رواية حرب الحب للكاتبة سلسبيل كوبك الفصل الخامس والعشرون
جنون لفت وراها لقت شخص ماسك سلاح و موجهه ناحية جنون و في اقل من لحظة حصل ضرب نار.
-جنون مسكت الشخص ده من كتفه و شدته ناحيتها و عكست ايده بالمسدس و داست علي الزناد و قتلت الراجل. متخيلين؟! لا. طب تمام????.
جنون: يلا بسرعة.
جنون ركبت و الباقي ركب و جنون بدأت تسوق بسرعة كبيرة لغاية ما وصلوا للمبني.
حسام: مش المفروض نروح مستشفي احسن.
جنون: خلوا ساهر يبص عليه هو شوية جروح.
جنون مشيت و راحت ل مكتبها لقت كنان. اول ما كنان شافها قام بسرعة و حضنها و جنون بادلته الحضن.
كنان: انتي كويسة؟
جنون: هو انت بعد كل مهمة هتفضل تقولي كدة.
كنان: فايقة، انا غلطان اني كنت قلقان عليكي اولعي.
كنان كان هيمشي بس بص ل جنون و لقي عند رقبتها في جرح.
جنون: في ايه بتبصلي كدة ليه؟ قتلتلك قتيل.
كنان: رقبتك تعالي نروح للدكتور.
جنون: لا لا مش لازم هحطلها لصق طبي.
كنان: تعالي معاايا طيب.
جنون: كنان بس ورايا مشوار مهم.
كنان: مشوار ايه؟
جنون(بتوتر): ده ده مشوار كدة ملهوش لازمة خالص.
كنان: باين باين. روحي ارتاحي و بعدين اعدي عليكي و نروح مكان ما انتي عايزة.
جنون: لا ما هو ايه انت و لا تيجي بيتنا و لا تتصل بامي.
كنان: اشمعنا يعني؟
جنون(بسرعة): ماما رافضة الجواز.
كنان: ايه؟
جنون(بسرعة): ماما رافضة الجواز.
كنان: ايه الجواز، مش سامع غير الجواز.
جنون: بقولك ماما رافضة الجواز.
كنان: ليه يا جنون؟ لو بسبب امي فا...
جنون(قطعت كلامه): لا معندهاش اسباب فاصبر كدة شوية تهدي و اعرف.
كنان: بس.
جنون: خلاص بقي يا كنان. و انت برضو اقنع مامتك و انا كمان.
كنان(بضيق): طيب.
كنان مشي و راح ل مكتبه.
عند اياد.
شذي(بدموع): هو فيه ايه؟
ساهر: مفهوش حاجة شوية كدمات المفروض يأخد اجازة.
فارس: وشه اتخرشم.
شذي(بدموع): مش مهم. المهم يكون كويس.
عطر: خلاص اهدي يا شذي.
سجي: ما ساهر قال انه هيبقي كويس.
شذي: طيب.
جنون: ايه الاخبار؟
ساهر: كويس الحمد لله.
جنون: طيب. فارس شوف حسام علي ما اعتقد اتجرح.
فارس: حاضر. عن اذنك.
جنون: هروح اغير هدومي و اجي.
جنون راحت لاوضة تغير الملابس.
جنون لبست بنطلون جينز ضيق و تي شيرت ب¾ كم قصير مبين جزء من بطنها باللون البرتقالي و عليه كلام بالانجليزي باللون الابيض. لبست كوتشي ابيض و عملت شعرها علي شكل ديل حصان و خدت شنطتها.
جنون كانت بتربط الكوتشي، الباب اتفتح.
جنون(ببرود): متعلمتيش في بيت اهلك ان الاستأذان ادب.
شهد: معلش بقي خلي الادب ليكي.
جنون خلصت ربط الكوتشي و كانت هتخرج شهد مسكت دراعها و رجعتها لورا.
جنون(ببرود): ايدك.
شهد: اووووه سوري وجعتك...
جنون(ببرود): خلي بالك بقي المرة الجاية. علشان انا بكسر علطول.
شهد: انا جاية اقولك كلمتين.
جنون(ببرود): مش عايزة اسمعهم.
جنون كانت هتمشي بس شهد وقفت قدامها.
شهد: غصب عنك هتسمعي. كنان.
جنون: ماله؟!
شهد: ابعدي عنه.
