رواية حرب الحب للكاتبة سلسبيل كوبك الفصل السادس عشر
جنون فتحت الجواب بتاع المحكمة و فتحت عينيها علي آخرهم...
جنون(بصدمة): يا نهار اسود...
داليا: في ايه؟
جنوت فضلت مصدومة و بتقرأ الجواب تاني. داليا حاولت تأخد الورقة من جنون بس جنون شدتها.
جنون(بتوتر): مفيش حاجة عن اذنك.
داليا(بحدة): تعالي هنا في ايه؟
جنون: حاجة للشغل و احتمال اسافر ضروري.
داليا: طب هتعملي ايه؟
جنون: هروح الشغل و اعرف عن اذنك.
جنون جريت علي اوضتها و بدأت تلبس هدومها.
جنون لبست بنطلون اسود و و قميص ابيض دخلته في البنطلون و صندل بكعب اسود و سيبت شعرها و خدت شنطة سوداء في ابيض.
جنون خرجت و كانت بتمد و هي في قمة غضبها.
داليا: مش هتأكلي؟
جنون: بعدين.
جنون ركبت الموتسكل بتاعها و ساقت بأقصي سرعة ل فيلا فريد...
جنون وصلت و هي في قمة غضبها.
الحارس: داخلة ل مين؟
جنون: كنان بيه.
الحارس: مين حضرتك؟
جنون: جنون سيف الدين.
الحارس: اه افتكرت اتفضلي ادخلي.
جنون دخلت الفيلا و الخدامة فتحت ليها الباب.
سيدة: مين انتي؟
جنون: كنان موجود؟
جهاد(بعصبية): انتي يا خدامة انتي ازاي تقولي اسم ابني لوحده كدة.
جنون(ببرود): مش عاجبك كنان لوحده متخافيش شوية و هتلاقيني بأشتمه بأقذر الشتايم بس يجيلي.
جهاد: طلعوا الاشكال دي بره. نادي الحراس بسرعة.
الحراس جت و حاولت تمسك جنون و جنون واقفة بكل ثقة.
كنان(بحدة): ابعدوا عنها.
كنان نزل بكل برود بالنسبة ل جنون.
جنون(بسخرية): شرفت يا بيه.
جهاد(بحدة): انتي متربتيش.
جنون: لا انا ممكن اوريكي التربية علي اصولها.
جنون كانت هتهجم علي جهاد بس كنان وقف في وشها و شالها من خصرها.
جنون: سيبني اعمل وشها خريطة.
كنان: جنون اهدي دي امي...
جنون(بغضب): ابعد عني و ربي لاقتلك في ايدي النهاردة.
كنان: تعالي معايا.
جهاد: في ايه يا كنان؟
كنان: مفيش يا امي يلا با جنون العملية يلا يلا.
كنان شد جنون معاه و جنون مكنتش عايزة تتحرك.
كنان: يلا.
كنان و جنون خرجوا بره الفيلا و جنون شدت دراعها من كنان بعنف.
جنون(بعصبية): انت.
كنان(بهدوء): هشششش اهدي نروح مكان نتكلم فيه...
جنون(بغيظ): طيب يا كنان بس خليك عارف اني مش هرحمك.
جنون ركبت الموتسكل بتاعها و كنان ركب عربيته و بدأ يسوق و جنون وراه.
جنون(لنفسها): و حياتك لاندمك يا كنان الكلب.
كنان(لنفسه): هنشوف هتعملي ايه يا ست جنون.
و بعد فترة كنان وصل ل مكان شبه مهجور قدام بحر...
جنون: روحنا مكان هادئ صح.
جنون قربت علي كنان و كانت هتضربه بوكس بس كنان تفادي ضربتها بسرعة.
كنان: اووووووه جنون كنت متوقع...
جنون(بعصبية): بتطلبني في بيت الطاعة يا كنان، و ربي لاربيك.
كنان: اهدي بس في حد يكلم جوزه كدة.
جنون(بعصبية): انت هتجنني ياض انت، هو مش احنا اتفقنا هنتطلق بعد اسبوع.
كنان: قولت بقي ايه انا استمتع في الاسبوع ده.
جنون(بعصبية): تقوم ايه طالبني في بيت الطاعة علشان غصب عني اوافق.
جنون: بس لا في خلع عادي جدا.
كنان: اممممم بس عايز اقولك حاجة يا تري اسبابك ايه علشان تخلعيني.
