رواية حرب الحب للكاتبة سلسبيل كوبك الفصل الثامن والعشرون

رواية حرب الحب للكاتبة سلسبيل كوبك الفصل الثامن والعشرون

كان في عربية سوداء جاية بسرعة بس كنان شد جنون بسرعة. و فجأة لقوا عربيات كتيرة اوي من اللون الاسود جمب كنان و جنون من كل ناحية. و نزلوا في حدود 100 شخص من العربيات الكتيرة دي و ورا ضهرهم مسدسات و كنان و جنون بصوا لبعض باستغراب.
جنون: انتوا مين؟
حارس: احسنلك انتي ابعدي.
كنان: ارجعي البيت يا جنون.
جنون: ليه فاكرني طفلة هسمع كلامكوا.
كنان: انتوا مين؟ و عايزين ايه؟
حارس: هتعرف دلوقتي.

الحارس بص ل مجموعة من الحراس و فتحوا العربية و طلعوا عصيان بتاعت الكريكت و عملوا دايرة حوالين كنان.
جنون(بحدة): بيحصل ايه هنا؟ امشوا.
في شخصين مسكوا جنون و كنان كان رايح ناحيتها بس في واحد ضربه علي ضهره بالعصاية.
جنون(بعصبية): ابعدوا عني.
-جنون ضربت واحد بكوعها و بعدين مسكت رأسه ضربتها في رجلها. و التاني لوت ايده ورا ضهره و كسرته.
-كنان بدأوا يضربوه بالعصاية لغاية ما وقع في الارض...

جنون كانت رايحة ناحية كنان عشر اشخاص مسكوها. و الناس كانت واقفة خايفة تقرب منهم.
و قعدوا يضربوا في كنان كتير و هو مش قادر يقاوم، قرب منه حارس و حط جذمته علي رأس كنان.
حارس: ابعد عنها احسن ما يحصل اكتر من كدة فيك. و مش فيك بس في كل اللي انت بتحبهم.
حارس: يلا يا جماعة.
الكل بدأ يركب العربيات و مشيوا. جنون وقعت علي ركبها و كانت مصدومة قامت و قربت من كنان.
جنون: انت كويس؟
كنان(بتعب): خايفة عليا؟

جنون(بدموع): انا اسفة ده كله حصل بسببي.
كنان حاول يرفع ايده و حط ايده علي خد جنون.
كنان(بتعب): كفاية شايف نظرة الخوف اللي في عينك دي عليا.
جنون(بدموع): قوم معايا نروح اي مستشفي.
جنون ساعدت كنان يقوم يقف.
كنان(بوجع): آآآه.
جنون: انا اسفة اسفة.
كنان سند علي كتف جنون و رفع رجله لي فوق.
جنون: مالها رجلك؟
كنان: لا مفيش كان بس بيعملوا خريطة حلوة كدة عليها...
جنون: انا اسفة.

جنون و كنان ركبوا العربية كانوا بعدوا عن البيت بشوية.
جنون و كنان راحوا للمستشفي و دخلوا كنان اوضة في المستشفي و جنون بره.
الدكتور: زوج حضرتك عنيد جدا.
جنون: مش جديدة، بس طمني عليه هو كويس؟
الدكتور: مش راضي يعمل محضر. و كمان بنقوله رجلك وجعاك يقول اه. نقول لازم نعمل اشاعة ممكن تكون كسر يقول لا. حاولي تقنعيه حضرتك.
جنون: تمام لحظة.
جنون دخلت ل كنان لقته بيبص للممرضة.
جنون: ممكن تطلعي بره؟

كنان: حبيبتي عاش من شافك.
جنون(بغيظ): انا برضو حبيبتك...
جنون: مش ده موضوعنا جنابك مش عايز تعمل اشاعة ليه.
كنان: ممكن اتجبس مش هقدر امشي علي رجلي و مش هقدر اشيلك و لا امشي معاكي و لا هعرف اشتغل.
جنون: متقلقش مش هيحصل حاجة ان شاء الله خير. يلا بقي علشان خاطري.
كنان: لا لا انا كووووووووويس...
جنون حاوطت وش كنان بين ايديها و بصتله في عيونه.
جنون: لو عملت اشاعة علشان خاطري هوديك هدية.