جنون(ببرود): ابعديه عني لو قدرتي.
جنون زقت شهد و مشيت.
شهد: هيحصل هيحصل، و ربي ل يحصل.
عند كنان.
نور: طب دلوقتي ايه الخطوة الجاية؟
كنان: هجوم مباشر.
علي: وضح اكتر.
كنان(ببرود): هي فين شهد و لا هي هتقضيها اهمال.
تامر: كانت في الحمام ظالمها ليه يا ابني.
الباب خبط و شهد علطول دخلت.
شهد: اسفة علي التأخير.
تامر: كمل يا كنان.
كنان: دلوقتي احنا معانا كل المعلومات الكافية بس عايزين نعرف ميعاد اقرب عملية و ساعتها هنهجم و نخلص من العملية دي.
علي: اه فهمتك.
شهاب: علي اساس انت بتفهم اوي.
كنان(بحدة): شهاب علي بعدين.
شهد: طب و احنا هنعرف ميعاد العملية امتي؟
كنان(ببرود): اومال احنا شغلنا ايه؟
تامر(بهمس): شكل في حاجة حصلت بين كنان و شهد.
نور(بهمس): اتفق معاك شكل في حاجة فعلا.
علي(بهمس و رزالة): بتقولوا ايه ها بتقولوا ايه؟
كنان: كله علي شغله.
عند ساهر.
شذي: هو مفاقش ليه؟
ساهر: اهدي يا شذي شوية و هيفوق المحلول يخلص و هيفوق.
عطر: قدر انها تعبانة يا اخي و خايفة.
جنون: في ايه؟
سجي: مفيش.
جنون: كله يروح علي شغله سيبوا شذي مع اياد و انت يا ساهر اعتقد وراك شغل اتفضل.
سجي: طيب. يلا يا عطر.
ساهر: كنت عايزك في موضوع.
جنون: اتفضل.
ساهر: علي جمب.
جنون(بملل): تعالي.
جنون و ساهر بعدوا عن شذي و اياد.
ساهر: مش قولتي قلبك ميت و مبتشغليش دماغك بالحب.
جنون(بملل): ايوه يا ساهر. عايز ايه بقي؟
ساهر: اومال الصور دي ايه؟
جنون(ببرود): ايه هو انا حرام اقرأ فاتحة و اتجوز. و كمان مين نشر الصور دي؟
ساهر: مش مهم مين المهم دلوقتي بتحبي كنان يا جنون ما انا كنت قدامك بقالي كتير.
جنون: اوف يا الله...
جنون(بحدة): ما تبعد عندي بقي ايه لازق اوي كدة، ايه معندكش كرامة؟
ساهر: مفيش كرامة في الحب.
جنون: انت اهبل ياض الكرامة موجودة في كل حاجة. قال مفيش كرامة في الحب.
ساهر: طيب يا جنون. انا هدخل الحرب دي و هكون جوا الحرب دي.
جنون: حرب ايه انت مجنون؟ جبت منين ان في حرب؟
ساهر: هدخل الحرب دي مع كنان و حسام.
جنون: اوف انت بتقول ايه ها؟ انت قصدك ايه بالكلام ده؟
ساهر: و هتعيدي النظر في الموضوع بتاع قرأية الفاتحة.
جنون: انت مجنون رد انت مجنون.
ساهر: بيكي ايوه لو وصفتيني بالمجنون عادي انا مجنون بيكي. و كمان انا كنت قدامك طول الوقت اختارتي الغريب.
جنون: يا الله. ساهر انت تعبان حرب ايه و كلام فاضي و ايه دخل حسام في الموضوع.
ساهر: حسام بيحبك و انا بعشقك اما كنان ده ملحقش يعرفك علشان يعشقك زيي و لا حتى يحبك ده بيتسلي.
ساهر: بس عارفة هدخل الحرب دي و هتكوني ليا انا و بس. حتى لو فيها موتي.
جنون: ا.
ساهر ساب جنون و مشي و جنون سكتت و فضلت واقفة مكانها.
حسام: جنون.
جنون: اتفضل.
حسام: شكرا لاهتمامك بيا.
جنون: معملتش حاجة علشان تقول كدة.
حسام: بعتي ليا فارس يشوف لو فيا حاجة...
جنون: لا عادي و لا يهمك.
جنون: عن اذنك.
حسام: جنون.
