رواية حرب الحب للكاتبة سلسبيل كوبك الفصل السابع والعشرون
ان تليفون كنان رن، الخط اتفتح.
كنان: الو مين؟
بنت: كنان بيه معايا؟
كنان: ايوه انتي مين؟
بنت: انا مني صاحبة ندي اخت حضرتك.
كنان(بقلق): ندي حصلها حاجة؟
مني: ندي حاولت تنتحر و نقلناها علي المستشفي.
كنان(بعصبية): انتي مجنونة؟
كنان: مستشفي ايه؟
مني: مستشفي().
كنان خد حاجته و طلع يجري جنون مسكت شنطتها و جريت وراه.
جنون: يا ابني استني.
جنون ركبت جمب كنان و كنان ساق بأقصي سرعة عنده و كان هيعمل اكتر من حادثة...
و بعد فترة وصلوا المستشفي و جنون مكنتش فاهمة حاجة.
كنان: ندي فريد الهواري.
ممرضة: ايوه يا فندم في اوضة رقم 304.
كنان طلع يجري و جنون جريت وراه. كنان راح للاوضة و فتح الباب بسرعة.
جنون: اوف يا كنان في ايه مجريني وراك كدة ليه؟
كنان قرب من ندي اللي نايمة علي السرير و وشها شاحب جدا و متعلق ليها محاليل.
كنان: ندي حبيبتي ردي عليا.
جنون: هو حصل ايه؟
مني(بخوف و توتر): معرفش قالت هتروح الحمام. اتأخرت شوية و بعدين لقينا واحدة بتصرخ و بتقول واحدة حاولت تنتحر في الحمام بس و نقلناها المستشفي.
جنون: طيب خلاص اهدي.
جنون قربت من كنان و حطت ايديها علي كتفه.
جنون: خلاص يا كنان الحمد لله هي بخير.
كنان(بدموع): اومال مش عايزة ترد عليا ليه؟
جنون: علشان هي متعلق ليها محاليل شوية و هتفوق ان شاء الله متقلقش، قوم بس من علي الارض.
جنون: خلاص تقدري تمشي انتي اخوها معاها.
مني: بس هي صاحبتي.
جنون: علشان اهلك و ان شاء لله هي هتفوق و تطمنك.
مني: طيب عن اذنكوا.
جنون: يا كنان قوم بقي من علي الارض شوية و هتفوق.
كنان(بحدة): ابعدي عني يا جنون، او اطلعي بره.
جنون سابته و مشيت خرجت بره الاوضة.
جنون: لو سمحت يا دكتور هي المريضة اللي جوا اخبارها ايه؟
الدكتور: انسة ندي الحمد لله بخير و قدرنا نتدخل في اللحظة المناسبة.
جنون: هتفوق امتي؟
الدكتور: بعد ما المحلول ما يخلص كدة. ان شاء الله خير. او ممكن تاخد وقت و تفوق الصبح.
جنون: شكرا يا دكتور.
الدكتور: عن اذنك.
-و بعد فترة كنان خرج و كان فاكر جنون مشيت بس لقاها قاعدة علي الكرسي اللي قدام الاوضة.
كنان: انتي هنا؟
جنون: اخبار ندي ايه؟
كنان: لسة مفاقتش.
كنان قعد جمب جنون و كل شوية يبص لها.
جنون: اعتبر كتفي مخدة و متفضلش تبص كدة.
كنان ابتسم ابتسامة خفيفة علي كلام جنون و حط رأسه علي كتف جنون و غمض عينه، جنون حطت ايديها علي خده...
جنون: هيعدي كله هيعدي.
كنان: يا رب...
في مكان تاني...
-عند أوبي و شجن.
أوبي: يلا انزلي.
شجن: شكرا علي اليوم باي.
أوبي: هيتكرر كتير متخافيش.
شجن: باي.
شجن نزلت و دخلت البيت بس لقت حد بيحط حاجة علي بوقها. كان اوبي لسة هيتحرك بس شافها...
شخص: يلا بسرعة.
شجن اغمي عليها و ركبوا العربية و اوبي جري وراها بس ملحقهمش و جري ركب عربيته.
أوبي(بخوف): يا رب احميها.
اوبي ساق ورا العربية بس معرفش يلحقهم نزل وقعد يضرب العربية برجله.
اوبي(بصوت عالي): ياااااااا رب.
عند داليا.
داليا اتصلت كتير ب شجن بس مردتش. اتصلت ب جنون برضو مردتش.
