رواية حرب الحب للكاتبة سلسبيل كوبك الفصل الحادي والأربعون
جنون بدأت تمشي براحة و ركبوا الاسانسير و طلعوا للشقة و كنان فتح الباب.
كنان: اتفضلي يا حماتي اتفضلي يا شجن...
كلهم دخلوا و اول ما كنان قفل الباب كلهم بصوا بصدمة...
كنان: انت مين؟!
الكل دخل لقي شخص قاعد علي الكنبة و ماسك في ايده سلاح و الشقة فيها حراس.
داليا(بخوف): جنون.
جنون بصت وراها لقت حراسين قفلوا الباب وراهم. جنون وقفت في ضهر كنان و لزقت فيه كنان استغرب حركتها. و داليا و شجن وراهم خايفين.
جنون: عايز ايه؟!
: طب تعالي نتكلم بهدوء.
جنون: انجز عايز ايه؟!
كنان: تعرفيه يا جنون؟!
جنون: ايوه.
كنان: مين؟!
جنون: مش وقته.
: اعرفك بنفسي ديفيد زوجتك المصون خسرتني عملية مهمة جدا و انا الصراحة كنت شايلها ليها لغاية ما جه الوقت قامت بالسلامة من الحادثة مكنتش اعرف انك هتقعدي كتير كدة.
ديفيد: اسف انا قتلت الراجل اللي دخل فيكي انا قولتله حادثة بسيطة بس كان غبي بقي.
كنان(بغضب): يعني انت ورا الحادثة دي؟!
ديفيد: ايوه.
جنون في اقل من لحظة شدت مسدس كنان من ضهره و وجهته ناحية ديفيد.
داليا(بخضة): جنون انتي حامل.
جنون(بجدية): انت تعرف اني مش بخاف من حد و انا مش عايزة ألوث بيتي بدم واحد زيك.
جنون: خد رجالتك و امشي من هنا.
ديفيد: اوووه القطة حتى بعد الحادثة لسة بتجرح و بتخربش.
جنون: بالعكس بتبقي اقوي مع كل ضربة هي بتقوي. امشي من هنا احسنلك و انسي العملية خدت حقك بأني عملت حادثة و فضلت تلت شهور في غيبوبة.
كنان قرب من جنون و وقف قدامها.
كنان: تقدر تمشي مكنش ليه لازمة مجيتك.
ديفيد: لسة الايام جاية.
جنون: هدفك متحققش مش بخاف من حد غير اللي خلقني...
ديفيد: بس عندك اللي تخافي عليه.
كنان(بحدة): انا لغاية دلوقتي مش عايز اتدخل لكن اياك ثم اياك تهدد مراتي لان طول ما انا عايش علي الارض دي عمر ما في حاجة هتلمسها.
ديفيد زق كنان و جنون وقعت علي الارض كنان ضرب ديفيد بوكس. و رجالته صوبت اسلحتها ناحية كنان...
جنون: ديفيد امشي.
الشخص ده مشي هو و رجالته و بص ل جنون بصة فهمتها.
شجن: انتي كويسة؟!
كنان نزل ل مستوي جنون و خدها في حضنه و باس رأسها...
كنان: حاسة بوجع؟!
داليا: طمنينا يا بنتي.
جنون: انا كويسة.
كنان(بقرف): ايه ده؟!
شجن و داليا قعدوا يضحكوا علي منظر كنان لما جنون قعدت ترجع عليه.
جنون(باحراج): اسفة.
كنان: اصرفها منين انتي عارفة اني بحب القميص ده.
جنون: انت مش قد الجواز و لا الخلفة انا مالي الله.
كنان فك زراير القميص و قلعه كله.
شجن(باحراج): طب فين اوضتنا؟!
كنان(بهمس): علفكرة واخد بالي.
جنون بعدت نظراتها عن كنان و بصت ل مامتها.
جنون: انا.
و بعدها جنون قعدت ترجع كتير و هدومها و الارض اتبهدلوا.
داليا: معلش علشان الحمل يا حبيبتي.
كنان شال جنون و طلع علي اوضتهم.
كنان: انا هغير ليها يا طنط متشغليش بالك شوفي احسن اوضة تحبوا تقعدوا فيها واقعدوا.