جنون: نعم.
حسام: ايه رأيك ننزل نتغدي كمان شوية في اي مطعم؟ اتمني مترفضيش.
جنون: كان نفسي بس ورايا مشوار مهم يا حسام.
حسام: خلاص عشاء. بقالنا كتير ما قعدناش مع بعض.
جنون: طيب يا حسام هبقي اكلمك. عن اذنك.
جنون سابت حسام و خرجت من المبني ركبت عربيتها و مشيت، حسام راح علي شغله.
-في مكان تاني...
عند شجن و أوبي.
أوبي: جاهزة؟
شجن: ايوه. دخلتهم في اوضة الاجتماعات.
أوبي: طيب يلا تعالي.
شجن و أوبي دخلوا اوضة الاجتماعات...
أوبي: اهلا و سهلا.
الكل: اهلا بيك.
أوبي: نبدأ...
و بدأوا يتكلموا في الشغل و الصفقة و كان في حد كل شوية يبص ل شجن.
أوبي: كدة اتفقنا حد عنده اعتراض؟
الكل: لا تمام.
أوبي: تمام يا رؤوف بيه.
رؤوف: تمام اسبقوني انتوا، عايزك في كلمة يا استاذ اوبي.
اوبي: اتفضل.
شجن: طب هنتظر حضرتك بره.
اوبي: تمام.
رؤوف: انت تعرف الانسة شجن دي؟
أوبي(باستغراب): اه.
رؤوف: طيب ممكن رقم والدها؟
أوبي: ليه؟
رؤوف: اعتقد انك فهمت.
أوبي(بحدة): نسيت اقولك انها خطيبتي.
رؤوف: اوووه اسف جدا جدا مكنش قصدي.
أوبي(بحدة): تقدر تتفضل.
رؤوف: تمام عن اذنك.
رؤوف و هو ماشي بص ل شجن تاني و مشي.
شجن: ماله ده؟
أوبي: مفيش و من هنا و رايح متلبسيش قصير.
شجن: افندم؟! و انت مين علشان تمشي كلام عليا.
أوبي(بعصبية): بصي يا شجن بحاول اكون هادئ ابعدي عن وشي و اسمعي الكلام و خلاص.
أوبي ساب شجن و دخل مكتبه.
شجن: ماله ده؟ عيل رزل.
-في مكان تاني...
عند ندي.
ندي: يا معتز ازاي متعرفش هو فين؟
معتز: و الله يا بنتي ما اعرف. مجاش حتى امبارح.
ندي: اساسا تليفونه مغلق من امبارح، انا خايفة عليه اوي.
ندي: مش انت ساكن جمبه طب ما ممكن يكون تعبان.
معتز: عديت عليه الصبح مامته و اخته قالوا انه مجاش من امبارح.
ندي(بدموع): يا ربي طب راح فين؟
معتز: اهدي بس هو شوية و هيجي ان شاء الله.
ندي: يا رب انا خايفة عليه اوي.
معتز: اهدي اقعدي شوية و اهدي.
ندي: مش قادرة استحمل.
معتز: طب بصي روحي اقعدي هجيب ليمون و اجيكلك.
ندي(بدموع): طيب.
ندي راحت قعدت علي ترابيزة و بعد شوية معتز جاب ليها عصير ليمون.
معتز: هشوف شغلي و هجيلك كمان شوية.
ندي: طيب.
سوزي: مالك يا ندي؟
ندي(بعصبية): ملكيش دعوة بيا. هو انتي ملكيش بيت هو النادي بيتك ايه يا شيخة بتنطيلي في كل حتة كدة ليه اوف.
ندي خدت شنطتها و مشيت.
-في مكان تاني...
عند جنون.
جنون راحت لمكان شبه عشوائي و الكل كان مستغرب من دخول عربية غالية زي دي المكان ده.
جنون نزلت من العربية و قفلتها و مشيت كأنها كانت حافظة الطريق...
وصلت ل ناحية باب بيت و طلعت مفاتيح من شنطتها و فتحت الباب و دخلت، لقت المكان كله مليان تراب و العفش مليان تراب و المليات اللي مغطية العفش كله مليان تراب و في عناكيب.
جنون قعدت تكح شوية.
جنون: شوفت يا بابا رسمت ايه؟
والد جنون: ايه يا حبيبتي؟
جنون: رسمتك انت، انا بحبك جدا يا بابا.
