رواية حرب الحب للكاتبة سلسبيل كوبك الفصل الرابع عشر
حصل ضرب نار تاني و حد رمي حاجة مالية دخان و الكل بقي مش شايف حاجة.
جنون لقت حد قدامها بس مش باين ملامحه.
شخص: البداية بس.
الشخص ده طلع سكينة و فتح بطن جنون...
الشخص ده اختفي بسرعة و جنون بدأت تنزل دم و نزلت علي ركبها و الرؤية بدأت توضح للكل. كنان شافها و جري عليها.
كنان(بقلق): جنون فيكي ايه؟ ردي عليا علشان خاطري حبيبتي.
جنون(بدموع): مفيش حاجة.
كنان(بقلق): جنون انتي بتنزلي دم. مين عمل كدة؟
اياد(بخضة): جنون! حصل ايه؟ لازم اسعاف...
شذي(بدموع): فارس قال ان في طيارة طبية جاية كمان ربع ساعة...
جنون: خلاص امشوا.
شهاب: انتي كويسة حاسة بوجع؟
جنون: بسيط.
سجي(بدموع): طب.
كنان(بصوت عالي): كله علي مكانه، انتوا اللي هتأمنوا رجوع البنات يلا، انا هفضل معاها.
كنان: يلا.
علي: خلاص يا جماعة يلا...
اياد: بس.
كنان: يلا يا جماعة يلا.
-الكل مشي و هو قلقان علي جنون، كنان شال جنون و راح لمكان تاني و حط جنون في الارض و سند ضهرها علي حيطة و فضل واقف باصص ليها.
جنون(بابتسامة): انا مش خايفة علفكرة ليه انت قلقان كدة.
كنان: قولتلك متجيش.
جنون: كنان محصلش حاجة، انا هتعالج و هرجع تاني الرعد بهيبته...
كنان بصلها ب حزن و وداها ضهره.
جنون: ممكن اطلب طلب؟
كنان: ايه؟
جنون: لو حصلي حاجة ممكن تخلي بالك من ماما و شجن.
كنان(بحدة): متقوليش كدة، كلها دقيقتين و تيجي الطيارة و هينقذوكي.
جنون: طيب يا قموص.
كنان: انا مش قموص.
جنون بدأت تحس بوجع اكتر و سكتت. كنان قرب عليها بسرعة و حط رأسها علي صدره.
كنان: هتكوني بخير.
جنون: عارفة. يا ابني انا الغرور ماشي في دمي.
كنان: فيكي حيل تتكلمي.
جنون: خمسة و خميسة يا عم.
كنان: هتبقي كويسة...
جنون: عارفة بقي قولنا مرة، انت متحكمش علي حد غلط تاني.
كنان: مش وقت كلام...
جنون بدأت تغمض عينيها و تفتحهم لغاية ما اغمي عليها، كنان حس بتقل جسمها و رفع رأسها بين ايديه.
كنان: جنون جنون ردي عليا جنون جنون.
كنان سمع صوت الطيارة و شال جنون بسرعة و ركب الطيارة و الدكاترة خدوا جنون منه و بدأوا يعالجوها و كنان قاعد متوتر و قلقان.
بعد فترة كبير...
الدكتور: الحمد لله بس.
كنان: بس؟!
الدكتور: ال 24 ساعة الجايين هيحددوا مصيرها...
كنان مسك الدكتور من قميصه بغضب.
كنان: انت بتقول ايه يا حيوان انت، جنون هتعيش فاهم.
الدكتور: يا بيه ابعد.
الكل تدخل و بعدوا كنان عن الدكتور. و بعد فترة كبيرة وصلوا ل مبني المخابرات علي سطح المبني.
كنان شال جنون كانت ايديها سايبة و رأسها في الهواء. كنان رفعها ليه و بدأ ينزل السلالم و كل الناس بتبص عليهم كل الظباط و كل اللي بيشتغلوا في المبني، لغاية ما كنان لقي فريد و رأفت جايين ناحيته...
فريد: حصلها ايه يا ابني؟
كنان: لازم اروح المستشفي. الناس دي مش بتفهم.
رأفت: استني بس نوديها للدكتور اللي هنا.
