رواية حرب الحب للكاتبة سلسبيل كوبك الفصل التاسع والثلاثون
ان جهاد قالت.
جهاد(بصريخ): انا اللي قتلت ابني انا.
الكل بص ليها بصدمة.
فريد: قصدك ايه يا جهاد؟!
جهاد(بعياط): كنت باعتاهم يقتلوا ادهم.
فريد قرب من جهاد و ضربها قلم وقعت علي الكرسي.
فريد(بغضب): قسما بربي يا جهاد لاجمع الحساب و اخده منك كفاية بس قتل ابني...
فريد(بغضب): و هتمشي دلوقتي تروحي الفيلا و متخرجيش منها ابدا لغاية ما اجيلك و مش هتحضري و لا دفنة ابنك و لا عزاه.
فريد(بغضب): بره المستشفي دي، حالا.
جهاد(بعياط): ارجوك متحرمنيش من ابني و اشوفه اخر مرة.
فريد: لو ممشتيش دلوقتي تبقي طالقة بالتلاتة.
جهاد خدت شنطتها و مشيت بسرعة علي الفيلا قعدت تعيط...
ندي وقعت علي الارض و هي بتعيط ادهم راح قعد جمبها.
ادهم: خلاص اهدي ده قدر، ادعيله.
ادهم(بخضة): فريد بيه.
ندي(بعياط): بابا.
ادهم(بزعيق): دكتور بسرعة.
ورد: بسرعة هاتوا النقالة.
شالوا فريد و حطوه علي النقالة و نقلوه اوضة مرضي.
ادهم: ها ايه اخباره؟!
ورد: تعرض ل صدمة كبيرة و ممكن يدخل في غيبوبة نتيجة كم الانهيار العصبي اللي عنده.
ادهم: طب خلي بالك منه يا.
ورد: ورد يا دكتور ادهم...
ادهم: ماشي يا دكتورة ورد.
ندي(بعياط): هخسر الكل مع بعض. سعيد و اوبي و بابا...
ادهم: لا اهدي مين اللي هيقوي باباه و مين اللي هيقوي كنان.
ادهم: تعالي اقعدي هنا.
ادهم قعد ندي علي كرسي. و وقف سند رأسه علي الحيطة لقي اللي بتحط ايديها علي كتفه.
ورد: متخافش هيبقي كويس. و البقاء لله كل نفس ذائقة للموت.
ادهم: و نعمة بالله...
عند كنان و جنون.
كنان لسة في حضن جنون نايم و قاعدين علي الارض و جنون لسة صاحية منامتش.
كنان بدأ يفتح عينه و يغمضهم و شاف جنون.
جنون(بابتسامة): صباح الخير...
كنان(بابتسامة): صباح النور.
كنان: كنت في حلم وحش اوي.
جنون(بتوتر): حلم ايه؟!
كنان: لازم اتصل اطمن علي اوبي.
كنان كان هيقوم بس جنون مسكته و رجعته مكانه.
جنون: كنان مكنش حلم حقيقة. أوبي توفي.
كنان غمض عيونه بألم جنون قربت منه و باست رأسه...
جنون: هو دلوقتي في مكان احسن يا حبيبي. و اكيد مش هيكون مبسوط و هو شايفك انك حزين كدة.
جنون: يلا يا حبيبي قوم خد شاور سريع علشان نروح المستشفي و تشوفه في اللحظة الاخيرة.
جنون ساعدت كنان يقوم و دخل الحمام و جنون طلعت هدوم ليه و غيرت هدومها.
جنون لبست بنطلون اسود و فوقه جاكت لغاية الركبة باللون الاسود و قفلته و لبست صندل بكعب بالون الاسود و سيبت شعرها علي ضهرها و اختارت شنطة ايد باللون الأسود.
جنون: هنزل اعملك حاجة بسيطة تأكلها ع.
كنان: لا مش عايز.
جنون: حاجة بسيطة علشان تعرف تقف علي رجلك.