داليا(بخوف): يا رب احميها يا رب.
داليا(بدموع): مليش غيرها هي و جنون يا رب.
داليا قامت لبست بسرعة و راحت للمبني.
سجي(بخضة): طنط داليا مالك؟
داليا(بدموع): شجن و جنون مش بيردوا.
سجي: حسام شوف بسرعة فين جنون؟
حسام: حاضر.
حسام دور علي جنون في كل المبني.
حسام: ملقتهاش.
داليا(بعياط و هي تغيب عن الوعي): بناتي.
سجي(بخضة): طنط طنط طنط داليا قومي فتحي عينك طنط.
سجي(بصوت عالي): نادوا ساهر بسرعة.
شهاب: في ايه مالك بتجري كدة ليه؟
حسام: ابعد.
حسام كمل جري و راح ل ساهر، شهاب مشي شوية لقي سجي قاعدة في الارض.
شهاب(بقلق): سجي!
شهاب: سجي انتي كويسة؟
شهاب: ايه ده هي دي مامت جنون؟
سجي(بدموع): ايوه.
شهاب: مالها؟
سجي: معرفش جت هنا وقالت ان شجن و جنون مش بيردوا عليها و دورنا علي جنون ملقنهاش و طنط اغمي عليها.
ساهر: وسعوا حصل ايه؟
فريد: بص يا رأفت اللي حصل النهاردة ميتكررش تاني.
رأفت: ابنك اللي غبي و متسرع.
فريد: عارف قدم اعتذاري لسيادة الوزير.
رأفت: في ايه هنا؟
فريد: مامت جنون بتعمل ايه هنا؟
سجي: ها يا ساهر.
ساهر: صدمة عصبية حادة.
شهاب: المفروض يحصل ايه؟
ساهر: تروح للدكتور محمد.
سجي: شيل معايا يا شهاب...
شالوا داليا و راحوا لاوضة و حطوها علي سرير.
محمد: في ايه حصل ايه؟
ساهر: ممكن صدمة عصبية حادة.
محمد: وسع.
فريد: حد يفهمني هنا حصل ايه؟
سجي: معرفش بس لازم نعرف جنون فين او شجن.
رأفت: طيب اهدوا.
فارس(بقلق): في ايه في ايه يا سجي؟
سجي(بدموع): بس بقي بطلوا تسألوا بس.
شهاب: خلاص اهدي محصلش حاجة. بعدين يا فارس.
فارس: طيب و جنون فين؟
سجي: و لا شجن و لا جنون بيردوا علي التليفون.
فارس: طيب جنون و تقدر تحمي نفسها اما شجن معتقدش.
رأفت: حاولوا توصلوا ل جنون بسرعة.
فارس: ثانية.
عند جنون.
جنون: كنان كنان.
كنان: ايه؟
جنون: طب تروح تنام شوية؟
كنان: لا، هي ليه لسة مفاقتش؟
جنون: الدكتور قال هتفوق بكرة الصبح خلاص.
كنان: خلاص روحي انتي و انا هبات معاها.
جنون: لا طبعا لو هتبات هبات معاك برضو.
كنان: يا جنون اسمعيني.
جنون: اقعد بقي.
تليفون كنان رن، الخط اتفتح.
كنان: الو يا فارس.
فارس: جنون معاك؟
كنان: ايوه بس.
فارس: ودهالي بسرعة.
جنون: ماله فارس؟
جنون خدت الموبايل من كنان و ردت علي فارس.
جنون: ايه يا فارس مالك؟
فارس: جنون مامتك هنا و مغمي عليها. و شجن اختك مفقودة.
جنون فضلت ساكتة و مردتش.
فارس: الو جنون جنون سمعاني.
كنان: مالك يا جنون. حصل ايه؟
جنون(بتوهان): انا انا لازم اروح بسرعة...
جنون(بتوهان): لازم اروح.
جنون جريت علي بره، و كنان واقف مصدوم.
كنان: دكتور خلي بالك من ندي.
كنان طلع يجري ورا جنون و كانت لسة هتدخل الاسانسير و كنان شدها ناحيته.
كنان: في ايه؟ مالك؟
جنون: سيبني دلوقتي. ارجوك.
جنون دخلت الاسانسير و كنان دخل معاها.
كنان: جنون اتكلمي علشان خاطري حصل ايه؟
جنون: مفيش حاجة، انا كويسة كويسة.
كنان: بتكدبي ليه طيب؟
جنون: مفيش حاجة عايزة امشي من هنا مش قادرة اخد نفسي.