كنان: الصراحة العرض مغري بس برضو لا و شيلي يا بت عيونك دي بعيد عني بضعف الله...
جنون: علشان خاطري يا كنان اول مرة اطلب منك طلب.
كنان: نادي الدكتور الزفت.
جنون: حالا يكون قدامك.
جنون خرجت نادت الدكتور و دخلوا كنان اوضة الاشاعة...
ركبوا ل كنان حاجة زي الجبس بس ينفع يشيلها و يقلعها و مسك عكاز طبي في ايده.
كنان: اضحكي اضحكي.
جنون(برفعة حاجب): انا عملت حاجة.
كنان: فين هديتي؟

جنون قربت من كنان و حاوطت رقبته بأيديها. كنان قرب منها و هي قربت منه و باسته علي خده.
جنون: اهي هديتك يلا تعالي.
جنون سابت كنان و مشيت قدامه لفت وراها لقته لسة واقف مكانه و مصدوم ضحكت علي شكله.
جنون: يلا يا كنان هروحك البيت و بعدين اروح علي الشغل.
كنان: افندم؟! امشي قدامي يلا انجزي.
جنون: مالك؟
كنان(بضيق): مفيش.
جنون: خلاص يا عم هوديك مكان ما انت عايز تروح.
كنان: مش ورانا كتب كتاب اياد يلا هنروحه.

جنون: بس انت تعبان.
كنان: من غير نقاش قدامي يلا.
جنون: بس.
كنان: هنروح مول و نشتري فستان و بدلة يلا.
جنون: ليه المصاريف ما انت عندك مية بدلة و انا عندي مية فستان.
كنان: قدامي يلا.
جنون مسكت في ايد كنان و نزلوا مع بعض راحوا للمول.
كنان: اختاريلي بدلة يلا.
جنون: عيل مبذر.
جنون: بدأت تدور ل كنان علي بدلة.
جنون: اهي يلا.
كنان: متأكدة انها مقاسي.
جنون: ايوه.
كنان: طب استني اخش البسها.

كنان دخل اوضة التبديل غير هدومه.
كنان لبس بدلة باللون الرصاصي و قميص باللون الاسود و جذمة سوداء و لبس ساعته.
بنت: الفستان ده ل حضرتك.
جنون: لا شكل حضرتك غلطانة انا.
بنت: حضرتك مرات كنان بيه هو بنفسه اختار ل حضرتك الفستان ده. اتفضلي الاوضة دي هتلاقي كل اللي ممكن تحتاجيه.
جنون(بابتسامة): شكرا.

جنون لبست فستان بلون دم الغزال بحمالة عريضة مايلة علي الكتف وعلامة سبعة من ورا و قدام كان قصير لغاية الركبة بالظبط، لبست صندل بكعب نفس لون الفستان و سيبت شعرها و ظبطته و حطت روچ بلون احمر غامق. و لقت مع الفستان شوية اكسسورات رقيقة لبست انسيال و حلق شيك.
جنون خرجت لقت كنان واقف حاطط ايده اليمين في جيبه، جنون قربت منه ببطء لغاية وصلت ليه.
جنون: شكرا.

كنان(بانبهار): يا الله انتي ازاي كدة يا جنون. ازاي قمر و جميلة بالشكل ده.
جنون وطت رأسها شوية و كنان كان لسة هيتكلم لقاها وطت و بدأت تربطله البتاعة اللي لابسها في رجله و قامت مدت ايديها ل كنان.
كنان: جنون ايه رأيك نتجوز بعد اياد و شذي علطول؟ نسافر و ننسي الكل.
جنون: مش لما نروحلهم الاول.
جنون مشيت مع كنان و ركبوا العربية و راحوا ل بيت اياد...
في بيت اياد.

شذي لبست فستان طويل باللون الابيض ب ¾ كم الاكمام شفافة الفستان كان ضيق لغاية الخصر و نازل بوسع و عليه نقوش زي نقوش ورد و رفعت شعرها ل فوق علي شكل كحكة عالية، لبست صندل ابيض بكعب و حطت مكياچ خفيف جدا.