كنان(بحدة خفيفة): قولتلك لا مش عايز.
جنون: طيب يا حبيبي و لا يهمك اهدي. يلا البس مستنياك تحت.
جنون بدأت تنزل براحة قلعت اللي كانت لابساه في رجليها و سابت العكاز.
جنون فضلت مستنية كنان لغاية ما نزل و خرجوا ركبوا الاسانسير و بعدها خرجوا ركبوا عربية كنان.
كنان: تعرفي مستشفي ايه؟!
جنون: اه ادهم قالي. مستشفي().
جنون: المستشفي اللي ادهم بيشتغل فيها.
كنان كمل سواقة بصمت لغاية ما وصل للمستشفي و نزل و جنون وراه...
جنون: اهو ادهم.
كنان راح علي ادهم و وقف قدامه...
كنان: فين اخويا يا ادهم؟!
ادهم: تعيش انت يا كنان.
كنان ضربه بوكس في وشه و مسكه من قميصه.
كنان(بغضب): هو مش كان معاك رد مش كان معاك.
جنون: كنان حبيبي ابعد ادهم ملهوش ذنب.
كنان: طبعا ما انتي اخته لازم تتدافعي عنه. لكن انتي حاسة بالنار اللي انا حاسسها لا.
جنون: حبيبي ده وقت صعب هنعديه مع بعض متقلقش.
ادهم: كنان اعقل ندي اختك هنا نامت من كتر العياط و ابوك متعلق ليه محاليل و لو مفاقش احتمال يدخل في غيبوبة اهدي و اعقل.
كنان: بابا فين؟!
ادهم: في الاوضة دي.
كنان فتح الباب و دخل الاوضة و قرب من باباه و قعد جمبه.
كنان: أوبي خلاص راح مننا، متروحش انت كمان.
جنون: متخافش فريد بيه قوي و هيقاوم و هيصحي.
كنان(بجمود): اخرجي بره ان بتكلم مع ابويا.
جنون: طيب يا حبيبي.
جنون خرجت و حضنت ادهم.
ادهم(بدموع): انا كنت المقصود يا جنون...
ادهم: كانوا عايزين يقتلوني انا.
ادهم: أوبي مات بسببي يا جنون.
جنون: هششش يا حبيبي ده قدر.
كنان خرج و نزل في ادهم ضرب.
كنان(بغضب): يا حقير...
ندي(بعياط): لا يا كنان ملهوش ذنب.
جنون(بحدة): سيبه يا كنان هيموت في ايدك.
كنان زق جنون و وقعت في الارض و ادهم مكنش بيقاوم كان مستسلم للضرب...
جنون(بدموع): علشان خاطري يا كنان سيبه هيموت في ايدك...
كنان(بغضب): حسيتي باللي انا حاسه. انا حاسس باللي انتي حساه اضعاف.
جنون: يا حبيبي ده قدر، ربنا عايز كدة كان عمر اوبي يا كنان متخليش غضبك يعميك.
كنان(بغضب): طب اسمعي بقي لاما تختاريني انا لاما تختاري الزبالة ده هو و عائلتك.
جنون(بصدمة): كنان انت بتخيرني بينك و بين عائلتي.
ندي(بعياط): ملهمش ذنب يا كنان اسمعني.
كنان: اخرسي يا ندي، القرار عايز اسمعه حالا يا جنون.
جنون بصت ل كنان و بصت لادهم. ادهم بصلها بمعني توافق عليه هو.
ادهم: خليكي معاه يا جنون...
ادهم قام بصعوبة و مشي بره المستشفي كلها...
جنون راحت قعدت جمب ندي و خدتها في حضنها.
جنون: خلاص يا حبيبتي اهدي.
ورد طلعت جري ورا ادهم و مسكته قبل ما يمشي.
ورد: استني يا دكتور ادهم انت متعور...
ادهم: مش مهم همشي دلوقتي لو في اي جديد بلغيني.
ورد: لا استني طيب اطهرلك جروحك.
ادهم(بحدة): قولتلك لا.
