رواية حرب الحب للكاتبة سلسبيل كوبك الفصل الثالث والأربعون
جنون سابت داليا و طلعت تجري علي اوضتها و طلعت تليفونها بدأت تتصل ب كنان.
جنون(بدموع): و النبي رد.
جنون(بدموع): علشان خاطري متقلقنيش يا كنان.
جنون: لازم انزله.
جنون كانت ماشية ناحية الباب و لسة بتفتح الباب بس وقعت علي الارض...
جنون مكنتش بتأخد نفسها بشكل طبيعي و حاولت تتصل ب كنان تاني بس مردش. جنون سندت علي الحيطة و قامت و فتحت الباب و نزلت و كانت الرؤية مش واضحة عندها و نزلت.
داليا: راحة فين يا جنون؟!
شجن: باين اوي انك تعبانة.
جنون: هشوف كنان فين. وسعي.
جنون مشيت و فتحت زي دولاب كدة جمب الباب بيبقي محطوط فيه الجواكت و الهدوم السريعة و الجذم.
جنون خدت جاكت جلد قصير بك كم و لبست كوتشي ابيض و خدت شنطة بسرعة و نزلت.
داليا: روحي وراها يا شجن.
شجن: طيب هغير هدومي.
شجن دخلت بسرعة لبست اي حاجة و عقبال ما نزلت ملقتش جنون طلعت تاني و فضلوا قاعدين قلقانين عليها.
عند جنون.
جنون خدت عربية من الجراچ و ساقت و فضلت تلف بالعربية و تتصل ب كنان.
جنون: رد بقي.
جنون وقفت العربية بسرعة و النفس عندها ضاق و نزلت من العربية تشم شوية هواء تليفونها رن.
الخط اتفتح.
جنون(بلهفة): كنان.
كنان(بحزن): نعم يا جنون.
جنون: انت كويس؟!
جنون: لا لا انت فين؟! رد انجز.
كنان: في ايه يا جنون؟! شوية و راجع البيت.
جنون: كنان قولي انت فين دلوقتي.
كنان: في().
جنون: طيب متتحركش من مكانك جيالك.
كنان: لا استني.
جنون قفلت الخط و ركبت العربية و راحت ل مكان كنان و نزلت من العربية. كنان كان واقف قدام البحر.
جنون: كنان.
كنان(و من غير ما يلف): ايه اللي جابك يا جنون؟!
جنون قربت منه و حطت ايديها علي كتفه...
جنون: انت كويس؟!
كنان: هتفرق اوي؟!
جنون: متهزرش.
كنان بص ل جنون بطرف عينه و لاحظ دموعها قرب منها و مسحهم بأيديه.
كنان: بتعيطي ليه؟!
جنون: و الله يا كنان انا ميفرقش معايا ان جهاد تبقي مامتك انا متقبلاك زي ما انت انا بحبك زي ما انت كدة. عايزة اكمل حياتي معاك علشانك انت مش علشان جهاد. انا عارفة كويس انك ملكش ذنب علشان كدة مش زعلانة منك.
كنان: خلاص يا روحي بطلي عياط انا مش زعلان.
جنون: كداب باين انك كنت بتعيط. متضحكش عليا.
كنان(بابتسامة): ادي اخرة اللي يتجوز ظابطة.
جنون قربت من كنان و حضنته و حطت رأسها علي صدره.
كنان: بحبك اوي انا آسف يا جنون...
جنون: مش زعلانة منك لانك ملكش ذنب.
كنان(بقلق): جنون مالك؟!
جنون: معرفش حاسة اني عايزة ارجع. و دايخة و مصدعة.
كنان: طيب معلش اهدي، تعالي نروح.
جنون: طيب.
كنان مسك ايد جنون و ركبها عربيته و لف ركب في الكرسي بتاعه.
كنان: متخافيش هبعت حد يرجع عربيتك متزعليش اوي يعني.
جنون: تسلم يا حبيبي.
كنان(بصدمة): قولتي ايه؟!
جنون: ركز في السواقة يا كنان احنا في ضلمة و انا حامل وامشي بس و متكلمش.
كنان: خلاص يا ستي ده كله علشان قولتي حبيبي.
كنان بدأ يسوق و كان شغل اغاني في العربية...
جنون: اقف اقف اقف اقف.
كنان: في ايه يا جنون؟!
جنون نزلت بسرعة و بدأت تمشي و بتشم.
كنان: ايه يا بنتي قلبتي زي الكلب البلدي كدة ليه؟!
جنون: في ريحة كبدة.
كنان: ايه القرف ده يا جنون اركبي يلا.
جنون ربعت ايديها و ضربت برجليها الارض.
جنون: مليش فيه انا بقي عايزة اكل سندوتشات كبدة و سجق.
كنان: يا جنون.
جنون سابته و مشيت و بدأت تشوف فين عربية الكبدة دي و كنان قفل العربية و لحقها.
كنان: معايا طفلة.
جنون(و هي بتصقف): اهي.
كنان: طيب طيب خليكي هنا.
كنان راح ل عربية الكبدة و اشتري ورجع ل جنون.
