رواية خادمة في عصر اللذة للكاتبة هاجر عبد الحليم الفصل العاشر
ف الصالة
شويكار:مالك ياورد؟!
ورد بقلق بصت ع الكباية اللى اتكسرت ميت حتة ف الارض وقال:اسفة والله مكننش اقصد معرفش ازاى وقعت منى انا هشيل الازاز من الارض..اسفة معلش
وليد كان باصص عليها بتركيز شديد وخد باله من توترها وبص عليها وهى نزلة تشيل الازاز بملامح جامدة مش تدل ع اى حاجة
شويكار:خلاص ياحبيتى محصلش حاجة..اومى بدل م تتعورى.
صبرى بعصبية:لا مش هى اللى وقعت الكباية ع الارض تبقى هى اللى تنضفها...وبعدين م تتعور هى من بقيت اهلنا..دى مجرد خدامة هنا..ايه الخوف الغير مبرر دة؟!
ياسمين:مش معنى انها خدامة هنا..منخفش عليها ولا نراعى ربنا فيها
صبرى:ياسلام..وايه الحنينة دى كلها ياست شوبكار..دة من امتى؟!
شويكار:هتفضل كدة طول عمرك ياصبرى عديم الاحساس
صبرى بعصبية:لمى نفسك علشان انا مقولتش ولا عملت حاجة تستدعى تقولى كدة
رضوى كانت عايزة تنهى الحوار علشان مييسخنش اكتر من كدة
رضوى: بابا معاه حق ياماما..يلة ياورد بسرعة مش هتقعدى اليوم كله فيها.
ورد كانت هتعيط بسبب كلام صبرى ومخدتش بالها ف اتعورت.. وليد اتخض عليها ومسك ايدها يشوف الجرح والغريبة انه محسش ب اى مشاعر ك انه مش اول مرة يمسك ايدها
وليد:رضوى هاتى علبة الاسعفات
رضوى بصدمة:ها..علبه الاسعافات لمين؟!
وليد بعصبية:يلة بارضوى اخلصى ايدها بتنزف جامد.
ورد بوجع: خلاص ياوليد بيه انا كويسة
وليد:ايوة..اومال ليه حسك بتتوجعى؟! ملامح وشك بتقول كدة
رضوى جت ومعاها علبة الاسعفات هو خده منها وعقم ل ورد الجرح اللى فعلا من الاحراج تتمنى ان الارض تنشق وتبلعها.
صبرى:خلصت
وليد ببرود:ايوة
صبرى:طبعا..مصدق لقا واحدة حلوة قال يجر معاها ناعم..دلوقتى عقملها الجرح الله اعلم. بعدين ايه اللى هيحصل؟!
وليد:روحى ع شغلك ياورد..ولا اقولك الوقت اتاخر..اطلعى نامى
ورد بصتله لقته بملامح باردة هو بصلها وقال:سمعتى انا قولت ايه؟!
ورد بخوف:حاضر حاضر..انا قايمة اهو
وطلعت جرى ع الاوضة
شويكار كانت متابعة كل اللى بيحصل بتركيز شديد وقالت:انت تعرف ورد من امتى؟!
وليد:مين قالك انى اعرفها؟!
شوبكار:رد ع سوالى الاول بعد كدة هرد ع سؤالك
وليد:ايوة اعرفها كانت بتخدم ف البيت اللى ساكن فيه
شويكار:يعنى ليها اهل؟!
وليد:ايه الذكاء دة؟!..م اكيد ليها اهل يعنى اومال اتولدت ازاى
صبرى:منا بقول اكيد تعرفها قبل كدة..علشان قلقك لما خت بالك ان ايدها اتجرحت..بس انا بقولك اهو ملكش دعوة بيها..اظن انت فاهم قصدى
وليد:تصبحوا ع خير...بكرة اكيد هعرف ايه االلى جاب البت دى هنا؟!
حسين:انا اللى جبتها وبلاش كلام كتير واطلع نام
وليد طلع اوضته بيفكر يتصرف ازاى مع ورد؟! مكنش بينام الليل علشان ينتقم منها..واهى جتله لحد عنده..بحد فرصة حلوة بالنسبه ليه ومش لازم يضيعها من ايده
ف شقة نسمة
نسمة منعت اى حد ييجى يعزيها ف ابوها ع ومعملتش عزا اصلا بس شغلت القران ف البيت وعمالة تعيط ف صمت حتى ف وقت م كانه بيغسلوا هى مقدرتش تستحمل دة فخرجت وف كل الاحوال كانت هتخرج علشان رجالة الحارة منعوا اى ست تحضر التغسيل.
