رواية حرب الحب للكاتبة سلسبيل كوبك الفصل الخامس عشر
كنان وجنون كانوا بيتكلموا و فجأة سمعوا صوت ضرب نار...
جنون: المصدر قريب اوي.
الكل اتخض وقام...
اياد: اهدي يا طنط داليا اهدي.
جنون: سيادة اللواء خلي كل المعازيم يدخلوا الفيلا.
فريد: طيب.
كنان: جنون امسكي.
جنون مسكت من كنان المسدس و بدأت تستعد.
شهاب: تعالي معايا يا فارس.
شهاب و فارس راحوا ورا الفيلا. سجي و شذي دخلوا الفيلا يهدوا الناس.
شجن(بخوف): هو هيحصل حاجة؟
اوبي: متخافيش.
ندي(بخوف): كنان بره يا اوبي.
اوبي: متخافوش في ايه يا جماعة اهدوا...
كنان: تفتكروا ايه؟
جنون: انا نفسي اشتم اللي ضرب نار يا خسارة الفستان...
اياد: تافهة.
علي: هأخد تامر و نشوف في الفيلا من بره...
عطر: هأجي معاكوا...
علي(بحدة): لا.
نور: يلا يا جماعة يلا. مفيش وقت للاعتراض يا علي.
علي و عطر و نور و تامر خرجوا بره الفيلا.
كنان: تتخيلي مين؟
جنون: اوعدك لو عرفت هبقي اقولك. بس ركز ابوس ايدك بدل ما انت قاعد عمال تبصلي...
كنان لف وشه ل جنون و قرب منها.
جنون: و ربنا ما وقته يا عم روميو.
جنون رفعت مسدسها و بدأت تضرب نار.
جنون(بحدة): ادخل الفيلا انت اللي مقصود...
كنان(بسخرية): تفتكري اني بخاف.
جنون جريت علي كنان و زقته علي الارض و هي معاه...
كنان: عل.
جنون(حطت ايديها علي بوقه): هشششش، انت هتسمعني، دلوقتي هتخش الفيلا فاهم انت اللي مقصود يا كنان و هما مصرين علي موتك النهاردة.
جنون قامت و مدت ايديها ل كنان و كنان مسك ايديها.
كنان: مش هخش يا جنون.
جنون بدأت تضرب نار و حصل ضرب نار متبادل.
كنان(بصدمة): جنون ابعدي.
جنون(بحدة): اخرس مش انت مش عايز تسمع كلامي و انا مش هسمع كلامك...
كنان(بغضب): انتي عامية مش شايفة الضوء الاحمر اللي متصوب علي رأسك...
كنان جري علي جنون و شالها بأيد واحدة و بعد من المكان اللي كانوا فيه.
عند شهاب و فارس و اياد...
اياد: خلوا بالكوا كنان و جنون بيتعاملوا بره. ممكن يحصل اي غدر هنا...
شهاب: طيب بس مين المقصود؟
فارس: منعرفش بس كدة المشاكل بدأت تزيد اوي.
-حصل ضرب نار عندهم و هما بادلوا ضرب النار.
عند نور و عطر و تامر و علي.
علي(بصوت عالي): حاسب.
علي زق تامر علي الارض و حصل ضرب نار.
و بعد فترة من ضرب النار المتواصل وصلت القوات، و اللي كانوا بيضربوا نار هربوا و الكل خرج من الفيلا و بدأت صحافة تيجي...
صحفي: كنان بيه ايه تعليقك علي الحادثة دي؟
كنان: كلنا شخصيات تعتبر مهمة علشان كدة لينا اعداء و من الممكن تحصل الحوادث دي كتير...
صحفي: هل.
كنان: خلصت كلامي.
اياد: سلام يا ابطال. مش عايز اعرفكوا تاني.
فارس: حفلة عايزة ضرب نار.
نور: حصل ضرب نار اهو يا عم.
شذي: يوم نحس...
