رواية حرب الحب للكاتبة سلسبيل كوبك الفصل الثاني والعشرون
كنان كان هيمشي بس شهد شدته ناحيتها و (لخيالكوا)...
كنان اتصدم جدا و شهد كانت مبسوطة.
شهد(بابتسامة): قولت لازم اعمل كدة اول ما اشوفك. عرفت انك بتحب البنت الجرئية.
جنون(بحدة): موبايلك يا كنان.
كنان بص علي جنون و اتصدم اكتر و حول نظره بين جنون و شهد.
كنان جري علي جنون و مسك ايديها.
كنان: جنون انا م.
جنون(بحدة): التليفون بتاعي معاك لما وقعت هاته. خد تليفونك اتبدل.
كنان(بعصبية): اطلعي بره يا شهد.
شهد: بس.
كنان(بعصبية): بره.
شهد خرجت من اوضة التدريب. و كنان و جنون فضلوا واقفين ساكتين.
جنون حطت ايديها علي قفاها و بتحرك رأسها.
جنون: هنفضل ساكتين؟ ممكن موبايلي.
كنان: و الله مكنتش اعرف انها هتعمل كدة.
جنون(بعصبية): انا مالي. انا عايزة موبايلي ورايا شغل الحاجات اللي زي دي حاجات تافهة مبدخلش نفسي فيهم.
كنان: طب اتكلمي بهدوء طيب.
جنون(بغيظ): كنان انت مستفز ابعد من وشي.
-كنان قرب من جنون و مسح الدمعة اللي نزلت منها غصب عنها و باس رأسها و حط رأسها علي صدره.
كنان: اسف بس مكنتش اعرف انها هتعمل كدة.
جنون: عايزة امشي. هات موبايلي.
كنان: عيوني.
كنان طلع تليفون جنون و مد ايده ل جنون.
جنون: كنان هاته بطل رزالة...
كنان(برفعة حاجب): جنون هانم مش عارفة تأخد التليفون.
جنون: اوف يا كنان.
كنان: خديه يلا.
كنان كان رافع ايده ل فوق و ماسك التليفون و جنون بتحاول تأخده.
جنون: طيب.
جنون كعبلت كنان و كان هيقع بس مسك في جنون و وقعوا هما الاتنين سوا.
كنان: و من اعمالكم سُلط عليكم.
جنون: نينينينيننيني، وسع كدة.
كنان قلب الوضعية و خلي جنون تحته و حاوطها علي الارض.
جنون: هيدخل حد علينا ابعد.
كنان: يدخل.
جنون: كنان ابعد. مينفعش كدة ابعد شوية.
كنان: طب هتودي موافقتك لامك امتي؟
جنون: قصدك رفضي رفضي. انا برفض مبحبكش.
كنان: متأكدة؟
جنون: ايوه. و كمان لو وافقت هنقول ل ماما ايه اننا اساسا متجوزين هي اكيد هتجيب مأذون و هتكون عايزة تكتب كتاب. علشان كدة ابعد بقي.
كنان: نحلها ملكيش دعوة، بس وافقي بقي يا جنون حرام عليكي انا كنت مستحيل اعترف ل بنت اني بحبها. معاكي انتي اتخليت عن حاجات كتير.
جنون(و هي مغمضة عينيها): بص يا كنان بحاول دلوقتي مضربكش فابعد عني علشان وشك الوسيم اللي بيعجب البنات الكلبوبات ميحصلوش حاجة.
كنان: طيب.
كنان بعد عن جنون و قام وقف و قوم جنون معاه.
جنون: شكرا.
جنون خدت موبايلها و ودت موبايل كنان ليه و مشيت.
كنان مشي راح ل مكتبه لقي فرقته حتى شهد هناك.
نور: كنت فين؟
كنان: مع جنون.
كنان(ببرود): ودوكي ملف القضية؟
شهد: ايوه...
كنان: عايز اعرف كل حاجة عن تاريخهم و انتي لوحدك اللي هتجبيه في اقل من 48 ساعة...
تامر: مش كتير عليها؟
كنان: لا و لو عرفت ان حد وداها اي مساعدة هيكون ليه عقابه.
علي: طيب.
نور: طيب وقت الغداء جه. يلا بينا اتفقنا مع فارس و الباقي هنروح نتغدي في مطعم. و كمان نحتفل ب شهد لانها جديدة.
