رواية حرب الحب للكاتبة سلسبيل كوبك الفصل التاسع والعشرون
-في الصباح الباكر...
كنان صحي من النوم غير هدومه و نزل براحة.
كنان خرج و بدأ يتمشي في جنينة البيت و لف ورا البيت و فتح عيونه علي آخرهم.
كنان(بصدمة): جنون!
كنان نزل لقي جنون حاضنة حد جامد و باسته من خده. كنان كان هيمشي بس جنون جريت عليه.
جنون: ايه اللي نزلك كنت هطلع اجيبك.
كنان(بهدوء): مفيش داعي انا كدة كدة ماشي.
جنون: طب تعالي اعرفك علي شخص مهم.
كنان: حد قالك انك بجحة يا جنون. انا لسة شايفك حالا بتخونيني و حاضنة حد غير جوزك و بتبوسيه.
جنون: بخونك! و مع اخويا طب تيجي ازاي؟
جنون: اقدملك الدكتور ادهم اخويا سافر من و هو صغير مع خالو و استقر في امريكا مكناش بنعرف اخباره الا قليل اوي و اخيرا رجع مصر اهو. اسيبكوا تتعرفوا علي بعض.
جنون بصت ل كنان بعتاب و سابته و مشيت.
ادهم: مالك؟
كنان: زمانها اضايقت مني.
ادهم: بتحبها اوي كدة؟
كنان: هو ليه كل اللي شوفني يسألني السؤال ده؟
ادهم: لان جنون تهم الشخص اللي بيسألك اكيد.
كنان: طيب حمد لله بالسلامة.
ادهم: الله يسلمك. كلمني عنك اينعم جنون مجابتش غير سيرتك من ساعة ما شافتني بس يلا اسمع منك.
كنان: عايز تسمع ايه؟
ادهم: اعتبر نفسك جاي تتقدم ل جنون من اول و جديد.
كنان: طيب يا عم. انا اسمي كنان فريد والدي لواء و انا ظابط مخابرات عندي 26 سنة و مرتبي الحمدلله كويس عندي اخ اصغر مني مدير رئيس لشركة. و اخته التؤام بتحب الرسم بس كدة.
ادهم(بضحك): انت خدت الموضوع جد بقي. تعالي تعالي زمانهم بيحضروا الفطار.
كنان: طيب و بالمرة الصالح اختك المجنونة دي.
ادهم: لا هتغلط هزعلك.
كنان: ايه يا عيلة مجانين الله.
ادهم ضحك علي كنان و دخلوا البيت.
ادهم: انتي يا اوزعة.
شجن(بغضب): بص ياض زمان كنت بتقولي يا اوزعة دلوقتي انا كبرت كبرت كبرت فاااااااااهم.
ادهم: عيوني يا اوزعة.
شجن: يا حيوان. وسع ورايا شغل متأخر.
كنان: شجن لو سمحت فين جنون؟
شجن: عيوني انت يا واد يا ابو عيون حلوة. في المطبخ.
كنان: تسلمي.
شجن: اتعلم اتعلم يا اخي جتك مصيبة.
كنان و ادهم دخلوا المطبخ.
جنون(بحدة): متقربش و ارجع مكانك.
كنان: و انتي ايه اللي عرفك اني هكون وراكي؟
جنون: نسيت شغلنا يا استاذ و لا ايه؟
داليا: عايز ايه يا ادهم؟
ادهم: امي انتي لسة زعلانة اسف و الله غصب عني.
داليا: عايزني اسامحك علي خمس سنين كاملين يا ادهم انسي.
ادهم: يا امي.
كنان: جنون خلاص. جنون...
كنان(بعصبية): خلاص بقي.
جنون كانت بتقطع الخضار بعصبية ايديها اتفتحت و كملت. كنان مسك ايديها و بدأ يفحصها.
كنان: عايز علبة اسعاف.
داليا: يا حبيبتي طب استني.
داليا جابت شاش و قطن و بيتادين و ودتهم ل كنان. كنان بدأ يعقم الجرح ل جنون...
كنان: هيوجع شوية.
جنون(بعناد): لا.
كنان ضغط علي الجرح جامد بس جنون بصتله بكل برود.
كنان: البت دي طالعة لمين يا حماتي؟
داليا(بتنهيدة): و الله ما اعرف.