جنون: بص يا ابني انا قولت اللي عندي خلي بالك من نفسك باي.
كنان: امممم دلوقتي جنون خايفة عليا. حد عظيم.
داليا(بغضب): جنون تعالي هنا.
جنون: ثانية يا امي.
داليا(بغضب): مش قولتلك تعالي هنا يلا.
داليا شدت جنون و شجن و بدأت تمشي.
شجن: في ايه يا ماما سيبي ايدي؟
جنون: ماما احنا كبرنا مش عيال صغيرين...
سجي: في ايه بس يا طنط.
داليا(بعصبية): مفيش حاجة يلا بينا عايزة اروح.
جنون: الواحد مبيقولش عايزة اروح كدة عفكرة. يلا يا ستي هروحك.
اياد: عربيتي.
جنون: بتقول حاجة يا اياد؟!
اياد: باشا براحتك طبعا.
جنون: يلا يا شذي.
اياد: يعني عربيتي و شذي مع بعض يعني.
جنون(بحدة): اياد.
سجي: عايز تتضرب يعني انت اوف توبة توبة.
جنون و داليا و شجن و شذي ركبوا العربية و روحوا علي البيت...
اياد: يلا اركبوا يلا.
فارس: تتعوض يا عم يلا.
عطر: عايزة انام اوف يلا.
سجي: دايما عايزة تنامي.
فارس: يلا بقي.
و ركبوا عربياتهم و روحوا ل بيتهم.
عند الباقي...
جهاد: انت كويس يا حبيبي؟
كنان: ايوه.
فريد: جهاد اوبي ندي خشوا الفيلا.
جهاد: بس.
فريد(بحدة): يلا علي جوا.
جهاد و ندي و أوبي دخلوا الفيلا و كل شخص دخل اوضته.
فريد: اللي بيحصل كتير يا كنان و لازم تحطوا حد للموضوع ده.
شهاب: ممكن عادل يا فندم.
علي: معتقدش...
نور: متنسوش انه هرب يعني ممكن هو.
تامر: فعلا.
كنان: بس انا كنت المقصود.
فريد: ده اللي هيجنني.
نور: ممكن اللي حاول يخلي جنون و كنان يبعدوا عن شغلهم...
تامر: ممكن اوي بس، ممكن برضو حد من الناس الروس...
كنان: معتقدش انهم هيأخدوا خطوة مباشرة لا. و كمان احنا قبضنا علي كبيرهم و زمانه خد اعدام دلوقتي.
فريد: عموما خلاص. كنان اسبوع بالظبط و هتطلق جنون...
كنان: تمام...
فريد: هترجعوا للمبني و هيكون ليكوا مكتب غير مكتب جنون و فريقها بس في نفس المبني.
شهاب: حاجة حلوة انا بقيت صاحب اياد و فارس اوي.
فريد: ايه رأيك يا كنان جنون فعلا بنت تقدر تعتمد عليها و انها مش زي كل البنات. غيرت فكرتك؟
كنان: عايز انام.
كنان طلع علي اوضته و غير هدومه و اترمي علي السرير و بعد فترة بدأ يحلم...
-الحلم...
كنان ماشي في مكان غريب عليه بس كله ضلمة و في اضواء بسيطة بس.
كنان سمع صوت صريخ راح ناحية الصوت لقي بئر...
كنان: حد هنا؟
جنون(بصوت عالي): الحقوني...
كنان(بصدمة): جنون!
جنون(بعياط): الحقني يا كنان انا خايفة اوي...
كنان: أهدي متخافيش هساعدك...
كنان قعد يدور علي اي حاجة تساعده لقي حبل و بدأ ينزله ل جنون...
كنان: امسكي في الحبل و انا هشدك يلا.
جنون مسكت في الحبل و كنان ساعدها تطلع.
كنان: انتي كويسة؟
جنون(بتأخد نفسها بصعوبة): اه.
كنان: طيب.
جنون لسة هتتكلم بس وقعت علي الارض اثر ضربة خدتها من شخص مجهول.
