رواية حرب الحب للكاتبة سلسبيل كوبك الفصل الثامن

رواية حرب الحب للكاتبة سلسبيل كوبك الفصل الثامن

الباب اتفتح فجأة...
شخص: الحقنا يا اياد بيه...
جنون: في ايه؟
اياد: لحظة و جاي.
اياد: في ايه؟
شخص(بتوتر و همس): في قنبلة في الدور الاخير من المبني.
اياد: طيب امشي بسرعة وجهزلي معداتي.
شخص: حاضر.
اياد قرب من جنون و مال عليها.
اياد(بهمس): جنون في قنبلة في الدور الاخير...
جنون: هاجي اساعدك.
اياد: لا.
جنون(بحدة): جاية معاك...
فارس: في ايه يا جماعة؟
جنون: فضي المبني بسرعة يا فارس.
فارس: في ايه؟
اياد: قنبلة.

عادل(بخضة): ازاي؟
جنون و اياد طلعوا بره الاوضة و طلعوا للدور الاخير.
كنان: فضوا المبني بسرعة...
كنان طلع ورا جنون و اياد ومعاه نور.
شذي: بسرعة يلا يا عطر بسرعة.
و الكل بدأ يفضي المبني كله و خرج بره المبني.
اياد: جنون هاتي دي.
جنون: خد.
اياد: برضو مُصرة.
جنون: ابقي غبية لو سبتك انت معايا من اول يوم في الكلية.
اياد: طب لو موتي مين هيهتم بالباقي؟

جنون: فارس راجل و هيقدر يحمي عائلتي وصحابنا. و كمان انا واثقة في قدراتك يا بطل.
اياد: بالايد دي معتقدش...
جنون: اعتبريني ايدك.
كنان(ببرود): مش هنخلص من فيلم العشق الممنوع ده...
جنون(ببرود): مسلسل.
نور ضحكت غصب عنها و كنان بصلها بحدة.
اياد: فاضل 3 دقايق.
جنون: طيب.
اياد: تفتكري احمر و لا اخضر؟
جنون: هضربك يا اياد.
اياد: طيب يا ستي. مستعدة للموت؟
جنون: غبي.
كنان: ما تخلص يا عم الحنين.
نور: يلا يا استاذ اياد.

اياد: بسم الله الرحمن الرحيم.
اياد: ايه ده مموتش.
اياد(بضحك): مموتش هتجوز يعني.
اياد قام و حضن جنون و لف بيها بأيد واحدة...
جنون: بحبك يا احلي اخ.
اياد: و انا كمان، بجد انتي اللي بتديني ثقة في نفسي.
نور: الحمد لله تسلم يا اياد.
اياد: ده واجبي يلا بينا...
كلهم نزلوا للباقي.
فريد: ها طمنا؟
اياد: الحمد لله يا سيادة اللواء.
فارس: انا بقول منتجمعش تاني حرام و الله كل ما بنتجمع بتحصل مصيبة...

جنون(ببرود): احنا معانا مصيبة اسااسا.
كنان(بحدة): يلا هنتجمع في بيت ن.
جنون(قطعت كلامه): اياد. هنتجمع في بيت اياد هأخد راحتي اكتر يلا بينا.
جنون سابت كنان و مشيت و باقي الفرقة وراها.
كنان(لنفسه): طبعا واحدة زيك هترتاح في بيت مين طبعا...
الكل ركب عربياته و اتجه ناحية بيت اياد.
جنون: وحشني اوي البيت ده.
جنون اترمت علي الكنبة و قعدت بكل راحة.
فارس: البيت ده كدة فيه ريحة حنان.

اياد: و النبي. ما تيجي نعيش مع بعض.
شذي: ناس مقرفة، انا راحة اكل.
اياد: مفيش اكل في التلاجة.
عطر: ليه يا عم مبتأكلش؟
اياد: هكذا مزاجي.
جنون قامت و فتحت التلاجة و طلعت منه اكل و بدأت تأكل...
جنون: ممنوع عليكوا مش ممنوع عليا.
نور: شكل اياد و جنون مرتبطين اوي ببعض.
اياد: حد عايز يشرب حاجة قبل ما نبدأ شغل؟
كنان: عصير فريش لو عندك.
اياد: عيوني.
عادل: خليك هقوم انا اعمل انت علشان ايدك.
جنون: لا انا هعمل.