كنان: اسبقونا هأخد جنون و اجيلكم.
عند جنون.
جنون: اشمعنا يعني مطعم؟
فارس: تغيير و كمان يعني عادي.
جنون: طيب.
اياد: هاخد شذي تعالوا ورانا.
جنون(بغمزة): ماشية معاك يا عم.
اياد خد شذي و راحوا للمطعم.
فارس: خلع يلا بينا كلنا.
الكل بدأ يخرج و اتقابلوا بره.
كنان: استني يا جنون.
جنون: خير سيد كنان.
كنان: تعال هوصلك و متعترضيش.
جنون: امرك يلا بينا.
جنون و كنان ركبوا العربية و لسة كنان هيتحرك لقي شهد قدامه.
شهد: ممكن توصلوني معاكوا علشان عربيتي عطلت...
جنون: اركبي.
كنان: بس...
جنون: ايه؟ اركبي.
و بعد فترة الكل وصل ل المطعم و قعدوا علي ترابيزة واحدة كلهم.
نور: لا الصراحة اللمة دي حلوة اوي.
تامر: مين سمعك و كل واحد معاه حبيبته.
فارس: ايه ده انا بتشتم يا جدعان فين حبيبتي دي.
الكل ضحك علي فارس و كملوا اكل.
كنان(بهمس): فاضية بليل؟
جنون: خير؟
كنان: اعتبري ميعاد اتنين بيحبوا بعض.
جنون: طب انا هأجي ليه انا مش بحب حد.
كنان: طيب مستنيكي هبعتلك العنوان علي الموبايل.
جنون: متكلفش نفسك و خلاص مش هأجي.
كنان: مستنيكي يا جنون.
اياد: في حاجة؟ ما تتكلموا بصوت عالي.
جنون(بخفوت): يا الله مش هخلص من مشاكلكم انا ناقصاكوا.
جنون: عادي مواضيع عادية...
سجي: سيبهم براحتهم يا اياد بلاش ترخم.
شهاب: شكل اياد بيحب الرخامة.
شذي: احترموا نفسكوا.
اياد: البت دي قلبي.
شذي: بس بقي.
شهد: تعرفوا بعض من امتي؟
عطر: احنا كلنا اتجمعنا في عملية واحدة و بقينا مع بعض من ساعتها.
شهد: كلكم مرتبطين.
نور: كنان و جنون، انا و تامر، اياد و شذي، علي و عطر، شهاب و سجي، فارس.
سجي: لحظة لحظة مين دي اللي مرتبطة ب شهاب؟
شهاب(بغمزة): انتي.
سجي: جبتي الكلام ده منين؟
شهاب: هي واضحة اساسا.
سجي: انت جيت اتقدمت ها؟ لا يبقي خلاص.
شهاب: طيب يوم الخميس انا جاي عادي جدا.
سجي: امشي يا عم من هنا...
شهاب: بتحبني اوي.
فارس: طيب كلكم مرتبطين الا انا، انا ابن البطة السوداء.
جنون(بضحك): يا ابني و الله الارتباط مش حاجة حلوة اقعد اتلهي.
كنان: اديني فرصة و اغيرلك وجهة نظرك دي.
تامر: كنان بيدور علي الفرص.
و قعدوا كلوا و اتكلموا و هزروا و رجعوا شغلهم و بعد فترة الكل بدأ يروح علي بيته...
عند جنون.
شجن: يا جنون ما تروحي بقي متبقيش رخمة.
جنون: لا مش راحة.
شذي: يا ارخم خلق الله روحي ليه ده انتوا متجوزين يعني.
جنون: هش هش وطي صوتك ماما بره.
شجن(بصدمة): انتوا متجوزين؟!
جنون بصت ل شذي بغضب و كانوا نسيوا وجود شجن.
جنون: شجن بصي يعني متفهميش غلط. اتجوزنا شغل.
شجن: ازاي؟
شذي: كانوا مضطرين يا شجن علشان العملية و ساعتها كنان حب اختك و جه اتقدم اهو الواد غلط.
شجن: لا خلاص قومي يلا يا جنون.
جنون: ابدا.
شذي: انا قايمة اقول ل طنط.
جنون: و ربي اربطك في السرير لغاية ما تموتي.
شجن: عن اذنك باي.
شجن طلعت جري و هي بتنادي علي داليا و جنون و شذي وراها...
