رواية حرب الحب للكاتبة سلسبيل كوبك الفصل الثاني والأربعون
الباب خبط.
كنان: اوف مين الرزل ده؟!
كنان قام و فتح الباب.
كنان(بصدمة): سندس!
كنان(بقلق): سندس.
سندس اغمي عليها و كنان مسكها بسرعة. جنون لفت تشوف في ايه قامت بسرعة حست بدوخة وقعت تاني.
كنان(بقلق): جنون؟!
كنان: شجن طنط...
شجن: جنون.
شجن جريت علي جنون و بدأت تفوقها.
داليا(بخضة): مالها سندس و ايه اللي عمل فيها كدة؟!
كنان: منعرفش.
كنان شال سندس و دخل اوضة و حطها عليها.
كنان: شوفيها هروح اشوف جنون.
كنان راح ل جنون و شجن و قعد جمبها.
كنان: روحي انتي يا شجن ل سندس.
شجن: طيب.
كنان: جنون حبيبتي فوقي.
-كنان شممها برفيوم لغاية ما فتحت عينيها و كانت اعصابها سايبة و بتتنفس بصعوبة شوية و حاطة رأسها علي صدر كنان. كنان فضل حاضنها لغاية ما بدأت تستعيد قوتها...
عند سندس.
داليا: روحي جيبي اي حاجة من عندك او من عند جنون نغير ليها هدمها يلا.
شجن: حاضر.
شجن راحت اوضتها جابت ل سندس هدوم. داليا و شجن غيروا هدوم سندس و غطوها كويس و خرجوا.
كنان: ايه الاخبار؟!
داليا: سبناها ترتاح شوية.
جنون: هي مالها؟!
كنان(بهمس): شكله اعتداء.
جنون بصتله بصدمة و بعدها بدأت تفكر مين ممكن يعمل كدة.
داليا: زمان الحاجة الدافية فارت هعملك واحدة تانية.
كنان: تمام يا طنط.
شجن: طب اطلعي يا جنون ارتاحي.
جنون: لا لا هقعد هنا.
كنان: مش لسة هأخد رأيك.
كنان شال جنون و طلع بيها لاوضتهم و حطها علي السرير.
جنون: انا.
كنان: هششش التلفزيون اهو شغال. متتحركيش لغاية ما اجيلك.
جنون اتنهدت وفضلت قاعدة مكانها.
جنون: طب ما تتصل ب فارس نشوف ايه اللي حصل.
كنان: هعملك كدة و متشغليش دماغك فكري في نفسك و بس.
كنان ساب جنون و نزل و راح للمطبخ.
كنان: معلش تاعبك معانا يا طنط.
داليا: و لا يهمك يا حبيبي.
شجن: طب و انا؟!
كنان: انتي الحب كله.
داليا: خد طلع ل مراتك الحاجة الدافية و الاكل.
كنان: تمام، انا هنزل الشغل و اشوف فارس. خلوا بالكوا من سندس و جنون.
داليا: اكيد يا حبيبي.
كنان طلع ل جنون و حط قدامها الاكل.
كنان: تأكليه كله هخش اخد دوش و اجي.
جنون: لا.
كنان: اه.
جنون: لا بقي مش هأكل شوربة خضار هو كل يوم هيبقي شوربة خضار...
كنان: هتأكلي شوربة خضار بس كدة.
كنان(بحدة): فورا...
كنان دخل خد دوش و خرج لقي جنون و هي بتأكل و مش طايقة نفسها، ابتسم علي منظرها و راح ناحية الدولاب.
كنان بدأ يطلع ليه هدوم و بدأ يلبس.
كنان لبس بنطلون جينز و تي شيرت ابيض و خد في ايده جاكت جلد اسود و كوتشي ابيض.
جنون: متحطش البرفيوم ده.
كنان: طب ده؟!
جنون: متحطش برفيوم اصلا.
كنان قرب من جنون و بقي في وشها.
كنان: ليه؟!
جنون: هو كدة متحطش و خلاص الله. عايز تضايق واحدة حامل يعني.
كنان: عيوني مش هحط علشان خاطرك.
كنان: في نوم و لما ارجع هصحيكي. و متعمليش حركة كتير.
كنان باس رأس جنون و خد صينيه الاكل و نزل حطها في المطبخ و نزل من الشقة. داليا و شجن بدأوا يروقوا الشقة. جنون بعد فترة نامت نوم عميق...