ادهم: خلاص دول ضباط مخابرات يعني متعودين علي اكتر من كدة.
داليا: بس لا بنتي ميحصلهاش حاجة.
كنان: طب انا جوعت اوي.
جنون سابتهم و راحت علي اوضتها.
كنان: مفيش شيكولاتة او اي حاجة اصالح بيها البت المجنونة اللي جوا.
داليا: لا.
كنان سابهم و راح لاوضة جنون و قعد جمبها علي السرير و كان هيمسك ايديها بس هي شالت ايديها.
جنون: اتفضل بره عايزة البس.
كنان: طيب لما اشوف اخرتها معاكي.
كنان خرج و جنون بدأت تغير هدومها.
جنون لبست بنطلون جينز ضيق و قميص ابيض و فوقه تي شيرت باللون الاخضر الفاتح اوي. و لبست كوتشي ابيض و عملت شعرها علي شكل ضفيرة و نزلت كام خصلة من شعرها. و اختارت شنطة باللون الاسود ضهر.
داليا: تعالي يا جنون حطي الاكل مع اختك.
جنون: طيب.
جنون و شجن بدأوا يجيبوا الاكل و يحطوه...
ادهم: مالك ضاربة بوز كدة ليه؟ ارجع تاني يعني.
جنون: لا و اقعد و كل و انت ساكت.
كنان: لو سمحت يا جنون هتعبك عايز قهوة.
جنون: قوم اعمل لنفسك.
داليا: جنون قومي اعمليله قهوة يلا...
جنون: مأكلش علشان جنابه.
كنان: بعد ما تخلصي.
جنون: طب هقوم اعملها دلوقتي.
كنان: خلاص قومي دلوقتي...
جنون: علي مزاجي انا.
جنون قامت و كانت ماشية بسرعة.
كنان: ايوه بسرعة.
جنون بطأت السرعة...
كنان: ايوه علي مهلك.
جنون(بغيظ): الصبر.
ادهم و شجن ضحكوا عليهم هما الاتنين.
ادهم: اهدي يا ابني شوية.
داليا: سيبه يربيها شوية.
كنان: من دواعي سروري.
ادهم(بحب): خلاص سامحتيني.
شجن: يا عيني عنده جفاء عاطفي فبيحب في امه.
ادهم: اخرسي يا بت.
داليا: بشروط.
ادهم: قولي.
داليا: تتجوز.
ادهم: اشوفها بس.
شجن: هي مين؟
ادهم: اللي في دماغي.
داليا: مين هي؟
ادهم: لما الاقيها هقولك.
كنان(بصوت عالي): بتخترعي الذرة؟
كانوا خلصوا اكل و جنون مخرجتش من المطبخ.
شجن: هشيل الاكل و اشوفها.
شجن: اهي اخيرا خرجت.
جنون: كنت بعملها بوش الله. خد.
ادهم: هخش اريح ساعتين بس.
داليا: طيب ادخل.
ادهم: اشوفكوا بليل.
شجن: و انا اوبي هيجي متأخر و عايز ملفات ضروري. يلا باي.
داليا: هنزل اشتري شوية طلبات، روحوا شغلكم بلا باي.
جنون: هو انت كنت عايز تتعبني و خلاص ما تشرب الله.
كنان مسك الفنجان و بدأ يشرب من القهوة و بعدها قعد يكح كتير و مكنش قادر يأخد نفسه.
جنون: اكراما مني خد اشرب.
كنان قعد يشرب ماية كتير لغاية ما هدي.
جنون(و هي بتلبس شنطتها): متجيش عليا تاني علشان مزعلكش.
كنان: كنتي حاطة ايه؟
جنون: ملح شطة فلفل شوية بهارات كدة.
كنان: ماشي يا جنون ليكي يوم.
جنون: قدامي.
كنان قام و بدأ يمشي براحة قدام جنون و جنون وراه و وصلوا لعربية جنون.
جنون: مستني دعوة ما تركب...
كنان بيبصلها بغيظ و ركب و جنون ركبت و بدأت تسوق.
-في مكان تاني...
في شقة اياد.
اياد و شذي كانوا نايمين و شذي بدأت تصحي لقت نفسها حاضنة حد فتحت عينيها و قعدت تصرخ.
اياد(بخضة): حصل ايه؟
شذي: ايه اللي جابني هنا؟
اياد(بصوت واطي): ربنا يخرب بيتك.