جنون سكتت و مردتش عليه. كنان بصلها بانتصار.
كنان: انا بقي ليا اسبابي.
كنان: احسنلك توافقي و تيجي معايا. جهزي نفسك الساعة 7 الصبح.
جنون(بغيظ): هنروح فين؟ و هنتطلق امتي؟
كنان: هنروح فين ملكيش فيه. هنتطلق امتي.
كنان(باستفزاز): برضو ملكيش فيه.
جنون: بيت الطاعة يا كنان.
كنان: ايوه بيت الطاعة يا مرات كنان...
جنون(بعصبية): متقولش الكلمة دي بتعصبني.
كنان(بضحك): طيب اتوصي بقي في اللبس يا عروسة.
جنون(بعصبية): حيوان و سافل...
كنان: اشوفك بكرة باي.
جنون(بعصبية): هقول ل فريد بيه و هو هيتصرف معاك.
كنان: منصحكيش انا واحد طالب مراتي في بيت الطاعة لانها مش عايشة معايا و كمان مش بتديني حقوقي كاملة القانون هيقف معايا.
كنان ركب عربيته و قبل ما يتحرك بص علي جنون.
كنان(بغمزة): اشوفك بكرة يا عروسة.
كنان مشي بعربيته و راح علي شغله. جنون كانت في قمة عصبيتها...
جنون ركبت الموتسكل بتاعها و روحت علي بيتها.
جنون طلعت تليفونها و اتصلت علي اياد.
الخط اتفتح.
اياد: اسف عارف انك روحتي قبلنا بس احنا.
جنون: هششش اياد انا مش راحة الشغل النهاردة و لا بكرة لمدة كام يوم كدة.
اياد: ليه انتي كويسة؟ فيكي حاجة؟ اجيلك؟
جنون: لا مفيش حاجة. خدوا انتوا كمان اجازة هو بس قولت عايزة اقعد في مكان لوحدي علشان اهدي بقالي كتير مخدتش اجازات و مكنتش بخليكوا انتوا كمان تأخدوا بس ده ميمنعش انكم تبصوا في الملف شوية.
اياد: طيب يا روحي لو عوزتي حاجة كلميني.
جنون: تسلم.
داليا: ايه يا حبيبتي اللي حصل؟
جنون: هضطر اسافر كام يوم...
داليا: طيب يا حبيبتي ربنا معاكي.
جنون: ادعيلي اوي يا ماما.
داليا: بدعيلك يا حبيبتي.
جنون: فين شجن؟
داليا: راحت شغلها.
جنون: طيب.
جنون(لنفسها بغيظ): انا يا كنان تطلبني في بيت الطاعة و الله لاطلع عليك القديم و الجديد و هتقول ارحميني.
داليا: جنون جنون.
جنون: ها ايه يا ماما؟
داليا: بقولك هتسافري امتي؟
جنون: بكرة الساعة 7 بكرة.
-في مكان تاني...
عند ندي في النادي.
ندي: ها يا حبيبي هتيجي تتقدم امتي؟
سعيد: في اسرع وقت يا حبيبتي متخافيش.
ندي: طيب يا حبيبي. متقلقش انا هتقبلك في كل ظروفك.
سعيد: بحبك اوي يا ندي.
ندي: و انا اوي. غيرتني.
سعيد: امممم يعني مبسوطة؟
ندي: اكيد.
سعيد: مقدرتش اغير خجلك بس يلا قريب و اغيره.
ندي(بضحك): طيب يا عم الساحر...
معتز: يلا يا سعيد المدير جاي.
سعيد: طيب، باي يا حبيبتي.
ندي: باي.
سوزي: ايه ده ندي قاعدة مع الخدامين.
ندي(بحدة): سوزي ابعدي عني و حاسبي علي كلامك معايا.
سوزي: طيب هتيجي معايا بليل للحفلة.
ندي(بقرف): لا.
ندي خدت حاجتها و مشيت من النادي ركبت عربيتها و روحت.
سوزي: بكرة هتجوز اخوكي اوبي و هتحترميني غصب عنك يا ندي. و ساعتها هندمك علي طريقتك معايا.
سوزي: هندمك متخافيش.
-في مكان تاني...
عند شجن.
شجن اول ما دخلت مكتبها لقت شيكولاتة و ورد.
شجن لقت كارت شدته و بدأت تقرأ اللي عليه.