كنان: طيب اهدي.
جنون و كنان خرجوا من الاسانسير و ركبوا عربية كنان و راحوا للمبني.
جنون دخلت جري و بدأت تجري و كنان وراها مش فاهم اي حاجة...
جنون: حسام فين ماما؟
حسام: في اوضة الدكتور محمد...
جنون كملت طريقها و راحت لاوضة محمد و فتحت الباب.
جنون(بقلق): ماما.
سجي: هي كويسة متقلقيش...
جنون قربت من داليا و باست رأسها و حضنتها.
جنون: ايه اللي حصل ل شجن؟
فريد: لسة منعرفش يا جنون.
جنون(بغل و حقد): بس انا اعرف، و موته النهاردة علي ايدي حتى لو فيها موتي.
جنون راحت علي اوضة التجهيزات...
كنان: اهدوا انا هتصرف.
كنان: جنون.
كنان: جنون ردي عليا، بتعملي ايه و مين هو الشخص ده؟
جنون: اكتر شخص بكرهه في حياتي اكتر شخص ببغضه و بكره وجوده.
كنان: طب اهدي بس. و ايه اللي خلاكي متأكدة ان هو اللي خطف شجن؟
جنون: عايز يحرق قبي.
كنان: طب و واخدة المسدسات دي ليه استني بس.
جنون حطت شنطة علي ضهرها و كملت مشي. و كنان وراها و ركبوا عربية جنون.
جنون: اوعدك لو لقيت شجن عنده لاقولك علي الحقيقة.
كنان بصلها و متكلمش. و جنون ساقت لغاية ما وصلت قصر نفس الشخص اللي راحته المرة اللي فاتت...
حارس: مين؟
جنون: جنون سيف الدين.
حارس: ادخلي.
حارس2: و مين ده؟
جنون: جوزي.
جنون مسكت ايد كنان و دخلت القصر بكل ثقة و برود اعصاب، لقت كرسي حد قاعد عليه و موديها ضهره.
: حبيبة قلبي جت.
جنون: فين شجن؟
: مكان ما انا عايز.
جنون: ميلزمناش.
: دي املاكي.
جنون: و لا انا و لا هي هنبقي من املاكك ابدا.
كنان(بحدة): جنون ايه اللي بيحصل هنا؟
: نفس صوته، هو ده اللي كلمتيه و انتي عندي امبارح.
كنان(بغضب): ايه اللي بيقوله ده يا جنون؟
جنون(بهمس): اسكت يا كنان.
: شكله بيغير عليكي.
جنون(ببرود): ملكش دعوة انا عايزة اختي شجن علشان ترجع لبيتها...
: و ده كمان بيتها.
جنون: و مين قالك ان هقبل بالبيت ده؟ تبقي عبيط.
: مش عيب بنت تشتم باباها.
جنون: عيب؟! هو انت تعرف العيب اصلا. انت احقر اب شوفته في حياتي انت حيوان زبالة انت كلب متسواش.
كنان فتح عيونه من الصدمة، و بص ل جنون.
كنان(لنفسه): هو ابوها عايش؟!
جنون: عايزة اختي و فورا و الا و ربي اكون قاتلاك و مش هأخد فيك ساعة سجن.
جنون مسكت مسدسها و رفعته في وش ابوها اللي لف بالكرسي بتاعه.
كنان وقف قدام جنون بسرعة.
كنان: جنون نزلي مسدسك ايا كان اللي عمله هو ابوكي.
جنون(بحدة): ابعد يا كنان.
كنان: جنون اهدي خدي شهيق و زفير، اهدي.
جنون(بغضب): قولتلك ابعد يا كنان.
-سيف الدين طلع مسدسه و وجهه ناحية كنان و ضرب رصاصة و في اقل من لحظة جنون مسكت كنان و زقته و بعدت من قدام سيف الدين و وقعوا علي الارض.
سيف: بكره شخص يكون عائق بيني و بين بنتي...
جنون: انت كويس؟
كنان: ايوه.
جنون(بعصبية): جيب ليا اختي و ابعد بقي من حياتنا. ابعد ابعد زي ما بعدت زمان زي ما هربت زي الكلب الخاين الواطي.
جنون: ابعد انت صاحب كل مشكلة كانت بتقابلني في حياتي كل عقدة كانت في حياتي كنت سبب فشلي في اوقات كتير كنت سبب احباطي.
جنون(بصريخ): ابعد عني بقي يا اخي ايه معندكش دم.
كنان حضن جنون جامد و قعد يملس علي شعرها.
