رواية حرب الحب للكاتبة سلسبيل كوبك الفصل السادس والعشرون
-جنون ودت ضهرها للشخص ده و مشيت و نزلت بكل برود علي السلالم بس لقت كل الحراس موجهين مسدساتهم عليها و وراها الشخص مبتسم.
جنون مسكت مسدسها و طلعت لغاية ما وصلت للشخص ده.
جنون(ببرود): لو رجالتك رجالة خليها تضرب نار.
: و دي تيجي برضو.
جنون(ببرود): يبقي انت تموت قدام رجالتك.
جنون رفعت مسدسها علي الشخص اللي قدامها و تليفونها رن.
: مين الرزل اللي قطع لحظتك المفضلة؟ هشوف انا.
-لشخص ده شد شنطة جنون من ايديها و جنون حاولت تقاوم بس لقت كل الحراس حواليها و رافعين المسدس حواليها...
: ابو عيون جميلة، مين يا تري الشخص ده؟ نفتح و نشوف.
جنون(ببرود): و يا تري هترد انت؟
: لا طبعا انتي اللي هتردي. بس لو حسستيه بحاجة ساعتها ابقي البسي الاسود عليه.
الخط اتفتح.
كنان: احم جنون صاحية؟
جنون: لو مكنتش صاحية مكنتش هرد عليك.
كنان: كدة اطمنت طالما انتي دبش كدة.
الشخص داس علي ركبة جنون جامد علشان تتوجع و تتكلم و كنان يحس. بس جنون متكلمتش.
كنان: هقابلك بكرة.
جنون: تمام.
كنان: فيكي حاجة؟
جنون: لو فيا مش هحكي و لو مفيش برضو مش هحكي كبر دماغك. اقابلك بكرة.
كنان: طيب يا جنون، بحبك باي.
جنون: باي.
: شكله شخص غالي اوي عليكي علشان كدة مرضتيش تحسسيه بحاجة.
جنون: عايز ايه؟
: انا واحد قاعد في بيتي و انتي اللي اتهجمتي عليا.
جنون: هنتقابل تاني.
جنون شدت موبايلها و شنطتها من الشخص ده و مشيت خرجت من القصر كله بكل برود...
جنون قعدت تلف بالعربية كتير و هي بتعيط لغاية ما وقفت في مكانها المفضل و اتصلت ب كنان.
الخط اتفتح.
كنان(بنوم): الو.
جنون(بدموع): ممكن تيجي؟
كنان(بقلق): انتي كويسة؟
جنون(بدموع): هتيجي؟
كنان: حاضر حاضر. قوليلي انتي فين.
جنون: ().
كنان: ثواني و جايلك.
كنان قام بسرعة و غير هدومه و نزل ساق عربيته و راح ناحية جنون بأقصي سرعة ليه.
كنان(بقلق): جنون انتي كويسة؟
جنون قامت بسرعة و حضنت كنان جامد و قعدت تعيط.
كنان: طيب اهدي اهدي، كله هيعدي.
كنان: خلاص يا روحي. معلش حقك عليا انا طب قوليلي مين مزعلك.
جنون: مش عايزة اروح و مش عايزة اشتغل و مش عايزة اي حاجة عايزة ابقي لوحدي عايزة اعيط اوي. عياط حوشته كتير اوي.
كنان: و انا موجود عيطي براحتك و في حضني.
كنان و جنون قعدوا علي كرسي من الكراسي اللي موجودة و جنون بدأت تهدئ.
كنان: احسن؟
جنون: اه شكرا.
كنان: مش عايزة تروحي البيت؟
جنون: عادي.
كنان شال جنون و فتح باب العربية و قعد جنون علي الكرسي و فرد الكرسي و لف قعد جمبها و فرد الكرسي بتاعه و قفل الشباك بتاع العربية كله و بقت العربية ضلمة.
جنون: ايه؟
كنان: هنام ايه في ايه؟
جنون: يا مجنون هنام في العربية.
كنان: ايوه.
كنان شغل التكييف و فاضل باصص ل جنون.
جنون: بتبصلي كدة ليه؟
كنان: مستغربك.
جنون: ليه؟
كنان: من اول ما عرفتك و انتي قوية مش بتستسلمي.
جنون: اممم و دي حاجة وحشة؟
كنان: مش اوي يعني.
جنون: طيب.
كنان: اغنيلك؟
جنون: صوتك حلو؟
كنان: اسمعي و احكمي.