والد جنون: و انا يا حبيبتي اوي.
جنون: مش هتجيب ليا شيكولاتة؟
والد جنون: طب ايه رأيك في غزل البنات؟
جنون(بفرحة): هات يا بابا، انا بحبك اوي.
والد جنون: بتحبيني و لا بتحبي غزل البنات؟
جنون: انتوا الاتنين.
والد جنون: و انا بحبك اكتر يا روحي. متزعليش مني.
جنون: انت طيوب و انا مستحيل ازعل منك.
جنون مسحت الدموع قبل ما تنزل علي خدها و بدأت تتمشي في البيت و دخلت اوضة من الاوض و فتحت الدولاب و بدأت تدور علي حاجة معينة و تليونها رن.
الخط اتفتح.
كنان: مش معقول مش عارف اقعد معاكي دقيقة علي بعضها.
جنون: معلش بعدين و لا اقولك بليل ابقي اقعد معاك.
كنان: و الله لا مش هستني بليل قوليلي انتي فين.
جنون: ها لا مش هينفع تيجي انا يعتبر في شغل لما اخلصه.
كنان: بس.
جنون(بصوت عالي): آآآآآآآآآآآآآآآآه.
كنان(بخضة): جنون.
جنون كانت بتسند علي الدولاب بس وقع عليها شنطة سفر من فوق الدولاب و جنون وقعت علي الارض و جمبها شنطة السفر...
كنان(بقلق): جنون انتي كويسة ردي عليا. طب قوليلي انتي فين...
كنان(بقلق): جنون.
جنون(بوجع): اه يا كنان معاك.
كنان: ايه اللي حصل؟
جنون: مفيش انا كويسة. بص هبقي اكلمك بعدين.
كنان: جنون ب.
جنون قفلت التليفون و جابت رجليها ناحيتها و بدأت تفحصها.
جنون(بوجع): اوف مكنش وقتك خالص.
جنون بصت جمبها لقت الشنطة و حاولت تفتحها لغاية ما اتفتحت و بدأت تشوف فيها حاجات كتير.
لقت جواب مكتوب و فيه صورة.
هل تسمحين لي عزيزتي بأن تكوني رفيقتي حتى خط النهاية.
-جنون قعدت وقت كبير اوي و هي بتشوف ايه اللي في الشنطة دي حطت كل حاجة طلعتها في الشنطة و شالتها و قامت حاولت تستحمل وجع رجليها. شالت الشنطة في مكان ما في الشقة و خدت حاجة واحدة بس حطتها في شنطتها. و نفضت هدومها و خرجت...
جنون كانت هتمشي بس قابلتها نظرات الناس اللي عايزة تسأل اسئلة كتيرة.
ست: انتي مين يا بنتي؟ و ايه اللي جابك هنا؟ و بالذات في البيت ده؟
جنون(ببرود): هيفرق معاكوا؟
جنون سابتهم و ركبت عربيتها و مشيت و كانت شاردة لغاية ما فاقت علي رنة تليفونها.
جنون: اوف مش فايقالك يا حسام.
الخط اتفتح.
جنون: ايه يا حسام؟
حسام: نسيتي الميعاد بتاعنا و لا ايه؟
جنون: ينفع بعدين؟
حسام(بحزن): خلاص براحتك.
جنون: فين المكان يا حسام؟
حسام(بفرحة): هتيجي؟
جنون: ايوه.
حسام: في ().
جنون: جاية ليك.
جنون ساقت و راحت ناحية حسام و نزلت دخلت المطعم اللي حسام قال عليه.
حسام اول ما شافها راح ناحيتها.
حسام: مبسوط جدا انك جيتي.
جنون: لا عادي احنا صحاب.
حسام: اتفضلي بوكيه الورد.
جنون: شكرا. مكنش ليه لزوم التعب.
حسام: لا عادي دي حاجة بسيطة جدا.
جنون: تمام.
حسام: تعالي نقعد.
جنون و حسام قعدوا و حسام كان بيحاول يفتح مواضيع مع جنون و جنون ترد علي قد كلامك بس...
حسام: ايه رأيك فيا؟
جنون: كويس في شغلك.
حسام: لا كحسام انا كشخصي انا. فهماني؟
جنون: طيوب و شخص محترم.
حسام: هو.