كنان: اهدي يا حبيبتي اهدي...
جنون: خليه يوديني اختي و يبعد عننا يا كنان...
كنان(بهدوء): اينعم معرفش ايه نوع المشاكل اللي بينكم بس حاليا وديها اختها مامتها قلقانة جدا عليها و بعدين نبقي نتكلم و نحل المشكلة دي. بس حاليا هات شجن.
سيف: انت اللي بتحبها؟
كنان(بهدوء): مش هيفرق معاك، هات شجن.
سيف: مش قبل ما ترد علي سؤالي.
كنان: الحب حاجة قليلة جدا عليها انا بعشقها.
سيف: توعدني انك هتحميها علطول.
كنان: افديها بروحي و قلبي.
-جنون زقت كنان بعيد عنها و قربت شوية من سيف.
جنون: ايه الاب الحنين دلوقتي ظهر، كان فين لما كان بيضربنا كل يوم,كان فين لما كان بيحرمنا من كل حاجة,كان فين لما كان بيسبنا ننام جعانين,كان فين لما كان بيشتري بفلوسه خمرة و يسكر و قال ايه زهق مننا,كان فين لما كنت بشكيله علي حاجة يقول ليا مش فاضيلك,كان فين لما ماما تمشي و تروح تشتغل كان يجيب ستات في الشقة,كان فين لما كنا بنموت بسبب المطر و البرد و هو سابنا و مشي,كان فين لما كان بيطفي السجاير في جسمي لما اعترض علي حاجة,كان فين لما سابنا بنولع في البيت و مشي و بعدها رجع تاني المفروض نسامحه,كان فين لما كان بيحبطني,كان فين لما كان بيعذبني و يحرمني من الاكل و الدراسة و الحياة لايام في اوضة ضلمة باردة,كان فين لما انا كنت بشقي و بتعب علشان اكل امي و اختي و بصرف علي دراستي و دراسة اختي,كان فين لما نجحت,كان فين لما نفذت اول مهمة ليا,كان فين لما عملت حادثة,كان فين لما اضربت بالرصاص,كان فين لما حبيت,كان فين لما اتخطبت,كان فين في كتب كتابي,كان فين لما كنت بعيط علي مخدتي كل يوم...
جنون(بصريخ): رد كنت فين؟ كنت بتكون ثروتك اللي كلها حرام في حرام...
جنون: لو جاي النهاردة تصلح غلطتك تبقي غطان لو فاكر اني ممكن اسامحك.
جنون: انا اللي هوديك السجن بأيدي علي كل جرايمك و بكل برودة اعصاب...
كنان كان مصدوم من كل اللي جنون حكته و صعبت عليه اوي و عيونه دمعت علشانها.
كنان(بغضب مكتوم): فين شجن؟
سيف بص ل جنون في عيونها و هو مدمع...
سيف: واخدة لون عينيا. واخدة غمازاتي، واخدة حدة عيوني انتي حتة مني يا جنون.
جنون(بضحكة سخرية): لسة مصدق نفسك انك ابويا. انا ابويا مات و انا في الثانوية.
جنون(بسخرية): هي الدموع دي حقيقية و لا ماية.
شجن(بدموع): جنون.
شجن جريت علي جنون و حضنتها. جنون حطت ايديها علي شعرها و قعدت تطبطب علي ضهرها و باست رأسها.
جنون: يلا يا شجن.
جنون: يلا يا كنان.
جنون مشيت و هي حاضنة شجن و شبكت ايديها في ايد كنان و مشيت...
كنان: انتي كويسة؟
جنون: ايوه.
شجن(بدموع): جنون هو ده؟!
جنون: حتى لو هو احنا ابونا مات يا شجن و خدنا عزاه نسيتي و لا ايه.
شجن(بدموع): ايوه.
كنان ساق بالعربية و جنون و شجن في الكرسي اللي ورا و جنون حاضنة شجن، و بعد فترة وصلوا للمبني.
جنون: خليها معاك هدخل اشوف امي و اشوفها لو فاقت.
كنان: هاجي معاكي.
جنون: لا خليك.
جنون دخلت المبني و راحت لاوضة مامتها.
عطر: ايه الاخبار؟
داليا(بلهفة): جنون.
جنون جريت علي مامتها و خدتها في حضنها.
أوبي: شجن شجن يا جنون فين؟
جنون: كويسة معايا بره بس الافضل اخد امي و نروح و بعدين نبقي نتكلم. تعالي يا سجي انتي و عطر معانا.