كنان(بغناء): اللي عنده ضحكة زي ديه و اللي لون عيونه مش عادية يجي هنا جمبي يجي ليا احكيله اللي شوفته انا بعينيا. اموت اموت في الضحكة دي اموت اموت في النظرة دي.
جنون ابتسمت غصب عنها و باست كنان من خده و نامت. و كنان فضل باصص ليها لغاية ما راح في النوم...
-في الصباح الباكر...
في بيت اياد.
اياد بدأ يفوق من نومه و بص جمبه لقي شذي قاعدة علي كرسي و نايمة. و بص الناحية التانية لقي فارس نايم علي الكنبة اللي قدامه.
اياد(بهمس): فارس فارس.
شذي(بخضة): اياد.
شذي: انت كويس؟ رد عليا.
اياد: احم اه الحمد لله.
شذي: عايز حاجة اجبها ليك؟
اياد: لا شكرا، معلش تعبتك معايا.
شذي: لا عادي و لا يهمك.
اياد: هو مين جبني و لا ايه اللي حصل؟
شذي: مفيش جالنا فيديو.
اياد: هو مش انتي قولتي في الاول مفيش بتحكي ليه بقي؟
شذي: تصدق انك عيل رزل. و الله ما هتكلم.
اياد(بضحك): خلاص خلاص اسف. هيبقي وشي المتخرشم و انتي حرام و الله.
شذي: طيب جالنا فيديو.
اياد: هو مش انتي حلفتي انك مش هتحكي بتحكي ليه؟
شذي(بغيظ): غور ياض من وشي. فارس فارس.
شذي(بزعيق): فارس.
فارس وقع من علي الكنبة و اتخض.
فارس: ايه في ايه مين مات؟
اياد(بضحك): شكلك مسخرة...
فارس: مين ده اه اياد حبيبي عامل ايه.
اياد: كويس.
فارس: حمد لله بالسلامة.
شذي: خد الكائن ده جته مصيبه في شكله.
اياد: في اكتر من كدة ده وشي اتخرشم.
شذي: احسن تستاهل.
شذي: هقوم اعمل فطار خفيف.
اياد: حصل ايه يا فارس؟!
فارس: وصل فيديو ل جنون و انت مضروب و كدة. جنون هدت الدنيا لغاية ما وصلنا ليك و خرجناك و رجعنا بس.
اياد: طيب الحمد لله، ساعدني اخش الحمام...
فارس: تعالي تعالي.
بعد فترة شذي كانت حضرت اكل و دخلته لاوضة اياد.
شذي: اوعي ايدك يا فارس، انت كلت قبل ما تنام.
اياد: سيبيه يا بنتي يأكل.
فارس: انا كنت بهزر، اكلها انت بس اصلها مأكلتش حاجة من ساعة ما عرفت الخبر و كمان اغمي عليها.
شذي(لنفسها): ربنا يأخدك يا فارس...
شذي: احم لا متصدقهوش.
اياد: طيب كلي.
شذي: لا شكرا.
اياد: خلاص و انا مش هأكل. شيلي الاكل.
شذي: اوف يا طفل هأكل هأكل، كل انت يلا.
اياد و شذي بدأوا يأكلوا.
فارس: هروح انا المبني. خليكوا مع بعض.
اياد: لو عايزة تروحي يا شذي روحي.
شذي: احم لا بقي علشان لو احتاجت حاجة.
اياد: شكرا معلش تاعبك معايا.
شذي: متقولش كدة.
اياد و شذي قضوا باقي اليوم في الكلام...
-في مكان تاني...
في بيت جنون.
شجن كانت نايمة و صحيت علي صوت موبايل...
الخط اتفتح.
شجن: الو مين؟
شخص: مش مهم مين؟
شجن: ايوه اللي هو ازاي؟
شخص: صوتك حلو و انتي لسة صاحية من النوم.
شجن: ايه القرف اللي علي الصبح ده، انت حيوان اوي.
شخص: هكلمك تاني، باي.
شجن: عيل رزل.
الباب خبط.
شجن: ادخل.
داليا: شجن انتي تعرفي اختك فين؟
شجن: لا يا امي حصل ايه؟
داليا(بخوف): مش لقياها حاولت اتصل بيها جرس مش بترد، اتصلي انتي بيها.
داليا: يا رب يا رب خير ان شاء الله.
شجن(بتوتر): طيب يا امي وترتيني.