جنون: افندم!
كنان: مفيش اكتر من دول فاهمة واحد كبدة و واحد سجق. و مفيش اعتراض لاما مش هتأكلي خالص.
جنون بصت ل كنان بغيظ و بدأت تأكل.
جنون: طب ما تشتري ليك.
كنان: لا طبعا.
جنون(بنفاذ صبر): طب جيب ليا مش مهم انت.
كنان: قولتلك دول و بس و يلا انجزي علشان نمشي.
جنون: عايزة بيبسي.
كنان: بعد ما تخلصي ام السندوتش اللي مش عايز يخلص ده.
جنون: خلاص خلص اهو خلص.
كنان شد جنون معاه و مشيوا من المكان اللي كانوا فيه و راح ل سوبر ماركت.
كنان: لو سمحت عايز بيبسي.
كنان اشتري ل جنون بيبسي وخرجوا من المحل.
كنان: قدامي بقي.
جنون: طب فسحني يا عم بقالي تلت شهور مبشوفش الناس.
كنان: هتشوفي ايه يا جنون؟!
جنون: طب اتصل ب ماما قولها ان انا معاك.
كنان: كلمتها و هي نامت. ممكن بقي نروح ننام.
جنون: اه صحيح عملت ايه مع فارس؟!
كنان: هحكيلك بكرة.
جنون: اوف يا رزل ما تتكلم زي باقي الناس. عيل رخم.
كنان: متشكر ل كرم أخلاقك. ممكن تركبي بقي نروح.
جنون مشيت و ركبت في العربية و هي مش طايقة نفسها...
جنون: طب.
كنان: و لا كلمة في نوم.
جنون(بغيظ): اوف مش عايزة انام، انام غصب عني يعني ده ايه القرف ده.
كنان: طب انا عايز انام اعملك ايه، طب اقولك فكرة حلوة.
جنون: خير؟!
كنان: نشتري حاجات خفيفة و نروح نتفرج علي فيلم حلو كدة و بكرة اعوضك.
جنون: طيب فكرة مش بطالة.
كنان راح سوير ماركت اشتري حاجات ل جنون و رجع تاني و رجعوا علي البيت.
جنون: اطلع غير هدومك عقبال ما اختار فيلم.
كنان: تعالي معايا.
جنون: يا كنان.
كنان: يلا.
كنان طلع و جنون وراه كنان قفل الباب.
جنون: عايز ايه؟!
كنان: غمضي عيونك.
جنون: ها طيب.
جنون حست بأن كنان قريب منها.
كنان: متفتحيش.
جنون: طب بتعمل ايه؟!
كنان: فتحي.
جنون: ايه بقي؟!
جنون بصت ناحية ما كنان بيبص لقت في سلسلة علي رقبتها شيك اوي فضة و رقيقة اوي.
جنون: الله ايه الجمال ده؟! شكرا.
كنان قرب من جنون و (لخيالكوا)...
كنان: انزلي حضري القعدة.
جنون(باحراج): تمام.
جنون نزلت قلعت الجاكت بتاعها و اترمت علي الكنبة وبدأت تدور علي فيلم.
كنان: لقيتي؟!
جنون: اه.
كنان فرد الكنبة علي شكل سرير و سند ضهرهه علي الكنبة و فرد رجله، جنون سندت ضهرها علي كنان و كنان حاوطها بأيده...
كنان: فيلم ايه ده؟!
جنون: أجنبي.
كنان: ايوه ايه بقي؟!
جنون: Blade...
و الاتنين بدأوا يتفرجوا علي الفيلم و جنون متحمسة...
جنون: كنان ناولني الشيبسي من جمبك.
جنون: يا كنان.
جنون بصت ل كنان لقته نايم نوم عميق ربعت ايديها بغيظ و ضربته بكوعها.
كنان(بوجع): آآه...
كنان(بنوم): في ايه يا جنون؟!
جنون(بغيظ): سبتني و نمت يا زفت.
كنان: غصب عني انا اساسا عايز انام، و انا اهو جمبك كملي الفيلم و سيبيني انا اكمل نوم.
جنون: لا بقي هتكمل معايا الفيلم و هتصحي مش هتنام.
كنان: طيب يا جنون اهو صحيت.
جنون كملت الفيلم و بصت ل كنان لقته نام تاني ضربته بكوعها تاني. كنان قام مفزوع و بص ل جنون بغيظ.
جنون: هتنام لما الفيلم يخلص بس كدة.
كنان: و الله، طيب مفيش تلفزيون و لا في فيلم.
كنان قفل التلفزيون و رمي الريموت على الكنبة التانية...
جنون: هات الريموت يا كنان و غور في داهية نام قوم اتزفت براحتك.
كنان: لا و هتطلعي تنامي حالا يلا.
كنان شال جنون و طلع علي اوضتهم.
جنون: مش عايزة انام الله ايه الرزالة دي انت رخم ليه ها رد، وسع كدة.
كنان: بس بقي بطلي يا شيخة ايه مش بتتهدي.
كنان حط جنون علي السرير و لف نام جمبها. جنون كانت هتقوم كنان مسكها و قيد حركتها.