نور لبست فستان ضيق باللون الاسود مفتوح من الجمب اليمين مبين رجلها ب نص كم و كان فيه لمعة بسيطة و لبست جذمة بكعب بسيط و شعرها قصير فسيبته و حطت روچ احمر غامق.

عطر لبست فستان باللون الرمادي واسع و لبعد الركبة بشوية بنص كم مفتوح من قدام و لبست صندل بكعب بسيط باللون الابيض و سيبت شعرها و حطت روج هادئ...

سجي لبست فستان باللون البمبي فستان طويل و واسع و بحمالة عريضة علي الكتف لبست جذمة باللون الابيض و عملت شعرها علي شكل ضفيرة و نزلت كام خصلة من شعرها. و حطت روچ هادى.

شجن لبست فستان باللون الازرق الهادئ بلون السماء و قصير لغاية الركبة من قدام و طويل من ورا لبعد الركبة و كان كب و عليه رسمة هادية في النص، و لبست صندل باللون البيض من غير كعب و سيبت شعرها و حطت روچ هادي جدا.
شذي(بعصبية): جنون مجتش ليه؟
شجن: ما هي مكنتش تعرف انه مش كتب كتاب بس.
شذي: بتفكريني ليه يا حيوانة؟ انا اتصدمت اسااسا.
عطر: هتدخلي القفص يا بيضة.

شذي: ربنا يأخدكوا يا رب و لا اقولكم ربنا يحطكم في الموقف اللي انا فيه.
بره.
ساهر: ايه يا عم هتبدأ امتي؟
اياد: المأذون قدامه عشر دقايق و يجي.
فارس: ايه عم مالك كدة حاسبها بالدقيقة.
شهاب: عقبالك يا رب يا فارس علشان تحس زيه.
علي: هو انا امتي هتجوز؟
فريد: مستعجل علي موتك اوي.
رأفت: هي المدام تعرف؟
فريد: احم ايه الاحراج ده؟
فارس: ماله يعني احساس عادي.
داليا: طب شوفوا جنون فين قلقت عليها...

فريد: طالما مع كنان متقلقوش عليها.
داليا: بالعكس.
فريد(بأستغراب): بمعني؟
تامر: هتلاقيها بتهزر.
اياد: اشوفها بس و اقتلها.
حسام: متستاهلش كل ده.
فارس: مالك يا ساهر اهدي هتكسر الكوباية.
ساهر: ها اسف شردت شوية.
الباب خبط.
فارس: شوفت اهو جم.
فارس فتح الباب لقي شهد.
شهد: اتأخرت عليكوا؟
فارس: لا لا خشي.
شهد: مساء الخير. هدية بسيطة بمناسبة الجواز.
اياد: شكرا.

شهد كانت لابسة فستان احمر فاتح جدا و قصير قبل الركبة و ضيق اوي علي جسمها كان كب و لبست صندل بكعب باللون الاحمر و مسيبة شعرها علي كتفها.
و بعد فترة الباب خبط.
اياد: المأذون اتأخر اوي.
علي: اهو جه، اتفضل يا مولانا. هو مينفعش اكتب انا كمان.
فريد(بحدة): علي.
المأذون: اين العروسة و العريس؟
شهاب: لحظة بس مستنين شخص مهم.
اياد: مش مستني.
اياد: شذي شذي.
فارس: يا عيني الواد اتجنن.
البنات خرجوا و شذي قدامهم مكسوفة.

الكل قعد و شذي رفعت رأسها ملقتش جنون.
شذي: فين جنون؟
اياد: جاية جاية.
شذي: لا لما تيجي.
المأذون: يا بنتي ورايا شغل تاني.
فريد: طب حاولوا مرة اخيرة.
عند جنون.
جنون: يلا بسرعة.
جنون و كنان ركبوا الاسانسير و جنون كانت بتعدل شعرها في المراية اللي في الاسانسير لقت كنان جه وراها و شال شعرها و لبسها سلسلة رقيقة اوي.
كنان: شلك مخدتيش بالك منها...
جنون: الله دي حلوة اوي.