داليا(بخضة): في ايه؟
شجن: اقول.
جنون(بغضب): و ربي اقتلك.
داليا: قولي يا شجن متخافيش.
جنون: مفيش حاجة يا ماما دي بتستعبط.
شجن: كنان يا ماما عازم جنون علي العشاء علشان يتعرفوا علي بعض اكتر. و هي رافضة.
جنون اتنفست براحة...
شذي: اه و بنتحايل عليها مش راضية.
داليا: اه يا حيوانه قدامي...
جنون: في ايه؟
داليا شدت جنون معاها و دخلت اوضتها...
داليا: خشي البسي ده.
جنون: لا لا.
شذي و شجن: يلا يلا يلا يلا.
جنون خدت الهدوم من مامتها بغضب و دخلت لبسته و خرجت...
داليا: قمر.
جنون: ايه القرف ده امشي بشراشيب انا...
شذي: مبتفهميش في الموضة.
جنون: هاتولي بدلة و لا بنطلون و تي شيرت...
داليا(بحدة): نعم يا اختي.
جنون: يا رب خدني، البس ايه يعني.
شجن: شوفي ده.
جنون دخلت تقيس و فضلت تقيس كتير. و الاوضة اتملت فساتين و هدوم.
داليا: مش عاجبك و لا فستان يعني.
جنون: اه روقوا بقي اوضتي و اخرجوا بره.
شجن: استني.
شجن جريت علي اوضتها و جت.
شجن: ايه رأيك؟
شذي: الله يا بت يا شجن حلو اوي.
داليا: خشي قيسي...
جنون: اوووووووف هاتي.
جنون دخلت تقيس و خرجت.
داليا: هو ده هو ده.
جنون: اوف يا الله حرام بقي.
شذي: جبتيه منين يا بت؟
شجن: لما كنا في المول عجبني قولت اشتريه ل جنون.
جنون(بغيظ): ده انا هطلع عينك بس اصبري عليا.
شجن: ماما.
داليا: متخافيش في حمايتي.
شجن: قلبي يا رب.
شذي: ناقص صندل و مكياج.
جنون: هو كوتشي و شنطة و همشي.
داليا ضربت جنون علي رأسها و وقفتها قدام المراية.
داليا: القمر ده لازم يكون كامل فاهمة.
جنون: ما هو في كل الحالات اسمه قمر.
شذي(بضحك): عجبتني.
جنون: اخرسي يا بت.
و بدأوا يلبسوا ل جنون كل حاجة و هي مش طايقة نفسها.
داليا: لفي و شوفي نفسك.
جنون بصت في المراية و شافت نفسها.
جنون: عادي مش بطال.
جنون كانت لابسة فستان باللون الكشميري الهادي قصير قبل الركبة و بكم طويل و اخر الكم واسع. نازل من علي الاكتاف رقبتها و كتفها باين و ضهرها باين. و لبست صندل كعب بنفس اللون و رفعت شعرها علي شكل كحكة من ورا بس بطريقة حلوة و منزلة كام خصلة علي وشها. و كانت حاطة روچ هادي و كحل حدد عينيها.
جنون: بس.
شجن: ايه قولي فيه عيب...
جنون: يا امي قصير اوي.
داليا: امشي يا بت يلا.
جنون خدت مفاتيح العربية و شنطتها و موبايلها.
جنون ركبت العربية و راحت مكان ما كنان باعت ليها العنوان، تليفونها رن...
الخط اتفتح.
كنان: انتي فين؟
جنون: انا مكان ما انت قولت بس المكان ضلمة مش شايفة اي حاجة...
كنان: طيب عدي المكان ده و هتلاقي انوار كدة.
جنون: طيب خليك معايا.
جنون بدأت تسوق العربية لغاية ما لقت يافتة و وقفت...
جنون: خلاص وصلت...
جنون قفلت العربية و خدت موبايلها و نزلت ببطء.
كنان اول ما شافها فضل واقف مكانه و كان حاسس انه مش قادر يأخد نفسه، مسك بوكيه الورد و قرب منها لغاية ما وقف قدامها.
كنان: احم احم.
جنون(رفعت كتفها): مالك يا ابني؟
كنان: ها لا مكنتش متوقع انك هتلبسي فستان...
جنون(بتوتر): علفكرة مكنتش هلبس كدة بس.
