رواية حرب الحب للكاتبة سلسبيل كوبك الفصل الثاني

رواية حرب الحب للكاتبة سلسبيل كوبك الفصل الثاني

اياد و فارس نزلوا الاول و بعدها جنون نزلت وراهم...
شذي(بصريخ): جنووووووووووووووووون...
و فجأة سمعوا صوت ضرب نار في كل مكان...
جنون: وطوا رأسكوا. الكل يجهز.
و كل واحد مسك مسدسه و بيشوف مين اللي ضرب النار.
فارس: شذي انتي شوفتي مين اللي ضرب النار؟
شذي: لا انا كنت بسلم علي جنون.
جنون(بعصبية): يا بنت ال، لولا ان امك محترمة كنت شتمتك...
عطر: احنا هنفضل كدة.

اياد: ايه يا جنون احنا لسة راجعين من عملية صعبة مش قادر...
جنون: خلاص يا زفت منك ليه.
الكل قام وقف و سلموا علي بعض.
سجي: البت بتفكر في حاجة اكيد.
اياد: ايه يا جنون؟
جنون: هيكون ايه؟ هو انا هسكت علي اللي ضرب النار اساسا. بس هو اكيد شخص نعرفه نسيتوا ان المهمة كانت سرية.
سجي: ربنا يستر.
جنون: هاتي المفاتيح.
عطر: هتسوقي و انتي لسة راجعة من العملية.
جنون: هو انتوا لسة جايين تتعرفوا عليا.

الكل ركب العربية و جنون بدأت تسوق بسرعة.
جنون: اياد و فارس هوصلكوا علي البيت، شذي عطر سجي هتيجوا معايا.
اياد: في حاجة؟
جنون: لا.
شذي: صاحبة جنون و بتحب جنون جدا و بتحب طباعها. عندها 24 سنة بنت طيبة و مرحة متوسطة الطول شعرها واصل لغاية كتفها عيونها باللون العسلي بشرتها بيضاء، وحيدة و عايشة في الدور اللي فوق جنون في بيتها.

عطر: بنت جميلة و طيبة و هي صاحبة شذي و بتحب فريقها جدا. عندها 24 سنة، طويلة نوعا ما و شعرها واصل لنص ضهرها. عيونها باللون البني. بشرتها بيضاء. بتحب تقعد في بيت شذي و جنون.

سجي: صاحبة جنون و متعرفة عليها من زمان. بتحب الاكل و الشغل و بتعتبر كل الفرقة اخواتها، قصيرة نوعا ما بشرتها ما بين الابيض و القمحاوي، عيونها باللون الاخضر...

جنون: يلا يا اياد بيتك.
اياد: مش واثق فيكوا يا بنات حواء.
شذي: و احنا اساسا مش بثق فيكوا.
عطر: غور يا بني كنت عامل زحمة.
فارس(بضحك): انت بتتهزأ.
اياد: امشي ياض من وشي، عيل غبي.
جنون(بحدة): و بعدين.
فارس: انا لسة قاعد منزلتش.
سجي: مضمنش انك تقعد بعد الجملة دي.
جنون: انزل يا فارس بيتك بعد اياد بشارع...
فارس بص بذهول. و اياد قعد يضحك لدرجة انه وقع علي الارض و عيونه دمعت.

اياد: مش هتصدق انا فرحان فيك قد ايه.
فارس: ده اخر كلام.
سجي: يلا بيتك بيتك.
جنون: بكرة الصبح الاقيكوا في المبني، مفيش راحة غير النهاردة يلا.
فارس نزل و مشي مع اياد لغاية ما وصلوا بيوتهم...
جنون ساقت عربيتها و وصلت لمبني المخابرات اللي هي بتشتغل فيه.
واحد: انتي فين يا جنون اللواء كل شوية يسأل عليكي كان قلقان...
جنون: جيت اهو. استنوني في المكتب.
جنون راحت لمكتب اللواء و خبطت.
اللواء: ادخل.

