رواية حرب الحب للكاتبة سلسبيل كوبك الفصل الأربعون

رواية حرب الحب للكاتبة سلسبيل كوبك الفصل الأربعون

-جنون ساقت بأقصي سرعة ليها و كل كلمة شجن قالتها بتتردد في دماغها لغاية ما اتصدمت بعربية قدامها و عربيتها اتشقلبت كذا مرة و جنون اغمي عليها...
الناس اللي كانت في الشارع واقفة بتتفرج بس و مصدومة.
بنت: اوف لازم نطلب الاسعاف.
بنت2: فعلا عندك حق اتصلي بسرعة.
البنات اتصلوا بالاسعاف و بعد فترة جت.
راجل: وسعوا وسعوا.
حاولوا كتير يطلعوا جنون من العربية معرفوش.
راجل: لازم حد يفتح لينا الباب.
في عربية كنان.

كنان: اوف مش وقت الزحمة دي. انتي فين يا جنون؟!
كنان اتصل كتير ب جنون بس مردتش.
عند جنون.
في ناس متخصصة جت و شالت باب العربية و طلعوا جنون حطوها علي النقالة و حطوها في عربية الاسعاف.
-في عربية الاسعاف.
حطوا ل جنون جهاز تنفس.
ممرض: خسرت دم كتير.
ممرض2: فعلا و هتحتاج نقل دم و بالذات الازاز اللي دخل في كتفها ده.
ممرض: اتصل بأي حد من عائلتها يحصلنا علي المستشفي.
ممرض2: لحظة.
اختاروا رقم اياد و اتصلوا بيه.

الخط اتفتح.
اياد: الو مين معايا؟!
ممرض: حضرتك تقرب ل مريضة اسمها جنون سيف الدين؟!
اياد: ايوه بس مين انت؟! و فين جنون؟!
ممرض: احنا حاليا متجهين للمستشفي عملت حادثة كبيرة.
اياد(بصدمة): جنون! طب طب انتوا رايحين فين؟! او مستشفي ايه يعني؟!
ممرض: مستشفي().
اياد: تمام.
عند اياد.
شذي: جنون مالها يا اياد؟!
اياد: عملت حادثة.
شذي(بدموع): لا و النبي ما تقولش كدة.
اياد راح ل شذي مسك ايديها.

اياد: حبيبتي مش وقت عياط لازم نقول ل كنان و نروح ليها.
شذي: طيب طيب...
اياد: الحمد لله ملحنقاش نغير يلا.
اياد خد شذي و راحوا للمستشفي اللي جنون هتروح عليها، و هما في الطريق اياد اتصل ب كنان.
اياد: اوف مش بيرد ليه ده؟!
الخط اتفتح.
كنان: خير يا اياد نازل زن ليه؟!
اياد: انت فين؟!
كنان: في() بس ليه؟!
اياد: انت هتوصل قبلنا.
كنان: ما تفهمني الله.

اياد: جنون عملت حادثة و هي حاليا متجهين بيها ل مستشفي()و دي قريبة منك.
كنان(بصدمة): اياد انت متأكد؟!
اياد: مش هكدب يا كنان.
كنان: طيب طيب.
كنان ساق بسرعة كبيرة و وصل للمستشفي و دخل بسرعة.
كنان: حالة لسة جاية باسم جنون سيف الدين؟!
ممرضة: لسة جاية في الطريق.

-كنان خرج بره المستشفي و شاف عربية الاسعاف و هي جاية و نزلوا جنون منها علي نقالة كنان كان واقف و عدوا جنون من جمبه كنان رجله مكنتش شايلاه وقع علي الارض.
شخص: حضرتك كويس؟!
كنان(بتوهان): جنون.
كنان استعاد قوته و قام بسرعة و مشي ورا جنون دخلوا جنون الاسعاف يشخصوا حالتها.
الدكتور: النبض مش منتظم خالص و عالي جدا.
الدكتور: الضغط واطي جدا.
الدكتور: شكل في نزيف داخلي. جيبوا دكتورة النساء و التوليد فورا.

كنان: لو سمحت هي حالتها ايه؟!
الدكتور: انت مين؟!
كنان: جوزها.
الدكتور: هي الحالة صعبة بس ان شاء الله هتبقي بخير.
اياد: كنان.
اياد و شذي راحوا ناحية كنان و وقفوا معاه.
اياد: ايه الاخبار؟!
كنان: معرفش.
الدكتورة: خير يا دكتور؟!
الدكتور: افحصيها. و انا هشوف لو في كسر في الرقبة...
الدكتورة بدأت تفحص جنون و هي شبه مصدومة.
شذي: هو في حاجة؟!
الدكتورة: الطفل عايش.
كنان(باستغراب): طفل!

الدكتورة: المدام حامل في ايامها الاولي. و دي معجزة ان حادثة كبيرة زي دي و متجهضش.
الممرضة: يا دكتور المريضة بتدخل في غيبوبة.
الدكتور: جهزوا اوضة العمليات فورا و انتي يا دكتورة اجهزي و ادخلي لاي ظروف.
الدكتورة: تمام.
كنان(بصدمة): حامل!
اياد: انتوا مكنتوش تعرفوا؟!
كنان: لا.
شذي: ان شاء الله جنون هتبقي بخير هي و الطفل.
كنان(بصدمة): بس ازاي؟! انا معرفش و لا هي و كمان هو ازاي عايش؟!

اياد: قدر يا كنان. و لا اه نسيت انت مبتأمنش بالقدر.
كنان و اياد و شذي راحوا وقفوا قدام غرفة العمليات.

جنون(بابتسامة): حصل اللي انت كنت بتتمناه يا كنان.