جنون: اوف نام نامت عليك حيطة.
كنان: متشكر الله يسامحك طيرتي من عينيا النوم.
جنون: طب يلا ننزل بقي نتفرج.
كنان: اوف يا جنون ايه بقي نامي شوية.
جنون غمضت عينيها و حاولت تنام و كنان دفن وشه في رقبتها و كمل نوم...
-في الصباح الباكر...
عند تامر و نور.
نور: صباح الخير...
تامر(بابتسامة): هو انا دخلت الجنة و لا ايه؟!
نور: يا بكاش قوم يلا ورانا شغل كتير.
تامر: سيبيني في الجنة شوية.
نور: يا رزل قوم بقي يا كسول.
نور بدأت تقوم تامر من علي السرير و دخلته الحمام.
نور: يلا خش خد دوش و اخرج البس عقبال ما اجهز فطار حلو.
تامر: هو في احلي منك يا قشطة انتي.
نور: مالك يا تامر؟! انت تعبان يا ابني.
نور سابت تامر و مشيت بدأت تحضر الفطار.
تامر: ها يا حبيبتي خلصتي؟!
نور: هو ماله ده؟! لا لسة.
تامر: طيب يا روحي براحتك.
نور: لا لحظة بس يا تامر مالك كدة.
تامر: مالي بس يا حبيبتي.
الباب خبط.
تامر: خليكي انتي.
تامر راح فتح الباب لقي علي دخل علطول.
علي: بيتي حبيبي.
تامر: وحشتنا يا عم...
علي: ايه يا عم حرام عليك عايز اتجوز، و كل شوية تقولي عاملك مفأجاة عاملك مفأجاة ده الجيران بتظبط شقتها علشان ابنهم هيتجوز حرام عليك.
تامر: عاملك مفأجاة.
علي: الصبر يا نور نور.
نور: يا نعم.
علي: مفيش فطار حلو كدة من ايدك.
نور: لسة قربت اخلص. يلا روحوا اقعدوا لغاية ما اجي.
نور جابت الاكل و حطته علي السفرة و بدأوا يأكلوا...
نور: مالك يا ابني باصص ليا كدة ليه هتخوفني.
تامر(بابتسامة): مش حاسة بأي حاجة.
نور: في ايه يا ابني حرام عليك خضتني.
علي: هو في ايه؟!
نور: نفسي انا اعرف في ايه.
تامر: النهاردة هأخدك و اكشف عليكي.
نور: ليه؟! و كمان يا ابني انت اللي المفروض تكشف عند دكتور نفساني.
تامر: بحبك هعدي عليكي الساعة 5 يلا باي متتحركيش كتير.
نور: انا هروح معاكوا الشغل.
تامر: لا و هتقعدي في البيت يلا يا علي.
نور: اوف.
تامر: اقولك روحي ل جنون و هعدي عليكي من هناك.
نور: ماشي مش بطال.
علي: يلا باي.
علي و تامر نزلوا و ركبوا عربية تامر...
علي: مالك يا ابني؟!
تامر: مش هتصدق...
علي: لا متخافش هصدق.
تامر: هقولك.
-في مكان تاني...
عند ندي.
ندي بقت شبه منعزلة عن الكل بقت بترسم اكتر من الاول بقت مش منتبهة ل حياتها بقت ضايعة بمعني اصح...
ندي: مش هفضل كدة. مش هفضل كدة انا.
ندي رمت الرسمة اللي قدامها علي الارض و طلعت علي اوضتها بدأت تغير هدومها.
ندي لبست جيبة طويلة باللون الابيض و مفتوحة من الجمب و فوقه تي شيرت باللون الاسود بحمالة رفيعة علي الكتف و سيبت شعرها علي ضهرها و اختارت شنطة باللون الابيض و الاسود و لبست صندل بكعب باللون الاسود...
ندي نزلت و كانت خرجت من الفيلا لقت شخص حواليه دم و مرمي علي الارض...
ندي(بفزع): مين ده؟!
ندي قربت من الشخص ده و بدأت تفحصه و شايفة ان رأسه مضروبة ب حاجة.
ندي: سامعني؟!
ندي لقت استجابة من الشخص ده و سندته و دخلته الفيلا بتاعتها و حطته علي الكنبة و اتصلت بالدكتور.
الدكتور: ايه اللي حصل؟!
ندي: معرفش لقيته مرمي علي الارض و كدة.
الدكتور بدأ يفحص الشخص ده...
الدكتور: محتاج رعاية و شكله واخد ضربة جامدة علي الدماغ لازم يفوق في خلال اربعة و عشرين ساعة...
ندي: طيب.
الدكتور: و لما يفوق يأخد الدواء ده.
ندي: طيب شكرا.
الدكتور مشي و ندي قعدت جمب الشخص ده و ملقتش معاه اي حاجة ممكن تدلها عليه...
ندي: يعني كنت خارجة الاقيك يا رب بابا ميجيش و يا رب تفوق.
ندي فضلت قاعدة جمب الشخص ده و جابت الادوات بتاعتها و بدأت ترسمه.
-في مكان تاني...
