رواية حكم القلب للكاتبة روز الفياض الفصل الحادي عشر
طلعنه بره اكو حديقه وكراسي امشي وهو يمشي يمي كال: نكعد هنا لو هناك؟
مروه: اي مكان.
حيدر: معناها نكعد هناك احسن بعيد.
رحنه كعدنه..
حيدر: اي ست مروه شلونج؟
اتنهدت كتله: الحمدلله.
حيدر: ماادري شكول كل الحجي تعرفيه.
مروه: لعد المن طلعتنه؟
حيدر: حتى اعيده من جديد هههه.
سكتت كال: مروه انتي ليش هيجي وياي؟ ليش هيجي تعامليني؟
مروه: هيج شلون يعني؟
حيدر: ماادري، بارده يعني مااحسج مثلي، يعني اني ادور فرصه حتى احجي وياج لو اكعد وياج وانتي بالعكس.
مروه: مو انت توك كلت كل الحجي اعرفه.
حيدر: مروه اني احبج انتي بت عمي وصديقتي ومن وعيت عالدنيا جانوا يكولون مروه لحيدر وحيدر لمروه بس مافد يوم حسيت انتي مثلي بلهفتي عليج وحبي الج.
مروه: حيدر انت بالنسبه إلى ابن عمي وصديقي مو اكثر من هيج.
حيدر: يعني متحبيني؟
مروه: احبك، بس مو الحب إلى ابالك، احبك مثل محبتي لاحمد وفرات وحسين مثل محبتي لاهلي، احبك مثل محبتي لمنال احبك صديقي وابن عمي واخوي..
حيدر: لا الاخيره ابد محبيتها اخوي شنو صارلي 4سنوات منتظر تتخرجين شنو جنت منتظر اختي هههه.
مروه: انت ماسألتني من قبل حتى اكولك لاتنتظر ولاطلبت رأيي ولاحتى حجيت وياي بصوره واضحه وصريحه مثل هسه..
حيدر: مو مهم، المهم اني اريدج واحبج وانتي اكيد راح تحبيني همه مو يكولون الحب يجي بعد الزواج، بالخطوبه راح اخليج تحبيني غصبن ماعليج هههه.
سكتت مااعرف هذا شلون وياه ياربي شلون افهمه اخاف احجي بصراحه اكثر واكله احب واحد ثاني هذا مثل فرات ماعنده تفاهم هنا يمكن يكسرني كدام الناس.
ظل يحجي ويسولف وكل كلمه والثانيه وكال احبج. واني كاعده على اعصابي وكل تفكيري ومشاعري يم عبد الله..
شويه واجت منال: وينكم؟، يالله تعالوا شنو عجبتكم الكعده هنا تره بدوا يصيحون الاسماء.
كمنه اني وياها نمشي كدامه وهو ورانه دك تليفونه وبقى واكف يحجي.
منال: شو طولتوا؟ عبدالله اكل راسي كل شويه يدزلي مسج كومي شوفيهم وين وصيحيها.
مروه: اسكتي، هذا ماعنده احساس اكله مااحبك ومثل اخوي يكلي مومهم تحبيني وره الزواج.
منال: وشلون هسه؟
مروه: اني كتلكم ميقبلون اهلي واعرفهم وهذا نحيس مثل فرات صدكي ماراح يجوز ولا راح يتراجع بس انتو ماتصدكون الا من يذبحوني.
منال: انجبي، انجبي، يذبحوها خروف العيد هي ويذبحوها شحدهم والله غير اذبحهم اني.
مروه: اي، هو وقت شقا هسه واني محترك دمي.
منال: مادام تدرين انتي جبانه ومو مال هيج سوالف ليش مافضيتيها من البدايه؟ ليش خليتي الولد يحبج ويتعلق بيج؟ مو كتلج وحذرتج انتي مو مال هيج سوالف ماسمعتي الحجي..
مروه: طاح حظي عبالي مثل البنات احب وانحب واتزوج اللي احبه واعيش قصة حب.
رجعنه كعدنه دزلي عبدالله مسج: وين جنتوا؟
مروه: بره بالحديقه كعدنه.