-في مكان تاني.
في عربية اياد.
اياد(بنفاذ صبر): يعني انتي حاسة بمغص و لا لا؟!
شذي: كنت حاسة بمغص و بعدها محستش.
اياد: يعني نتزفت نروح للدكتورة و لا لا؟!
شذي: ما انا خايفة اقولك نرجع و لما نرجع احس بمغص تاني.
اياد: يعني اعمل ايه دلوقتي؟!
شذي: روح للدكتورة.
اياد: طيب.
شذي: بس انا مش حاسة بمغص.
اياد: يا رب الصبر من عندك يا رب.
شذي: انت بتزعق فيا.
اياد: ايه؟! بزعق فيكي! حصل امتي ده؟!
شذي: و كمان بتتريق عليا.
اياد: الصبر يا رب الصبر...
شذي: يلا علي الدكتورة...
اياد: طيب.
شذي: و لا اقولك علي البيت.
اياد وقف العربية بسرعة و شذي كانت هتتخبط بس اياد مسكها...
اياد: بصي يا بنت الناس ل تقولي تروحي للدكتورة و لا لا لاما هسيبك و امشي.
شذي: بص ما انا مش عارفة الله.
اياد اتحرك بالعربية و مشي.
شذي: رايح فين؟!
اياد: هنروح المبني لما نشوف المغص هيجيلك تاني و لا لا.
شذي: ماشي و بالمرة اشوف سجي و عطر.
اياد و شذي راحوا للمبني و نزلوا من العربية.
اياد(باستغراب): مش دي سجي!
شذي: ايوه صح، هي بتبص يمين و شمال ليه؟!
اياد: معرفش. تعالي نشوفها.
اياد و شذي راحوا ناحية سجي.
شذي: سجي.
سجي(بخضة): ايه!
اياد: انتي اللي ايه؟! مالك متوترة ليه؟!
سجي: اصل شهاب بعتلي رسالة تهديد امبارح و قالي لو نزلتي من بيتك و روحتي المبني انسي انك تفضلي عايشة.
شذي: عيلة تافهة.
سجي: امشي يا ام بطيخة، هي ام الدكتورة مش عايزة تقولك حامل في ايه ليه؟!
شذي: حيرانة الست بتقول مرة ولد و مرة بنت.
اياد: هتخشي و لا ايه؟!
سجي: بعت عطر هتشوف شهاب هيعمل ايه وراه مهمة و لا ايه.
اياد: ربنا يشفيكي يلا يا شذي.
اياد و شذي دخلوا المبني جوا و طلعوا للدور السادس.
شذي: هما مش دول عطر و علي؟!
اياد: الصبر يا رب.
اياد(بحدة): علي.
علي(بخضة): الله يسامحك يا عم.
عطر(بتوتر): شذي حبيبتي.
اياد قرب من علي و حط ايده علي كتفه و شده معاه.
اياد: تكتبوا الكتاب احسن يا روح اهلك.
علي: ما انا كنت بقنعها.
اياد: الصبر يا رب، رزقتني بشوية هُبل.
شذي: هو كان بيقولك ايه؟!
عطر: همشي ل سجي انا.
شذي: ماشي خبي خبي براحتك.
شهاب: اياد عامل ايه؟!
اياد: بخير انت اخبارك ايه؟!
شهاب: الحمد لله. هو فارس مختفي ليه الفترة دي؟!
اياد: معرفش مشوفتهوش بقالي كام يوم.
علي: بتبصولي ليه معرفش؟!
كنان(بجدية): فارس يكون قدامي حالا.
كنان سابهم و دخل اوضة مكتبه.
اياد: ماله ده؟!
شهاب: معرفش ل يكون اتخانق مع جنون.
علي: معتقدش.
شذي: ماله خد في وشه ليه الجدع ده؟!
اياد: ملناش دعوة يلا بينا.
شهاب: ده اجبله فارس منين اذا كان انا معرفش هو فين.
علي: اتصرف.
شهاب: علفكرة هو محددش حد فينا.
تامر: متجمعين علي خير؟!
اياد: و ماشين اقابلك بعد الشغل، يلا يا شذي.
اياد و شذي راحوا للمكتب و اياد اشتغل و شذي قعدت تأكل.