واول مدفن وخرج برة البيت..حست انه خد روحه معاها...حست ان ضهرها اتكسر..معقولة هو مش جوة ف اوضته..معقولة مش هتسمع دعاه ليها تانى..معقولة مش هتقدر تشوفه ولا تتكلم معاه تانى..خلاص الحاج احمد الله يرحمه...غمضت عينها بوجع وفضلت تعيط وافتكرت حيدر اللى مسبهاش لحظة لحد م خلص كل الاجراءات..ولمحته وهو ببعيط بس مسح الدمعة دى بسرعة قبل م رجالة الحارة تشوفوا
شوية وحست الباب اتفتح ودة كان حيدر
حيدر:لسة قاعدة مكانك..ع العموم انا جبتلك اكل..اومى علشان تكلى
نسمة:مش طايقة ريحة الاكل.
حيدر:متخلنيش اتعصب عليكى يانسمة..انا طول الوقت حلو معاكى..متخلنيش اقلب عليكى..الكلام اللى قولته بتنفذ
نسمة:حيدر انا مش هاجى بالاسلوب دة..قولتلك مش طايقة ريحة الاكل..ولو كلت صدقنى هرجع ف ملوش لزوم اكل من اساسه
حيدر:جسمك ليه حق عليكى..والاكل ملوش دعوة بحالتك النفسية عملة ازاى...لازم تاكلى علشان صحتك وتعرفى تسندى نفسك ع مدار اليوم..علشان خاطرى يانسمة اسمعى الكلام..انا تعبان لوحدى ومش حمل مناهدة
نسمة بقلق:تعبان ليه؟!
حيدر:اومى كله الاول وانا اقولك
نسمة:برده ياحيدر
حيدر:بالله عليكى يانسمة اومى كلى..وغلاوتى عندك
نسمة نفذت اوامره وقعدت تاكل بس علشان مش يزعل منها..هو بصلها بحب وحزن عليها ف نفس الوقت..وقعد كل معاها لما خد باله انها مش بتاكل كويس ف فصل ياكلها هو..هى كانت مبسوطة من جواها بس مش قادرة تعبر بسبب حزنها ع ابوها
نسمة:خلاص ياحيدر..شبعت صدقنى
حيدر:خلاص يانسمة اخر لقمة...واخليكى تقومى بعديها...يلة يااخرة صبرى
نسمة عملت اللى عاوزه وقامت بسرعة تغسل ايدها
حيدر:متجوز طفلة علشان تاكل وتجرى كدة ك ان الاكل هيعضها..هههههههه ناقص اقولها لو مكلتيش هجبلك ابو رجل مسلوخة
ف اوضة نسمة
نسمة:انت رايح فين؟!
حيدر:هخش انام
نسمة:ايدة..انت عاوز تنام هنا ف اوضتى..لا طبعا انزل نام ف شقتك علشان الناس متتكلمش عليا حيدر:وهما هيتكلموا يقولوا ايه؟! الكل عرف انك مراتى..لما طلعتلهم قسيمة الجواز...ف متخافيش من حد انتى مش بتعملى حاجة غلط...علشان تتوترى كدة..ولا دة توتر من نوع تانى؟!
نسمة اتكسفت وقالت:بطل رمى الكلام دة.. عيب كدة
حيدر ضحك وقال:والله تعبان ومش قادر اعمل اى حاجة خالص...انا كل اللى هعمله هنام واخدك ف حضنى بس كدة
نسمة:لا ياشيخ بس كدة...اه ياطماع هو انت بتطمع ف حاجة تانية؟!
حيدر:انا! لا والله انا كل اللى بطمع فيه حاليا الاقى سرير يشيلنى وكفايا كلام بالله عليكى..علشان عاوز انام...ولو هربتى وعملتى حركة غدر..صدقينى هعاقبك احلى عقاب ع قلبى
نسمة:عقاب ايه؟!
حيدر ضحك بصوته كله وقال:عايزانى اقول ولا اعمل؟!
نسمة:لا قول بس
حيدر:نهار ازرق دة القول لوحده مصيبة
وبص ناحية البلكونة بخضة وقال:ايدة؟!
نسمة بصت ع المكان بقلق وقالت:ف ايه؟!