عند سجي و عطر...
سجي: روحي انتي انا مش قادرة هكمل نوم.
عطر: انتي و فارس استغليتوا ان جنون مش موجودة.
سجي: اه الصراحة. يلا امشي بقي.
عطر: و الله لاتصل بيها...
سجي: يا رزلة خلاص قايمة...
سجي قامت و بدأت تغير هدومها و نزلت هي و عطر.
عطر: ايه السلم المتعب ده...
سجي: الاسانسير من حقه يتعطل اكيد يعني. و كمان انتي بقيتي ملكيش لازمة كدة ليه.
عطر: اه يا حيوانة.
سجي: نينينينينينينينينينينينينينينينينينينينينينينيننيييييييييينننننننيينينيننينيينيننينينينينينيني.
عطر: بسسسسسسسسسسس ده مرض كلابي ده و لا ايه...
سجي: معرفش يلا ننزل، حقيقي هموت و انام.
عطر: لتكوني حامل يا بت.
سجي: يا حيوانة...
عطر و سجي ركبوا عربية سجي و راحوا للمبني.
شهاب: امسك حرامي.
سجي: يرضيك تمسكني كدة وسع.
شهاب شد سجي من التي شيرت بتاعها و مشي.
عطر: إلى اللقاء عزيزتي.
سجي: يا واطية.
اياد: ماله ده؟!
عطر: معرفش...
عطر: بتجبها معاك ليه البطيخة دي.
شذي: مين دي اللي بطيخة يا حيوانة.
عطر: انتي.
عطر: سيبك من الكرومبة دي يا ابني و تعالي معايا...
اياد: عندك حق.
عطر مسك ايد اياد و مشيوا قدام شذي اياد بيبص وراه لقاها واقفة بتعيط جري عليها.
اياد: في ايه بس؟!
شذي(بعياط): انت خاين يا حيوان.
اياد: يا بنتي بنهزر في ايه مالك؟!
عطر(بضحك): لا منظرك مسخرة.
شذي(بعياط): طلقني.
اياد: افندم! امشي يا بت قدامي قال طلقني قال.
شذي(بعياط): انت خاين. سبتني و مشيت...
اياد: بهزر يا بنتي و الله متزعليش.
شذي: يعني مش هتسبني.
اياد: مقدرش يا روحي. اموت من غيرك.
عطر: اسيبكوا تكملوا الفيلم الهندي ده بقي.
عطر سابتهم و مشيت. اياد حضن شذي و باس رأسها.
اياد: طول ما انا عايش اياكي تعيطي فاهمة.
شذي(بدموع): حاضر.
اياد: بحبك، يلا تعالي اجبلك مانجا.
شذي ابتسمت و مشيت معاه...
عند شهاب و سجي.
سجي: بس لاحظ ان ليا برستيج و ده عيب كدة نزل ايدك.
شهاب: انتي تخرسي خالص.
سجي: جايبنا السطح ليه طب.
شهاب: مش قولتلك اخرسي.
شهاب زق سجي علي الحيطة و حاوطها بأيده.
شهاب: تفتكري اعمل معاكي ايه علي امبارح؟!
سجي: تسبني امشي.
شهاب: و الله؟!
سجي: اه.
شهاب قرب من سجي اكتر بس سجي ضربته بكوعها في جمبه.
شهاب: يا حيوانة.
سجي: متقربش مني.
شهاب: ارميكي من هنا يعني طب...
سجي: لو تقدر اعملها.
شهاب: طيب نتكلم جد بقي.
سجي: اممممم...
شهاب: بتحبيني؟!
سجي: اه بحبك عن اذنك بقي.
سجي كانت هتمشي شهاب مسك ايديها و قربها منه.
شهاب: يعني انتي بتحبيي زي ما بحبك؟!
سجي: لا بحبك اكتر...
شهاب: امشي من وشي علشان هتهور.
سجي سابت شهاب و نزلت جري و شهاب بدأ يبتسم تدريجيا.
سجي: لا بحبك اكتر.
شهاب نزل ل تحت و كمل شغله.
-في مكان تاني...
في بيت جنون.
جنون مكنتش قادرة تتحرك لان كنان كان حاضنها اوي.
جنون: كنان كنان...
كنان: ايوه عارف انك مش عارفة تقومي و هتفضلي طول اليوم في حضني.
كنان: لانك وحشتيني اوي سيبني اعوض ال 3 شهور.
جنون: كنان عندنا ضيوف و مينفعش يلا وسع.
كنان: مليش دعوة بحد.
جنون في لحظة رفعت دراع كنان فوق رأسه و ثبتته بأيديها و بقت فوقه و باصة ليه.
جنون: اينعم حامل بس لسة بصحتي و بقوتي.
كنان(بذهول): دراعي يا جنون.
جنون: مصدوم من ايه؟! لا متخافش علي ابني هحافظ عليه اكتر منك.
جنون(بصوت عالي نسبيا): يا مجنون.
كنان شال جنون و بحيث وشها في وشه و كنان قام وقف.
كنان: لا مش خايف علي ابني.
كنان لف ب جنون في الاوضة و جنون قعدت تضحك.