شجن اتصلت ب جنون كتير.
عند جنون.
جنون كانت فاكرة ان رنة التليفون ده في الحلم.
جنون(بنوم): ايه ده؟
جنون فتحت عينيها و ادركت انها مش في حلم و مسكت التليفون بسرعة كان كنان لسة بيفوق.
الخط اتفتح.
جنون: الو.
شجن: اووووه يا جنون حرام عليكي قلقتينا.
جنون: حصل ايه؟
كنان(بابتسامة): صباح الخير.
جنون حطت ايديها علي بوق كنان كنان باس ايديها.
جنون: اه يا شجن كنت في شغل.
شجن: طيب اصل ماما كانت قلقانة عليكي. خديها اهو معاكي.
جنون(بهمس): بس بقي.
داليا(بحدة): انتي فين يا جنون؟
جنون: في شغل الله.
داليا: و هترجعي امتي؟
جنون: بليل.
داليا: هترجعي علي البيت في نص اليوم؟
جنون: هشوف.
داليا: ارجعي عايزة اتكلم معاكي.
جنون: تمام هحاول.
داليا: باي خلي بالك من نفسك.
جنون: باي.
شجن: خلاص ارتاحتي.
داليا: قومي البسي يلا علشان شغلك.
شجن: النهاردة اجازة هخرج شوية اتمشي.
داليا: طيب.
عند جنون.
جنون: اوووووف مبحبش انام بره البيت اساسا. كله بسببك.
كنان: و الله دلوقتي بقيت وحش.
جنون: قوم بقي اتصرف و هاتلي قهوة.
كنان: بت اظبطي.
جنون: انا لازم قهوة اول ما اصحي يلا بقي.
كنان: قوليها برقة زي البنات.
جنون(قعدت ترمش كتير): ممكن قهوة؟
كنان: ربنا يشفي.
جنون: ميرسي. يلا بينا.
كنان عدل نفسه و ظبط هدومه و فتح الشبابيك.
جنون: لما نوصل صحيني.
كنان: الصبر.
كنان و جنون راحوا مطعم و غسلوا وشهم و خرجوا بدأوا يفطروا...
كنان: يلا بينا.
جنون: عربيتي.
كنان: هخلي حد يوديها قدام المبني.
جنون: طيب شكرا.
كنان: مش هتقولي كنتي بتعيطي امبارح ليه؟
جنون: مفيش.
كنان: براحتك بس مصيري اعرف.
جنون: يلا.
كنان و جنون ركبوا العربية و وصلوا قدام المبني.
جنون: يا ابني شيل ايدك من علي كتفي.
كنان: مراتي.
جنون: يا كنان احنا في شغل.
كنان و جنون دخلوا الاسانسير لقوا حسام و ساهر و شهد.
كنان(بهمس): الاحباء كلهم هنا، عفاريت ورانا.
جنون غصب عنها فلتت منها ضحكة، كنان بصلها بحدة.
شهد(بغيظ): ايه يا تري في حاجة و لا ايه يا جنون ما تضحكينا معاكي.
جنون: مفيش.
كنان: يلا وصلنا.
كل واحد راح ل شغله. فريد رجع لمكتبه و شغله.
الباب خبط.
فريد: ادخل.
جنون: صباح الفل و الياسمين.
فريد: صباح النور تعالي اقعدي.
جنون: حمد لله بالسلامة...
فريد: الله يسلمك. ايه اخبارك و اخبار مدام داليا و شجن؟
جنون: الحمد لله بخير.
جنون: طب دلوقتي زي ما حضرتك عارف اياد مش هيقدر يرجع الشغل قبل اسبوع و شذي يعني حبيبته و قاعدة معاه، عايزة بديل ليهم في اسرع وقت في العملية دي.
فريد: اياد و فهمتها، لكن شذي دي بقي اصرفها منين.
جنون: كله بالحب هيمشي.
فريد(بحدة): جنون اتعدلي كدة. الواد كنان عداكي و لا ايه؟
جنون: يلا بقي يا سيادة اللواء.
فريد: شذي ترجع بعد يومين يا جنون بالظبط.
جنون: حاضر طيب.
جنون: عن اذنك.
جنون قامت و راحت علي اوضة تبديل الملابس.
جنون لبست بنطلون اسود و قميص اسود و كوتشي ابيض عالي نوعا ما و رفعت شعرها كحكة لفوق.