ادهم ساب ورد و مشي و ورد رجعت المستشفي تاني.
كنان: اخباره ايه؟!
ورد: حالته مستقرة الحمد لله. مين هيخلص كل الامور المتعلقة بالدفن؟!
كنان(بجمود): انا...
ورد: اتفضل معايا...
و بعد فترة الشباب كلها عرفت الخبر و جم علي المستشفي.
شهاب(بصدمة): ازاي ده حصل يا جنون؟!
جنون: معرفش اهم حاجة اقفوا مع كنان.
علي: انتي اكتر واحدة هو بيرتاح ليها يا جنون. خليكي انتي معاه...
جنون: بلاش انا دلوقتي لما يهدي. اسمعوا كلامي بس.
نور: طيب انتي كويسة؟!
جنون: متخافوش.
شهاب: البقاء لله يا صاحبي.
كنان: تمام. اول ما بابا يفوق هنصلي و هندفن.
جنون شاورت ل تامر و تامر جه ليها.
جنون(بهمس): خلوه يأكل هو مأكلش و مرضيش يأكل.
تامر: تمام هنحاول.
اياد: في ايه بينك و بين كنان يا جنون؟!
جنون: مفيش حاجة خالص. خليك معاه انت و فارس معلش.
ندي(بعياط): كدة تؤامي راح يا جنون. كدة مش هقدر اشوفه تاني.
جنون: حبيبتي كل نفس ذائقة للموت و كمان ده عمره و انتهي، يعني لو كان ربنا كاتب أدهم يموت كان هو اللي هيموت لكن ربنا كتب ان أوبي هو اللي يموت منعترضش علي امر ربنا.
ندي: سامحي كنان يا جنون...
جنون: يا روحي انا عذراه متخافيش. كنان طيب هو بس غبي شوية...
ندي: بس بيحبك اوي. متسبهوش و لا تسبينا يا جنون.
جنون: متخافيش يا حبيبتي. هي فين طنط جهاد؟!
ندي: بابا خلاها تقعد في البيت و متجيش.
جنون: طيب يا حبيبتي.
البنات كانوا قاعدين مع بعض و الشباب مع كنان.
-في مكان تاني...
في بيت جنون.
داليا: مالك يا بنتي متوترة ليه؟!
شجن: معرفش يا امي أوبي مش بيرد.
داليا: هتلاقيه وراه شغل او نايم.
شجن: لا لا أوبي مبينامش ل وقت متأخر كدة و النهاردة كان اجازة و كمان ادهم مجاش من امبارح و هو كان خارج مع اوبي...
شجن: ادهم هتصل بادهم.
شجن اتصلت ب ادهم. الخط اتفتح.
شجن: ادهم ادهم.
ادهم: ايه يا شجن؟!
شجن: معاك أوبي؟!
ادهم: لا.
شجن: طب هو فين؟!
ادهم: عند اللي خلقه يا شجن.
شجن: بطل استعباط بقي.
ادهم: أوبي مات امبارح يا شجن.
شجن التليفون وقع منها و هي وقعت في الارض.
داليا(بخضة): مالك يا حبيبتي؟!
شجن(بعياط): اوبي اوبي يا ماما.
داليا: ماله يا حبيبتي؟!
شجن(بعياط): اوبي مات و سابني يا ماما، مات و سابني.
داليا: اهدي بس يا حبيبتي.
شجن(بعياط): لا يا امي اوبي قالي مش هيسبني.
داليا: اهدي بس يا شجن الروح متغلاش علي اللي خلقها.
شجن(بعياط): هيسبني لوحدي يا ماما.
داليا: هو مش هيكون مبسوط و انتي بتعيطي يا حبيبتي.
شجن(بعياط): عايزة اروحله عايزة اشوفه يا ماما.
داليا: طيب هنتصل ب جنون.
شجن: هقوم البس.
شجن قامت تلبس و داليا قامت تلبس و هي بتكلم جنون.
الخط اتفتح.