كنان: بس؟
جنون: بس انا اساسا بعد ما اقعد معاك شوية ورايا خروجة.
كنان: و الله؟! يا تري راحة فين؟
جنون: مكان ما اروح يا ابني مالك كدة...
كنان: تمام خدي.
جنون: مكنش ليه لزوم ورد و الشغل ده يعني.
كنان: معلش انا مبذر. هاتي ايدك...
جنون: ليه؟
كنان: في ايه يا بنتي علشان نمشي و نروح نقعد هناك.
جنون: طيب.
جنون ودت ايديها ل كنان و مشيوا...
كان المكان عبارة عن رملة و بحر و المكان ضلمة. و كان علي الارض في شموع علي الجمبين و زي خيمة كدة و تحتها ترابيزة و كرسين و ورود...
-كنان شد الكرسي ل جنون و جنون قعدت و كنان بدأ يحطلها الاكل قدامها و قدامه...
جنون: شكرا...
كنان: قوليلي رأيك؟
جنون: اوعي تقول انك انت اللي عامل ده...
كنان: لا متخافيش.
جنون: اه اصل اخاف علي نفسي اوي...
جنون و كنان بدأوا يتكلموا في مواضيع مختلفة و عدت فترة من الوقت.
كنان(بتسلية): مش علي اساس عندك خروجة.
جنون(بتوتر): اه فعلا، همشي بقي...
جنون كانت هتقوم بس كنان مسك ايديها و قربها منه.
جنون: احم نفسك. ابعد شوية.
كنان: انا عارف ان مش وراكي خروجة و لا حاجة، و كمان احتمال كبير اوي انك لابسة فستان غصب عنك. بس اعتقد انك بتحبي البحر تعالي نقعد قدامه شوية و بعدها روحي.
جنون: لا علفكرة ورايا خروجة و كمان مبلبسش حاجة غصب عني انا لابسة الفستان لان ورايا خروجة بعدك...
كنان: انتي حلوة اوي علفكرة.
جنون(بتوتر): طب مش يلا بينا نقعد قدام البحر.
كنان: تحبي تقعدي علي الارض و لا الكرسي...
جنون: حط حاجة علي الارض و نقعد عليها.
كنان: طيب.
جنون و كنان قعدوا علي الارض و جنون قلعت الصندل...
كنان: بتحبي البحر ليه؟
جنون(بتنهيدة): لانه بيأخد همومنا و مشاكلنا و بيروح بيها ل بعيد، حتى احنا منعرفش بيروح بيهم فين.
كنان: انا مكنتش بحب البحر اوي بس دلوقتي بقيت اعشقه...
جنون(بابتسامة خفيفة): اشمعنا يعني؟
كنان: لانك قاعدة معايا قدامه و لابسة ليا فستان مخصوص و ده مش من عادتك، و مقضية معايا وقت لطيف من غير مشاكل و خناقات.
جنون(بضحكة خفيفة): يا الله متجبش سيرة الخناقات هنتخانق دلوقتي.
كنان: اممممم طيب يا ستي، ممكن اسأل سؤال؟
جنون: اتفضل.
كنان: دايما بلاحظ انك مخبية حاجة...
جنون بصت للبحر كتير و بعدين بصتله.
جنون: ا...
تليفون جنون رن و كنان شتم اللي بيتصل في سره كتير.
جنون(بضحكة): شكلها إشارة علشان متكلمش.
جنون مسكت التليفون و كانت هترد بس كنان خد التليفون و قفله.
جنون: ايه يا كنان هات التليفون...
كنان: انا قافل تليفوني علشان اقعد معاكي. مفيش اي رد علي اي مكالمات.
جنون: كنان مش لعب عيال هات موبايلي ممكن تكون حصلت حاجة.
كنان: هيحصل ايه مثلا، لا يا جنون يلا نكمل كلامنا...
جنون بصت قدامها و بسرعة لفت و حاولت تأخد من كنان الموبايل و كانوا فوق بعض.
كنان: ابدا يا جنون.
جنون: يا كنان في ناس ممكن تكون محتاجاني.
جنون(بصوت عالي): اه.
جنون و كنان اتدحرجوا لغاية ما وقعوا في الماية كانت المسافة صغيرة.
جنون(بشهقة): يا نهار اسود!
كنان: شوفتي بسبب عنادك، اتغرقنا ماية.