جنون حضنت كنان اوي و باست خده. باب الاسانسير اتفتح.
جنون مسكت كنان و خرجوا وصلوا ل شقة اياد. وخبطوا الباب.
جنون: هينفخونا.
كنان: لما يلاقوا وشي كدة و رجلي هيعذرونا...
جنون: اسفة ليك لاني كنت السبب.
اوبي: اهم جم.
اوبي فتح الباب و اتصدم لما شاف كنان و جنون دخلت ماسكة ايد كنان.
اياد(بعصبية): ده ك.
اياد سكت لما شاف كنان. و الكل اتصدم و قام ل كنان و اولهم اياد.
اياد: انت كويس؟
فريد: حاسس بحاجة؟

شهاب: طمنا يا ابني.
كنان: في ايه يا جدعان حادثة بسيطة.
اوبي: متأكد انك كويس؟
كنان: طول ما انا معايا جنون اه انا كويس.
فريد: خلاص يلا يلا نكتب الكتاب.
شذي: يا كلبة اصبري لما اخلص.
جنون جابت كرسي ل كنان و قعدته عليه و حاوطت رقبته و نزلت ل مستواه...
جنون: شكرا معرفش ليه بس شكرا و متسألش كتير.
بعد ما الكل مضي علي كتب الكتاب...
المأون: بارك الله لكما و بارك عليكما و جمع بينكم في خير...

اياد قام بسرعة و باس شذي علي رأسها و حضنها.
الكل ضحك عليه و هو حمل علي نفسه و شالها لف بيا شوية صغيرة.
اياد(بهمس): بحبك و هفضل احبك لاخر يوم في حياتي لانك انتي حياتي.
شذي: و انا كمان.
اياد حضن شذي جامد. و الكل كان مبسوط ليهم.
جنون: هبارك ليهم و اجي.
كنان: ماشي.
جنون راح حضنت شذي و البنات كلهم.
جنون: عقبال كل واحدة متجوزتش.
شهد: مقولتليش يه رأيك في فستاني؟
كنان(برود): زي شخصيتك في نظري.
ساهر: مبروك يا اياد.

اياد: الله يبارك فيك.
داليا: مبروك يا حبايبي.
شجن: اخيرا هتسيب لينا الدور اللي فوق.
شذي: اول ما يزعلني هاجي علطول عليكوا.
اياد: انا اقدر.
علي: طب نرقص بقي.
علي شغل اغنية رومانسية سيبي روحك و كل ثنائي قام يرقص.
شجن: مش هترقص معايا.
اوبي: لا.
شجن: يا اوبي و الله مكنش ذنبك.
اوبي: انا شايف نفسي قصرت خلاص.
شجن(بدموع): انت حيوان.
شجن كانت هتمشي بس اوبي شدها ناحيته و بدأ يتمايل بيها و هي حطت رأسها علي صدره.

ساهر و حسام: تقبلي ترقص معايا؟
حسام: احم اسف.
ساهر: لا عادي.
جنون(ببرود): لا مش عايزة ارقص و لو هرقص هرقص مع جوزي.
جنون سابتهم و راحت ناحية كنان وقفت جمبه.
كنان ساب عكازه وقف مسك ايد جنون و شدها ناحيته.
جنون: بتعمل ايه يا مجنون؟ رجلك.
كنان: هسند عليكي.
جنون: مش هتحتاج اساسا.
كنان: يبقي خلاص تسمحيلي؟
جنون: اكيد.
كنان و جنون بدأوا يتمايلوا علي الاغنية مع بعض و كل ثنائي مع بعض...

اياد: ده اسعد يوم في حياتي يا شذي. متعرفيش كنت بتمناه قد ايه.
شذي: بحبك.
اياد: الحب كلمة قليلة اوي.
-----
أوبي: اسف اضايقت عليكي.
شجن: مش مهم المهم انك كويس.
اوبي: انتي طيبة اوي يا شجن.
شجن: يا ابني دي اقل حاجة.
اوبي: الغرور عايز منك ايه؟
شجن: كل خير.
-----
شهاب: هنفضل كدة كتير.
سجي: اعمل ايه يعني؟
شهاب: يعني نتقدم خطوة زي اياد و شذي.
سجي: نعم يا حبيبي! اتجوز و احمل و اخلف و عيال لا انسي...