جنون: خلاص بقي نزلني دوخت.
كنان: متعمليش فيها قوية.
جنون: قوية غصب عنك.
كنان: يا بنتي هزعلك...
جنون: تقدر؟!
كنان: الصراحة لا بضعف.
جنون قعدت تضحك كتير و باست كنان من رأسه.
جنون: نزلني بقي.
كنان: طيب...
كنان نزل جنون و جنون جريت علي الحمام و قفلت الباب.
كنان(بقلق): جنون انتي كويسة؟!
كنان(بقلق): يا بنتي ردي عليا...
بعد خمس دقايق جنون خرجت و سندت علي الباب...
جنون: يخرب بيت الحمل يا شيخ...
كنان: انتي كويسة؟!
جنون: اه الحمد لله، طمني فارس ايه النظام؟!
كنان حكي كل حاجة ل جنون و جنون اتصدمت.
جنون: اوف يعني فارس اعتدي علي سندس.
كنان: ايوه...
جنون و كنان سمعوا صوت صريخ من تحت. كنان نزل و جنون وراه.
داليا: اهدي يا سندس اهدي يا بنتي.
سندس(بصريخ): سيبوني عايزة اموت نفسي.
جنون: لو كنتي عايزة تموتي مكنتيش هتيجي لينا يا سندس اعقلي و هنحل الموضوع كده متخافيش مفيش حاجة حصلت اساسا.
كنان: مجرد سوء تفاهم.
سندس(بعياط): خان ثقتي بيه.
سندس قعدت علي الارض و هي بتعيط جنون قربت منها و خدتها في حضنها.
جنون: لا يا روحي فارس كان غصب عنه و محصلش حاجة الحمد لله ربنا ستر.
شجن: هو في ايه ماله فارس؟!
كنان: مفيش يا شجن مفيش حاجة، بعد اذنك يا طنط اعملي فطار نفطر كلنا.
داليا: جاهز يا حبيبي...
كنان: تمام يا طنط.
جنون: تعالي معايا قومي غيري هدومك يلا.
جنون ساعدت سندس و قامت دخلت اوضتها.
جنون: يا حبيبتي و الله فارس غصب عنه. هو مكنش في وعيه.
سندس(بعياط): انا ذنبي ايه؟!
جنون: و لا ذنبك و لا ذنبه يا روحي معلش.
سندس(بعياط): بس.
جنون: يا روحي هنقعد كلنا و نتكلم بس دلوقتي في هدوم في الدولاب خشي استحمي و اخرجي.
سندس: طيب.
سندس(بدموع): شكرا يا جنون.
سندس حضنت جنون جامد و جنون ملست علي شعرها.
جنون: هنستناكي بره.
جنون خرجت و قعدت جمب الباقي.
كنان: ها يا حبيبتي؟!
جنون: تمام جاية.
داليا: بقولك يا جنون؟!
جنون: نعم يا امي.
داليا: لقيت كدة شبيسي مرمي علي الارض و بيبسي و حاجات كتير كدة مرمية علي الارض.
جنون(بتوتر): ده كنان.
كنان(بصدمة): انا!
جنون: اه انت قعدت اقولك ماما هتزعق انت معملتش حاجة قولتلي عادي.
جنون(بوجع): آآآآآه يا كنان.
كنان: تستاهلي ابقي اكدبي كويس.
داليا كانت ماسكة جنون من ودانها و بتقرصها.
جنون: يا ماما...
داليا: معودتكيش علي الكدب يا جنون.
جنون: خلاص اسفة...
سندس(باحراج): صباح الخير.
شجن: صباح الفل و الياسمين. تعالي يلا مستنينك.
-و الكل بدأ يأكل و كنان بيهزر معاهم و بيحاول يفك الجو.
داليا: مالك يا جنون؟!
جنون(بقرف): يععععععععععععععععع، حد يعمل بيض علي الفطار؟!
شجن: ده انتي بتحبي البيض.
جنون: لا لا شيلوه يعععع...
كنان: مالك يا جنون خلاص متأكلهوش.
داليا: خدي شيلي البيض ده يا شجن جوا.
شجن: بس انا بحبه.
جنون سابتهم و طلعت تجري علي الحمام و بدأت ترجع...
كنان: هو ايه اللي بيحصل بس اعرف؟! هي ليه بترجع علطول؟!
داليا: معلش بترجع كل شوية في اول فترة كدة.
جنون: قولتلكوا شيلوا البيض.
كنان: خلاص معلش تعالي.
جنون: طيب شكرا.
جنون سابتهم و قعدت في البلكونة و كنان وقف جمبهم...
كنان: هطلع البس و اروح علي الشغل.
جنون: طيب. بقولك ايه.
كنان: ايه؟!
جنون: هو احم سيف الدين فين؟!
كنان: باباكي اه معرفش. عايزاني اعرفلك؟!
جنون: لا عادي مش مهم اساسا.
كنان: براحتك...
كنان طلع غير هدومه و نزل تاني.
كنان: حد عايز حاجة؟!
الكل: لا شكرا.
كنان: لو عوزتي حاجة يا جنون قولي.
