رواية حرب الحب للكاتبة سلسبيل كوبك الفصل الحادي والعشرون
ان جنون خرجت للجنينة و حست بحاجة غريبة. جنون بدأت تمشي بخطوات محسوبة و ب حذر...
جنون(بذهول): ماما!
جنون جريت علي داليا و خدتها في حضنها.
جنون: مالك؟ في ايه؟ انتي كويسة؟
داليا(بتعب): اه.
جنون: في ايه مالك عرقانة و ايدك حمراء.
داليا: عايزة انام يا جنون.
جنون: طيب. تعالي معايا.
داليا مشيت قدام جنون و جنون قبل ما تمشي بصت حوالين البيت و ملقتش حاجة.
جنون: ايا كان انت مين مش هتدوم كتير...
جنون(لنفسها): في سر مخبياه يا ماما و مش هسمحلك تخبياه اكتر من كدة. السر ده شخص.
جنون راحت ل مامتها و نيمتها في السرير بتاعها و غطتها...
داليا: سيبيني و اطلعي يا جنون. هنام.
جنون: طيب يا امي.
جنون جابت كرسي و قعدت قدام سرير داليا اللي نامت علطول.
جنون: اوف يا تري في ايه انا زهقت مش عارفة احل ايه و لا ايه.
-في الصباح الباكر...
جنون منامتش من امبارح و فضلت صاحية لغاية ما داليا صحيت...
داليا(بخضة): جنون.
جنون: انتي كويسة؟
داليا: اه يا حبيبتي. ايه اللي جابك هنا؟ و مغيرتيش هدومك ليه؟
جنون: نسيت، قومي يلا اغسيل وشك هستناكي.
داليا قامت دخلت الحمام و هي مطمنة ان جنون معاها...
جنون: في عينك نظرة خوف يا امي.
داليا خرجت من الحمام و لقت برضو جنون لسة قاعدة.
جنون: امي مفيش اي حاجة عايزة تقوليها؟
داليا(بتوتر): حاجة زي ايه يا جنون؟
جنون: لو خبيتي علي الدنيا مش هتخبي عليا يا امي.
داليا: مفيش حاجة يا بت انا فل اهو، يلا بس اجهز الفطار...
جنون خرجت و راحت علي اوضتها غيرت هدومها.
جنون لبست بدلة شغل باللون الاسود. بنطلون اسود و تي شيرت بحمالة عريضة توب باللون الابيض و جاكت بدلة باللون الاسود. و لبست كوتشي باللون الابيض عالي. و سيبت شعرها علي ضهرها و كتفها و اختارت شنطة ايد باللون الابيض في اسود.
جنون: كويس انك صحيتي، بعد ما تأكلي يا شجن قومي البسي هوصلك في طريقي.
شجن: تمام.
داليا: مش هتأكلي يا حبيبتي؟
جنون: لا مش دلوقتي.
داليا: طيب يا حبيبتي براحتك.
جنون خرةت قعدت بره في الجنينة لغاية ما شذي نزلت.
شذي: بخ.
جنون(بابتسامة): صباح الخير.
شذي(بغمزة): هو كنان عامل شغل و لا ايه؟
جنون: الله يخرب بيتك سديتي نفسي.
شذي: خلاص اسفين يا صلاح.
و بعدين لاحظوا عربية اياد جاية.
اياد: صباح الخير عليكوا...
جنون: كويس انك جيت خد البت دي من هنا و بالمرة ظبطوا خطط فرحكم و هاتي مفاتيح عربيتك.
اياد(بصدمة): انتي وافقتي؟
شذي(لنفسها): الله يلعنك يا جنون. احرجتيني.
شذي(باحراج): احم هو.
جنون: روحوا كملوا كلامكوا في الطريق يلا.
اياد مسك ايد شذي و ركبها عربيته و غمز ل جنون قبل ما يمشي.
شجن: انا جييييت...
جنون: يلا اركبي...
في عربية شذي و اياد.
اياد: احم احم.
شذي لا رد.
اياد: احم.
شذي: ايه في ايه يا عم؟
اياد: ايه في ايه انتي؟ يعني قولتلك بحبك و جنون قالت انك موافقة يعني حسي شوية.