جنون: تمام يا فندم المعلومات اهي.
اللواء: اخيرا رجعتي يا جنون كنت قلقان عليكي.
جنون: الصراحة يا فندم مش عارفة افرح و لا ازعل.
اللواء: اشمعنا؟
جنون: افرح علشان حضرتك قلقان عليا و لا ازعل علشان حضرتك كنت قلقان اني مرجعش بالمعلومات و انك مش واثق فيا.
اللواء: اخرسي يا مجنونة.
جنون: تمام يا فندم.
اللواء: يلا روحي لبيتك اطمنت عليكي الحمد لله.
جنون قربت منه و غمزت بعينيها.

جنون: لو بتلمح علشان تتجوزني علفكرة مش مرتبطة...
اللواء(بحدة): جنون علي بيتك.
جنون: طيب. بس برضو مش مرتبطة.
جنون طلعت بسرعة من المكتب و اللواء قعد يضحك عليها.
شخص: جنون.
جنون(لنفسها): اهدي يا جنون اهدي.
جنون(بابتسامة صفراء): افندم يا ساهر؟
ساهر: سمعت عن نجاحك في العملية الاخيرة.
جنون(بسخرية): من امتي و انا مش بنجح في مهماتي.
ساهر: ماشي يا واثق. وراكي حاجة بليل؟

جنون: معنديش وقت اقضيه معاك يا ساهر. و لو عندي مش هقضيه معاك برضو ورايا عائلتي اهم.
جنون سابته و راحت علي مكتبها.
شذي: اللواء عمل ايه؟
جنون: معملش. القضية الجديدة ايه؟
عطر: الملف اهو كله علي مكتبك.
جنون: و جنابكوا مقرأتهوش.
سجي(بتوتر): احم احنا كنا بنتدرب عقبال ما ترجعي.
جنون(بحدة): اسمعي منك ليها احنا هنا شغل و الملف اتبعت ليكوا اول ما انا سافرت كنتوا علي الاقل تأخدوا فكرة.
عطر: خلاص هدي نفسك يا مزة.

جنون: مش بهزر، الملف ده يخلص النهاردة و انتوا في إجازة من بدري، انا مسافرة بقالي تلت ايام...
شذي: خلاص يا جنون احنا آسفين، بس ارجوكي مش قادرين نقعد النهاردة.
جنون: استحملوا غلطتكم.
جنون سابتهم و مشيت راحت غيرت هدومها في اوضة التبديل...

جنون لبست بنطلون جينز باللون الكحلي الغامق و تي شيرت ابيض بحمالة رفيعة و لبست قميص بيبي بلو و قفلت زرايره و لبست كوتشي ابيض عالي، و سيبت شعرها و بعدين لمته علي شكل ديل حصان. و خدت شنطتها.
جنون خرجت من اوضة التبديل و خرجت من المبني كله.
جنون: عم محمد...
محمد: نعم يا بنتي.
جنون: فين المفتاح؟
محمد: اتفضلي.
جنون خدت مفتاح الموتسكل بتاعها و ركبته و بدأت تسوق بسرعة كبيرة لغاية ما وصلت بيتها.

البيت كان عبارة عن دورين و جنينة بره الدور الاول جنون و شجن و داليا عايشين فيه. و الدور التاني شذي.
جنون فتحت الباب و ملقتش حد في الصالة، دخلت المطبخ لقت مامتها.
جنون: ارفعي ايدك فورا.
داليا(بخضة): و الله ما عملت حاجة، بنتي بنتي في المخابرات ارجوك سبني.
جنون قعدت تضحك علي منظر مامتها و عيونها دمعت من كتر الضحك...
داليا(بغضب): اه يا بنت بطني يا اللي متربتيش.
جنون(بضحك): اعترفتي بسرعة اوي.