حيدر استغل دة وشالها بين دراعاته ونزلها ع السرير وخدها ف حضنه وغمض عنيه
نسمة:انت غشاش ع فكرة
حيدر:شكرا..وع فكرة المفروض تكونى مبسوطة..انتى دلوقتى نايمة ف حضنى..بذمتك ف حاجة احلى من كدة؟!
نسمة:هو انت كنت فين؟!
حيدر:اهربى اهربى
نسمة:هههههه لا بجد..كنت فين؟!
حيدر:كنت ف مامورية
نسمة:مامورية ايه؟!
حيدر:مش لازم احكيلك كل حاجة تخص شغلى يانسمة
نسمة:بس انا عاوزة اعرف
حيدر:بكرة هبقى اقولك..اهم حاجة دلوفت بالنسبالى انى اخدك واطلع بيكى ع القصر
نسمة بعدت عنه وبصت ف عنيه وقالت:لا مش هروح
هو شدها لحضنه تانى وقال:بلاش عند ..واعملى اللى بقولك عليه؟!
نسمة:لا مش هخش اابيت دة طول منا عايشة..لو عاوزنى فعلا خلينا قاعدين هنا او هتلى شقة جديدة بس تكون بعيد عنهم
حيدر:وحقك؟!
نسمة:مش عايزاه
حيدر:نامى يانسمة علشان الموضوع ميقلبش خناق ف الاخر
نسمة: بس ياحيدر انا
حيدر بعصبية:نامى يانسمة والا
نسمة غمضت عينها بسرعة وقالت:لا خلاص هنام اهو...بلاش والا دى..علشان انا عارفاك
حيدر ضحك وباس راسها وغمض عنيه وراح ف النوم اما هى فضلت تفكر كتير لحد م نامت هى كمان
ف قصر حسين
ف اوضة وليد
حسام:انت بتتكلم بجد..يعنى هى موجودة عندك ف ااقصر؟!
وليد:شوفت...لما اقولك هى هتجيلى لحد عندى ابقى صدق كلامى
حسام:انا بقول تنسى البت دى خالص..وملكش دعوة بيها
وليد:ليه ان شاء الله؟!
حسام:علشان هى مش زى البنات اللى تعرفهم..كله بيقى بمزاجهم عمرنا مغصبنا واحدة ع حاجة هى مش عايزاها..نعرف اللى شبهنا وبس
وليد:اللى مستغربه ازاى جت هنا...وامها قبلت انها تخرجها من البيت.مصدقهاش دى
حسام:اكيد ف حاجة حصلت..واللى يقدر يقولك اللى جمبها ع هنا
وليد:عمى حسين هو اللى جبها...بس ممكن ميرداش يقولى اللى حصل
حسام:هتفرق معاك يعنى؟!
وليد: ايوة علشان عايزها تقعد هنا ع طول متمشيش .خلاص اقفل ع الحوار..انا مش هعملها حاجة..انا بس هخوفها شوية...يعنى مجرد كلام وبس...وهى اصلا خافت منى اول مشافتنى..دى حاجة كويسة
حسام: تخوفها ازاى؟!
وليد:ازاى دى بتاعتى انا ياحس
حسام:بقولك مش هتروح النادى علشان تتدرب الماتش كمان اسبوع.. والكابتن متعصب ع الاخر علشان خليت شكله وحش قدام الادارة
وليد:هاجى علشان معنديش خلق اقعد ف القصر...ومتقلقش من الكابتن انا هظبهولك
حسام:وشريف شكله بيخط لحاجة سودة زى وشه..حرس منه
وليد:شريف ايه دة اللى احرس منه..دة صرصار سهل افعصه تحت رجلى..هو بس هيموت منى..علشان بقيت نمبر وان ف النادى..وبعدين انا بحب روح التحدى..ولو عنده المهارة اللى تخليه يقف قدامى ويهزمنى..اوك خليه يعمل كدة
حسام:نفسى ابقى زيك كدة
وليد:هههههههه لا صعب اوى اللى بتتكلم فيه دة...انا مليش مثال ههههههههه
حسام:طيب انا هقفل دلوقت علشان مشغول..عايز حاجة
وليد:ايوة ياريت تشوفلى حد يراقب شريف دة
حسام:صعبة دى.