شذي: ايوه بحبك خلاص يا بغل.
اياد(بحب): قولتي ايه؟
شذي(بغباء): يا بغل.
اياد(بحب): لا اللي قبلها.
شذي: خلاص.
اياد: اللي قبلها.
شذي: ركز في السواقة ياض، و بص قدامك و اعدل المراية بدل ما اعدلك انا.
اياد(بغمزة): بحب كدة.
شذي: يا ربي علي الاحراج. ياض مالك ياض بيا.
اياد: مراتي المستقبلية.
شذي: الصبر يا رب، ان شاء الله.
اياد وصل المبني و هو نازل قابل شهاب و تامر...
شهاب: ايه لعبت معاك؟
اياد: ايوه يا عم...
شذي: انا راحة اشوف شغلي ناس فاضية.
شذي سابتهم و مشيت و هي مبتسمة اوي.
تامر: يلا بقي فرحونا شوية.
اياد: هو ان شاء الله لو لينا نصيب. هنعمل حفلة بسيطة لانها وحيدة و انا وحيد.
شهاب: و احنا روحنا فين؟
تامر: دي هتبقي ليلة.
عطر(و هي بتأخد نفسها): جنون جت؟
اياد: لا يا بنتي لسة بدري.
علي: قولتلك لسة بدري.
تامر: الباشا كان فين؟
علي: مع العسل كله.
عطر(باحراج): عن اذنكوا.
عطر سابتهم و طلعت جري علي مكتبها.
اياد: اوبا لا اكاد اموت...
علي: ما تهدوا بقي. ما صدقت البت قبلت اوصلها.
شهاب: سجي مجتش معاكوا ليه؟
علي: علشان متبقاش عازل.
شهاب: يا واطي.
كنان: صباح الخير. متجمعين علي خير ان شاء الله.
اياد: عن اذنكوا.
كنان: استني يا اياد عايزك، الباقي اسبقوني علي فوق.
شهاب و تامر وعلي بصوا ل بعض باستغراب و مشيوا.
اياد: خير؟
كنان: في ايه؟ مش طايقني.
اياد: عادي.
كنان: عموما اسف ليك لو زعلتك في يوم.
اياد: طيب، و يا ريت ننجز في موضوع طلاق جنون. عندي ليها عريس احسن.
كنان(ببرود): متعرفش انه جالها عريس امبارح و هي وافقت.
اياد(بسخرية): كداب. جنون مبتعملش حاجة من غير ما تقولي.
كنان: بس عملت عارف ليه. علشان خاطري جنون وافقت تكمل معايا باقي حياتها. وافقت تكون ملكي انا.
كنان: بمعني اصح انا عريس امبارح و اللي جنون وافقت عليه.
اياد(بغضب): انت كداب فاهم، جنون بتكرهك.
كنان(ببرود): شكلك بتتكلم علي نفسك.
كنان كان هيمشي بس اياد مسكه من قميصه و ضربه بوكس.
جنون(بعصبية): ايه اللي بيحصل هنا؟
جنون راحت وقفت بين اياد و كنان.
جنون(بعصبية): ممكن حد يفهمني اي اللي بيحصل هنا؟
اياد(و هو بيشد جنون): تعالي معايا.
كنان: محدش هيأخد مراتي بعيد عني.
كنان شد جنون ل حضنه و مسكها ب تملك.
جنون(بحدة): في ايه منك ليه؟ حصل ايه؟
اياد(بغضب): انتي فعلا ناوية تتجوزي الراجل ده. و فعلا هو كان عريس امبارح و انتي وافقتي عليه.
جنون بصت ل كنان ب غضب و هي علي آخرها.
كنان: لو مش مصدق تقدر تروح تسأل شذي و شجن مدام داليا.
اياد: ما تردي يا جنون...
كنان: ايوه قولي الحقيقة.
جنون(لنفسها): لو حد يدخل جوايا هيلاقي نار الحرب شغالة جوا لكن محدش بيحس...
جنون(لنفسها بوجع): آآآآآآآآآه يا رب فكها...