جنون كانت لسة بتلبس القميص الباب اتفتح.
كنان: جنون ان.
جنون: الله يخرب بيتك يا كنان. اخرج فورا.
كنان: هقف ساكت.
جنون: يا حيوان هضربك.
كنان: انا مؤدب و محترم اوي.
جنون خلصت من قفل زراير القميص و لفت ل كنان.
جنون: اسميه ايه؟
كنان: اللي انتي عايزاه.
جنون: اخلص كنت عايز ايه؟
كنان: السر بتاعك هعرفه النهاردة بليل مستنيكي في المكان بتاعنا.
جنون: انت مجنون تعالي هنا. مش هقول حاجة يا كنان. كنان.
كان كنان ساب جنون و مشي و جنون قعدت علي الكرسي اللي موجود في الاوضة و حطت وشها بين ايديها.
ساهر: انتي كويسة؟
جنون: عايز ايه انت كمان؟
ساهر: بطمن عليكي، مش زي ناس بتحمل علي الناس و خلاص.
جنون: الصبر يا رب.
جنون: طيب يا ساهر متشكرة ممكن تروح لشغلك انا ناقصة قرف و هم.
ساهر: هتندمي و بكرة تقولي.
جنون: طيب...
ساهر: لسة الحرب مخلصتش. في انا و كنان و حسام.
جنون: اولع بجاز. اقولك حاجة احسن اولعوا انتوا التلاتة.
جنون خرجت من الاوضة و قبل ما تخرج زقت ساهر.
جنون: يارب خلصني.
جنون كانت ماشية و لقت علي و عطر مع بعض و علي كان حاضن عطر.
جنون: ما نجيب المأذون احسن.
عطر(بتوتر): و الله هو السبب مليش فيه.
عطر سابتهم و جريت.
علي: المفروض اجري صح. يبقي اجري.
علي كان هيجري بس جنون مسكته من قفاه.
جنون: بتحبها يبقي تيجي تتقدم كدة و تطلب ايديها و نجيب مأذون و نكتب كتاب غير كدة ميلزمناش.
جنون زقت علي و علي قام جري علطول.
جنون لقت حد وراها و محاوط رقبتها بايده و في ايده حاجة حادة صغيرة...
جنون في اقل من لحظة داس علي رجل الشخص ده و ضربته بكوعها في جمبه، و مسكت ايديه و خلتها ورا ضهره و لزقت وشه في الحيطة.
جنون: انت مين ومين باعتك؟
شخص(بوجع): ابعدي.
جنون(بحدة): رد.
شخص(بوجع): تبع تبع جهاد هانم.
جنون: طلبت منك ايه؟
شخص(بوجع): اني اخوفك.
جنون(بحدة): ده اللي هو ازاي انطق؟
شهاب: جنون جنون بتعملي ايه؟
جنون: الحيوان ده كان قاصد يموتني.
شهاب: طب ليه؟
جنون(بحدة): معرفش جهاد هانم عايزة مني ايه؟
شهاب(بصدمة): هي جهاد هانم هي السبب؟
شخص(بوجع): ايدي هتتكسر.
شهاب: خلاص خلاص سيبيه انا هتصرف.
جنون: طيب.
جنون سابته و راحت للراجل الارهابي.
الراجل: ها انقذتوه؟
جنون: ايوه.
جنون: هتخرج بكرة و هتكون تحت المراقبة لغاية ما نطمن انك مش هترجع لاي من الاعمال الغير مسموح بيها. مكتوب في الورقة دي كل شروط خروجك.
الراجل(بفرحة): شكرا شكرا ليكي.
جنون: انت ساعدتني و ده جزاءك.
الراجل: حقيقي بجد مش عارف قولك ايه.
جنون: لو احتاجت اي حاجة تعالي ليا.
جنون مشيت و هي ماشية خبطت في حسام و كانت هتقع و وقعوا هما الاتنين.
شهد: انا لاحظت انه لازم نزرع شخص معاهم علشان يعرف الميعاد.
كنان(بحدة): جنون.
جنون(لنفسها): انتي في عداد الموت جنون. استعدي فالقادم اسوأ.
جنون: ها ايه؟
كنان: عن اذنك يا شهد.
حسام: اسف يا جنون مكنش قصدي.
كنان: قومي معايا.
جنون(بخفوت): هي الغيرة عندك مفرطة علشان اعرف بس.
كنان(بحدة): اخرسي.