تليفون جنون رن و جنون شكرت اللي بيتصل في سرها.
جنون: شكرا.
جنون(لنفسها): يا نهار اسود! كدة كتير عليا.
الخط اتفتح.
كنان(بعصبية): ممكن اعرف انتي فين يا هانم؟
جنون: ده كله حصل خلاص جاية جاية.
جنون: عن اذنك يا حسام.
حسام: طيب طمنيني.
جنون كانت هتمشي بسرعة بس حسام نادي عليها.
حسام: البوكيه...
جنون: تمام.
كنان(بعصبية): ما تردي.
جنون: قولي انت فين و انا جيالك.
كنان: اعرفي لوحدك.
كنان قفل التليفون و جنون عرفت هو فين و ركبت عربيتها و راحت ليه.
جنون: كنت متأكدة انك هتكون هنا...
كنان(بضيق): كويس طلعتي علي الاقل فكراني و لو شوية.
جنون: خلاص بقي، كنت مشغولة اعمل ايه؟
كنان(بضيق): فعلا الشغل اهم روحي ليه، ده حتى انا اللي بتصل مش انتي...
جنون: طيب خلاص بقي متزعلش. تعالي نقعد قدام البحر. و هقفل الموبايل يا عم يلا بقي بليز.
كنان: انا اساسا ماشي.
-كنان كان هيمشي بس جنون وقفت قصاده و حطت رأسها علي صدره و حاوطت رقبته بأيديه.
جنون: عايزة هدوء عايزة ابعد عن الكل...
كنان: مالك فيكي ايه؟
جنون: مفيش. بس عايزة اخد منك وعد و كلام رجالة مش هتتراجع عنه.
كنان: اكيد قولي.
جنون: اوعدني انك عمرك ما هتخوني و لا هتسبني و هتمشي و تبعد عني.
كنان: طبعا مستحيل اعمل كدة، وعد.
جنون مسكت كنان من قميصه.
جنون: اساسا متقدرش تعمل كدة. لانك لو عملت كدة تبقي فتحت نار جهنم عليك.
كنان: اممم حبيبتي بتهددني.
جنون: عندك مانع؟
كنان: لا.
كنان قرب من جنون بس جنون سابته و جريت علي البحر كنان راح وراها.
جنون: اياك ترميني زي المرة اللي فاتت و الله اقتلك...
كنان: هي امك رفضتني ليه؟
جنون: معرفش هي مش عايزة تتكلم اساسا.
كنان(بابتسامة): بقولك.
جنون: ابتسامتك مش مطمناني، عايز ايه؟
كنان: ايه رأيك نخطف يومين مع بعض زي المرة اللي فاتت...
كنان(بغمزة): بس الفرق هيكون بمزاجك.
جنون: لما اخلص مهمتي و انت تخلص مهمتك. ساعتها هيبقي في حجة، متنساش تطمن علي اياد.
كنان: هو ليه لما بنتكلم انا و انتي لازم سيرة اياد ابتديت اكرهه اكتر ما انا بكرهه...
جنون: ملكش دعوة. مفيش اي حاجة نأكلها انا جعانة اوي.
كنان: لا و علي ايه يغمي عليكي تاني و اقلق ليه تعالي اكلك...
جنون: هنروح بعربيتي علشان مش قادرة اليوم كان صعب اوي و بعدها ارجع بعربيتك انت.
كنان: تعالي.
كنان و جنون ركبوا عربية جنون.
كنان: ايه الورد ده؟
جنون: ده ده، ده انا كنت جايباه ليك.
جنون مسكت بوكيه الورد و ودته ل كنان.
جنون(بابتسامة متوترة): اتفضل. علشانك انت اساسا.
كنان(بضحكة): مالك يا بنتي مش علي بعضك ليه ده كله علشان جبتي بوكيه ورد.
جنون: انت عارف بقي اني مش بحب جو الحب و الورود ده بقي.
كنان و جنون راحوا للمطعم اتعشوا و كنان وصل جنون بيتها.
جنون: بس بس هنا، ماما متعرفش انك جبت عربية ليا. لو شافتها هتعمل سين و جيم.
كنان: تمام مع اني مسمعتش كلمة شكرا علي الاقل للعربية.
جنون: شكرا.
كنان: بس؟!
جنون قربت من كنان كانت هتبوسه من خده بس كنان قرب منها و (لخيالكوا).
