رواية حرب الحب للكاتبة سلسبيل كوبك الفصل الرابع والعشرون
ان جهاد بصت لقت كنان و فريد و أوبي و ندي و اتصدمت جدا، و هما اتصدموا. داليا اتصدمت لما لقت جهاد موجودة.
و عدي وقت الكل كان بيبص ل بعضه بصدمة و استغراب و هدوء...
جهاد: ايه اللي جابكوا هنا؟
فريد: انتي ايه اللي جابك هنا يا جهاد؟
داليا(بهمس): مين دي يا شجن؟ تعرفيها؟
شجن(بهمس): دي مامت كنان و أوبي يا ماما.
داليا اتصدمت و بصت ل كنان و جنون.
جنون: احم اتفضلي حضرتك.
جهاد: ابعدي عني كنتوا جايين تعملوا ايه هنا؟
جهاد: شايفاكوا متشيكين يعني و جايين البيت الزبالة ده.
جنون(بهدوء): بصي حضرتك انا محترمة انك في بيتي وانك ام كنان و مرات سيادة اللواء.
اوبي: امي تعالي معايا لحظة.
جهاد(بغضب): ايه اللي جابكوا هنا؟
كنان(ببرود): جيت اخطب.
جهاد: تخطب مين هنا؟
كنان: جنون.
جهاد(بعصبية): البت دي؟! طب و ربي الجوازة دي مش هتم الا بموتي...
كنان: بصي يا امي بحاول اكون هادئ روحي و نبقي نتكلم بعدين.
شهاب(بهمس): طنط جهاد مش هتعديها علي خير.
سجي(بهمس): و هي ليه رافضة جنون يعني؟
نور(بهمس): طنط جهاد بتحب المظاهر و مبتحبش الفقر.
فريد(بغضب): تعالي معايا يا جهاد.
فريد شد جهاد معاه و خرج بره البيت.
جهاد(بغضب): وسع كدة، انت موافق علي الجوازة دي؟!
فريد: اه موافق. جنون دي تعتبر تربيتي و انا واثق فيها...
جهاد: طب و ربي البت دي مش هتبقي علي ذمة ابني.
فريد: اللي انتي عايزاه مش هيحصل، ابنك بيحبها و هي بتحبه.
جهاد: هينساها في يومين و هيحب غيرها...
فريد(بحدة): ما تفهمي بقي ايه يا شيخة حرام عليكي ايه انتي شيطان...
فريد: قسما بربي لو مروحتيش حالا البيت لتكوني طالقة بالتلاتة يا جهاد.
فريد ساب جهاد و رجع للباقي.
جهاد(بغضب): هوريك يا فريد هوريك. و انتي كمان محدش هينتصر عليا.
جهاد مشيت و روحت علي البيت.
عند الباقي.
الكل ساكت بيبص ل بعضه.
أوبي(بمرح): هو مفيش شوية مزيكا و لا ايه يا جدعان، قاعدين في معازي يعني.
فارس: ايوه دلعينا يا شجن...
شجن: تمام.
كنان: طب هأخد جنون نخرج شوية.
داليا: لاااا. خشوا هنا في عشاء ليكوا اقعدوا جوا.
سجي: طب ما تسبيهم يخرجوا.
عطر: ايوه يتفسحوا يعني يأخدوا راحتهم.
داليا: لا هو هنا.
جنون: خلاص يا امي مضايقيش نفسك هنا هنا يا روحي.
كنان راح ناحية داليا و باس رأسها.
كنان: اسف جدا ل حضرتك. ماما عنيدة شوية بس هتوافق اتمني الموضوع ده ميأثرش عليكي.
فريد: ابن ابوك ياض.
شذي: طيب خشوا يلا.
كنان: هنا.
شذي: اه...
كنان مسك ايد جنون و دخلوا لاوضة الجلوس الصغيرة...
كنان(بفرحة): مش مصدق انك يا ام رأس حجر وافقتي...
كنان حضن جنون جامد.