كنان: ها يا نور؟!
نور: اعمل ايه اختراق تليفونه صعب.
تامر: طب هو عمل ايه يا كنان؟!
كنان: محدش ليه دعوة. و كملوا شغل.
علي: طيب.
نور: اهو خلاص العنوان اهو.
كنان خد العنوان من نور و خرج ركب عربيته و راح للعنوان و طلع العمارة...
خبط الباب.
كنان: افتح يا فارس عارف انك جوا.
-كنان فتح الباب برجله و دخل لقي الشقة مكسورة دخل و بدأ يدور علي فارس لقاه في اوضة النوم و ايده بتنزل دم و قاعد في ركن الاوضة و مصدوم...
كنان(بصدمة): فارس!
فارس لا رد.
كنان: فارس رد عليا بطل كدة.
كنان قرب من فارس و قعد جمبه.
كنان: في ايه طمني.
فارس(بدموع): انا خنت ثقة سندس يا كنان.
كنان: فهمني بس حصل ايه؟!
فارس(بدموع): خليتها تبات هنا و بقيت انا ابات عند شهاب الفترة دي و مرة خرجت مع شلة من صحابي القدام و شربوني و خلوني اخد مخدرات جيت علي سندس اطمن عليها بس كان المفعول عالي جدا و حاولت اعتدي عليها.
كنان: طيب خلاص اهدي.
كنان: احم يعني هي قدرت تمشي قبل ما يحصل حاجة و لا؟!
فارس: معرفش مكنتش في وعيي مش فاكر غير اني جيت عندها و حاولت اعتدي عليها...
كنان: خلاص يا فارس معلش اهدي. و هتروح دلوقتي تعتذر ل سندس.
فارس(بلهفة): هي سندس عندكوا؟!
كنان: اه...
فارس: بس مش هعرف اوريها وشي.
كنان: يا فارس لازم تواجهها. و هيبقي الكلام ده قدام عينينا و لو حصل اي حاجة هننقذ الموقف.
فارس: مش هقدر يا كنان، امشي...
كنان: يا ابني متقلقش قوم بس خد دوش.
فارس: امشي يا كنان امشي عايز ابقي لوحدي.
كنان: الكل بيدور عليك يا فارس مش هينفع اسيبك لوحدك.
كنان قام و و حاول يقوم فارس بس فارس زقه و كنان وقع علي رأسه.
كنان(بوجع): آآه.
فارس(بقلق): انت كويس؟!
كنان: اه بس خليك عارف بليل هأجي اخدك تكون جهزت نفسك.
كنان ساب فارس و خرج مشي.
-في مكان تاني...
عند جهاد.
جهاد كانت خلاص بتموت بسبب قذارة المكان و بعدها لقت الباب بيتفتح.
جهاد(بخضة): ايه ده؟!
فريد: اهي يا حضرة الظابط في ايديكم...
جهاد(بصريخ): انتوا بتعملوا ايه ابعدوا، فريد.
فريد قرب من جهاد.
فريد: انتي اللي طلعتي خسرانة يا جهاد كنتي فاكرة انك دايما صح و هتفضلي صح. كنتي بتحقدي علي الكل. جه الوقت انك تأخدي عقابك...
فريد: قتلتي سعيد و حاولتي تقتلي ادهم بس ربنا انتقم منك في ابنك.
فريد: مرجعتيش فضلتي معاندة و مغرورة فاكرة انك مالكة الدنيا لكن متعرفيش ان حق المظلوم مش بيروح عند ربنا.
فريد: هتروحي السجن و ممكن تأخدي إعدام بنسبة 99%. و لو مخدتيش يبقي سجن مؤبد طول السنين اللي هتقعديها هناك ابقي اقتكري كل شخص ظلمتيه و اندمي و حاولت تتوبي قبل ما ربنا يأخدك.
فريد كان هيمشي بس رجع تاني ل جهاد.
فريد: ميشرفنيش انك تبقي علي ذمتي.
فريد: انتي طالق بالتلاتة يا جهاد.
فريد ساب جهاد و مشي ركب عربيته و روح...
جهاد(بصريخ): لا سيبوني انا معملتش حاجة، سيبوني انا مغلطتش و الله مغلطتش.
جهاد(بصريخ): مقتلتش حد سيبوني.