داليا(بغضب): وحشك شبشبي صح.
داليا قلعت الشبشب و بدأت تضرب جنون.
جنون: لا دودو احنا صحاب بلاش كدة. برستيجي.
داليا: غوري من وشي.
جنون: كدة و متشوفيش الاصابة اللي خدتها في كتفي.
داليا(بقلق): حبيبتي حصلك ايه؟ كتفك واجعك طيب طب كشفتي.
داليا(بدموع): انا قولتلك متشتغليش الشغلانة دي بس انتي عنيدة زي الصخر، حرام عليك كل مرة بتسافري فيها بيبقي قلبي بينبض بسرعة بيبقي قلبي واجعني لغاية ما بترجعي...

جنون: الصراحة مليش في الدراما، عن اذنك يا دودو انا بخير...
داليا(بصدمة): نعم يا اختي؟!؟
جنون: هتتحولي و لا ايه يا دودو...
جنون: الحق اهرب بقي.
جنون قامت بسرعة و جريت علي اوضة شجن.
شجن(بخضة): يا ماما...
شجن: جنون حبيبتي وحشتيني.
جنون: حبيبتي يا قمري، بس امك هتقتلني.
داليا: وريني هتخرجي ازاي يا جنون؟
جنون: لا يا دودو احنا صحاب يا دودو. نخرج نتفاهم...
داليا: ابدا.
شجن: طب انا عايزة اخرج اكل.

داليا: بصي يا زفتة منك ليها لو انا دخلت مش هسيب حتة فيكوا سليمة. و لو خرجتوا برضو مش هسيب حتة فيكوا سليمة، فاهمين.
عند البنات.
جنون(بسخرية): شكلك متعرفيش مين بنتك يا داليا هانم.
شجن: طب و انا.
جنون: اتصرفي براحتك.
-جنون فتحت البلكونة و نطت من بلكونة شجن ل بلكونتها اللي موجودة في اوضتها...
جنون فتحت باب اوضتها.
جنون: بحبك يا دودو انتي.
داليا(بصدمة): يا نهارك اسود.

جنون دخلت و قفلت الباب و خدت دوش بسيط و خرجت غيرت هدومها.
جنون لبست بنطلون اسود بيتي و فوقه بلوزة بيتي باللون الازرق بزارير و رفعت شعرها كحكة.
جنون اترمت علي السرير و نامت.

-في مكان تاني...
عند ندي.
ندي: انا خارجة يا ماما، عايزة حاجة؟
جهاد: لا...
ندي: طيب عن اذنك.
ندي ركبت عربيتها و راحت النادي تقعد مع صحابها...
ندي: مساء الخير يا بنات.
مها: تعالي يا ندي مساء النور.
ندي: ازيكوا يا بنات عاملين ايه؟
مني: ازيك يا ندوش عاملة ايه؟
ندي: الحمد لله بخير، انتوا ازيكوا؟
مها: انا زي الفل.
مني: و انا عايشة حياتي.
ندي: الحمد لله.
الجرسون: تشربوا ايه يا فندم؟
مها: عصير مانجا.

مني: عصير جوافة.
ندي رفعت وشها و بصت للجرسون...
الجرسون(بتوتر): تشربي ايه يا فندم؟
ندي(باحراج): لو سمحت عايزة عصير فراولة.
الجرسون: تمام.
الجرسون مشي و راح لصاحبه.
صاحبه: مالك يا ابني؟
الجرسون: معرفش اول ما شوفت عينيها ارتبكت و اتوترت.
صاحبه: ايه يا سعيد مين هي؟
سعيد: معرفش يا معتز.
معتز: طب انجز روح قدملهم المشروبات.
سعيد: مش قادر عيونها جميلة اوي.
معتز: هنطرد يا ابني الله يسامحك هات.

