قصص و روايات - قصص رومانسية :

رواية حرب الحب للكاتبة سلسبيل كوبك الفصل التاسع

رواية حرب الحب للكاتبة سلسبيل كوبك الفصل التاسع

رواية حرب الحب للكاتبة سلسبيل كوبك الفصل التاسع

جنون كانت قاعدة في البلكونة و باصة للنجوم و فضلت قاعدة لغاية ما تليفونها رن.
جنون: استغفر الله العظيم. في اكيد مصيبة.
الخط اتفتح.
جنون: الو يا سيادة اللواء.
فريد: تكوني موجودة قدامي حالا في المبني.
جنون: طب في ايه؟
فريد: مصيبة...
جنون: ربنا يستر، حاضر يا فندم جاية.
جنون قامت تلبس هدومها.

جنون لبست جيبة جينز قصيرة قبل الركبة و تي شيرت اسود بنص كم قصير و كوتشي ابيض بكعب عالي. و رفعت شعرها علي شكل كحكة و نزلت كام خصلة من شعرها علي وشها. و خدت شنطة بيضاء ضهر...
جنون: ربنا يستر.
جنون خرجت ركبت العربية و راحت ناحية المبني و طلعت بسرعة علي اوضة المكتب.
الباب خبط.
فريد: ادخل.
جنون(و هي بتأخد نفسها): خير يا فندم؟
جنون بصت لقت فريد و رأفت و كنان فرفعت حاجبها.

جنون: هو في ايه بس كدة؟ علشان اللمة دي مش مطمناني.
فريد: قربي يا جنون.
جنون قربت و قعدت علي كرسي و فريد حدف ليها تليفون علي ناحيتها.
جنون: ايه ده يا فندم؟
رأفت: شوفيه الاول يا جنون.
جنون مسكت التليفون و فتحته و اتصدمت و بصت ل كنان بغضب.
جنون: ممكن افهم ايه ده يا فندم؟
رأفت: احنا اللي عايزين نعرف يا جنون.
جنون: و يا تري رأي استاذ كنان ايه؟

فريد: بصي يا جنون ايا كان اللي حصل، في شخص باعت الفيديو ده و ناوي ينشر الفيديو ده...
رأفت: يعني شغلك و شغل كنان مهدد.
جنون(بغضب): مين الشخص الزبالة ده؟
فريد: شخص ملهوش ملامح. يعني شخص عارف شغلنا يا جنون يعني ملهوش أثر...
جنون: انا شغلي رقم واحد في حياتي و مش هيجي واحد زبالة زيه يخليني اتخلي عنه...
رأفت: طب تبريرك ايه؟
جنون: الزفت ده.
كنان(بحدة): احترمي نفسك الكلام ده كدب.

جنون: استغفر الله العظيم. يا فندم صدقني مفيش اي حاجة بيني و بين ده.
جنون: ممكن اعمل اي حاجة بس مخسرش شغلي.
كنان: يعني ممكن تبيعي نفسك علشان شغلك.
جنون(بعصبية): انت بالذات متتكلمش مش كفاية من ساعة ما شوفتك و المصايب نازلة فوق رأسي.
فريد(بحدة): جنون كنان اخرجوا بره دقيقتين.
جنون خرجت بغضب و وراها كنان. جنون سندت رأسها علي الحيطة و كنان واقف قصادها.
جنون(بعصبية): بكرهك.

كنان: حد قالك تيجي الساعة 6 الصبح ل شخص عازب.
جنون قربت من كنان و مسكته من رقبته.
جنون(بغضب): و ربي لو خسرت شغلي انسي انك تبقي موجود علي الدنيا.
كنان مسك ايديها و تناها و لف ضهرها ليه.
جنون(بحدة): ابعد عني.
كنان(بحدة): ايدك اقطعها ليكي لو فكرتي تلمسيني بس...
جنون ضربت كنان بكوع ايديها و داست علي رجله برجليها...
كنان(بحدة): يا بنت المجانين.