جنون و عطر و سجي سندوا داليا و خرجوا بره المبني.
داليا: شجن.
شجن(بدموع): ماما.
داليا حضنت شجن و قعدت تبوس فيها.
داليا: انتي كويسة حصلك حاجة طمنيني عليكي؟
شجن: بخير.
عطر: هنركب فين يا جنون.
جنون: روحوا بعربيتي انا و ماما و شجن هنروح بعربية كنان...
داليا بصت ل جنون.
جنون: هو اللي لقي شجن يا امي علي الاقل اشكريه.
عطر و سجي ركبوا عربية جنون. و الباقي في عربية كنان.
داليا: شكرا.
كنان: احم ده واجبي يا طنط.
كنان: حمد لله بالسلامة.
جنون: شكرا ليك يا كنان.
داليا و شجن و البنات دخلوا البيت. كنان و جنون وقفوا فضلوا ساكتين.
جنون: هدخل انا علشان تعبانة.
كنان: تمام بس اوعديني متعيطيش.
جنون: باي.
حنون سابت كنان و دخلت اوضتها و حاولت متعيطش. جنون دخلت خدت دوش و خرجت.
جنون ليست بنطلون اسود و تي شيرت بنص كم كحلي في دهبي و جنون سيبت شعرها بعد ما نشفته.
-عطر نامت مع داليا، و سجي مع شجن.
جنون راحت علي سريرها و قعدت حاولت متعيطش بس غصب عنها عيطت.
كنان: مش قولتلك متعيطيش.
جنون(بصدمة): كنان؟! ايه اللي جابك؟!
كنان: هو في غيرك.
كنان: تعالي ساعديني...
جنون قربت من كنان و وقفت قدامه.
جنون: انزل يا كنان و امشي.
كنان: هتطلعيني و لا اطلع لوحدي، انا اساسا كنت بستعبط.
كنان نط في البلكونة و شد جنون و قفل البلكونة.
جنون(بهمس): بتعمل ايه؟
كنان: مبعملش. تعالي بقي كدة.
كنان شد جنون معاه و راح قعدها علي السرير و فرد جسمها علي السرير...
جنون: بتعمل ايه يا ابني؟
كنان قفل النور و راح نام جمبها و خدها في حضنه.
جنون: ابعد كدة عني. ثانيا مينفعش كدة ابعد.
جنون: كنان كنان رد عليا اكيد منمتش يعني.
جنون: اوف يا رخم عارفة انك صاحي ابعد بقي.
-كنان شدها لناحيته اكتر و نام، جنون غصب عنها نامت و كنان فتح عيونه لما اتأكد انها نامت و قعد يملس علي شعرها و باس رأسها.
كنان: طلعتي شايلة كتير يا جنون، اسف.
كنان: اسف علي كل لحظة خليتك تزعلي فيها مني.
كنان باس رأس جنون و نام جمبها.
-في مكان تاني...
في فيلا فريد.
جهاد(بعصبية): ازاي ندي مجتش؟
سيدة: دورنا عليها يا جهاد هانم.
جهاد(بزعيق): ابعدي من وشي.
فريد(ببرود): خير مالك متعصبة؟
جهاد(بعصبية): ندي مش موجودة من الصبح.
فريد: طيب انا عارف، تقدري تنامي و انتي مرتاحة.
جهاد(بزعيق): هي فين رد هي فين؟
فريد: عند واحدة صاحبتها خلاص مش فايق ليكي.
جهاد(بزعيق): و كنان و اوبي.
فريد(ببرود): اوبي في الجنينة. كنان هيبات بره.
فريد ساب جهاد و طلع لاوضته حاول ينام، جهاد خرجت الجنينة تشوف اوبي.
اوبي(بدموع): انا اسف يا شجن مقدرتش انقذك و لا احميكي.
اوبي(بدموع): اسف انتي متستحقنيش.
اوبي(بدموع): وقفت متكتف.
جهاد: اوبي.
اوبي مسح دموعه بسرعة و بص ل جهاد.
اوبي: نعم.
جهاد: مالك؟
اوبي: مفيش عن اذنك.
اوبي كان ماشي جهاد مسكت دراعه بعصبية.
جهاد(بعصبية): مش بسألك في ايه رد عليا.
اوبي(ببرود): مش لسة طفل و كمان بالطريقة دي مش هتكلم خالص...
جهاد: طيب يا اوبي براحتك. غور في ستين داهية.
اوبي طلع لاوضته و حاول ينام.