كنان سابهم و كمل مشي و فريد و رأفت مشيوا وراه و راحوا للمستشفي و دخلوا جنون العناية المركزية.
و بعد فترة جت باقي الفرقة و فضلوا يدعوا ل جنون و الكل فضل قاعد في المستشفي محدش راضي يمشي و باتوا ل تاني يوم كلهم...
في الصباح الباكر...
الدكتور دخل و بدأ يفحص جنون و جنون بدأت تفوق.
جنون(بتعب): انا فين؟
الدكتور(بابتسامة): حمد لله بالسلامة يا مدام جنون.
جنون(بتعب): الله يسلمك.
الدكتور: دلوقتي هننقل حضرتك اوضة عادية.
جنون: شكرا.
الدكتور خرج و لقي الكل قربوا منه و هو خاف نوعا ما.
الدكتور: احم مدام جنون بخير و هننقلها اوضة عادية و تقدروا تشوفوها.
فريد: تسلم يا ابني.
و نقلوا جنون لاوضة عادية و الكل دخل ليها.
اياد: حمد لله بالسلامة يا حبيبتي.
فارس: قلقتينا عليكي يا بطة.
فريد: حمد لله بالسلامة يا بطلة.
جنون: شكرا ليكوا...
شذي(بدموع): معرفش كنت هعمل ايه من غيرك.
جنون: عزا يا اختي كنتي هتعملي عزا.
علي: الف مليون سلامة عليكي...
جنون: تسلم يا عم.
عطر: ده محدش اتحرك من امبارح...
شهاب: يلا قومي بقي...
رأفت: بجد تسلمي يا جنون انتي عملتي عمل عظيم.
جنون: عملت ايه بس ده واجبي...
نور: بجد قلقت عليكي جدا افتكرتك اختي.
جنون: تفتكري ليه؟ احنا اخوات فعلا...
سجي: قومي بقي بالسلامة.
جنون: طيب جهزوا ليا ورق خروجي.
فريد: نعم يا اختي؟!
جنون: دودو و شجن وحشوني.
كنان(ببرود): كأنك لسة في العملية.
جنون: لا لا يلا خرجوني من هنا يلا...
جنون اصرت كتير تروح و عملوا تصريح ليها. و جنون روحت بيتها...
جنون(بصوت عالي): دودو دودو حبيبة قلبي انا.
داليا(بفرحة): جنون...
داليا جريت علي جنون و حضنتها. جنون حاولت تكتم وجعها.
داليا: اخيرا رجعتي يا حبيبتي وحشتيني اوي، اوي و الله...
شجن: مساء الخير، ايه ده جنون...
شجت جريت علي جنون و نطت عليها.
جنون(بوجع): آآآه.
داليا: مالك يا حبيبتي؟
جنون: ها لا بقول اه يعني اني اه جنون.
شجن: وحشتيني اوي اوي اوي اوي.
جنون: و انتوا اكتر، في اكل؟ انا جعانة اوي.
داليا: ثواني بس يا حبيبتي.
جنون: هخش اغير هدومي.
جنون دخلت اوضتها خدت دوش، و حست بآلم شديد حاولت تخفيه و غيرت هدومها.
جنون لبست شورت قصير باللون الابيض و تي شيرت طويل لغلاية الركبة باللون الاسود في ابيض ب حمالة عريضة و عملت شعرها كحكة ل فوق.
جنون: ياااه علي الاكل و جمال الاكل.
داليا: كلي يا حبيبتي و طمنيني عليكي...
جنون: الحمد لله يا ماما. اخبارك يا شجن؟
شجن: عايشة.
جنون: لا تصدقي افتكرتك ميتة...
شجن: تشكرات تشكرات.
الباب خبط.
شجن: هقوم افتح.
جنون: من امتي؟ مش مطمنالك ها خليكي عارفة.
شجن: هتطلعي شغل المخابرات عليا.
شجن فتحت الباب و لقت شاب وسيم وفضلت باصة ليه كتير...
شجن(بابتسامة): نعم؟!
كنان: لو سمحت جنون هنا؟
شجن: طب مينفعش شجن؟
جنون: بتتكلم مع مين بنتك الواطية دي.