جنون(بحدة): بس بطلوا لعب العيال الصغير ده.
جنون: في ايه؟ شايلين من بعض ليه؟ لو انا السبب فاوعدكم مش هتشوفوا وشي تاني و انا لما بوعد بوفي.
اياد: بس.
جنون: اياد اطلع شوف شغلك...
اياد(بغضب): طيب.
جنون: مبسوط؟ رد ها مبسوط؟
جنون: ابعد عن حياتي يا كنان ابعد. انسي كل حاجة مفيش حاجة اسااسا.
كنان: جنون ان...
جنون(قطعت كلامه): عن اذنك...
جنون سابت كنان و دخلت المبني.
نور: كنان.
كنان: ها؟ ايه؟
نور: مالك يا كنان؟ احنا اخوات و بتحكيلي كل حاجة. و انا شايفك حزين دلوقتي.
كنان: بعد الشغل يا نور بعد الشغل حاضر.
نور: طيب يا حبيبي يلا بينا.
كنان و نور دخلوا المبني. فارس و سجي جم.
فارس: توصيلة مجاني اهو.
سجي: متشكرين. يلا بينا جنون شكلها وصلت.
فارس: يلا دي هتعلقنا.
فارس و سجي دخلوا المبني و لقوا كنان و نور.
كنان: اهلا بيكوا.
سجي: هاي.
نور: ثنائي حلو...
فارس: تفي من بوقك. انا بحب واحدة يا بت انتي...
سجي: طب اجبر بخاطري طب.
كنان: يلا بينا.
عند جنون.
ساهر: جنون.
جنون: مش فاضيالك يا ساهر.
جنون كانت هتمشي بس ساهر مسك ايديها و شدها.
جنون(بحدة): ايدك لاقطعهالك. انت استحلتها و لا ايه؟
جنون: عايز ايه يا زفت انت؟
ساهر: انتي برضو مش ناوية تتجوزيني؟
جنون: لا مش ناوية، و بالذات بعد ما نشرت الفيديو لو فاكرني مش عارفة تبقي غبي. انا عارفة و ساكتة بمزاجي انا.
ساهر: انا عملت كدة علشان بحبك.
جنون: متشكرة و الله بس ميلزمنيش حبك.
ساهر: بس.
جنون: هش هش ساهر قولتلهالك مرة. انا قلبي ميت و مش باقية علي حد و معنديش وقت للحب والتفاهات دي...
جنون: احذر مني يا ساهر. و اياك تحاول بس تعمل اي غلطة متعجبنيش، ساعتها هحول قيمتك زي قيمة التراب الكل بيدوس عليه.
جنون قربت من ساهر و ظبط لياقة القميص بتاعه.
جنون: ابعد عني يا ساهر.
جنون سابت ساهر كملت مشي و كان في اخر الممر كنان و نور و فارس و سجي...
اياد(بغضب): انتي فعلا هتتجوزي الراجل ده؟
كنان: محدش هيأخد مراتي مني. هي ملكي...
داليا: مش هخبي حاجة هخبي ايه يعني يا جنون...
ساهر: مش ناوية تتجوزيني.
عادل: انت برضو بصيت ليها بغرض الاستمتاع. زي ما انا بصيت ليها.
كنان: جنون انا بحبك...
فريد: كنان فعلا بيحبك.
: فاشلة و مش هتوصلي. جبانة ضعيفة.
: انتي بنت عارفة يعني ايه بنت.
: بره اخرجي بره.
(بوجع): كفاية ارجوك كفاية...
(بصريخ): الحقونا. الحقينا ارجوكي
(بصريخ): انتي السبب انتي السبب.
: يا حرام...
(بصريخ): حرام حرام...
: ملكوش اي لازمة. بره...
: بمزاجي.
(بصريخ): لااااااااااااااا...
(بصريخ): الحقونا.
كنان: جنون انا بحبك. خلينا ندي علاقتنا فرصة تانية.
جنون كانت وصلت ل كنان و الباقي و وقفت فجأة.
سجي: جنون انتي كويسة؟
جنون فجأة بدأت الدنيا تبقي سوداء و اخر حاجة سمعتها...
كنان(بخضة): جنون!
