رواية حرب الحب للكاتبة سلسبيل كوبك الفصل الثالث
-فجأة جنون و جورچ لقوا عربيات سوداء حواليهم و ناس لابسة بدل سوداء نزلت و كل واحد رافع مسدس قدام جنون و جورچ...
جورچ: احم مين دول يا جنون؟
جنون: و حياتك لو اعرف كنت قولت.
جنون: فين كبيرك؟
حارس1: هما فعلا زي ما قالوا مبتخافيش.
جنون(ببرود): و يا تري مين اللي قال علشان اروح اشكره.
حارس2: احنا جايين نقولك كلمتين.
جنون: حابة اسمعهم.
حارس1: ابعدي عن كل ما يخص الصياد علشان هتندمي.
جنون(ببرود): شكل اللي قالك اني مش بخاف نسي يقولك اني مش بندم.
حارس1: بس انتي عندك اللي تخافي عليه.
جنون: احب اتعرف عليه.
حارس قرب من جنون و ودي جهاز في ايديها. جنون كانت بتتفرج و هي متعصبة...
جنون: تمام شكرا علي التهديد بس انا مش بتهدد.
جنون بعينيها عدت عدد الحراس. جنون بدأت تضرب الاشخاص اللي قدامها. بس هما مسكوها.
جورچ: خلاص سيبوها.
حارس3: اخرس ياض.
جنون(بحدة): قسما بربي اي حد هيعمله حاجة هيكون موته علي ايده.
حارس1: نسيوا يقولوا انك غبية. لانك لوحدك.
عطر: مين قال كدة؟
جنون(بابتسامة استفزاز): مبأخدش خطوة الا لما اكون متأكدة منها...
جنون و عطر وشذي و سجي بدأوا يضربوا الرجالة اللي قدامهم، و جورچ ضرب كذا واحد...
جنون(ببرود): قول للصياد يذهب للجحيم، بدل ما هو مستخبي زي الفئران و متحامي في شوية ستات.
جنون: يلا يا جماعة، تعالي يا جورچ.
الكل ركب عربية سجي.
سجي: كنتوا بتعملوا ايه في الوقت ده؟
جنون: بجري.
شذي: طبعا انتي لما شوفتينا بدأتي ضرب.
جنون: العدد كان كبير فعلا علشان كدة كنت هكون فعلا غبية لو فكرت اني ممكن اضربهم كلهم، الكترة تغلب الشجاعة.
عطر: طيب يا ست جنون...
جورچ: شكرا انك دافعتي عني...
جنون: انت اخويا يا جورچ. عطر و سجي هتباتوا مع شذي؟
عطر: لا...
جنون: تمام...
سجي: وصلنا.
جنون: باي يا جورچ اشوفك بعدين.
جورچ: باي يا جنون، باي يا بنات.
شذي(بغمزة): حب ده و لا ايه؟
جنون: وهو يوم ما هحب هحب مسيحي انتي اتجننتي، و كمان انا مش هتجوز الا شخص يقدر شغلي و يقدر ظروف شغلي غير كدة يغوروا العرسان في داهية.
عطر: ما هو ممكن يدخل الدين الاسلامي بفضلك.
جنون: عايزة انام انا تعبانة.
جنون نزلت و دخلت اوضتها اترمت علي السرير.
شذي: مالها؟
سجي: معرفش ممكن تعبانة او مرهقة علشان العملية و بعدها جت المبني و كمان كانت بتجري و ضربت الرجالة معانا يعني ارهاق كبير عليها.
شذي: طب يلا يلا نطلع الشمس بدأت تطلع ننام ساعتين قبل ما نروح لام الزفت اللي اسمه الصياد.
-في الصباح الباكر...
في فيلا فريد.
سيدة: صباح الخير يا هانم.
جهاد: صباح النور يا سيدة، حضرتوا الفطار؟
سيدة: طبعا يا هانم، و ندي هانم في الجنينة بترسم. و أوبي بيه في أوضة الرياضة. فريد بيه قاعد مع ندي هانم.
