قصص و روايات - قصص رائعة :

رواية خنجر غدر للكاتبة يارا رشدي الفصل الثاني

رواية خنجر غدر للكاتبة يارا رشدي الفصل الثاني

رواية خنجر غدر للكاتبة يارا رشدي الفصل الثاني

وفي منتصف الليل
تجلس علي الفراش ورشاد يغفو بجانبها.
تبعث بهاتفها وعندما شعرت بالملل قامت بفتح محادثه ماسنجر
ظلت تقلب في رسائل التي ارسلها لها اليوم والقديمه. العديد من رسائل الغرام.

كل يوم ترسل لها رسائل من هذا النوع من ذلك الحساب المجهول ومقاطع صوتيه من الاغاني. عندما ارسل لها اول مره هذا الحساب رساله غرام قامت بوضعه في الحظر ظهر لها حساب اخر واخر وكلما تضعه في الحظر يرسل لها من حساب اخر وعندما ترسل له تسائله من هو لا يجيبها فقط يرسل لها رسائل غراميه ومقاطع صوتيه.
ظلت تقلب في تلك الرسائل وتستمع إلى المقاطع الصوتيه وعقلها يفكر في من ذلك المجهول.

من الذي يعلم الكثير من التفاصيل عنها؟ ملامحها ملابسها كل شئ يحضها،!
اغلقت الهاتف ووضعته بجانبها وهي تفكر في ذلك المجهول.
استيقظت من نومها علي صوت رشاد الذي يقول بعصبيه: الفطار فين ولا هنزل من غير فطار؟
اعتدلت من الفراش وهي تقول: هي الساعه كام؟
ثمانيه ونص يا ست هانم!
نهضت من مكانها قائلا: ياخبر اسفه والله راحت عليا نومه غصب عني
ايوه ما هو كله غصب عنك ابنك ضاع عليه يوم في المدرسه بسببك
تنهدت لبني وهي تقول.

ازاي منبه الموبيل مرنش النهارده؟
انتي هترغي اخلصي اعمليلي فطار
قالها بانفعال وعصبيه.
ينظر إلى ساعه يديه بضيق الساعه قاربت علي التاسعه وهي لم تنهي الافطار وتحضره.
زفر بقوه ثم نهض من مكانه وتناول الحقيبه هاتفآ: دي بقيت عيشه تقرف
قالها ثم غادر الشقه بعدما صفع الباب بقوه وصل اليها ذلك الصوت وخرجت من المطبخ لتجد المائده فارغه ورحل رشاد.
مالك مش طايق نفس النهارده ليه اتخانقت مع لبني بردو؟

قالها رفيقه حسن ليجيبه هو: اكيد طبعا وهي العيشه معاها ايه غير خناق ونكد بيت وعيلين وراجل مش عارفه تهتم بيهم لا عارفه تعمل اكل عدل ولا عارفه تسكت بنتها إلى شغاله صراخ اربعه وعشرين ساعه
معلش علشان الولاد صغيرين كلهم ماسكين فيها حاول انت تساعدها في شغل البيت
ماهي سلمي مراتك عندها تؤام وحياتها اكيد اصعب من لبني بتساعدها انت ولا في حاجه مقصره فيها؟

بصراحه لا مبمدش ايدي في حاجه بس هي بتختلف يعني من كل واحده لتانيه في واحده بتقدر وواحده لا
ابتسم رشاد ساخرآ وهو يقول: اهي إلى عندي مش قادره علي اي حاجه كنت فضلت من غير جواز احسن
لسه بتحبها ولا بطلت؟
قالها حسن بتساؤل ليجيبه رشاد: مشكلتي اني بحبها
ابتسم حسن رغمآ عنه ثم قال: خلاص هاتلها واحده تساعدها شويه في شغل البيت
واضمن منين الواحده دي تكون كويسه ومتسرقش حاجه؟ هدخل نفسي في حوارت مش هتخلص.

معاك حق، طب ايه رايك تجبلها هديه انت اخر هديه جبتهالها كانت في عيدميلادها يعني هاتلها هديه كده من غير مناسبه واتكلم معاها براحه وفهمها ايه للي بيضايقك منها وانك محتاج اهتمامها ماهو مش هينفع حياتكم دي كلها نكد وخناق
اجرب طيب اجبلها ايه حاجه دهب ولا لبس ولا ايه؟
الستات بيحبوا اكتر حاجه الدهب.

صمت قليلا رشاد وهو يفكر في كلمات حسن تلك ليقول: بس خلي بالك يا رشاد كده لبني هتدلع عليك كل شويه علشان بعدين متجيش تمسك فيا وتقولي انا السبب
بلاها هدايا خالص هو انا ناقص يا عم حسن
ابتسم حسن ثم قال: النهارده انت ومراتك معزومين عندنا هبقي اقول لسلمي تتكلم معاها.

تقف في المطبخ تقوم بطهو الطعام وهي تحمل الضغيره علي ذراعيها التي تبكي وتنظر إلى شاشه الهاتف وتنقل منه معاير الطعام، تخشي ان تطهو طعام سئ مثل كل مره ويعترض رشاد عليه.
وصلت لها رساله من رشاد الذي يقول: متعمليش غداء النهارده احنا معزومين عند حسن
تنهدت بارتياح ثم قامت باطفاء النيران علي الاواني وهزت الصغيره وهي تقول: يا بنتي انتي ايه مبتفصليش خالص كده.

