قصص و روايات - قصص بوليسية :

رواية حلم ولكن للكاتبة رحمة سيد الفصل الأول

رواية حلم ولكن للكاتبة رحمة سيد الفصل الأول

رواية حلم ولكن للكاتبة رحمة سيد الفصل الأول

الشاب بصدمة: ايييييية احنا فين ياختي!؟
رنا وهي تحك رأسها: آآ احم احنا في ألمانيا
الشاب: طب ازاى، انا كنت في مصر
رنا: ما انت لو تسيبني اكمل كلامي
الشاب: اتفضلي اتفضلي
رنا: وطبعا بما اننا في ألمانيا ومحدش بيفهم عربي ف حظك وقعك فى مصرية إلي هي انا وصعبت عليا قولت اجيبك هنا لحد ما تفوق، دلوقتي انا إلي هسأل انت مين؟!

الشاب بتوتر: آآ انا آ انا، انا مش فاكر، انا مييين؟ واية إلي جابني ألمانيا وليية مش فاكر حاجة، اسمي اية، عايش فين، حتى اهلي مش فاكر هما مين
رنا بصدمة: Ops، طب اهدى وانا هروح اطلب الدكتور فوراً
الشاب: طيب
تخرج رنا من الغرفة وتنزل للأسفل وهي تفكر كيف وتذهب بأتجاه الارچ وتأخذ هاتفها المحمول وتتصل بأحدى الاطباء المعارف و...
رنا: دكتور لو سمحت ممكن حضرتك تيجي
الطبيب: خير يا رنا انتى بخير؟!

رنا: أها الحمدلله بس كنت عاوزة حضرتك ضرورى وهفهم حضرتك كل حاجة
الطبيب: تمام انا هاجي
رنا: شكرا
وتغلق الهاتف مع الطبيب وهي مازالت تفكر بذلك الشاب غريب الاطوار.

في مصر تحديداً القاهرة في المعادى
تجلس احدى الفتيات تبلغ من عمرها 24 عاما ذات بشرة خمرية وعيون سوداء وترتدى حجابها وجيبة وبلوزة و يبدو عليها القلق والخوف.

الفتاة بقلق شديد: ياااارب، اعمل اية يارب مش عارفة، طب اقول لمين اتصرررف ازاى حد يقولي
سيدة ما كبيرة بالعمر: اهدى يا ندى مش كدة هتلاقيه ان شاء الله
ندى ببكاء: يااارب يا طنط ام هبه يااارب انا مليش غيره وهو سندى في الدنيا دى
ام هبه وهي تحتضنها: طب يا حبيبتي انا هقوم اعمل لُقمة واجيلك عشان تاكلي كمان
ندى: ربنا يخليكي يا طنط، مش عارفة من غيرك كنت هعمل اية
ام هبه بأبتسامة: ويخليكي، يلا بالأذن انا بقا.

وتغادر ام هبه لتجلس ندى وهي حزينة تقرر في الغد ستذهب إلي الشرطة لتبلغ.

في احدى الشقق الايجار بالمقطم
رجل كبير يبدو عليه الهيبة والفخامة: لازم ننفذ احنا استنينا كتيير ومش بعيد تروح تسلم المستندات دى غدارة
رجل اخر: اوامرك يا باشا، ننفذ امتي؟!
الرجل الاول: بكرا واوعي رجالتك يغفلوا لحظة فاهم؟
الرجل: فاهم يا باشا فاهم
الرجل الاول: واتصلي بفهمي وسيب الموبايل وروح انت عشان عايز اتكلم معاه الرجل الثاني: حاضر يا باشا
ويذهب وهو يبرتبطم بالكلام ويجلب الموبايل ويأتي و...

اتفضل يا باشا
ثم يخرج من الغرفة وهو يحاول سماع اى شيئ.

في ألمانيا ( برلين )
يقوم ذاك الشاب من السرير ويقف امام المرأة وينظر لنفسه ليظهر شاب ذو ملامح جميلة وعيون رصاصي وشعر اسود ناعم طويل وجسم رياضي وعضلات بارزة ويحدث نفسه و..
انا ميييين؟! اسمي ايية!
لتدخل عليه رنا في تلك اللحظة و..
رنا بأستغراب: بردو بتكلم نفسك، هتجنن كدة علي فكرة يا اسمك اية
الشاب: ياريتني عارف لي اسم
رنا وهي تلوى فمها: هتعرف ان شاء الله.

وتأتى الخادمة وتخبر رنا بقدوم الطبيب وتطلب منها رنا ان تأتى به إلي هنا ويأتي الطبيب و...
الطبيب بهدوء: خير يا رنا قلقتيني
رنا بأبتسامة: خير ان شاء الله، إلي هقولهولك دا بيني وبينك يا دكتور، الشاب دا، وتقص عليه رنا ما حدث بالتفصيل
الطبيب بتركيز: طيب، انت ماحاولتش تفتكر اى حاجة يا...
رنا: مالك اسمه مالك يا دكتور، آآ اقصد هنسميه كدة لحد ما نعرفله طريق او بفتكر
الطبيب: حاول تفتكر يا مالك اى حاجة.

