رواية حرب الحب للكاتبة سلسبيل كوبك الفصل الثالث والعشرون
جنون كانت لسة هتتكلم لقوا الباب بيتفتح فجأة.
جهاد(بحدة): بيحصل ايه هنا؟
كنان(بأستغراب): امي!
جنون: ازيك يا مدام جهاد.
جنون: عن اذنك يا كنان.
جنون قامت و هي ماشية لقت جهاد بتبصلها بغضب.
جنون(لنفسها): ايه المجنونة دي؟ ربنا يشفي.
كنان: خير؟
جهاد: مش عارفة اتكلم مع ابني في بيتنا قولت اجي هنا اتكلم معاه...
كنان: انا مالي يعني. مشغول.
جهاد: اه مشغول في الاجتماعات المغلقة.
كنان(بحدة): جنون مش كدة و يا ريت لما تيجي تتكلمي عنها اتكلمي باحترام.
جهاد(بعصبية): من امتي يا كنان و انت كدة؟
كنان(بلامبالاة): ورايا شغل لما ارجع هنتكلم.
جهاد: هستناك نروح بالمرة لابوك.
كنان: روحي انتي الاول.
جهاد: بس.
كنان: قولتلك روحي الاول مش فاضي دلوقتي...
جهاد: ماشي يا كنان.
جهاد خدت بعضها و مشيت راحت ل فريد.
في المستشفي عند فريد.
فريد: انا و الله مبسوط اكتر ما انا في البيت مع جهاد و الله...
رأفت: انا اجتمعت مع العيال و جيت ليك علطول.
فريد: تسلم يا صاحبي.
رأفت: المهم صحتك تبقي تمام...
الباب خبط و جهاد دخلت علطول.
جهاد(بعصبية): ازاي محدش يقولي انك فوقت. و انت مش هامك امرنا يعني.
فريد: لاحظي اني تعبان...
رأفت: طب استأذن انا باي. هأجي تاني.
فريد: تمام...
جهاد: شايفك ابنك و لا ابنك التاني و لا بنتك.
فريد(بملل): مالهم يا جهاد؟
جهاد: كنان مش عايز يتجوز و لا حتى أوبي، و ندي بتحب واد فقير...
فريد: الفقر مش عيب. و كمان ولادك كبروا و بقوا مسئولين عن نفسهم احنا بس علينا اننا نقف وراهم في ضهرهم.
جهاد: يعني انت موافق علي حالهم ده.
فريد: براحتهم.
جهاد: طيب يا فريد طيب.
جهاد مشيت و سابت فريد.
فريد: سامحوني يا ولاد معرفتش اختار الام الصح.
في مكان تاني...
-عند ندي.
ندي: يا حبيبي ان شاء الله بس بابا يفوق و تيجي تتقدم علطول...
سعيد: طيب يا ندي بس حقيقي انا زهقت يا ندي.
سعيد: بشوفك في السر و من ورا اهلك حرام.
ندي: بابا عارف ماما هي اللي رافضة.
سعيد: فاهم يا حبيبتي ان شاء الله هتوافق.
ندي: ان شاء الله.
ندي: همشي انا علشان ماما متقلقش يلا باي.
سعيد: باي.
-في مكان تاني...
عند أوبي و شجن.
أوبي(بغمزة): تخرجي نتغدي سواء؟
شجن: ايه الغمزة دي يعني هي دي الروشنة...
شجن: كدة انا هتسحر بعيونك الحلوة يعني.
أوبي مسك شجن من قفاها و مشاها قدامه.
أوبي: قدامي يا زفتة قدامي.
شجن: ابعد ياض عني. و الله اقول ل جنون.
أوبي: امشي يا بت. بوق و بس.
أوبي و شجن نزلوا من الشركة و ركبوا عربية أوبي...
أوبي: تحبي تروحي فين؟
شجن: اي داهية.
أوبي وقف العربية و بص ل شجن.
أوبي: انزلي انزلي من العربية هتجبيلي الضغط.