عبدالله: اي ليش؟ شحجيتوا؟ شيريد؟
مروه: شحجينه بعد، نفس الموضوع الخطوبه ويحبني وميكدر ينتظر بعد اكثر.
عبدالله: اي..؟ وشكتيله؟
مروه: كتله اني هم احبك.
ضحكت بيني وبين نفسي هو مةجاوب بعد ولادز مسج ظليت اباوعله ردت اشوف تعابير وجهه بس طلع.
بس لاصدك وزعل عزا وصخام.
مروه: لج منال تعاي.
منال: شكو؟
مروه: عبدالله راح يمكن زعل..
دزيتله مسج( وينك وين رحت؟ )
ماجاوب رجعت دزيتله مسج: (جاوبته اني هم احبك بس مثل اخوي).
هم ماجاوب..
منال: ها شصار؟
مروه: ميرد مايجاوب.
منال: يجوز خلص رصيده، اتصلي بي.
دكيت عليه ميرد.
مروه: ميرد، هذا زعل طاح حظي شكد غبيه اني ومااعرف اتصرف.
شويه وشفته رجع دخل ووياه ولد..
منال: هاي رجع بس وياه ولد لذلك ميرد عليج خبلتيني وياج.
مروه: هههه، حبيبي فدوه لكلبه شكد احبه، يذكرني بأحمد نفس الحنيه.
منال: يمه يمه يمه، شنو فيض المشاعر هذا البين فجأه حبيبي واحبه وحنان ووجدان.
مروه: ههههه عابت..
بقيت اباوعله وكل شويه ارمش عليه الى ان رد والولد راح.
عبدالله: الو.
مروه: هلو، شلونج؟
عبدالله: هههههههه، زين انتي شلونج؟
مروه: الحمدلله زينه، شخبارج؟
عبدالله: واني هم بشوفتج زين، ولو شويه ضوجتيني مساع بس يالله سماح.
مروه: ياعمري انتي لتضوجين عفيه، شسوي تدرين غصبن عني والله، مشتاقتلج..
عبدالله: اني اكثر، وادري غصبن عنج.
مروه: يالله، اشوفج ونحجي غير وقت ان شاءالله.
عبدالله: احبج..
سكتت ظل كلبي يدك يدك من المستحه دنكت لان هو يباوعلي.
مروه: واني هم.
عبدالله: شنو؟
ابتسمت رجعت باوعتله.
مروه: يالله عمري مع السلامه سلمي عالاهل.
عبدالله: اوكفي دقيقة، كوليها.
مروه: هههه، بالحلم يالله باي.
عبدالله: مع السلامه.
سديته وباوعتله يباوعلي ويهز راسه.
ضحكت منال كالت: ها اتصالحنه؟
هزيت راسي اي.
منال: شكلج الله عليج؟
مروه: بعدين اسولفلج هسه لحد يسمعنه.
منال: شيصبرني احجي هسه حبوبه.
اجه حيدر سكتنه..
درت بسكوت باوعت لعبدالله شفته يباوع بالتليفون ويضحك.
بعدين دزلي مسج: (الله يقبل اني واكف هنا صارلي ساعتين اباوعلج من بعيد وهو يكوم ويكعد يمج ويسولف ويضحك وماخذ راحته).
كسر خاطري وانقهرت عليه حيل وانغثيت.
مروه: شنو بيدي اسوي وماسويت؟ قابل اني عاجبني وجوده لو اني عازمته؟ كل هذا من فرات وخطيبته.
عبدالله: معناها اني راح اروح.
مروه: صدوك تحجي؟ عبدالله، لتروح عفيه بعد وكت وجودك مهون عليه وجوده عفيه، لخاطري اتحمل.
عبدالله: جذب شبيج صدكتي من كل عقلج اروح وهو بعده موجود..
مروه: ياعمري، تدري شنو اكثر شي احبه بيك؟
عبدالله: كلي على بعضي انحب ههه.
مروه: حنيت كلبك.
عبدالله: يالله نعمه من اكو شي تحبيه بيه.