جنون قامت بسرعة و استغربت لما لقت كنان.
جنون: خشي يا شجن جوا.
شجن: طب مينفعش افضل.
جنون(بحدة): شجن كلمة زيادة و هنزل عليكي ضرب.
شجن: خلاص يا ستي الله، باي يا واد يا قمر انت...
جنون(بتوتر): احم متأخدش علي كلامها خالص.
كنان(برفعة حاجب): قصدك اني مش حلو و قمر.
جنون(باحراج): لا مش كدة خالص انت قمر.
جنون(بحدة): انت كنت عايز ايه اساسا؟
كنان: طيب يا ست جنون، اخبار الجرح بتاعك ايه؟
جنون حطت ايديها علي بوق كنان و خرجت و قفلت الباب وراها.
جنون: هششش محدش يعرف انه حصلي حاجة. وطي صوتك.
كنان(بهمس): تمام.
جنون: كنت عايز ايه؟
كنان: شنطة هدومك اهي.
جنون(بذهول): واو كنان بيه بنفسه. لا لا مش مصدقة.
كنان قرب علي جنون و باسها من خدها.
كنان: كدة اتأكدتي؟
جنون: كدة اتأكدت انك موجود لانك مستغل بس مش اكتر.
كنان: باي اقابلك في الحفلة.
جنون: باي.
جنون: استني.
كنان: ايه؟
جنون قربت من كنان و قرصته من خده.
جنون: يا مستغل ها.
جنون كانت هتشيل الشنطة و تدخل بس لقت كنان شالها.
جنون: ايه ده بقي؟
كنان: انتي تعبانة هشيلها انا.
جنون: لا هات.
كنان: طيب بس كنت عايز اسألك سؤال هي امك تعرف انك كنتي في المستشفي لانك تعبانة.
جنون فتحت عينيها علي اخرهم بصدمة.
جنون: يعني انت بتهددني؟!
كنان: ايوه جنوني.
جنون(بغيظ): متقولش جنوني دي تاني...
كنان: هتدخليني و لا انادي علي الست الوالدة.
جنون(بغيظ): خش.
كنان دخل و هو شايل الشنطة في ايده و جنون دخلت وراه.
كنان: مساء الخير اسف جيت من غير ميعاد.
داليا: لا و لا يهمك يا ابني، اتفضل.
جنون: لا عليه شغل صح؟
كنان: لا مش عليا شغل.
داليا: خلاص يا ابني تعالي كل.
كنان: لو مش هضايقكوا.
شجن: لا ابدا...
الاربعة قعدوا علي السفرة و بدأوا يأكلوا.
داليا: اخبار جنون معاك ايه يا كابتن.
كنان(بضحك): كابتن.
جنون: هي ماما علي طبيعتها...
كنان: و الله بنتك اعند من الصخر.
شجن: ايوه اعند واحدة.
كنان: معتقدش لان في اعند منها.
داليا: مين؟
جنون(بتريقة)و كنان(بفخر): انا.
داليا و شجن ضحكوا عليهم و جنون بصت ل كنان بغيظ.
كنان: طيب عن اذنكوا طولت عليكوا.
جنون: اوي الصراحة.
كنان: طيب جنوني.
جنون بصتله بذهول. و داليا و شجن بصوا باستغراب. كنان بصلها بلامبالاة...
كنان خرج و ركب عربيته و راح لبيته.
جنون كانت هتقوم بس داليا و شجن مسكوها و قعدوها علي الكرسي تاني.
داليا: عريس صح عريس يا جنون.
شجن: لو الواد المز القمر ده فهو يستاهل الصراحة.
جنون(بحدة): عريس ايه و مز و قمر ايه بس، شيلوا الافكار دي من دماغكوا...
-جنون قامت و دخلت اوضتها و بدأت تلعب ضغط لغاية ما عرقت و تعبت اوي و حست بوجع شديد و بعدها نامت مكانها علي الارض من كتر التعب...
-في مكان تاني...
فيلا فريد.
ندي(بفرحة): كنان.
كنان شال ندي و باس رأسها.