اياد(بابتسامة صفراء): جنابك مش فاكرة اي حاجة امبارح حاولي كدة افتكري.
شذي هديت و فكرت و افتكرت اللي حصل امبارح و اتحرجت.
شذي: اسفة اصلي مش متعودة يعني هو.
اياد: و انا برضو مش متعود اصحي علي صوت صريخ. حرام عليكي كنت بحلم الله.
شذي: قولت اسفة.
اياد: طيب. خشي غيري هدومك مرضتيش اغيرلك هدومك...
شذي: طيب شكرا.
اياد قام دخل الحمام و خد شاور و خرج بدأ يلبس هدومه...
اياد: راحت فين دي؟
اياد خرح من اوضته ملقاش شذي.
اياد(بصوت عالي نسبيا): شذي شذي.
شذي: خير؟
اياد سمع صوت شذي من الاوضة التانية و حاول يفتح الباب لقاه مقفول.
اياد(بصدمة): انتي قافلة الباب؟!
شذي: بص بعد كدة انت في اوضة و انا في اوضة.
اياد: هو ايه اللي اتغير؟
شذي: مش متعودة انام معاك الله.
اياد: طيب ابقي اتعودي لكن مش اوضة و اوضة.
شذي: ده اللي عندي مش عاجبك الم هدومي و اروح علي بيتي.
اياد: الصبر يا رب، بت مش عايز اتعصب عليكي بطلي لعب عيال.
شذي: لا باي راحة استحمي.
شذي دخلت استحمت و خرجت لقت اياد قاعد علي السرير.
اياد: غبية اوي و متعرفيش اني اقدر افتح اي باب.
شذي(بتوتر): بره.
اياد و قرب من شذي و حاوطها بينه و بين الحيطة.
اياد: ليه؟
شذي: بص انت مش هتفهم، يعني حاجة غريبة اني اصحي عليك و انا علطول بصحي علي وش جنون او شجن او طنط داليا لكن انت يعني حاجة غريبة.
اياد: هما وشهم حلو طب ما انا مز و قمر.
شذي: يا ربي مش هتفهم.
اياد: لا بصي انتي بتستعبطي.
شذي: عيل رزل.
اياد قرب من شذي و (لخيالكوا) و...
-في مكان تاني...
في المستشفي.
ندي بدأت تفوق و الدكتور بدأ يفحصها.
جهاد(بعصبية): يعني ايه مدخلش ل بنتي وسع.
الحارس: كنان بيه امرنا بكدة.
جهاد(بعصبية): قسما بربي لو موسعتش لتكون مرفوض علي ايدي النهاردة.
جهاد زقت الحارس و دخلت لاوضة ندي.
الدكتور: لازم تتعرض علي دكتور نفساني.
جهاد: مالها؟
الدكتور: مين حضرتك؟
جهاد: انا مامتها.
الدكتور: تمام بنت حضرتك تعتبر مريضة نفسيا.
جهاد: بنتي مجنونة.
الدكتور: الناس الجاهلة هي اللي تقول كدة المفروض. بنت حضرتك بس مريضة نفسيا شوية مشاكل بسيطة لو تابعت مع دكتور نفساني صحتها هتبقي احسن.
الدكتور: اسيبك معاها ممكن تتكلم.
جهاد قربت من ندي و قعدت جمبها.
جهاد: عملتي كدة ليه؟
ندي بصتلها و سكتت. جهاد بصتلها بغضب.
جهاد(بغضب): بسبب الزفت اللي اسمه سعيد صح.
ندي اتجمعت الدموع في عينيها.
جهاد(بغضب): هو صح.
جهاد سابتها و مشيت و ركبت عربيتها.
جهاد: وديني للمخزن القديم.
بعد فترة جهاد وصلت ل مكان شبه مهجور و مخزن قديم دخلته...
جهاد: ايه الاخبار؟
حارس: برضو رافض يا جهاد هانم.
جهاد: اقتلوه.
حارس(بتوتر): حضرتك متأكدة؟
جهاد(بغضب): ايوه و اسمع كلامي.
جهاد لفت ضهرها و هي ماشية سمعت صوت طلقة دوت في المكان...
سعيد جهاد خطفته و عذبته و كانت بتقوله انه ينسي ندي بس هو رفض.