شجن: تصدق زعلتني، كان نفسي بس اجيب القلب و الضغط مع بعض. يلا مش مشكلة في عيد ميلادك بقي.
أوبي(بصوت عالي نسبيا): يااااا رب...
شجن: اطلع اطلع...
أوبي و شجن راحوا ل مطعم شيك و دخلوا قعدوا.
أوبي: تحبي تأكلي ايه؟
شجن: اي حاجة لما نشوف ذوقك ممكن يطلع حلو.
أوبي: ممكن ده اكيد يا بنتي.
شجن: الغرور في العالي، طيب اطلب.
أوبي طلب اكل ليه هو و شجن و بدأوا يأكلوا.
شجن: ماشية عادي.
أوبي: بت انتي هتجنيني.
شجن: ايه ده هو انا لسة مجننتش.
أوبي: لا انتي ناوية ليا علي كل امراض الدنيا.
شجن: اصبر بس عليا.
أوبي: هموت منك يا رب.
شجن: ايه ده احنا لسة في الاول...
أوبي: كدة في الاول. طيب.
شجن: هنحلي بأيه؟
أوبي: هو في احلي منك؟
شجن: اه طبعا يلا اطلب اي حاجة نأكلها تاني.
أوبي بصلها بصدمة و شجن قعدت تضحك عليه.
شجن: يلا يا بابا اصرف...
أوبي: انتي ناوية ليا علي نية سوداء.
شجن: ايوه احذر مني بقي...
أوبي و شجن كملوا باقي اليوم مع بعض.
-في مكان تاني...
في المبني.
شهاب: لا هو مش معقولة علشان اشوفك اشوفك صدفة.
سجي: اعمل ايه يعني؟ جنون مهتمة بالقضية دي اوي و كمان انا مش بخلط شغلي في حياتي الشخصية، و كمان شغلي اهم من ده. عن اذنك.
سجي سابت شهاب و راحت مكان ما هي عايزة. شهاب وقف مصدوم.
اياد: بوقك ليدخل دبان.
شهاب: احم ايه القرف ده؟
اياد: في ايه مالك كدة مذهول.
شهاب: هو انا لما اتجوز سجي هتقولي شغلي اهم.
اياد: انت و شطارتك تخليها تقعد في البيت بقي.
شهاب: هعمل علي الموضوع ده متخافوش.
اياد: هو انا كتير و انا مش واخد بالي.
شهاب: يا عم بكلم نفسي، عن اذنك.
شهاب مشي و اياد وقف مستغرب.
اياد: ربنا يعينك يا سجي...
اياد مشي و راح لاوضة جنون و خبط الباب.
جنون: ادخل.
اياد: ايه يا بنتي كله شغل شغل.
جنون: من امتي و انا مش شغل شغل. طول عمري ايه الجديد؟
اياد قرب من جنون و مال عليها.
اياد: يعني مش كنان او حاجة كدة؟
جنون: انتوا اسااسا فاهمين الموضوع غلط.
اياد: يعني مش بتحبيه، انا شايف انه كويس انك متحبهوش لانه البت الجديدة راسمة عليه اوي و مخططة علي كبير.
جنون(بلامبالاة): عادي ميفرقش معايا اساسا براحتها و براحته...
اياد(بلامبالاة): طيب هروح اشوف شغلي ورايا مهمة كدة و هاجي علطول.
جنون: ربنا معاك...
اياد: باي.
-اياد خرج و قفل الباب و وقف وراه و عدي خمس ثواني سمع صوت تكسير في الاوضة ابتسم و مشي.
جنون: هشششش اهدي حاولي تتحكمي في نفسك اهدي.
جنون قعدت تلعب في شعرها بعصبية و بتتنفس بصعوبة و بتبص علي الكوباية اللي كسرتها.
جنون: انا مالي اسااسا ميهمنش.
جنون قعدت علي مكتبها و اتصلت من التليفون اللي في المكتب.
جنون: عايزة حد يجي ينضف اوضة المكتب.
و بعد فترة جه عامل النظافة و و نضف الاوضة و جنون كملت شغل...
عند اياد.