اياد: و انتوا؟
سجي: عايزة اكل يا اياد.
اياد(بتريقة): عايزة اكل يا اياد. خلفتك و نسيتك يا بت انتي.
شهاب: هو هتلاقيها مأكلتش و الصراحة انا.
الكل ضحك علي شهاب و بدأوا يتكلموا الا كنان...
جنون: اتفضلوا.
-جنون مرت علي شخص شخص و ودتله كوبايته الا كنان حطت الصينية علي الترابيزة و خدت فنجان القهوة بتاعها و قعدت، كنان بصلها بغيظ.
كنان: دلوقتي المفروض نجهز السفر و اسباب السفر.

كنان: سبب السفر علشان محدش يشك فينا زي سياحة بنسافر علشان نكتشف المكان...
علي: سبب مقنع.
كنان: هننزل في اوتيل مؤقتا و انا كلمت شخص و ظبطلنا فيلا بعيدة عن الناس نوعا ما...
نور: طب و هنوصل ازاي للي احنا رايحين علشانه.
جنون: بيقيموا حفلات تعتبر يوميا و احنا بغرض المتعة و الاستكشاف هنروحها و هنستمتع.
اياد: طب لو.
كنان: لو ايه؟

جنون: اياد قصده لو شاب منكوا غصب عنه شرب و سكر يا تري موقفنا هيبقي عامل ازاي، انا عن نفسي واثقة في اياد و فارس انتوا مجربتكوش الصراحة...
كنان: قولت انا وقت الشغل شغل مش بخلط بين ده و ده...
شذي: هنجرب.
جنون: عندي حاجة بس لازم اقولها.
شهاب: ايه؟
جنون: انا و فرقتي لازم نأخد بريك كل فترة.
نور: بمعني يا جنون؟

جنون: انا مش بخلي فرقتي تشتغل ال24 ساعة في ال24 ساعة مش بخليهم يشتغلوا متواصل لازم يفصلوا لان شغل شغل هيبقي زهق.
عادل: يا سبحان الله نفس اللي كنان بيعمله.
كنان: اعتبر انا القائد مش انتي.
جنون: و اعتقد اني ممكن اشيل كل مهام فرقتي علشان يرتاحوا، متنساش اني شريكتك...
تامر: طيب يا جماعة كمل يا كنان.
كنان: الكل يجهز نفسه هنسافر بكرة بليل.
الكل: تمام...
فارس: هو احنا هنروح مع بعض.

كنان: ايوه. احنا ناس لسة متخرجين حديثا و راحة تستمتع، و اللواء رأفت و اللواء فريد هيظبطوا الدنيا هنا...
شذي: طيب نودع اهالينا.
جنون(بهمس): دي لو وافقت.
جنون: استفسار صغنن...
كنان(بذهول): صغنن!
جنون: صغير يعني، هو احنا هنقعد قد ايه؟
كنان: علي حسب...
فارس: ربنا يطمنك...
شهاب: طيب عن اذنكوا اجهز نفسي فاضل ليلة واحدة...
نور: و انا كمان.
فرقة كنان مشيت الا عادل قرب من جنون و مال عليها.

عادل(بهمس و خبث): مش شايفة اي وجه تشابه بينا.
جنون: محصليش الشرف اني اعرف.
عادل(بهمس و خبث): عيونك ملونة و انا عيوني ملونة و ممكن نجيب عيال عيونها برضو ملونة.
جنون: و ممكن برضو نجيب عيال معاقة لان ابوهم هيبقي معاق كمان ثانية لو مامشيش.
عادل سابها و مشي و هو بيفكر يعمل ايه معاها...
عطر: كان بيقولك ايه؟
جنون: متشغليش بالك...
اياد: حد يخش يجهزلي شنطتي.
شذي: اتشليت مثلا.
اياد: ايدي.
جنون: و بتلبس جنابك ازاي؟

اياد: زي السكر في الشاي، يلا.
فارس: انا هقوم.
جنون: انا راحة القي هذة القنبلة في وش امي.
شذي: هبقي معاكي.
عطر: انا هلم هدومي و هاجي عندكوا...
سجي: فكرة حلوة و انا كمان...
جنون: يلا يا شذي.
و كل واحد روح علي بيته...

-في مكان تاني...
عند أوبي.
الباب خبط...
أوبي: ادخل.
شجن(بقرف): في واحدة زي عروسة المولد بره بتقول انها عايزاك.
أوبي(بضحك): هو في عروسة مولد بتتكلم.
شجن: نيننينينينينينينينينيني.
أوبي: طيب دخليها.
شجن: خشي.
بنت: أوبي وحشتنا يا عم اخيرا عرفت طريقك.
أوبي: مين بس؟
بنت: انا سوزي بنت طنط سعاد اللي بتقعد مع مامتك علطول في النادي...
أوبي: اه ازيك يا سوزي الصراحة مش فاكرك خالص.

