رواية حرب الحب للكاتبة سلسبيل كوبك الفصل الحادي والثلاثون
جنون كملت سواقة و غمضت عينيها جامد و فتحتها و الرؤية مكنتش واضحة. جنون فتحت عينيها كتير و فتحتهم بس الرؤية انعدمت خالص جنون محستش بحاجة اخر حاجة سمعتها صوت العربية و هي بتتقلب...
عدد بسيط اتجمع لانهم كانوا الصبح بدري و طلبوا الاسعاف.
شخص: لا حول و لا قوة الا بالله.
ست: باين عليها قمورة و في عز شبابها.
راجل: هما دول شباب اليومين دول بيسوقوا بسرعة كبيرة كدة...
الاسعاف جت و قلبوا العربية و خرجوا جنون كان مغمي عليها و نقلوه المستشفي...
راجل الاسعاف: اتصلي بحد من قريبها خدي اهي حاجتها.
موظفة الاستقبال: تمام.
و دخلوا جنون لاوضة الطوارئ...
الموظفة اتصلت باول رقم في تليفون جنون.
الخط اتفتح.
كنان: الو يا حبيبتي.
موظفة: احم حضرتك انا.
كنان(باستغراب): مين حضرتك؟ فين جنون؟
موظفة: مدام جنون عملت حادثة و اتنقلت للمستشفي.
كنان(بصدمة): انتي بتهزري؟!
موظفة: لا يا فندم، اسم المستشفي().
الموظفة قفلت الخط...
عند كنان.
كنان حس ان انفاسه راحت و طلع يجري و اتحمل وجع رجله او بمعني اصح مكنش حاسس بحاجة.
كنان ركب عربيته و ساق بأقصي سرعة و كان هيعمل اكتر من حادثة لغاية ما وصل للمستشفي.
كنان(بقلق): انا كنان فين جنون؟
موظفة: اخر الممر ده حضرتك.
كنان ساب الاستقبال و جري لغاية ما وصل لاخر الممر و دخل علطول.
كنان(بقلق): جنون.
الدكتورة: ضغطها وطي. نبضات القلب بتقل.
كنان(بخضة): جنون!
الدكتورة: مين حضرتك؟ ابعد...
كنان: جنون هتبقي كويسة؟!
الدكتورة: ان شاء الله.
كنان فضل واقف و هو شايف الدكتورة و هي بتعالج جنون...
ممرضة: يا دكتورة النبض وقف.
الدكتورة: جهزولي جهاز الانعاش حالا...
كنان(لنفسها): جنون قومي و عانديني كلميني ببرود معنديش مانع بس خليكي موجودة، انتهي من غيرك يا جنون...
و بدأ يعملوا انعاش ل قلب جنون.
الدكتورة: الحمد لله النبض رجع تاني...
كنان(لنفسها): من غيرك اموت...
كنان(لنفسه): شكرا يا رب.
كنان كان بيأخد نفسه بصعوبة و مش قادر يتنفس بشكل طبيعي...
الدكتورة: حضرتك تقرب ايه للمريضة؟
كنان: جوزها.
الدكتورة: مال حضرتك شكل التنفس عندك مش طبيعي.
كنان: مش مهم، طمنيني علي جنون؟
الدكتورة: الحمد لله الحادثة كانت صعبة بس هي نجت و ربنا كتب ليها عمر جديد.
الدكتورة: و الحمد لله مفيش كسور.
كنان: طيب.
الدكتورة: هننقلها اوضة خاصة بيها تقدر حضرتك تقعد معاها.
كنان: تمام شكرا.
الدكتورة: متأكد انك تمام؟!
كنان: اه الحمد لله.
نقلوا جنون لاوضة عادية و كنان دخل قعد قدامها و مسك ايديها و باسها.
كنان: قلقتيني عليكي اوي.
كنان: اسف اني مكنتش معاكي.
بعد فترة جنون بدأت تحرك رأسها يمين و شمال و بتحرك عينيها و هي مغمضة و بدأت تفتح عينيها بس الضوء زعجها جدا.