داليا: الو يا بنتي.
جنون: الو.
داليا: هو فعلا اوبي مات؟!
جنون: اه...
داليا: طب في مستشفي ايه؟
جنون: بلاش تيجوا بلاش ارجوكي.
داليا: ليه بس يا جنون؟! شجن مموتة نفسها عياط.
جنون: يا امي المستشفي اللي ادهم بيشتغل فيها...
داليا: طيب يا حبيبتي انتي كويسة؟!
جنون: اه.
داليا: ماشي.
جنون قفلت التليفون و لسة بتلف لقت كنان وراها.
كنان(بحدة): كنتي بتكلمي مين؟!
جنون(بتوتر): مم اا ما(ماما).
كنان: مش قولتلك لاما انا لاما هما.
جنون: اه بس هي اتصلت ممكن تكون محتجاني.
كنان: هاتي موبايلك...
جنون: بس.
كنان: هاتي موبايلك.
جنون ودت ل كنان موبايلها كنان قفله و خده و مشي...
ورد: المريض فاق.
كنان دخل ل فريد و باس رأسه.
كنان: حمد لله بالسلامة.
فريد: الله يسلمك يا كنان، دفنتوا؟!
كنان: لا لسة مستنينك.
فريد: يلا مفيش وقت يلا.
الناس كلها عرفت اصحاب أوبي و الناس و اصحاب العائلة...
قاموا و راحوا مسجد و بدأوا يصلوا و خرجوا شايلين تابوت أوبي و رايحين للمقابر بتاعت العائلة.
و وصلوا للمقابر و كنان نزل و حطوا أوبي.
كنان(بدموع): اوعدك هجبلك حقك يا اخويا. سلام.
كنان طلع و قفلوا المقبرة و بدأوا يقرأوا قرآن.
جنون: حبيبي يلا الكل مشي ما عدا احنا.
كنان: امشي لو عايزة...
شجن(بعياط): أوبي...
جنون كانت هتروح علي شجن كنان مسكها و قربها منه...
جنون: كنان انا مقدرة حالتك بس دول عائلتي.
كنان: انتي اللي اختارتيني استحملي.
كنان(بحدة): طلعوا البنت دي بره...
الحراس كانت هتمسك شجن.
اياد(بحدة): بس ابعدوا. تعالي يا شجن.
شجن(بعياط): اوبي يا اياد اوبي.
اياد: معلش يا حبيبتي هبقي اجيبك هنا تاني.
البنات خدوا شجن و ركبوها العربية.
فارس: البقاء لله عن اذنكوا.
فريد: يلا يا كنان مفيش فايدة من قعدتنا.
كنان: قدامي يا جنون.
فريد: تعالي يا ندي معايا.
فريد خد ندي و راحوا فيلا تانية غير بتاعتهم. كنان خد جنون و رجعوا بيتهم.
عدي اسبوعين.
كنان بيعامل جنون بكل برود و مش طايق ليها كلمة و بيروح شغله بقي قاسي جدا في تعامله مع الكل و مكنش بيسمح ل جنون تشتغل و لا تتكلم مع عائلتها و لما داليا جت مرة طردها، الشباب بيحاولوا يتعاملوا مع كنان براحة و بيصبروا علي معاملته معاهم، جهاد لسة في بيتها مخرجتش مش عايزة تخرج علشان متخسرش فريد و فريد مكلمهاش و لا عبرها. رأفت بيشتغل مكان فريد و فريد و ندي في فيلاا تانية عايشين فيها بيواسوا بعض. شجن حابسة نفسها في اوضتها داليا بتأكلها بالعافية. ادهم مرجعش البيت علطول في الشغل ورد بتحاول تخفف عنه و هو تعبان.
كانوا اصعب اسبوعين يمروا علي الكل و بالذات جنون و كنان...
جنون: كنان استني بس يا كنان.
كنان كان نازل علي السلم وقف و جنون وقفت قدامه.