-شجن غصب عنها فلتت منها ضحكة أوبي سمعها.
أوبي(برفعة حاجب): حضرتك واقفة بتعملي ايه هنا؟
سوزي: اه البنت دي لازم تطردها بتقولي يا عروسة المولد انا عروسة المولد ده جمالي كله طبيعي. دي هي اللي صناعي.
شجن: نعم يا اختي ده انا ممكن اثبتلك كمان.
شجن راحت ناحية سوزي و أوبي...
شجن: تقدري تمسحي المكياچ ده حالا...
سوزي: اه بس انا مش عايزة.
سوزي: همشي دلوقتي نبقي علي اتصال يا حبيبي...
شجن: استني بس.

شجن و هي بتحاول تمسكها مسكت شعرها طلعت بروكة.
سوزي(بصريخ): عااااا.
أوبي و شجن بصوا لبعض و اتصدموا، سوزي شدت البروكة من شجن و طلعت جري...
و أوبي و شجن بصوا لبعض تاني و وقعوا علي الارض بسبب الضحك...
أوبي(بضحك): مش قادر لا ينعل ابو الفصلان.
شجن(بضحك): و تقولك جمالي كله طبيعي.
بنت: أوبي بيه.
أوبي(باحراج): اه احم في ايه؟
بنت: صاحب الشوكة جه و طالب يشوفك...
أوبي: تمام جاي.
شجن(بهمس): مشيت؟
أوبي: اه.

شجن: اسفة بس لو كانت شافتنا كدة كانت ممكن تطلع عليا سمعة وحشة.
أوبي: لا عادي و لا يهمك، بس كل ما افتكر سوزي اموت من الضحك...
شجن: معلش معلش هما دول معظم البنات.
أوبي: انا رايح لصاحب الشركة. جهزي فنجان قهوة عقبال ما اجي.
شجن: حاضر.
أوبي راح لصاحب الشركة و بدأوا يتكلموا في الشغل و بعدها خرج...
شجن: فنجان القهوة لسة مدخلاه الاوضة.
أوبي: تمام، كدة كل حاجة خلصت...
شجن: في ايه؟
أوبي: هنغير مواعيد الشغل نوعا ما.

شجن: بمعني؟
أوبي: هنبدأ من بدري اوي و هنشي بدري برضو.
شجن: بدري اوي اللي هو كام.
أوبي: الساعة7.
شجن: نعم 7 دي بكون نايمة...
أوبي: افندم؟!
شجن: يا الله طب اعمل ايه دلوقتي.
أوبي: انتي هبلة يا بت، اجهزي باقي اليوم اجازة.
أوبي دخل جاب حاجته كانت شجن لسة هتمشي.
أوبي: في حد هيوصلك؟
شجن: لا.
أوبي: تعالي اوصلك انا.
شجن: بس.
أوبي: بس ايه بس، خشي اركبي.
أوبي و شجن ركبوا الاسانسير و خرجوا ركبوا في عربة اوبي...

شجن: عارف بيتنا و لا اوصفه.
اوبي: لا عارفه، هعرفه منين يعني يا شجن.
شجن: سوري الله...
اوبي: سوري؟! طيب.
و بعد فترة أوبي وصل شجن بيتها.
شجن: ميرسي جدا يا استاذ أوبي.
أوبي: و لا يهمك، يلا انزلي.
اوبي: هو ده بيتكوا؟
شجن(باحراج): اه.
أوبي: جميل اوي و بسيط. يا بختك يا ست.
اوبي: يلا باي.
اوبي تحرك بالعربية و راح ل بيته، شجن دخلت بيتها...
شذي: اوبا بقي علي الناس اللي جاية بعربيات دي.

شجن: بس وطي صوتك ماما لو سمعتك هتفتكره عريس...
شذي(بغمزة): طب ما تفتكره عريس.
شجن: يا حيوانة. ده المدير في الشغل و حصلت لغبطة في المواعيد فقال ليا اوصلك بس...
شذي: هحاول اصدقك.
جنون(بصوت عالي): يلا العشاء جاهز.
شذي و شجن دخلوا لجوا و شجن حضنت جنون و باستها...
جنون: من امتي يا بت الحنية يلا خشي غيري عايزة اكل و في كلام مهم يلا.
داليا: استر يا رب...
شذي: الصراحة يا جنون.
جنون: خير؟

شذي(بضحك)الكلام المهم مع بيجامة ميكي دي مش لايقة خالص...
جنون: يا بنت العسل هضربك.
شذي: طب اعملك ايه صح يا طنط.
داليا: صح معايا طفلة. و عاملالي كحكتين و لابسة ميكي موس اعملك ايه شكلك لا يوحي الا بطفلة.
جنون: متشكرين يا رجولة.
شجن: انا جيت.
جنون: هدومك اللي رمتيها علي الارض تتشال قبل ما تنامي. يلا اقعدوا...
الكل بدأ يأكل و جنون و شذي بيبصوا ل بعض.
داليا(بحدة): في ايه؟ عاملين زي الفأر الجبان.