المضمون: انا اسف ليكي يا شجن كان غصب عني. اتمني تعذريني.
شجن ابتسمت و بدأت تشم رائحة الورر و بدأت تأكل من الشيكولاتة.
شجن(بفرحة): الله لذيذة اوي.
أوبي(من وراها): عجبتك؟
شجن قامت وقفت بسرعة و بصتله.
شجن: احم اه...
أوبي قرب من شجن و مسح ليها الشيكولاتة.
أوبي: عارفة ليه كنت مضايق؟
شجن: ليه؟
أوبي: بسببك.
شجن(بصدمة): بسببي انا ليه انا عملت ايه؟
أوبي: هتعرفي قريب.
شجن: لا قول دلوقتي.
أوبي: قولت بعدين.
شجن: لا دلوقتي.
أوبي(بحدة خفيفة): شجن هاتي الاوراق اللي عايزة تتمضي علي مكتبي و بطلي فضول يلا.
شجن(بغيظ): حاضر...
-في مكان تاني...
في مكتب كنان.
شهاب: برضو مش فاهم سبب سفرك ايه؟
كنان: قولت هنسجم شوية.
نور: بس ده مش طبيعي يا كنان، عمرك ما حبيت تأخد اجازة.
كنان: عادي يعني.
علي: خلاص يا جماعة احنا كنا بنزن عليه علشان يتفسح و ينسجم.
تامر: خلاص بقي و احنا اكيد رايحين معاه.
كنان(بانفعال): لا.
نور(باستغراب): ليه؟
كنان: انا عايز اروح لوحدي براحتي.
علي: طب و احنا هنعمل ايه؟
كنان: انسجموا هنا.
شهاب: هتروح فين؟
كنان: مفيش.
نور: ايه؟
كنان: اقصد مكان مش عايز حد يعرفه بقي الله...
كنان: بطلوا اسئلة بزهق...
علي: خلاص يا عم.
شهاب: براحتك مع اني مش مطمن ليك.
كنان: لا اطمن.
نور: خلاص يا جماعة براحته...
الباب خبط...
كنان: ادخل.
شخص: فريد بيه في انتظارك.
كنان: تمام.
كنان قام و راح لمكتب فريد و خبط الباب.
فريد: ادخل.
كنان: ازيك يا سيادة اللواء؟
رأفت: ايه يا كنان شكلك نسيتنا...
كنان: انا اقدر يا فندم.
رأفت: يا بكاش.
فريد: ها يا كنان كنت طالب اجازة ليه؟
كنان: يعني يا فندم مخدتش اجازات قبل كدة و كمان الاجازة دي مهمة اوي بالنسبة ليا.
كنان(لنفسه): علشان اعلمها الادب.
فريد: عايز تأخد قد ايه؟
كنان: اسبوع اسبوعين تلت اسابيع شهر يعني انت و ذوقك يا فندم.
رأفت: ايه يا ابني انت جاي تستعبط...
كنان: مش اوي كدة.
فريد: خلاص يا كنان انا عارف متقدرش تبعد عن الشغل اسااسا تلت ايام و ترجع متنساش العملية الجديدة.
كنان: تلت ايام! طيب كويسين هنجز برضو...
رأفت: تنجز ايه؟
كنان(لنفسها): علي الاقل اقص لسانها بس.
كنان: اقصد يعني هريح نفسي.
فريد: انت رايح فين؟
كنان: عن اذنك يا فندم.
كنان خرج و روح علي بيته قابل مامته.
جهاد: ايه اللي حصل بينك و بين البت الفقيرة دي؟
كنان: مفيش حاجة.
جهاد: مش مصدقة يا كنان، ايه دخل البت دي في حياتك؟
كنان: شغل شغل دي تعتبر زميلتي في الشغل.
جهاد: البت الزبالة المقرفة دي.
كنان(بحدة): امي لما تيجي تتكلمي علي حد يخصني يا ريت تتكلمي عنه بكل احترام.
كنان طلع علي اوضته و بدأ يجهز هدومه...
الباب خبط.
كنان: ادخل.
ندي: حبيبي عامل ايه بقالي كتير مشوفتكش.
كنان: حبيبتي انتي عاملة ايه؟ طمنيني عنك؟
ندي: الحمد لله بخير يا حبيبي.
كنان: تمام يا روحي.
ندي: بتجهز هدومك ليه؟
كنان: هسافر كام يوم...
ندي: ربنا معاك يا حبيبي.