-في مكان تاني...
في الشركة...
أوبي: شجن تعالي لحظة.
شجن: نعم.
أوبي(باحراج): احم بالنسبة اخر مرة يعني لما كنت متعصب و و.
شجن(برفعة حاجب): و؟
أوبي: انتي فاهمة قصدي ايه.
شجن: ايوه بس احب اعرف انت قصدك ايه برضو.
أوبي: تقبلي يعني نتجوز؟
شجن: من غير ورد و لا شيكولاتة و لا حتى خاتم اسلك بيه سناني.
أوبي: وافقي انتي و انا هعملك كل حاجة.
شجن: هفكر. عن اذنك.
شجن كانت هتخرج بس رجعت تاني.
شجن(ببرود مصطنع): لو وافقت اختي علي اخوك ممكن اوافق.
شجن خرجت و بدأت تشتغل و هي مبسوطة. أوبي كان عايز يقوم يقتلها في ايده.
بعد فترة...
الباب خبط.
أوبي: ادخل.
شجن(بغيظ): انسة سوزي عايزة حضرتك...
أوبي: مين؟
شجن: ام باروكة.
أوبي(بضحك): طيب دخليها.
شجن(بغيظ): تمام.
شجن: ادخل.
سوزي: اطلعي بره.
شجن: مش خدامتك انا يا روح اهلك...
سوزي(بغضب): انتي.
أوبي(بحدة): في ايه؟ ما تسكتوا.
شجن(بغيظ): انت مش شايف هي قالت ايه.
أوبي: خلاص خلاص. عايزة ايه يا سوزي؟
سوزي: ماما قال جت ليا اجي اعزمك تتغدي عندنا النهاردة. و كمان طنط جهاد جاية.
أوبي(ببرود): عندي شغل مرة تانية.
سوزي: بس.
شجن: مسمعتيش عندنا شغل يلا بره.
شجن زقت سوزي بره اوضة اوبي. اوبي كان مبتسم.
شجن: خير؟
أوبي: انا عملت حاجة.
شجن(لنفسها بغيظ): اوووف نفسي اقتلك.
شجن: عن اذنك.
شجن خرجت من المكتب و اوبي كمل شغله...
-في مكان تاني...
في فيلا فريد.
سيدة: راحة فين يا ندي هانم؟
ندي(بتوتر): بتسألي ليه؟
سيدة: جهاد هانم قالت ليا حضرتك متخرجيش بره البيت طول ما هي مش موجودة...
ندي: ازاي يعني؟
سيدة: اسفة دي اوامر الهانم.
ندي(بعصبية): طيب.
ندي طلعت علي اوضتها و مسكت التليفون و اتصلت ب سعيد.
الخط اتفتح.
ندي: اسفة يا سعيد مش هعرف اجي تعبت شوية.
سعيد: كدة مش هقدر اشوف عيونك يا ندي، وحشتيني اوي و الله.
ندي: و انت و الله، بس بابا بس يرجع بالسلامة و هيحل الموضوع.
سعيد: ماشي يا حبيبتي هكلمك بليل. خلي بالك من نفسك.
ندي: حاضر و انت كمان.
سعيد: لا إله الا الله.
ندي: محمدا رسول الله.
ندي قعدت و مش عارفة تعمل ايه و مخنوقة و قعدت تعيط.
-في مكان تاني...
عند جنون.
جنون بدأت تفوق فتحت عينيها لقت انها في اوضة ساهر الطبية. و بصت جمبها لقت كنان ماسك ايديها و حاطط رأسه علي السرير و لقت محاليل في ايديها.
جنون: احم...
كنان(بلهفة): فوقتي؟! عاملة ايه؟
جنون: كويسة الحمد لله...
كنان قرب منها و باس رأسها و سند رأسه علي رأسها.
كنان: قلقتيني عليكي اوي. بس برضو انا زعلان منك.
جنون: ليه؟
كنان: الدكتور قال انك بقالك يوم و نص مأكلتيش حاجة و كمان باين عليكي انك منمتيش.
جنون: طب ابعد شوية يا كنان...
كنان بعد شوية عن جنون و قعد قدامها تاني...