جنون(بعصبية): لا بسببك.
كنان بص ل جنون و قرب منها و (لخيالكوا)...
جنون: وسع هروح ازاي كدة اوف.
جنون زقت كنان و قامت وقفت. و كنان قام وقف جمبها.
جنون: اوف الهدوم اتبلت كلها حتى شعري.
كنان: كله بسبب عنادك انا بقيت شوربة.
جنون: هروح ازاي اوف.
كنان: عادي هوصلك.
جنون فكت شعرها و حاولت تنشفه بأيديها.
كنان: علفكرة من قدام شعرك متبلش...
جنون: شكرا علي المعلومة.
كنان(بلامبالاة): معلش مش هتعرفي تروحي الخروجة.
جنون: مش مهم المهم ماما بس متشوفنيش.
كنان: جنون سيبك من اي حاجة، سؤال بس؟
جنون: اممم خير؟
كنان: فرقت معاكي الخروجة دي؟
جنون(مش مركزة): كل حاجة بتعملها فارقة.
كنان ابتسم اوي و قرب من جنون و باس رأسها.
جنون(لنفسها بصدمة): يا نهاري اسود.
جنون: ابعد كدة انت متفرقش معايا اصلا. يلا عايزة اروح.
كنان مسك جنون من كتفها و هزها بشوية حدة.
كنان: جنون انا بجيب آخري بسرعة و انتي بتحبيني و انا بحبك ليه نعذب بعض...
جنون: مش معترفة بالحب مش هعيش نفس اللي غيري عاشه، في ناس كتير اتعذبت بسبب الحب و انا مش عايزة اتعذب انا هفضل كدة قلبي ميت...
كنان: انتي اجمل قلب يا جنون و بسبب قلبك ده انا بقيت ليكي بحبك انتي و الله...
جنون: ايه اللي يثبت انك بتحبني؟ ايه اللي يثبت انك مش هتخوني؟ ايه اللي يثبت انك مش هتظلمني؟ ايه اللي يثبت انك هتفضل مخلص ليا؟ ايه اللي يثبت انك هتفضل معايا و مش هتبعني من اول مشكلة؟ حاجات كتير هتعرف تثبتهم ليا ازاي؟ انا مش هخوض تجربة الحب علي احتمالات...
كنان: هثبتلك ده كله جربيني بس بلاش نبعد عن بعض، خلينا نبقي مع بعض خلينا نكون اسرتنا مع بعض انا ما صدقت الاقيكي ما صدقت اتغيرت ما صدقت لقيت شخص يفهمني و يكون معاايا في وقت احتياجاتي. بحبك و الله...
جنون: كنان نتكلم بعدين. يلا بينا نروح...
كنان: مش هتمشي من هنا الا لما نحل الموضوع ده...
جنون: يبقي انت عايز تنهي الموضوع.
كنان: جنون خلينا نكون مع بعض و منبعدش عن بعض.
جنون حطت ايديها علي وش كنان و قربت منه.
جنون: كنان انا ورايا حاجات كتير لو عرفتها هتكرهني. انا كدبت يا كنان انا الماضي بتاعي مؤلم انا مستحملاه بالعافية انت مش هتقدر.
كنان: مش هجبرك تحكيه بس وقت ما تحكيه اتأكدي اني هقف جمبك و هبقي معاكي للنهاية اوعدك...
جنون: يا.
كنان: علشان خاطري.
جنون: يلا نروح يا كنان...
جنون راحت ناحية العربية.
كنان: هاتي المفاتيح.
جنون ودت ل كنان المفاتيح و ركبوا العربية و وصلوا ل بيت جنون...
جنون: روح بالعربية هبقي اخدها منك بكرة.
كنان: مش جاي بكرة اسااسا و هاخد اجازة اسبوع و احتمال اطلب نقل...
جنون: قول بقي انك عايز تصيع مع كذا بنت. و واخدني حجة.
كنان: انا قولت اني اتغيرت و مش هرجع تاني.
جنون: روح و بكرة في المبني هأخدها منك. باي.
كنان: قولت.
جنون سابته و نزلت من العربية و راحت ناحية الشباك بتاعه و نزلت لمستواه.
جنون: شكلك وحش...
كنان: متشكر.
جنون: يا الله كنان محصلش حاجة ل ده كله.
كنان: تمام.