شهاب(بضحك): اومال يا هبلة؟
سجي: معرفش بقي نبقي نتصرف.
شهاب: ربنا يشفي.
-----
علي: خليني صابر اهو ممكن ربنا يكتبها ليا.
عطر: هي ايه هي؟
علي: ابقي مكان اياد.
عطر: كلكم باصين للواد ليه حرام عليكوا.
علي: ابن محظوظة الواد ده يا بخته.
عطر: عيل رزل.
علي: متشكر...
-----
تامر: شكلك حلو اوي.
نور: شكرا.
تامر: تحبي الفرح امتي؟
نور: اممم بص ايه رأيك نعمل بارتي صغننة كدة زي اياد و شذي.
تامر: فكرة حلوة، و نعزم اللي بنحبهم بس.

نور: ايوه هتبقي حفلة حلوة اوي.
تامر: تمام بعد العملية علطول هعمل هبدأ تجهيزات.
نور: تمام.
-----
جنون: مالك بتبصلي كدة ليه؟
كنان: انتي ازاي جميلة كدة؟
جنون: يا الله كرهتني في نفسي يا ابني قول حاجة جديدة.
كنان: اعملك ايه انتي اللي جميلة.
جنون(بضحك): طيب يا سيدي شكرا.
كنان كان بيرجع خطوة لورا ساهر كعبله بس جنون مسكت كنان بسرعة قبل ما يقع...
جنون: انت كويس؟
ساهر: اوووه سوري يا كنان سوري كملوا.
جنون: اسفة.

كنان: و لا يهمك مش انتي السبب.
جنون بصت ل ساهر بغضب و حضنت كنان. خلت ساهر يتعصب اكتر.
فارس كان بيبص عليهم و راح فتح الباب.
فارس: ايوه حسابك كام؟
فارس مسك الشخص ده من ايده و شده لجوا.
(يعصبية): مش تفتح يا حيوان.
فارس(لنفسه): اللي انا سمعته صح؟
فارس بص قدامه لقي بنت واقفة قدامه بتبصله بعصبية و شايلة علب البيتزا علي ايديها.
بنت(بعصبية): ايه هتفضل احول كدة. انجز امسك.
فارس: في ايه يا بت ما تحترمي نفسك.

بنت: انت اللي احترم نفسك حيوان صح.
فارس: ملقوش غير بنت هي اللي تجيب البيتزا.
بنت: مالها البنت علي اقل احسن من الرجالة بمليون مرة.
فارس: لا و النبي. انحزي حسابك كام.
بنت: 1900 جنيه.
فارس طلع محفظته و البنت دي غصب عنها بصت في الشقة لقت الكل بيرقص و مبسوط و هي ضحكت.
فارس: خدي.
بنت: ايه ده؟
فارس: خلي الباقي علشانك.
بنت(بعصبية): مش خدامة عندك.
البنت رمت في وشه ال 100 جنيه في وشه و سابته و مشيت.

فارس: و ربي لو اشوفك تاني لاكون قاتلك...
فريد: في ايه يا فارس؟
فارس: مفيش، يلا يا جماعة الاكل. خلاص يا جدعان بطلوا حب في بعض و تعالوا اتزفتوا مش مراعين شعوري كسنجل.
ضحكوا علي كلام فارس و الكل قعد جمب بعضه. كنان اكل جنون.
جنون: يا سيادة اللواء عايزني اتخن و محافظش علي رشاقتي و اشتغل.
كنان: يا ريت و الله.
فريد: ده انا اقتلك فيها لسة عايزين جنون.
جنون(طلعت لسانها ل كنان): علشان تعرف اني مهمة.

كنان: هقصلك لسانك ده بس اصبري.
و بعد فترة الكل كل و شرب و فريد و رأفت و داليا مشيوا. و الباقي كان بيتكلم...
اياد: هو مش كفاية كدة البت نامت.
عطر: ايتا مخدناش بالنا معلش بقي نمشي يا جماعة.
تامر: لو عندنا دم اه.
فارس: هو احنا عندنا يلا بقي اقوم اعمل فشار.
اياد(بصوت عالي): بره ياض منك ليه.
شذي(بخضة): ايه ده مين مات؟
و الكل مكنش قادر يوقف ضحك و شذي كانت محرجة.