-في مكان تاني...
في المبني.
جنون و كنان كانوا داخلين المبني.
جنون: هروح انا مكتبي.
كنان: طيب.
جنون مشيت في اتجاه و كنان في اتجاه.
ساهر(بخضة): جنون.
جنون: في ايه يا ابني خضتني.
ساهر: ايه اللي عور ايدك كدة؟
جنون: عادي يعني مش فيلم.
جنون دخلت الاسانسير و ساهر معاها.
ساهر علق الاسانسير و وقف قدام جنون اللي ربعت ايديها و بصتله ببرود.
ساهر: جايبلك هدية.
جنون: بمناسبة؟
ساهر: علشان تعرفي مقدار حبك ليا.
ساهر طلع ودي ل جنون صور. جنون مسكت الصور و بدأت تشوفها كانت صور ل كنان و هو بيسكر و قاعد مع بنات و في مناظر لا يُمكن ذكرها.
جنون بصتله بابتسامة هادية و قطعت الصور و رمتهم في وشه.
جنون: الماضي مش بهتم بيه. اه كنان كان بتاع ستات و بيشرب خمرة و كحول بس من ساعة ما عرفته و هو مش كدة علشان كدة مش هحاسبه علي اخطاء الماضي. خطتك فشلت شوف خطة تانية.
جنون شغلت الاسانسير و بصت في ساعتها بملل. ساهر واقف مصدوم من ردة فعلها.
جنون: معلش ابقي نضف الزبالة دي.
جنون سابته و خرجت من الاسانسير و راحت ل مكتبها...
جنون: مالكوا في ايه؟
فارس: مستنينك.
جنون: و فين عطر؟
سجي: مع اخو جوزها المستقبلي علشان بيجيبوا شبكة ل نور.
جنون: طيب. وصلتوا لايه في المهمة؟
فارس: عرفنا مين بيوديهم الاسلحة.
جنون: طيب مين؟
حسام: رجل مافيا بيداري اعماله الحقيقة في اعمال خيرية كتير.
جنون: اممم طيب عرفتوا اسمه؟
فارس: دي هوايتك.
جنون: طيب روحوا شوفوا وراكوا ايه كعمل منفرد.
سجي: راحة اكل.
فارس(بضحك): روحي روحي.
الكل راح ل شغله و بدأ يشتغل...
عند كنان.
كنان لما ساب جنون راح ل فريد و خبط الباب.
فريد: ادخل.
كنان دخل و قعد قدامه و فضل ساكت.
فريد: ايه اللي حصل لاختك يا كنان؟
كنان: معرفش، ايه اللي ممكن يخليها تنتحر؟
فريد: برضو مش عارف...
كنان: عرفت ان ماما راحت ليها؟
فريد: اه بس عملت نفسي مش واخد بالي.
كنان: مروحتش لندي ليه؟
فريد: مش قادر يا كنان.
كنان: ان شاء الله خير. هأخد جنون و نروح نزورها بليل...
فريد: ربنا يتتم ليكوا بخير، بس امك ناوية ليك علي نية سوداء.
كنان: اشمعنا؟
فريد: عرفت انك بتبات عند جنون.
كنان: مراتي محدش ليه عندي حاجة.
كنان: و كمان في حد يمشي ورا ابنه ناس تراقبه.
فريد: امك.
كنان: همشي قبل ما ضغطي يرتفع.
فريد(بغمزة): هجبلك جنون.
كنان(بضحك): لا انت كدة عايز ضغطي يبقي في السماء فوق...
كنان ساب فريد و راح ل مكتبه.
كنان: انتي بس؟
شهد: اه انا بس، انا و انت بس.
كنان: استغفر الله العظيم.
شهد: ايه في ايه؟
كنان: بستغفر ل ربنا عندك مانع.
شهد: لا يا حبيبي.
كنان: طيب ايه هما فين؟
شهد: تامر و نور و علي راحوا علشان هيتشروا دبل خطوبة نور و تامر، و شهاب قال هيروح مشوار بسيط و جاي. و انا مرضتيش امشي و قولت اقعد معاك.
كنان: جيبي ملف القضية نحاول نعرف حاجة جديدة.
شهد: حاضر.
شهد جابت ملف القضية و قعدت جمب كنان و بدأوا يشتغلوا علي القضية.
كنان: ابعدي شوية.
