دارين المطلوب منها في أن تغوي الخادمة بالمال لتحضر لها ملابس جانا الخاصة، وأضافت عليها السلسلة التي كان عز الدين قد أهداها لجانا، كما قامت بتنفيذ الجزء الأخر من الخطة وهو تصوير مشاهد غير لائقة بظهرها مع حازم تارة وهي ترتدي ملابس جانا، وتارة أخرى بدونها، ثم أنتهت تلك التمثيلية الرخيصة بالقاء سلسلة جانا لتؤكد أنها الفتاة المختبئة خلف الباب الزجاجي، ثم أعقب ذلك قيامها بارسال الصور ومقطع الفيديو إلى هاتف عز الدين من رقم مجهول لتكتمل الخطة وتتدمر الحياة الزوجية لعز الدين وجانا...

في شقة حازم
طلبت دارين من حازم أن يساعدها في مشكلتها، خاصة بعد أن علمت أنها تحمل في أحشائها جنيناً و...
-دارين بغضب: يعني مش هتساعدني في المشكلة اللي أنا واقعة فيها دي؟
-حازم باقتضاب: لأ
-دارين بنبرة حانقة: انت نسيت انت عملت فيا ايه؟
-حازم بعدم اكتراث: لأ منستش
-دارين بنرفزة: انت خلتني أخسر نفسي وأبيعها بالرخيص لواحد زي رامز
-حازم بتهكم: مش خدتي المقابل
-دارين بعدم فهم: قصدك ايه؟

-حازم بنظرات مغتاظة، ونبرة جادة: قصدي أنا كنت مستعد أعمل اي حاجة عشان بس تحني عليا، لكن انتي، انتي مكونتيش أصلاً شيفاني وكان كل همك عز وازاي توقعيه، مهمكيش تدوسي على مشاعري وتحرقيني كل شوية بكلامك عنه
-دارين بنظرات زائغة: انت، انت.

-حازم بحدة وهو يشير بيده: ايوه، أنا كنت بحبك وعملت كل حاجة كنتي بتطلبيها عشان بس أنول منك ابتسامة رضا، لكن لاقيت كل اللي بعمله عشان خاطر البيه عز، واني يدوب مجرد شخشيخة في ايدك، فقولت وليه ماستفدش منك وغيري كمان يستفاد طالما المصلحة عاوزة ده
-دارين متسائلة: مصلحة؟ يعني ايه؟
-حازم بنظرات مهينة: يعني أخد اللي عاوزه منك، وألبسلك لعز، ماهو مش معقول ياخد كل حاجة فريش وع البيكو وأنا أخد فضلته.

-دارين بنظرات مصدومة: ايه؟
-حازم بنبرة ممتعضة: وحاجة قصاد حاجة، انا كنت أول حد في حياتك، وانتي خدتي انتقامك منه، بس الصراحة متوقعتش انك تسلمي نمر بسرعة لرامز، وكمان أنا من ساعة ماشوفت جانا مرات عز وانا، أنا هتهبل عليها
-دارين فاغرة شفتيها في صدمة: البت اللوكال دي.

-حازم مبتسماً: هي اه لوكال بالنسبالك، لكن هي كنز كنز غالي أوي للي يقدره، لأ و جامدة كمان، كان نفسي أوي احرق قلب عز على حاجة غالية عنده، وانتي ماكونتيش فارقة معاه حتى ولا كان بيبصلك، وزي ماهو خد مني حبي ليكي وخلاكي متحسيش بيا ولا كأني موجود، فأنا كمان هاخد مراته من حضنه وهتبقى ليا
-دارين بنظرات استنكار: حتى انت يا حازم؟

-حازم بنظرات مهينة: انتي اللي عملتي في نفسك كده، فضلتي تبصي على غيرك وتنسي اللي معاكي، وبعتي نفسك بالرخيص لأي حد بس عشان توصلي لعز، ف، فاشربي بقى!
-دارين بنبرة غاضبة: وانا مش هسمحلك تحقق اللي انت عاوزه
تملك الغضب من حازم، ومد يده، وأمسك دارين من شعرها، وجذبها بعنف منه و...

-حازم بنبرة تهديد: يبقى تقولي على نفسك يا رحمن يا رحيم، أنا معنديش حاجة أخسرها، واللي هيقرب من جانا هقتله حتى لو كنتي انتي، جانا م الاخر بتاعتي أنا وبس
تأوهت دارين من الآلم كثيراً، وظلت تتلوى أسفل يده، وحاولت أن تُخلص شعرها من قبضة حازم و...
-دارين متآلمة: اوكي، اوكي، اعمل اللي انت عاوزه!
-حازم وهو يدفعها بقسوة: يالا بقى اتمشي من هنا عشان انا خارج.

-دارين في نفسها بتوعد ونبرة تهديد: هتشوف، هتشوف يا حازم، هتشوفوا كلكم
عودة للوقت الحاضر
مالم تكن تتوقعه دارين هو أن حياتها هي الاخرى قد تدمرت معهما، فهي سقطت مرتين بسبب هوسها بعز والانتقام منه، فمرة كانت مع حازم، ومرة أخرى مع رامز...!
وها قد حان الوقت لتدفع ثمن أخطائها...!

الفصل التالي
جميع الفصول
روايات الكاتب
روايات مشابهة