جهاد: و كنان؟
سيدة(بتوتر): جه امبارح بليل متأخر و كان شبه سكران و طلع علي أوضته لغاية دلوقتي منزلش.
جهاد(بعصبية): طيب.
جهاد طلعت اوضة كنان و فتحت الباب بغضب.
جهاد(بأستغراب): كنان!
كنان: خير؟
جهاد: انت صاحي؟
كنان: ايه الغريب في ده؟
جهاد: بطل تلعب ضغط انت عرقت جامد.
كنان: متنسيش اني ظابط و دي حاجة بسيطة...
جهاد: انت لسة بتسكر يا كنان.
كنان(بغضب): سيدة...
جهاد: سيبك من سيدة و اتكلم معايا، بتسكر ليه؟
كنان: عادي انا راجل اعمل اللي انا عايزه.
جهاد: طبعا يا حبيبي راجل و سيد الرجالة، بس لو حد من اعدائك شافوك هيمسكوها ذلة...
كنان: شكرا للمعلومة، ممكن تخرجي عايز اغير هدومي.
جهاد: طيب يا حبيبي.
جهاد نزلت، و كنان لعب ضغط تاني و قام خد دوش.
تحت في الجنينة.
ندي(بضحك): بجد يا بابا انت بتضحكني أوي.
فريد: ما انتي حبيبة بابا لازم تضحكي علطول.
ندي: بحبك اوي يا بابا.
فريد: و انا يا حبيبة بابا، يلا نروح نفطر علشان ورايا شغل.
ندي: طيب يا حبيبي.
شهاب: سيادة اللواء.
فريد: ازيك يا شهاب.
شهاب: بخير يا سياة اللواء...
شهاب: ازيك يا عفريتة العلبة.
ندي: احسن منك و متقوليش كدة تاني.
شهاب: ماشي يا عفريتة العلب.
ندي(بغيظ): بابا.
شهاب لقي اللي بيضربه علي قفاه.
شهاب: ايدك تقيلة.
أوبي: مش قالتلك متقوليش عفريتة العلبة.
شهاب: آسفين ده انتوا عيلة مجانين.
فريد(بحدة): شهاب.
شهاب: آسف يا سيادة اللواء، فين كنان؟
جهاد: ازيك يا شهاب.
شهاب: ازيك يا جهاد هانم.
جهاد: و نهلة هانم؟
شهاب: بتسلم علي حضرتك، فين كنان؟
جهاد: في اوضته اطلعله.
شهاب: عن اذنكوا.
فريد: جهزي الفطار يا سيدة بدل ما انتي عاملة زي عفريت العلبة و الله...
سيدة(بتوتر): حاضر يا بيه.
اوبي: هطلع اغير هدومي. عن اذنكوا.
ندي: و انا يا بابا هغسل ايدي.
فريد: طيب يا حبيبتي.
في أوضة كنان.
كنان خرج من أوضته لقي شهاب نايم علي سريره.
كنان(بحدة): يا زفت بتعمل ايه في اوضتي...
شهاب(بخضة): يا نهار اسود سيبني يا ابني.
كنان: مش متعود حد يكون علي سريري.
شهاب: اومال لما تتجوز؟
كنان(ببرود): و مين قالك اني هتجوز. انا فضل زي ما انا حر...
شهاب: يا رب اوعده ببنت تمشيه علي عجين ميلخبطش...
كنان: هدخل اغير، عملت ايه في قضية السواح؟
شهاب: يعني انت داخل تغير و لا بتسألني عملت ايه في قضية السواح.
كنان(بعصبية): شهاب.
شهاب: قلبه.
كنان: ما تسترجل ياض.
شهاب: اخس عليك يا وحش.
كنان ضحك علي كلام شهاب و سابه دخل يغير هدومه...