جنون: من ده اللي هيغير ليا؟!
كنان: انا.
جنون: في حلمك.
كنان دخل بجنون الحمام.
جنون: لا افهم انت بتعمل ايه؟!
كنان: بملئ البانيو علشان تستحمي و تأخدي دوش هادي لطيف كدة و تخرجي تغيري هدومك و تنامي عقبال ما الغداء يجهز، و بعدها نبقي نتكلم في موضوع النهاردة و مواضيع كتير.
جنون: طيب اخرج بره.
كنان: بس.
جنون: احمد ربك اني جيت هنا.
كنان ساب جنون و طلع اختار ليها هدوم و حطها علي السرير.
جنون قعدت في البانيو وقت طويل و هديت و اعصابها بقت احسن و قامت لفت نفسها بالبشكير و خرجت.
كنان(بابتسامة): اختارتلك ده.
جنون: بطل تتعامل معايا علي اساس خادمتي المطيعة.
كنان مردش علي جنون و خد هدوم و دخل الحمام و كان متعصب.
جنون لبست عباية بيتي قصيرة لغاية الركبة باللون الاحمر في دهبي و بنص كم. و رفعت شعرها ل فوق علي شكل كحكة بعد ما جففته.
جنون(بوجع): آآه.
جنون بدأت تشوف كتفها اللي واجعها و بعدها فتحت باب الاوضة و نزلت.
داليا: ايه بس اللي نزلك يا حبيبتي المفروض ترتاحي و تنامي.
جنون: لا يا امي عادي انا مبحبش النوم و لا بحب اقعد في اوضتي كدة.
شجن: هتخليني خالتو يا جنون؟!
جنون: ايه السؤال العبيط ده؟!
شجن: رزلة.
جنون خدت شجن في حضنها وباست رأسها.
جنون: اسفة.
شجن: و لا يهمك.
جنون: بس ايه موضوع ادهم اتجوز ده بقي؟!
شجن: ده موضوع طويل شوية.
جنون: احكي ورانا ايه غير الحكاوي...
داليا: هخش انا اعمل الاكل.
جنون: ماشي يا امي.
كنان(بحدة): هو مش انا قولتلك تفضلي فوق و ترتاحي.
جنون: انت قولت ارتاح علشان كدة نزلت انا برتاح هنا.
كنان: جنون متخلنيش اتعصب عليكي.
جنون: و لو اتعصبت؟!
داليا: بس بس بطلوا.
داليا: معلش يا ابني هي الست الحامل مبتحبش تقعد في مكان واحد. و انتي يا جنون كنان خايف عليكي علشان كدة اتعاملي بهدوء.
الباب خبط.
كنان راح فتح و دخل تاني.
شجن و جنون: بيتزا.
كنان: دي ل شجن و ليا و لحماتي. انتي لا انتي في اكل مسلوق و بس...
جنون: افندم! ده انا اصور قتيل هنا.
داليا: مينفعش و مش هتأكلي بيتزا...
كنان: خدي اهي شوربة خضار.
جنون: علي جثتي.
كنان قعد جمب جنون و بدأ يأكلها غصب عنها.
كنان: افتحي بوقك انجزي.
جنون: ابدا كفاية.
كنان: تخلصي الطبق ده الاول يلا.
جنون(بغيظ): شايفهم بيأكلوا بيتزا ازاي، عايزة اكل.
كنان: لما تخفي هبقي اجبلك.
جنون: لا انا عايزة دلوقتي.
كنان(بحدة خفيفة): كلي الاولي يلا.
كنان اكل جنون و غسلها ايديها.
جنون: مش طفلة انا الله.
كنان: يلا علي فوق...
جنون: ده انت بتعاملني علي اساس اني طفلة بقي.
كنان: ايوه بالظبط كدة. علي فوق انا هحصلك يلا.
داليا: يلا يا جنون اسمعي كلام جوزك.
جنون: اوف كلكم عليا، طب انا مش قادرة اطلع هروح اقعد علي الكنبة.
كنان شال جنون و طلع بيها علي اوضتهم و حطها علي السرير، قفل الباب و راح نام جمبها.
