رواية حكم القلب للكاتبة روز الفياض الفصل الثالث
منال: وين جنتي دورت الكليه كلها عليج ملكيتج وين رحتوا؟
مروه: نتمشى ونسولف.
منال: مريوه تعرفين انتي جنج حبيتيه.
مروه: شدعوه حبيته مره وحده. شعرفت عنه؟
منال: اي ومن اول نظره.
مروه: ماادري يجوز بس حسيته مختلف.
منال: والله هاي مو انتي مااعرفج.
مروه: شيصير لو عشت بالاحلام الورديه شويه حرام؟
منال: مو صديقتي واعرفج مو مال هيج سوالف جبانه وخوافه وخاف واحد من اخوانج يشوف لو يسمع شي.
مروه: ليش تحبين النكد خليني فرحانه شويه حتى لو بالجذب.
استمرت علاقتنه حلوه وهادئه وصداقه بحته رغم الاعجاب إلى جان واضح بيني وبينه بس متجرأنه نفتح هيج مواضيع.
جنت اني اتصل هو ميتصل لان ميريد اخواني يحسون..
من يكون عندي مجال اتصل وجنه نسولف باحداث اليوم شنو سوينه وين رحنه شنو اخبار الناس والعراق وجان الوضع مو أمان.
الى ان فد يوم جان آخر امتحان بنصف السنه امتحنه وطلعنه كعدنه يم الباب الرئيسي مال الجامعه نسولف ونضحك اني ومنال وبنات من القسم.
عبدالله: السلام عليكم.
التفتت شفته راسا ابتسمت ابتسامه عريضه وهو هم ابتسم ومنال متفاجأه.
اني ومنال: وعليكم السلام.
عبدالله: شلونكم؟
مروه: الحمدلله بخير انت شلونك؟
عبدالله: الحمدلله شخباركم؟
مروه: زينين الحمدلله. وانت؟
عبدالله: كلش زين الحمدلله.
منال ساكته تباوعلي وتباوعله.
هو مبتسم ويباوعلي واني مبتسمه ومنال عالصامت بس تراقب.
مروه: شهالزياره؟ شعندك هنا اليوم؟
عبدالله: ماكو جنت قريب ومريت اشوفكم.
مروه: زين سويت.
منال??????.
عبدالله: شلونج بالامتحان؟
مروه: الحمدلله ننجح ان شاءالله.
عبدالله: ان شاءالله.
منال: تره اني موجوده عبروني حاجوني وجهولي كلمه??.
عبدالله: منااال شلونج شخبارج منتبهتلج شوكت اجيتي؟
منال: لا والله؟ اني من الاول موجوده وواكفه للهدرجه مو مبينه هاي واني اضخم واطول منها وسافره وهي ناعمه ومحجبه وكل هذا وشفتها ومشفتني??؟
مروه: ??
عبدالله: لا والله ماانتبهت اسف لتزعلين كل شي ولا انتي تزعلين.
رجع باوعلي: مروه متريكه؟
ابسمتله كتله: لا ممتعوده اتريك.
عبدالله: ليش مو زين اهم وجبه هي الريوك.
معناها اعزمج على ريوك لان اني ممتريك.
منال تباوعلي وتباوعله تباوعلي وترجع تباوعله.
مروه: ماشي بس على حسابك؟
عبدالله: اكيد تدللين مو بس ريوك غدا وعشا بعد.
منال: لا مااصدك اكو شي مو طبيعي مو انتوا اللي اعرفكم منو انتو لا انت عبدالله ولاهي مروه راح اتخبل من وراكم.
عبدالله: ليش شبيج؟
منال: انت نفسك يعني عبدالله جيرانه الفقير اللي من تعبر بنيه يدنك و24 يدرس وماعنده وقت للبنات وسوالف البنات؟
انتي نفسج مروه صديقتي اللي تخاف من خيالها ومتؤمن بالعلاقات والنظرات وهالسوالف وتكول سوالف تعبانه وناس بطرانه؟
ضحكت وكرصتها وهو ضحك محجينه شي.