كنان(بصدمة): انتي؟!
ست: اه.
الست دي مسكت سكينة و قربت من جنون و فصلت رأسها عن رقبتها.
كنان(بصريخ): جنووووووووون...
-كنان قام مفزوع من النوم عرقان مش قادر يأخد نفسه...
كنان: اعوذ بالله من الشيطان الرجيم. اعوذ بالله من الشيطان الرجيم...
كنان قام و غسل وشه و نزل اوضة الرياضة بدأ يلعب علي الاجهزة...
-في مكان تاني...
عند جنون...
جنون منامتش خرجت من اوضتها لقت مامتها قاعدة في الصالة.
جنون: مالك منمتيش ليه؟
داليا: مفيش.
جنون: لا في، في حاجات كتير بتحصل يا امي انتي بس تعرفيها حصل ايه...
داليا(بحدة): قولتلك مفيش.
جنون(ببرود): طيب بس وقت ما هحط الموضوع في دماغي هعرف.
-جنون سابت داليا و دخلت اوضتها قعدت علي السرير و بدأت تحس بوجع شديد في جمبها و حاولت تستحمل بس معرفتش و مكنتش عارفة تعمل ايه...
تليفون جنون رن بعد فترة، الخط اتفتح...
جنون: خير؟
كنان: احم انتي لسة صاحية؟
جنون: يفرق في ايه؟ عايز ايه يا كنان؟
كنان: مش جايلي نوم لو انتي كمان مش جايلك نوم ممكن نتمشي شوية.
جنون: طيب هلبس.
كنان: انا قدام بيتك مستنيكي.
جنون(بغباء): قدام بيتي ازاي يعني؟
كنان: انجزي.
جنون: طيب.
جنون طلعت هدوم ليها و بدأت تلبس.
جنون لبست بنطلون جينز و تي شيرت احمر بحمالة عريضة قصير لغاية الخصر و لبست كوتشي ابيض و سيبت شعرها علي ورا.
جنون خرجت براحة و بصت علي مامتها لقتها دخلت اوضتها و نامت. جنون خرجت لقت كنان بره و ساند علي عربيته...
جنون: اممم غريبة كنان بيه بنفسه هنا.
كنان: تحبي نلف بالعربية و لا نتمشي؟
جنون(بتعب): يلا نتمشي.
كنان: طيب. حاسة بحاجة؟
جنون: لا خالص انا كويسة. يلا بينا.
كنان: طيب.
جنون و كنان بدأوا يتمشوا و محدش بيتكلم.
كنان: احم عندك كام سنة؟
جنون: 100.
كنان: بتهزري؟
جنون: اكيد يا ابني، مالك متوتر كدة ليه؟
كنان: مالي اهو انا كويس.
جنون: باين باين، انا عندي 25 سنة.
كنان: صغيرة يعني.
كنان: متجوزتيش ليه لغاية دلوقتي؟
جنون: الجواز مش في دماغي اصلا و كمان هلاقي حد يتقبلني زي ما انا و يوافق علي شغلي و ظروفه.
كنان: اه تمام، تعبتي نقعد شوية؟
جنون: لا نتمشي لو انت تعبت ممكن نقعد.
كنان: لا انا خايف علي الجرح بتاعك ممكن يكون وجعك...
جنون: الوجع هيأخد وقته و يروح. لكن في وجع متقدرش تمحيه مهما عملت.
كنان: باباكي توفي امتي؟
جنون: و انا داخلة ثانوي.
كنان(بضحك): علشان كدة ملحقش يقص لسانك.
جنون: ظريف.
جنون حطت ايديها في جيوبها و كملت مشي...
كنان: اسف لو كنت ضايقتك او فكرتك يعني.
جنون(بتنهيدة): يا ريت لو كل حاجة تنتهي بالاسف يا كنان. عموما يا عم منستش علشان افتكر...
كنان: اووووووه بقينا في دراما أوفر.
