رواية حنين للكاتبة لولو الصياد الفصل العشرون
تولين: فى ايه يا كامل مالك عملت كده ليه بالعربيه اول ما قلتلك اسم جمال...
كامل: لم يرد وكان شارد الذهن...
تولين: كامل هو انت تعرف جمال...
كامل: ها بصراحه يا تولين ايوه اعرفه بس مش معرفه شخصية...
تولين: مش فاهمه...
كامل: انا اعرف حنين لانها معايا فى نفس الجامعة وكمان شفت جمال مره واحده يوم كتب كتابه من حنين وبعدها عرفت انه سافر بس اللى عمرى ما كنت اتوقعه ان انتى تكونى مرات جمال...
تولين: تعرفها احكيلى عنها شكلها عامل ازاى صفاتها كل حاجه...
كامل: بصراحه هى بنت جميله جدا ومؤدبه وكمان على نيتها اوى ولعملك هى مكنتش بتحب جمال...
تولين: آمال اتجوزته ليه وبعدين هو رجع مصر علشان يرجعلها...
كامل: هى مستحيل ترجعله اصلا مينفعش...
تولين: مش فاهمه قصدك ايه...
كامل: تولين خلاص اتجوزت ابن خالها وده يدل اكتر ان جمال مش فى دماغها...
تولين: بس هو عاوز يرجعلها يا كامل وجمال مدام مصمم على حاجه لازم هياخدها انت متعرفوش...
كامل: مش فاهمك يا تولين انتى عاوزه توصلى لأيه...
تولين: انا عاوزك تساعدنى نبعد جمال عن البنت دى وكمان تساعدنى ان يرجعلى تانى...
كامل: ازاى...
تولين: هقولك...
دخلت بدر غرفه شهد: وجدتها تبكى بشده...
بدر بصدمه: مالك يا شهد يا حبيبتي بتعيطى ليه...
شهد: مفيش يا ماما مخنوقه شويه...
بدر: وايه اللى خانقك يا حبيبتى...
شهد كاذبة: واحده صحبتى ماتت وزعلانه عليها اوى...
بدر: معلش يا حبيبتي ده الحال وعمرها انتهى لحد كده وعمر ما الحياه بتقف عند حد...
شهد: ماشى يا ماما...
بدر: طيب مش هتنزلى تتغدى معانا...
شهد: ماليش نفس...
بدر: ليه كده ده انا حتى عندى ليكى مفاجأة...
شهد بفزع: مفاجاه ايه...
بدر مبتسمه: جمال رجع انهاردة وهيتغدى معانا...
شهد: جمال رجع اشمعنا مش كان بيقول مش هيرجع دلوقتى...
بدر: بصراحه مش فاهمه اخوكى ده فجاه رجع وقال ايه عاوو يرجع لحنين ولما عرف انها اتجوزت ركبه ميت عفريت ومصمم يرجعها باى طريقه...
شهد: حرام عليه حنين خلاص اتجوزت ياريت يا ماما تقنعيه يبعد عنها بئه حنين تعبت كتير ومش ناقصه وبعدين ابنك جرحها اوى: لما طلقها بالطريقه دى...
بدر: والله قلتله بس انتى عارفه اخوكى دماغه ناشفه بس انا عارفه انه شويه وهيهدى وينسى كل حاجه...
شهد: يارب يا ماما...
بدر: طيب انا هنزل وهنستناكى على الغدا اوك...
شهد: حاضر يا ماما...
فى شركه حسين سالم...
السكرتيره: حسين بيه...
حسين: فى ايه...
السكرتيره: فى واحد بره بيقول ان فى ميعاد مع حضرتك...
حسين: مين ده...
السكرتيره: اسمه محمود...
حسين: اه فعلا دخليه على طول...
ادخلت السكرتيره محمود الى مكتب حسين الذى وقف لاستقباله بترحاب شديد...
حسين: اهلا أهلا ازيك يا محمود اخبارك ايه...
محمود: الحمد لله ازيك يا عمى...
حسين: الحمد لله واخبار العرسان ايه...
محمود: الحمد لله تمام...
حسين: اكيد فى حاجة مهمه اللى خلتك تطلب منى ميعاد بالسرعة دى...
محمود: بصراحه ايوه...
حسين: خير ان شاء الله...
محمود: ان شاء الله خير...
حسين: وانا تحت امرك اتفضل قول...
محمود: بصراحه كده وبدون كلام كتير انا طالب القرب منك فى شهد بنتك...
حسين بدهشه: شهد بصراحه فاجئتنى...
محمود: بصراحه يا عمى الانسه شهد ونعم الأخلاق وانا من اول يوم شفتها أعجبت لاخلاقها وادبها وقررت ادخل البيت من بابه...
حسين: والله يا ابنى انت ونعم العريس اللى يتقدم لبنتى بس انت عارف انه مش فى ايدى لازم شهد توافق تجوزك...