جنون: شيل ايدك.
كنان: طيب.
كنان قام و فتح الدولاب و راح ناحية جنون.
جنون(بفرحة): هتأكلني بيتزا؟!
كنان: ايوه. بس اياكي ثم اياكي تقولي لامك علشان منتهزأش انا و انتي.
جنون: هات.
جنون بدأت تأكل بيتزا و هي مبسوطة و كنان باصص ليها بحب.
كنان: وحشتيني اوي يا جنون حقيقي كان يومي ملهوش طعم.
جنون بصتله بطرف عينها و كملت اكل.
كنان: عارف اني غلطان و تصرفي كان غلط بس و الله مكنتش انا كانت روحي تايهة و متعلقة مع موت أوبي.
جنون: تصبح علي خير يا كنان.
جنون طفت النور اللي جمبها و رجعت رأسها لورا و غمضت عينها. كنان غطاها كويس و قعد يلعب في شعرها و جنون لفت نامت في حضنه.
جنون(بوجع): آآه براحة.
كنان: اسف.
كنان حضن جنون اوي و كتف جنون وجعها.
جنون(لنفسها): اوف مبعرفش اقاومك يا شيخ ده انت ايه عاملي سحر...
جنون استسلمت للنوم بسرعة و كنان فضل يتكلم كتير بيعبر ليها عن مدي شوقه ليها و افتقاده ليها لغاية ما نام...
-في مكان تاني...
عند تامر و نور...
نور كانت واقفة في المطبخ بتطبخ لقت حد جاي من ورا ضهرها و بيحضنها.
نور: حمد لله بالسلامة.
تامر: الله يسلمك يا حبيبة قلبي، عاملة ايه طمنيني؟!
نور: بخير يا حبيبي، خش غير هدومك و الاكل خمس دقايق و يكون جاهز.
تامر: حاضر. و اه جنون فاقت.
نور: بجد؟! ده كنان كان هيتجنن لو مفاقتش.
تامر(بضحك): دي مطلعة عيونه.
نور: الصراحة عندها حق و هو يستاهل.
تامر: طيب هخش اغير و اجي.
نور: تمام.
تامر راح علي اوضته غير هدومه و خرج لقي الاكل محطوط علي السفرة قعد كل هو و نور.
نور: وصلت لايه؟!
تامر: لسة مش عارفين.
نور: انا عرفت معلومة ممكن تفيدنا.
تامر: قولي.
نور: انا شايفة ان في كاميرات المرور كل ست ساعات نفس العربية بتعدي و الراجل اللي في المرور مش بيتكلم، و برضو دي نفس نمرة العربية اللي في الملف.
تامر: و انتي عرفتي منين؟!
نور: خليت حد يبعتلي تسجيل الكاميرات.
تامر: هروح اشوف الموضوع و نكتبها ملاحظة و كنان لما يستعيد نشاطه بقي نبقي نبدأ نخطط.
نور: طيب.
تامر: تحبي نروح نطمن علي جنون امتي؟!
نور: اي وقت عادي براحتك.
تامر: بكرة بليل او بعده هبقي اظبطها.
تامر: بس حاليا لازم انام.
نور: طب و ماسك ايدي ليه؟!
تامر: نسيتي اني مبعرفش انام الا في حضنك.
نور: يا سلام و قبل الجواز؟!
تامر: صورتك تبقي جمبي...
نور: و قبل ما تعرفني؟!
تامر: كنت بحلم بيكي.
تامر: و تعالي متكتريش كلام.
نور: امري لله عيل رزل.
تامر و نور دخلوا اوضتهم و ناموا...
-في مكان تاني...
عند ادهم.
ادهم مكنش لسة يعرف ان جنون فاقت رجع من المستشفي مهموم و دخل علي البيت ملقاش داليا و لا شجن و بعدها طلع الدور التاني رمي حاجته و قعد.
ورد: مالك؟!
ادهم: جنون وحشتني اوي.
ورد قعدت جمبه و حطت ايديها علي كتفه.
ورد(بابتسامة): جنون فاقت...
ادهم: بتتكلمي بجد؟!
ورد: اه.
ادهم حضن ورد جامد و فضل ماسك فيها...