جنون: هو امك ممكن متوافقش صح.
كنان: لا متخافيش هتوافق. و اساسا انتي مراتي.
جنون: تعالي نأكل انا جعانة من الصبح مأكلتش حاجة...
جنون و كنان بدأوا يأكلوا و هما بيتكلموا...
عند الباقي...
تامر: تعالوا نتصور.
و الكل بدأ يتصور و يأخد وضعيات مختلفة.
ندي: اساعدك في حاجة يا طنط؟
داليا(بحدة خفيفة): لا.
ندي: متزعليش من ماما هي طيبة بس.
داليا: مليش دعوة روحي اقعدي مكانك...
شجن: في ايه يا جدعان؟
ندي: كنت هساعد طنط.
شجن: و طبعا هي رفضت. هي ماما بتموت في التعب تعالي نتصور...
ندي: عن اذنك.
ندي و شجن قعدوا يتصوروا.
شجن: يااااااه علي الرخامة. عايز ايه يا رزل؟
أوبي: عايز اتصور مع حبيبتي و اختي.
شجن: نيننينينينينينينيني.
ندي(بضحك): اتصوروا انتوا و اتخانقوا براحتكم.
ندي سابتهم و مشيت، شجن و اوبي قعدوا يتصوروا.
شهاب: يا بت عايز اتصور انا و انتي لوحدينا.
شذي: اه طبعا ما انا لو كان معايا اياد مكنتش هتطردني كدة.
سجي: لا يا روحي متزعليش تعالي نتصور...
شهاب(بغيظ): فينك يا اياد؟
شذي: ربنا يرجعه بالسلامة.
نور: هي طنط داليا قلبت ليه كدة يا عطر؟
عطر: مبتحبش حد يهينها بس هي سكتت علشان خاطر جنون.
تامر: اه، هي طنط جهاد بس معلش عصبية شوية.
عطر(بسخرية): شوية.
علي: خلاص هي عصبية بقي عادي.
تامر: ايه اللي جابك جمبي يا رزل.
علي(و هو باصص لعطر): بحبك بحبك اوي و الله و نفسي نبقي مع بعض دايما...
نور(بضحك): يلا يا تامر نروح حتة تانية.
تامر: الجو بقي خنيق.
عطر: الكل لاحظ.
علي: ما الكل عارف عادي يعني...
عطر: يا ربي علي كمية الرزالة و الرخامة.
علي: متشكر.
عند جنون.
جنون: اوف انا نسيت.
كنان: نسيتي ايه؟
جنون: هتصل ب اياد اطمن عليه...
كنان: اياد! ايه يا جنون؟
جنون: ايه هطمن عليه عمل ايه.
كنان: و انا موجود يعني مفيش اي تقدير و لا اهتمام.
جنون: معلش.
كنان(بضيق): طيب يا جنون. و انا قايم امشي احسن.
جنون مسكت ايده و رمت التليفون جمبها.
جنون: اقعد يا كنان يا رزل خلاص مش هتصل ب حد. طفل و الله طفل.
كنان: هاتي موبايلك...
جنون: قولتلك مش هتصل بيه الله.
كنان: هاتي الموبايل.
جنون: خد.
كنان: افتحيه ب بصمتك و اعملي حسابك هتعمليلي بصمة...
جنون: روح احلم خصوصياتي محدش هيفتحها.
كنان: لو حصلت اي ظروف يا هبلة.
حنون: بشرط انك كمان تقولي الباسورد بتاعك.
كنان فتح تليفونه و عمل ل جنون بصمة.
كنان: خلاص كدة.
جنون: طيب.
كنان: تعالي نتصور.
جنون و كنان بدأوا يتصوروا صور كتير.
الباب خبط.
جنون: ادخل.
داليا: اللواء فريد عايزك.
كنان: تمام.
جنون و كنان خرجوا.
فريد: مش يلا يا ابني.
كنان: احم طيب يلا.
شهاب: هتوحشيني.
سجي: غور بقي.
