رواية حرب الحب للكاتبة سلسبيل كوبك الفصل السابع عشر

رواية حرب الحب للكاتبة سلسبيل كوبك الفصل السابع عشر

بعد فترة جنون نامت علي كتف كنان. كنان شالها بين ايديه و عدي دقيقتين.
جنون(بصريخ): عااااااااااااااااااااااااا.
جنون(بصوت عالي): يا كنان الكلب.
جنون(بصوت عالي): غرقتني ماية حرام عليك.
كنان(بضحك): منظرك مسخرة.
كنان طلع تليفونه و صور جنون فيديو و جنون قعدت ترش عليه ماية...
جنون(بغيظ): طيب.
جنون شدت رجل كنان و كنان وقع في الماية.
كنان(بعصبية): انتي حيوانة؟
جنون: و من اعمالكم سُلط عليكم.

كنان رش جنون بالماية و جنوه قعدت تضربه في بطنه، كنان قلع التي شيرت بتاعه و بدأ يعوم حوالين جنون.
جنون: طب ايه رأيك نلعب لعبة؟
كنان: قولي.
جنون: نشوف نفس مين اكتر؟
كنان: طيب. و اللي هيفوز هيحكم علي التاني.
جنون: تمام.
جنون: 1 2 3.
جنون و كنان كتموا انفسهم تحت الماية قعدوا فترة. و كنان رفع رأسه الاول و لقي جنون لسة تحت الماية. كان لسة هيوطي رأسه تاني بس جنون مسكته.
جنون(و هي بتأخد نفسها): علي فين؟

كنان: ايه؟
جنون(و هي بتأخد نفسها): انت خسرت و انا اللي فوزت.
كنان: اه و ايه يعني بقي؟
جنون(برفعة حاجب): يعني هحكم عليك.
كنان: لا طبعا مين قال كدة.
جنون: جباااااااان و مش قد التحدي.
كنان: علي حسب حكمك. ايه هو؟
جنون قربت من كنان و حاوطت رقبته بأيديها.
جنون: تغسلي رجلي بماية دافية.
كنان(بعصبية): نعم يا اختي.
جنون(برفعة حاجب): متنساش انك الخسران يبقي تسمع كلامي.
كنان: غوري يا بت من وشي...

كنان: و لا اقولك نلعب تاني.
جنون: موافقة.
كنان: 3 2 1.
جنون و كنان كتموا انفسهم تحت الماية ل فترة اطول من الاول. جنون غصب عنها رفعت رأسها و هي بتأخد نفسها بصعوبة و بعدها كنان بس نفسه كان بيروح.
جنون(بخضة): كنان كنان.
جنون(بقلق): كنان خد نفسك براحة طيب، اهدي اهدي.

-جنون ساعدت كنان يطلع و فرد جسمه علي الارض و مش قادر يأخد نفسه و جنون بدأت تعمل مساچ يدوي للقلب، لغاية ما كنان اتنفس طبيعي و جنون حطت رأسها علي صدره و هي بتتنهد.
جنون: اوف قلقتني عليك.
كنان طبطب علي ضهرها و باس رأسها...
كنان: انا كويس كويس.
جنون بعدت عنه و قعدت تزقه لغاية ما وقع في الماية تاني.
كنان(بصدمة): يا حيوانة.
جنون نطت عليه و هو مسكها جامد.
كنان: ده ايه ده؟

جنون: لا كنت بتأكد انك زي القرد اهو قدامي. نزلني بقي.
كنان: بس انا اللي كسبت برضو...
جنون: انت لسة فيك نفس اسااسا نزلني يا ابني اطلع اغير مش ناقصة انا شوية برد و ساعتها العملية هتطير مني.
كنان نزل جنون و جنون طلعت قدامه و دخلت اوضتها و غيرت هدومها.
جنون لبست شورت جينز قصير و تي شيرت باللون الابيض في اسود بنص كم و قصير مبين جزء من البطن و جففت شعرها و سيبته.