الباب خبط...
اياد: اتفضل.
شذي: اياد انت.
شذي اول ما شافته لفت وشها بعيد عنه.
اياد: متوقعة ايه واحد رايح عملية و في اوضة تبديل الملابس.
شذي: خلاص لما تخلص...
اياد: خلصت.
شذي لفت وشها و بصت لاياد و اياد كان بيجهز شنطته.
شذي: خلي بالك من نفسك.
اياد(بغمزة): متخافيش مش هموت قبل ما اتجوزك...
شذي: حيوان. انا غلطانة اني اجيت اتكلم مع واحد زيك...
شذي كانت هتمشي بس اياد جري عليها و خدها في حضنه.
اياد: خلاص اسف.
شذي: ابعد يا حيوان بعيد عني...
اياد: خلاص بعدت عيلة فصيلة، كل الستات زي بعض.
شذي: متشكرة.
اياد: متخافيش هاجي بسرعة.
شذي: عارفة يلا باي.
شذي باست اياد علي خده و سابته و مشيت.
اياد كمل اللي هو بيعمله و خرج ركب عربيته و مشي.
عند كنان...
شهد: اتفضل كل المعلومات اللي حضرتك طلبتها في 35 ساعة بس مش 48.
نور(بذهول): ازاي قدرتي تعملي كدة؟
شهد(بغرور): دي حاجة بسيطة.
كنان(ببرود): في غيرك عمل اكتر من كدة و احسن. معملتيش معجزة يعني.
علي(بهمس): ماله كدة مش طايقها يعني.
تامر(بهمس): العشق يا ابني العشق.
كنان: هنبدأ دلوقتي نراقبهم كويس. كل حركاتهم لازم تكون عندنا اول بأول.
علي: احم كنان ممكن اروح الحمام.
كنان: مشيت هي و فارس.
علي(بغيظ): هي مين؟
كنان: اللي في بالك...
علي(بغيظ): متأكد؟
كنان: ايوه و نركز علي شغلنا علشان مزعلكوش.
و بدأوا يشتغلوا كتير لغاية ما الباب خبط.
كنان: ادخل.
جنون: كنان لو فاضي ممكن لحظة؟
كنان(بلهفة): اكيد.
الكل الا شهد: نركز علي شغلنا علشان مزعلكوش.
جنون فهمت قصدهم وفهمت حصل ايه و ابتسمت و كنان راح ناحيتها و وقف قدامها.
كنان(بهمس): بينيهم علطول.
جنون: ايه هما؟
كنان: الغمازات...
جنون: علفكرة انا منادياك شغل اتفضل قدامي.
شهاب: طيب هنستناك هنا...
جنون و كنان مشيوا مع بعض.
شهد: هي ايه العلاقة اللي بتربطهم ببعض؟
شهاب: إن شاء الله هيقرأوا فاتحة قريب.
شهد: طب مش غلط كدة مش هيركزوا في شغلهم.
نور: لا متخافيش بيعرفوا يفصلوا اوي.
علي: مفيش زيهم اصلا.
شهد: جايب الثقة دي منين؟ اومال انا ابقي ايه نادرة بقي.
الكل بص ل بعضه و هو مستغربها...
عند جنون...
جنون وصلت قدام اوضة الاعترافات.
جنون: بص يا كنان خد نفس عميق اهدي. متتعصبش.
كنان: في ايه؟
كنان(بغمزة): عايزة تستفردي بيا؟!
جنون: الله يخرب بيتك يا شيخ كل دماغك كدة.
جنون: تعالي ورايا.
جنون فتحت الباب و كنان دخل وراها و اتعصب جدا لما دخل.
كنان(بغضب): اه يا ابن ال...
جنون: كنان اهدي المفروض تحمد ربنا اننا مسكناه و هيأخد عقابه...
كنان راح قدام الشخص اللي قدامه و نزل فيه ضرب، و جنون حاولت تدخل بس كنان غصب عنها زقها.
جنون(بوجع): آآآآآآآه...