و الكل بدأ يمشي قبل ما كنان يمشي باس رأس جنون و مشي...
جنون: اوف اليوم كان متعب اوي.
جنون قلعت الصندل و رمته و فردت جسمها علي الكنبة...
شجن: انبسطتي؟
جنون: ملكيش فيه يا بت.
شذي: طب وداكي هدية او اي حاجة؟
جنون: سيبوني تعبانه هموت و انام.
داليا: كله يخش علي اوضته و انتي يا جنون قوميلي.
جنون: يا امي هنام يا امي بكرة بقي.
شجن: في ايه يا امي؟
داليا(بحدة): يلا.
شذي(بهمس): امك اتحولت خديني معاكي.
شجن و شذي دخلوا اوضة شجن و هما بيحاولوا يعرفوا ايه اللي بيحصل بره.
داليا: جنون.
جنون(و هي مغمضة عينيها): نعم.
داليا: انتي موافقة علي الجوازة دي؟
جنون: اكيد يعني مش بلعب معاكي.
داليا: و هتعملي ايه مع امه؟
جنون: كنان قال هيتصرف و هيقنعها.
داليا: انا بقي مش موافقة علي الجوازة دي.
جنون قامت اتعدلت بسرعة.
جنون: نعم يا امي؟! هو مش ده عريس لقطة هو مش ده شاريني. هو مش ده اللي انتي كنتي مُصرة اتجوزه.
داليا: و انا بقولك دلوقتي ده لا.
جنون: و انا هتجوز ده يا امي، ده فيه كل المواصفات اللي انا طلبتها...
داليا: انا قولت اللي عندي.
جنون: وجهة نظرك؟
داليا: هو كدة.
جنون: لو علشان مامته ف.
داليا(بغل): امه دي انا اكتر ست بكرها في حياتي.
داليا: و لو اتجوزتيه يا جنون يبقي اخر يوم في حياتي...
داليا سابت جنون و دخلت اوضتها. و جنون فضلت قاعدة مكانها و بتبص في كل مكان في البيت.
-في مكان تاني...
في بيت فريد.
فريد: ادعوا ربنا يستر.
الكل: آمين.
الكل نزل و دخلوا الفيلا.
جهاد: نورتوا و الله. بقي ابني يروح يخطب و انا معرفش.
كنان: انتي اللي كنتي مُصرة اتجوز بنت مبحبهاش و مش عايزها...
جهاد: و الله. طب علي الاقل كنت سيبيلي خبر.
فريد: ده مش مهم. عرفتي منين ان احنا هناك؟
جهاد: انا مكنتش جاية علشانكوا.
أوبي: اومال؟
جهاد(بعصبية): مش ده المهم دلوقتي الجوازة دي مش هتم فاهم و هتتجوز بنت الوزير.
كنان(بعصبية): انتي ايه يا شيخة ما تبعدي عني شوية...
فريد(بحدة): كنان اهدي.
كنان طلع اوضته و قفل الباب بغضب...
فريد: اطلعوا انتوا كمان اوضتكم.
أوبي و ندي طلعوا اوضتهم.
فريد: تعرفي داليا منين يا جهاد؟
جهاد: داليا مين؟
فريد: ام جنون يا جهاد.
جهاد: معرفهاش.
فريد: المفروض اصدق. انتي داخلة و انتي بتنادي عليها و علي اسمها.
جهاد: انت هتدخل في متاهات كنان مش هيتجوز غير البنت اللي انا اختارها.
فريد: سبب اعتراضك؟
جهاد: مش هتفهم اي حاجة في عائلتنا من طبقة فقيرة جدا.
فريد: ده مش سبب شوفي سبب غيره.
جهاد: انت عايز تعصبني...
فريد: انتي اللي مش مريحة نفسك.
فريد: طالع انام يا جهاد نامي و خلي شرك ده يقل شوية.
فريد طلع لاوضته و بعد فترة جهاد طلعت وراه.
-في الصباح الباكر...
في المبني.
شهاب: صباح الخير...