جنون لقت كنان داخل مبلول و دخل علطول خد دوش و استحمي و خرج لبس بنطلون بيتي.
جنون: كنان في كذا اوضة اخرج من اوضتي.
كنان: كلهم مقفولين و مش معايا مفاتيحهم.
جنون: اوف. طيب بس بعد كدة هتنام علي الكنبة لغاية ما اخلص منك.
جنون راحت اترمت علي السرير و كنان جمبها، بعد فترة كنان بدأ يكح و يعطس كتير.
جنون: حلاوتك. جالك برد؟
كنان: لا انا كويس.
كنان حاول يكمل نوم بس برضو بيكح. جنون قامت و كانت هتخرج.
كنان: راحة فين؟

جنون: مبعرفش انام جمب حد عنده برد. عن اذنك.
-جنون نزلت ل تحت و كنان زعل من كلامها نوعا ما و بعد فترة لقي جنون بتفتح الباب و شايلة صينية.
جنون: يلا يلا قوم اشرب الحاجة الدافية دي.
كنان(بصدمة): عملتيلي حاجة دافية؟
جنون: لا للجيران، ما تشرب يا عم.
كنان خد الكوباية من جنون و بدأ يشرب. جنون راحت علي الدولاب جابتله تي شيرت و سويت شيرت بيتي.
جنون: يلا خد البس...
كنان: ايه ده كمان؟

جنون: ما طبعا لازم يجيلك برد واحد كان في الماية لاكتر من نص ساعة و طلع في الهواء و خد دوش و نايملي من غير غطاء و لا تي شيرت. البس يا ابني متتعبش قلبي.
جنون بدأت تلبس كنان التي شيرت و السويت شيرت. و خدت منه الكوباية و ودته دواء لقته في التلاجة.
جنون: متخافش مش سم ده دواء للكحة.
كنان شرب الدواء من جنون و جنون فردت جسمه علي السرير و غطته و راحت نامت جمبه.
كنان مسكها جامد و دفن نفسه فيها و بدأ يرتعش.

جنون: خلاص اهدي اهدي...
جنون حاوطت كنان بأيديها و حاولت تدفي ايده و رجله علي قد ما تقدر. لغاية ما ناموا الاتنين...

-في الصباح الباكر...
في بيت شجن.
داليا: شجن شجن يلا قومي.
شجن(بنوم): خير؟
داليا: قومي يلا شغلك.
شجن: طيب.
شجن قامت و لسة هتتحرك قعدت علي السرير.
شجن(بانفعال): لا مش هروح.
داليا(باستغراب): ليه يا بنتي؟ حصل حاجة؟
شجن(بتوتر): لا تعبت شوية و هأخد اجازة.
داليا: طيب اعملك حاجة تشربيها.
شجن: لا روحي و اقفلي الباب...
داليا: طيب.
داليا خرجت و قفلت الباب. و شجن قعدت علي السرير و شردت.
Flash back.

شجن: كدة تمام فاضل بس ورق لسة هيجيلي من عز و هبعته ليك بكرة...
أوبي: تمام. لو محدش هيوصلك تعالي اوصلك انا...
شجن: لا انا عايزة اتمشي شوية...
أوبي: طيب يلا نتمشي مع بعض.
شجن: طيب لو مش هتنزعج.
أوبي: تمام.
شجن و أوبي اتمشوا علي الرصيف و كان في هواء حلو و هما ماشين بصمت.
شاب(بغمزة): ايه يا عم الرايق؟
شجن مودتهوش اهتمام و أوبي كان ماشي جمبها.
شاب: طب سيبك من الدولاب اللي جمبك و تعالي معايا.

شاب: ايه يا عم التقيل هو مزعلك و لا ايه؟
شاب: متخافيش بس تعالي.
أوبي(بحدة): ما تغور في داهية.
شاب: ايه يا دولاب انت انا مش بكلمك...
أوبي مسك الشاب ده و قعد يضرب فيه.
جنون(بعياط): خلاص يا أوبي.
أوبي(بغضب): ابعدي.
أوبي قعد يضرب الشاب لغاية ما الناس تدخلت و كان الواد اغمي عليه...
أوبي مسك شجن من دراعها و شدها وراه و ركبها العربية و ساق بعصبية...
شجن(بعياط): طب انا عملت ايه؟
أوبي(بعصبية): اسكتي يا شجن.