جنون: طيب.
كنان نزل ركب عربيته و راح علي شغله.
شجن: ارحمي نفسك يا شيخة.
جنون: بت سيبيني اركز بقي القضية شكلها صعب.
شجن: هروح اقعد مع سندس.
شجن راحت قعدت مع سندس و اتكلموا و سندس كانت نبرتها حزينة علطول، داليا قعدت تعمل الاكل.
-في مكان تاني...
عند ادهم.
ادهم: ورد يلا هنتأخر...
ورد: حاضر اهو.
ادهم: مش قولتلك متحطيش مكياج.
ورد: ده حاجة بسيطة يا ادهم.
ادهم: طب خشي امسحيه يلا.
ورد: اوف يا رزل...
ورد: حاضر.
ورد دخلت مسحت مكياجها و خرجت هي و ادهم.
ادهم: وراكي عمليات النهاردة؟!
ورد: اه هي عملية واحدة.
ادهم: طيب و انا ورايا تلت حالات.
ورد: ما تفتح عيادة ل نفسك يا ادهم.
ادهم: معنديش مانع بس الفلوس مش متوفرة حاليا.
ورد: انت يعني لو وافقت علي الارض اللي عندي.
ادهم(بحدة): لا يا ورد.
ادهم و ورد نزلوا للمستشفي و ادهم ساب ورد و نزل.
فاتن: ايه اخبارك يا عروسة؟!
ورد: الحمد لله بس عروسة خلاص قدمت.
فاتن: ده انتوا متجوزين بقالكوا 3 شهور بس.
ورد: مش مهم ها انتي عاملة ايه؟!
فاتن: كويسة، بس ماله الدكتور ادهم؟!
ورد: ملهوش مضايق شوية...
فاتن: ربنا يفك ضيقته.
ورد: يا رب. تسلمي يا فاتن.
فاتن(بضحك): يا بنت انتي اختي و ده جوز اختي يعني جوزي بالظبط.
ورد: يا واطية، يلا همشي انا.
فاتن: طيب يا روحي.
ورد: باي.
ورد راحت لمكتب ادهم و خبطت الباب.
ادهم: ادخل.
ورد: اسفة.
ادهم: مفيش حاجة.
ورد: و الله ما كان قصدي بس احنا يعتبر واحد يا ادهم.
ادهم: بس برضو مينفعش يا ورد.
ورد: خلاص بقي متزعلش مني.
ادهم: و هتصالحيني ازاي؟!
ورد قربت من ادهم و باسته علي خده...
ادهم: بس؟!
ورد: اه بس يلا باي.
ورد سابت ادهم و مشيت. ادهم قعد مكانه مبتسم.
-في مكان تاني...
عند كنان.
كنان راح ل بيت فارس و خبط.
كنان: ايه ده يا ابني ده هما يومين و دقنك لحقت طولت.
فارس: عايز ايه يا كنان؟!
كنان: جاي اعتذرلك يا عم، كانت جنون المجنونة طالبة كبدة و سجق بليل و معرفتش اجيلك. و كمان سندس لسة فايقة النهاردة.
فارس: هي كويسة؟!
كنان: اه متقلقش.
فارس: طيب يلا امشي بقي.
كنان: استني هنا ياض...
كنان دخل و قفل الباب وراه و زق فارس معاه.
كنان: هو جنابك ناوي تموت نفسك يعني.
كنان شد فارس معاه و دخله الحمام.
كنان: ربع ساعة و تخرج يلا.
فارس: يا كنان.
كنان قفل الباب و خرج بدأ يطلع لبس ل فارس. بعد فترة فارس خرج.
كنان: نحلق الدقن بقي يلا.
فارس حلق دقنه او بمعني اصح خفها شوية. و لبس الهدوم اللي كنان طلعها تحت اصرار كنان.
فارس: ها و بعدين؟!
كنان: تعالي ورايا.
كنان نزل و فارس وراه و ركبوا عربية كنان.
فارس: جيت هنا ليه؟!
كنان: ملكش فيه.
كنان نزل دخل محل عمل حاجة و خرج.
فارس: في ايه يا كنان فهمني.
كنان: امسك الشيكولاتة و البوكية ده كدة.
فارس: هو احنا رايحين نخطب؟!
كنان: ايوه هتخطب سندس...
فارس بصله بصدمة و بص للشيكولاتة و الورد.
فارس: لا يا كنان اكيد مش هتسامحني.
كنان: هتتخلي عن حبك يعني...
كنان: هتقبل تشوفها في ايد حد غيرك او حتى بعيدة عنك.
فارس سكت و كنان طلع تليفونه اتصل ب جنون.
الخط اتفتح.
كنان: الو يا حبيبتي.
جنون: اه يا كنان معاك.
كنان: بعتلك علي الواتس رسالة بس باين مشوفتهاش اقفل معايا و شوفيها.
جنون: حاضر.
كنان: بس بسرعة.
جنون: باي.
جنون قفلت مع كنان و طلعت الماسدج و شافتها و فرحت.
جنون: سندس.
سندس: نعم يا جنون.
جنون: تعالي معايا.