نور: صباح النور، مالك قافل وشك ليه؟
شهاب: لسة واصل ليا خبر صعب.
نور: ايه؟
تامر: متقلقناش.
شهد: ما تتكلم في ايه؟
شهاب: عادل.
علي: ماله الزفت ده؟
شهاب: عمل انفجار كبير في قرية كاملة.
تامر: و مين قال انه عادل؟
شهاب: لما جبنا تسجيل الكاميرات في شرطة المرور شبهوا عليه و عملوا بحث عنه و عرفوا كل حاجة.
نور: كنان لازم يعرف.
علي: جبنا في سيرة القط طلع ينط.
كنان: في ايه؟
نور: عادل.
كنان: ماله ده؟
شهد: بيقولوا انه فجر قرية كاملة.
كنان(بصدمة): نعم! ليه يعمل كدة؟
شهاب: معرفش.
كنان: بس لازم نتأكد ان هو.
علي: كاميرات المرور لمحته و هو بيأخد شنطة من شخص و اساسا عادل مطلوب القبض عليه...
كنان: لازم نشوف تسجيلات المطار، هروح انا.
شهاب: طيب و انا هتابع موضوع القضية بتاعنا.
نو: و انا و تامر. خد معاك علي و شهد.
كنان: طيب، يلا بينا.
كنان و علي و شهد ركبوا عربية كنان و راحوا ناحية المطار.
-في مكان تاني...
في بيت جنون...
جنون صحيت من نومها و بدأت تلعب ضغط.
داليا: امه دي اكتر ست بكرهها في حياتي.
داليا: لو اتجوزتيه يا جنون يبقي اخر يوم في حياتي.
-جنون قعدت تلعب ضغط كتير لغاية ما عرقت و تعبت، جنون قامت و دخلت الحمام و ملت البانيو و قعدت فيه و حطت رأسها تحت الماية...
جنون: ماما انتي بتكرهي حد؟
داليا: ليه يا حبيبتي بتقولي كدة؟
جنون: بسأل.
داليا: انا يا جنون مش بكره حد هو بس شخص واحد يا جنون اللي بكرهه.
جنون: مين؟
داليا: مش لازم نقول اسماء يا جنون. بس حبي كل الناس يا حبيبتي.
جنون: انتي مش بتكرهي اي حد غير شخص واحد. طب عمل ايه؟
داليا: لما تكبري هتعرفي.
جنون كان نفسها خلاص بيروح و طلعت بسرعة من تحت الماية و هي بتشهق.
جنون(و هي بتأخد نفسها): لو اللي في بالي يبقي حرب و ابتدت.
جنون قامت بسرعة و غيرت هدومها.
جنون لبست بنطلون جينز ضيق و تي شيرت ابيض قصير لغاية الخصر و بنص كم و الكم مايل علي الكتف كان نوع القماش من الدانتيل. و سيبت شعرها علي ضهرها و لبست كوتشي اسود في بيض عالي نوعا ما. و اختارت شنطة ضهر باللون الاسود.
جنون: صباح الخير يا شجن...
شجن(بتوتر): صباح النور.
داليا: ايه و انا مش موجودة.
جنون: صباح الخير. عن اذنكوا.
شجن: مش هتوصليني.
جنون: تعالي في عربية شذي. الموتسكل في المبني.
شجن: ثانية هجيب شنطتي.
داليا: جنون.
جنون: خير؟
داليا: صدقيني بعمل ل مصلحتك.
جنون(ببرود): مش لسة صغيرة و هيضحك عليا بكلمتين. يلا يا شجن.
شجن: حاضر جيت اهو.
شجن و جنون خرجوا و استنوا شذي.
شذي: معلش اتأخرت عليكوا.
شذي: هو احنا التلاتة هنروح بالموتسكل؟
جنون: لا اومال فين عربيتك؟
شذي: باظت.
جنون: الموتسكل في المبني نسيته. كله يروح مواصلات يلا.
جنون فتحت البوابة و اتصدمت.