جنون: اوي اوي الصراحة، تيجي نتسابق؟
كنان: نيجي ليه لا؟
جنون: لغاية اخر كرسي اللي جمب العمود.
كنان: تمام.
كنان: 3 2 1...
كنان و جنون بدأوا يجروا و جنون هي اللي فازت.
جنون(بفرحة): هيصة انا اللي فزت.
كنان: تعرفي اني متعودتش اخسر علفكرة.
جنون مسكت ايد كنان و جريت لغاية ما وصلت للمكان اللي كانوا فيه.
جنون(بغمزة): خليتك تكسب اهو...
كنان: متشكر ل كرمك.
كنان: يلا اروحك.
جنون: اسمها يلا اجي معاكي، لكن اعرف اروح لوحدي يا معلم.
كنان: الصبر.
بعد فترة كنان و جنون رجعوا ل بيت جنون.
جنون: عايز حاجة؟
كنان: لا.
جنون: باي.
جنون كانت هتمشي بس كنان مسك ايديها و شدها ناحيته و باس خدها...
كنان(بغمزة): اشوفك بعدين.
كنان ركب عربيته و مشي و جنون بصت مكانه و دخلت البيت و دخلت اوضتها...
-في الصباح الباكر...
في بيت جنون.
داليا: شجن شجن يلا قومي.
شجن(بنوم): ايه يا ماما؟
داليا: قومي يلا مش وراكي شغل.
شجن: اه افتكرت. جنون صحيت؟
داليا: هروح اصحيها، يلا قومي.
شجن: طيب.
شجن قامت خدت دوش و بدأت تغير هدومها.
شجن لبست جيبة قصيرة باللون الاحمر واسعة و فوقها تي شيرت باللون الاسود بنص كم. و اختارت كوتشي ابيض و رفعت شعرها ديل حصان و خدت شنطة باللون الاسود.
شجن: حاضر حاضر.
شجن راحت فتحت الباب لقت شذي.
شذي: اهلا يا بت يا شجن.
شجن: بيئة.
شذي: دبش زي اختك.
شجن: متشكرة.
داليا: ادخلي يا شذي.
شذي: شكرا يا طنط. فين جنون؟
داليا: صحيتها زمانها بتأخد دوش.
شذي: طيب هدخل ليها.
شذي دخلت و رمت نفسها علي سرير جنون. جنون خرجت.
جنون(بصدمة): يا نهارك اسود اخرجي بره.
شذي: في ايه يا بت؟
جنون(بعصبية): اخرجي يا حيوانة بره.
شذي: يا نهار اسود بتتكسفي مني.
جنون: يلا يا بت بره.
شذي: حاضر حاضر. اومال لما تتجوزي؟
جنون: هنيمه عند امه.
جنون طلعت هدوم ليها و بدأت تلبس.
جنون لبست بنطلون تلجي و فوقه تي شيرت كافيه واسع ب ¾ كم ضيق من فوق و واسع من تحت و لغاية الخصر. و اختارت صندل اسود بكعب و اختارت شنطة ضهر اسود و عملت شعرها ضفيرة و نزلت كام خصلة منها.
جنون: صباح الخير.
الكل: صباح النور.
جنون: اتصلي ب اياد يا شذي قوليله هو و فارس يكونوا في المبني قبلنا.
شذي: حاضر.
شذي طلعت تليفونها و اتصلت ب اياد.
الخط اتفتح...
اياد: ازيك.
شذي: تمام الحمد لله. انت اخبارك ايه؟
اياد: كويس. عايزة حاجة؟
شذي: اه عدي علي فارس و اسبقونا في المبني.
اياد: طيب باي.
-اياد عدي علي فارس و راحوا للمبني...
جنون: شذي عدي خدي سجي و عطر. يلا يا شجن اوصلك.
جنون: عايزة حاجة يا ماما؟
داليا: لا خلوا بالكوا من نفسكوا.
جنون خرجت و بصت علي بيت جورچ.