جنون: بطل برود يا عم، فك وشك.
كنان: هقولك معلومة يا جنون. انا اول ما هجيب اخري هبعد و هدوس علي قلبي و كرامتي لازم احافظ عليها...
جنون(بسخرية): زيك زي الباقي.
جنون سابت كنان و دخلت البيت بتاعها.
داليا(بشهقة): ايه اللي خلاكي شوربة كدة؟
جنون: مش قادرة اتكلم عن اذنك.
داليا: مالك يا جنون؟
جنون: انا كويسة كويسة. كويسة اوي عن اذنك.
جنون سابت مامتها و دخلت الاوضة و قفلت الباب و دخلت غيرت هدومها و خرجت حاولت تنام بس كل ما تتقلب تفتكر كنان لغاية ما فضلت تعيط كتير لغاية ما نامت...
عند كنان.
كنان ساق بسرعة كبيرة و وصل للبيت.
جهاد: اهلا باللي مش معبرني...
كنان(ببرود): مش فايقلك...
كنان ساب جهاد و طلع لاوضته. ندي حست بيه لما جه و راحت لاوضته.
كنان: اطلعي بره يا ندي.
ندي: مالك يا حبيبي؟ امبارح كنت مبسوط مالك النهاردة.
كنان(بدموع): تعبان اوي يا ندي.
ندي قعدت جمبه و خدته في حضنها و كنان عيونه دمعت و حكي كل حاجة ل ندي.
ندي: معلش يا كنان. ممكن تكون مثلا خرجت من تجربة حب فاشلة قبل كدة، ممكن يكون عندها مشاكل.
كنان: انا متأكد انها بتحبني ليه عايزة تبعدنا عن بعض.
ندي: طب نام دلوقتي و نتكلم بعدين، ربنا يهديلك البال.
كنان: شكرا ليكي يا ندي.
ندي: احنا اخوات.
ندي راحت لاوضتها ونامت، و كنان نام مكانه علي السرير...
-في الصباح الباكر...
في فيلا فريد.
جهاد: بما ان الكل مجتمع...
جهاد: ان شاء الله فريد هيقوم بالسلامة، و هنروح نخطب ل أوبي و كنان.
أوبي: ورايا شغل مهم.
جهاد(بحدة): اقعد لغاية ما اخلص كلامي.
كنان(ببرود): احنا رجالة و نقدر نجوز نفسنا و كمان مش بنات علشان تجبرينا.
أوبي: كنان عنده حق. عن اذنك.
أوبي و كنان مشيوا و راح كل واحد ل شغله.
ندي: عن اذنك هطلع البس.
جهاد(بحدة): رايحة فين؟
ندي: راحة مشوار مع صحابي فيها حاجة...
ندي قامت لبست هدومها و نزلت خرجت من الفيلا.
سيدة: تحبي اعملك مساچ يهديكي؟
جهاد(بعصبية): عايزين يحرقوا دمي.
سيدة: كل حاجة بالهدوء يا جهاد هانم. خديهم علي حجرك هيبقوا تحت طوعك...
في مكان تاني.
عند جنون.
جنون: ماما انا خارجة.
داليا: استني يا حبيبتي احكيلي حصل ايه.
جنون: محصلش حاجة اتكلمنا عادي.
داليا: و حاسة ناحيته بأيه؟
جنون: بالرفض يا امي...
داليا: طب صلي استخارة الواد باين انه شاريكي...
جنون(غمضت عيونها): طيب يا امي. عن اذنك...
شذي: عربيتي فين؟
جنون: مع كنان.
شذي(بصدمة): نعم!
جنون: هيرجعها في ايه، روحي مع اياد و خدوا معاكوا شجن.
شجن: لا هأجي معاكي.
جنون: مش فاضية ل لعب العيال ده.
شذي: هتصل ب اياد...
شذي طلعت تليفونها و اتصلت ب اياد.
الخط اتفتح.
اياد: يا صباح الورد و الياسمين.
شذي: صباح النور، فاضي توصلني؟
اياد: دقيقة و اكون قدامك.
داليا: طب خشي البسي حاجة تانية يا جنون.
جنون(بعصبية): عايزين مني ايه؟ ما تسيبوني في حالي شوية. سيبوني اركز في شغلي شوية و ده استايل لبسي من ساعة ما ربنا خلقني هغيره ليه اللي يحبني يحبني زي ما انا و اللي مش عاجبه الباب مفتوح مش همسك فيه.