كنان لبس بنطلون جينز و تي شيرت ابيض و مسك جاكت جلد في ايده و لبس كوتشي اسود في ابيض. و لبس ساعته و حط البرفيوم بتاعه.
كنان: مش يلا؟
شهاب: يلا.
الشباب نزلت لقت الكل قاعد علي السفرة.
فريد: ها ايه الاخبار؟
شهاب: زي كل يوم.
فريد(بحدة): شهاب في الشغل انسي الهزار.
شهاب: طيب.
كنان: الشغل ماشي تمام الحمد لله...
فريد: الحمد لله.
جهاد: كلوا كويس يا جماعة.
أوبي: عن اذنكوا...
فريد: يلا في رعاية الله.
ندي: هطلع اكلم صحابي.
كنان: يلا يا شهاب.
شهاب: لسة مكلتش.
كنان: خليك يا شهاب، وريني هتيجي ازاي.
كنان مشي و شهاب قام جري وراه.
فريد: عايزة حاجة؟
جهاد: لا شكرا.
فريد: طيب.
-في مكان تاني...
عند جنون.
داليا(بصريخ): يا لهوووووووووووي.
جنون مسكت مسدسها بسرعة و خرجت من الاوضة.
جنون: حصل ايه؟
شجن(بخوف): حصل ايه يا مااما؟
داليا: الكوتشي مين اللي قطعه كدة و عليه دم مين ده؟
جنون: تصدقي يا ماما انتي تافهة.
داليا(بصدمة): بنت؟!
جنون: بنت ايه بقي و لا ايه. حرام عليكي افتكرت حصلت حاجة.
شجن: بس برضو دم مين ده؟
جنون(بلامبالاة): مش مهم.
داليا: ايه هو اللي مش مهم اتجننتي. دم مين ده؟
جنون حاوطت وش مامتها بأيديها.
داليا: ابعدي مسدسك ده.
جنون: اهو. ماما شغلنا فيه دم و قتل و مسدسات و ضرب نار، دي حاجات بسيطة تمام. متشغليش بالك.
شجن: انا داخلة البس...
جنون: حضري الفطار يا دودو...
جنون دخلت اوضتها خدت دوش و خرجت غيرت هدومها...
جنون لبست بنطلون اسود و تي شيرت ابيض و جاكت جلد اسود و لبست كوتشي اسود عالي و شنطة سوداء ضهر. و لمت شعرها علي شكل ديل حصان عالي.
جنون: شجن لبستي؟ شجن...
شجن: لا لسة.
جنون: دايما متأخرة.
داليا: جنون.
جنون: نعم يا دودو.
داليا(بهمس): شجن كانت بتشتغل من وراكي و كنا بنخبي عليكي.
جنون(بصدمة): يا راجل؟!
جنون(بسخرية): طب ما انا عارفة...
داليا(بصدمة): نعم؟!
جنون(بسخرية): مفيش حاجة بتحصل في البيت ده و مكنش عارفاها. حتى و انا في مهماتي بعرف كل حاجة...
داليا: ازاي؟
جنون: مش فاضية عايزة اكل.
شجن: جيت.
جنون صفرت و بصت ل شجن بانبهار.
جنون: بنتك كبرت يا داليا.
شجن(باحراج): بس بقي بتكسف يا ام عيون رصاصي انتي و غمازات.
داليا: ربنا يخليكوا ليا يا بنات.
جنون: و يخليكي لينا يا روحي. و بطلوا شوية دراما.
شجن: الدبش دي طالعة لمين...
جنون: هتأكلي و لا اشدك من شعرك؟
شجن: كلت اهو.
داليا: جنون اتعاملي بهدوء شوية. في آداب الحديث.
جنون: و في آداب الاكل يا ست يا فاضلة.
داليا: شجن عايزة البت دي؟
شجن: لا.
جنون: بحذركم لو مش عايزين وشكوا يبقي خريطة ابعدوا عني. شغلي مبيفرقش بين اخ او اخت او ام.