جنون: يا كنان هنفضل لغاية امتي كدة. انت مش بتكلمني خالص الا لو تطلب الامر يا كنان و الله مليش ذنب و كمان ده قدر مش هنعترض عليه.
جنون: يا كنان مش انت اللي قولت منخليش الزعل يدخل ما بينا في اول يوم اتجوزنا فيه.
جنون: طب سيبك من ده كله انا عايزة اكون جمبك يا كنان انا حاسة بيك و حاسة يعني ايه تفقد حاجة مهمة جدا في حياتك.
جنون: بس ارجوك متبعدنيش عنك بالطريقة دي متتجاهلنيش.
كنان: لو خلصتي ينفع انزل.
كنان زق جنون بس جنون مسكته من ايده.
جنون: مش هسيبك يا كنان الا لما ننهي موضوع الخلاف اللي بينا.
كنان: في طريقة واحدة تسكتك، تحبي تجربيها؟!
جنون: بلاش تعاملني كدة، بتحسسني اني واحدة رخيصة.
كنان: طيب وسعي يا جنون.
جنون: لا يا كنان مش قبل ما ننهي خلافنا.
كنان زق جنون غصب عنه و جنون حاولت تمسك في سور السلم بس وقعت علي السلالم كلها. جنون وقعت علي اللارض. كنان نزل براحة لغاية ما وصل ناحيتها.
جنون: كنان.
كنان: طالما بتتكلمي يبقي كويسة.
كنان فتح الباب و خرج. جنون بصت بصدمة ل ردة فعله و قعدت مكانها علي الارض.
جنون(بوجع): آآه.
-جنون سندت نفسها و قامت جابت علبة الاسعاف و طهرت الجرح اللي كان في رأسها و دهنت كريم علي رجليها و فضلت قاعدة علي الكنبة ضامة رجليها ليها...
عند كنان.
كنان ركب عربيته و ساق بأقصي سرعة عنده و راح للمبني و دخل.
كنان: لقيتوا زياد؟!
شهاب: لا لسة مختفي.
علي: هي جنون برضو مش جاية.
كنان(ببرود): قولتلكوا مش هتيجي تاني.
نور: يا كنان بس كدة حرام عليك.
كنان(ببرود): اعتقد احنا في شغل.
تامر: انت بقيت مش طبيعي يا كنان.
كنان: خليها تحمد ربها اني مقربتش من اخوها.
شهاب: فوق يا كنان جنون ملهاش ذنب و ادهم ملهوش ذنب.
كنان: خلص الكلام.
الباب خبط.
: اللواء فريد رجع و منتظر حضرتك يا كنان بيه في مكتبه.
كنان: طيب.
كنان طلع جري و راح ل مكتب فريد.
كنان: حمد لله بالسلامة يا حبيبي.
فريد: اقعد يا كنان.
كنان: تمام.
فريد: حكولي كل اللي انت بتعمله.
كنان(ببرود): مين؟!
فريد: مش مهم. المهم دلوقتي قرارك ناحية جنون غلط انت بتخسرها.
كنان: واحد و مش عايز مراته تشتغل عادي جدا.
فريد: بس انتوا متفقين قبل ما تتجوزوا انك متقبلها بكل حالاتها و متقبل ظروف شغلها...
كنان: غيرت رأيي.
فريد: شكلك مضطر تعرف الحقيقة بدري...
كنان: حقيقة ايه؟!
فريد: مين السبب في موت أوبي.
كنان(بصدمة): حضرتك تعرف مين اللي قتل اوبي؟!
فريد: للاسف اه يا كنان.
كنان: مين؟!
فريد: جهاد يا كنان.
كنان: جهاد مين!
فريد: امك يا كنان.
كنان خد وقت كبير علي ما استوعب اللي فريد بيقوله.
كنان: حضرتك مستوعب انت بتقول ايه.
فريد: هحكيلك. جهاد كانت عايزة تقتل ادهم جت في اوبي ربنا أذاها زي ما كانت هتأذي ولاد الغير.
كنان(بصدمة): ماما عملت كدة؟!