كنان: يلا انزلي. خدت شكري.
جنون(بغيظ): باي.
جنون خدت من كنان مفاتيح العربية و راحت للبيت.
داليا: ايه اللي أخرك؟
جنون: من امتي و حضرتك بتسألي؟
داليا: لازم اتأكد انك مش بتقابلي الواد ده.
جنون: ليه اسم علفكرة اسمه كنان.
عند شجن في اوضتها.
شجن: انا خايفة اوي يا سجي.
سجي: معلش خلاص، اهدي.
شجن: جبتك علشان شذي مش هينفع تيجي و كدة.
سجي: يا روحي احنا اخوت، ان شاء الله مش هيتخانقوا اهدي نسمع...
داليا: انتي عارفة اعتراضي مش عليه. علي امه.
داليا: قولتلك اكتر واحدة بكرهها.
جنون: و انا قولتلك ليه مردتيش عليا صح.
داليا: خليكي عارفة هتنخدعي و هيسيبك و هيمشي. اكيد ما جهاد امه.
جنون: ليه مش عايزة تقولي السبب.
داليا سابته و كانت هتمشي بس جنون مسكتها من دراعها.
جنون: بس انا عرفت و ليكي حق تكرهيها، بس من امتي و احنا بنحاسب الناس علي اخطاء غيرهم.
جنون طلعت لمامتها الجواب اللي لقته.
داليا: جبتي ده منين؟
جنون: مش مهم. بس ردي عليا كنان ايه ذنبه انه امه تبقي بالبشاعة دي. هو ماله اتولد و هي كدة هو ماله.
داليا: ذنبه انه ابنها...
جنون: و انا ذنبي ايه؟ ذنبي ايه؟
داليا: ذنبك انك حبتيه.
جنون(بدموع): بقي الحب ذنب...
داليا: ايه اللي يمضن انه مش هيكون زي امه...
جنون(بدموع): كنان بيحبني يا امي. بيحبني.
داليا: ايه اللي يثبت انه هيفضل وفي ليكي.
داليا: معندكيش اجابة ليه؟ فوقي لنفسك.
داليا: انتي عارفة اني عايزة مصلحتك.
داليا سابت جنون و دخلت اوضتها قعدت تعيط. و جنون مسكت الجواب في ايديها و هي ماسكاه جامد و دخلت اوضتها اترمت علي السرير.
عند شجن.
شجن: احنا مسمعناش ليه؟
سجي: لانهم بعدوا عن الصالة.
شجن: طب ايه؟
سجي: ايه؟
شجن: ممكن تباتي معايا النهاردة؟
سجي: تمام يا روحي. روحي نامي و انا قاعدة اهو.
شجن: شكرا ليكي.
سجي: لا مفيش حاجة...
-في مكان تاني...
في فيلا فريد.
علي السفرة.
فريد: ايه الاخبار في الشغل من غيري يا كنان؟
كنان: اكيد وحشة يا سيادة اللواء.
جهاد: مش بتأكل ليه؟
كنان: اتعشيت بره.
جهاد: مع مين؟
كنان: هو تحقيق.
فريد(بحدة): ما تسكتوا شوية.
جهاد: مش بتأكلي ليه يا ندي و بتلعبي في الطبق.
ندي: ها لا مفيش عادي مش ليا نفس.
أوبي: حاسة بحاجة او كدة؟
ندي: لا لا انا بخير. هو بس مش قادرة اكل.
كنان: طب يا روحي اطلعي ارتاحي شوية.
ندي: تمام عن اذنكوا...
ندي طلعت اوضتها و الباقي كمل اكله.
فريد: ان شاء الله هرجع بكرة.
كنان: تمام يا بابا.
أوبي: بابا انا ايه نظامي؟
كنان: اصبر ياض شوية.
أوبي: اوف طيب.
جهاد: عايز ايه يا اوبي؟
أوبي: مش عايز عن اذنكوا.
فريد: عايز حاجة يا كنان؟
كنان: لا يا حبيبي هطلع انام.
كنان طلع غير هدومه صلي فرضه و اترمي علي السرير و بدأ ينام.
كنان لقي نفسه في شقة فاضية مفهاش اي حاجة بس سامع صوت عياط بدأ يروح ناحية الصوت دخل اوضة من الاوض لقي بنت بتعيط و مودياه ضهرها.