وليد:حاول ياحسام مش هتغلب يااخى
حسام:خلاص ياعم متزقش ..هحاول بس انت اهدا ههههههه
وليد:ماشى ياخفيف..يلة سلام
حسام:ماشى سلام
تانى يوم
ف المطبخ
ورد بتقطع اللحمة ومش مركزة اصلا فى اللر هى بتعمله
دولت بخضة:خدى بالك ياورد هتقطعى ايدك؟!
ورد بصت ع السكينة وبعدت ايدها بسرعة وقالت:الظاهر انى مش مركزة معرفش ليه
دولت:اللى واخد عقلك
ورد:حاجات كتير والله
وليد:احم احم
دولت:من امتى الاحترام دة؟! هههههه.
وليد:عيب بردو يادادة احنا عندنا حد غريب..ولو انى حاسس انه اعرفه من زمان
دولت:عايز ايه ياواد انت؟!
وليد:كوباية الكوباتشينو بتاعتى ومتنسيش يادادة عايزها بلاك..مش بحب اشربها غير كدة
دولت:انت رايح ف حتة؟!
وليد:ايوة رايح النادى
دولت:ربنا يوفقك يارب
وليد:انا ف الصالون
وخرج من المطبخ
ورد ف سرها:يارب انا الاقيها منين ولا منين..انا اخرج من بيت خليل اخش بيت الاقى فيه ناس غريبة واللى زاد وغطا الاستاذ وليد..الله اعلم هو عايز منى ايه؟!
ف الصالون
وليد:تعالى ياورد
ورد:الكباتشينو بتاع حضرتك
وليد:حطيه عندك
ورد كانت بتمشى ف توتر حطت الكباتشينو ع الطربازة
جت تمشى بس هو قال:استنى عندك
ورد وقفت ومتحركتش خطوة زى مهو قال.
وليد:بعد كدة متعمليش حاجة من دماغك انا مقولتش لحضرتك تمشى..افضلى واقفة قدامى لحد م قولك عكس كدة مفهوم
ورد:حاضر
وليد شرب رشفة واحدة بعد كدة رماها ع الجزمة بتاعته
وليد بزعيق:ايه القرف دة..مين اللى عمله؟!
ورد بخوف:انا اللى عملته..الصراحة طنط دولت مكنتش فاضية...هو طعمه وحش؟!
وليد:زفت..اتفضلى نصفى جزمتى حالا..اروح النادى ازاى وهى كدة...عايزها بتبرق..سامعة
ورد:حاضر
جابت حتة وقعدت علشان تنضف جزمته بس من جواها وجع وقهر ع نفسها
وليد:هتفضلى طول عمرك خدامة..عمرك م هتبقى حاجة كبيرة ابدا
ورد:ربنا بسامحك
خلصت اللى كانت بتعمله جت تمشى بس هو مسك ايدها وزفها ع جنب وعينه جت ف عينها
ورد:ابعد عنى بدل م اقول لكل اللى ف اابيت..وهما اللى يتصرفوا معاك
وليد:طب اعملى كدة.. وانا هطقع عيشك ف ثانية...اسمعى كلامى وانتى هتكسبى..ومش بعيد اخليكى ملكة القصر دة مش خدامة فيه
ورد:ودة ف مقابل ايه؟!
وليد:تتجوزينى
ورد بعصبية:دة نجوم السما اقربلك منى..انت ايه يااخى مش بتحرم..اتضربت بالشبشب قصاد الناس..عايز يحصل فيك ايه تانى..تعرف انتى لازم تتلجد..وميت جلدة كمان..واللى بتعمله ف بنات الناس يتعمل ف اختك علشان تعرف ان الله حق
وليد رفع ايده علشان يضرب ورد..اتعصب اوى بسبب كلامها..بس ورد مسكت ايده قبل ميضربها وقالت:اوعى تفكر حتى انك تعملها...انا مش ضعيفة ولا واحدة جاية من الشارع علشان ترفع ايدك عليا..وصدقنى لو عملتها تانى هردلك القلم عشرة.نصيحة قبل متقولى اى كلمة ابقى عد من واحد لعشرة واقعد فكر كدة مع نفسك هل لو انا قلت ل ورد الجملة دى ياترى رد فعلها ايه؟! ماشى ولا افهمك بشكل تانى
وليد سقفلها وقال:برافو..لا هايل والله...تصدقى خوفت منك..ومن عنيكى اللى بتلمع وبتوضح انك فعلا مش خايفة..بس صدقينى محدش يقدر يتحدانى ولو حصل بخلى راسه تحت رجلى زى حشرة عديمة القيمة زيك كدة بالظبط..ولو قربت منك بقا ياقمر انت..تقدرى تقوليلى..ايه اللى ممكن تعمليه؟!