جنون كانت لابسة بنطلون اسود و قميص اسود و دخلته في البطلون و في ايديها جاكت جلد اسود. و سيبت شعرها و لبست كوتشي اسود عالي و شنطة ضهر باللون البيچ...
جنون سابتهم و خرجت. الباقي قعد يبص ل بعضه باستغراب.
شذي: تفتكروا حصل اي حاجة بين جنون و كنان؟
شجن: باينة اوي.
داليا: و الله العريس لقطة و كمان موافق علي ظروف شغلها و كمان ناوي يستحمل عنادها و جنونها.
شجن: لازم نعرف حصل ايه...
شذي: هي دي بتحكي كل حاجة؟
عند جنون.
جنون بتفتح بوابة البيت لقت ندي واقفة قدامها.
ندي: صباح الخير.
جنون: صباح النور، في حاجة؟
ندي: عارفاني؟!
جنون: اكيد بنت سيادة اللواء...
ندي: و اخت كنان.
جنون: حضرتك عايزة ايه؟
ندي: ممكن نتكلم شوية مع بعض.
جنون: لو موضوع يخص كنان انا مش عايزة اضيع وقت علي الفاضي.
ندي: مش هأخد من وقتك كتير اوعدك.
جنون: اتفضلي اركبي...
جنون ركبت الموتسكل و وراها ندي. و راحت ل مكانها المفضل...
جنون: اتفضلي اتكلمي.
ندي: بصي ممكن تكوني فعلا مش مصدقة ان كنان اتغير بس ده حقيقي انا اخته و عارفاه فعلا كنان اتغير و علشانك.
ندي: كنان عمره ما حب اي بنت في حياته و مكنش معترف ب الحب، جيتي انتي و كسرتي ده. و بقي عاشق ليكي.
ندي: بصي مش بقول كدة علشان هو اخويا. بقول كدة لاني شايفة شخص بيتألم و بيتعذب و هو بعيد عن حبيبه. و حبيبه في ايده كل السعادة و مستبخلهم عليه.
جنون: لحظة لحظة لحظة انا مش حبيبته.
ندي: لا حبيبته عارفة ايه اللي يثبت النهاردة شوفت في عينك نظرة القلق اول ما لقتيني قدام البيت افتكرتي كنان حصله حاجة. صح؟
جنون(لنفسها): يا رب خلصني.
ندي: اخويا بيحبك اوي و الله و مستعد يبيع الدنيا علشانك.
جنون: اخوكي زي اي راجل بس مش اكتر. بصي مش كل الرجالة خاينين و مش كلهم كدابين. بس نوعية اخوكي كدة...
ندي: اسمعيني بس لو فعلا مكنش بيحبك مكنش جه و اتقدم و مكنش خد بابا معاه مكنش هيخاطر بحياة بابا علشان يتقدملك. و اكيد لو انتي مش مهمة عنده مكنش هيعمل كدة، صح و لا غلط يا جنون؟
جنون: ندي ورايا اجتماع ارجوكي مش عايزة اتأخر.
ندي: عموما معايا رقمك بابا كان دايما مخليني اسجله و بيقولي دي إلى هتقدر تنقذك وقت ما تحتاجيها...
ندي: نفسي فعلا تنقذي اخويا، ارجوكي.
جنون: تعالي اوصلك.
ندي: لا هأخد تاكسي باي...
جنون ركبت الموتسكل بتاعها و وصلت للمبني. و طلعت جري علي اوضة الاجتماع.
جنون: بعتذر علي التأخير.
رأفت: خشي يا جنون.
شذي(بهمس): ايه اللي اخرك؟
جنون: مش وقتك.
جنون لقت كرسي فاضي جمب كنان راحت قعدت عليه.
كنان(بخفوت): لو مش عايزاني هنا ممكن اقوم، في النهاية انا مش مناسب ان جنابك تقعدي جمبي.
جنون بصتله بطرف عينيها و بدأت تركز في الاجتماع...
بعد فترة الاجتماع خلص...
اياد: مش مسامحك يا جنون.
جنون: انا؟!
اياد: انا اللي فاكر هروح انا و شذي سوا طلعت شجن كانت عازل.
شذي: متصدقيش كلامه.
جنون: اختي بلسم.