كنان لف ليها و بص ليها لقاها جنون و بتعيط.
كنان(بقلق و خوف): جنون مالك؟ بتعيطي ليه؟ حاسة بأيه؟ طمنيني عليكي يا حبيبتي.
جنون بصت ورا كنان و هي بتعيط كنا بص وراه ملقاش حاجة.
كنان: مالك بس يا حبيبتي؟
-كنان لف وشه تاني و جه بص ل جنون لقي شخص وراها مسك في ايده مسدس و جنون واقعة في الارض و حواليها دم.
كنان(بصريخ): جنوووووون.
كنان: حبيبتي قومي جنون جنون ردي عليا...
كنان(بدموع): قومي علشان خاطري.
كنان شاف نبض جنون ملقاش في نبض و مش بتتنفس...
كنان(بصوت عالي و دموع): جنوووووووون.
كنان(بخضة): جنون...
كنان قام لقي نفسه عرقان و مكنش قادر يأخد نفسه و بص في الساعة لقي الوقت اتأخر.
كنان قام دخل الحمام و اتوضئ و خرج بدأ يصلي و يدعي ل جنون.
عند جنون.
جنون قامت و غيرت هدومها...
جنون لبست بنطلون اسود و تي شيرت ابيض ب ¾ كم واصل لغاية الخصر و عليها رسومات باللون الاسود و لبست كوتشي عالي نوعا ما باللون الابيض. و خدت شنطة ضهر متوسطة باللون الاسود و سيبت شعرها.
جنون خرجت و ركبت عربيتها و ساقت بأقصي سرعة ليها و وصلت علي بُعد بسيط من قصر كبير.
جنون نزلت و لقت عليه حراسة كتيرة...
-جنون نطت من السور الخلفي و اتسحبت و دخلت القصر، بصعوبة عرفت تدخل القصر من جوا.
جنون بدأت تطلع سلالم القصر و دخلت اوضة من الاوض كانت كبيرة جدا و ضلمة.
جنون طلعت مسدس من ورا ضهرها و وجهته ناحية اللي نايم قدامها.
جنون(لنفسها): ليه مترددة اقتليه، يستحق القتل.
جنون(لنفسها): خدي حقك و حق كل شخص اتظلم بسببه. يلا.
-النور اشتغل و الشخص اللي كان نايم قام و راح ناحية جنون و وقف قدامها و قدام المسدس اللي جنون منزلتهوش.
: كبرتي اوي.
جنون: و بقيت اقوي من زمان كمان.
: و ليه مضربتيش النار؟
جنون: فكرت ليه اقتل كلب و ايدي تتلوث بدم كلب ملهوش اي لازمة.
: الصراحة مش مصدقك.
جنون: متفرقش معايا اسااسا.
: اذا اضربي النار و اقتليني و خلصي الحرب اللي جواكي.
جنون: حتى بموتك مش كل حاجة هتتحل.
جنون: انت ملكش لازمة و انت عايش و لا و انت ميت، انت وظيفتك تحرمني من متعة الحياة اينما كنت، بره البلد او جواها.
: بس انا شايف اني فارق معاكي. عارفة ليه لان لما تكوني مرقباني من ساعة ما بقيتي ظابط مخابرات كدة اشك انك لسة بتحبيني او علي الاقل لسة بفرق معاكي.
جنون: لما انت مشيت انا قلبي مات حتى و انت عايش قلبي كان مات. انت عشت طول عمرك دي وظيفتك في الحياة تموت قلبي...
جنون: بس عارف بشكرك لانه لما اجي هنا بصفتي ظابطة مخابرات جاية تقبض علي اكبر مجرم دولي مطلوب في اكتر من بلد ساعتها مش هتردد لحظة اضرب عليك النار و انا اللي هوديك السجن بايدي بدم بارد.
: هتسجنيني يا حبيبتي. هو مش انتي كنتي بتحبيني.
جنون(بعصبية): متقولش الكلمة و كنت كنت بحبك دلوقتي ببغضك، انت مجرم انت ارهابي انت مافيا انت كل حاجة وحشة في الدنيا دي.
-جنون ودت ضهرها للشخص ده و مشيت و نزلت بكل برود علي السلالم بس لقت كل الحراس موجهين مسدساتهم عليها و وراها الشخص مبتسم.