جنون خدت سندس و طلعت اوضتها.
سندس: في ايه؟!
جنون: المهمل رمي هدومه علي الارض.
جنون وطت ببطء و جابت هدوم كنان من علي الارض و قامت.
جنون: ايه رأيك في ده؟!
سندس: حلو.
جنون: خشي قيسيه.
سندس: بس ليه؟
جنون: يلا بس.
سندس: طيب.
جنون نزلت و قالت ل داليا و شجن و جهزوا. و جنون طلعت تاني.
جنون: ايه الجمال ده؟!
جنون: ناقص بس مكياچ بسيط.
سندس: لازم اعرف لايه ده كله.
جنون: هتعرفي.
جنون حطت مكياج خفيف ل سندس.
سندس كانت لابسة فستان هادئ باللون الوردي و طويل واسع شوية ب ¾ كم الاكمام شفافة و لبست صندل ابيض من غير كعب و حطت روچ هادئ نفس لون الفستان و سيبت شعرها علي ضهرها و كتفها.
جنون: كدة تمام خليكي بقي هنا.
سندس: يا جنون احكي و النبي مش ناقصة...
جنون راحت ل دولابها و طلعت هدوم ليها و دخلت الحمام...
جنون لبست فستان زيتي بحمالة عريضة علي الكتف و مقفول من قدام و مفتوح من ورا و قصير لغاية الركبة كان واسع شوية من تحت. و لبست صندل ابيض عالي شوية مقفول. و حطت روچ أحمر غامق و كحل حدد عينيها و سيبت شعرها علي ضهرها.
سندس: بسم الله ما شاء الله ربنا يحفظك...
جنون: تسلمي يا روحي.
الباب خبط.
داليا: يلا يا بنات.
سندس(باستغراب): في ايه الله.
البنات نزلت و كانت جنون اخر واحدة تنزل علي السلم و باب الشقة اتفتح و كنان دخل.
كنان: ايه الجمال ده يا جدعان؟! اربع قمرات.
سندس: هو في ايه؟!
كنان: عاملين ليكي مفأجاة.
كنان راح وقف جمب جنون و شدها جامد ناحيته و جنون شهقت.
جنون: يا غبي.
فارس دخل بخطوات بطئية و كان باصص في الارض و مش قادر يرفع عينه في عيون سندس.
سندس اول ما شافته عيطت و لفت وشها بعيد عنه.
فارس(بحزن): سندس.
داليا(بهمس): تعالي نخلع.
شجن(بهمس): طيب.
سندس: لو سمحت لاما الشخص ده يطلع بره لاما انا امشي.
كنان بص ل جنون و جنون و كنان دخلوا علي جوا.
عند فارس و سندس.
فارس: عارف اني غلطان بس و الله العظيم غصب عني. و الله العظيم بحبك و مكنتش اتوقع اني هعمل كدة.
فارس: ارجوكي متزعليش مني انا اسف و الله العظيم انتي حياتي كلها.
سندس مع كل كلمة فارس بيقولوها كانت بتزيد في عياطها.
فارس: و الله انا مكنتش في وعيي يا سندس انا بخاف عليكي من اقل حاجة و الله مكنش قصدي ارجوكي سامحيني المرة دي بس ارجوكي يا سندس.
فارس: و الله هعملك اي حاجة تطلبيها الا اني ابعد عنك.
فارس: سامحيني ارجوكي عمري ما اترجيت حد بالشكل ده قبل كدة انتي الوحيدة اللي ممكن اعمل اي حاجة علشانها.
فارس: ممكن تبصيلي؟!
سندس تلقائيا بصت ل فارس لقت فارس راكع علي الارض و ماسك في ايده خاتم.
فارس: تقبلي تتجوزيني.
سندس وطت رأسها في الارض...
فارس: اوعدك مش هزعلك مني خالص.
جنون: وافقي بقي وافقي.
كنان: فكرتي علفكرة.
جنون بصتله بطرف عينيها و بصت ل فارس و سندس.
شجن: اكيد هتوافق.
داليا: ربنا يهديهم يا رب.
سندس هزت رأسها بمعني موافقة. فارس قام و لبسها الخاتم و شالها و لف بيها و كنان و جنون صفروا.
فارس: قسما بربي اجدع شخص.
فارس راح حضن كنان...
كنان: حاسك هتبوسني يا عم في ايه وسع...
الكل ضحك علي فارس و كنان.
جنون: ايه رأيكوا نخرج كلنا؟!
فارس: معاكي جوزك انا واخد خطيبتي.
فارس شد سندس و خرج نزلوا ركبوا عربية من العربيتين بتوع كنان و مشيوا.
جنون لقت كنان بيبوس رقبتها بصت ل داليا و شجن و اتحرجت.
جنون: طب نخرج احنا و نأخد ادهم و مراته اللي لسة مشوفتهاش دي.
داليا: فكرة حلوة يا حبيبتي.
كنان: نفسك في كدة؟!
جنون: اه.
كنان: يبقي لا.
جنون: يا رزل.
كنان(بضحك): اللي تؤمريه يا قمر.