شجن: الله ايه العربية القمر دي؟
جنون: ابعدي ل ورا ممكن تكون خطة من حد.
حارس: حضرتك مدام كنان؟
جنون بصت وراها و بعدين اتكلمت بصوت واطي.
جنون: ايوه.
حارس: العربية دي من كنان بيه.
جنون: لحظة لحظة من مين؟ و ليه اصلا؟
حارس: تقدري تكلميه حضرتك، اتفضلي المفاتيح...
جنون: شكرا...
شذي(بصدمة): جابلك عربية يا جنون؟
شجن: باين عليها نضيفة اوي تعالي نجربها.
جنون: استنوا لما اتأكد.
جنون طلعت تليفونها و اتصلت ب كنان.
الخط اتفتح.
كنان: ايوه يا حبيبتي.
جنون: هو انت جبتلي عربية؟
كنان: يعني انت متأكد ان مفيش حجز؟
شخص: لا يا فندم.
كنان: معاكي.
جنون: جبتلي عربية؟
كنان: ايوه بتاعتك. سلام دلوقتي ورايا شغل هقابلك بعدين.
جنون: استني.
جنون: اوف قفل، مش هقدر اقبل العربية دي.
شجن: حرام عليكي دي حتى لونها اسود زي ما بتحبي.
جنون: يا جماعة مش دي المشكلة المشكلة في الست اللي جوا دي هقولها ايه.
شذي: ابقي اركني العربية بعيد.
جنون: اوف لولا اني مضطرة.
شذي: يلا يا جميل.
جنون: هو مش ده جورچ استنوا لحظة...
جنون: جورچ جورچ.
جورچ ركب عربيته و مشي بيها بسرعة.
جنون: اوف يا الله.
شجن: سيبك منه يلا.
جنون ركبت العربية و جمبها شذي و وراها شجن و بدأت تسوق.
و بعد فترة وصلت ل شركة شجن.
شجن: باي.
جنون و شذي: باي.
شذي: بقولك.
جنون: ايه؟
شذي: اتصلت ب اياد تليفونه مغلق. اتصل بيكي.
جنون: لا كنت هتصل بيه امبارح بس اتلهيت و نسيت. استني لما احاول كدة.
جنون طلعت تليفونها و اتصلت ب اياد لقت الخط مقفول.
جنون: جربي تاني كدة.
في الشركة.
شجن دخلت علطول ل مكتب اوبي.
شجن: بعتذر جدا علي التأخير بس مكناش لاقين عربيات بس...
أوبي: و لا يهمك يلا علي شغلك. النهاردة في غداء عمل.
شجن: اه عارفة هروح اجهز كل اوراق الصفقة و هراجعهم و هعمل منهم نسخة كمان تكون معاك علشان ميحصلش زي ما حصل المرة اللي فاتت.
أوبي: شاطرة. يلا علي شغلك.
-في مكان تاني...
في المبني.
فارس: اه علي الناس اللي جاية بعربيات جديدة.
جنون: مش فايقة يا فارس. تعالي ورايا...
فارس: في ايه يا شذي؟
شذي(بتوتر): اياد تليفونه مغلق.
جنون دخلت مكتبها و وراها فارس و شذي...
جنون: طبعا مش هقولك هتعمل ايه.
فارس: فهمت...
جنون: مستني ايه؟ ابدأ.
جنون: خليكي معاه يا شذي.
جنون مشيت و راحت للباقي.
عطر: صباح الخير.
جنون: تمام دلوقتي لازم تركزوا معايا.
سجي: مش مطمنة.
جنون: العملية بتاعنا الجديدة شوفولي اخر ميعاد ليهم.
عطر: جبناه. هما ناوين يضربوا منطقة راقية لسة محددنهاش احنا بس جهزوا كل حاجة.
جنون: عرفتوا مين بيجيب ليهم السلاح؟
سجي: لا الصراحة معرفناش.
جنون(بحدة): ازاي يعني؟ ما تتصرفوا و اعرفوا.
سجي: طيب طيب اهدي.