كنان: حمد لله بالسلامة.
جنون فتحت عينيها و بدأت تركز و افتكرت كل حاجة و بصت يمينها لقت كنان و هو ماسك ايديها شالت ايديها بعنف من ايده.
جنون: ناديلي الدكتور.
كنان(بابتسامة): حاضر بس قوليلي انتي حاسة بوجع.
جنون: و لو حاسة بوجع هتعالجه؟! هتقدر؟! معتقدش انك هتقدر، انت مش دكتور علشان تخفف عني وجعي. روح نادي الدكتور.
كنان ابتسم ليها و باس رأسها و خرج.
الدكتورة: حمد لله بالسلامة.
جنون: الله يسلم حضرتك.
الدكتورة: لحظة بس افحصك.
الدكتورة: لا الحمد لله تمام.
جنون: وشي اتخرشم؟
كنان: حتى لو انا متقبل شكلك كدة.
الدكتورة: شكل زوج حضرتك بيحبك جدا.
جنون: اعتقد سألت سؤال ايه لازمة الكلام الخارجي.
الدكتورة(بضحكة بسيطة): واضح ان كمان المدام عصبية.
كنان(بضحكة): ايوه و كمان عنيدة.
الدكتورة: ربنا يعينك.
جنون(بعصبية): انا بتكلم في ايه و انتوا بتتكلموا في ايه؟
جنون: اقولكوا علي حاجة اولعوا في بعض.
جنون بدأت تشيل المحاليل من ايديها و الحاجة اللي معلقينها علي جسمها و شالت الغطاء من عليها.
الدكتورة: اهدي اهدي غلط عليكي اي حركة مفاجاة.
الدكتورة: يا استاذ كنان اتكلم.
كنان(بحدة): جنون ارجعي زي ما كنتي.
جنون: هه و المفروض هسمع كلامك يعني.
جنون: عايزة هدومي حالا.
الدكتورة: حضرتك مش فاهمة خطورة الموقف لسة في اشاعة مظهرتش علشان نتأكد انه كله تمام.
جنون(بعصبية): انا عايزة امشي حالا و مش هاممني اي حد ايا كان مين...
كنان راح وقف جمبها و مسكها من كتفها.
كنان: جنون اهدي و بصي في عيني اهدي يا روحي. حادثة بسيطة خلاص عدت علي خير الاشاعة هتطلع و هنمشي هأخدك و نمشي.
جنون: خليهم يجيبوا ليا هدومي.
كنان: حاضر عيوني، خدي نفس عميق اهدي يا روحي.
كنان: لو سمحت ممكن هدومها.
الدكتورة: طيب بس خليها ترتاح.
كنان: اقعدي يا حبيبتي.
ممرضة: اتفضلي هدوم حضرتك.
جنون: تمام.
الدكتورة: روحي شوفي شغلك هروح اشوف الاشاعة...
كنان: استني هساعدك.
جنون: متخافش حطاك علي ديسك الاحتياطي لما احتاجك هقولك.
جنون سابت كنان و دخلت الحمام و بدأت تلبس نفس الهدوم اللي كانت لابساها و خرجت.
كنان: طيب استني اشتريلك هدوم تانية دي عليها دم...
جنون: مش مهم، عايزة عصير ممكن تروح تجيب ليا عصير.
كنان: طيب اهدي يا روحي اهدي.
جنون(بعصبية): شايفني بشد في شعري...
جنون: بص يا كنان امشي من وشي انا مضايقة و مش طايقة حد قدامي لو سمحت امشي و روح جبلي عصير.
كنان: طيب خليكي هنا متتحركيش.
كنان خرج من الاوضة و جنون مسكت شنطتها في ايديها و مشيت و الكل كان بيبصلها باستغراب لان قميصها كان عليه دم و هي ماشية بكل برود.
جنون كان عندها جرح في رأسها، و رأسها ملفوفة بشاش. و ايديها الشمال ملفوفة بشاش. و في جرح جمب شفايفها. جرح في الرقبة.