كنان: اخبار اميرتنا ايه؟
ندي: بخير يا حبيبي. جبتلي ايه و انت جاي؟
كنان: مصلحة انتي.
ندي: لا و الله.
جهاد: حبيبي.
كنان: ازيك يا امي.
اوبي: حبيب قلبي و الله. ازيك يا وحش.
كنان: بخير و انتوا اخباركوا ايه؟
اوبي: بخير بيكي. انت عامل ايه بس عملت ايه في المهمة.
كنان: عندك شك اني نجحت.
سيدة: كنان بيه فريد بيه قال لما حضرتك تيجي تروحله اوضة المكتب.
كنان: تمام.
كنان: هرجع تاني.
كنان راح لاوضة المكتب و خبط الباب.
فريد: ادخل...
كنان: تمام يا سيادة اللواء.
فريد: خش يا كنان.
كنان: نعم يا باشا.
فريد: حضر نفسك في حفلة بكرة احتفالا ليكوا كلكوا.
كنان: تمام يا فندم اللواء رأفت قالي.
فريد: تمام، ان شاء الله كلها اسبوع بالكتير و تطلق جنون.
كنان: تمام عن اذنك عايز انام.
كنان كان هيمشي بس رجع تاني.
كنان: حضرتك عرفت مين اللي نشر الفيديو. و مين اللي جرح جنون؟
فريد: لا يا كنان.
كنان: تمام.
كنان طلع غير هدومه و نام...
-عدي اليوم بدون أحداث تُذكر...
-في الصباح الباكر...
في بيت جنون...
جنون صحيت علي صوت موبايلها و ردت.
جنون: الو يا سيادة اللواء.
فريد: الو يا جنون، مساء الخير...
جنون: مساء النور اتفضل.
فريد: اجهزي انتي و داليا هانم و شجن علشان حفلة بليل.
جنون: اه تمام يا فندم. شكرا لاهتمامك.
فريد: يلا باي.
جنون قامت و خرجت من اوضتها راحت علي اوضة مامتها و فتحت الدولاب و بدأت تدور علي هدوم ليها.
داليا: بتعملي ايه يا بت؟
جنون: بطلعلك هدومك اللي هتلبسيها.
داليا: ليه رايحين فين؟
جنون: حفلة علشان نجحنا في العملية...
داليا: ما بلاش يا جنون مش قادرة.
جنون: ليه بس يا بطة لا هتلبسي بحبك يلا.
جنون: جربي الفستانين دول و تعالي اقولك رأيي.
جنون خرجت و راحت لاوضة شجن...
شجن: مين المزعج ده؟
جنون: انا يا زفتة.
شجن: احم معالي الوزير الباشا.
جنون: انتي كنتي بتحلمي يا بت انتي، و لا شاربة حاجة.
شجن: بهزر يا بيضة.
جنون: طيب قومي خدي شاور رايحين حفلة.
شجن(بفرحة): هيصة اخيراااااااا.
جنون: كلمة كمان و مش هأخدك معايا.
شجن: اهو سكت.
جنون: البسي ده يلا.
شجن: عيوني.
جنون خرجت و طلعت تليفوتها و بدأت تتصل باياد و طلعت للدور التاني.
الخط اتفتح.
جنون: ها لبستوا؟
اياد: لسة بدري يا جنون، المهم طمنيني عليكي.
جنون: بت يا شذي يا زفتة قومي.
جنون: ايوه انا بخير...
جنون: يا كلبة الكلبة ردي عليا.
شذي: ايه بقي...
جنون: عدي علي فارس يا اياد هكلمك بعدين...
جنون: قومي يا سنيورة قومي يلا.
شذي: اوف الحفلة نسيت.
جنون: قومي.
الكل بدأ يأخد شاور و يقيس هدومه...
-في مكان تاني...
عند كنان.
جهاد: ايوه حطوا دي هنا.
فريد: شايفك مبسوطة اوي.
جهاد: اخيرا خليت الحفلة تبقي عندنا اخيرا هقدر اعزم حرم الوزير و بنتها.
فريد: مش هتتغيري.
اوبي: مساء الجمال...
فريد: مساء النور يا حبيبي. لسة ملبستش ليه؟
أوبي: طالع اهو بس قولت اطمن عليكوا...