عطر: هنعمل علي الموضوع ده.
عند شذي.
فارس: اخرة مرة كان موبايله في ().
شذي: علي ما اعتقد ده مكان قريب من عمليته و مهمته.
فارس: امممم طب استني.
شذي: طيب.
الباب اتفتح فجأة.
شخص: فين رعد بيه؟
شذي: في مصيبة صح، طالما قولت رعد تبقي مصيبة.
فارس: في ايه؟
شخص: باعتين فيديو ليها...
فارس: مين هما؟
شخص: مجهول.
فارس: تعالي معايا.
راحوا ل مكان جنون و دخلوا.
جنون: عرفتوا حاجة؟
شذي: في مصيبة يا جنون...
جنون: في ايه؟
شخص: تعال معانا يا رعد بيه.
جنون(لنفسها): ربنا يستر.
جنون راحت لاوضة تانية و كان اللواء رأفت موجود.
جنون: خير يا سيادة اللواء؟
رأفت: شوفي بنفسك.
رأفت ودي جنون جهااز الكتروني و كان فيه فيديو.
جنون شغلت المقطع و اتصدمت لما لقت اياد و هو مربوط و وشه متغرق دم...
شخص: تسيبي الراجل اللي عندك نسيب راجلك.
شخص: غير كدة. العين بالعين و السن بالسن و البادي اظلم.
جنون: تسمحلي اتعامل يا فندم؟
رأفت: من غير تهور يا جنون.
جنون: تمام عن اذنك يا فندم. ابعت الفيديو ده ل فارس.
جنون خرجت من مكتب اللواء و راحت لاوضة مكتبها...
شذي(بدموع): اياد حصله حاجة صح؟
شذي(بدموع): ردي عليا ارجوكي.
جنون قربت من شذي و نزلت لمستواها.
جنون: متخافيش مجرد اختبار صغير من ربنا.
جنون: و كمان اياد راجل هيقدر ينقذ نفسه. و كمان اول ما يرجع اقتليه انتي...
الباب اتفتح فجأة.
شخص: اياد مات.
جنون اتصدمت و بصت لشذي لقتها بتغيب عن الوعي.
جنون(بخضة): شذي.
جنون: شذي شذي فوقي. فوقي ردي عليا.
فارس(بخضة): ايه اللي حصل؟
جنون: شيلها يا فارس بسرعة.
فارس شال شذي و راح ل ساهر.
ساهر: ايه اللي حصل؟
جنون: شوفها حصلها ايه؟
ساهر: تعرضت لصدمة قوية...
فارس: في ايه يا جنون؟
جنون: اياد مات.
جنون خرجت من عند شذي و راحت للشخص الارهابي اللي مسكوه...
جنون: اياد ذنبه ايه؟
شخص: مين اياد؟
جنون: هتستعبط كان معايا في فرقتي.
جنون: اسمعني كويس انا عارفة انه مامتش ده بس علشان نخرجك و محدش من الظباط يتقتلوا تاني.
جنون: مش هما عايزينك تخرج. اخرج بوديلك كامل الحرية بس صدقني موتك و موت عائلتك هيبقي علي ايديهم لو خرجت من هنا.
شخص: عايزة تعرفي ايه؟
جنون: اماكنكم السرية.
شخص: هقولك بس عائلتي امانة في رقبتك.
عند فرقة كنان...
تامر: شوفتوا اللي حصل؟
شهاب: خير ايه تاني؟
تامر: اياد مات و شذي اغمي عليها.
نور: انت اتجننت بتقول ايه؟
تامر: ده اللي حصل.
نور: اوف لازم اروح اشوفها.
شهاب: طب روحوا انتوا و انا هخلص حاجة و اجي.
-في مكان تاني...
عند كنان.
شهد: خد اشرب.
كنان(بلامبالاة): شكرا...
علي: لا برضو يا كنان.
كنان: طيب اكيد مش هينزل باسمه.
شهد: ممكن يكون مش جاي من روسيا.
علي: وجهة نظر.