ورد:بلاش اقولك جرب انت بس وشوف انا هعمل ايه؟!
وليد:ايه اللى جابك هنا؟!
ورد:ملكش دعوة
وليد قرب منها وخنقها ب ايده وقال بعصبية:انتى هتتطقى ولا اقتلك...خليل ازاى قبل انه يخرجك من البيت؟! وبعدين انتى مش اتجوزتى؟! جاوبينى
ورد عمالة تكح وتقول:خلاص هقولك بس سيببنى..هموت ف ايدك ..حرام عليك
وليد:حرمة عليكى عيشتك.. اتنيلى وانا سمعك اهو..وادينى بعدت ايدى
ورد:سالم لما عرف ان تربية ملاجى.طلقنى
وليد:انتى تربية ملاجى؟!
ورد:ايوة..هما اللى اتبنونى..بس علشان اعترض ع الجوازة..خليل قالى الحقيقة واتطلقت وهربت من عندهم
وليد بخبث:اه وجيتيلى انا...بجد احسنتى الاختيار...واوعدك مش هتخرجى من القصر دة الا وانتى ملكى
ورد بتحدى:دة عشم ابليس ف الجنة
جت تمشى بس هو حط رجله ف الطريق وكانت هتتكعبل بس هو مسكها قبل متقع وفضل يبصلها بمكر وهى بتحدى بس من جواها مرعوبة
ورد:انت قاصد تعمل كدة
وليد:احترسى منى..دى قرصة ودن..الله اعلم لو حطيتك ف دماغى ايه اللى ممكن اعمله..مثلا يعنى اعملك صور مزيفة وافضحك ع سوشيال ميديا..ايه رايك؟! بجد فكرة حلوة.
ورد بخوف:ابعد عنى..شيل ايدك من عليا
شوية وسمعوا صوت حد بيقول:ايه اللى بيحصل هنا
الاتنين بعدوا عن بعض مرة واحدة وبصوا للى واقف بخوف
ف شقة نسمة
حيدر:حضرتى الشنط؟!
نسمة:ايوة
حيدر ب استغراب:انتى واقفة عندك بتعملى ايه؟! افردى وقعتى؟!
كانت نسمة حطة كوميدينو وواقفة عليه علشان تجيب حاجة من فوق الدولاب
نسمة:مش لاقياها
حيدر:هى ايه اللى مش لاقياها؟!
نسمة:السلسلة بتاعتى..كنت حطاها فوق الدولاب بس معرفش راحت فين؟!
حيدر:هى دهب؟!
نسمة:ايوة دهب..اومال انا هموت والاقيها ليه؟!
حيدر:خلاص مش مهم..من بكرة تلاقى سلسة دهب مزينة رقبتك..ولو ضاعت خلاص الحمد لله انها بتيجى ع اد كدة
نسمة:ياسلام..ع اساس ان احنا بنلاقى الفلوس ف الشارع..انت تعرف حوشت كام علشان اجيب السلسلة دى؟! لا انا مش همشى غير لما الاقيها
حيدر بخضة:طب حسبى يامجنونة انتى
نسمة كانت هتقع بس حيدر لحقها ومسكها من وسطها ليه وقال:اصملة عليكى
نسمة ضحكت بصوتها كله
حيدر:اموت انا
نسمة:ههههههه انت مجنون..البتاع وقع
حيدر:البتاع دة اسمه كوميدينو..وبعدين كنتى هتقعى وراه لولايا انا قولى الحمد لله
نسمة:والسلسلة؟!
حيدر:ياصبر ايووووب...خلاص ياحبيتى قولتلك مش مهم..هنضيع اليوم واحنا بندور عليها...يلة البسى النقاب خلينا نمشى..وتخشى بيت عمك وانتى مرفوعة الراس وتطالبى بحقك
نسمة بقلق:بس انا خايفة عليك منهم..ومتنساش ان احنا اتجوزنا من غير م مها يعرفوا..ودى ف حد ذاتها نصيبة بالنسبالهم
حيدر:ولا نصيبة ولا حاجة...الموضوع جى بسرعة ومعملناش حسابه..غير كدة ان عمى الله يرحمه كان تعبان وصمم ان احنا نكتب الكتاب قبل م ربنا ياخد امانته
نسمة بعياط:الله يرحمه..وحشنى صوته اوى ياحيدر..مش مصدقة انى مش هشوفه تانى
حيدر مسح دموعها وقال:الموت علينا حق...اصبرى واحتسبى..وادعيله وكل م تفتكريه اقريله الفاتحة علشان بتوصله نور ف قبره
نسمة ضحكت وقالت:يعنى انت خلاص جاهز تواجه عمامك ووالدك علشانى؟!