جنون: اياك تفكر انك تلمسني باي شكل من الاشكال و الا و ربي افصل رأسك عن جسمك...
شخص: رأفت بيه و فريد بيه عايزكوا.
جنون زقت كنان قبل ما تدخل الاوضة و كنان دخل وراها...
فريد: في حلين يا جنون انتي و كنان.
كنان: اتفضل يا فندم.
رأفت: لاما الفيديو ده ينتشر لاننا مش قادرين نحدد مين اللي باعت الفيديو ده حاليا و تترفضوا من علي شغلكم و مش هنقدر نعمل حاجة.
جنون: لاما؟
فريد: لاما.
كنان: اتمني تتكلموا علطول.

فريد: لاما تتجوزوا.
جنون(بذهول): لاما ايه؟
رأفت: الفيديو ده من الصبح هيكون منشور و هيحصل هجوم عليكوا و هتترفض ا من شغلكوا لكن لما الناس تعرف انكم متجوزين و ده شئ عادي بين اي اتنين متجوزين الهجوم هيقل و خلاص.
فريد: ها ايه رأيكوا؟
كنان كان بيبص ل جنون بحاول يعرف بتفكر في ايه بس اتصدم لما جاوبت.
جنون: موافقة يا فندم.
-جنون سابتهم و مشيت راحت علي مكتبها و سندت علي المكتب بجسمها و هي مذهولة لسة.

رأفت: رأيك يا كنان؟
كنان(بجدية): تمام يا فندم.
رأفت: روح نادي جنون.
كنان: عن اذنكوا.
كنان راح ل جنون لقاها قاعدة علي طرف المكتب و شاردة دخل و قرب منها لغاية ما هي لاحظت وجوده.
جنون: ها؟ اتكلمت؟
كنان: لا عايزينك.
جنون: تمام جاية.
جنون سابت كنان و راحت ل فريد و رأفت و كنان وراها.
فريد: الجواز هيبقي بالشروط اللي جنون هتحطها.
جنون ابتسمت و بصت ل فريد بامتنان. كنان لاحظ كدة.
رأفت: شروطك يا جنون؟

جنون: الجواز علي ورق بس، و بعد ما يعدي علي موضوع الفيديو فترة نتطلق. و محدش يعرف اننا اتجوزنا، و ميتحكمش فيا نتعامل عادي في العملية كأن شيئا لم يكن...
فريد: موافق و اعتقد شروطك مفهاش حاجة مبالغ فيها...
رأفت: عندك اي شروط يا كنان؟
كنان: معتقدش ان في حاليا.
فريد: بتثقي في مين يا جنون؟
جنون: اياد يا فندم.
فريد: و انت كنان؟
كنان: شهاب يا فندم.
رأفت: تمام، تقدروا تقعدوا في اي حتة حاليا لغاية ما نبعت نجيبهم.

جنون: هو احنا هنعمل كدة دلوقتي؟
رأفت: اه.
جنون قعدت تشتم كنان في سرها كتير و خرجت فضلت مستنية و كنان واقف بيبص ليها كل شوية.
جنون: ما تأخدلي صورة احسن...
كنان: اسكتي انا مش طايق نفسي اساسا.
جنون: خلاص يا عم لو فعلا مكنتش طايق نفسك مكنتش خلتني اجي و تقرب مني بالشكل القذر ده.
كنان: انا اساسا مش طايق اتجوزك و انا عارف انك ساهلة و اي حد يقدر يكلمك و يضحك عليكي...
جنون: انت علفكرة مش محترم، ايه ده ايه ده؟

كنان(باستغراب): في ايه؟
جنون: مش انا ضربتك في نفس اليوم و نفس اللحظة يعني في حد واخد الفيديو و قصه...
كنان: ايه بقي يعني؟
جنون: يعني في حد قاصد يبعدنا عن شغلنا.
اياد(بخضة): جنون في ايه؟
شهاب(بخضة): حصل ايه يا كنان؟
جنون: ايه اللي جابكوا مع بعض؟
شهاب: سيادة اللواء قالي اعدي عليه و نيجي مع بعض.
شخص: سيادة اللواء مستنيكم جوا، اياد بيه و شهاب بيه بس.
اياد وشهاب دخلوا و فهموا كل حاجة و اتصدموا.