شجن: طب نزلني هنا.
أوبي وقف العربية بسرعة و شجن نزلت و هو كمان نزل.
أوبي(بغضب): دلوقتي هتعملي ايه؟
شجن: ابعد عني و متكلمنيش.
أوبي: مبتفهميش.
شجن قربت من أوبي و قعدت تزقه.
شجن: مبفهمش ايه ها، رد علطول بتزعق و تتعصب و انا ساكتة.
شجن: مستغل الموضوع ده صح...
أوبي(بعصبية): انتي حمارة مبتفهميش اني بحبك.
-شجن بصتله بصدمة و سابته و مشيت ركبت تاكسي و روحت، أوبي قعد يضرب برجله العربية و هو متعصب...
Back...

شجن: اوووووف يا الله. انا اعمل ايه دلوقتي؟
شجن خرجت من اوضتها و لقت مامتها في المطبخ.
داليا: في ايه؟
شجن: مفيش عايزة اي مساعدة.
داليا: تعالي اعملي السلطة.
شجن: تمام...

-في مكان تاني...
في كافيه.
نور: في ايه يا تامر جبتني بسرعة ليه؟
تامر: احم في ايه؟ خضتيني و انتي بتقعدي يا شيخة.
نور: طيب يا عم في ايه؟
تامر: مفيش حبيت نقعد مع بعض شوية...
نور: ما كنت تقول يا عم.
تامر: اسف.
علي: يا غبي متقولها.
شهاب: ده انت جبان.
تامر: احم الجو حلو اوي، صح يا نور؟
نور: اه. متعرفش حاجة عن شهاب و لا علي.
تامر: اه كنا مع بعض امبارح سهرانين.
نور: اه تمام، و انت عامل ايه؟

علي: قولها لما شوفتك بقيت كويس.
شهاب(بضحك): اراهنك لو قالها.
تامر: احم كويس الحمد لله.
نور: مالك طولت في الاجابة ليه يا ابني ده سؤال سهل.
تامر: كلميني انتي عن نفسك...
نور: يا ابني احنا فرقة و مع بعض من سنين.
تامر: بس اكيد في حاجات مخبياها.
نور: اممم عندك حق.
تامر: مخبية ايه؟
علي: يا مدلوق اتقل، خليها هي اللي تقولك.
تامر: براحتك يعني لو عايزة تحكي.
نور: لما اكون عايزة احكي هبقي احكي...

شهاب: قولها اجبلك ايس كريم.
تامر: اجبلك ايس كريم؟
نور: لا كمان شوية.
تامر: تمام. تحبي تأكلي اي حاجة؟
نور: لا شكرا.
علي: ما تكون صريح يا عم و قولها نور انا بحبك...
شهاب: ده جبان ده يا ابني.
تامر: بتحبي البحر؟
نور: تامر جيب من الاخر، عايز ايه؟
تامر: الصراحة يا نور الصراحة.
شهاب و علي: يلا يا بطل.
نور: اه...
تامر: حاسس بملل فقولت اجي اقعد معاكي شوية.
علي: سيبني يا شهاب سيبني اقوم افوقه.

شهاب(بضحك): اصبر بس و اقعد نور ممكن تشوفنا.
علي: استغفر الله العظيم.
شهاب: ايه ده اسمع اسمع.
تامر: نور انا معجب بيكي و بشخصيتك و انك بنت و قدرتي توصلي للي انتي فيه...
تامر: بجد انا بحبك بحبك جدا...
تامر: انا مليش اخوات و انتي تعتبري اختي.
شهاب: لا ده حلال فيه القتل روح اقتله روح.
علي: اه يا ابن ال.
نور: اه و انت برضو شهم و محترم جدا...
تامر: تسلمي.
تليفون نور رن. الخط اتفتح...
نور: الو يا سجي...