كنان: استني هروح اجبلك اكل.
جنون: لا المحاليل كفاية.
كنان: لا طبعا هجبلك.
الباب خبط.
كنان: ادخل.
ساهر: طالبينك عاملين اجتماع و اللواء رأفت عايزك.
كنان: طيب روح انت...
ساهر(بغضب مكتوم): تمام.
جنون: قوم روح اجتماعك.
كنان: لا مش مهم.
جنون: كنان بطل لعب عيال، روح اجتماعك اكيد في حاجة مهمة و كمان انا كويسة و هقوم اروح شغلي.
كنان: لما اطمن عليكي و اكلك.
جنون قامت و قعدت علي السرير و شالت المحاليل.
جنون: انا كويسة اهو، و هأكل بس روح شغلك.
كنان: جنون.
جنون: كنان مش وقته يلا روح...
كنان: طيب هوصلك اوضة مكتبك الاول.
جنون: طيب.
جنون لبست جاكت البدلة و الكوتشي بتاعها و عدلت شعرها و مشيت هي و كنان.
كنان: جنون.
جنون: ايه؟
كنان حضن جنون حضن دافئ ل مدة و كان هيبعد لقي جنون ماسكة فيه و مغمضة عينيها ابتسم علي تصرفها...
جنون(لنفسها): خليني كدة علطول...
كنان(بابتسامة): علفكرة ممكن نأخد اجازة و نمشي.
جنون بعدت عنه بتوتر و رجعت شعرها ل ورا.
جنون: يلا روح علي اجتماعك. باي.
جنون سابت كنان و مشيت و راحت ل مكتبها.
فارس: اخيرا فوقتي. حمد لله بالسلامة...
جنون: الله يسلمك، شكرا.
شذي: الف سلامك يا روحي...
سجي: حصلك ايه؟
جنون: لا مفيش شوية ارهاق.
عطر: طب ما تروحي.
جنون: لا لا هشرب فنجان القهوة و هفوق.
جنون: ايه اخر اخبار المهمة يا اياد؟
اياد: اسألي حد غيري.
جنون(بحدة): احنا هنا في شغل. و مبندخلش شغلنا في حياتنا الشخصية ده اللي اتعلمناه، صح يا استاذ اياد؟
اياد(بحدة): و برضو كل اسرارنا كانت مع بعض و كل حاجة بتحصل كنت اول واحد اعرف. دلوقتي كنان بقي رقم واحد في حياتك.
عطر: اهدوا بس اكيد سوء تفاهم...
شذي: اياد جنون مكنتش تعرف. دي طنط داليا حطتها قدام الامر الواقع و جنون اتصدمت...
فارس: ايوه يا اياد و كمان فيها ايه دو جنون وافقت تتجوزه احنا كنا نتمني انها تتجوز هي و باقي البنات. و كمان الراجل محترم فيه بس شوية عيوب بسيطة و جنون هتعدلها.
اياد: هو مش البيه كان عايزك يستمتع بيكي و بس.
جنون(بزعيق): بس بقي بس، ايه مبتراعوش ما بس بقي، حرام.
سجي: خلاص يا جماعة خلينا في شغلنا.
اياد: اسف يا جنون.
جنون: اوف استغفر الله العظيم، ممكن نشتغل بقي؟
الكل: اكيد.
و الكل بدأ يشتغل علي قضيتهم...
عند فرقة كنان...
رأفت: انا جايب ليكوا شخص مهم، و هتستفيدوا منه.
نور: مين هو يا فندم؟ و هنستفيد منه ازاي؟
علي: ايوه ممكن تعرفنا عليه؟
رأفت: اكيد. اتفضل...
-دخلت بنت جميلة و لبسها انيق و شيك باين انها مهتمة بنفسها جدا و كانت مبتسمة.
رأفت: شهد.
رأفت: دي هتبقي عضو جديد في فريق كنان.
كنان: بس يا فندم دي مكنتش تحت تدريبي يبقي مش هقدر اثق فيها...
شهد: انا ليا الشرف اني اكون في فريق اسد المخابرات. ده شئ عظيم بالنسبة ليا و اتمني لو حضرتك تقبلني في فريقك.