شهد: ليه؟
شهد قربت من كنان اكتر و كنان غمض عينه و قرب منها و بعدها بسرعة بعد عنها...
كنان(بعصبية): متنسيش اني متجوز و بحب مراتي. و متحاوليش انك تقربي مني بأي شكل من الاشكال فاهمة.
شهد: علي الاقل انت منجذب ناحيتي.
كنان: و لو حتى لو انتي ملكة جمال العالم بحب جنون و مش هحب غيرها فاهمة.
الباب خبط.
كنان: ادخل...
جنون: فاضي؟
كنان: اكيد، اخرجي يا شهد...
شهد اتعصبت و كانت هتتكلم.
جنون: لا انا عايزاك في شغل عادي خليها موجودة.
جنون دخلت و قعدت قدام كنان و شهد كانت جمبها.
جنون: بص علي الصورة دي.
كنان: ماله؟
جنون: ده رجل المافيا اللي مدوخك.
كنان: جبتي صورته منين؟ ده مجهول الهوية.
جنون: بص انا ماسكة قضية ناس ارهابيين في شخص بيمدهم بالاسلحة و القنابل تحت مسمي انه بيعمل اعمال خيرية و فلوسه حلال و كدة لكنه في الاصل بيتشغل في كل حاجة ممنوعة...
كنان: قصدك؟!
جنون مدت ايديها ل كنان و بصتله.
جنون: نكون فريق واحد من اول و جديد.
كنان(بابتسامة): شئ يشرفني.
كنان مسك ايد جنون جامد و جنون حاولت تشد ايديها معرفتش و بصت ل شهد و كنان.
شهد(بغيظ): ايه حضرتك هو مش احنا في شغل.
كنان: عملت ايه؟
كنان شال ايده بعيد عن جنون و غمز بعينه ليها من غير ما شهد تأخد بالها.
جنون: طب هم.
الباب اتفتح فجأة.
تامر(بفرحة): انا خطبت يا جماعة و قريب هكتب كتابي.
نور: الواد اتجنن.
عطر(بتوتر): جنون حبيبتي.
علي: معلش بقي يا جنون انا اللي غصبت عليها.
كنان: مبروك.
كنان قام حضن تامر و نور. و جنون حضنتهم كلهم.
جنون: مبروك ليكوا، يلا تعالي يا عطر. اسيبك يا كنان تفهمهم بقي.
كنان: طيب.
جنون شدت عطر معاها و مشيوا.
عطر: في ايه؟
جنون: مفيش، يلا نشتغل و لا هنفضل هنا.
عطر: خلاص الله.
تامر: هو في ايه؟
كنان: حصلت حاجة جديدة كدة. هنعمل فريق واحد بفريق جنون.
نور: بس احنا في مهمة لما نخلصها صح.
كنان: لا في علاقة وصل بين قضية جنون و قضيتنا.
نور: اه. طب فهمنا اكتر.
كنان شرح ليهم كل حاجة جنون قالتها.
شهد: بس انا مش موافقة.
علي: اشمعنا؟
شهد: محدش هيعرف يركز خالص. كل واحد هيركز مع حبيبته ده مش شغل ده.
كنان(ببرود): قولتهالك مرة انا مش بخلط بين شغلي و حياتي الشخصية.
كنان: موافقين؟
الكل الا شهد: اه.
علي: ده من دواعي سروري.
شهد بصتلهم بعصبية و سابتهم و مشيت.
-في مكان تاني...
عند شجن.
شجن: اوف ده اتأخر اوي.
شجن قعدت تتصل ب أوبي كتير بس تليفونه مغلق.
شجن: لما اشوفك بس.
شجن: طب ممكن يكون حصله حاجة؟
شجن: اوف لا لا ان شاء الله خير.
شجن دخلت مكتب اوبي و قعدت فيه و بدأت تعيط بعد شوية أوبي دخل.
شجن قامت و جريت عليه بسرعة و حضنته.
أوبي(بخضة): انتي كويسة؟
شجن(بعياط): كنت قلقانة عليك.
أوبي: خلاص اسف معرفتش ارد عليكي.
شجن: انا بكرهك بس كدة.
شجن بعدت عنه و بدأت تمسح دموعها.
أوبي: اهدي بس هو عربيتي عطلت و تليفوني كان فاصل لما انتي رنيتي كنت لسة هرد عليكي قفل خالص و لغاية بقي لما لقيت حد يصلحها.