ورد: ضهري.
ادهم: اسف بس حقيقي ده خبر حلو بعد كل اللي عشناه.
ورد: و لا يهمك. و ماما داليا و شجن راحوا قعدوا مع جنون لانها طبعا حامل و محتاجة رعاية.
ادهم: مش مهم المهم ان جنون تبقي بخير.
ورد: طيب هقوم احضرلك غداء...
ادهم: لا مش مهم هنام علطول.
ورد: لا طبعا انت شكلك تعبان. لحظة واحدة.
ادهم قام غير هدومه و راح اترمي علي السرير و ورد جابت الغداء و طلعت.
ورد: يلا ادهم قوم.
ورد: ادهم يلا بقي.
ورد راحت ناحية ادهم و صحته.
ادهم: مش قادر اكل يا بنتي.
ورد: هأكلك انا.
ادهم: لا اذا كان كدة معنديش مانع.
ورد راحت جابت صينية الاكل و بدأت تأكل ادهم.
ورد: محسسني انك طفل.
ادهم: اه و ايه كمان.
ورد: اوف يا ادهم اعقل شوية...
ادهم: عيوني. بكرة الصبح بقي.
ورد: اوف دايما كدة. من ايام الثانوي.
ادهم: هو انتي لحقتي تحبيني في سنتين.
ورد: الحب مش محتاج سنين و لا شهور.
ادهم: عجبتني.
ورد: يلا نام بقي.
ادهم: يا دكتورة هو بعد الاكل ينفع ننام علطوول.
ورد: خلاص استني ربع ساعة و نام.
ورد نزلت الاكل و طلعت تاني. و كانت هتنام.
ورد: ايه؟!
ادهم: انتي اللي ايه؟!
ورد: ايه بقي؟!
ادهم: يعني احنا متجوزين بقالنا 3 شهور و نص و خلاص الحمد لله جنون فاقت و حامل.
ادهم: انا عايز حامل.
ادهم: اقصد يعني انا ابقي حامل.
ادهم: لا اقصد اني ابقي حامل زيها.
ادهم: يا بنتي لا استني متضحكيش.
ورد(بضحك): عايز يبقي عندك طفل.
ادهم: اه واخليكي حامل.
ورد: انت مستعجل علي الخلفة. تبقوا فرحانين اول مرة تشوفوه و بعد كدة ترموه لينا وتقولوا سكتوا الطفل ده صح.
ادهم: يا ستي هبقي اخده معايا الشغل اهو...
ورد: هو مين؟!
ادهم: ابننا.
ورد: تصبح علي خير يا ادهم.
ادهم: طيب يا ستي بنت مش ابن اهو.
ورد: اوف يا ادهم نام نام.
ادهم: ستات نكدية.
ورد: رجالة خنيقة.
ادهم: غوري و انتي عسل يا شيخة يخرب بيت حلاوتك.
ورد: احدد بس حضرتك بتشتم و لا بتمدح و لا بتعمل ايه؟!
ادهم: واحد بانيه.
ورد: اوف الصبر.
ورد لفت حضنت ادهم و حطت ايديها علي بوقه.
ورد: لو اتكلمت كلمة تانية هزعلك مني.
ادهم باس باطن ايديها. ورد نامت و بعدها ادهم نام.
-في مكان تاني...
عند شهاب.
شهاب كان قاعد بيشتغل في مكتبه لقي الباب بيتفتح.
شهاب(بصدمة): سجي!
شهاب قام بسرعة و راح ناحية سجي اللي لقاها بتعيط.
شهاب: مالك فيكي ايه؟!
سجي(بعياط): هو انا وحشة؟!
شهاب: لا طبعا مين قال كدة بس؟!
سجي(بعياط): اومال ليه محدش بيحبني و محدش بيشوفني ام لولاده و لا زوجة ليه.
شهاب: ايه بس الكلام ده يا سجي فهميني.
سجي(بعياط): مفيش حد بيحبني.
شهاب: ازاي بس لا متقوليش كدة.
سجي(بعياط): زي ما هو بعد عني انت كمان بعدت.
شهاب: مين هو؟! و انا يا سجي مبعدتش عنك انا معاكي اهو.