فريد: ايوه يا كنان، علشان كدة راجع نفسك و الحق صحح كل اللي عملته بسبب غضبك.
كنان: متأكد ياا بابا؟!
فريد: قالت كدة بنفسها لما جت المستشفي.
كنان: هي فين دلوقتي؟!
فريد: اياك تقرب منها يا كنان لازم تتعذب الاول فاهم.
كنان ساب فريد وطلع علي مكتب جنون قفل الباب و راح قعد علي مكتبها و افتكر كل معاملته معاها الفترة اللي فاتت.
جنون: يا حبيبي.
كنان(ببرود): اسمي كنان و لو مش هتقدري تقوليها دي مشكلتك...
جنون: خلاص حبيبي كنان.
كنان: بطلي برود و استفزاز.
جنون: يا كنان انا عارفة انه صعب عليك تتقبل الموضوع أوبي كان غالي علينا كلنا بس متبقاش قاسي ارجوك.
كنان بصلها باحتقار و سابها و مشي.
الباب خبط.
جنون: حاضر لحظة...
جنون فتحت الباب لقت داليا حضنتها جامد و باستها.
جنون: خشي يا امي خشي.
جنون دخلت داليا الشقة و قعدتها.
جنون: تحبي اعملك ايه؟! اخبار شجن و ادهم ايه؟!
داليا: يا جنون شجن محتجاكي اوي و محتاجة تشوفك البنت قاتلة نفسها من العياط و مفيش حد بيقدر عليها غيرك. و ادهم مرجعش البيت لغاية دلوقتي يا جنون.
جنون: كنان يا امي الفترة دي صعبة عليه اديني يومين كدة و هأجي حاضر.
كنان(بحدة): جنون.
جنون(بتوتر): صباح الخير يا حبيبي.
داليا: البقاء لله يا كنان يا ابني معلش معرفتش اجي يومها...
كنان: انا قولتلك ايه يا جنون.
جنون: ايه؟!
كنان: قولتك محدش من عائلتك يجي هنا و لا تكلميه...
جنون بصت باحرج ل مامتها و داليا بصت ل جنون بصدمة.
داليا: بتمنعها تكلمنا يا كنان؟!
كنان: و لا تشوفكوا. و اتفضلي علشان عايز مراتي في حاجة.
جنون: امي.
جنون لقت كنان شدها و طلع علي السلالم و داليا خرجت بسرعة من الشقة.
جنون(بدموع): كنان ايه اللي انت عملته ده؟!
كنان: انتي ايه اللي عملتيه ده انتي اللي غلطانة و اياكي تكرريها...
جنون: حبيبي حضرت ليك الغداء.
كنان: كلت بره.
جنون: مع مين؟!
كنان: واحدة صاحبتي.
جنون: نعم! مين صاحبتك دي؟!
كنان: ملكيش فيه واحدة صاحبتي و خلاص.
جنون: و.
كنان: انتي ملكيش لازمة و اكلك ملهوش لازمة كليه لوحدك.
كنان ساب جنون و طلع علي اوضته و جنون نامت تحت و هو فوق.
كنان عيونه دمعت ندم و طلع تليفونه يتصل علي جنون افتكر انه معاه لسة و مودهوش ليها.
كنان طلع جري ركب عربيته و راح ل بيته، كنان دخل الشقة بسرعة ملقاش جنون طلع اوضة النوم ملقهاش و نزل تحت ملقهاش راح للمطبخ لقاها بتعمل الاكل.
كنان: جنون.
جنون: الاكل عشر دقايق و يجهز، و لو كلت بره برضو مفيش مشكلة هاكله انا لوحدي.
كنان: اسف.
جنون: علي؟!
كنان: كل حاجة عملتها ليكي الفترة اللي فاتت كنت غبي.
جنون بصتله بسخرية و بعدها كملت اللي كانت بتعمله.
كنان: من حقك تزعلي بس ارجوكي اقبلي اسفي.