جهاد: طيب طيب الصبر عليا.
جهاد ركبت عربيتها و راحت ل قصر سيف الدين.
حارس: مين؟
جهاد: قوله جهاد هانم.
و بعد فترة دخلوا جهاد ل سيف.
سيف: خير يا جهاد؟ ايه اللي فكرك بيا؟
جهاد(بعصبية): ابعد بناتك عن ولادي يا سيف.
سيف: قصدك ايه؟
جهاد(بعصبية): بناتك الزفتة شجن و الزفتة جنون.
سيف(بحدة): اتكلمي عن ولادي بأدب.
جهاد(بسخرية): دلوقتي افتكرت ان ليك بنات، فين ايام زمان.
سيف(بغضب): ما هو بسببك انا بعدت عن ولادي، لانك من يومك و انتي حقودة و لما اتجوزت داليا و متجوزتكيش انتي من يومها و انتي كنتي بتفكري ازاي تخربي بيتي و فعلا خربتيه.
جهاد: لو انت كنت مخلص لمراتك مكنتش خونتها معايا و مكنتش فقرت.
سيف: طلباتك هي اللي كانت كتيرة و انا ندمان علي كل لحظة قضتها بعيد عنهم.
جهاد: ميهمنيش بس ابعد بناتك عن ولادي، كنان و اوبي مش هيتجوزوا بناتك.
سيف: و لا انا يشرفني اجوز بناتي لولاد واحدة خاينة و خانت زوجها و عيالها و خانت ثقة جوزوها.
جهاد: فريد بيحبني و مهما يعرف هيفضل يحبني.
سيف: متهيألك.
جهاد: انا مش جاية اتكلم في اللي فات، ابعد بناتك عني بناتك زي امهم تعابين بتلف حوالين ولادي.
سيف(بغضب): اتكلمي عن داليا و بناتي بأدب فاهمة.
جهاد: لسة بتحبها؟
سيف: ايوه بحبها و هفضل طول عمري بحبها. انا بكرهك يا جهاد انتي اللي بعدتيني عن ولادي و مراتي. بس هندمك و الله لاندمك.
جهاد: مش هتقدر.
جهاد: بناتك لو قربوا من ولادي و الله لاكون قاتلاهم.
سيف: لو قربتي من بناتي لاكون قاتلك انتي و عائلتك كلهم يا خاينة.
جهاد بصتله بغضب و سابته و مشيت، سيف رجع رأسه لورا و غمض عيونه بتعب.
-في الصباح الباكر...
في بيت اياد.
شذي: طيب خلاص عرفت...
شذي: طب هما كويسين دلوقتي.
شذي: طب الحمد لله.
اياد: شذي.
شذي: اقفل دلوقتي يا فارس.
شذي: عايز حاجة؟
اياد: في حاجة حصلت جديدة؟
شذي: لا كله تمام الحمد لله.
اياد: متكدبيش...
شذي: مفيش و الله الحمد لله الكل بخير...
اياد: اسف يا شذي تاعبك معاايا.
شذي: و لا يهمك.
اياد: شذي بصي انا هتصل بفارس يخلي الكل يجي و نكتب الكتاب و بعد ما اقوم ان شاء الله نتجوز و نعمل فرح بس علشان انا اخاف علي سيرتك قدام الناس و مبحبش شكلك يبقي وحش.
اياد: موافقة؟
شذي(بخجل): تمام.
اياد(بغمزة): خدودك بقت حمراء علفكرة.
شذي: ما انت لو مكنتش قولت كلام محرج مكنتش هتبقي كدة.
اياد: الله يخرب بيتك يا شيخة، قومي قومي فصلتيني.
شذي: طيب يا عم المتخرشم.
اياد: بتتريقي عليا يعني طيب و ربي لما اقوملك.
اياد طلع تليفونه و اتصل ب فارس اللي اتصدم و اتفق معاه علي كل حاجة...
عند فارس.
فارس: يا ابن المجنونة.
شهاب: في ايه مالك؟
فارس: احنا مطبقين بقالنا يومين و الواد هيكتب الكتاب.
شهاب: اياد؟!
فارس: هو في غيره. و انا متكفل بكل حاجة فستان الخطوبة و كل حاجة.
فارس: اجيب منين فستان خطوبة انا ذوقي يقرف.
نور: مالكوا في ايه واقفين حيرانين.
شهاب: لقيتها نور هتنزلي مع فارس تشتري فستان كتب كتاب خطوبة كدة علي مقاس شذي.