مهتز خد المشروبات من سعيد و راح لترابيزة ندي...
معتز: اي خدمة تاني يا فندم؟
مها: شكرا.
ندي: و انتوا بتشتغلوا ايه؟
مني: عواطلية.
ندي(بضحك): مالك بتقوليها بفخر ليه؟
مها: هي العواطلة عيب يا بنتي. دي شغلة شريفة جدا.
مني: و انتي؟
ندي: انا برسم و ناوية افتح معرض خاص بيا بس مش دلوقتي عايزة اعتمد علي نفسي.
مها: ربنا معاكي يا بنتي...
ندي: شكرا، طب ما تنزلوا تدوروا علي شغل.
مني: اه اه طبعا ان شاء الله.

ندي: مسخرة يا ربي مسخرة.
تليفون ندي رن. الخط اتفتح.
ندي: لو قبلوك هتعزمني علي ايس كريم.
أوبي: يعني ادبست.
ندي: يبقي اتعينت، الحمد لله يا حبيبي.
أوبي: طيب يا روحي. انتي في البيت؟
ندي: لا مع صحابي في النادي.
أوبي: طيب هعدي عليكي.
ندي: ماشي هستناك.
أوبي: تمام يا روحي.
و بعد فترة أوبي راح النادي و جه ل ندي.
أوبي: يلا يا ندي.
مها(بهمس): هو ده اخو ندي؟!
مني(بصدمة و همس): شكله كدة. بس ده حتة قمر.

ندي: اعرفكوا أوبي، أوبي مها و مني.
أوبي(بابتسامة): تشرفت بيكوا.
مها(بهمس): يخرب بيت ابتسامته.
أوبي(باستغراب): مالهم؟
ندي: ها لا يلا عن اذنكوا يا بنات.
أوبي حاوط كتف ندي بأيده و باس رأسها...
ندي: يا حنين يا عم.
أوبي: هو انا ليا غيرك يا قمري.
ندي: بحبك.
أوبي: لا علفكرة مرتبط.
ندي(برفعة حاجب): بمين؟
أوبي: بواحدة قمر عيونها ملونة و جمر. اسمها ندي.
ندي(بضحك): لا احرجتني.

أوبي خد ندي و اكلها آيس كريم و بعد فترة وصلوا للبيت.
جهاد: أخيرا جيتوا؟
أوبي: اوعي تقولي ان حضرتك مستنيانا.
جهاد: فريد و كنان هيتأخروا و انا مبحبش اكل لوحدي.
ندي: هطلع اغير هدومي.
أوبي: و انا كمان.
جهاد: طيب مستنياكوا.
-ندي و أوبي طلعوا و غيروا هدومهم و قعدوا يأكلوا مع جهاد و هما مستغربين...

-في مكان تاني...
عند كنان.
عادل: يا كنان حرام عليك الساعة 11 بليل.
كنان(ببرود): الشغل شغل.
علي: ماشي بس في حاجة اهم.
كنان(بحدة): الشغل شغل لكن الحاجات التانية دي في اي وقت تاني.
علي: ما انت كل يوم بتعمل زينا.
كنان(ببرود): بعد شغلي.
نور: كنان خلصت شغلي.
كنان: طيب روحي انتي.
نور(بهمس): لو رايح تقابل بنات احسنلك ترجع البيت.
كنان(ببرود): لو هتفضلي تقولي اسطوانة كل يوم لانك بنت امشي بكل هدوء يا نور.

علي: ايوه امشي انتي يلا.
نور: براحتكوا.
تامر: انا خلصت يا كنان اللي امرتني بيه يلا يا علي.
علي: لا رايح مع كنان.
تامر(بحدة): علي يلا يا زفت.
كنان: اسمع كلام اخوك يا علي.
علي: طب ما تيجي معانا يا تامر.
تامر: كنان علي يرجع علي مسؤليتك، يلا يا نور.
نور: طيب.
تامر وصل نور ل بيتها و وروح علي بيته...
عند الباقي.
كنان: يلا شهاب سبقنا علي هناك ظبطلنا القعدة.
عادل: ايوه بقي.
علي: يلا بينا يا باشا.