فارس: صاحبي اللي ناسيني.
جنون: اسفة مشغولة الفترة دي.
فارس: طبعا طول عمرك مهمة.
شهد: مالك يا كنان؟ حاسة فيك حاجة.
نور(بهمس): هي جنون مش بتغير ليه؟
تامر(بهمس): معرفش. بس هي كدة عاقلة.
نور(بهمس): نعم يا حبيبي!
تامر(بهمس): اسفين يا صلاح...
كنان: انا كويس.
شهد: بس لا حاسة فيك حاجة، قول.
شهاب: سيبيه دلوقتي يا شهد عادي يعني.
علي: متضغطيش عليه.
علي(بهمس): تعالي اقولك حاجة بره.
عطر: تمام...
علي و عطر خرجوا بره اوضة الاجتماع.
عطر: في ايه؟
علي: وحشتيني.
عطر: تصدق انك تافه.
علي: لا استني بجد. تحبي ننزل نشتري الدبل امتي؟
عطر: عادي يعني.
علي: لا لازم تقولي...
عطر: بعد ما اللواء فريد يفوق ان شاء الله...
علي: تمام، هروح علي شغلي انا.
عطر: تمام ربنا معاك.
علي: لا نبطل رقة علشان كدة هترزع جمبك علطول.
عطر(باحراج): يا الله امشي بقي. انا كمان ورايا شغل.
عند الباقي.
فارس: طيب مش يلا نبدأ شغلنا.
اياد: اه عندك حق، صح يا جنون؟
جنون: ايوه اسبقوني انتوا و انا جاية وراكوا، حد يجهزلي فنجان قهوة.
سجي: طيب يا روحي.
شهاب: يلا احنا كمان...
الكل بدأ يقوم الا كنان و جنون و نور و تامر و شهد.
جنون شاورت ل نور انهم يمشوا.
تامر(بهمس): بنطرد يلا بينا.
نور: طب يا حبيبي هنسبقك علي هناك بقي.
كنان: جاي معاكوا.
شهد: لا عايزاك في حاجة.
نور: هنسبقك.
كنان(ببرود): خير؟
شهد: حاسة انه فيك حاجة احكيلي.
كنان(بعصبية): بصي انتي ابعدي عني تمام، و اللي حصل امبارح هعتبره كأن شئ لم يكن لكن لو اتكرر و ربي مش هكتفي بقتلك.
شهد: لما عملت بحث عنك.
كنان: وتعملي ليه؟
شهد: انا بحبك شوفتك مرة كنت في مهمة و اعجبت بيك جدا و عملت عنك بحث و عملت المستحيل علشان اجي هنا. و انت بتحب البنات الجرئية.
كنان: مش السافلين اللي زيك، اطلعي بره و متفكريش باي حاجة تخصني...
شهد: هتتمني لحظة مني.
شهد خدت شنطتها و خرجت من اوضة الاجتماع. كنان كان هيقوم بس جنون مسكت ايده.
جنون: احم ممكن نتكلم شوية؟
كنان قعد مكانه تاني و جنون وهو ساكتين.
كنان: هنفضل ساكتين كتير؟
جنون: ممكن متتكلمش ببرود معايا.
كنان: ليه يعني هو حلال ليكي بس.
جنون: اكيد مش كدة بس انا مش باردة.
كنان: فعلا البرود كلمة قليلة اوي، باردة في كل حاجة كلامك طريقتك اسلوبك حبك مشاعرك. حتى قلبك بارد.
جنون: شكرا ليكي. اسفة عن اذنك.
جنون كانت هتقوم بس كنان لاحظ دموعها و خدها في حضنه بسرعة و جنون مسكت فيه و قعدت تعيط كتير.
كنان: طب اهدي طيب انا اسف.
جنون(بعياط): انا و الله ما وحشة. غصب عني بقيت كدة.
كنان: طب اهدي بس مش متعود عليكي كدة.
جنون(بدموع): انا كويسة كويسة.
جنون بعدت عن كنان و مسحت دموعها بأيديها.
كنان: في ايه ل ده كله؟
جنون قعدت تفكر كتير و بصت ل كنان.
جنون: هحكيلك.
كنان: اقعدي الاول.
جنون كانت لسة هتتكلم لقوا الباب بيتفتح فجأة.
جهاد(بغضب): بيحصل ايه هنا؟