كنان(بقلق): جنون انتي كويسة؟
جنون(بعصبية): اخرج بره. بره فورا.
جنون: غلطت لما افتكرتك عاقل لكن طلعت ايدك سبقاك، بره يا كنان.
كنان خرج بره الاوضة و وقف قدام الباب.
جنون: انت كويس؟
الشخص: هيظهر غيري كتير و هيقتلوه و هيقتلوا كل اللي بيحبهم...
جنون(بحدة): مين هما؟
الشخص: مش اعداد كبيرة بس كل همها تنتقم منه و تحرق قلبه. و اللي حصل في ابوه شئ بسيط و اللي حصل في بيته شئ برضو بسيط ده مجرد تلميح...
جنون: لحظة لحظة ضرب النار اللي حصل في الفيلا بتاعته كنتوا انتوا السبب؟
الشخص: ايوه كان هو اللي مقصود بس انتي نطيتي و كنتي البطلة.
جنون مسكت الشخص ده من رقبته و كانت بتخنقه.
جنون: قسما بربي لو مقولتش مين تاني و اساميهم و كل حاجة عنهم ل تتعفن هنا. انتوا ناس كدابة ربنا مأمرش بقتل الناس البرئية دي.
الشخص: لو فيها موتي مش هتكلم.
جنون: لا فيها موت كل الناس اللي مسئولة منك...
جنون بعدت عنه و قعدت علي الكرسي اللي قدامه.
جنون: مش انت برضو ساكن في() و عندك مامتك عندها 60 سنة و مراتك و ولادك عبد الرحمن و ياسين لو فاكر ان الناس اللي انت بتحميهم دلوقتي هيحافظوا عليهم تبقي غلطان امانك معانا احنا...
الشخص: كلكم كدابين و مخادعين.
جنون: خلاص امانك معايا انا و انا قد كلمتي و اعتقد معروفة و سمعتي سبقاني...
جنون: فكر قدامك المستقبل لسة قدامك و عائلتك كلها من النهاردة مسئوليتي لغاية ما تفكر و اجابتك هتحدد مصير عائلتك.
جنون: اسيبك تفكر.
جنون سابت الشخص ده و خرجت لقت كنان واقف مستنيها...
جنون: مش قادرة اتكلم يا كنان.
جنون سابت كنان و راحت لاوضة مكتبها قعدت علي الكرسي بتاعها و بعد فترة الباب خبط.
جنون: ادخل.
جنون لقت كنان داخل و مخبي حاجة ورا ضهره...
جنون: ايه؟
كنان قرب منها و قعد علي حرف المكتب.
جنون: مخبي ايه؟
كنان: حاجة بتحبيها اوي، او بمعني اصح البنات بيحبوها...
جنون: وريني.
كنان: غزل البنات...
كنان مد ايده ب غزل البنات ل جنون و جنون فضلت باصة ل غزل البنات و شردت شوية.
كنان: جنون جنون.
جنون: ها؟ اه معاك.
جنون(ببرود): مش بحبه و مش بأكله.
كنان: ازاي؟!
جنون(رفعت اكتافها): ايه هو اللي ازاي عادي جدا جدا...
كنان: البنات بتعشقه.
جنون: البنات بقي.
كنان حط ايده علي خد جنون و ابتسم ليها...
كنان: انتي أميرة يا جنون.
جنون: كل بنت في عيون باباها اميرة. يا بابا...
كنان(بغيظ): يعني انا ابوكي؟
جنون: يا ابني روح شوف نفسك في المراية ده انت جدي مش ابويا بس...
كنان: هسألك سؤال؟
جنون: بتفائل اوي بأسئلتك بتقلب بخناقات. بس قول بحب اتخانق معاك.
كنان: قصدك تيجي عليا.
جنون: ده انا برئية...
كنان: عارف عارف.
جنون(بضحكة): طيب اسأل.
كنان: ايه اللي انتي عمرك ما جربتيه؟
جنون: الملاهي و.
كنان(بصدمة): لحظة لحظة عمرك ما جربتي الملاهي؟
جنون: لا.