شذي(بتوتر): ابدا خالص.
جنون: احم بصي يا ماما اللي هقوله مش هتعترضي عليه.
داليا: احب اسمع يا جنون...
جنون: في عملية جديدة.
شجن: طب فيها ايه ما انتي دايما بتروحي عمليات.
جنون: هنسافر روسيا.
داليا: نعم يا اختي لا بره مصر مفيش خروج.
شذي(بخفوت): اللي حضرتك متعرفهوش انه معظم مهماتها كانت برة مصر...
داليا(بصوت عالي): نعم يا اختي؟!
جنون: ماما ارجوكي افهمي ده شغلي.
داليا: للدرجة دي مليش لازمة عندك.

شجن: يا ماما ده شغلها و انتي موافقة عليه من البداية.
داليا: لا و لو روحتي يبقي و لا انتي بنتي و لا اعرفك.
-داليا سابتهم و راحت لاوضتها. و التلت بنات قعدوا حاطين خدهم علي ايديهم.
جنون: يعني هو انا غلطانة اني قولت اقولها علشان لما كنت بكدب عليها قبل كدة كنت بضايق و مبعرفش انام في المكان اللي انا فيه...
شجن: هي امك كدة بتطلع تطلع و تنزل علي مفيش.
شذي: قدامك ليلة واحدة تقنعي امك...

جنون: دي برأس حجر انا طالعة لمين يعني.
شجن: طب انا ورايا شغل.
جنون: مين هيودعني؟ مين هيدعيلي.
شجن: اساسا بكرة اجازة علشان خاطر سيادتك يا ستي...
جنون: طيب و امك ام رأس حجر دي.
شذي: امك قلبها طيب و عارفة ان برضو رأسك زي الحجر زيها...
جنون: انا قايمة اجهز شنطتي.
شذي: و انا. سجي و عطر هيجوا بكرة الصبح.
شجن: اقابلكوا الصبح.
كل واحدة راحت علي اوضتها.

-في مكان تاني...
عند كنان.
جهاد: حبيبي عامل ايه؟
كنان: مش شيفاني بأكل كويس انا تمام.
جهاد: طيب يا حبيبي.
ندي: النهاردة قابلت بنات كتير في النادي كلهم كانوا لابسين لبس قصير جدا يا كنان.
جهاد: هي دي الموضة.
كنان: و يا تري اخلاقهم ايه؟
جهاد: دول بنات عائلات كبيرة اوي يا كنان. هبقي اخدك معايا.
كنان: ورايا شغل مش فاضي للتفاهات.
ندي: هطلع انام الوقت اتأخر.
جهاد: فريد مجاش ليه؟

كنان: هتلاقيه وراه شغل، اوبي جه امتي؟
سيدة: لسة جاي بيركن عربيته يا كنان بيه.
كنان: تمام.
اوبي: مساء الخير يا حلوين.
الكل: مساء النور...
كنان: تعالي يا اوبي نتدرب شوية.
اوبي: انا تعبان.
كنان(بتحذير): اوبي.
اوبي: دايما في استعداد يا فندم تعالي.
اوبي و كنان راحوا لاوضة الرياضة.
اوضة الرياضة كانت كبيرة و فيها كل الاجهزة اللي ممكن يستخدموها و فيها ساحة قتال...
كنان: تشرب؟
اوبي: مفيش مانع في كاس هات يا عم...

كنان و اوبي بدأوا يشربوا شوية.
اوبي: نفسي اعرف ليه مش بتسكر علطول...
كنان: عادي.
اوبي: امتي هتتجوز بقي يا عم؟
كنان: لما اموت.
اوبي(بضحك): انت لما تموت هتروح جهنم...
كنان: هبقي اخدك معاايا متخافش.
أوبي: لا يا عم اول ما الاقي البنت اللي في دماغي هتجوزها.
كنان: ربنا يسعدك...
أوبي: و يبعتلك بنت الحلال. ام عيون ملونة و شعر طويل جميلة و قمر.
كنان: و هي دي ممكن اتجوزها ما ممكن استمتع و خلاص.
أوبي: الصبر يا رب...