سجي(بعياط): حسن بعد عني و انت كمان بعدت عني حتى عائلتي بعدت عني. الكل بعد عني و محدش بيحبني.
سجي(بعياط): الوحيد اللي شكيت انه ممكن يحبني انت و خدعتني في الاخر.
شهاب: ايه يا بت الكلام ده انا مخدعتكيش.
سجي(بعياط): كداب.
شهاب: و الله العظيم بحبك و الله العظيم كمان مرة مقدرش اعيش من غيرك.
شهاب: و عندي استعداد حالا و الله اتجوزك.
سجي: بجد؟!
شهاب: اه و الله.
سجي مسحت دموعها و قامت وقفت.
سجي: بعد كدة متخططش و الباب مفتوح.
سجي سابت شهاب و خرجت و هي مبسوطة و شهاب كان مصدوم.
Flash back.
شهاب: مش عارف اعمل ايه؟!
علي: هي بتحبك يا ابني.
شهاب: معتقدش.
علي: مشوفتهاش بتغير عليك من النسمة ازاي؟!
شهاب: اعمل ايه بقي؟!
علي: هقولك.
شهاب: ايه؟!
حازم: سجي راحة فين؟!
سجي: هروح اودي ملف ل شهاب و اجي.
حازم: تمام. باي.
سجي: باي.
علي: انت هتعمل نفسك تعبان و هي اكيد هتيجي ليك و هتعترفلك بحبها.
شهاب: لا شوف غيرها بس برضو هي اللي تعترف مش انا.
علي: اعمل نفسك زعلان علشان مفيش بنات بتحبك و كدة حتى هي.
شهاب: لا شوف غيرها.
علي: اعمل انك بتخونها مع واحدة تانية و اكيد هتزعل و لما تزعل قولها بتحبيني هتقولك اه قولها ده كله كان كدب.
شهاب: هي حلوة بس معتقدش انها هتنفع معاها.
علي: اعمل نفسك هتخطب و اكيد هيبان الزعل عليها و ممكن تيجي تعترفلك هي بحبها.
شهاب: فكر في حاجة تاني بس هي اللي تيجي و تعترف ليا.
سجي: صبرا جميلا يا شهاب الكلب.
Back.
علي: هاي سجي.
سجي: هاي علي. عن اذنك ورايا شغل.
علي: مالها دي؟!
علي دخل ل شهاب لقاه واقف مصدوم...
علي: ايه مات.
علي: انت ياض.
شهاب: ها؟!
علي: ها انا واقف بنادي من سنتين فاتوا.
شهاب: بطل أوفر.
علي: مالك مضايق ليه؟!
شهاب حكي كل اللي حصل ل علي. علي قعد يضحك عليه.
شهاب(بغيظ): هتخرس و لا اوديك رصاصة تخرسك.
علي: خلاص، يا بنت اللعيبة يا سجي...
شهاب: و ربي لاربيها.
علي: لعبتها صح.
شهاب: اخرس و ربي لاندمها.
علي: هي عملت حاجة.
شهاب: ده كله و عملت حاجة انا تستغفلني و تضحك عليا علشان انا اللي اعترف ليها و كمان مين حسن ده.
علي: هتعمل ايه بس اهدي؟!
شهاب: هعرف مين حسن ده.
شهاب طلع و كان رايح ل مكتب سجي.
سجي(بضحك): كان منظره مسخرة يا عطر.
شهاب: سجي.
سجي: يا ماما.
سجي طلعت بره المبني و كانت بتجري و شهاب وراها.
سجي: تاكسي.
سجي وقفت تاكسي بسرعة و ركبته و طلعت رأسها.
سجي: ابقي حاسب المرة الجاية.
عطر: الواطية سابتني.
علي: انا موجود يا حب.
عطر: اتنيل.
علي: الصبر يا رب. هقصلك لسانك يا بت.
عطر: طب جرب كدة.
علي: هجرب متخافيش و هقصه. ده انا مش خليكي و لا خرساء و لا بتتكلمي.
عطر: ده اللي هو ازاي؟!
علي: مع علي مفيش حاجة مستحيل.
عطر: ربنا ما يحرمك من الهبل يا علي يا ابن.
