رواية حكاية بنوتة للكاتبة فاطمة حمدي الفصل الثاني
لمياء; اي ياماما خير في ايه
والدتها: الشركه ياستي الي كنتي مقدمه فيها اتصلت وموافقه انك تشتغلي معاهم
لمياء: بسرور بجد ياماما بجد الحمدلله يارب الف حمد
والدتها: بس بيقولو في مقابله الاول مع المسؤولين وبعدين هتستلمي
لمياء: مقابله ايه دي بقا منا مقدمه كل بياناتي وكل حاجه
والدتها: عادي بقا يالولو خير ان شاء الله، يلا قومي كده وفوقي عشان نفطر مع بعض.
لمياء: حاضر ياماما، وقامت ياااه الحمدلله يارب عديها ع خير وشتغل واملي وقت فراغي يااارب...
وبعدين فطرت هي ووالدتها مع بعض وقالتلها انها هتروح لحنين تعد معاها شويه عشان متزعلش انها مشيت بدري من الخطوبه، وقامت لبست ونزلت عشان تروحلها ولما وصلت وخبطت ع الباب فتح لها خالد
خالد: اهلا
لمياء: حنين موجوده
خالد: حنين مش فاضيه.
لمياء: بصتله وقالتله اوك هعدي عليها وقت تاني ولسه بتنزل اول سلمه ندهت عليها والدت حنين، تعالي يالمياء حنين موجوده نزلتي ليه..
لمياء: مسكت نفسها وقالتلها مهي مش فاضيه هبقي اجي وقت تاني
والدت حنين: لا ياحبيبتي تعالي دي معاها مكالمه بس وهتخلصها وتجيلك تعالي ادخلي
لمياء: فضلت واقفه ع الباب وبتشاور نفسها تدخل ولا لا وحابسه دموعها ومش عارفه تعمل ايه.
حنين: خرجت من غرفتها ايه ده لمياء تعالي ياحبيبتي واقفه ع الباب ليه وسلمت عليها وحضنتها ودخلتها، عامله ايه
لمياء: الحمدلله انتي اخبارك ايه
حنين: الحمدلله بس زعلانه منك اوي كده تسبيني امبارح لوحدي وتمشي
لمياء: معلش ياحنين حقك عليا مكنش ينفع اعد اكتر من كده اعذريني
حنين: ماشي ياستي مردودالك ها
لمياء: هههههه ماشي ياختي
حنين: المهم انتي فيكي ايه يالولو متغيره كده وعنيكي مدمعه في حاجه
لمياء: لا ابدا عادي.
حنين: ياسلام ع حنين يالولو مالك بجد
لمياء: بصراحه اخوكي احرجني اوي ع الباب وقالي انك مش فاضيه وكلمني بطريقه وحشه اوي
حنين: تؤ معلش ياحبيبتي هو اسلوبه كده ع طول مع اي حد متزعليش حقك عليا
لمياء: مش زعلانه عشان خاطرك ياحنين، المهم بقا ياستي الشركه الي كنت مقدمه فيها اتصلت وهروح اقابلهم بكره
حنين: بجد فرحتيني اوي والله يلا ع خير ياحبيبتي ربنا يوفقك يارب
لمياء: يارب ياحنين يارب..
وهما قعدين وبيتكلمو رن جرس الباب، كانت صديقه ليهم اسمها رنا
رنا: دخلت السلام عليكم ازيك ياحنين عامله ايه
حنين: الحمدلله كويسه ازيك انتي
رنا: الحمدلله بخير
حنين: ايه يا رنا مش هتسلمي ع لمياء ولا ايه
رنا: اها سوري ما اخدتش بالي ومن طرف مناخيرها ازيك يا لمياء
لمياء: بضيق الحمدلله
رنا: ايه مفيش اخبار جديده كده خطوبه ولا اي حاجه
لمياء: لا مفيش
رنا: ليه كده
لمياء: معرفش والله حكمه ربنا.
رنا: مممممم ربنا يبعت بس نصيحه مني خسي شويه غلط كده محدش دلوقتي بيحب التخان خالص
لمياء: دموعها اتملت في عنيها وقالتلها ده نصيب ملهوش دعوه بالشكل ولا بالرفع ولا بالتخن..
رنا: ههههه خلاص خليكي كده لحد ما تبلطي في الخط وتعنثي
لمياء: بصتلها وسكتت لان الكلمه جرحتها ومش قادره تتكلم ولا تقول نص كلمه، وبصت لحنين وقالتلها انا لازم امشي بقا ياحنين عايزه حاجه
حنين: اعدي معايا شويه لسه بدري.
لمياء: لا معلش، يلا سلام
حنين: مع السلامه ياحبيبتي وقفلت الباب ولفت ل رنا، وقالتلها ع فكره بقا انتي قليله الذوق ومعندكيش دم خالص
وخرجت لمياء وخرجت دموعها من عيناها متنهده قائله يااااارب.