شجن: ربنا يخليكوا ل بعض.
جنون: و يخليكي يا قمري انتي.
كنان: طب يلا و نبقي نكلم ادهم في الطريق.
داليا: طيب.
كل واحد جهز نفسه و خرجوا و ركبوا عربية كنان.
-في مكان تاني...
عند تامر و نور.
تامر(بفرحة): كنت عارف...
نور(بصدمة): هو اللي انا عرفته ده بجد؟!
تامر حضن نور و لف بيها كتير...
نور(بدموع): يعني بجد انا حامل؟!
تامر(بفرحة): اه يا روحي...
نور حضنت تامر جامد و فضلت تعيط.
تامر: ليه بس يا روحي بتعيطي ده خبر حلو المفروض نفرح...
نور: بس انت كنت شاكك ازاي؟!
تامر: حلمت بيكي و صحيت علي الفجر.
نور: بحبك اوي يا تامر.
تامر: بموت فيكي يا قلب تامر، تعالي نروح اي مطعم نأكل فيه.
نور: طيب.
تامر و نور ركبوا عربية تامر و هما مبسوطين و راحوا مطعم و دخلوه.
نور: الحق مش دول جنون و كنان.
تامر: فعلا تعالي نسلم عليهم.
جنون: يا ابني بطل بقي هموت من كتر الاكل.
كنان: لازم تشبعي.
جنون: شبعت شبعت.
ادهم(بضحك): خليها تتخن اكتر يا كنان.
داليا: عادي و هي صغيرة كانت مقلبظة.
جنون خبت وشها بعيد عن كنان و كنان بصلها بخبث...
كنان: في صور ليها يا طنط.
داليا: اه...
جنون: لا.
كنان: ابقي ابعتيهم ليا يا طنط.
جنون: و ربي لازعلكوا.
تامر: كنان عاش من شافك.
نور: جنون.
نور و جنون قاموا حضنوا بعض و كنان و تامر حضنوا بعض و الباقي سلم علي بعضه...
كنان: اقعد.
تامر: احسن برضو و انت اللي تدفع...
كنان(بضحك): اقعد اقعد...
ادهم: هتنزلي البطيخة امتي؟!
جنون(بغيظ): مبدأيا لسة بطني مظهرتش اوي ثانيا ابني او بنتي مش بطيخة ثالثا اي واحدة حامل بتبقي بطنها كبيرة.
نور: عندك حق يا جنون.
شجن: كنان.
كنان: ايه؟!
شجن(بضحك): دي صورة ل جنون و هي صغيرة.
جنون(بصدمة): يا نهارك اسود!
-كنان مسك الموبايل بتاع شجن و بص علي الصورة و قعد يضحك كتير لدرجة انه لفت انتباه كل اللي موجود و عيونه دمعت و جنون كانت بصاله بغضب.
كنان(بضحك): يخرب بيت الضحك يا جنون.
شجن و كنان و داليا و ادهم قعدوا يضحكوا.
نور: وريني وريني.
جنون: ابدا و الله.
كنان: خلاص خلاص.
كنان بص ل جنون قعد يضحك كتير.
كانت الصورة فيها جنون صغيرة في سن 5 سنين و لابسة مايوه قطعة واحدة باللون الاسود و كان فيها مقلبظه زي الاطفال كدة و شعرها لغاية كتفها و سنانها متشالة و كانت فاتحة بوقها علي الاخر.
جنون(بغيظ): مضحك اوي صح.
كنان(بضحك): الصراحة اه.
جنون سابتهم و قامت و خرجت بره المطعم...
تامر: الصراحة عندها حق.
ورد: حرام زعلتوها.
كنان(بضحك): هقوملها انا، يخرب بيت الضحك.
كنان قام و خرج بره المطعم لقي جنون واقفة بره و مربعة ايديها و باصة بغضب.
كنان: تسمحيلي.
جنون لا رد.
كنان وقف ورا جنون و حضنها و باس رأسها.
كنان: اسف بس حقيقي كان الموقف مضحك.
جنون(بغيظ): روح روح اضحك معاهم و خليهم يضحكوا اكتر وسع كدة.
كنان: خلاص بقي.
جنون: طب وسع كدة.
كنان: لا.
جنون: منظرنا وحش وسع بقي.
كنان: خلاص يعني.
جنون: وسع.
كنان: طب يلا نكمل اكل.
جنون(بعناد): لا عايزة اروح.
كنان: يا جنون يلا يا حبيبتي بلاش نزعلهم.
جنون: ابدا و همشي دلوقتي بيك او من غيرك.
كنان(بضيق): طيب يا جنون.
كنان ساب جنون و دخل المطعم.
كنان: بعتذر يا جماعة جنون تعبت شوية هنروح حاليا، هتمشي يا طنط؟!
داليا: لا بقي هنروح مع ادهم.
كنان: تمام يا طنط، بيتنا بيت حضرتك.
كنان خد حاجته و و مشي ركب العربية هو و جنون.
جنون: فك وشك.
كنان بصلها ب ضيق و كمل سواقة بسرعة.
جنون(بصريخ): كناااااااااااااااااااااان...