-الظباط خدوا جهاد و ركبوها البوكس و هي بتقاومهم لغاية ما في شخص ضربها علي رأسها اغمي عليها.
خدوا جهاد و دخلوها الحجز و هي شبه واعية...
-في مكان تاني...
في بيت جنون.
داليا: هي سندس لسة فاقتش؟!
شجن: لا يا امي لسة شايفاها.
داليا: طب و اختك؟!
شجن: برضو نايمة بعمق.
داليا: طيب هنزل اروح مشوار و اجي...
شجن: فين؟!
داليا: مش مشكلة بقي يا شجن يلا باي.
داليا لبست هدومها و نزلت ل تحت.
كنان: اسف يا طنط.
داليا: لا و لا يهمك يا كنان انت زي ادهم...
كنان: تحبي تقعدي في الكافيتريا؟!
داليا: طيب.
كنان و داليا قعدوا في الكافيتريا اللي جمب العمارة.
داليا: ها يا كنان عايز ايه؟!
كنان: اتخنقت فجأة و افتكرتك انتي لو تسمحيلي اعتبرك في مقام امي.
داليا: طبعا يا حبيبي. مش عايزاك تزعل خالص يا حبيبي.
كنان: هو والد جنون مشي ازاي؟!
داليا: بسبب واحدة...
كنان: مين؟!
داليا: بلاش.
كنان: ليه يعني قولي.
داليا: بلاش يا كنان علشان متزعلش.
كنان: لا احب اسمع اتفضلي قولي.
داليا: امك يا كنان جهاد.
كنان(بصدمة): مش فاهم يعني.
داليا: كدة هقولك الحقيقة و خلي جنون تقولك احسن يا كنان...
داليا كانت هتقوم بس كنان مسك ايديها و قعدها تاني.
كنان: لازم حضرتك تفهميني...
داليا: بلاش يا كنان.
كنان: حضرتك مش هتمشي من هنا الا لما تحكي، لو استنيت جنون مش هتتكلم...
داليا(لنفسها): سامحيني يا جنون...
داليا: كنت انا و سيف و جهاد في نفس الكلية و جهاد و سيف كانوا صحاب و لما جيت انا سيف اتشد ناحيتي جهاد حاولت كتير تبعدنا عن بعض بس انا و سيف اتجوزنا و خلفنا جنون كان سيف بيحب جنون جدا و بعدها جه ادهم و اخويا اقترح علي اخويا يأخد معاه ادهم لانه ابنه كان مات و كمان كان هيسافر امريكا ف الموضوع مغري نوعا ما و بعد إلحاح شديد سيف وافق. و كانوا كل سنة يجيوا شهرين.
داليا: و بعدها جبت شجن. بس جنون كانت شبه باباها ضحكتها غمازاتها و لون عيونها كانوا بيتفقوا عليا هما الاتنين. كانت ذكريات حلوة كنا عايشين و راضين بحالنا لانه بعد التخرج كان وجود شغل صعب نوعا ما و كنا راضين بحالنا...
داليا: جهاد ظهرت تاني في حياة سيف و بدأت تغريه و تبعده عننا خلته يسهر و يسكر و يصرف كل فلوسه عليها و كانت بتبعد عنه ايام قاصدة فكان بيتعصب و يطلع عصبيته علينا. و بالذات جنون.
داليا: بدأ يكرهنا شوية شوية و مكنش طايقنا و بقي يضرب جنون و ساعات انا و ساعات شجن. جنون كانت علي قد ما تقدر تقف في وشه و كان بيضربها، و بعدها بفترة كان هيسافر مع جهاد و كانت متجوزة باباك و مخلفاك انت و اوبي و ندي. بس رفضت تسافر معاه بعد ما بعد عنناا و علي ما اعتقد اتلم علي شلة فاسدة و سافر باريس عن طريق غير شرعي و اللي اعرفه انه كبر و بقي رجل اعمال و كان دايما بيحبط في جنون لما تقوله انها هتبقي ظابطة و جنون خدتها تحدي بعد ما سبنا...
داليا: جنون كانت بتشتغل و بتدرس و بتجيب لينا فلوس. و ادهم مكنش بيجي خالص و جنون اشترت لينا بيت بالايجار لغاية ما بقت مالكاه و بعدها ادهم جه و قولنا ليه ان سيف مات و هو تقبل الموضوع و بعدها عدت الايام و بس كدة يا كنان...