جنون خرجت من المستشفي و وقفت تاكسي طلعت تليفونها...
جنون: اوف اتكسر.
كنان: جنون جبتلك.
كنان بص في الاوضة ملقاش جنون فتح باب الحمام ملقهاش.
كنان: لو سمحت المريضة اللي كانت هنا.
ممرضة: لا مشوفتهاش.
الدكتورة: هي فين؟
كنان: معرفش.
الدكتورة: طيب بس لازم متابعة حضرتك، و كمان احوالها النفسية مضطربة لازم راحة تامة.
كنان: تمام يا دكتورة.
كنان طلع تليفونه اتصل ب جنون بس لقاه مغلق.
كنان: اشوفك بس يا جنون.
تليفون كنان رن.
كنان(بقرف): مش طايقك.
كنان قفل تليفونه و راح لمكان جنون المفضل.
كنان(و هو بيأخد نفسه): كنت متأكد اني هلاقيكي هنا.
جنون: اوف انا مشيت علشان عايزة ابقي لوحدي مش تيجي ورايا.
كنان: انا مقدرش اعيش من غيرك.
جنون: بس انا اقدر انا اقدر انا بياعة و غدارة كمان.
كنان: يا سبحان الله امبارح تقوليلي بحبك و دلوقتي.
جنون: انا ندمانة اوي اوي يا كنان اني قولتها ليك لانك متستحقهاش بس اوعدك هغير كل ده.
جنون قامت و كانت هتمشي.
كنان: معناه ايه؟ حرام عليكي في ايه حسي شوية باردة و قولت ماشي عنيدة و ماشي مبتحبش تعبر عن مشاعرها و قولت ماشي كتومة و ماشي لكن ندمانة انك قولتيلي انك بتحبيني طب ما انا ياما قولتها ليكي، و كمان ايه كرهاني و مش طيقاني من الصبح ليه عملتلك ايه ل ده كله.
جنون: يا ريتني ما كنت شوفتك يا كنان و لا عرفتك علي الاقل مكنتش هأذيك.
جنون قربت من كنان و وقفت قصاده.
جنون: من هنا و رايح مش عايزة اعرفك، كل اللي بينا شغل انسي كل حاجة بينا غير الشغل...
جنون: انا بكرهك يا استاذ كنان لو لقيتك بتموت قدامي دلوقتي مش هتحرك من مكاني لو طلبت مني المساعدة مش هقدمها ليك لو خيروني بين اني اموت او اني اكون معاك هفضل الموت.
جنون: هتقول ايه السبب هقولك خليك كدة متعلق و مش عارف ايه السبب و حتى لو عرفته هيكون فات الاوآن، كسرت ثقتي بيك و مستحيل ترجع تاني زي الاول.
جنون لفت ودته ضهرها و مشيت كنان مكنش قادر يستوعب كلام جنون اسااسا.
كنان كان مصدوم فاق من صدمته لما لقي جنون بتقع علي الارض جري عليها بسرعة.
كنان: جنون جنون ردي عليا فتحي عينك.
كنان: حبيبتي فتحي عينك. مش زعلان منك بس فتحي عينك يلا متقلقنيش عليكي.
بنت: اتفضل الماية ممكن تفوقها.
-كنان مسك ماية و رشها علي وش جنون. جنون فتحت عينيها بتعب و كانت رأسها تقيلة و لقت رأسها علي رجل كنان دفنت وشها في كنان و استسلمت للضلمة تاني...
كنان شال جنون و ركبها عربيته و مشي...
-في مكان تاني...
في المبني...
علي: العريس وصل اخيرا.
اياد(بضحك): عقبالك يا عم.
علي: ادعيلي من قلبك يا ابني.
تامر: حمد لله بالسلامة يا اياد.
اياد: الله يسلمك.
اياد لقي اللي بتنط علي ضهره و مسكت في رقبته.
اياد: الله يأخدك هموت...
سجي: حبيبي يا ناس، فين البت شذي؟
اياد: مجتش.