سجي: ما تيجي تقضي معاايا اليوم.
نور: طيب هشوف يا روحي و اكلمك...
تامر: في حاجة؟
نور: سجي عايزاني اقضي معاها باقي اليوم.
تامر: خلاص براحتك روحي معاها روحي.
نور: مش هتزعل؟
تامر: لا براحتك، خلي بالك من نفسك...
نور: باي.
نور مشيت و علي و شهاب جريوا علي تامر مسكوه من قميصه.
علي: بقي مش عارف تقولها بحبك.
شهاب: حرام عليك يا اخي.
نور: علفكرة انا لو مكانك كنت قولتلها ممكن تطلع بتحبك.

-نور غمزت ل تامر و كملت مشي و هي مبتسمة. و تامر فتح بوقه و عينه من الصدمة. و علي و شهاب برضو كانوا مصدومين...
تامر(بصدمة): دي كانت عارفة.
شهاب: دي طلعت اشجع منك.
علي: كويس انها عارفة انك بتحبها و هي بتحبك. كدة محتاجين تتقدم تتجوزوا و تغوروا.
تامر: ياض احترم نفسك انا اخوك الكبير.
علي: اه اكبر مني ب 3 دقايق.
شهاب(بضحك): حلوين.
تامر: اوريها وشي تاني ازاي؟ طب هي كدة بتحبني؟
علي: غور ياض من هنا.

شهاب: يلا يا عم عندي مرارة واحدة. يلا.
علي و شهاب سابوا تامر. و تامر ابتسم علي كلام نور.

-في مكان تاني...
في فيلا فريد.
فريد: تعالي يا ندي يا حبيبتي...
ندي: نعم يا بابا.
فريد: مالك؟ فيكي ايه؟
ندي: مفيش يا بابا انا كويسة.
فريد: انا اللي مربيكي يا ندي، مالك يا حبيبتي؟
ندي قعدت تعيط و حكت كل حاجة ل باباها.
فريد: طيب يا حبيبتي اهدي اهدي يا روحي.
فريد: انتي واثقة فيه؟
ندي: اه.
فريد: عقلك؟
ندي: بمعني؟

فريد: اي حد بنحبه مش هنشوف عيوبه يا ندي او بمعني اصح قلبنا مش هيشوف عيوبه، لازم نفكر بعقلنا و نشارك قلبنا متتجهيش ناحية القلب بس.
ندي: بس انا بحبه و هو بيحبني و ناوي يجي يتقدم.
فريد: طب بتثقي فيا؟
ندي: اكيد يا بابا.
فريد: تسيبيني اتصرف انا و اتأكد انه فعل يستاهلك.
ندي: بجد يا بابا يعني انت مش رافض فكرة انه فقير؟
فريد: طب ما كلنا كنا فقراء. انا كنت فقير و امك كانت فقيرة محدش اتولد و في بوقه معلقة دهب...

فريد: هي امك اختلطت ب وسط الغرور ف بقت نوعا ما مغرورة معلش.
فريد: و الفقر مش عيب و هو لو شخص مكافح هيعرف ييبقي غني و انتي جمبه.
ندي حضنت باباها جامد و باست رأسه.
ندي: بحبك اوي يا بابا...
فريد: بموت فيكي يا حبيبة بابا، و لو في اي حاجة زي دي او كدة تعاليلي. فاهمة؟
ندي: حاضر.
أوبي: مساء الخير.
فريد(بهمس): قومي عقبال ما اشوف الكئيب ده...
ندي: حاضر.
فريد: خير انت كمان؟

أوبي: احنا مش في المخابرات علشان تفضل تحقق معايا...
فريد: مينفعش اسأل كوني اب.
أوبي: مفيش حاجة.
فريد: في يا أوبي، و شكلي عرفته.
أوبي: خير؟
فريد: قرب.
أوبي قرب من فريد و فريد قرب منه.
فريد(بهمس): شجن...
أوبي: عرفت منين؟
فريد: عيب عليك ياض.
فريد: انا مش ناسي و مش ناسي طلبك.
أوبي(بضيق): واضح.
فريد: يا حمار افهم.
أوبي: افهم ايه؟
فريد: قرب.
فريد(بخفوت): ...
أوبي(بصدمة): انت متأكد يا باابا؟
فريد: ايوه...