حيدر:انا عن نفسى جاهز..انتى جاهزة؟
نسمة:ايوة..حيدر هو انت خلاص مش هتروح الكباريه تانى؟!
حيدر:لا الحمد لله خرجت من المكان النجس دة ..اعوذ بالله منه
نسمة:ازاى..ومامورية ايه اللى ليها علاقة بالكباريه اللى انا شغالة فيه؟! متفهمنى
حيدر باس راسها وقال:والله هقولك ع كل حاجة..بس البسى ونخلص من اللى احنا داخلين عليه..وبعد كدة نتكلم براحتنا .تمام
نسمة:تمام
ف عيادة ما
شويكار:طمنى يادكتور..نتيجة التحليل ايه؟!
الدكتور:الحقيقة يامدام شويكار انا مستغرب جدا...نتيجة التحليل طلعت ايجابية
شويكار بلعت ريقها بخوف وقالت:يعنى طلعت بنته يادكتور؟!
الدكتور:ايوة ومفيش مجال للشك لان الجينات متطابقة بنسبة 99 ف المية..وع العموم نقدر نتاكد تانى بتحليل DNA
شويكار:كدة انت قلقتنى..يعنى مخدش التحليل دة مقياس علشان اعرف الحقيقة
الدكتور:مدام شويكار..انا مقولتش كدة...انا بقولك ف كذا طريقة نقدر من خلالها نثبت النسب..بس مقولتش التحليل اللى انت عملاه مش مقياس.بالعكس ع فكرة..احب اقولك ان البنت طلعت بنته...بس اللى مش فاهمه ازاى؟!
شويكار طلعت من شنطتها فلوس وايدتهاله:الفلوس دى 5 اضعاف تمن التحليل اللى عملته..المبلغ دة قصاد خدمة انت هتقدمهالى..مش عاوزة جنس مخلوق يعرف انى جيت هنا..و ك انك متعرفش ان صبرى ليه بنت تانية غير رضوى..فاهمنى؟!
الدكتور:عيب يامدام شويكار..حضرتك مجيتيش العيادة ولا حتى كلمتينى..واقولك ع حاجة الفلوس دى كمان مختهاش منك.وصبرى بيه مش هيعرف اى حاجة..صمم بكمم ع الموضوع..حلو كدة
شويكار:حلو جدا
ف قصر حسين
ف اوضة حسين
حسين:الو
شويكار بعياط: الو ياحسين..طلعت ليالى ياحسين..شوفت انا احساسى مش بيخيب ابدا...مش هقدر اشوفها ومخدهاش ف حضنى..واطلب منها تسامحنى
حسين:يعنى ايه؟! انا كنت شاكك بس عمرى متخيلت ان الموضوع دة يكون بجد
شويكار:لازم وليد يعرف ان ليالى اخته عايشة..انا قولتله انها ماتت ومن هو صغير..بس هو مكنش مصدق..حتى لما كبر فضل محتفظ بصورتها عنده..انا شوفت الصور دى بعينى..وانا كدة خوفى زاد لو الصور دى وصلت ل ليالى
حسين:هو كل م لاقى حل لمشكلة تخلقى مشكلة تانية ياشويكار..حرام عليكى مش كدة...بصى احنا لازم نسنتج ردود الافعال قبل منقول اى حاجة
شويكار:حسين هو انت مش قولتلى زمان ساعة م ليالى اتولدت انك عايز تجوزها ل كريم..طب متعمل كدة دلوقت؟!
حسين:هى الصدمة اثرت ع دماغك ياشويكار؟! انتى ناسية ان كريم مريض..حتى هى مش هتقبل بحاجة زى كدة
شويكار:يعنى انت موافق ولا لا؟!