جنون: تمام قبلته، ايه بقي اللي هيحصل؟! هترجعلي كل اللي اتكسر جوايا. هتقولي انسي هنسي بزرار انا صح...
جنون: هدومك جاهزة فوق علشان تغير. كلت و لا لا؟!
كنان: لا.
جنون: تمام اطلع غير هدمك و الاكل هتلاقيه جاهز...
كنان قرب من جنون و باس رأسها كان هيحضنها بس جنون بعدت عنه...
جنون: الاكل هيبرد يلا.
جنون طلعت الاكل و حطته علي السفرة و قعدت. كنان طلع غير هدومه بسرعة و نزل قعد يأكل معاها.
كنان: انتي كويسة؟!
جنون: طالما بتكلم يبقي كويسة.
جنون شالت طبقها و كانت راحت بيه المطبخ بس وقعت علي الارض و الطبق وقع اتكسر.
كنان(بقلق): جنون.
جنون: مفيش حاجة وسع علشان الازاز ميخشش في رجلك.
جنون قامت و بدأت تلم الازاز و شالته رمته.
جنون: هتفضل واقف كدة؟!
كنان: ممكن نتكلم؟!
جنون: اسفة تعبانة شوية بكرة.
جنون سابت كنان و طلعت اوضتها و قفلت الباب عليها...
كنان شال اكله و غسل الطبق و راح قعد في البلكونة و هو ندمان.
-في مكان تاني...
عند شذي و اياد.
اياد: يا حبيبتي هي معذورة.
شذي: بس هي وعدتني انها اول يوم هتكون معايا في الكشف.
اياد: انا اهو معاكي يا حياتي يلا بينا.
شذي: لا انا بعت ليها و هي جاية ان شاء الله.
اياد: بلاش بقي يا شذي تتعبيها يلا يا حبيبتي انا و انتي المرة دي و جنون المرة الجاية اكيد يعني.
شذي: بس هي وعدتني هتكون معايا اول مرة...
اياد: معلش غصب عنها.
شذي(بحزن): طيب يلا بينا.
شذي و اياد نزلوا و ركبوا عربية اياد و راحوا العيادة.
اياد: لو سمحت كان في حجز باسم مدام اياد...
بنت: ايوه يا فندم اتفضلوا.
شذي: ليه دفعت كشف مستعجل؟!
اياد: علشانك يا حبيبتي.
الدكتورة: اهلا و سهلا اتفضلوا.
الدكتورة: ايه اخبار حضرتك؟!
شذي: احم الحمد لله تمام. طب بتشتكي من ايه؟
اياد: لا هي حامل و جينا نتابع مع حضرتك.
الدكتورة: اه فهمت اتفضلي هنا.
الدكتورة بدأت تفحص شذي.
الدكتورة: تمام خلصنا.
الدكتورة: حالة البيبي كويسة و حالتك كويسة بس محتاجة تغذية شوية.
اياد: طب و المتابعة هتبقي كل قد ايه؟!
الدكتورة: اسبوع او اسبوعين.
شذي: تمام يا دكتورة.
اياد و شذي خرجوا من العيادة و اياد مبسوط.
اياد: فكي بقي يا روحي.
شذي: طيب اهو.
اياد: بحبك...
شذي: و انا كمان.
-في مكان تاني...
عند جنون.
جنون: لا لا مش حقيقي اكيد لا مش حقيقي.
الباب خبط.
جنون: ادخل.
كنان: احم نسيت اوديكي موبايلك.
جنون: تمام.
كنان: ايه رأيك نروح ل طنط داليا النهاردة؟!
جنون: علشان تهينها بقي و لا ليه؟!
كنان: جنون انا الفترة اللي فاتت كانت صعبة عليا كنت بتوجع اضعاف اوجعاك.
جنون: تمام انا لو هنزل هروح علشان خاطر اهلي و بس. و اتفضل اطع بره علشان اغير.
كنان: طيب هأخد لبس ليا.
كنان راح خد ليه لبس و خرج و جنون غيرت هدومها.