كنان: تسلمي طب خلي عندك دم و تعالي ساعديني...
ندي(بضحك): طيب يا عم كنان.
كنان: تعالي تعالي...
-في مكان تاني...
عند جنون.
جنون كانت قاعدة بتتفرج علي التلفزيون و بتأكل فشار. لقت حد بيجري عليها بسرعة.
جنون(بخضة): في ايه حد مات؟
شذي: حبيبتي انتي كويسة؟ فيكي حاجة؟
جنون(بحدة): شيلي ايدك و اتكلمي في ايه...
شذي: لما اياد قالنا محدش صدق قولت هروح اتأكد.
جنون(بهمس): وطي صوتك ماما فاكرة اني راحة تبع شغل و لو عرفت اني راحة انسجم هتشبط معايا زي العيال الصغيرة.
شذي: طيب انسجمي يا بيبي انسجمي.
جنون(لنفسها): كان نفسي بس اي مكان فيه الزفت كنام مفهوش انسجام.
شذي: هطلع بقي انام بدري و اصحي براحتي ده انا هدلع نفسي انا و الفرقة.
جنون: انا كل شوية هتصل اعرف وصلتوا لايه. متحلموش.
شذي: ربنا علي المفتري.
شذي طلعت للدور التاني و غيرت هدومها...
شذي: اخيرا هنام براحتي و هصحي براحتي مش ورايا شغل.
شذي: يااااااه علي الجمال ده.
شذي رمت نفسها علي السرير و نامت بعمق.
عند جنون...
داليا: هو محدش جاي معاكي؟
جنون: احم لا يعني المهمة دي عايزاني انا بس...
داليا: طيب يا روحي ربنا معاكي.
جنون: انا نسيت اصلي العشاء عن اذنك.
جنون قامت دخلت اوضتها.
جنون(بغيظ): انا تطلبني في بيت الطاعة يا كنان.
تليفون جنون رن...
جنون(بضيق): سيرتك بتعصبني يا زفت.
الخط اتفتح.
جنون(ببرود): خير يا دكتور ساهر؟
ساهر: ازيك يا جنون عاملة ايه؟
جنون(ببرود): لو متصل علشان تسألني عاملة ايه فاقفل احسن مش فايقالك.
ساهر: لا لا استني. انتي فاضية بكرة؟
جنون(ببرود): كان نفسي عن اذنك...
جنون قفلت التليفون و رمته علي السرير بس تليفونها رن تاني...
الخط اتفتح...
كنان: كنتي بتكلمي مين؟
جنون: حبيبي، انجز عايز ايه؟
كنان: طيب الايام جاية يا جنون.
جنون: اه متخافش يا بيبي هخليك تتمني الموت.
كنان: انا هقصلك لسانك، عموما جهزتي شنطتك؟
جنون: لا و نسيت و مليش نفس.
كنان(بحدة): طب تقومي دلوقتي تجهزيها بدل ما اجي و اقول للست الوالدة...
جنون(بغيظ): بطل تهددني يا زفت انت انا مش بخاف منك...
كنان: بتخافي علي عائلتك عارف، بقولك ركزي علي المفتوح...
جنون: قصدك ايه؟
كنان قفل التليفون و جنون حاولت تفهم معرفتش. جنون قامت اتوضت و غيرت هدومها و جهزت شنطتها و كانت هتنام.
كنان: ركزي علي المفتوح.
جنون هبت واقفة و عرفت قصده ايه.
جنون(بغيظ): الحقير الواطي ربنا يحرق دمك زي ما بتحرق دمي.
شجن: جنون لسة صاحية؟
جنون: ايوه يا شجن عايزة ايه؟
شجن: ماما قالتلتي انك مسافرة جيت انام في حضنك، ينفع؟
جنون: تعالي.
شجن جريت علي سرير جنون و نامت في حضنها.
في الصباح الباكر.
جنون: اوف مين المزعج؟
جنون مدت ايديها جابت التليفون و ردت.
جنون(بنوم): الو مين؟
كنان: طيب شكلك لسة بين اليقظة و الحلم قومي البسي مستنيكي علي اول الشارع بتاعك.
جنون: اوف يا كنان مينفعش بكرة طيب...
كنان: تصدقي ينفع.
جنون: طيب...
كنان: بس عارفة ايه اللي هينفع اكتر اني اجي دلوقتي و اقول للست الوالدة انك متجوزة و كمان مش راحة سفر بغرض الشغل او الانسجام لا حضرتك مطلوبة في بيت الطاعة...