كنان: هو في حد بيكره الملاهي و بالذات البنات...
جنون: انا مش بكرهها بس محصلتش فرصة اروحها.
كنان: لا كدة فايتك كتير تعالي معايا.
جنون: علي فين؟
كنان: ابتديت اشك انك من كوكب اخر.
كنان شد جنون معاه و خرج بره المبني و ركبها عربيته و بدأ يسوق...
جنون: هتوديني فين؟
كنان: هتشوفي...
و بعد فترة كنان وقف قدام الملاهي...
جنون(بصدمة): ملاهي! انت اهبل يا ابني احنا كبرنا.
كنان: كبرنا بس انتي مجربتيش الملاهي لازم تجربيها...
كنان(بغمزة): و شرف ليا اني اكون معاكي في حاجة لاول مرة تجربيها.
كنان: بس قبل ما نخش في حاجة عايز اقولها...
كنان: ننسي كل الناس ننسي موبايلتنا ننسي ان في بينا خلفات ننسي كل حاجة. نبدأ من الاول. يلا هاتي ايدك.
كنان مد ايده ل جنون و بص في عيونها و هي مسكت في ايده و هي بتبتسم و كنان مشاها معاه و دخلوا للملاهي.
كنان: بصي هنجرب كل حاجة موجودة هنا مش هنسيب حاجة.
جنون: قول ان شاء الله.
كنان(بابتسامة): ان شاء الله، تعالي نشوف في ايه هنا...
كنان: تعالي تعالي، ننط شوية.
كنان و جنون بدأوا ينطوا و يضحكوا جنون كانت هتقع و كنان وقع معاها و قعدوا يضحكوا.
كنان: تعالي نشوف في ايه تاني...
كنان شد جنون معاه و هو متحمس وجنون مبتسمة.
كنان: تحبي تجربي قطر الموت؟
جنون هزت رأسها بمعني اه. و راحوا و ركبوا جمب بعض.
كنان: لو خوفتي امسكي في ايدي.
جنون(بضحكة خفيفة): شايفة انك بتستغل الفرص...
كنان: هو حد معاكي يقدر يأخد حق او باطل.
كنان: يلا الراجل هيبدأ.
جنون حطت ايديها علي ايد كنان و كنان ابتسم و جنون بصت قدامها و بدأوا يلعبوأ العاب كتير...
كنان: امممم تيجي نشوف في ايه تاني...
كنان: يلا تعالي تعالي و لا تعبتي يا بيضة.
جنون ضربته في كتفه و مسكت في ايده و كملوا مشي...
كنان: نتراهن علي الدبدوب ده...
جنون: تمام...
كنان و جنون بدأوا يصوبوا، جنون فازت و رفعت ايديها و هي مبسوطة.
جنون(بفرحة): انا اللي كسبت.
جنون قعدت تتنطط و هي بتضحك و فرحانة.
كنان: بمزاحي علفكرة...
جنون: باين باين، You are loser...
بنت: اتفضلوا الدبدوب...
كنان مسكه من البنت و وداه ل جنون...
جنون: يا رزل هاته. اوف بقي.
جنون: انا اللي كسبت ده من حقي هاته حالا.
كنان: لا لا.
جنون: بليز.
كنان: خدي.
جنون حضنت الدبدوب و كانت فرحانة اوي...
كنان: يلا بقي نحببك في غزل البنات تعالي.
كنان مسك ايد جنون و راح ناحية غزل البنات و ودي ل جنون واحدة.
كنان: مش فاهم ازاي مبتحبيش غزل البنات.
جنون(بغرور مصطنع): لاني طبعا مختلفة.
كنان: طول عمرك.
جنون ضحكت و كنان قرب من جنون و باس خدها...
جنون: طيب يا سيدي شكرا.
جنون قعدت تأكل غزل البنات بكميات كبيرة.
كنان: مبحبوش مبحبوش. وانتي هتخلصي كل اللي عند الراجل...
جنون: مزاجي كدة. بس كدة خلصت.
كنان: طيب يلا.
كنان فتح باب العربية ل جنون.