اياد: بيتك بيتك. انت يرضيك يا كنان في يوم فرحكوا اجي ارزل عليكوا.
كنان: و ربي اقتلك فيها.
شهاب: انا لو مكانك يا اياد كان زماني ولعت فيهم...
اياد: انا لغاية دلوقتي هادي، يلا بره منك ليه الساعة 2 بليل الله.
جنون(بضحك): خلاص ماشين ماشين.
و الكل بدأ يجهز نفسه و مشي.
اياد حاول يصحي شذي مصحيتيش، اياد شالها و دخل اوضته نيمها علي السرير و دخل غير هدومه وجه نام جمبها و خدها في حضنه...
عند الباقي.

شهد: مبسوطة اني حضرت معاكوا يوم زي ده.
نور: احنا اكتر.
حسام: تسمحيلي اوصلك يا جنون؟
جنون: لا هوصل كنان الاول بيته.
اوبي: خليكي هوصله انا...
جنون(باحراج): طيب ماشي.
كنان(بهمس): اخبار ندي ايه؟
اوبي(بهمس): بيقولوا دخلت غيبوبة مؤقتة عقلها رافض العيش في مجتمعنا.
كنان: طيب يا اوبي.
جنون: اسفة.
كنان: بتعتذري ليه؟
جنون: لاني مش قادرة اقول حاجة معرفش بص متشغلش بالك.
كنان: الصراحة مش قادر اروح اتعودت علي حضنك.

جنون: روح نام.
كنان: جاي انام عندك يلا.
جنون: يا كنان.
كنان: اوبي قول لامك اني بايت بره. يلا.
جنون: ماما مش هترضي يا مجنون.
كنان: قدامي طيب.
جنون: يا ربي علي الرزالة يا كنان.
عطر: ما تسبيه يا حيوانة الله.
شجن: عندي فكرة ممكن تعجب ماما، كنان يقعد في اوضة شذي.
كنان: مش بطال.
جنون: مين قال اني موافقة؟
كنان: مين قال اني بأخد رأيك؟
الكل بدأ يمشي و يروح علي بيته...
داليا: لا يعني لا.
جنون: و الله قولتلهم كدة.

داليا: بره يلا.
كنان: طب هنام في اوضة شذي مش مشكلة المهم اكون معاها يعني.
داليا: هي مين؟
كنان: بنتك.
داليا: مكانك هيبقي فوق غير كدة بره.
كنان: و الله اول ما اشيل البتاعة المقرفة دي لامشي...
كنان: و انا ماشي هنكون بنتجوز بقي فهاخدها معايا.
جنون: ده اهبل يا امي يلا خشي نامي. و انت اطلع فوق اهو مفتاح الاوضة اللي فوق...
الكل راح علي اوضته، كنان خلي جنون تطلعه ل فوق.
جنون: حاسب.

كنان كان هيتزحلق و يوقع علي السلالم بس جنون مسكته و وقعت سلمتين.
جنون: اه. ربنا علي المفتري.
كنان(بقلق): انتي كويسة؟
جنون: بس متنزلش هطلعلك انا مصدقنا طلعناك.
جنون مسكت كنان و طلعوا للاوضة و جنون فتحتها.
جنون: ماما ظبطتها بعد ما شذي مشيت فبص هي ليك دلوقتي، و الهدوم دي ليك.
كنان: بتجبيهم منين الهدوم دي؟
جنون: اكيد في حالات بكون محتاجاهم علشان محدش يعرف اني بنت في المهمات و كدة يعني.

كنان: طيب. استني هاخد دوش و اطلع اتكلم معاكي.
جنون: ورايا نوم باي.
جنون نزلت جري علي اوضتها و غيرت هدومها و نامت. و كنان غير هدومه و نام هو كمان.

-في الصباح الباكر...
كنان صحي من النوم غير هدومه و نزل براحة.
كنان خرج و بدأ يتمشي في جنينة البيت و لف ورا البيت و فتح عيونه علي آخرهم.
كنان(بصدمة): جنون!
السؤال: يا تري هيحصل ايه؟