شجن: لا ابهرتني.
التلاتة قعدوا يضحكرا و يتكلموا.
داليا: نفسي تتجوزي اوي يا جنون.
جنون: عندك راجل هيقدر ظروف شغلي و يستحملني و يستحمل اني اطلع مهمات بالايام و ساعات بالشهور معنديش مانع اتجوزه من الصبح.
شجن: طب ما في ناس كتير وافقوا بكدة.
جنون: مشوفتش الصدق في عيونهم.
الباب خبط...
جنون: قومي افتحي يا دودو.
داليا: يا بت انا امك ريحيني، انتي بتؤمري بس.
جنون: قومي افتحي يا شجن.
شجن: بأكل.
جنون: عندكوا حق.
جنون طلعت مسدسها من ورا ضهرها و حطته علي ترابيزة السفرة، و في اقل من لحظة كان الباب اتفتح.
شجن(بتوتر): شذي حبيبتي.
شجن حضنت شذي و همست ليها.
شجن(بهمس): خديها و اخلعي.
داليا: تعالي يا شذي تعالي يا حبيبتي.
شذي: ازيك يا طنط. يلا يا رعد.
جنون: طيب عن اذنكوا.
داليا: انتوا كدة بدأتوا مهمتكوا الجديدة؟
شجن: مشفتيش شذي بتقول ل جنون رعد اهو يبقي بدأوا العملية الجديدة.
داليا: يا حبيبتي ملحقتيش ترتاحي...
جنون: يلا يا شجن، خلي بالك من نفسك يا امي. يلا.
جنون: شذي اسبقيني بعربيتك. تعالي يا شجن.
-جنون ركبت الموتسكل بتاعها و وراها شجن ماسكة فيها جامد...
شجن: تعرفي يا جنون انا بغير منك احيانا.
جنون: ليه يا قمري؟
شجن: لانك جميلة و قمر و شعرك طويل و عيونك ملونة و كمان عندك غمازتين...
جنون: نسيت اقولك اني انا كمان بغير منك.
شجن: ليه بقي؟
جنون: لانك احلي مني بكتير و حياتك افضل بكتير. بس انا زعلانة منك.
شجن: ليه؟
جنون: علشانك مش واثقة من نفسك. خليكي دايما عندك ثقة في نفسك...
شجن: بحبك اوي. و بحب غمازاتك.
جنون(بضحك): يادي غمازاتي.
شجن(بضحك): ماما لغاية دلوقتي متعرفش ان انتي اللي قايلالي علي الشغل و انتي اللي كنتي معايا اول يوم...
جنون: وصلنا يا اميرتي.
شجن: انتي اسرع واحدة اقابلها في حياتي.
جنون قربت منها و مالت عليها.
جنون: لو مكنتش اسرع واحدة مكنوش سموني الرعد.
شجن: انتي يا بت جايبة الثقة دي من فين؟
جنون: من بنك الثقة، يلا هتأخر خلي بالك من نفسك اي مشكلة تتصلي بيا فورا.
شجن: تمام يا فندم.
جنون جهزت و باست شجن علي خدها و مشيت بسرعة، شجن لفت ضهرها لقت أوبي ساند ضهره علي العربية و مربع ايده...
شجن(لنفسها): يا رب اعطيني الصبر.
شجن كانت لسة هتمشي بس لقته بيناديها.
اوبي: يا انتي.
شجن(بعصبية): اسمي شجن مش يا انتي.
أوبي: ماشي. جهزيلي فنجان قهوة علي المكتب.
شجن: طيب.
أوبي: يلا يا انتي.
أوبي ساب شجن و طلع علي مكتبه. شجن كانت عيونها بتطلع نار.
شجن(بغضب): و ربي لاندمك يا زفت.
شجن بصت بمكر لعربيته و بعدين بصت علي شباك مكتبه...
-في مكان تاني.
عند باقي فرقة جنون.