كنان: يلا اركبي.
جنون قربت من كنان و حضنته جامد و هو كان مصدوم و بادلها الحضن وباس رأسها و جنون فضلت ماسكة فيه و مغمضة عينيها.
جنون: شكرا ليك شكرا علي كل حاجة شكرا ليك اوي يا كنان...
جنون: انا ممتنة ليك اوي.
كنان(و هو تايه): انا اللي ممتن ليكي. و بحبك اوي يا جنون.
جنون و كنان فضلوا حاضنين بعض شوية و هما مش مدركين بالوقت و كانوا مغمضين عيونهم.
جنون سمعت صوت عربية جاية فتحت عينيها بسرعة و بعدت عن كنان بسرعة.
جنون(و هي بترجع شعرها لورا): احم مش يلا بينا.
كنان(لنفسه): لا انا مكنتش بحلم، يا الله علي اللطافة.
كنان: اه اركبي احم يلا.
جنون ركبت و كنان لف و ركب و ساق ناحية بيت جنون...
كنان: شايف انك عايزة تقولي حاجة.
جنون: كنان حقيقي انا مبسوطة جدا و ده كله بفضلك بجد شكرا ليك من زمان مفرحتش فرحة زي دي.
كنان: واجبي يا أميرتي.
جنون قربت من كنان و باسته علي خده و حضنته.
كنان: تعرفي نفسي في ايه؟
جنون: ايه؟
كنان: تفضلي في حضني كدة علطول.
جنون(باحراج): هنزل انا.
كنان: بصي مش عايز اتخانق بس هو سؤال.
كنان: موافقة تديني فرصة؟
جنون: العروسة مبتقولش موافقتها او رفضها غير ل مامتها او باباها. عن اذنك.
جنون سابت كنان و نزلت من العربية و شاورت ليه بمعني باي و جريت علي البيت...
كنان: محدش بيأخد منك معلومة مفيدة.
كنان ساق و راح ل بيته...
كنان: بابا...
كنان راح ل فريد و حضنه باسه.
فريد(بهمس): شكلها عاملة شغل لدرجة انها منسياك ابوك. اومال لو مكنتش روحت طلبت ايديها.
كنان ابتسم ليه و حضنه و باس رأسه.
أوبي: ايه يا عم فريد صحتك رجعت دلوقتي.
فريد: اخرس ياض.
ندي: بطل ترخم علي بابا...
فريد: حبيبة بابا.
جهاد: و انا طبعا مليش لازمة. طبعا هو حد بيهتم بيا.
كنان: امي انتي اللي بعيدة مش احنا...
أوبي: بتفرضي علينا حاجات مش عايزنها.
فريد: خلاص يا ولاد حصل خير...
ندي: كنت خايفة عليك اوي يا بابا.
فريد: يا روحي اخواتك اهو جمبك يسدوا مكاني.
أوبي: ازاي بس اومال مين هيجوزني؟
جهاد: بجد يا حبيبي ناويت تتجوز سوزي بنت سعاد هانم.
أوبي(ببرود): لا، لما اجي اتجوز.
فريد: طب يلا عايز اطلع ارتاح تعالي يا جهاد...
فريد و جهاد طلعوا اوضتهم.
ندي: اممم في ابتسامة مش عايزة تتشال من علي وشك...
أوبي: وقعتي يا بيضة و محدش سمي عليكي.
كنان: وطوا صوتكوا، لا مفيش حاجة من دي.
ندي: يعني عايز تفهمني ان ده مش من اعمالها.
كنان(بسرحان): هي تلقائية كل تصرف منها بيخليني اتعلق بيها اكتر، صوتها,كلامها,تعبيرات وشها,مشيتها,كبريائها,اسلوبها,طريقتتها,ضحكتها اللي بتأخد قلبي ل حتة تانية كدة,غمازاتها اللي بتوديها كمية لطافة مش معقولة,حضنها و قربها منك بس دفء و امان و حنان...
ندي قعدت جمبه من ناحية و أوبي من الناحية التانية.