الشباب ركبوا عربيتهم و راحوا عند شهاب.
شهاب شاور ليهم و هما شافوه و راحوا لعنده.
شهاب: ظبطت كام واحدة عظمة.
عادل: ايوه كدة دلعنا.
علي: عظمة يا شهاب.
شهاب: تحب تختار ايه يا كنان.
كنان(ببرود): هما اللي هيجوا تحت رجلي يا شهاب.
شهاب: براحتك يا عم...
علي: هو انت اي حد.
و بعدين بدأوا البنات تيجوا عليهم.
بنت: كنان بيه بنفسه هنا.
بنت2: ليكوا وحشة يا رجالة.
علي: و انتي اكتر.
و كل شاب خد بنت معاه، كنان فضل مكانه.

بنت: تعرف اكتر حاجة بتعجبني فيك ايه...
بنت(بدلع): انك تقيل اوي. و انا بحب النوع ده...
كنان(ببرود): مبحبش الكلام الكتير.
بنت(بغمزة): طب ما انا عارفة.

-في مكان تاني...
عند جنون.
جنون(بعصبية): مين الزفت اللي بيتصل و بيصحيني من النوم.
جنون مسكت التليفون و ردت بغضب...
جنون(بعصبية): مين الحمار اللي بيتصل؟
اللواء: كدة تتكلمي مع سيادة اللواء.
جنون(بفزع): احم سيادة اللواء اسفة جدا، حصلت حاجة؟
جنون(بفزع): اسفة جدا جدا علي عصبيتي.
اللواء(بضحك): بتخافي مني يا رعد. و الله و شوفت الرعد بيخاف من حاجة.
جنون غمضت عينيها بندم و بعديها فتحت عيونها.

جنون: طب حصلت حاجة؟ اجي يعني.
اللواء: لا يا جنون بس البنات صعبوا عليا الساعة 1 بليل، انا قاعد معاهم علشان ميزعلوش.
جنون: بعد اذنك يا سيادة اللواء دول فريقي انا و حضرتك مش مضطر تقعد معاهم. اتفضل حضرتك علي بيتك.
اللواء: جنون اتجننتي.
جنون: انا اسمي جنون اسم علي مسمي يبقي مش cool خالص انك تقول حضرتك انتي اتجننتي.
اللواء: طب يا جنون علشان خاطري خليهم يمشي.

جنون: لو حضرتك روحت دلوقتي هخليهم يمشوا بعد حضرتك بنص ساعة.
اللواء: طيب يا جنون.
جنون قفلت مع اللواء و قامت من نومها و خرجت بره اوضتها. لقت الدنيا ضلمة.
دخلت اوضة مامتها و باست رأسها و بعدين راحت لاوضة شجن و غطتها و كانت لسة هتخرج.
شجن(بعياط): و الله اخر مرة اسفة.
شجن(بعياط): ماما ارجوكي جنون.
جنون جريت علي شجن و خدتها في حضنها.
جنون: هشششش اهدي يا شجن اهدي كان كابوس كان كابوس يا روحي اهدي.

شجن(بعياط): انتي هنا صح؟
جنون: اه يا روحي انا هنا جمبك يا عمري. متقلقيش خدي اشربي يا حبيبتي...
شجن(بعياط): بحبك اوي.
جنون: و انا هحبك اكتر لو دلوقتي غمضتي عينك و نمتي يلا يا روحي.
شجن: هتفضلي جمبي؟
جنون: من امتي يا بت و انا مش معاكي.
شجن: روحي.
جنون: قلب روحك، ايه ده يا بنتي قلبناها دراما ليه؟
شجن: طول عمرك دبش.
جنون: هتنامي يا بت و لا اخدك معايا التدريبات زي المرة اللي فاتت.