جهاد: يلا يلا بسرعة انجز...
أوبي بص ل فريد و بعدين طلع لاوضته...
في اوضة ندي.
ندي كانت بتتكلم في التليفون.
ندي: حاضر يا سعيد في اقرب وقت.
سعيد: ماشي يا حبيبتي، بس وريني هتلبسي ايه الاول.
ندي: اكيد يا حبيبي.
ندي اعترفت بحبها ل سعيد هي كمان و بقوا بيتكلموا كتير مع بعض...
الباب اتفتح.
ندي(بخضة): ماما!
جهاد: في ايه مالك؟ يلا انتي لسة ملبستيش يلا البسي.
ندي: حاضر حاضر...
جهاد راحت لاوضة كنان و خبطت الباب.
كنان: ادخل.
جهاد: ليه بتلعب ضغط يا حبيبي؟
كنان(ببرود): انجزي يا امي.
جهاد: يلا قوم البس يا حبيبي.
كنان: طيب.
جهاد خرجت. و كنان قام خد دوش سريع...
-في مكان تاني...
عند شهاب.
شهاب كان بيلبس و طلع تليفونه و اتصل ب نور.
الخط اتفتح...
شهاب: لبستي يا واد يا بت انتي؟
نور(بغيظ): يا حيوان...
نور: ايوه لسة بلبس عايز ايه بقي؟
شهاب: هعدي عليكي.
نور: طيب و تامر كمان هيعدي عليا نروح مع بعض.
شهاب: طيب يا نور. باي.
نور: باي متتأخرش اللواء هيعمل مننا صوابع كفتة.
شهاب: طيب...
عند علي.
علي: يلا يا تامر هنتأخر.
تامر: طيب يا ابني مستعجل علي ايه؟
علي: الصراحة الصراحة انا معجب ب عطر و عايز اشوفها.
تامر(بابتسامة): اخيرا هتدخل القفص. و هشوفك عريس.
علي: مش لما توافق.
تامر: هتوافق متخافش يا حبيبي...
علي: ربنا يخليك ليا يا حبيبي و الله.
تامر: طب يلا بينا.
تامر و علي ركبوا عربيتهم و راحوا ل بيت نور.
نور: مساء الفل يا شباب.
تامر: مساء النور بس ايه الفستان القمر ده؟
نور: تسلم يا باشا.
نور كانت لابسة فستان اسود و فيه لمعة باللون الفضي ضيق و طويل و مفتوح من الجمب و لبست صندل فضي بكعب. و حطت روچ احمر هادئ.
نور: استنوا شهاب بقي.
علي: طيب هنزل اركب معاه.
نور: او نركب كلنا مع بعض.
علي: لا علشان لو حصل اي ظروف.
شهاب: مساء الجمال مش يلا.
علي: طيب...
علي ركب عربية شهاب و نور ركبت مع تامر و بدأوا يروحوا ناحية فيلا كنان...
عند كنان.
كنان لبس بدلة باللون الكحلي الغامق و قميص ابيض و لبس جذمة باللون الجملي نفس لون الحزام. و لبس ساعته و حط البرفيوم بتاعه.
كنان نزل بكل وقار من اوضته و سلم علي فريد.
جهاد: قمر يا حبيبي...
ندي: مساء الخير.
فريد و كنان: مساء النور.
ندي كانت لابسة فستان باللون الاحمر بكتف واحد و ضيق و مفتوح من الجمب و لبست صندل بكعب باللون الاحمر و سيبت شعرها و حطت روج هادي.
كنان: منين الجمال ده يا بت؟
ندي: بس بقي.
فريد(بضحك): عقبال ما تتجوزي ان شاء الله.
ندي: ان شاء الله.
أوبي: يا خاينة عايزة تتجوزي عليا.
جهاد: بطلوا الهزار البايخ ده.
أوبي كان لابس بدلة باللون الاسود و قميص ابيض و جذمة سوداء و لبس ساعته و حط البرفيوم بتاعه...
جهاد: تعالي يا ندي نستقبل الناس.
و بدأت الناس تيجي و الكل بيستقبلهم...
شهاب: سيادة اللواء.