أوبي(بتسلية): و ايه كمان؟
كنان(بسرحان): عصبيتها,جنانها,عنادها,رأسها اللي مكانه حجر ديه كل حاجة فيها بتسحرني بتأخدني ليها من غير سابق إنذار...
ندي(بتسلية): نفسك في ايه دلوقتي؟
كنان(بسرحان): نفسي فيها هي تكون قدامي و نبعد عن كل الناس نروح عالم مختلف بعيد عن الكل عالم يكون فيه انا و هي و بس و تكوني في حضني و استمع لكل كمة بتقولها و اركز في غمازتها لما تضحك. نفضل مع بعض لوحدنا علطول.
أوبي(بتسلية): و.
-كنان فاق من سرحانه و ركز في اللي قاله و بص يمينه لقي ندي و الناحية التانية أوبي بيحاولوا يكتموا ضحكهم لدرجة ان أوبي وقع علي الارض لانه مقدرش يكتم ضحكه اكتر من كدة...
ندي: ده انت وقعت وقعة سودة يا كنان.
كنان: تصدقوا انكم عيال واطية و انا غلطان اني قاعد معاكوا...
كنان سابهم و طلع لاوضته...
ندي: اخوك طلع واقع اوي.
أوبي: شوفتيه و هو بيتكلم يا نهار اسود، بقي كنان يبقي بالشكل ده.
ندي: انه العشق...
-في الصباح الباكر...
في بيت جنون.
جنون قامت و بصت جمبها لقت الدبدوب و ابتسمت، جنون قامت بكل نشاط و خدت دوش و خرجت...
جنون لبست بنطلون بيتي اسود و تي شيرت بحمالة رفيعة باللون الاسود عليها رسمة قطة باللون الدهبي و سيبت شعرها علي ضهرها.
جنون: صباح الخير.
شجن: مين دي؟
داليا: و حياتك ما اعرف...
جنون: اوف يا ناس يا رزلة...
جنون قعدت معاهم و بدأت تقطف الملوخية معاهم.
داليا: بسم الله الرحمن الرحيم. في ايه يا بنتي؟ حاسة ب حاجة؟
جنون: لا بقطف ملوخية عادي يعني...
شجن: خلاص براحتك.
داليا: طب رأيك علشان ارد علي الواد.
جنون خدت نفس عميق و طلعته براحة.
جنون(بابتسامة خجل): موافقة.
شجن و داليا اتصدموا و فجأة قعدوا يصرخوا و يضحكوا و هما مبسوطين.
جنون(باحراج): بس وطوا صوتكوا بس بس.
داليا: حبيبتي...
داليا نزلت في جنون احضان و بوس.
جنون: خلاص خلاص خلاص يا ماما...
شجن: دوري.
شجن حضنت اختها كتير و باستها.
في المبني.
عدت فترة و الكل اتجمع.
كنان(بقلق): هي جنون مجتش ليه يا شذي؟
شذي: معرفش قالت انها مكتئبة و مش عايزة تيجي.
شهد: متشغلش بالك بيها عادي...
شهاب: هتبقي كويسة يا كنان.
تليفون كنان رن...
كنان(بقلق): دي مامت جنون...
فارس: رد.
عند جنون.
جنون و شجن كانوا واقفين جمب داليا و مشغلين الاسبيكر.
داليا: هشش الخط اتفتح.
كنان(بقلق): الو يا مدام داليا. هي جنون فيها حاجة؟
داليا: لا يا ابني بس كنت عايزة اقولك رأي جنون.
كنان(بخوف): قولي حضرتك...
عند كنان...
كان الكل واقف و و كنان فاتح الاسبيكر...
شهد(لنفسها): لو وافقتي يبقي انسي ان الجواز يتم.
كنان: مع حضرتك.
داليا: كل شئ قسمة و نصيب يا كنان.
شهد(لنفسها بفرحة): كويس اوي.
كنان(بحزن): ت.
داليا: مش هتقولي بقي هتيجي انت و باباك امتي نقرأ الفاتحة.