سجي: شذي و جنون لسة مجوش.
اياد: انتوا عارفين جنون مجنونة عادي يعني.
عطر: هي اكيد مش هتعدي تهديد امبارح.
فارس(باستغراب): تهديد ايه؟
عطر(بتوتر): تهديد انا قولت تهديد.
سجي: انتوا سمعتوا غلط...
اياد(بحدة): احنا فريق واحد احكوا حصل ايه امبارح.
عطر بصت ل سجي و بدأوا يحكوا اللي حصل امبارح.
فارس: خبيتوا ليه علينا و متصلتوش ليه...
سجي: انتوا اكيد عارفين جنون.
عطر: اهو بقي اللي حصل.
اياد: طب هنشوف جنون بتعمل ايه طيب. وظيفتك ايه يا فارس يلا.
فارس: طيب.
فارس طلع جهاز الكمبيوتر بتاعه و بدأ يتتبع موقع جنون و شذي.
فارس: في شارع().
سجي: علي ما اعتقد في كاميرات مرور في المكان ده، حاول تخترقها.
فارس: طيب ثانية.
بعد فترة من البحث.
فارس: العربية واقفة في مكانها و متحركتش بقالها ساعتين لكن مش عارف اوضح اذا كان في حد في العربية و لا لا...
عطر: طيب هل هما خرجوا من العربية شوف كدة في سجل الكاميرا...
فارس: لا مخرجوش.
اياد: طب ليه مش بيردوا علي تليفونتهم انا بدأت اقلق و خصوصا جنون جنون.
اياد: ان شاء الله خير. نصبر.
عطر: طب احنا اشتغلنا كتير علي قضية الصياد منعرفش دماغ جنون فيها ايه.
قعدوا شوية و بعدين لقوا الباب اتفتح.
اياد: اخيرا جيتوا قلقنا عليكوا اوي...
جنون: متخافش مش هموت دلوقتي.
فارس: كنتوا فين؟
عطر: ايوه كنتوا فين؟
سجي: يا نهار اسود ايه اللي حصلك يا جنون؟ و لا رحتوا فين؟
جنون و شذي بصوا لبعض و ابتسموا و بدأوا يحكوا.
Flash back.
جنون جهزت و باست شجن علي خدها و مشيت بسرعة...
جنون وصلت ل عربية شذي.
جنون: جاهزة؟
شذي: مش فاهمة حاجة يا جنون.
جنون: جبتي اللي قولتلك عليه؟
شذي: ايوه بس ليه؟
جنون: خدي شنطتي و سيبي موبايلك في عربيتك. هاتي الشنطة اللي فيها الحاجة.
شذي: الصبر، طيب خدي.
جنون و شذي ركبوا الموتسكل و جنون بدأت تسوق بسرعة كبير و شذي ماسكة فيها جامد.
شذي(بصدمة): يا نهارك اسود جاية قصر الصياد.
جنون: و ليه مجيش قصر الصياد؟
جنون ركنت الموتسكل بعيد نسبيا عن القصر.
جنون: استني هنا. بس البسي السماعة دي لو حصلت اي حاجة هبلغك فورا و انتي كوني جاهزة.
شذي: حاضر يا مجنونة.
جنون: هاتي الحبل و الصاعق الكهربي و السلاح الابيض.
شذي: خدي. ما تأخدي الشنطة كلها.
جنون: لا هأخد الشنطة دي.
شذي: طيب.
-جنون حدفت الحبل الناحية التانية من سور القصر و بدأت تتسلق الحبل و طلعت علي السور لقت تحتها حارس، مسكت الحبل و نزلت وراه علطول و لفت الحبل حوالين رقبته لغاية ما مات.
-جنون بدأت تجري بخفة لقت تلات حراس واقفين قدامها بس بضهرهم. طلعت مسدسها و ضربت نار عليهم هما التلاتة بصمت المسدس كاتم للصوت.