نور: كتب كتاب خطوبة!
فارس: يا ستي فكك. اصل الواد اياد كتب كتابه النهاردة.
تامر: ايه ده ايه ده؟ واخدين خطيبتي علي فين يا واد منك ليه.
نور: هنجيب بدلة و فستان علشان كتب كتاب اياد بليل.
تانر: انا زهقت من جو الشغل هاجي معاكوا.
فارس: طيب يلا بينا.
-في مكان تاني...
عند جنون.
جنون صحيت قبل كنان و قعدت علي موبايلها شوية و قامت غسلت وشها و خرجت شغلت اغاني و قعدت تلعب ضغط.
كنان: مين الزفت اللي مشغل اغاني و انا نايم؟
جنون: مين الزفت اللي نايم علي سريري و في اوضتي و كمان مش عاجبه الاغاني.
كنان فتح عيونه لقي انه في اوضة جنون و افتكر امبارح قام قعد علي السرير...
كنان: كام؟
جنون: 111.
كنان: بتلعبي كام؟
جنون: 150 و سيبني اركز في العد...
كنان: فين الحمام هنا؟
جنون: لو تعبت شوية هتعرف هو فين.
كنان: يخربيتك يا شيخة ايه عندك لكل حاجة رد.
جنون: اغسل وشك و غور قبل ما ماما تصحي.
كنان: طب ما تصحي انا في بيت مراتي عادي يعني.
كنان دخل الحمام لقاه حجمه متوسط خد دوش و لبس بشكير جنون و خرج. جنون اول ما شافته اتصدمت و بعدها قعدت تضحك كتير لغاية ما عيونها دمعت و هي مكنتش قادرة توقف ضحك.
كنان(بغيظ): جنابك بتضحكي علي ايه؟
جنون: انت مجنون يا ابني...
كنان(بغيظ): اخرسي بقي مش طايقك و لا طايق نفسي...
جنون: متشكرين يا رجولة.
جنون: و يا تري هتلبس ايه؟
كنان: اعملك ايه انا متعود اصحي كل يوم اخد دوش الله...
جنون: طيب استني عندي لبس هينفعك.
جنون قامت و فتحت دولابها و قعدت تدور.
جنون: اهو...
جنون: ابعد شوية الله هتفضل لازق ليا كتير كدة.
كنان: سؤال بس الرومانسية عندك منعدمة شئ وراثي و لا تصنع.
جنون: خد الهدوم دي و غور من وشي، اخرك معاايا اجبلك فطار و تغور.
كنان: طب بقولك ايه؟
جنون زقت كنان و وقفت بعيد عنه.
جنون: غير هدومك و متخرجش من الاوضة علشان محدش يحس هجيب الفطار هنا...
جنون خرجت و قفلت الباب، كنان بدأ يلبس الهدوم اللي جنون ودتهاله.
جنون دخلت المطبخ لقت داليا بتعمل فطار.
جنون: احم كنت عايزة.
داليا: قوليله يخرج من الاوضة و يفطر باحترام.
جنون(بصدمة): انتي تعرفي انه؟
داليا: ايوه اعرف انه هنا، و متفتكريش اني وافقت علي موضوع الجواز ده شكر بس علي امبارح.
جنون: مين قالك ان احنا اتجوزنا علشان المهمة؟
داليا: مش مهم مين قالي. بس الاهم مين اللي كان المفروض يقولي.
جنون: ما احنا كنا هنتطلق بس يعني بقي هو حبني و كدة يعني.
داليا: خرجيه بدل ما هو مستخبي زي الفئران كدة.
كنان: مين قال كدة؟
جنون: يا نهارك اسود ايه اللي خرجك؟
جنون: احم اقصد يعني كنت لسة هستأذن ماما.
جنون كانت واقفة بين كنان و داليا و محتارة ما بينهم.
جنون: اقولكوا علي حاجة ولعوا في بعض انا راحة استحمي.
جنون سابتهم و دخلت اوضتها.
كنان: طالعة لمين كدة؟
داليا: لابوها و ليا. بس واخدة من ابوها يعتبر كل حاجة.
كنان: ربنا يحميها.
داليا: عايز ايه من بنتي يا كنان؟
كنان: بحبها و عايز اتجوزها و نبقي مع بعض دايما و اخلف منها نسخة تشبهها.
داليا: جنون علشان توصل ليها صعب. الطريق لقلبها صعب.
كنان: عارف ده انا شوفت منها ايام يلا بقي قلبي طيب.