كنان(بصدمة): جنون وافقت؟
داليا: الحمد لله يا حبيبي.
كنان(بصوت عالي): جنون وافقت يا ناس البت وافقت.
كنان كان بيصرخ من الفرح و الكل حضنه.
عند جنون.
جنون كانت بتتنطط من الفرحة و مبسوطة اوي.
كنان: بصي حضرتك بليل جاي و هنقرأ الفاتحة و مش هستني وقت تمام. مع السلامة الحق اجهز نفسي.
كنان قفل الخط...
جنون: المجنون.
عند كنان.
كنان: ماشي كنتوا عارفين يعني.
شذي: هي قالت مقولش ليك.
فارس: كنان جنون شي غالي جدا لازم تحافظ عليها.
كنان: اكيد اكيد شكرا، هروح اجهز نفسي.
نور: غريبة شهد فين؟
تامر: منعرفش يلا احنا كمان نجهز نفسنا احنا كمان.
و الكل راح ل بيته و بدأ يجهز نفسه.
عدت فترة كبيرة و الكل جهز.
الكل راح ل بيت جنون الا كنان و عائلته...
فريد: طيب يا ابني مستعجل علي ايه؟
كنان: جهاد لو مسكتنا مش هتسبنا يلا.
عند جنون.
شذي(بصدمة): What!
نور: انتي مجنونة؟
جنون: هلبس ده يعني هلبس ده.
جنون كانت لابسة بدلة باللون الزيتي البنطلون زيتي و تي شيرت بحمالة عريضة باللون الاسود توب و جاكت بدلة باللون الزيتي، و لبست صندل بكعب اسود. و سيبت شعرها و حطت روچ احمر غامق و كحل حدد عنيها.
سجي: الله الدبدوب ده حلو اوي.
جنون: ابعدي عنه...
عطر: امممم شكله من حد غالي.
جنون: هزعلكوا.
داليا: مع اني مش مقتنعة بام البدلة دي بس ماشي. براحتك.
الباب خبط.
فارس فتح الباب و رحب بالكل.
فارس: ايه الجمال ده؟
كنان: ياض هضربك.
فارس: معلش بقي ادخل ادخل يا عريس.
الكل(بفرحة)حمد لله بالسلامة يا سيادة اللواء...
فريد: الله يسلمكم.
و الكل قعد و كنان كان مستني لما جنون تطلع.
داليا: اخيرا شوفتك يا ندي.
ندي: تسلمي يا طنط.
أوبي: هي فين العروسة يا شجن؟
شجن: جاية.
و بعد فترة بسيطة جنون خرجت و كنان كان مركز معاها هي بس، المعظم كان مصدوم شوية من البدلة اللي هي لابساها...
جنون: احم مساء الخير يا سيادة اللواء.
فريد: تعالي يا حبيبتي اقعدي.
جنون قعدت ما بين فريد و كنان. كنان رجع ايده ورا جنون و كان بيحاول يزغزغها جنون اتحركت ف زغزغ فريد...
فريد(بحدة): كنان.
كنان(باحراج): احم اسف.
كنان بص ل جنون بغيظ.
فريد: مش نقرأ الفاتحة بقي و لا ايه؟
داليا: طب و.
شجن(بهمس): هششش بعدين.
داليا: طيب نقرأ.
كنان(بهمس): اقرأي بذمة.
جنون: ظريف.
و الكل بدأ يقرأ الفاتحة و الكل مبسوط و كنان بيغمز ل جنون كل شوية.
الباب خبط...
جنون: لحظة افتح الباب.
جنون قامت و فتحت الباب لقت جهاد.
جهاد(بقرف): وسعي يا بت من وشي.
جهاد زقت جنون من وشها و دخلت البيت.
جهاد(بصوت عالي): داليا يا داليا.
جهاد بصت لقت كنان و فريد و أوبي و ندي و اتصدمت جدا، و هما اتصدموا. داليا اتصدمت لما لقت جهاد موجودة.
و عدي وقت الكل كان بيبص ل بعضه بصدمة و استغراب و هدوء...