جنون(بتريقة): اخرسي.
كنان دخل مكتب جنون بس لقي فارس و شجي.
فارس: في حاجة؟
كنان: مفيش حاجة.
جنون: شكرا وصلتني لمكتبي. باي علي مكتبك.
كنان(بغيظ و همس): لما اشوفك بليل.
سجي: في ايه يا بنتي؟ ماله كنان؟
جنون: و الله ما اعرف ده متحول...
جنون: سيبوكوا منه. اخبار اياد ايه؟
فارس: الحمد لله.
جنون: البت عطر مجتش.
الباب اتفتح بسرعة و عطر دخلت و قفلت الباب بسرعة...
عطر: جنون ناوية ليا علي نية سوداء.
جنون وقفت وراها و شاورت ليهم بأنهم ميتكلموش.
فارس: ليه حصل ايه؟
عطر: بص يا عم انا كنت ماشية قابلت علي تمام اتكلمنا شوية هزرنا.
سجي: طيب فيها ايه؟
عطر: هو قالي ينفع حضن علشان مامتي بقالها كتير ماتت و كدة. روحت حضنته جت جنون بس كدة...
جنون: هعديهالك المرة دي المرة التانية هقتلك.
عطر: اه يا ولاد.
سجي: هي اللي قالتلنا منتكلمش.
فارس: نعملك ايه؟
جنون: يلا بس يلا نشتغل.
الباب خبط.
جنون: ادخل.
حسام: اهلا احم ان شاء الله هكون هنا مع حضرتك في الفرقة.
فارس: كويس شخص مجتهد و بيحب شغله.
جنون: تمام يا فارس اتفضل اقعد.
في مكتب كنان.
كنان كان قاعد بيراجع شوية اوراق و الباب خبط.
كنان: ادخل.
شهد(بعصبية): انت مش ملاحظ انك بدخل جنون في كل حاجة.
كنان(بهدوء): قصدك ايه؟
شهد(بعصيية): انت مش مركز في شغلك. انا كنت سامعة كلام عن اسد المخابرات دلوقتي مفيش حرف واحد صح...
كنان(بهدوء)انا عارف بعمل ايه و بعرف افصل كويس، بين الحياة الشخصية و الشغل. مش زيك و هدي نار الغيرة و الحقد اللي عندك دول.
شهد(بعصبية): هي فيها ايه زيادة عني؟
كنان: كل حاجة هي مميزة في كل حاجة...
شهد قربت من كنان و وقفت قصاده.
شهد: هي مش بتحبك انت شايف بتعاملك ازاي. انا بحبك يا كنان.
شهد حطت ايديها علي كتف كنان و نزلت لمستواه.
شهد: هي عايزة فلوسك بس. انا بحبك ليك انت كشخص.
كنان(ببرود): و انا عايزها مش عايزك انتي. وصلتلك المعلومة و لا اقولها تاني.
شهد: طيب يا كنان طيب.
شهد سابت كنان و مشيت و كان داخل علي المكتب.
علي: مالها دي؟
كنان: سيبك منها.
علي: طيب كنت عايزك في خدمة.
كنان: قول.
علي: عايز اتجوز.
كنان: طب ما تتجوز.
علي: ما انا مش عارف اعمل ايه. و تامر مقضيها مع نور طول اليوم، نسيت اقولك.
كنان: ايه؟
علي(بهمس): نور طلعت بنت.
كنان: لا يا راجل علي اساس كانت ولد يعني.
علي(بهمس): ايوه انت مكنتش بتشوف لبسها كلامها.
الباب خبط.
كنان: ادخل.
شخص: اللواء فريد عايز حضرتك...
كنان: طيب. عن اذنك يا علي.
كنان خرج و راح ل مكتب فريد و خبط الباب.
فريد: ادخل.
كنان: حضرتك طلبتني.
فريد: اقعد يا كنان.
كنان: تمام يا فندم.
فريد: في خبر نوعا ما وحش.
كنان: خير؟
فريد: بنت الوزير.
كنان: مالها؟
فريد: جاية النهاردة المبني و عايزاك انت بالذات تكون مشرف علي تدريبها لتصبح مؤهلة لاي هجوم.
كنان: و مين رشحني ليها؟
فريد: هتكون مين غير امك.
كنان(بعصبية): هي ليه عايزة تحطني قدام الامر الواقع، و كمان جنون موجودة و ممكن يحصل اي حاجة.