رأفت: القرار اتمضي عليه يا كنان. و كمان تقدر تبص علي ملفها و هتقدر تشوف قدراتها. و ممكن تحطها تحت الملاحظة.
رأفت: بس هي من هنا و رايح محسوبة ضمن فريق اسد المخابرات...
كنان: تمام يا فندم.
رأفت: اسيبكوا تتعرفوا عليها عن اذنكوا.
شهد: كان نفسي اقابل حضرتك جدا و اهي الفرصة جاتلي.
شهاب: اهلا و سهلا تشرفنا بيكي...
شهد: شكرا ليك.
نور: هاي انا نور.
شهد: طبعا عارفاكي.
علي: انا علي و ده تامر و ده شهاب.
شهد: عارفاكوا كلكم و بالذات القائد.
كنان: تعالي ورايا.
كنان: روح شوفوا اخر التطورات في العملية. و انت يا شهاب روح شوف اخبار الارهابي اللي الرعد قال عليه.
شهاب: اكيد حاضر.
شهد: هو احنا هنروح فين؟
كنان: هختبرك و اخرك غلطة واحدة ممكن اسامح فيها اكتر من كدة معنديش حاجة غير العقاب.
شهد: بحب العقابات علفكرة.
كنان بصلها باستغراب خارل يداريه و كانوا ماشين شهد اتكعبلت و مسكت في كنان و وقعوا قصاد بعض علي الارض. شهد فضلت باصة ل عيون كنان ل مدة. كنان كان هيقوم بس هي شدته تاني.
شهد: تعرف ان عيونك حلوة اوي يا كنان.
كنان بص يمينه لقي جنون قاعدة علي الارض و حاطة ايديها علي خدها.
جنون: تحبوا اجبلكم اتنين ليمون. و لا تحبوا تروحوا.
شهد: انتي مين؟
جنون: لا يا روحي متشغليش بالك اعتبريني مش موجودة. وقفتي لغاية تعرف ان عيونك حلوة اوي يا كنان كملي كملي.
كنان قام وقف و نفض هدومه و جنون وقفت قصاده.
شهد: مين انتي؟
جنون: لا اسيب ابو عيون حلوة اوي يقولك، عن اذنكوا بوظت اللحظة كملوا كملوا.
جنون سابتهم و مشيت و كنان اتصدم من تصرفها و راح وراها...
شهد: كنان كنان.
كنان مسك دراع جنون و لفها ليه.
كنان: هو انتي يا بت مبتغريش؟
جنون: لا غيرة يعني حب و انا مش بحبك بس.
جنون: روح يا ابو عيون حلوة.
كنان زق جنون علي الحيطة و بص يمينه و شماله.
جنون(بحدة): اللي بتفكر فيه مش هيحصل.
كنان: و الله هنشوف.
كنان قرب من جنون و في اقل من لحظة جنون ضربته في رجله وقع علي ركبه.
كنان(بوجع): يا بنت المجنونة.
جنون: نينيننينينينينيني.
جنون سابته و راحت مكان ما كانت راحة، اما كنان ابتسم لغاية ما فاق علي ايد علي كتفه.
كنان: احم في ايه؟
شهد: انت كويس؟
كنان: اه. تعالي معايا.
كنان راح لاوضة التدريبات و معاه شهد.
كنان: ابدأي.
شهد: مقدرش.
كنان: تبقي مرفوضة من فريقي.
شهد: خلاص.
شهد حاولت تضرب كنان بس هو تفادى كل ضربة.
كنان: ضربك حلو و شكلك متدربة علي مستوي عالي.
شهد: و مع ذلك مقدرتش اهزمك.
كنان: لاني مش اي حد.
كنان كان هيمشي بس شهد شدته ناحيتها و (لخيالكوا)...
كنان اتصدم جدا و شهد كانت مبسوطة.
شهد(بابتسامة): قولت لازم اعمل كدة اول ما اشوفك. عرفت انك بتحب البنت الجرئية.
جنون(بحدة): موبايلك يا كنان.
كنان بص علي جنون و اتصدم اكتر و حول نظره بين جنون و شهد.