جنون: استني يا شجن، ثانية و جاية.
جنون راحت ل بيت جورچ و خبطت الباب.
جورچ: مين؟
جنون: انا جنون يا جورچ.
جورچ فتح الباب بسرعة و جنون اتصدمت لما شافت وشه.
جنون: مين عمل فيك كدة؟!
جورچ: شوية بلطاجية. حمد لله بالسلامة.
جنون: عملت محضر؟
جورچ: لا.
جنون: ازاي يعني؟ تعالي نعمل محضر.
جورچ: بعد اذنك سيبيني و امشي و متعبرنيش تاني.
جنون: ازاي؟ انت مجنون؟
جورچ: هددوني هددوني بيكي، ابعدي عني.
جنون: مين هما؟
جورچ: اهلي اللي انتي جبتي حقي منهم بالعافية.
جنون: اتجننوا دول.
جورچ: امشي بقي.
جنون: طيب يا جورچ بس مش هسيبك ل فترة كبيرة.
جنون نزلت و ركبت الموتسكل و وراها شجن و اتحركت بأقصي سرعة عندها...
-في مكان تاني...
في فيلا فريد.
ندي: انا ماشية عن اذنك.
جهاد: راحة فين؟
ندي: النادي.
جهاد: شايفاكي بقيتي بتحبي النادي يعني.
ندي: هو غلط.
جهاد: لا بس مش دي ندي اللي بتحب الرسم.
ندي: تمام عن اذنك.
ندي خرجت و ركبت عربيتها و راحت النادي.
جهاد: سيدة تعالي.
سيدة: نعم يا هانم...
جهاد: ...
سيدة: امرك يا هانم...
أوبي: صباح الخير.
سيدة: صباح النور يا بيه.
أوبي: حضري الفطار بسرعة ورايا شغل.
جهاد: تعالي هنأكل مع بعض.
أوبي(باستغراب): تمام.
جهاد و أوبي بدأوا يأكلوا.
جهاد: اعمل حسابك اخر الاسبوع هنروح نخطبلك.
أوبي: لا ثانية تخطبوا ل مين؟
جهاد: ليك لو انت مش سامع يعني.
أوبي: بابا هو كمان؟!
جهاد: اه، بنت مدام سعاد بنت حسب و نسب و محترمة و عائلتها غنيه.
أوبي: مرفوضة تمام لو بابا موافق او انتي برضو لا و محدش هيغصب عليا.
أوبي قام بغضب و ركب عربيته و راح ل شغله...
كنان: مساء الخير.
جهاد: مساء الخير...
كنان: مالك قالبة وشك كدة ليه؟
جهاد: اخوك مش عايز يتجوز.
كنان: طيب ما هو براحته...
جهاد: لا طبعا، و كمان انت كمان لازم تتجوز بنت الوزير.
كنان(ببرود): طيب، عن اذنك.
جهاد: استني.
كنان ساب جهاد و راح علي عربيته ركبها و راح علي بيت شهاب.
عند شهاب.
شهاب: مين؟
كنان: انا كنان يا شهاب.
شهاب: طيب جيت اهو.
مامت شهاب: اهلا اهلا يا كنان اتفضل ادخل.
كنان: ازيك يا طنط.
مامت شهاب: الحمد لله في نعمة.
شهاب: تعالي يا ابني. ايه اللي جابك؟
كنان: بعدي عليك عادي.
شهاب: مش مصدقك بس ماشي، هأخد الجاكت و نمشي...
كنان: طيب يلا بينا.
كنان و شهاب راحوا علي المبني.
عند نور.
نور: هاي تيمو.
تامر: قولتلك اسمي تامر طلعتي منين ب تيمو دي...
نور: طيب يا عم تيمو...
تامر: هضربك يلا اركبي.
نور: اومال فين علي؟
تامر: راح بعربيته.
نور: تمام يلا يا بطل.
تامر ساق و وصلوا للمبني و دخلوا مكتبهم الجديد.