فريد: ازيك يا شهاب.
شهاب: بخير الحمد لله. ازيك يا اوبي ازيك يا كنان.
كنان: احنا كنا مع بعض يا ابني من يوم...
نور: تصدق معندكش دم اوف.
رأفت: اومال فين باقي الفرقة؟
كنان: اه فعلا هما فين؟
فريد: هتلاقيهم علي وصول.
علي: مساء الفل عليكوا...
تامر: اخيرا كدة هنشرب براحتنا.
فريد(بحدة): تامر...
تامر: نشرب ماية.
الكل ضحك علي تامر و بدأوا يتكلموا...
-في مكان تاني...
عند جنون.
سجي: يلا يا شجن يلا يا جنون بقي اوف...
شجن: خرجت يا اختي خرجت...
اياد: واو تسمحيلي يا جميل انت.
شجن: بس بقي احرجتني.
اياد: قمر يا اخواتي.
شجن كانت لابسة فستان باللون الكشميري الغامق بحمالة عريض و قصير لغاية الركبة سادة لبست صندل ابيض بكعب و رفعت شعرها ل فوق علي شكل ديل حصان...
داليا: البنات هيقتلوك.
اياد: احم ده انتوا قمرات و ربنا.
فارس: كلكم اكيد.
شذي كانت لابسة فستان باللون الجملي ب نص كم ضيق لغاية الركبة و لبست صندل بكعب باللون الاسود و حطت روج هادي و رفعت شعرها علي شكل كحكة...
سجي لبست فستان باللون البنفسجي الهادئ في ابيض و واسع و طويل ب حمالة عريضة. و لبست صندل باللون الابيض و عملت شعرها ضفيرة و نزلت كام خصلة علي وشها و حطت روچ خفيف و هادي.
عطر لبست فستان نبيتي طويل و مفتوح من الضهر ب نص كم. و سيبت شعرها و حطت روچ خفيف و صندل بنفس لون الفستان...
داليا: هي البت دي بتخترع الذرة.
فارس: معرفش ايه البنات دي.
جنون: خلاص اهو جيت اهو، يلا بينا.
جنون مشيت قدامهم بس ملقتهمش اتحركوا رجعت لورا لقتهم مصدومين.
جنون: تحبوا ارش ماية علشان تفوقوا...
اياد: من امتي يا بت؟ ده احنا اتعودنا علي البناطيل الفساتين الطويلة، لكن كدة لا.
شجن: انا مصدومة اوي.
داليا: ربنا يحفظك يا حبيبتي.
فارس: يا رب يحميكي من عيون الشباب...
عطر: همووووووت مين دي...
شذي: جنون اللي مش بتحب المكياج و لا القصير و لا العريان.
جنون: اوف يا الله يا أوفر، يلا بينا.
جنون كانت لابسة فستان باللون الكحلي الغامق و كب مبين جسمها من قدام و ضهرها و قصير لغاية فوق الركبة و ضيق لغاية الخصر و واسع من تحت. و لبست صندل كعب باللون الدهبي و لبست حلق دهبي طويل شوية. و اختارت شنطة باللون الدهبي. و سيبت شعرها ورا ضهرها. و حطت روچ احمر غامق و كحل حدد عينيها...
جنون كانت لسة هتركب بس لاحظت حاجة.
جنون: احم اياد هات مفتاح عربيتك هاجي لوحدي.
اياد: طول عمرك بتحبي العربيات اللي من غير سقف. خدي.
داليا: طب ليه يا حبيبتي؟
جنون: كدة اركبوا انتوا في عربية شذي و فارس.
شجن: طب اجي معاكي.
جنون: لا.
-فارس و سجي و شجن في عربية,اياد و عطر و شذي و داليا في عربية.
جنون بصت عليهم و هما ماشين و اتأكدت من حاجة.
جنون ركبت العربية و بدأت تسوق و لاحظت الموتسكل اللي وراها...
جنون: بتلعبوا معايا؟ طيب...
-جنون بدأت تسرع بالعربية اوي اوي لغاية ما راحت لمكان شبه مهجور و لفت بالعربية و الموتسكل وقع في الترعة اللي كانت موجودة.