ندي: ممكن اجي.
كنان: ادخلي.
أوبي: تشربي؟
كنان(بحدة): أوبي.
ندي: انا جاية اقول كفاية عليكوا شرب حرام.
ندي راحت حضنت اوبي و كنان.
كنان: بنحتفل لاني طالع مهمة...
ندي: ترجع بالسلامة يا حبيبي...
اوبي: هتطول؟
كنان: ممكن علي حسب...
ندي: هتوحشني اوي.
كنان: و انتي يا حبيبتي.
أوبي: طيب هطلع اغير هدومي.
كنان: تمام...
اوبي مشي و اتبقي كنان و ندي.
كنان: عايزة اي حاجة اجبهالك و انا جاي.

ندي: لا، بس لو انت عايز تجبلي حاجة معنديش مانع.
كنان: يا بت يا مكسوفة.
ندي: بحبك اوي و عايزاك تتجوز انت و اوبي علشان يبقي عندي اصحاب و نتكلم و يشتكوا منكوا...
كنان: طب خلي اوبي يتجوز و انا هتجوز وراه.
ندي: بجد؟ هتتجوز؟!
كنان: قولت بعد أوبي.
ندي: مش واثقة فيك. انت قولت بعد أوبي لكن مقولتش امتي...
كنان(بضحك): دايما فهماني.
ندي: خلاص هتجبلي اي حاجة و انت جاي من العملية...

كنان: عيوني لو نجحت في العملية و ده اكيد...
ندي: مغرور.
كنان: و البنات بيحبوني.
ندي: عارفة علشان انت وسيم و عيونك جميلة.
ندي: قولي في حد غير نور معاك في المهمة.
كنان: عادل و شهاب و.
ندي: عارفة اقصد بنات...
كنان: عايزة تعرفي ايه بالظبط يا بت؟
ندي: بابا كان بيتكلم مع حد علي التليفون و قال ان فرقتك و فرقة تانية هتجتمع...
كنان: اه في بنات تاني.
ندي: اسمهم ايه؟
كنان: حشرية اوي انتي...
ندي: اسفة.

كنان: شذي و سجي و عطر.
ندي: اساميهم حلوة.
كنان: و جنون...
ندي: واو الاسم جميل جدا و غريب اكتر.
كنان: انا طالع انام...
ندي: حلوين؟
كنان: جمال عادي.
ندي: طيب يا مز. هطلع انا كمان باي.
كل واحد راح لاوضته و بدأ يستعد لنومه...

-في مكان تاني...
عند جنون...
الباب خبط.
جنون(بابتسامة): ادخل.
داليا(بجمود): ينفع ادخل؟
جنون(بجمود مماثل): عادي.
داليا(بجمود): بتعملي ايه؟
جنون: حضرتك شايفة ايه؟ بجهز شنطتي.
داليا(بجمود): هتسافري برضو؟
جنون: ده المفروص اللي هيحصل.
داليا(بجمود): سيبي من ايدك.
جنون: ليه؟
داليا قربت و بدأت تجهز شنطة جنون و تحط هدوم كتير، جنون واقفة مربعة ايديها.
داليا: متبصيش كدة ناوليني الجاكت ده.
جنون: ليه؟

داليا: الجو في روسيا مش زي هنا في مصر...
جنون: اممممم و حضرتك موافقة اسافر؟
داليا قربت من جنون و ضربتها بخفة علي رأسها.
داليا: اه لاني عارفة الحجر اللي هنا مش هيتغير.
جنون(بضحك): بحبك يا ست الكل.
جنون حضنت داليا جامد و باست رأسها و ايديها و قعدت تبوس فيها...
داليا(بضحك): بس يا مجنونة بس.
و بعدين لقوا الباب بيتفتح...
شجن(بغناء): و انا عاصر علي نفسي لمونة بتجنن و بقول مجنون.
شجن(بغناء): مع انك مصيبة.

جنون(بغناء): مجنونة و عنيدة بس بحبك انا.
شجن(بغناء): رغم عقلاتك تكبير رأسك. ما فيا اعيش اذا ما كنتي حدي...
داليا: يا عيال يا مجنونة.
و التلاتة بدأوا يساعدوا بعض يجهزوا هدوم جنون.
داليا: عايزة حاجة يا حبيبتي؟
جنون: لا تسلمولي يا حبايبي.
كل واحد راح علي اوضته نام، جنون قعدت في البلكونة و بصت للنجوم و فضلت قاعدة لغاية ما تليفونها رن.
جنون: استغفر الله العظيم. في اكيد مصيبة.
الخط اتفتح.

جنون: الو يا سيادة اللواء.
فريد: تكوني موجودة قدامي حالا في المبني.
جنون: طب في ايه؟
فريد: مصيبة...