كنان طلع تليفونه و اتصل ب جنون.
الخط اتفتح.
جنون: لو في حاجة مهمة قول غير كدة مش فاضية.
كنان: مالك؟
جنون: مفيش حاجة. شوية حاجات في الشغل.
كنان بعد عن شهد و علي و اتكلم.
كنان: فيكي ايه يا جنون؟
جنون(بصوت مخنوق): مفيش حاجة. سيبني دلوقتي.
كنان: طيب انا جايلك.
جنون: انا مش في المبني.
كنان: مكان ما انتي هجيلك.
جنون: هشوفك في المبني سلام.
فارس: مقولتيش ليه ليه؟!
جنون: مش عايزاه يقلق علي الفاضي. و كمان مش كل مهمة هطلعها هقوله يعني.
فارس: ان شاء الله هنرجع كلنا سالمين.
جنون: حسام ظابط مخابرات.
حسام: نعم يا رعد بيه.
جنون: خليك علي اتصال بالقوات. ممكن العدد يبقي كبير.
حسام: تمام يا فندم.
فارس: ايه إلى خلاكي تيجي هنا؟
جنون: هو قال مكانين عندي احساس انه ده.
و بعد فترة وصلوا للمكان المطلوب.
جنون(بخفوت): كله يستعد.
الكل جهز مسدسه و خد شنطته الخاصة بيه.
جنون: سامعني يا فارس؟
فارس: ايوه.
جنون: و انت يا حسام؟
حسام: ايوه يا فندم.
جنون: حسام خليك ورا البيت ده. و انا و فارس هنقتحم.
جنون: اكسر.
فارس كسر باب خشبي برجله.
جنون و فارس دخلوا لقوا ناس موجودة معاها اسلحة. و حصل ضرب نار متبادل...
فارس: جنون احمي ضهري.
جنون: تمام.
جنون بدأت تضرب نار و فارس دخل للبيت من جوا ملقاش حد.
جنون: حسام تعالي.
-جنون مسدسها خلص و بدأت تضرب بأيديها و رجليها. بس في شخص ضربها علي رجلها و جنون وقعت في الارض واحد مسكها من شعرها و رفع رأسها لفوق و كان ماسك في ايده سكينة و لسة هيقتلها لقي رصاصة في رأسه و وقع علي الارض. جنون وقعت راجل برجليها و قامت وقفت.
جنون: اتعامل هنا هشوف فارس.
جنون فتحت شنطتها و طلعت مسدسين حطت واحد ورا ضهرها و التاني في ايديها...
جنون راحت ل فارس لقت شخص قعد عمال يضرب فيه و فارس بيقاوم.
جنون ضربته رصاصة في رأسه...
فارس: شكرا.
جنون: ازاي مفيش اي اوض او ابواب تانية؟
فارس: معرفش.
جنون: لا في...
جنون لقت ان في حيطة خارجة ل قدام شوية.
جنون: بس بالبصمة.
جنون: ناولني الراجل ده.
جنون مسكت صباع الراجل و فتحت زي باب كدة.
فارس: يا نهار اسود دي كلها قنابل و اسلحة.
جنون: فارس حاسب.
فارس لقي شخص موجه ناحيته مسدس.
فارس: ازيك.
فارس بحركة بسيطة خد السلاح من الراجل اللي قدامه و ضرب عليه نار.
جنون(بقلق): اياد.
جنون: اياد انت كويس؟ رد عليا.
فارس: شكله مغمي عليه.
جنون: شيل معايا.
جنون و فارس شالوا اياد و سندوه و خرجوا.
حسام: تمام كله تمام.
جنون: شكرا...
حسام: خلي عنك.
جنون و فارس سندوا اياد و خرجوا و جنون وراهم.
فارس(بيبص ل جنون): سوقي انتي.
فارس(بصوت عالي): جنوووووووون.
جنون لفت وراها لقت شخص ماسك سلاح و موجهه ناحية جنون و في اقل من لحظة حصل ضرب نار.