سجي: نعم! هو انت ناوي متخلهاش تشتغل تاني.
اياد: لا بس تأخد راحة اسبوع.
سجي: طيب.
شهاب: مش تنزلي بقي و لا تحبي انزلك بنفسي.
سجي نزلت من علي ضهر اياد و بصت لشهاب بخوف نوعا ما...
نور: الف مبروك يا اياد.
اياد: الله يبارك فيك.
زياد ظابط مخابرات: اهلااااااا عاش من شافك، مبروك يا عم.
اياد: الله يبارك فيك. الله يبارك فيكوا كلكوا يا جماعة و الله.
اياد: كنان و جنون مختفين يبقي مع بعض.
اياد: اومال فارس فين؟
عطر: هتلاقيه صايع شوية و جاي.
اياد: طيب عن اذنكوا يا شباب هروح اشوف القضية.
حسام: قضيتنا بقت قضيتهم هما كمان.
اياد بص ل حسام باستغراب...
شهاب: هفهمك في همزة وصل بين قضيتنا و قضيتكوا، جنون اتفقت مع كنان اننا نشترك مع بعض...
اياد: اه فهمت، بس حسام يعرف منين؟
عطر: حسام عضو في فريقنا.
اياد: اه فهمت اهلا و سهلا.
اياد: طب يلا نشوف الملف و نحاول نوصل لحاجة عقبال ما كنان و جنون يجيوا.
تامر: شهد اتصلت و قالت انها تعبانة مش قادرة تيجي.
نور: خلاص مش مشكلة.
اياد: انا مستني الواد فارس علشان اضربه.
سجي: طول عمرك كدة يا شيخ...
عند فارس.
فارس كان في المستشفي اللي فيها سندس و دخل اوضتها لقاها نايمة قرب منها و فضل واقف جمبها.
سندس كانت متوسطة الطول و شعرها اسود واصل ل نص ضهرها و بشرتها مايلة للبياض. عيونها بلون القهوة.
سندس فتحت عينيها لقت فارس في وشها كانت هتصرخ بس فارس حط ايده علي بوقها.
فارس: هششش اهدي محصلش حاجة اهدي.
فارس: هشيل ايدي بس متبقيش زي المجانين.
فارس(بصوت عالي): يا بنت المجانين.
سندس: ايدك يا حيوان دي حاجة بسيطة.
فارس: الله يخرب بيتك ايه ده.
سندس: عملتلك ساعة ايه مبتحبهاش.
فارس: ربنا علي المفتري.
سندس: انت بتتكلم عن نفسك.
فارس: قصدك ان انا مفتري؟!
سندس: ايه ده و طلعت نبيه و بتلقطها و هي طايرة ما شاء الله.
فارس: لا و اعجبك علفكرة، و كمان انا ظابط مخابرات.
سندس(بفرحة): احلف.
سندس: عادي يعني مالك فخور كدة ليه، و الله خسارة فيك.
فارس: لا و النبي علي اسااس انتي مش فرحانة.
سندس: انا بحب الظباط بشكل عمومي بس بعد ما شوفتك كرهتهم كرهتهم اوي.
فارس: عموما خدي، موبايل جديد فيه الخط بتاعك القديم شوفي عايزة تتصلي بمين.
سندس: ايه ده؟! ده تاتش و كبير.
فارس: طيب فيها ايه؟
سندس: شكرا جدا.
فارس(بصدمة): انتي فعلا شكرتيني!
سندس: اوف بص انا مبحبش يبقي في خلاف بيني و بين حد، علشان كدة سامحتك و قبلت اعتذارك و يلا بقي اطلع بره عايزة اقعد مع موبايلي شوية.
فارس: هو انتي يا بت لسانك مبيعرفش يقول جملة واحدة حلوة من غير كلام يسد النفس.
سندس: لا و لو مش عاجبك هبقي اقصها.
فارس: هي ايه؟
سندس: ودانك علشان متعرفش اذا كنت بقول كلمة حلوة و لا وحشة.