شجن: لا نمت اهو نمت هو انا صاحية مين بيتكلم مش انا...
جنون(بضحك): يا مجنونة ده انتي جريتي تلت ساعة وقعتي مني...
شجن: انتي ازاي بتجري ساعة و نص و اكتر من كدة.
-جنون فضلت حاضنة شجن لغاية ما شجن نامت، و جنون قامت من جمبها بعد ما باست رأسها...
جنون طلعت تليفونها و بعد فترة الخط اتفتح...
شذي(بلهفة): افراج؟!
جنون: سيبوا اللي في ايديكوا و ارجعوا بيتكوا بس الصبح تكونوا موجودين من بدري...

شذي: حاضر حاضر، بركاتك يا سيادة اللواء...
جنون: رغي كتير مش عايزة...
شذي: عيوني.
-جنون قفلت تليفونها و دخلت اوضتها غسلت وشها و لبست كوتشي ابيض و خدت الهاند فري و موبايلها و خرجت من البيت و بدأت تجري بسرعة كبيرة اوي. و مغمضة عينيها جامد.
: انتي عاهة علي المجتمع.
: انتي ضعيفة انتي عايزة الحرق.
: انتي متربتيش و انا هربيكي.
(بصريخ): الحقووووووووووونا.
: ابعدوا عنها...
: هقتلك و الله لاقتلها.
: هموتك بأيدي.

جنون(بصريخ): بس.
-جنون وقفت جري و كان الكوتشي اتقطع و و قعدت تأخد نفسها بصعوبة و وقعت علي ركبها في الارض.
شخص(بنفس مقطوع): جنون.
جنون: عايز ايه؟
شخص: نفسي اتقطع علشان اجري وراكي.
جنون: محدش قالك تجري ورايا.
شخص: ازاي بس و انتي اختي.
جنون: شكرا يا جورچ، بس انا عايزة اكون مع نفسي و لوحدي.
جورچ: اممممممم طيب يا ستي اعتبريني نفسك.
جنون(بحدة): جورچ.
جورچ: قلبه...
جنون: يا نهار اسود ما تخليك في حالك يا جورچ.

جورچ: كدة سودتي اليوم و لسة الشمس مطلعتش.
جورچ: و كمان قاعدة في الارض ليه، القمر و النجوم دايما في السماء.
جنون(بابتسامة): ميرسي.
جورچ: ضحكتك حلوة.
جنون: جورچ.
جورچ: اسف يا ست البنات.
جنون قامت و كانت هتقع بس جورچ مسكها.
جورچ: الكوتشي اتقطع من كتر الجري. الكوتشي مش اصيل علفكرة لانه لو اصيل مكنش قبل انه يتقطع و هو في رجل جنون هانم.
جنون(بابتسامة): انت مسخرة يا جورچ.
جورچ: و لا يهمك يا قمر.

جنون: يلا بينا نرجع ورايا شغل بكرة.
جورچ: تمام يا ست البنات.
جنون: ليه بتفضل تقولي يا ست البنات؟
جورچ: لانك ببساطة ست البنات.
جنون: طب ايه اللي جابك ورايا او عرفت ازاي اني كنت بجري.
جورچ: كنت واقف في البلكونة و لقيتك متعصبة نوعا ما. فنزلت وراكي بس نفسي اتقطع ازاي جريت ده كله، اكتر من ساعتين بتجري.
جنون: منادتش ليه؟

جورچ: ناديت كذا مرة فقولت بلاش انادي تاني علشان محدش يصحي، و حاولت امسكك بس جنابك كنتي زي الصاروخ.
جنون: اسفة.
جورچ: و لا يهمك. انا بحبك جدا جدا.
جنون: و انا كمان يا جورچ بحبك جدا. شخص حلو و روحك حلوة جميل و...
و فجأة جنون و جورچ لقوا عربيات سوداء حواليهم و ناس لابسة بدل سوداء نزلت و كل واحد رافع مسدس قدام جنون و جورچ...