المهم رحنه للكافتيريا وكعدنه اكلنه كيك وشربنه عصير وبقينه نسولف ونضحك بعدين كال: مروه اني كوولش معجب بيج.
استحيت رغم اعرف بدون ميكول سكتت.
منال: ??اني اكوم اروح لان اذا ابقى اكيد يصير بعقلي شي. راحت ماادري وين احنه ساكتين.
عبدالله: شاافهم من سكوتج؟
ابتسمت كتله: اعرف بدون متحجي.
عبدالله: ويعني؟
مروه: ماادري بس هالاشياء تنحس ميحتاج كلام.
عبدالله: يعني اعتمد على احساسي؟
ابتسمت كتله: لتورطني.
عبدالله: مو تكولين تنحس اني هيج داحس..
مروه: معناها ميحتاج تسألني..
عبدالله: بس اني مو مال لعب مروه.
اذا انتي معجبه بيه مثل مااني معجب بيج معناها نتعرف على بعض بس بصيغه ثانيه حتى يكون اكو هدف من هالعلاقه.
مروه: شبسرعه سويتها علاقه؟
عبدالله: ليش الوضع اللي بينه شنو حتى لو اصدقاء بس مشاعرنه واضحه مااتصور اكو اصدقاء مفضوحين مثلنه من حجينه ونظراتنه حتى الاعمى يحس.
مروه: لا بس كلمة علاقه كلمه جبيره وتخوف.
عبدالله: زين نخليها بدون مسميات وبدون تعليقات خلي كل شي يمشي طبيعي بدون تحفظات.
مروه: والنهايه؟
عبدالله: اذا مثل مااحنه هيج متفاهمين ومتفقين وحلوين وماخذين الامور بهدوء فالنهايه معروفه ما ابالي غيرها.
سكتت استحيت.
بقينه نسولف ونحجي بعدين رحنه لمنال وطلعنه للباب الرئيسي ننتظر السيارات هو بقى يمنه لحدما صعدنه بالسياره.
بس قبلها سألته: شعجب اجيت وحدك مو ويه اصدقائك؟
عبدالله: اذا كل مره اجي وياهم ويشوفني وياج راح يعرفون اكو شي ومااريد اجيبلج حجايه.
فرحت بحجيه وحبيت اخلاقه وتفكيره..
منال: احجي شحجيتوا شرديتي من كلج معجب بيج؟
درت عليها: تتصورين يحبني؟ ??
منال: ليش شكال؟
مروه: مكال شي غير اللي سمعتيه.
منال: والله هو مو لان من جماعتنه ولا لان جيرانه ولا لان امه صديقة امي بس الصدك غير اذا يحبج انتي محظوظه، بس امه منو كال تقبل.
مروه: امه شبيها؟
منال: امه كلما تحجي تكول اريدله دكتوره وحده حسب ونسب وصوره وجرجوبه.
مروه: دكتوره؟ وهسه يالله اتذكرتي تحجين ليش محجيتي من كلي اتصلي بيه اول مره؟
منال: بنت الاوادم ماجنت متوقعه تتصلين ولهسه مو مستوعبه وضعكم لا انتي ولا هو.
مروه: والحل؟
منال: حليش بعد انتي اول خلصي من ابن عمج وبعدين.
مروه: شلون اذا اهل ابوي مقبلوا بي هذا ديلمحلي اليوم على خطوبه وزواج.
منال: الله كريم يمكن ابن عمج يكول مااريدها وتخلصين.
مروه: يارب الله يسمع منج مااكدر اتخيل نفسي متزوجته.
منال: مو حلو؟
مروه: لا حلو ومناقصه شي بس ممفكره بي هيج بهالطريقه يعني مااكدر اتخيله زوجي حده ابن عمي واخوي وصديقي مو اكثر.
منال: زين حجيتي لعبدالله؟
مروه: شحجي هو اليوم يالله كلي معجب بيج اروح اركض اكله ابن عمي يريدني واني مااريد..