فارس: ايه يا بت هتنرفزيني ليه الله، انا غاير في داهية ورايا شغل مش فاضي.
فارس ساب سندس و خرج ركبت عربيته و راح للمبني.
سندس: مش هنكر وسيم طويل و كمان ظابط، عاااااا هموت بجلطة قريب.
سندس: يا رب.
-في مكان تاني...
في بيت جنون.
شذي راحت البيت و لقت شخص غريب عليها.
شذي: انت يا انت.
ادهم: حضرتك بتكلميني انا؟!
شذي: ايوه مين انت؟
ادهم: انتي اللي مين؟
شذي: انت مالك؟ ده بيتي.
ادهم: و ده برضو بيتي.
شذي: اوف ما ترد عليا بقي...
ادهم: انا جوزك المستقبلي عندك مانع.
شذي: و الله كان نفسي بس متجوزة، هتستعبط ما ترد ياض انت مين؟
ادهم(بضحك): خلاص خلاص...
ادهم: انا ادهم اخو جنون و انتي؟
شذي: ادهم اخو جنون! هو جنون عندها اخ؟!
شذي: طنط داليا طنط داليا.
شذي جريت علي جوا ل داليا و ادهم وراها.
شذي: طنط دالياااااااااااا.
داليا(بخضة): ايه الله يسامحك.
شذي: مين الكائن ده؟
داليا: اخو جنون و ابني يا شذي كان مسافر و لسة راجع...
شذي: لا و النبي و انا ليه معرفش.
ادهم(بضحك): لانه ببساطة ملكيش لازمة.
داليا(بحدة): ادهم عيب.
داليا: يا بنتي عادي معلش حقك عليا، ده ادهم دي شذي بيتها اللي كان الدور التاني لسة متجوزة اول امبارح.
ادهم: يا بخته.
شذي(بعصبية): ياض هضربك.
داليا: معلش يا شذي هو دايما بيحب الهزار و الضحك.
داليا: ادهم راعي ان مش كل الناس زيك.
ادهم: الله باين اوي انها فرفوشة بس تأخد علي الجو.
شذي: و جنابك حللتني يعني دخلت جوايا.
ادهم: لا من نظرة عيونك.
شذي: لولا انك اخو جنون كان زماني فرماك.
ادهم: بقول الحقيقة انا دكتور نفساني علفكرة.
شذي: اه علشان كدة طيب.
داليا: اتعرفوا علي بعض عقبال ما اعمل غداء يلا.
ادهم: اتفضلي.
شذي: طيب.
داليا كانت بتعمل الاكل في المطبخ تليفونها رن.
داليا ردت علي اللي بيتصل و خرجت ل بره البيت و لفت.
داليا(بحدة و همس): عايز ايه مني تاني يا سيف؟
سيف: الواد اللي اسمه كنان مش هيقرب من جنون تاني فاهمة.
داليا: جنون بتحبه و انا مش هكسر قلب بنتي. انا مش زيك بكسر القلوب و بمشي بكل برودة اعصاب.
سيف: انتي مش عارفة انه ابن جهاد.
داليا: عارفة و انا مش هحاسبه باخطاء امه.
داليا: و ابعد بقي عني و ابعد عن بناتي و ابعد عن اي حاجة تخصني...
سيف: و ادهم؟!
داليا: ادهم عارف انك مت، علشان كدة ابعد عننا خلاص بقي وجودك مسبب ليا و لبنتي مشاكل، ابعد عننا بقي.
سيف: جهاد ناوية تقتل بناتك لو قربوا من ولادها.
داليا: اللي هيقرب من بناتي لاكون قاتلاه و ميهمنيش هو مين. و انت خد بعضك و امشي بكرهك و بكره اشوفك ابعد عني بقي يا شيخ حرام عليك عايز ايه تاني...
سيف: عايز.
داليا: احلم مش هيحصل.
داليا سابت سيف و دخلت المطبخ حاولت تمسك دموعها...
-في مكان تاني...
عند شهد.
شهد: نخبك.
شهد: مش هيقدر مينفذش كلامنا.