خرجت من المطبخ ثم جلست علي الاريكه وبعثت بهاتفها لتصل لها رساله من ذلك الحساب المجهول.
أليس جنونآ ان اتحدث مع نفسي عنك
ابتسمت وهي تقرا تلك الكلمات برغم انها مجرد كلمات عاديه جدا الا انها تشعرها بالسعاده.

دلف إلى الشقه وجدها تجلس تشاهد التلفاز وملك تغفو علي الاريكه بجانبها.
انتي لسه مجهزتيش؟!
لسه بدري لحد ما انت تاخد شاور وتجهز هكون انا خلصت
مسح علي راسه بنفاذ صبر وهو يقول: المفروض كنتي تجهزي من بدري لانك مش هتجهزي لوحدك في اتنين تاني هيجهزو معاكي وكل ده هياخد وقت انا بجد مش عارف دماغك دي فيها ايه
يا رشاد مش هنتاخر هخلص انا والولاد بسرعه
قالتها لبني بضيق ليقول وهو يرحل: الصبر من عندك يارب.

لوت لبني فهمها بضيق هاتفه: كل حاجه لازم تمشي بمزاجكك ايه ده
ينفث سيجارته بملل ويتابع لبني التي تقوم بتجهيز نفسها والاطفال. مر نصف ساعه منذ ان انتهي هو من ارتداء ملابسه.
وهي لم تنتهي بعد.
يحاول عمرو ارتداء الجورب ولكنه في كل مره يقوم بارتدائه خطا.
هتف إلى والدته: مش عارفه يا ماما البس الشراب
ثواني يا عمرو البس انا واختك واجي البسهولك
قالتها لبني بصوت مرتفع ليقول رشاد: هات يا ابني البسهولك دي حاجه تشل.

ناوله الجورب قام رشاد بوضعه في قدميه وعندما انتهي نظر إلى ساعه يديه وهو يقول: يا ست هانم اتاخرنا علي الناس
خرجت لبني وهي تحمل ابنتها هاتفه: خلاص يا رشاد خلصت اهو
نهض وهو يقول: وفيها ايه لو كنتي اتنيلتي جهزتي بدري
اهو إلى حصل يا رشاد
ثم نظرت إلى عمرو قائله: وريني كده لابس الشراب صح ولا لا؟
لا صح انا لبستهوله يلا خلينا نغور ونخلص
قالها بغضب مكتوم
وفي شقه حسن.

يقف امام المراه ويقوم بوضع العطر ثم ترتيب شعره وعندما وصل اليه صوت بكاء الصغيره ابنته اقترب منها وقام بحملها ظل يحركها برفق حتى صمتت وضعها علي الفراش بجانب شقيقها التوام ثم اتجه إلى زوجته التي تقف في المطبخ هاتفآ: ها يا روحي خلصتي؟
اومات سلمي راسها هاتفه: اه كل حاجه جهزت متقلقش باقي بس اعمل الطشه بتاعه الملوخيه وتمام كده
طيب روحي انتي يلا جهزي نفسك لان زمانهم علي وصول وانا هعمل الطشه.

انا هعملها بسرعه واجهز كفايه انك جيت من الشغل ماخدتش نفسك وفضلت واقف معايا في المطبخ تجهز الاكل
يعني اسيبك محتاسه كده بين المطبخ والولاد لازم طبعا اساعدك يلا بقي روحي اجهزي مش هنضيع الوقت في الكلام احنا
ابتسمت له سلمي وهتفت: حاضر
ممكن من فضلك يعني متحرجنيش النهارده قدام صاحبك ومراته؟
قالتها لبني برجاء ليقول رشاد: حاضر عندك اي اوامر تانيه؟

انا مبتامرش بس مش منظر يعني كل مره تحرجني قدامهم وتقولي اتعلمي وشوفي
بوريكي ستات البيوت بتعمل ايه واهي معاها تؤام ماسكين في زورها وكل يوم والتاني قايمه بعزومه لوحدها
خلاص يا سيدي اتجوزها طلاما عاجبك كده
اوقف سيارته امام البنايه الخاصه بحسن وهو يقول: مش معقول هبص لمرات صاحبي واتجوزها، بس لو نفسك اتجوز انا ممكن اجبلك واحده عادي
سقط قلبها باكمله بين ضلوعها وهي تقول: ممكن تعملها يا رشاد؟!

حرك راسه بالنفي عندما لمس نبرتها الخائفه تلك وقال: اكيد لا يعني ما هو لو اقدر اعملها واعيش مع واحده غيرك مكنتش استحملت العيشه معاكي بس متنيل علي عيني بحبك ومش عايز غيرك ونفسي تتعدلي وتبقي زي كل ستات البيوت إلى بنشوفهم
حاولت اخفاء ابتسامتها وهي تقول: قولتلك هاتلي شغاله تساعدني
انزل يا لبني انزلي يا حبيبي يلا شغاله ايه إلى اجيبها علشان ادخل في هوسه دي اتسرقت ودي اختفت.

هبط كلاهما من السياره لتقول لبني: نشوفها تكون كويسه وامينه
انا مش هدخل بيتي حد غريب انسي قصه الشغاله دي خالص
قالها رشاد بجمود لتقول لبني باقتضاب: ناسيها يا رشاد ناسيها.

الفصل التالي
جميع الفصول
روايات الكاتب
روايات مشابهة