جنون: اهي كملت المأذون جه، دول لو مظبطين مش هيحصل كدة...
شخص: اتفضل يا شيخنا...
المأذون دخل اوضة المكتب. و كنان و جنون فضلوا بره...
كنان: بطلي صدعتيني.
جنون: بيتكلموا في ايه ده كله، ده هو احنا هنكتب كتاب و محدش هيعرف الا عدد بسيط.
كنان(بخبث): مستعجلة اوي انك تتجوزيني.
جنون: يا ابني انت ليه مش فاهم اني متجوزاك علشان شغلي.
كنان(بخبث): مين عارف ممكن كل حاجة تتغير في دقيقة.
جنون: علفكرة بقي ا.

شخص(قطع كلامها): اتفضلوا.
جنون و كنان دخلوا و قعدوا...
المأذون: ممكن البطاقة لكل واحد فيكوا.
اياد(بهمس): حسابنا مع بعض يا جنون.
كنان: اتفضل.
شهاب و اياد: اتفضل.
جنون: لحظة واحدة.
جنون(لنفسها): يا رب اكون نسيتها.
جنون: اه اهي اتفضل.
المأذون: تمام علي بركة الله.
و بعد فترة و جنون نوعا ما متوترة و اياد واقف جمبها...
المأذون: بارك الله لكما و بارك عليكما و جمع بينكم بخير، بالرفاء و البنين ان شاء الله.

شهاب: مبروك يا كنان.
كنان بصله بحدة شهاب بصلهم بأحراج...
اياد: يلا يا جنون، عن اذنك يا سيادة اللواء.
اياد مسك ايد جنون و خد شنطتها و مشي بيها.
رأفت: تقدر تروح يا كنان و بعد ما العملية تخلص هنتحاسب...
فريد: استعدوا للاسوأ بكرة.
كنان: تمام عن اذنك. تعالي يا شهاب.
كنان و شهاب خرجوا و بدأوا يمشوا.
شهاب: مش مصدق نفسي يا كنان و الله اخيرا دخلت القفص.

كنان(ببرود): انت تعرف الحالة اللي احنا اتجوزنا فيها، و محدش يعرف متشرفش انها مراتي اساسا...
جنون(بدموع): اياد و الله ده غصب عني.
اياد(بعصبية): كنتي لازم تقوليلي يا جنون، لما حد يتصل بيكي الساعة 3 بليل و يقولك في مصيبة المفروض تكلميني و تقوليلي.
جنون(بدموع): اياد ارجوك نتكلم في مكان تاني مش عايزة حد يشوفني كدة.
اياد(بحدة): كل اللي يهمك المكان و بس...

جنون(بحدة): اتكلم معايا زي ما بتكلم معاك يا اياد انت تعرف اني مبقبلش حد يتكلم معايا بالطريقة دي الا اللي بحبهم و مش معني اني سمحالك تتكلم كدة يبقي انا خايفة منك بس علشان بعزك و بحسك شخص متفاهم.

اياد: افهميني يا جنون تخيلي امك لو عرفت طب شجن لو الفيديو انتشر نظرات الناس هتبقي ايه، و يوم ما تتجوزي تتجوزي كدة بالطريقة دي. انا اخوكي و اتمني ليكي اكتر من كدة فرح تلبسي فستان ابيض تفرحي تلبسي دبلة تخلفي تعيش قصة حب حلوة.
جنون قربت من اياد و حضنته...
جنون: ان شاء الله هيحصل نخلص بس المهمة...
كنان(بحدة): جنون.
اياد: بدأنا.
جنون(ببرود): افندم استاذ كنان، يا قائد الفرقة يا اللي بتربطنا علاقة شغل و بس.