عطر: هي امك كانت اسمها ايه؟!
علي: عفاف.
عطر: ربنا ما يحرمك من الهبل يا علي يا ابن طنط غفاف.
علي: طنط! الله يرحم كان بيقطع التورتة بالفأس.
عطر: نينينينينينينيننينينينينييني.
شهاب: يلا قدامي.
علي: طيب يلا باي يا قطة.
عطر: منعدم الرجولية هتسبني في الشارع و تمشي.
علي: ده انا اخاف علي الشارع منك.
عطر: اه يا واطي يا جذمة.
علي: اطلع يا ابني.
علي و شهاب مشيوا. و عطر كانت واقفة زعلانة.
علي: انا اقدر اسيبك يا مزة لوحدك...
عطر: رجعت ليه ما انت مش خايف عليا.
علي: انا برضو يا حب. تعالي اعزمك علي ايس كريم.
عطر: لا عايزة اروح البت سجي زمانها وصلت.
علي: طيب تعالي اوصلك.
-الكل روح علي بيته و نام...
-في الصباح الباكر...
في بيت كنان.
شجن: صباح الخير يا ماما. ايه اللي مصحيكي بدري؟!
داليا: بعمل شوربة لاختك.
شجن: هي صحيت؟!
داليا: لا لما تصحي علشان تلاقي الاكل جاهز.
شجن: طيب.
داليا: انتي زعلانة يا شجن؟!
شجن: من ايه؟!
داليا: علشان بهتم ب جنون شوية.
شجن: لا خالص.
داليا: هي بس علشان دماغها ناشفة و هتتعب جوزها و كمان كنان ندمان و مش هيعرف يتصرف مع جنون و هي في الحالة دي و كمان جنون مش طايقاه و ممكن تعمل مشاكل هو بس كام يوم نظبط الامور ما بينهم و نمشي.
شجن: و لا يهمك يا امي، جنون عملت حاجات كتير علشانا.
داليا: ربنا ما يرجعلك للهبل يا شجن يا بنت بطني و تفضلي عاقلة.
شجن: مقبولة يا ست دودو.
في اوضة كنان و جنون.
جنون بدأت تتقلب في نومها لغاية ما صحيت. قامت قعدت نص قاعدة علي السرير و بدأت تتمطع.
جنون قامت دخلت الحمام و خدت دوش و خرجت بدأت تطلع ليها هدوم تلبسها.
جنون لبست بنطلون اسود و تي شيرت ب ¾ كم باللون البترولي و عملت شعرها ديل حصان و لبست كوتشي ابيض نضيف.
كنان: مفيش نزول ل تحت طول ما انا نايم او حتى طول اليوم من غير ما اقولك.
جنون طنشت و نزلت ل تحت لقت مامتها في المطبخ و شجن في الاوضة.
جنون: صباح الخير.
داليا: صباح النور يا حبيبتي ايه اللي مصحيكي و ايه اللي نزلك من فوق؟! يلا اطلعي علي فوق.
جنون: اكلم الحيطان يعني. و كمان انا طول عمري طائر حر علشان كدة اعمل اللي انا عايزاه.
داليا: ماشي يا بنتي بس برضو انتي حامل و مسئولة عن روح تانية.
جنون: طيب مش كفاية مش هروح المبني.
داليا: الصبر بتموتي في الشغل، ربنا يكون في عونك يا كنان.
جنون: هي شجن صحيت؟!
داليا: علي الاغلب نامت تاني.
جنون راحت اوضة شجن و فتحت الباب.
جنون: بتكلمي مين!
شجن: واحدة صاحبتي.
جنون: طيب سلميلي عليها.
الباب خبط.
داليا: ثانية.
جنون: خليكي يا امي.
داليا: لا خليكي انتي تعبانة.
جنون: انا عارفة مين.
جنون راحت و فتحت الباب...
جنون: ازيك يا عم محمد.
محمد: ازيك يا حبيبتي اهو الملف الجديد زي ما حضرتك طلبتي. و حمد لله بالسلامة.
جنون: الله يسلمك و شكرا معلش تعبتك.
جنون قفلت الباب و راحت علي الكنبة و بدأت تفتح الملف.