مالك: مش فااكر خالص
ويتناقش مع مالك مدة تصل إلي النصف ساعة و...
الطبيب: احم، مبدئياً دا فقدان ذاكرة كلي
مالك بهلع: اييية، يعني اية
رنا: اهدى عشان نفهم يا مالك
الطبيب: دا فقدان ذاكرة، احتمال مؤقت واحتمال دائم بس علي الاغلب من الحالة إلي انا شايفها دى دائم وانت هتعمل الحاجات إلي هقولك عليها ولو في اى حاجة بلغونى
رنا: شكرا يا دكتور
الطبيب: عفوا
وتصله رنا إلي الباب وهي حزينة علي ذاك الشاب الذي لا يتذكر شيئ.

وتذهب إلي مالك وهو في غرفته ومازال مصدوم وتجلس بجانبه
رنا: ان شاء الله هتفتكر
مالك: طب هعمل اية عقبال ما افتكر، انا مش عارف حاجة، انا عايز انام، ممكن تسيبينى انام
رنا: طيب حاضر ولو احتاجت حاجة انا تحت وتقوم وتمشي بأتجاه الباب وتكاد تخرج ليقول مالك
انتى عايشة لوحدك؟
تلتفت رنا بأبتسامة: لا يا سيدى، انا وبابا
مالك وهو يعقد حاجبيه: طب هو فين ماشفتهوش خالص؟!
رنا: اصله مسافر، نام يا مالك
ليهز مالك رأسه علي مضض.

وتنزل رنا إلي الأسفل وتغلق الباب ليمدد مالك جسمه ويغط في نوم عميق.

في صباح اليووم التالي
تستيقظ رنا بكسل وتذهب للحمام الخاص بغرفتها وتغسل وجهها ثم تبدل ملابسها وتذهب بأتجاه غرفة مالك وهي مبتسمة وتدق الباب فلا تجد رد فتعتقد انه نايم فتفتح الباب لتجده يمسك كتاب ويقرأه.

في احدى اقسام الشرطة، في مكتب المقدم خالد،
خالد بقلق: حسام اختفي ازااى
زميله مصطفي بحيرة وهو يحك دقنه: مش عاارف اخته وسألناها وجيرانه وصحابه ومحدش عارف له اثر نهائى
خالد بصوت عالي وهو يقوم من علي كرسيه: لا لا حسام ماينفعش يختفي دلوووقتي ماينفععععش
ويفتح البااب بغضب ويذهب ويرذعه خلفه لينتفض مصطفي و..
دا ماله دا.

في الغرفة الخاصة بمالك
رنا: اية دا انت بتحب القراءة
مالك وهو لا ينظر لها: أه شوية، صحيت ومكنتش عارف اعمل اية ولاقيت الكتاب دا ف قولت اقرأه
رنا: اممم طب يلا ننزل عشان نفطر
مالك: حاضر يلا، بس قبل ما ننزل عايز اقولك حاجة
رنا بفضول: قول يا مالك.

مالك بلقلقة: انا حلمت حلم غريب ومش عارف اذا كان حلم ولا لا، حلمت بواحد كدة وعمال يضرب واحدة كتيير وهي بتصرخ وفي بنت وولد عمالين يعيطوا وهو يزعقلهم ويضرب الست اكتر
رنا بتفكير: اممم مش عارفة
مالك: طب لية انا احلم بيهم وانا عمرى ما شوفتهم
رنا: ماسمعتش عن الموضوع دا قبل كدة بس هنسأل دكتور صفوت النهاردة
مالك وهو يهز رأسه: طيب
ويغلق الكتاب ويضعه علي المكتب المجاور للسرير ويطفئ النور وينزل مع رنا.

في القاهرة، في احدى الشوارع
تمشي فتاة ما وهي قلقة وتفرك في اصابعها لتتفاجئ بأحد الاشخاص يكممها من الخلف وتحاول الفتاة ان تصرخ ولكنه يكتم فمها ويؤثر المخدر عليها فتقع مغم عليها ويحملها شخصان ويأخذونها إلي سيارة مرسيدس سوداء ويذهبووا.

في منزل والد رنا في ألمانيا
يجلس كلا من رنا ومالك علي الصفرة وامامهم الطعام ولا يتحدثوا ومالك ينظر حوله يتأمل المنزل ورنا لا تعلق ليقطع ذلك الصمت
مالك بتشنج وهو يمسك رأسه: آآآه دماغي
رنا بقلق: مالك؟!
مالك بتشنج اكبر ويصرخ: آآآه سيبووووها.

الفصل التالي
جميع الفصول
روايات الكاتب
روايات مشابهة