جنون: بس بس هتهددني بطل شوية.
جنون قفلت في وش كنان و قامت براحة من جمب شجن و غسلت وشها و غيرت هدومها...
جنون لبست بنطلون كحلي وفوقه زي تي شيرت ب ¾ كم و واسع باللون الابيض و البيبي بلو و فوقه جاكت ابيض طويل لغاية الركبة و كوتشي ابيض و رفعت شعرها علي شكل كحكة و منزلة كام خصلة و اختارت شنطة باللون الاسود.
جنون خدت شنطة السفر الصغيرة و خرجت لقت مامتها بتصلي، استنتها لغاية ما خلصت.
داليا: خلاص يا حبيبتي هتمشي.
جنون حضنت داليا جامد و باست رأسها.
جنون: راجعة تاني متخافيش يعني. بحبك.
جنون خرجت و مشيت لغاية اول الشارع لقت عربية كنان و كنان ساند علي العربية اول ما شافها اتعدل.
جنون(ببرود): يا تري هتوسع من قدامي بابي و لا ناوي تجرب سواقتي؟
كنان: لا طبعا بس مش شايفة حاجة؟
جنون: ايه يا تري العظيم اللي كنان بيه شايفه و انا لا...
كنان: اننا في الصباح و الجو لسة في نسمة هواء و اتنين متجوزين...
جنون: ايه تحب اعملك تمارين الصباح، و لا اعملك الببرونة لانك طفل و عايز ترضع...
كنان: ممكن ارد عليكي علفكرة بس هكتفي بالسكوت.
جنون: تصدق خوفت، ايه ده يا ربي بلوة ابتلتني باكبر بلوة في حياتي.
-كنان قرب من جنون و حضنها حضن دافئ و باس رأسها و جنون كانت ساكنة بين ايديها و مغمضة عينيها سمعت صوت عربية جاية من بعيد بعدت عن كنان بسرعة و راحت ركبت مكانها...
كنان ركب عربيته و بدأ يسوق و جنون فردت الكرسي و فردت جسمها.
كنان: اول يوم في عش الزوجية.
جنون: متخافش هحاول مجيش ناحية وشك الوسيم الللي بيعجب البنات الكلبوبات.
كنان(بضحك): عايز اشوف هتعملي ايه.
جنون: متخافش هتعرف. اتقل التقل حلو يا عم التقيل.
كنان: طيب.
و كنان كان بيسوق و جنون فاردة جسمها علي الكرسي...
جنون(لنفسها): اوف هخلص منك امتي انت كابوس يا ابني كابوس.
كنان: جنون جنون.
جنون: خير جنابك عايز ايه؟ اغيرلك البامبرز.
كنان(بحدة خفيفة): و الله. تصدقي اني غلطان.
جنون: احنا لسة فيها اهو صحح غلطتك و رجعني بيتي حبيبي، بدل بيت الطاعة اللي جانبنا رايحينه.
جنون: بس يا تري بيت في الارياف و لا عشة و لا اوضة و صالة و لا ايه النظام.
كنان: كلها ساعتين و نوصل.
جنون: ساعتين! توبة توبة.
كنان: عايزة تأكلي ايه؟
جنون: عايزة اروح.
كنان بصلها و كمل سواقة لغاية ما وصل ل شارع باين عليه النظافة والرقي.
جنون: وقفت هنا ليه؟
كنان: بيت الطاعة جنابك.
جنون اتعدلت و بصت حواليها و انبهرت.
جنون: واو كنان بيه جايبنا مكان راقي. مش بطال.
جنون نزلت من عربية كنان و وقفت قدام العربية.
جنون: فين؟
كنان: انتي قدام البيت علطول.
جنون(لنفسها): واو شكله شيك.
كنان: ده الباب خلفي و ده الباب الرئيسي.
جنون(برفعة حاجب): ازاي؟! يعني الباب الخلفي و الامامي في نفس الجهة...
كنان: هتعرفي.
كنان دخل الباب الرئيسي كان عبارة عن بوابة صغيرة فتحها و دخل و جنون وراه...
كنان: ثانية اجيب الشنط.
كنان راح جاب الشنطتين و دخل و قفل الباب وراه.
كنان: باب الفيلا ذات نفسها. ادخلي.