داليا(بصدمة): انتي بتعملي ايه؟!
جنون: هشتغل.
داليا: نعم يا اختي!
جنون: اومال عايزاني اقعد في البيت ست شهور ليه معنديش شغل يسأل عليا و لا معنديش.
داليا: لا لا انتي مش طبيعية...
جنون: جاية تتعرفي عليا بعد 25 سنة يا دودو.
داليا سابت جنون و دخلت المطبخ تاني.
جنون بدأت تقرأ ملف القضية الجديدة و بدأت تتفحص عن حاجات علي النت.
جنون: ايه ده؟!
داليا: ايه؟!
جنون: الناس بتفطر الاول مش بتأكل حلاوة علطول.
داليا: الشوربة كمان ساعة دلوقتي كلي حلاوة.
جنون: شوربة مين انا انسانة مش بحب الشوربة. و كمان ساعة جاية علي نفسك اوي.
داليا: اسمعي الكلام و كلي يلا. الحلاوة حلوة لليت الحامل.
جنون: اوف طيب.
جنون كلت السندوتشات اللي داليا ودتهم ليها و قامت قعدت في البلكونة تكمل شغل.
عند كنان.
كنان بدأ يفوق و بص يمينه ملقاش جنون قام مفزوع و نزل علي تحت بسرعة.
كنان: هي فين جنون؟!
داليا(بتنهيدة): بتشتغل.
كنان اللي هو ايه دقيقة بس استوعب.
كنان: بتعمل ايه؟!
داليا: بتشتغل.
كنان: هي الهانم نزلت الشغل و راحت المبني.
داليا: لا قاعدة في البلكونة بتشتغل.
كنان: طب بذمتك انتي يا طنط دي اعمل معاها ايه؟!
داليا: تدعي ربنا يهديها.
كنان: الصبر.
كنان راح ناحية جنون و لقاها مندمجة اوي.
كنان: صباح الخير.
جنون: مش فاضية ارد.
كنان: و النبي؟! و جنابك بتعملي ايه؟!
جنون: حضرتك اتعميت مبتشوفش.
كنان: جنون احترمي نفسك و اتكلمي زي ما بتكلم.
جنون: اخلص يا كنان عايز ايه؟!
كنان(بقلق): في اي مالك؟!
جنون قامت جريت بسرعة علي الحمام و قعدت ترجع، داليا و شجن جم ليها.
كنان: خلاص اهدي. اهدي معلش.
كنان كان بيشيل شعر جنون. شجن و داليا جمب جنون.
كنان: احسن دلوقتي؟!
جنون حست بدوخة شديدة و مسكت في كنان جامد علشان متوقعش.
جنون(بتوهان): مش قادرة اقف.
كنان شال جنون و راح علي الكنبة و حطها عليها.
كنان: شجن اطلعي جيبي برفيوم بسرعة.
شجن: طيب.
شجن طلعت جري جايت البرفيوم و نزلت بيه.
داليا: خد يا ابني.
كنان(بقلق): هو ده طبيعي يا طنط يغمي عليها و ترجع!
داليا: الترجيع طبيعي اما الاغماء نادرا لما تلاقي حد اغمي عليه و هو حامل.
كنان بدأ يشمم جنون البرفيوم لغاية ما فاقت.
كنان: انتي كويسة!؟
جنون: اه اه.
كنان نزل ل مستوي جنون و باس ايديها.
كنان: قلقتيني عليكي.
جنون بتلقائية حطت ايديها علي خد كنان.
جنون: انا بخير متقلقش.
شجن: بقول نروح.
جنون شالت ايديها بسرعة و قامت وقفت بس داخت تاني و قعدت...
داليا: هعملك حاجة دافية تهديكي.
شجن: هروح مع ماما و اسيب الساحة فاضية.
كنان طلع قعد علي الكنبة جمب جنون و خدها في حضنه.
جنون: انت ما بتصدق؟!
كنان: اه. و لو عايزة تنامي كتفي مريح و اعتقد جربتيه قبل كدة...
جنون: لا لا مش عايزة انام.
الباب خبط.
كنان: اوف مين الرزل ده؟!
كنان قام و فتح الباب.
كنان(بصدمة): سندس!