حسين:اتمنى بس
شويكار:من غير بس ياحسين..وانا واثقة ان ليالى هتوافق..وربنا يجعلها سبب ف شفا ابنك
حسين ب امل:يارب ياشويكار
نروح بقا عند ورد او ليالى محدش بقا يتلغبط ما بينهم..الاتنين بقوا واحد
كريم:انت كنت واقف بتعمل ايه معاها؟!
وليد:كنت بتكلم معاها..اصلنا نعرف بعض..كنت جارها ف البيت اللى ساكنة فيه..مش كدة ياوردتى
كريم بغيرة:احترم نفسك..واتكلم معاها عدل...ورد هو ضايقك ب الكلام.
ورد بصت لوليد وقالت:لا ياكريم بيه..مفيش حاجة حصلت
كريم ب استغراب:تمام..اتفضلى روحى شوفى شغلك..بعد كدة متقفيش مع حد ع جنب كدة..لو عمى او بابا شافك..كان هيحصل مصيبة
ورد:بس انا معملتش حاجة غلط ياكريم بيه..هو اللى وقف وفضل يتكلم معايا بالعافية..قولوا هو ملهوش دعوة بيا
كريم:يعنى هو فعلا بيضايقك
وليد:انا ماشى علشان ورايا ماتش مهم..عن اذنكم
ومشى فعلا..كريم فضل يبص لورد و هى بصة ف الارض وشايفة رجله بتقرب منها
كريم: اللى حصل ..ياريت ميحصلش تانى
ورد:ايه اللى حصل؟!
كريم:اللى انتى عرفاه
ورد:بلاش الغاز واتكلم ع طول
كريم همس ف ودنها وقال:مفيش راجل يقرب منك ولا يتكلم معاكى ولا حتى يعدى من جمبك...علشان انتى هتكونى مراتى..انا هتجوزك
ورد بصتله بصدمة وقالت بعفوية:اتجوز واحد مريض
هنا كريم لقا نفسه زقها جامد ع الحيطة جامد وهى صرخت بوجع وعمل نفس الحركة دى اكتر من خمس مرات لحد م خلاص ضهرها احمر من كتر الخبطات
كريم بعصبية:انا مش مريض...انا لو عاوز انهى كل اللى بيحصل دة هنهيه..انا اللى عاوز اعيش كدة..مفيش حد جمبى علشان ياخد ب ايدى..اوعى نفتكرى انى عايز اتجوزك علشان غرقان ف حبك..لا ياماما فوقى..انا عاوزك علشان بتفكرينى بيها
ورد:تقصد مين؟!
كريم:مش مجبر اقولك..انا بس بقولك انك خلاص هتكونى مرات مرات كريم حسين المريض النفسى..وف حاجة كمان متعرفهاش عنى..انا لما بتعصب ممكن اقلب الدنيا ع دماغ اللى يعصبنى..انا هكلم بابا واقوله ولو رفضتى انا بقالى فترة عمال بعذب ف روحى بقالى فترة مش بعذب حد..بلاش تكونى اول الضحايا
وبزعيق قال:سامعة
ورد بخوف:سامعة
ف مكتب حسين
حسين:انت بتقول ايه؟! عايز تتجوزها بجد
كريم:ايوة..ايه الغريب ف كدة؟!..هو حرام انى اتجوز
حسين:لا يبنى انا مقولتش كدة..بس هى وافقت يعنى
كريم:اعتقد لو واحدة ف مكانها يستحيل هترفض..وممكن حضرتك تسالها علشان تطمن
حسين:اشمعنى هى؟!
كريم تنهد بتعب وقال:حاسس ان مرضى بيقل جوايا من ساعت مشوفتها..عينها بتدينى الامان..عايزها جمبى يابابا..مش هتفهمنى..بس ارجوك ساعدنى..انا بجد عاوز اتجوزها..الصوت اللى بسمعه تاثيره قل..والتشنجات مش بتجيلى.لو حسيت بالامان معاها..انا بنفسى هروح عند الدكتور علشان اتعالج
حسين ضحك وخد ابنه ف حضنه وقال:هجوزهالك ياكريم...انا متاكد انها الاختيار الصح..ومش هندم ولو لثانية انى عملت كدة..ع خيرة الله يبنى
كريم:ربنا يخليك يابابا
ف فلة مها وفواز
حيدر:بتترعشى كدة ليه؟!
نسمة:مش هقدر ياحيدر
حيدر:خلاص احنا وصلنا...متخافيش انا جمبك..ومش هيقدروا يعملوا حاجة
نسمة:ربنا يستر