أوبي: طيب نستحمل و ماله...
فريد: طيب يا حبيبي. متشلش هم ان شاء الله خير.
جهاد: مساء النور.
فريد(بسخرية): لسة فاكرة. طيب.
فريد سابهم و دخل اوضة مكتبه.
جهاد(باستغراب): ماله ده؟
أوبي: روحي اسأليه. عن اذنك.
أوبي طلع اوضته، و جهاد طلعت غيرت هدومها و نزلت تاني راحت ل حفلة تانية.

-في مكان تاني...
عند جنون و كنان.
جنون كانت لسة نايمة و كنان بدأ يفوق لقي جنون حضناه جامد و مدفياه و افتكر موقف امبارح.
Flash back.
بعد ما ناموا ب فترة كنان كان بيتقلب لقي جنون كانت بتصلي و بتعيط و كانت بتتكلم كلام مش مسموع معرفش يفهم هي كانت بتقول ايه، و بعدها مسحت دموعها و قامت قعدت علي السرير.
جنون: خليه يخف البغل ده، ما هو لو تعب ناس كتير و مهمات هتقف عليه كتير.
جنون: خليه يا رب يخف بسرعة.

جنون: اينعم هو رزل و حيوان و حقير يعني احم استغفر الله العظيم حتى و انت نايم مشيلني ذنوب...
جنون: خليه يخف. انا جربت البرد قبل كدة بتخلي الواحد يرقد رقدة علي السرير بس يلا الحمد لله.
جنون فردت جسمها و حضنت كنان تاني و نامت...
كنان عرف انها مكنتش بتعيط علشانه و عرف ان في حاجة تانية...
Back...
كنان ابتسم علي جنون وقام من جمبها براحة و دخل الحمام و كان حاسس بأحراج لانه مش عارف يتوضئ.

كنان لقي جنون بتفتح باب الحمام و هي مغمضة عينها و قعدت علي حرف البانيو...
جنون: اوف يا تقل دماغي اه.
جنون كانت هتقع جوا البانيو كنان مسكها بسرعة و هي حاولت تمسك في اي حاجة شغلت الدوش.
جنون(بصوت عالي): عاااااا.
كنان: الله يخرب بيتك هو امبارح و النهاردة.
جنون: انت جيت هنا ازاي؟
كنان: انتي اللي جيتي يا هانم...
جنون(بصدمة): متقولش انك كنت هنا و انا دخلت عليك الحمام...

كنان هز رأسه بمعني اه و جنون اتكسفت جدا و وطت رأسها في الارض...
جنون: احم اسفة...
جنون(بعصبية): بس انت لو شخص محترم ها محترم كنت قولتلي و خلتني اخرج.
كنان: اوف يا جنون محدش بيقدر يعرف موقفك ايه بتقلبي علطول.
كنان ساب جنون و قام خرج من الحمام و غير هدومه، جنون خدت دوش و خرجت ملقتهوش...

جنون لبست فستان قصير قبل الركبة و بحمالات رفيعة و واسع نوعا ما و ب ¾ كم الاكمام واسعة و رفعت شعرها علي شكل كحكة عالية.
جنون وقفت قدام المراية و بدأت تشتم في كنان.
جنون: اوف قصير اوي اوي.
جنون جت تمشي بس شهقت و رجعت تاني للمراية.
جنون(بصدمة): ده طلع مفتوح من ورا اوي كمان...
جنون: نفسي امسك اي حاجة واضربك بيها يا كنان الكلب.
جنون: خدي نفس عميق مفيش اي حاجة. خلي عندك ثقة في نفسك هشششش اهدي.