شجن: طيب.
أوبي: خلاص بقي متزعليش.
شجن: لا انا زعلانة.
أوبي: طب و كدة.
اوبي طلع من جيبه شيكولاتة ل شجن.
شجن: بضعف الله.
شجن خدت من اوبي الشيكولاتة و بدأت تأكلها.
اوبي: و الغلبان اللي واقف قدامك ده ملهوش اي نصيب.
شجن: لا لا لا، باي راحة اشتغل.
اوبي: الايام جاية.
شجن: لما تيجي ابقي سلملي عليها.
أوبي: هي مين؟
شجن: الايام اللي جاية.
شجن سابت اوبي و راحت مكانها و بدأت تشتغل.
اوبي: يا بنت المجانين.
اوبي راح قعد علي مكتبه و بدأ شغله.
-في مكان تاني...
عند ساهر.
ساهر كان قاعد في اوضته لقي الباب اتفتح فجأة و كنان داخل بكل غضب و راح ناحيته و مسكه من قميصه و هو قاعد علي كرسيه و بدأ يضربه.
كنان(بغضب): عايز ايه مني و من جنون؟
ساهر: ابعد.
كنان زق ساهر و هو في قمة غضبه.
كنان: لاخر مرة هسألك سؤال عايز ايه مني و من جنون.
ساهر: مش عايز حاجة منك انا بس عايز جنون.
كنان بصله بغضب و كان هيضربه بس تمالك نفسه.
كنان: بمعني؟
ساهر: اعتقد انك فهمت، انا احق بيها منك انت متستحقهاش.
ساهر: انا مدخل نفسي حرب علشان اكسبها.
كنان: حرب ايه؟
ساهر: انا بحبها و حسام بيحبها و انت بتقول انك بتحبها و ما علي جنون الا انها تختار بينا.
كنان: انت مجنون يا ابني جنون مراتي.
ساهر: هتطلب منك الطلاق و انت بنفسك هتطلقها.
كنان(بغضب): مش عايز اضربك بس قمسا بربي لو عملت اي حاجة بس تضايقني و ربي لامحيك من علي وش الدنيا، فاهم.
ساهر: لا.
كنان(بغضب): يا.
رأفت: ساهر ك.
رأفت: بتعمل ايه هنا يا كنان؟
كنان: مفيش كنت بتكلم معاه شوية. و خلصنا كلام عن اذنك.
ساهر: اه يا سيادة اللواء مع حضرتك.
رأفت: في مصاب تعالي معاايا.
ساهر: تمام.
كنان راح ل جنون و فتح باب مكتبها بغضب.
جنون: الله يخرب بيتك خضتني يا ابني.
كنان دخل و قفل الباب بالمفتاح و قعد علي الكنبة.
جنون: في ايه مالك؟ و كمان ليه مش ماسك العكاز في ايدك؟ هو مش الدكتور قالك متتحركش كتير.
كنان(بعصبية): اخرسي بقي بحاول متكلمش بعصبية اسكتي.
جنون بصتله و كملت شغلها و مبصتلهوش.
كنان: ليه مقولتيش ليا؟
جنون: علي؟!
كنان: اللي ساهر عمله معاكي في الاسانسير.
جنون: اعتقد مش شئ مهم علشان اقوله ليك، و كمان ايه اللي عرفك؟
كنان: مش مهم.
جنون: طيب و مش مهم برضو اني اتكلم.
كنان: لا مش كدة.
جنون: خلاص اتكلم.
كنان: كنت رايح اشوف حاجة ليها علاقة بقضية تانية لقيت الفيديو ده في شريط التسجيل.
جنون: تمام.
كنان: انتي متعصبة طبعا من الصور.
جنون: لا انا مش بحاسب حد علي الماضي بتاعه طالما اتغير.
كنان: شكرا.
جنون: مفيش حاجة تستدعي الشكر.
كنان قام و قرب من جنون و مال ناحيتها.
جنون: خير؟
كنان: هو.
تليفون جنون رن.
كنان: تصدقي انا ابن.
جنون: بس بس ايه في ايه؟ هرد و نكمل كلامنا اللي هو معرفهوش.
الخط اتفتح.
جنون: الو يا فارس.
فارس(بتوتر): جنون الحقيني.