جنون دخلت و انبهرت جدا من تصميم الفيلا و البساطة اللي فيه الفيلا كانت صغيرة و بسيطة ب دورين الدور اللي تحت فيه سفرة و مكان للجلوس و مطبخ امريكي و حمام. الدور اللي فوق كان فيه كذا اوضة و مكان للجلوس برضو.
جنون نزلت سلمتين و عجبتها الفيلا اوي.
كنان: عجبك؟
جنون: زبالة زي صاحبها.
جنون: ايه ده السلالم دي بتودي ل فين؟
كنان: للجنينة و الدور الارضي.
جنون: واو.
جنون نزلت الدور اللي تحت لقت صالة و سفرة تانية و ازاز و بره في جنينة و سفرة صغيرة و مرجيحة و مكان للجلوس و حمام سباحة و اوضة تغير ملابس.
جنون: بص انا صريحة الفيلا حلوة اوي، بس انت موجود يبقى اكيد مش حلوة...
كنان: بكرة تبقي احلي.
جنون(بعصبية): اسااسا مش طيقاك بيت الطاعة بيت الطاعة يا كنان، طالبني في بيت الطاعة...
كنان: مالك يا بت ب مية حال ليه؟
جنون: هنام فين؟
كنان: تعالي...
كنان طلع للاوض و جنون وراه و فتح باب اوضة.
كنان: دي اوضتك خدي شاور و هطلع شنطة الهدوم هنا...
جنون: طيب.
جوون دخلت غيرت هدومها و خدت دوش.
جنون: فين شنطة الهدوم؟
جنون: ل يكون حطهم في الدولاب لا بس هو مش محترم.
جنون فتحت الدولاب لقت بيجامات و هدوم قصيرة و ضيقة.
جنون: اكيد مش بتاعتي الحاجات دي.
جنون قفلت الدولاب تانية و قعدت علي السرير.
جنون: انزل طالما مطلعهاش اكيد حصل حاجة.
جنون قفلت الروب كويس و نزلت بحذر تام و ملقتش كنان و ملقتش شنطتها.
جنون: اوف راح فين الزفت ده؟
كنان: بتقولي حاجة؟
جنون: احم ايوه فين شنطة هدومي؟
كنان: في الزبالة.
جنون(بصدمة): نعم! يا حيوان.
كنان: زوجتي المصونة احترمي نفسك.
جنون: رميت ليه شنطة هدومي؟
كنان: كنت فاكرك بتسمعي الكلام لكن لا مجبتيش الهدوم اللي انا عايزاها، فوق في هدوم...
جنون بصتله بحدة و كانت هتضربه بس هو مسك ايديها و تناها ورا ضهرها.
جنون(بحدة): بوعدك هتدفع تمن كل اللي بتعمله معايا...
كنان(ببرود): منتظر.
جنون زقت كنان و طلعت علي اوضتها و فتحت الدولاب.
جنون: مش بطال...
جنون لبست بيجامة قطعة واحدة قصيرة نظام شورت قصير و تي شيرت مفتوح من ورا و متصل من قدام. بحمالة رفيعة باللون البيبي بلو. و عملت شعرها ديل حصان عالي.
جنون: ننام ساعة.
جنون نطت علي السرير و حاولت تنام...
عند كنان.
كنان: الايام جاية كتير يا جنون.
كنان طلع اوضة جنون و خد دوش و غير هدومه و راح نام جمبها...
-في مكان تاني...
عند اياد.
اياد: عارف انك مش عارفة السبب اللي انا جايبك ليه.
اياد: انا بس عايز اقول شعور حاسه ناحيتك.
اياد: هنفضل صحاب و زملاء برضو.
اياد: احم يعني انا كنت عايز اقول.
اياد خد نفس عميق و طلعه براحة.
اياد(بابتسامة): انا بحبك يا شذي.
شذي فتحت عينيها علي آخرهم بصدمة.
شذي(بتوتر): انت صدمتني.
اياد(بابتسامة): و لا يهمك معاكي لغاية ما جنون ترجع و ساعتها هأخد ردي منك ايا كان ايه هو هنفضل اصحاب...
شذي: تمام.
اياد: تحبي تأكلي ايه؟
شذي: علي مزاجك عادي.
اياد طلب اكل و بدأ هو و شذي يأكلوا.
-في مكان تاني...
عند جهاد.
جهاد(بعصبية): سيدة نادي ندي.
سيدة: حاضر يا هانم.
سيدة طلعت لاوضة ندي و خبطت الباب.