عادل: فعلا بس جنون متستحقش ده كله.
شهد(بعصبية): ايه؟ ما تفوق فوق دي حتة بت ادوس عليها بجذمتي حتى اقرف ل جذمتي تتوسخ...
شهد(بعصبية): ليه الكل بيشوفها حاجة ليه الكل بيعملها الف حساب مع اني اغني منها و عندي زيها و اكتر مليون مرة من المهارات...
شهد(بعصبية): كلكم بتموتوا فيها فيها ايه زيادة عني.
عادل قام و حط ايده في جيبه.
عادل: انتي زي جنون. عندك ايد و رجل و عندك عقل بس مش بتستخدميه صح مش زي جنون، جنون مشغلة عقلها علطول بتحب الكل مش بتبين انها حنينة بس هي احن شخص ممكن تلاقيه علي الكرة الارضية قاسية شوية و فيها صفات وحشة كتير بس علي الاقل بتعرف تفصل بين كل حاجة، عندها كرامة مبتحبش اللي يدوس علي كرامتها.
عادل: اما انتي كنان رفضك مرة و اتنين و تلاتة و انتي عملتي ايه برضو مبعدتيش عنه...
عادل: جنون لو كانت مكانك كانت مشيت و خلته يندم، بس جنون مالية عين كنان.
عادل: حتى لما كنان كان معاكي اكيد اكيد كان بيفكر في جنون، لانها شخص مستحيل تتنسي.
شهد: هخليك تنساها و هخليه ينساها هميحها من علي وش الارض.
شهد: إلى اللقاء في جهنم بقي خدت منك اللي انا عايزاه.
شهد طلعت مسدسها و ضربت عادل بيه رصاصة، عادل كان مصدوم و وقع علي الارض و بدأ ينزل دم.
شهد خدت حاجتها و لبست النقاب بتاعها و مشيت علشان محدش يعرفها و كمان محت اي آثار ممكن تدل عليها...
-في مكان تاني...
عند جنون و كنان.
جنون فتحت عينيها لقت نفسها في مكان هي متعرفهوش حاولت تقوم لقت ايديها مربوطة في السرير...
جنون(بعصبية): كناااااااااااااااااااان.
كنان دخل بكل برود حاطط ايده في جيبه.
كنان: افندم؟!
جنون(بعصبية): تعالي فك ايدي احسن لاما و ربي لما افكها مش هرحمك.
كنان: هفكها بس مش قبل ما تقولي ايه اللي الكلام اللي انتي قولتيه قبل ما يغمي عليكي ده.
جنون: و انا مش هتكلم.
كنان: و انا مش هفك ايدك.
جنون(بعصبية): بلاش لعب عيال.
كنان: انتي اللي بتلعبي امبارح تقوليلي بحبك و النهاردة تقولي انا ندمانة اني قولتهالك انت متستحقهاش، لازم افهم ايه اللي بيحصل؟
جنون: اسأل نفسك انا لو واجهتك بالحقيقي و ربي لاكسر كل عضمك و اقتلك فيها...
كنان: جنون.
جنون: فك ايدي.
كنان قرب من جنون و قعد علي السرير و حاوط جنون بايده و بصلها بحب.
كنان: جنون اتكلمي ممكن نساعد بعض...
جنون: بليز يا كنان فك ايدي علشان خاطري لو ليا خاطر عندك...
كنان فك ايد جنون الاتنين و في اقل من لحظة لقي نفسه واقع علي السرير و جنون فوقه مقيدة حركته.
جنون: اياك تثق في حد بعد كدة، الشخص اللي متتوقعش منه الغدر و الخيانة ده اكتر شخص تخلي عينك عليه و متسبلوش الساحة فاضية...
جنون كانت هتقوم بس كنان قلب الوضعية و ثبت ايديها...
كنان: و انا مش هسيبك الا لما تقولي في ايه يا جنون، حتى لو هقعد معاكي هنا شهر او سنة مش هسيبك لغاية ما افهم بتعملي كدة ليه معايا.