جنون: ناس غبية...
جنون بدأت تسوق و تروح لمكان الحفلة...
في الحفلة...
كنان: اهلا اهلا ازيكوا.
اياد: تمام. ازيكوا...
و بدأوا يسلموا علي بعض.
فريد: جهاد دي داليا داليا دي جهاد.
داليا بصت ب صدمة ل جهاد و جهاد حاولت تداري صدمتها...
أوبي: شجن عاش من شافك.
شجن: ظريف اوي.
اوبي: مقبولة يا ستي منك.
كنان: اهلا يا انسة شجن.
شجن: الحمد لله يا واد يا مز انت.
كنان(بضحك): ماشي يا ستي مقبولة.
نور: فين جنون؟
فارس: قالت جاية ورانا.
كنان: طيب.
الكل بدأ يروح يقعد في مكانه و بيتكلم مع التاني، و كل شوية يحصل تبادل نظرات بين داليا و جهاد.
بعد فترة جنون وصلت و اول ما دخلت لفتت كل الانتباه.
كنان لف و اول ما بص ليها انصدم من جمالها...
جنون(بهمس و خبث): عارفة اني حلوة يا عم المصدوم...
كنان فاق علي كلام جنون اللي قالته ليه و بص ليها بحدة نوعا ما...
تامر: بسم الله ما شاء الله...
علي: جمر...
جنون: شكرا ليكوا.
جنون: هروح اسلم علي سيادة اللواء.
رأفت: اهلا اهلا ب بطلتنا.
جنون: تسلم يا سيادة اللواء.
فريد: اخبارك يا حبيبتي؟
جنون: الحمد لله.
فريد: دي جنون بنت مدام داليا يا جهاد.
جهاد(بقرف): طيب.
جنون(بهمس): هي مالها كأنها هترجع كدة ليه.
فريد: متشغليش بالك...
جنون رجعت للترابيزة بتاعتها و قعدت عليها...
جنون(بهمس): بص قدامك.
كنان(بهمس): انتي مراتي علفكرة.
جنون(بهمس و حدة): اخرس خالص، و كمان اللواء قالي اننا هنتطلق في غضون اسبوع...
كنان(بهمس): و الله طيب، سيبيني في الاسبوع ده بقي استمتع.
جنون(بهمس): حد قالك اني لعبة في ايدك.
علي: احم طالعة زي القمر النهاردة.
عطر: شكرا ليك.
علي: انتي عاملة ايه؟
عطر: الحمد لله بخير.
علي: الحمد لله.
اياد: ايه يا بنتي دي محطوطة للزينة هتخلصيها ليه.
شذي: بحب الشكولاتة دي انت مالك.
اياد: يا رب خلصني من المصيبة دي...
نور: سيبيها براحتها يا اياد.
اياد: هتجتعموا عليا و لا ايه يا جدعان...
سجي: ايوه احترم نفسك...
شهاب: اه منكوا يا بنات حواء.
اوبي: مالك ساكتة ليه يا طنط؟
داليا: ها لا مفيش يا حبيبي.
اوبي: مش بتعتبريني زي ابنك و لا ايه...
شجن: عايز ايه يا حشري؟
اوبي: يا بت هفصلك عن العمل...
شجن: ظريف.
داليا: خلاص بقي يا شجن.
شجن: علشان خاطرك بس.
جنون: هو احنا جينا ليه؟
كنان(بغمزة): لو مش مرتاحة هنا في فوق طراوة.
جنون: عندك حق لازم نطلع فوق. علشان برستيجك ميضعيش قدام الناس لما اعمل وشك خريطة الناس تيجي تصورها...
كنان: ظريفة.
جنون: مش عارفة هو انت يا ابني راضع خمرة...
كنان: انت طالعة كدة ل مين يا بنتي، ابوكي مكنش عارف يربيكي يعني...
كنان بص ل جنون لقاها باصة في حتة تانية خالص.
كنان: جنون جنون.
جنون: اممممم...
كنان: مالك يا بت؟
جنون: متقوليش بت فاهم.
كنان: هقولك بقي.
جنون: علفكرة ان.
و فجأة سمعوا صوت ضرب نار...