-و مشيت حوالين القصر لغاية ما لقت باب خلفي باللون الاسود قربت من الباب و حطت ودنها علي الباب.
شخص1: تعرف بعمل ايه في الخاينين؟
شخص2(بعياط): اسف يا باشا عندي عيال. اسف و الله اسف...
شخص1: مش بتهاون.
شخص2(بعياط): عندي عيال ارجوك.
جنون(لنفسها): يا الله. طب ادخل.
عقلها: انتي مجنونة لو دخلتي دلوقتي ممكن يقتلوكي و ساعتها مش هيتقبض عليه.
جنون(لنفسها): سامحني يا رب.
جنون بدأت تتسلق المواسير اللي في جوانب القصر و طلعت للروف.
جنون: اوف فين ام خزنته السرية.
-جنون بدأت تنزل براحة و بخفة لغاية ما لقت دور كله ابواب و متغطيه بغطاء باللون الاسود شالت غطاء اتصدمت.
شاب(بدموع): ارجوكي ساعديني ارجوكي.
جنون: هششش اهدي اهدي. انت مين و لا اسمك ايه و في غيرك هنا و لا ايه؟
شاب: اللي اسمه الصياد ده بيخطفنا و كل اسبوع بيأخد واحد و يقتله و يأخد اعضائنا، ارجوكي مش عايز اموت انقذينا.
جنون: خلاص اهدي خلال يومين بالظبط هتطلعوا كلكم من هنا. في هنا حراس؟
شاب: ايوه ايوه في هنا حراسين كل ساعة بيجوا.
جنون: اخر مرة كانوا هنا امتي؟
شاب: من فترة قليلة.
جنون: طيب.
شذي: انتي بتكلمي مين؟
جنون: اخرسي يا شذي.
جنون(بابتسامة): خليك واثق ان الكل هيخرج متخافش.
شاب: شكرا جدا ليكي.
جنون حطت الغطاء تاني. و بدأت تتمشي في الدور لقت باب غريب فتحته لقت حيطة و خزنة موجودة في الحيطة.
جنون: ايه الراجل ده؟
شذي: لو لقيتي الماظ خدي.
جنون(بحدة): شذي دقيقة و هأجي اخنقك بأيدي.
جنون رشت حاجة علي الخزنة و بعدها بدأت تضغط علي الارقام والخزنة اتفتحت.
جنون: طلعت غبي اوي يا صياد.
جنون خدت كذا حاجة من الخزنة و حطتهم في الشنطة و رجعت كل حاجة مكانها.
جنون: شذي اجهزي.
حارس: بتعملي ايه هنا؟
جنون: مبعملش.
حارس: انتي فاكرة اني غبي. خدتي ايه وريني شنطتك.
جنون: هو بالنسبة خدت ايه فملكش دعوة، اما بالنسبة اني فاكراك غبي لا انا متأكدة انك غبي.
-جنون في اقل من لحظة طلعت علي الحيطة و ضربته برجليها. جنون جريت بسرعة و طلعت الروف و بدأت تنزل المواسير تاني و طلعت السور و نزلت.
جنون(بصريخ): آآآه.
شذي(بخوف و قلق): جنون حصلك حاجة؟
جنون(بعصبية): لو مكنش في حاجة مكنتش صرخت.
-جنون بدأت تشيل الازاز اللي في رجليها و بنطلونها اتقطع، و شذي و جنون لقوا باب القصر بيتفتح و الحراس و كانوا جايين ناحية جنون و شذي.
جنون(بغضب): هتفضلي واقفة مصدومة كتير.
جنون ركبت الموتسكل و شذي ركبت وراها بسرعة. و بدأ يحصل ضرب نار.
شذي(بصريخ): آآآآه.
جنون: حصلك ايه؟
شذي: رصاصة سطحية.
جنون لفت بالموتسكل و طلعت مسدسها و بدأت تضرب نار...
شذي: يلا يا جنون اعدادهم كبيرة.