جنون: يلا يا اياد.
جنون شدت اياد و ركبوا العربية و روحوا علي البيت...
شهاب(بضحك): لا مش قادر...
كنان(بغضب): شهاب.
شهاب: خلاص اسف يلا بينا.
كنان: تمام.

-في الصباح الباكر...
جنون(بصريخ): مين اللي فتح النور انا عايزة انام.
شجن(بخضة): مالك يا جنون؟
جنون(بدوخة): حامل يا اختي.
شجن: بجد يعني هبقي خالتو.
جنون: يخرب بيت الجنون.
شجن: انتي سبتي ورقة مكتوب عليها مهم جدا ايقاظي في ميعاد شغلي المعتاد.
جنون(بابتسامة): تعالي هنا.
جنون حضنت شجن و باست رأسها.

جنون: هتكوني مكاني هنا يا شجن تخلي بالك من ماما و تهتمي بيها و متتعبيش قلبها ممكن مقدرش اعرف اكلمكوا بس اكيد اكيد هعرف اخباركوا، خليكي قوية و احمي نفسك و احمي ماما يا شجن.
شجن: عيوني يا قمر انتي، بقولك ايه ما تتكلمي اكتر علشان اشوف غمازاتك.
جنون ضحكت علي كلام شجن.
شجن: ايوه كدة يا ام غمازات...
جنون: سيبيني اقوم البس لاني همشي من المبني علطول...
جنون دخلت خدت دوش و خرجت لبست هدومها.

جنون لبست بنطلون جينز و تي شيرت بنص كم اسود قصير و كوتشي ابيض عالي و سيبت شعرها علي كتفها و ضهرها و لبست حلق ابيض شيك قصير و حطت روچ خفيف باللون الاحمر و خدت شنطة ضهر باللون الابيض.
جنون: عايزة اكل.
جنون: مالكوا؟
شذي: يا نهار اسود ايوه كدة يا شيخة سيبي شعرك حطي مكياچ.
جنون(ببرود): لولا اني مضطرة مكنتش عملت كدة. و ده كله علشان العملية.
داليا: ربنا يحرسك و يبعتلك ابن الحلال يا رب...
شجن: مزة يا جدعان.

الباب خبط.
شجن: اهلا يا اياد اهلا يا فارس.
اياد: صباح الخير يا جدعان. فين الشنط؟
جنون: خش خدها من الاوضة بتاعتي.
فارس: نفسي اعرف لما تتجوزي هل يا تري علاقتك ب اياد هتفضل زي ما هي.
جنون: هيكون اتجوز. يلا بينا نأكل في الطريق.
اياد: بس انتي مينفعش تيجي معانا.
الكل: اشمعنا؟
اياذ: اخاف عليكي تتحسدي...
جنون(بضحك): يا مجنون يلا بينا.
جنون حضنت داليا و شجن كتير و باستهم كتير.
داليا(بدموع): هتوحشيني.

جنون: و انتوا اكتر ياا حبايبي.
الكل خرج و لقوا جورچ حضنهم كلهم.
جنون: مش هوصيك عليهم يا جورچ.
جورچ: عيوني.
ركبوا العربيات و راحوا ناحية المبني.

-في مكان تاني...
عند كنان.
أوبي: تروح و ترجع بالسلامة يا حبيبي.
كنان: الله يسلمك...
ندي: حبيبي متنسنيش بقي من هناك.
كنان: حاضر.
جهاد: انا قلقانة علي فريد مرجعش من لمبارح يا كنان.
كنان: هيرجع بعد ما اسافر.
جهاد: يا رب يا حبيبي...
كنان: يلا عن اذنكوا شهاب رن عليا.
اوبي(حضنه): ترجع بالسلامة يا حبيبي.
كنان: تمام، تعالي يا ندي.
كنان حضن ندي و باس رأسها و حضن مامته و باس رأسها و مشي.
نور: يلا يا بطل بينا...