محمود: طبعا طبعا يا عمى علشان كده انا جيت الشركه افتح الموضوع معاك وحضرتك تاخد رايها وتبلغنى وان شاء الله نجيب الاسره ونكمل كل حاجه...
حسين: هههههه ده انت مستعجل اوى...
محمود: هههههه بصراحة اصلى غيرت من خالد وحنين قلت اشمعنا انا بئه وكمان خفت الانسه شهد تروح منى...
حسين: ربنا يقدم اللى فيه الخير أن شاء الله...
محمود وهو يقف: ان شاء الله وهستنى تليفون من حضرتك واخرج كارت خاص به: هى دى كل ارقامى ياريت متتاخرش عليا...
حسين: ربنا يسهل ان شاء الله...
محمود: ان شاء الله هستاذن انا بئه وهنتظر رد حضرتك...
حسين: ان شاء الله ووصل سلامى لجدك والعرسان...
محمود: يوصل ان شاء الله...
خرج خالد من الحمام وكان يرتدى ملابسه ونظر تجاه حنين وجدها تجلس مكانها كما تركها لم تتحرك وتنظر الى الفراغ...
خالد: احم: حنين...
حنين: ها ايوه يا خالد فى حاجه...
خالد: لا بس انتى هتفضلى كده مش هتغيرى هدومك...
حنين: اه: خالد...
خالد: نعم...
حنين: ممكن نتكلم مع بعض شويه...
خالد: اه طبعا اتفضلى...
حنين: هو انا وحشه فى نظرك ولا بتكرهنى...
خالد: لا طبعا واظن انتى مش محتاجه رايى علشان تعرفى انك جميله وكمان انا هكرهك ليه يا حنين...
حنين: امال ليه كده...
خالد: ليه كده ايه مش فاهمك...
حنين: ليه كلامك اللى قلته ده ليه ضيعت كل حاجه حلوه حسيتها معاك فى لحظه...
خالد: لان كان فى بينا اتفاق...
حنين: مفيش اتفاق بين راجل ومراته وانت جوزى يا خالد وكلامك ده كله غلط...
خالد: انتى عاوزه توصلى لايه بكلامك ده...
حنين: عاوزه اوصل انى أعيش انا وجوزى حياة طبيعيه زى اى اتنين متجوزين مش يجى يقولى اسف واللى حصل مش هيتكرر كانك غلطت معايا كانى مش مراتك وواحده من الشارع غلطت معاها...
خالد: انا مكنش قصدى كده...
حنين بعصبية: امال قصدك ايه...
خالد: حنين انتى عارفه انا اتجوزتك ليه علشان خاطر جدى وبس...
حنين: بس انا دلوقتى مراتك شرعا وقانونا وعاوزه جوزانا يكمل طبيعى ومنقفش على حاجة...
خالد: بصراحه يا حنين انا مش مستعد لكده دلوقتي...
حنين: يعنى ايه مش مستعد امال اللي حصل من شويه ده ايه...
خالد: قلتلك غلطه ومش هتتكرر وبعدين انتى السبب...
حنين: انا السبب ليه غصبتك تلمسنى...
خالد: لا بس انتى اللى ابتديتى تغرينى وطبيعى اى راجل مش هيقدر يتحكم فى نفسه قدام اى ست...
حنين: يعنى قصدك انا اللى غلطت...
خالد: ايوه انتى السبب انى اخل بالاتفاق...
حنين: بحزن: ماشى يا خالد وانا اوعدك مش هقرب منك تانى ولاحتى هنام جنبك تانى حتى لو هنام على الارض ولا حتى لسانى هيخاطب لسانك واللى حصل هنساه وانت من انهاردة ابن خالى وبس وصدقنى انا فعلا اتاكدت ان اللى حصل ده كان غلطه يا خالد...
الجد: تسلم ايدك يا ليلى على الفطار وكمان لحد السرير...
ليلى: وأنا عندى اغلى منك يا عسل ربنا يخليك ليا...
الجد: هههههه ويخليكى ليا يا حبيبتى وميحرمنيش منك ويرزقك بابن الحلال...
ليلى: ايوه عاوز تخلص منى لا يا حبيبي انا مش هتجوز انا هفضل هنا جنبك انت وبس...
الجد: لا صدقينى بكره هتحبى وتتجوزى وتعيشى لوعه الحب وتنسى جدك وكل الناس ههههههههه...
ليلى: حب ايه يا باشا انا ماليش فى الكلام ده...
الجد: مبتسما: هنشوف يا ليلى بس ساعتها ابقى افتكرى كلام جدك الراجل العجوز ده...
على طاوله الغداء فى منزل حسين سالم...
حسين: تخيلوا مين كان عندى انهاردة...
بدر: مين يعنى...
حسين: محمود ابن خال حنين...
جمال: وده عاوز ايه ده كمان...
حسين: طالب القرب فى القمر بتاعنا شهد...
بدر: نعم على جثتى ان الجوازه دى تتم...