جنون: طيب. انتي كويسة؟
شذي: ايوه يا جنون.
جنون و شذي هربوا و راحوا مبني المخابرات.
جنون: تعالي معايا.
جنون وشذي راحوا للدكتور اللي موجود في المبني.
ساهر(بقلق): جنون مالك؟
جنون(ببرود): شوف شذي الاول.
ساهر: وريني يا شذي، المهم انتي كويسة يا جنون؟
جنون(ببرود): ايوه.
جنون خدت القطن و المعقم و بدأت تعالج جرحها.
ساهر(بتوتر): حصل ايه؟
شذي: مفيش و ركز في شغلك.
ساهر: تمام جرحك سطحي جدا.
ساهر: خليني اشوف جرحك يا جنون.
جنون: لا ميرسي. يلا يا شذي.
جنون خدت شذي و مشيوا ناحية مكتبهم...
Back.
فارس: يا بنت اللعيبة.
سجي: بس هتقدري تمشي، و انتي يا شذي حاسة بوجع...
جنون: يا بنتي احنا رجالة.
عطر: طيب وريني لقيتي ايه؟
جنون: لقيت فيل. يلا بره منك ليه.
اياد: نعم يا اختي؟
جنون: اياد و فارس عايزاكوا دلوقتي تروحوا لسيادة اللواء تقولوا ليه علي موضوع الناس اللي محتجزة في قصر الصياد لازم يبعتوا قوة.
عطر: ازاي يا جنون؟
جنون: زمانه هرب بعد ما عرف ان معلوماته وصلت لحد تاني و اللي هو اكيد عرفه انه انا، الكاميرات صورتني.
سجي: يا نهارك اسود ازاي بقي...
جنون: يلا يا اياد انت و فارس.
اياد: طيب. تعالي معايا يا فارس.
جنون: شذي روحي البيت بتاعي منه ترتاحي و منه تحرسي اهلي.
شذي: طيب حاضر.
شذي: عن اذنكوا.
جنون: سجي عطر تعالوا ورايا نفرز المعلومات دي.
سجي و عطر: حاضر. يلا بينا.
-في مكان تاني...
عند كنان.
كنان: في جديد يا نور؟
نور: اتصل بشخص اسمه حداد و اتفقوا علي انه اخر ميعاد بعد بكرة و الساعة 5 الفجر...
كنان: برافو عليكي يا نور...
تامر: المكالمة كانت مشفرة بس علي مين دي نور واد بت.
نور(بغضب): تامر متقوليش واد بت دي تاني.
كنان(بضحك): خلاص خلاص.
عادل: البضاعة هتتحول بحري.
كنان: برافو عليك. ها يا علي انت و شهاب؟
شهاب: ها ايه؟ جهزنا الاسلحة و القنابل.
كنان: طيب، علي و عادل و شهاب و انا هنروح العملية دي، نور و تامر هتفضلوا هنا لو في اي جديد تقولوه...
علي: عندي معلومة السواح عرف مين اللي ماسك العملية دي، يعني انت و عائلتك في خطر يا كنان.
كنان(ببرود): تبقي امه داعية عليه اللي يقرب مني او من اي حاجة تخصني.
نور: طبعا يا كنان هو انت اي حد.
كنان: يلا اجهزوا. جهزوا نفسكوا بكرة هنقول خطتنا.
شهاب: يا ابني ده انا رفيقك و معرفش الخطة بتبقي ايه الا قبل العملية ب 24 ساعة.
كنان: كويس انك عارف اني مش بفرق بين اي حد.
نور: يلا يا جدعان نسيب الباشا يخطط.
كنان: يلا يا جدعان كل واحد يشوف هيجهز ازاي.
الكل خرج و اتبقي كنان، كنان بدأ يخطط لعمليته.
و بعد فترة كنان خرج من المبني و لسة هيركب عربيته حصل ضرب نار و كنان وقع في الارض...