فريد: الوزير بنفسه كلمني يا كنان.
كنان: طيب. طيب. مع ان في ناس متخصصة بالكلام ده.
فريد: وقع الاختيار عليك يا كنان. مش في ايدي حاجة.
كنان: هكرها في اليوم اللي قالت فيه عايزة اتدرب.
كنان: اساسا ورايا شغل فاضي انا ل لعب العيال ده.
فريد(بضحك): وريني قدراتك. و اه متخليش جنون تعرف لانك هتكون بين ناريين.
كنان: هي بتحس و لا بتغير هي عندها دم اساسا.
فريد: يا رب تسمعك تقول الكلمتين دول.
كنان: انا قايم دول ستات نكدية اوف.
كنان قام و راح علي شغله...
-في مكان تاني...
عند شجن.
داليا: خلي بالك من نفسك و متتأخريش.
شجن: حاضر.
داليا: قولتي هتبقي مع صحابك مين؟
شجن: هروح اشرب و اجي.
شجن راحت تشرب و مشيت علطول. تليفونها رن.
الخط اتفتح.
شجن: انت فين؟
أوبي: اول الشارع بتاعك.
شجن: طيب جيالك.
شجن راحت و ركبت في عربية اوبي.
أوبي: محسساني بنسرق.
شجن: انت متعرفش ماما اسكت.
أوبي: انا ساكت اهو اتكلمت يعني.
شجن: طيب هتودينا فين؟
اوبي: انتي عايزة فين؟
شجن: انا مرحتش السينما الا مرة. خلينا نروح.
أوبي: تمام. تعالي.
شجن و أوبي راحوا للسينما و اختاروا فيلم و دخلوا.
شجن: متأكد ان الفيلم حلو؟
أوبي: اوي يا روحي.
شجن: مش واثقة فيك. بس يلا خليك ورا الكداب.
أوبي و شجن دخلوا الفيلم و قعدوا و الفيلم اشتغل.
شجن: الله يخرب بيتك كدة حلو، يلا نمشي بخاف.
أوبي: لا يا جبانة اتفرجي...
شجن: اوبي خلينا نخش اي فيلم تاني و لا اقولك روحني.
أوبي: لا.
شجن: يا رزل.
و بعد فترة الفيلم خلص و أوبي طالع و هو بيضحك علي اخره و شجن بتبصله بغيظ.
أوبي: يا ربي علي الضحك. ايه يا شجن طلعتي بتخافي اوي.
شجن: ملكش دعوة بيا عيل رزل صح.
أوبي: لا حقيقي و انتي بتخبي عينك و الا لما صرختي و الناس كلهم بصوا عليكي.
شجن(بغيظ): انت حيوان ليه؟
أوبي: امشي يا بت قدامي.
أوبي(بضحك): بس برضو كان شكلك مسخرة...
شجن: نيننينينينينينينيننيني.
أوبي و شجن ركبوا العربية و راحوا ل مطعم و بدأوا يأكلوا...
-في مكان تاني...
عند تامر و نور.
تامر: تحبي تروحي فين تاني؟
نور: لا معرفش. بس اللي اعرفه ان كنان هيقتلنا.
تامر: كنان زمانه مع جنون مش فاضي لينا.
نور: و الله انك فايق و رايق...
تامر: تعالي نروح كرم اخلاق مننا.
نور(بضحك): طيب.
تامر و نور راحوا المبني و دخلوا.
تامر: هو في ايه كدة حراسة في كل مكان؟
نور: ل يكون الوزير هنا.
تامر: اخرسي يا بت ايه اللي هيفكره بينا اساسا.
تامر: اهو شهاب تعالي نسأله.
نور: شهاب.
شهاب: يااااه اخيرا شرفتوا.
تامر: ايه اللي في المبني ده؟
شهاب: بنت الوزير مختارة كنان بالاسم يدربها.
نور: و جنون عارفة؟
شهاب: لغاية دلوقتي لا.
تامر: ربنا يستر، كنان في خطر.
شهاب: يا رب، جهاد هانم هي السبب عايزة تفرق جنون و كنان بأي شكل من الاشكال.
شهد: احم احم هي مين جهاد هانم دي؟
نور: دي مامت كنان، بس ليه بتسألي؟
شهد: لا عادي سمعت الاسم بس فاستغربت.
نور: طيب.
عند كنان...
كنان: ماجي ممكن تركزي؟
ماجي: قولي انا اعمل ايه و انا اعمله.