حنين: ع فكره بقا انتي قليله ذوق ومعندكيش دم خالص
رنا: اي في ايه ياحنين هو انا عملتلها حاجه
حنين: ياسلام عماله تجرحي فيها بالكلام وهي ساكته مبتردش ولا عشان هي ساكته بتسوقي فيها
رنا: اهدي ياحنين في ايه انتي مالك مدايقه عشانها اوي كده
حنين: عشان هي طيبه ومبتغلطش في حد واحده غيرها كانت عرفت ترد عليكي وتحرق دمك زي ما حرقتي دمها
رنا: يوووه فكك بقا ياحنين دي هبله اصلا طول عمرها وعايشه الدور كده.
حنين: لا بجد قليله ذوق اوي يعني
رنا: اووووف خلاص ياستي اما اشوفها ابقي اعتذرلها فكي بقا
حنين: استغفر الله العظيم يارب بجد عصبتيني
رنا; طب قوليلي بقا فين اخوكي مش باين يعني
حنين: اخويا! وانتي عايزه ايه منه
رنا: لا عادي انا بسال بس اصله بصراحه دمه خفيف اوي ويوم الخطوبه كان قمر كده
حنين: بصتلها باستحقار وسكتت
رنا: هو مبيدورش ع عروسه
حنين: بيدور بس لسه مش لاقي
رنا: مممممم طب ايه بقا ما توفقي ما بينا ياحنونه.
حنين: برقت ليها وقالتلها بس انتي مخطوبه ازاي بتقولي كده
رنا: انا مخطوبه بس عشان ارضي اهلي انما مش بحبه
حنين: حتي لو مش بتحبي مش من حقك تفكري ف حد تاني غيره ؤتخوني ثقته فيكي وثقت اهلك
رنا: ياحنين فكك من الكلام القديم ده انا عايزه اعيش سني مع شاب استايل كده زي اخوكي واحبه بجد
حنين: يعني عايزه اي دلوقتي لخصي
رنا: منا قولتلك وفقي بيني وبين اخوكي ولو عايز يتكلم معايا ف الفون نتعرف انا معنديش مانع.
حنين: مممممم يعني انتي مخطوبه وعايزه تكلمي مع واحد تاني غير خطيبك الغلبان في الفون وتقضيها بقا، والمطلوب مني اوفق الدنيا ع بعضها صح؟
رنا: ايوووه الله ينور عليكي
حنين: الله يخربيتك ياشيخه، انتي ايه مبتخافيش من ربنا وعايزني انا اوفقك مع اخويا بقولك ايه يا رنا انتي لو اخر وحده ف الدنيا ومفيش غيرك عمري ما هعمل كده معلش متزعليش مني.
رنا: والله! طب وليه الغلط ياحنين ولا انتي بقا حاجزه اخوكي لادرة الفول صحبتك الهبله دي
حنين: متجبيش سيرتها ع لسانك ادرة الفول دي اشرف من الف زيك
رنا: لاحظي انك بتغلطي فيا ياحنين انا ماشيه ومش هعتبلك بيت تاني
حنين: بعصبيه مع السلامه ورزعت الباب وراها، اووووف عصبتني يخربيتها
والدت حنين: ايه في ايه ياحنين مالك ومال صحبتك نزلت زعلانه كده انتو اتخانقتو ولا ايه
حنين: دي انسانه مريضه ومتخلفه ومش متربيه اصلا.
والدتها: يابنتي في ايه بس اهدي كده
حنين: احرجت لمياء اوي ياماما وفضلت تتريق عليها وتجرحها في الكلام...
وهي بتتكلم خرج اخوها خالد
خالد: طب وانتي زعلانه ليه هي لمياء دي من بقيه عليتنا
حنين: لو سمحت ياخالد دي صحبتي وزي اختي بالظبط
خالد: طب بس بس اشبعي بيها ياختي وع فكره بقا صحبتك دي عندها حق
حنين: اها طبعا انتي هتقول اي غير كده. ماهي واحده من معجبين جنابك
خالد: احم احم بجد عرفتي منين.
حنين: المحترمة مخطوبه وعايزه تتكلم مع حضرتك وتقضيها بقا وبتتكلم عااااادي جدا حاجه غريبه اوي
خالد: وانتي قولتلها ايه
حنين: قولتلها ايه! هزقتها طبعا وبهدلتها
خالد: طب وليه بسسس متبقيش قطاعه ارزاق ومنفسنه كده
حنين: انت بتتكلم جد انت كمان
خالد: لا بهزر اوعي كده عديني ودخل غرفته
حنين: استغفر الله العظيم يارب.
اما لمياء فروحت للبيت من بدري وبتحضر هدومها عشان هتروح بكره الشغل الجديد وبتدعي ربنا انه يوفقها فيه وتشتغل وتعمل حاجه مفيده.