جنون نزلت و ملقتش كنان راحت للمطبخ لقته بيعمل قهوة و سرحان.
جنون: يا اسطا انت يا عم.
كنان: ها؟! عايزة ايه؟
جنون(بتريقة): اخد معاك كام صورة...
جنون(قعدت ترمش بعينيها كتير): اعملي قهوة معاك...
كنان(بضحك): قولي بقي ان قهوتي عجبتك.
جنون: لا علفكرة بس ممكن نجرب تاني و نحكم...
كنان: خدي قهوتي اهي.
جنون: من غير سكر سادة؟
كنان: لا عادي.
جنون: لا انا بشربها سادة.
كنان: ازاي بتستحملي؟

جنون شردت شوية و عينيها لمعت. و كنان لاحظ ده
كنان: جنون جنون.
جنون: ها؟ ايه؟ اه عايزاها سادة.
كنان: شكل باباكي او حد بتحبيه بيشربها كدة.
جنون: لا لا لا مش كدة خالص. انا بحبها سادة فيها ايه بقي...
كنان: يعني السادة دي في العزا للرجالة لكن ليكي معتقدش يعني...
جنون(برفعة حاجب): و الستات يعني مينفعش تشرب قهوة سادة ليه حرام مثلا. ليكون حرام مثلا.

كنان: في ايه يا بت ده انتي عليكي رفعة حاجب الشيطان ميعرفش يعمله...
جنون: متشكرة هات بقي القهوة.
كنان: خدي.
كنان و جنون بدأوا يشربوا قهوة...
جنون: شغل بقي Music و نشرب القهوة هتحس ب مزاج.
كنان: صاحبة مزاج انتي.
جنون(بضحك): و اعجبك علفكرة.
كنان: طب تعالي...
-كنان خرج من المطبخ و ضلم المكان كله نزل الستاير و المكان بقي مضلم و قفل الانوار...
كنان: ذوقك ايه؟
جنون: ورينا انت بتسمع ايه؟ لما نشوف ذوقك المعفن.

كنان: متشكر.
-كنان شغل اغنية و راح قعد جمب جنون و حط رجل علي رجل زي ما جنون حاطة. و بدأوا يشربوا القهوة و بيسمعوا الاغنية.
جنون: اممم. ليك في الرومانسي.
كنان: تعرفي الاغنية؟
جنون: طبعا دي اغنية كل القصايد محدش يعرفها...
كنان(برفعة حاجب): و ذوقي وحش صح؟
-جنون عضت لسانها و عملت نفسها مسمعتش حاجة.
كنان بدأ يلعب في شعر جنون و جنون كل شوية تبعد ايده...
جنو: ابعد بقي، هو انت جوزي؟

كنان: لا و النبي، هو جنابك جاية فين مش بيت الطاعة.
جنون: نسيت بس برضو ابعد ايدك انا جيت علشان محدش يشك بحاجة، امي دي محقق...
كنان: امممم تمام...
جنون: تسلم ايدك علي القهوة و الاغنية.
كنان(بغرور): يا بنتي ده عطف مني عليكي.
جنون: هسألك سؤال يا كنان وتجاوب عليه...
كنان: علي حسب السؤال.
جنون: لا توعدني انك تجاوب.
كنان: تمام.
جنون: انا ايه في خيالك يعني لسة شايفني زي الاول...

كنان(ببرود): البنات كلهم واحد و مش هتقف عليكي.
جنون(ببرود مماثل): تمام، خلي بالك بقي من اختك يا راجل.
-جنون قامت و سابت كنان و طلعت علي اوضتها فضلت قاعدة علي السرير حتى مردتش علي اي اتصال جالها...
-كنان مكنش عارف يوصف احساسه خالص.
بعد فترة.

جنون حست ب حاجة غريبة خرجت من اوضتها و نزلت ل تحت ملقتش كنان. نزلت للدور اللي تحت خالص خرجت لقت كنان واقف قدام حمام السباحة و حاطط ايده في جيبه. جنون بصت يمين و شمال و ملقتش حاجة و فجأة سمعوا صوت رصاصة في المكان...