كنان: استغفر الله العظيم...
ماجي: بتقول حاجة؟
كنان: بقول ربنا يهدي. عندك مانع؟ ممكن نركز بقي شوية و لا انتي جاية تلعبي انا ورايا شغل مش فاضيلك.
ماجي: خلاص سوري، يلا نكمل اعمل ايه؟
كنان(لنفسه): اكسر الرقبة و لا اكسر ايد و لا اعمل ايه؟
كنان: اه بصي مدي ايدك ل قدام.
ماجي: اه كدة.
كنان مسك ايد ماجي و لفاها ورا ضهرها.
كنان: لما حد يعمل كدة دوسي برجلك علي رجله و اضربي بالكوع.
كنان داس علي ايد ماجي جامد و سمعوا صوت طرقعة.
ماجي(بصريخ): عاااااااااااااااااااااااااااااااااااااااااا...
كنان كان بيحاول يكتم ضحكه علي قد ما يقدر.
كنان: انتي كويسة؟ اوف اسف ده شكله كسر لازم دكتور بسرعة.
تامر: الواد ده عملها ايه؟
نور: تعالوا نشوف.
الكل دخل ل كنان لقوا ماجي قاعدة عمالة تعيط و تصرخ و حراسها جم و خدوها نقلوها للمستشفي و اتجبست...
كنان قعد يضحك كتير بصوت عالي و مكنش قادر يقف من كتر الضحك...
شهاب: ده انت دماغ.
نور: بس برضو حرام عليك.
كنان: هي ملزقة اعملها ايه يعني؟
تامر: ماشي، بس يا تري الوزير هيسكت.
كنان(بلامبالاة): هي اللي طرية فايديها اتكسرت بسهولة.
جنون(بقلق): ايه الصويت ده؟
تامر: طب نمشي احنا بقي.
جنون: في ايه حد يرد عليا؟
شهاب و نور و تامر مشيوا و كنان مد ايده ل جنون و جنون طلعت و وقفت قصاده.
جنون: هو حصل ايه؟ بيقولوا حصل صوت صويت و.
كنان: مفيش كسرت ايد بنت الوزير.
جنون(بصدمة): انت مجنون؟ انت عارف ممكن يحصلك ايه؟
كنان: مش طايقها اعملك ايه يعني؟
جنون: اوف يا كنان دلوقتي شغلك ممكن يتهدم.
كنان: متقلقيش يا جنون، هي طرية و مستحملتش انا مكنش قصدي اكسر ايديها.
جنون: يا رب يصدقوا و ميكبروش الموضوع.
كنان: سيبك انتي وحشتيني.
جنون: طب انا بقول بقي امشي علشان ورايا شغل.
كنان: جنون بطلي تهربي.
جنون: انا مش بهرب ورايا شغل فعلا. عن اذنك.
كنان: طيب هشوفك بليل.
جنون: كنان علشان خاطري بلاش تضغط عليا.
كنان: انتي استحملتي حاجات كتير لوحدك جه الوقت اللي اشيلها معاكي.
جنون: بس.
كنان: تأكدي اي حاجة تحكيها مش هتأثر علي حبي ليكي.
جنون: مش.
كنان: هششششش مفيش نقاش في الموضوع ده. الموضوع انتهي و خلاص جهزي نفسك ل بليل.
جنون(بدموع): بلاش ضغط ارجوك.
كنان: ده مش ضغط انا مش بضغط عليكي انا بحبك. انا بس عايز اعرف ايه اللي تاعب قلبك اوي كدة علشان اعرف اعالجه.
كنان حضن جنون و باس رأسها.
جنون: توعدني مش هتسبني مهما حصل و مهما قولت.
كنان: اوعدك.
تليفون كنان رن.
كنان: مش وقته خالص.
جنون: رد متبقاش رخم.
كنان: انتي اسكتي و متبقيش رخمة.
جنون: لو مردتش هزعل منك.
كنان: ازعلي هصالحك بشيكولاتة و بوكيه ورد.
جنون: لا مش بتصالح كدة.
كنان: طيب يا جنون يا اللي مجنناني.
الخط اتفتح.
كنان: الو مين؟
بنت: كنان بيه معايا؟
كنان: ايوه انتي مين؟
بنت: انا مني صاحبة ندي اخت حضرتك.
كنان(بقلق): ندي حصلها حاجة؟
بنت: ----------------------------.