كنان(بصدمة): يعني امي هي السبب في ان عائلتكم تبوظ و والد جنون يسيبها و يهينها و يعمل ده كله بسبب امي.
كنان(بصدمة): يعني امي كانت بتخون بابا و احنا.
داليا وطت رأسها في الارض و كانت حزينة.
كنان(بدموع): يعني امي خربت بيت علشان خاطر غرورها، امي كانت بالسوء ده.
كنان: يعني كانت بتنام جمب بابا و هي اساسا خاينة.
داليا: كنان خلاص يا حبيبي محصلش حاجة ل ده كله اهدي كدة.
داليا: ابدأ صفحة جديدة في حياتك يا كنان.
كنان: شكرا يا طنط لانك قولتيلي الحقيقة، و بعتذر جدا جدا ل حضرتك علشان اللي حصل بسببها.
داليا: مفيش حاجة يا كنان.
كنان: عن اذنك...
-في مكان تاني...
في بيت كنان.
جنون صحيت من النوم و حست انها عايزة تنام تاني.
جنون: اوف بقي علي الزهق ده.
جنون قامت خدت دوش و خرجت بدأت تغير هدومها.
جنون لبست بنطلون اسود و تي شيرت ب ¾ كم فيه خطوط اسود في ابيض قصير مبين بطنها شوية و جنون سيبت شعرها علي كتفها و ضهرها.
جنون كانت هتخرج بس لاحظت المكياچ علي التسريحة بتاعتها و مسكت الروچ و حطته و حطت كحل حدد عينيها...
جنون نزلت علي السلالم براحة و لقت شجن قاعدة علي التلفزيون...
جنون: مساء الخير...
شجن: مساء النور.
جنون: سندس مفاقتش؟!
شجن: لا.
جنون: فين ماما؟!
شجن: نزلت راحت مشوار...
جنون: احم و كنان؟!
شجن: نزل من اول ما انتي نمتي. و ابعدي عني علشان عايزة اتفرج.
جنون: واطية بتتفرجي علي ايه؟!
شجن: الحب لا يفهم الكلام.
جنون: اتفرجتي عليه مية مرة مش بتزهقي.
شجن: بحب اسمعه بقي تاني انتي مالك اوف.
جنون قعدت جمب شجن و رجعت ضهرها لورا و بدأوا يتفرجوا علي المسلسل...
الباب خبط.
جنون: قومي افتحي.
شجن: قومي انتي افتحي...
جنون: انا حامل.
شجن: و ده مش بيتي.
جنون(بحدة): بت يلا قومي.
شجن: عيلة رزلة.
شجن قامت و فتحت الباب لقت داليا شجن رجعت قعدت تاني.
داليا: صحيتي يا حبيبتي؟!
جنون: اه يا امي. كنتي فين؟!
داليا: هخش اعملك تأكلي...
داليا هربت من سؤال جنون و دخلت المطبخ جنون قامت وراها.
جنون: واضح انك مخبية حاجة، قولي في ايه!
داليا: مفيش يا جنون بطلي حشرية.
جنون: لا في و انتي كنتي فين يا ماما.
داليا: كنت مع كنان.
جنون: بتعملي ايه مع كنان؟!
داليا: في ايه يا جنون هو تحقيق؟!
جنون: ايوه يا امي كنتي مع كنان بتعملي ايه؟!
داليا: الصراحة يا جنون انا قولت ل كنان.
جنون(باستغراب): قولتيله ايه؟!
داليا: قولتله علي جهاد.
جنون(بصدمة): انتي حكيتي ل كنان علي جهاد يا امي. خليتي امه في نظره وحشة.
داليا: كان لازم يعرف و كمان هو اصر علشان يعرف.
جنون: في ايه يا امي حرام عليكي. كنان مش هيتقبل ان امه خاينة.
جنون: حرام عليكي يا امي.
داليا: في ايه يا جنون؟!
جنون سابت داليا و طلعت تجري علي اوضتها و طلعت تليفونها بدأت تتصل ب كنان.
جنون(بدموع): و النبي رد.
جنون(بدموع): علشان خاطري متقلقنيش يا كنان.
جنون: لازم انزله.
جنون كانت ماشية ناحية الباب و لسة بتفتح الباب بس وقعت علي الارض...