جنون لبست بنطلون اسود و تي شيرت ابيض و فيه خطوط باللون الاسود و بكم و لبست صندل بكعب مقفول و سيبت شعرها علي كتفها و ضهرها. و اختارت شنطة ضهر باللون الاسود.
جنون خرجت و نزلت ل كنان تحت لقته في كامل وسامته.
كنان: جاهزة؟!
جنون: ايوه.
-كنان خد جنون و نزلوا ركبوا العربية. جنون طلعت تليفونها و فتحته لقت مكالمات كتير اوي جت ليها فوق ال 500 مكالمة و فوق ال 1500 رسالة من كل الناس اللي تعرفهم...
جنون فتحت الشباك و اتنفست بعمق.
كنان: انتي كويسة صح؟!
جنون: ايوه.
كنان وصل ل بيت داليا و نزل و جنون نزلت، جنون مشيت ببطء و هي تشوف كل حاجة حواليها و راحت للباب و خبطت.
داليا: حاضر.
داليا فتحت الباب و اول ما شافت جنون حضنتها جامد.
داليا: يا حبيبتي وحشتيني.
جنون: و انتي اكتر يا امي.
كنان فضل واقف علي الباب و جنون دخلت.
شجن(بعصبية): ايه اللي جاب البت دي هنا؟!
داليا: عيب دي اختك.
شجن(بعصبية): و نعمة الاخت كانت فين لما كنت محتاجاها. محتاجة حضنها كانت فين الهانم، اه كانت في حضن سي كنان صح.
داليا: بس بقي يا شجن.
جنون: سيبيها يا امي.
شجن: بكرهك بكرهك اوي يا جنون بكرهك. سيبتيني في اكتر وقت كنت محتاجاكي فيه هربتي.
شجن: مطلعتيش قد وعودك، طالما انتي مش قد وعودك وعدتي ليه من البداية ها ردي...
شجن: لما جوزك طردني متحركتيش خطوة واحدة. لما وقعت علي الارض مقربتيش مني تساعديني.
شجن: انتي مش اخت انا من اللحظة دي قولت فيها ان اختي ماتت و دفناها. فهمتي انتي موتي بالنسبة لينا.
شجن: فضلتيه علينا اشبعي بيه خليه ينفعك.
داليا: بس بقي يا شجن عيب.
شجن: ده انتي حتى عيد ميلااد جورچ معبرتهوش بعلك ماسدجات كتير و مردتيش عليها و انتي عارفة اليوم ده مهم جدا بالنسبة ليه و كان بيستناه كل سنة علشانك انتي بس و انا اتصلت بيكي كنت عايزة اسمع صوتك و انتي بتطمنني حتى ده حرمتيني منه.
شجن: حتى مطلعتيش قد وعدك ل شذي راحت اول يوم متابعة من غيرك. و لا حتى حليتي مشكلة سجي و بقت حالها متدهورة.
شجن: حتى لما بابا دخل المستشفي تاني مكنتيش موجودة كان عايزك بس انتي مكنتيش موجودة.
شجن: حتى لما ادهم اتجوز مكنتيش موجودة.
شجن: مكنتيش موجودة في اللحظات المهمة جاية دلوقتي، اطلعي بره بره البيت ده متجيش تاني
شجن: مش عايزنك في حياتنا بره.
داليا: يا جنون متأخديش علي كلامها ده بيتك يا بنتي.
-جنون بصت ل مامتها و بصت ل شجن و سابتهم و مشيت قفلت الباب لقت كنان واقف باصص ليها بحزن.
جنون(بابتسامة): اللي كنت بتتمناه حصل يا كنان.
جنون سابت كنان و مشيت راحت ل عربية شذي و فتحتها و مشيت بيها...
-جنون ساقت بأقصي سرعة ليها و كل كلمة شجن قالتها بتتردد في دماغها لغاية ما اتصدمت بعربية قدامها و عربيتها اتشقلبت كذا مرة و جنون اغمي عليها...