كنان: يلا فلنستعد للاسوأ.
عادل: مش مطمن.
شهاب: يلا بينا.
و ااكل ركب العربيات و راحوا لمبني المخابرات و راحوا قبل جنون و فرقتها...
و بعدها جنون وصلت و لقت اشخاص كتير جوا المبني و برا...
سجي: هو في ايه؟
شذي: ليه الكل متجمع هنا و بيبص لينا كدة؟
فارس: مش عارف ايه اللي في ايديهم ده.
عطر: هنعرف عادي يعني، بس بيبصوا بغضب ليه؟
-اياد مسك ايد جنون و جنون كانت متوترة شوية.
و دخلوا المبني و بدأ هجوم عليهم...

-و كانت فرقة كنان واقفة و فريد و رأفت و بعض الاشخاص، كنان قرب من جنون و شال ايد اياد و مسك ايد جنون تحت اندهاش باقي الفرقة.
كنان: يلا. المؤتمر...
كنان و جنون مشيوا و راحوا لاوضة المؤتمر و قفوا
صحفي: كنان بيه هل حضرتك تنكر انك علي علاقة بالانسة جنون مع اني اشك...
كنان: لا منكرش اني علي علاقة بيها...
فارس: بيقول ايه الواد ده؟
نور: ازاي اساسا يقول كدة هو حصل ايه؟
شهاب: اسكتوا و هتفهموا...

اياد: الالتزام بالصمت بقي...
صحفي: و يا تري ايه نوع العلاقة اللي بتربطكم؟
كنان مسك خصر جنون و قربها منه.
كنان(بهمس): ابتسمي.
كنان(بابتسامة مزيفة): مراتي. و اعتقد اللي شوفتوه في الفيديو ده شئ طبيعي بين اي زوجين...
الكل بص بصدمة ل كنان و جنون...
كنان(بهمس): عارفة ليه مصدومين لانهم عارفين حقيقتك انتي واحدة متسواش و انا مش طايق نفسي و انا لامسك اساساا.

جنون(بابتسامة): شكرا لمعلوماتك الغالية بس متلزمنيش انا واثقة في نفسي و مش هيجي واحد بتاع ستات و خمرة يخليني اشك في نفسي...
كنان ضغط علي خصر جنون جامد.
جنون: متنساش اننا ظباط مخابرات و نقدر نكتم الوجع في قلوبنا، الحرب هتبقي جوانا احنا بس.
فريد: كنان رد علي الصحفي.
كنان: ها؟
كنان: احم ايوه اتفضل حضرتك كنت بتقول ايه؟
الصحفي: من امتي و انتوا متجوزين؟
كنان: حدود شهرين.
صحفية: و خليتوا ليه الخبر سر؟

كنان: براحتنا و دي رغبتنا.
جنون: اتمني تتعلموا حاجة ان مهها حصل متحكموش علي الشخص من بره او من موقف واحد لان للاسف مجتمعنا مبيعملش غير كدة، و انتوا واجبكم كصحفيين تظهروا النظرية الصح لكل المجتمع. و شكرا ليكوا...
الصحفيين بدأوا يمشوا و اتبقي كل اللي معروف.
شذي: ازاي ده حصل كدب صح.
جنون(بضيق): اشرح ليهم يا اياد، عن اذنكوا هنتظركم لغاية ما تجهزوا.
جنون سابتهم و مشيت، اياد شرح للكل اللي حصل.

رأفت: خد يا كنان باسبور كل واحد...
كنان: تمام شكرا.
عند جنون...
فريد: جنون متحبسيش دموعك.
جنون: محدش فاهمني و لا فاهم اي حاجة...
فريد: تعرفي انا واثق انك مش مجبورة علي الجواز لانك جنون اللي مش بتخاف من كلام الناس.
جنون: بس انا جنون اللي بتخاف علي شغلها اكتر حاجة...
فريد: بكرة هتحبي و هتخافي عليه اكتر مليون مرة.
جنون: مستنية.
فريد: متخافيش عائلتك في عينيا.