مروه: هههه، لا مو شي واحد كلك.
عبدالله: شنو؟
مروه: انت تعرف.
عبدالله: يعني ماكو امل تكوليها حتى بالمسج.
مروه: مو كتلك بالحلم هههه بس ميحتاج اني كايلتلك هيج اشياء تنحس.
منال: اكلج، عوفي النقال تره ابن عمج عينه عليج لايحس.
ضميت النقال وسويت نفسي اضحك ويه منال هو مانزل عينه من عدنه ماادري حس لو يفكر بالحجي الحجيناه.
بالليل رجعنه من وقت للبيت حيدر وصلنه.
الايام إلى وراها عبدالله جانت حفلة تخرجهم واتوسل بيه حتى اجي كتله مااكدر مستحيل.
بعدين بدت الامتحانات.
امتحنه واخر يوم جان يوم تعيس وكئيب لان جان يوم وداع ناس تودع ناس لان عالاكثر ماراح يلتقون بعد.
بقينه كاعدين بالكافتيريا.
منال: خل نبقى كاعدين لحدما يسدون الباب ويطردونه.
مروه: اي والله مو هاين علي اروح للبيت، ولاعبالك جنت اريد بس اخلص وارتاح.
بقينه ناخذ صور بالكاميرا اني ومنال والبنات وبعدين اتجمعنه كل احنه الشعبه واخذنه صور جماعيه.
وكعدنه كل احنه بالكافتيريا نسولف ونضحك ميهون علينه نطلع للبيت وطلاب الاقسام ظلوا يبجون خطيه.
بهالاثناء منال: لج شوفي منو اجه..
مروه: منو؟
منال: منا، منااا، وين تباوعين منا شوفي؟
باوعت شفت حيدر وياه ولد يتمشون ويسولفون بس مشافونه.
مروه: الحمدلله مشافنه، خل اكوم اروح قبل ليشوفني ويلزك.
منال: ناس عليها عركه ومتعرف تحب منو. وناس ظاله حديقه بحسرة الاعجاب.
مروه: هههه دكومي كومي، لو الله يخليج بمكاني جان كلتي التوبه مااحجي هيج بعد الا اذا تردين حيدر علواه مادام انتي معجبه بي تكسبين بيه ثواب.
منال: لا شبيه، مخبله مثلج احب واحد من غير مذهب مدري من غير دين وينشلع كلبي وينسمط ابو ابوي.
كمنه دنطلع سلمنه عالكل واتفقنه نبقى على تواصل ودرنه نريد نروح وشفنه حيدر واكف على جهه ينتظرنه.
باوعت لمنال: ??????
وهي هم باوعتلي وضحكت.
اجه سلم وعرفته عالجميع..
مروه: حيدر ابن عمي.
حيدر: تره ابن عمها صدوك خاف عبالكم جذب اذا تردون اطلعلكم الهويه ههههه.
ظلوا يضحكون كلوله اكعد استريح هو طبعا يريد حجه حتى يكعد.
كعد واحنه هم كعدنه بس اني جنت ميته من القلق اخاف عبدالله يقرر يجي شلون.
منال: يالله، اني اروح من رخصتكم مع السلامه اشوفكم على خير ان شاءالله.
كمت اني هم سلمت..
حيدر: انتي وين رايحه؟
مروه: للبيت غير.
حيدر: ادري هو السايق مالتج ماجاي بعده مو؟
مروه: ميجي اليوم ارجع ويه منال.
حيدر: لا وين راجعه ويه منال اني ارجعج.
مروه: لا ليش، انت توك اجيت ابقى براحتك خلص شغلك واني ارجع وياها عادي.
حيدر: ماعندي شغل شغليش عندي هنا.
شنو فاتحين محكمه هنا وجاي اخلص شغلي؟ يالله امشي اصلا اني اليوم معزوم عدكم عالغدا..
حسيته احرجني كدام الطلاب ضجت سلمنه ورحنه اني ومنال نمشي ساكتين كل شويه تباوعلي واباوعلها.
وصلناها لسيارتها ورحنه صعدت بسيارته..