علي: اخيرا جيتوا انا مليت.
نور: معلش.
شهاب: مساء الخير.
الكل: مساء النور.
كنان: جه الملف الجديد؟
علي: ايوه و قرأت منه شوية.
نور: كنان عندي سؤال؟
كنان: قولي.
نور: هو عادل ايه مصيره؟
كنان: لما نلاقيه يا نور...
نور: طيب.
كنان: ورينا قضية ايه؟
علي: قضية نوعا ما مختلفة.
تامر: ازاي؟
علي: عصابة موجودة في مصر بتبيع اعضاء للناس اللي محتاجة بمبلغ مالي كبير.
كنان: بس ده مش شغلنا، الشرطة العادية تقدر تقبض عليهم.
علي: حاولوا مقدروش و كمان العملية محتاجة خطة و سرية تامة، لان في ناس من الشرطة اكيد بتتعامل معاهم و هتقولهم بالمستجدات.
كنان: تمام...
-في مكان تاني...
في الشركة...
شجن: مساء النور...
اوبي ساب شجن و دخل مكتبه. شجن دخلت وراه.
شجن: مالك مضايق ليه؟
أوبي: مفيش انا كويس.
شجن: لا باين عليك.
أوبي(بحدة): مفيش حاجة و يلا علي مكتبك.
شجن(بضيق): تمام.
-شجن خرجت و طول اليوم بتتكلم مع اوبي في إطار الشغل و بس و أوبي حاول يعتذر بس شجن مودتهوش فرصة...
-في مكان تاني...
عند جنون...
جنون بعد ما وصلت شجن ل شغلها راحت علي المبني...
جنون دخلت بكل ثقة و رقي و الكل كان بيسلم عليها.
جنون دخلت اوضة المراقبة و قفلت الباب وراها...
موظف(بتوتر): رعد بيه.
جنون: هششش في ايه جنابك متوتر ليه؟
موظف: لا مفيش حاجة يا فندم. حضرتك عايز حاجة؟
جنون: عايزة حاجة طبعا.
جنون حاوطت الموظف في الكرسي بتاعه.
جنون: هسأل سؤال واحد هتجاوب ب صدق هسيبك.
موظف: حاضر يا فندم...
جنون: الفيديو بتاعي انا و كنان بيه مين نشره و ازاي مش موجود في تسجيل الكاميرات.
موظف: معرفش يا رعد بيه.
جنون(بحدة): انجز و متلفش...
موظف: معرفش و الله معرفش.
جنون طلعت مسدسها من ورا ضهرها و وجهته ناحية الموظف...
موظف(بخوف): و الله ما اعرف. مكنتش موجود ساعتها...
جنون: كنت فين و مين كان موجود؟
موظف: الامان؟
جنون: معاك الامان انطق.
موظف: ساهر بيه جه و كان عايز يشوف تسجيل اوضته لانه ضيع مفاتيحه...
جنون: ها اخلص و بعدين؟
موظف: انا رفضت بس هو سكتني ب فلوس. و بعدين قولتله هدخل الحمام خرجت لقيته مشي، فشكيت فيه بس...
جنون(لنفسها): يا ابن ال...
جنون: طيب الكلام ده متقولهوش لاي حد. فاهم؟
موظف: حاضر حاضر.
جنون: تمام...
جنون خرجت و راحت لاوضة مكتبها...
جنون: ايه القضية الجديدة؟
اياد: لا لازم جنابك تشوفي بنفسك.
جنون بصتله باستغراب و مسكت الملف بتاع القضية و بدأت تقرأه.
جنون: طيب و فيها ايه؟ ارهابين عادي.
فارس: احنا قولنا مش هنستلم قضايا فيها إرهابين يا جنون.
جنون: ليه بقي؟
شذي: علشان.
جنون(بحدة): هنشتغل و دي قضية مش هضيعها علشان شوية كلام فارغ.
سجي: بس ده مش كلام تافه.