جنون: ارجوك يا فندم عايزة اعرف اللي عمل كدة مسألة حياة او موت.
فريد: اكيد.
عطر: يلا يا جنون.
جنون: عن اذنك.
جنون جريت علي العربيات ملقتش غير عربية واحدة فاضية، بدون مقدمات ركبت جمب كنان.
جنون: الحرب هتبقي جوانا احنا بس...
كنان(لنفسه): بس يا كنان بس...
شهاب: الباسبورات بتاعتنا معاك يا كنان؟
كنان: ايوه...
و بعد فترة وصلوا للمطار و نزلوا و بدأوا يختموا الباسبور...
شذي: اه انا عايزة انام قبل ما نسافر.

سجي: و مين سمعك اه يا قلبي.
جنون: هروح اجيب الشنط...
جنون كانت هتقع بس كنان مسكها و كنان فضل مستغرب جنون لانها كانت بتبص في حتة تانية.
كنان(باستغراب): جنون.
جنون(بهمس): هششش اخرس.
كنان وقف جنون بغضب و هزها بحدة.
كنان(بحدة): احترمي نفسك، انا غلطان اني عبرتك اسااسا.
اياد: انتي كويسة؟
جنون: ايوه يا اياد انا بخير...
و بدأ يطلعوا الطيارة...
جنون: هخش الحمام بسرعة و جاية...

الكل طلع للمطار و بدأ يقعد في مكانه و بيتكلم مع التاني...
مضيفة: فاضل 5 دقايق للاقلاع...
نور(بخضة): جنون مجاتش.
اياد: ايه؟
فارس: حد يتصل بيها بسرعة.
مضيفة: هنقفل الباب.
كنان(بحدة): استني...
مضيفة: ايه يا فندم؟
كنان: في حد ناقص، هنزل اجيبه.
مضيفة: مينفعش يا فندم...
كنان قرب من المضيفة و مسكها من رقبتها.
كنان(بحدة): اسمعي مراتي لسة مجاتش و هي وجودها اهم من حياتك، هتصبري لغاية ما انزل اجيبها.

شخص: خلاص يا بنتي قولي في عطل و خلاص دي مراته برضو.
مضيفة: قدام حضرتك دقيقتين.
كنان: تمام...
كنان(لنفسه): و ربي لاقتلك يا جنون لما اشوفك...
كنان نزل بسرعة و راح للمطار و بدأ يتصل علي جنون، الخط اتفتح.
كنان(بحدة): انتي فين؟
جنون: ملكش فيه...
كنان: طيب يا جنون...
جنون لفت لقت كنان وراها و قبل ما تتكلم لقت كنان بيشيلها و هي اتصدمت...
جنون(بزعيق): يا حيوان نزلني، نزلني حالا انت غبي.

جنون(بعصبية): يا حيوان يا سافل يا قليل الادب يا حقير...
كنان(بغضب): اخرسي خالص، بسببك الطيارة كانت هتفوتك.
جنون بصتله بخوف نوعا ما...
جنون(بحدة): طيب اقدر امشي، نزلني.
كنان: مش واثق فيكي.
كنان طلع للطيارة و الكل شافه و كنان رمي جنون علي الكرسي.
جنون(بوجع): آآآه رأسي يا حيوان.
شهاب: انتي كويسة؟
جنون: اه الحمد لله.
و بدأت الطيارة تقلع و بعد فترة.
راجل: اشهد ان لا اله الا الله و اشهد ان محمدا رسول الله...

راجل2: فلنجاهد في سبيل الله...
الكل(بخوف): لا.
الكل بدأ يخاف و الرجالة معاها قنابل و هتفجر نفسها و الطيارة و الناس بتحاول تهديهم...
كنان: ملناش دعوة بالموضوع ده.

الفصل التالي
جميع الفصول
روايات الكاتب
روايات مشابهة