داليا: انت لسة في بداية المشوار، بس هقولك معلومة ممكن تفيدك في حياتك معاها.
كنان: اتفضلي.
داليا: هي بتغير بس متبينش شاطرة اوي في قناع اللامبالاة، ممكن توديك كل ثقتها كلها بس لو بس مرة واحدة هي شكت انك بتخونها او هتغدر بيها يبقي فتحت علي نفسك باب جهنم...
داليا: هروح اصحي البنات، روح ناديها.
داليا: لو عرفت انك كنت سبب في زعلها او حزنها مرة هندمك ندم عمرك كله...
داليا مشيت و بدأت تصحي البنات. كنان واقف مذهول.
كنان: و انا بقول جنون جايبة الجبروت ده منين. ربنا يرحمني.
عند جنون...
جنون خدت دوش و خرجت بدأت تلبس هدومها.
كنان: الاكل جاهز.
جنون: طيب امشي.
جنون لبست بنطلون اسود و تي شيرت كحلي و الطرف بتاعه ابيض واسع بحمالة عريضة علي الكتف و سيبت شعرها و لبست كوتشي باللون الابيض.
جنون خرجت و لقت الكل قاعد علي السفرة و مستغربين وجود كنان. جنون قعدت و بدأت تأكل.
جنون: في ايه باصين ليا كدة ليه؟
عطر: مفيش احنا اتكلمنا الله.
سجي: النهاردة كتب كتاب اياد و شذي.
جنون: عرفت اياد بعتلي ماسدج.
كنان قرب من جنون و اتكلم بصوت واطي.
كنان(بهمس): الوحمة اللي في ضهرك شكلها حلو. علشان كدة انتي بتحبي المانجا...
جنون قعدت تكح كتير و كنان مبتسم و الباقي بيبصوا ل كنان و جنون.
جنون: هموت ماية.
كنان: خدي يا حبيبتي.
جنون خدت الماية من كنان و قعدت تشرب كتير.
جنون: الله يخرب بيتك يا شيخ.
داليا: قالك ايه؟
كنان: اه صح قولتلك ايه؟
جنون: ده ده. مكنش بيقول حاجة مهمة.
شجن: واضح.
جنون: عطر عايزة اخلص المهمة دي في اقصي سرعة...
عطر: و الله كل حاجة جاهزة بس هما شايفين ان العين عليهم.
سجي: بصي انا اعرف واحدة ست في المكان بتاعهم و بتواصل معاها كل شوية.
جنون: طيب...
كنان: طيب هبقي اعدي عليكوا بليل علشان كتب كتاب اياد.
جنون: انا ورايا شغل في المبني هخلصه و ابقي ارجع.
جنون و كنان خرجوا مع بعض و اول ما جنون خرجت قعدت تضربه.
كنان: يا بنت المجانين.
جنون: بص ياض انت اياك المحك جمبي بس، انت حيوان و حقير و سافل كمان.
جنون: دخلت عليا الاوضة يا حيوان و انا بغير هدومي.
كنان: انا اعمل كدة يا جنون؟!
جنون: اومال عرفت منين اني عندي وحمة في ضهري...
كنان: اه انتي قصدك علي كدة؟
جنون(مسكته من قميصه): رد ياض.
كنان: مفيش كنت رايح اناديكي تأكلي فتحت الباب لقيتك كنتي بتلبس التي شيرت بس فلمحتها.
جنون: هو اهلك مش علموك تخبط علي باب الناس.
كنان حاوط خصر جنون بايده و قربها منه.
كنان: بس انتي مراتي يعني مش ناس.
جنون(بعصبية مكتومة): عااااااااا، هقتلك يا كنان بايدي في يوم من الايام لو كررت الحركة دي تاني.
كنان: بحبك.
جنون بعدت عنه و لبست شنطتها علي ضهرها و مشيت قدامه.
كنان: قولتي ايه؟
جنون(بابتسامة كنان مشفهاش): عايز ايه؟
كنان: قولتلك بحبك.
جنون: عايز ايه يعني الله؟
كنان: دبش دبش.
جنون: متشكرة...
جنون لفت رأسها ل كنان و ابتسمت ابتسامة بسيطة.
كنان(بخضة): جنون حاسبي.
كان في عربية سوداء جاية بسرعة بس كنان شد جنون بسرعة. و فجأة لقوا عربيات كتيرة اوي من اللون الاسود جمب كنان و جنون من كل ناحية. و نزلوا في حدود 100 شخص من العربيات الكتيرة دي و ورا ضهرهم مسدسات و...