جنون: لانك تستحقه، و ابعد ايدي.
جنون(بحدة): ابعد متنساش اني عاملة حادثة...
كنان بعد عن جنون و قام وقف. جنون قامت وقفت قصاده.
جنون: انا فين؟
كنان: في البيت اللي المفروض يبقي بيت جوازنا.
جنون: هه بتحلم.
جنون سابته و دخلت الحمام اللي لاحظته في الاوضة و وقفت قدام المراية كتير و بدأت تغسل وشها.
جنون: انسي انسي انسي انسي...
جنون: اهدي يا جنون اهدي، الكل خاين و انتي كنتي متوقعة كدة...
جنون خرجت من الحمام لقت هدوم ليها علي السرير.
جنون لبست بنطلون جينز و تي شيرت ابيض ب ¾ كم واسع و قصير لغاية الخصر و كوتشي ابيض. لقت ساعة باللون الفضي مسكتها و لبستها و سابت شعرها زي ما هو.
جنون خرجت و بدأت تتجول في الشقة لقتها شقة واسعة و كبيرة و حلوة، راحت المطبخ لقت كنان بيعمل اكل.
جنون: ها و بعدين عايزة امشي.
كنان: مش قبل ما تتكلمي.
جنون: اومال انا بعمل ايه اهو بتكلم.
كنان: بطلي استعباط.
كنان وطي علي الاكل و مسك ايد جنون و جنون حاولت تشيل ايديها بس معرفتش كنان كان ماسكها جامد...
كنان راح قعدها علي الركنة و قعد جمبها و بدأ يشوف جروحها.
جنون: ابعد انت مش دكتور.
كنان: متنسيش اننا متدربين لو حصلت اي ظروف نتدخل كاسعافات اولية. و متتكلميش لغاية ما اغيرلك علي كل جروحك.
جنون(بسخرية): انت مسمي الجروح دي جروح...
جنون: اه نسيت ما انت مجربتش جرح القلب بيكون عامل ازاي.
كنان بدأ يشيل الشاش اللي علي رأس جنون و بدأ يسرح ل جنون شعرها براحة.
جنون: بتعمل ايه؟
كنان: جنابك شايفة ايه؟
جنون: وسع يا كنان وسع.
جنون زقت كنان اللي كان واقف وراها علشان يسرح شعرها.
كنان(بوجع): آآآآآه...
جنون: انت كويس؟! رد عليا.
جنون(بعصبية): مش لابس ليه اللي الدكتور قالك عليه؟ هو مش قال متتشالش قبل اسبوع.
جنون: وريني.
جنون حطت رجل كنان علي رجلها و بدأت تفحصها.
جنون: بتوجعك؟
كنان: لا.
جنون رفعت رأسها ل كنان لقته مبتسم.
جنون: حتى لو بتموت قدامي مش هتحرك ابدا، حتى لو طلبت مني مساعدة هرفض.
جنون قامت وقفت بسرعة و حست بدوخة.
كنان: كويسة؟!
جنون: هبقي كويسة طول ما انا بعيدة عنك.
كنان سرح ل جنون شعرها و غير ليها علي كل جروحها...
كنان: دلوقتي انتي كويسة؟
جنون: اوف هتسأل السؤال ده كام مرة؟
كنان: مليون مرة لغاية ما اتأكد انك كويسة.
جنون: انا كويسة خلاص.
كنان: مش مصدقك.
جنون: مشكلتك مش مشكلتي.
-كنان حضن جنون، جنون حاولت تبعد بس حست بدوخة و صداع و مكنتش قادرة تتحرك استسلمت و خدت نفسها بصعوبة.
كنان: جنوني انا بحبك و.
تليفون كنان رن...
جنون بعدت عن كنان اللي اضايق اوي.
جنون: رد و متقولش مش فاضي.
كنان مسك التليفون و هو مضايق و متعصب و رد.
الخط اتفتح.
كنان: خير؟!
: ...
كنان: و المفروض اخاف، انت مين؟
الخط قفل في وش كنان.