ندي: ادخل.
سيدة: جهاد هانم عايزة حضرتك.
ندي: و شكلها كان عامل ازاي؟
سيدة: تقدري تنزلي و تشوفي.
ندي: محدش بينتفع منك.
ندي نزلت و راحت قعدت قدام جهاد و بصت بتوتر.
ندي: ايه يا ماما؟
جهاد(بعصبية): انتي بتحبي الواد الفقير اللي اسمه سعيد ده؟
ندي(بتوتر): الحب مش عيب يا امي.
جهاد(بعصبية): تقومي تحبي واد فقير صايع مش معاه جنيه.
ندي: الفقر مش عيب علشان محبوش و الفقر مش عائق بين الحب ابدا.
جهاد: طيب يا ندي لو عرفت انك كلمتيه تاني و لا شوفتيه و قابلتيه متعرفيش هعمل ايه...
ندي: هتعملي ايه؟
جهاد: هفصله من شغله و هحبسك في البيت و ممكن كمان اقتله...
ندي(بدموع): لا يا ماما حرام ده بيحبني و انا بحبه و هيجي يتقدم.
جهاد قربت من ندي و قعدت جمبها.
جهاد: اسمعيني ده عايز فلوس و بس يا ندي. مش بيحبك.
جهاد: انتي تستاهلي غيره واحد يقدرك و يقدر جمالك مش طمعان في فلوسك.
ندي: بس...
جهاد: علي اوضتك يا ندي، و لو عرفت انك كلمتيه او شوفتي هتزعلي مني.
ندي قامت بكل حزن و طلعت علي اوضتها قعدت تعيط...
-في مكان تاني...
عند جنون...
جنون قامت من نومها لقت كنان نايم جمبها بمسافة، بدأت تتمطع و تتاوب.
جنون: اوف علي الملل يعني انا اعمل ايه بقي في ام الملل ده...
كنان: ممكن نعمل حاجات كتير.
جنون(بتريقة): ممكن نعمل حاجات كتير.
جنون: و كمان طالما صاحي كنت مقرب عليا اوي كدة ليه عيل رزل.
كنان(بضحك): كدة كنت مقرب عليكي اوي. يا سبحان الله...
كنان: قومي قومي اعملي اكل...
جنون: ليه يا حبيبي كنت الخدامة اللي سيادة اللواء جبهالك...
كنان: حاجة زي كدة...
كنان قام و شال جنون علي كتفه و نزل بيها.
جنون(بحدة): ده مش لعب عيال نزلني. نزلني يا كنان.
كنان: في المشمش.
جنون(بصريخ): نزلنييييييييييييييييييي.
كنان رمي جنون علي الكنبة بسرعة...
كنان: ايه يا شيخة سرينة ينعل ابو صوتك.
جنون: و انت كنت بترمي فرخة مثلا، جتك مصيبة في شكلك.
كنان: ماله شكلي ده انا وسيم و قمر...
جنون: قمر بالستر.
كنان: و بعجب كل البنات...
جنون: قصدك الكلبوبات اللي زيك.
كنان مسك ايد جنون و شدها وراه علي المطبخ.
كنان: يلا عايز اكل يا زوجتي المصونة...
جنون: اوف طيب اترزع غور في اي داهية.
كنان: منتظر.
كنان قعد علي الكرسي اللي في المطبخ و حط رجل علي رجل و فضل ماسك موبايله، جنون بدأت تعمل اكل.
بعد فترة.
جنون: تعالي اطفح...
جنون حطت الاكل و بدأت تأكل هي و كنان.
كنان: اممم ايه ده؟
جنون: اكل.
كنان: ده اكل ده، ده كله ملح.
جنون: مش عاجبك متأكلش.
قعدوا كلوا و بعدين قعدوا علي التلفزيون.
جنون: هنمشي امتي؟
كنان: ملكيش فيه زوجتي المصونة.
جنون(لنفسها): عاااااااااااااااا نفسي اعمل في وشك خريطة...
جنون فاقت لما لقت كنان لازق فيها و محاوطها بأيده.
جنون: و ايه ده؟
كنان: ايه؟
جنون(بملل): اوف يا كنان عامل زي الاطفال.
كنان: متشكر...
بعد فترة جنون نامت علي كتف كنان. كنان شالها بين ايديه و عدي دقيقتين.
جنون(بصريخ): عااااااااااااااااااااااااا.