جنون: فارس ابدأ في مراقبة الارهابين دول.
اياد: اخر كلام؟
جنون: ايوه.
عطر: تمام هروح اجمع اكبر قدر من المعلومات.
جنون: تمام.
و الكل بدأ يشتغل لغاية ما جه وقت استراحة...
جنون: هروح اوضة الاجتماعات تعالوا لما تخلصوا.
فارس: ربنا علي المفتري...
جنون دخلت اوضة الاجتماعات لقت فرقة كنان.
جنون: هاي.
نور: هاي ياااااه اخيرا هشوفك كتير بعد كدة.
جنون: اه...
علي: اومال فين الباقي؟
جنون: لسة مخلصوش شغلهم بعد ما يخلصوا هيجوا.
الباب خبط.
جنون: اتفضل.
شهاب: طبعا يا عم انتي الاقدم.
جنون: طيب.
محمد: ازيك يا جنون.
جنون: الحمد لله يا عمو، عايزة فنجان قهوة عقبال ما الباقي يجي.
محمد: حاضر يا حبيبتي. لحظة.
تامر: تأكلي نزود في الطلبات؟
جنون: طلبتوا من فين؟
علي: من مطعم كنتاكي.
جنون: لا عمو محمد مخلف ولد و فاتح مطعم خرافة اطلب ليكوا.
اياد: اوف اخيرا خلصت، طلبتي اكل يا جنون؟
اياد: اهلاااااااا...
نور: اهلا.
فارس: اوف يا شيخة هم ربنا علي المفتري.
جنون(برفعة حاجب): بتقول حاجة يا فارس؟
فارس: طلبتي الاكل يا روحي.
جنون: جتك مصيبة في شكلك.
سجي: كدة تمام خلصت مهمتي.
عطر: المعلومات اللي وصلتلها علي مكتبك.
شذي: اسبوع اجازة بقي.
جنون: بعد الاكل هنبدأ يا روحي.
محمد: اتفضلي القهوة.
جنون: شكرا، كلملي بقي عبد الرحمن يجبنلنا 11 عيش سوري و 11 بيتزا بالفراخ.
محمد: حاضر يا حبيبتي.
فارس: علي حسابك.
جنون: من امتي و انتوا بتدفعوا؟
شذي: شكلك ووووووووووووحش.
فارس: ظريفة.
نور: بحب اوي هزاركم مع بعض.
جنون: هزار الخدامين ده اه عارفاه...
اياد: لا و النبي...
عطر: عجبكم الشغل هنا؟
كنان: مش بطال لسة اول يوم.
علي: بس اكيد مش اخر يوم و الايام جاية كتير.
تامر: مدلوق الواد ده.
بعد فترة جه الاكل و الكل بدأ يأكل.
كنان: لا تصدقي الاكل طلع حلو.
جنون: طبعا يا ابني.
نور: نشوفكوا بعدين.
جنون: اكيد يلا باي.
الكل بدأ يشتغل و خلص اليوم و الكل روح علي بيته نام...
-في الصباح الباكر...
في بيت جنون...
داليا: جنون قومي بسرعة جنون جنون.
جنون(بخضة): ايه في ايه؟
داليا: في واحد من المحكمة عايزك بره.
جنون: عايزني انا.
داليا: انتي مش سامعة اغسلي وشك يلا بسرعة.
جنون: طيب طيب.
جنون دخلت غسلت وشها و خرجت.
جنون: اهلا و سهلا.
شخص: حضرتك جنون سيف الدين؟
جنون: ايوه انا.
شخص: الجواب ده ليكي من المحكمة، و ده جواب تاني.
جنون: اه تمام...
شخص: اتفضلي امضي هنا.
جنون: تمام.
جنون مضت و خدت الجوابات و قفلت الباب.
داليا: في ايه؟
جنون: اكيد شغل.
جنون فتحت الجواب بتاع المحكمة و فتحت عينيها علي آخرهم...
جنون(بصدمة): يا نهار اسود...