كنان(لنفسه بدموع): و الله ما كان قصدي. اسف يا جنون اسف. و الله ما اقدر اعيش من غيرك و الله العظيم انتي حياتي لما كنت بأجي عليكي كنت بأجي علي نفسي اكتر و الله سامحيني يا حبيبتي.
اياد قرب من كنان و حط ايده علي كتفه.
اياد: جنون قوية متخافش هتعافر و هتقوم.
كنان: يا رب يا اياد مش هقدر علي فراقها هتكسرني بجد و مش هيبقي ليا قومة تاني.
شذي(بدموع): جنون كانت بتحبك اوي مكنتش تستاهل تعمل فيها كدة.

اياد: اهدي يا حبيبتي اهدي...
تليفون كنان رن كنان مسكه و مشي بعيد نسبيا عن اياد و شذي.
الخط اتفتح...
فريد(بضحك): ها اتصالحتوا و لا لسة. لو اتصالحتوا انا عايز حفيد انا قربت اموت.
كنان(بدموع): جنون.
فريد(بشوية قلق): مالها؟!
كنان(بدموع): محتاجك اوي يا بابا. جنون بتضيع مني هي و ابني اللي لسة مشافش النور.
فريد: اهدي بس اهدي فهمني.

كنان(بدموع): معرفش كل اللي حصل جنون عملت حادثة و نقلوها المستشفي و معجزة ان ابني تمسك بالحياة و عاش...
فريد: طب اهدي انا جايلك مستشفي ايه؟!
كنان: مستشفي()...
فريد: طيب جايلك.
كنان رجع مكانه و قعد علي كرسي و رجع رأسه لورا افتكر جنون و كل ما يتعلق بيها.
افتكر ضحكتها و طريقة كلامها مشيتها غرورها برودها عصبيتها عنادها غمازاتها كلامها الدبش. مرت عليه في لحظة كل الذكريات اللي بتجمعهم سوا...
فريد: كنان كنان.

كنان(بخضة): ها؟!
كنان: انت لحقت تيجي؟!
فريد: يا ابني انت متصل بيا من ساعة.
كنان: اه اسف.
اياد: افتكرناك مت.
كنان: الموت مش هيبقي فارق معايا طول ما مراتي و ابني بيعافروا جوا علشان يعيشوا...
فريد: بالعكس زي ما هما جوا بيعافروا علشان يعيشوا انت هنا لازم تعافر علشانهم.
الدكتور و الدكتورة خرجوا.
كنان: ها يا دكتور طمنا؟!
الدكتورة: للاسف القلب ضعف جدا و قوته ضعفت صعب انه يضخ دم للام و للجنين.

الدكتور: المريضة رافضة الحياة مستسلمة للعالم الاخر.
كنان: يعني؟!
الدكتور: المريضة دخلت في غيبوبة و الغيبوبة ملهاش وقت معين ممكن شهر شهرين تلاتة سنة سنتين. علشان كدة الطفل هينمو و الام في الغيبوبة و هيستمد قوته و هينمو عن طريق تغذية عن طريق المحاليل اللي هنوصلها للام و عن طريقها هتنتقل للطفل.

الدكتورة: و هيبقي في خطورة علي الام لو استمرت في الغيبوبة لاكتر من 7: 9 شهور، لان الولادة و الام في غيبوبة صعبة جدا ممكن نفقد الام و الطفل مع بعض.
الدكتور: دلوقتي كل اللي عليكوا دعواتكم للام و كمان متنسوش ان في أثار حادثة يعني. كتفها اليمين اتأذي و رجليها الشمال اتجبست و ده انها تخف و هي في غيبوبة برضو صعب. اهم حاجة دلوقتي العامل النفسي لازم كلنا نشتغل علي العامل النفسي...

الدكتورة: بس هي الحالة متدهورة و احتمال بنسبة 90% تتوفي هي و الطفل.
الدكتور: عن اذنكوا.
فريد(بخوف): كنان كنان...
اياد: دكتور.
كنان حس بأنه مش قادر يقف علي رجله و حس بصداع شديد و فجأة وقع في الارض.
الدكتور: هبوط مفاجئ.
نقلوا كنان اوضة عادية و جنون نقلوها عناية مركزة.
شذي(بدموع): جنون في خطر.
اياد: دكتور.
الدكتور: اتفضل.
اياد: حضرتك بتقول نلعب علي العامل النفسي. طب ممكن المدام تدخل تتكلم معاها.

الدكتور: طبعا طبعا بس تبعد عن اي ذكري وحشة.
شذي(بدموع): ): حاضر.
اياد: يلا يا حبيبتي و خلي بالك من نفسك.
شذي دخلت اوضة جنون بعد ما عقموها.
شذي: جنون مش ناوية تقومي تهزأيني لاني بأكل مانجا، طول عمري بأكل مانجا و بالذات زادت لما حملت.
شذي: شوفتي انا و انتي حامل مع بعض اهو انا لو جبت ولد و انتي بنت هجوزه ليها لانها هتبقي بنت اجمل و احلي صاحبة في العالم كله.

شذي: احلي صاحبة احلي اخت. كنتي دايما الاحلي في كل حاجة. كنتي بنت كويسة و اخت كويسة و صاحبة كويسة و ضابطة كويسة و حبيبة كويسة و زوجة كويسة و اكيد هتبقي ام كويسة...
شذي: قومي يلا مين هيخلينا نشتغل و نساعد بعض.
شذي: طب فاكرة اول يوم قابلتك فيه.

شذي: كان يوم مسخرة جريت وراكي علشان اصاحبك لما انقذتيني من الشباب اللي كانت بتضايقني في الشارع و جريت عليكي علشان نتصاحب و بعدها بيعت بيت اهلي و جيت عشت عندكوا لما انتي اشتغلتي و تعبتي و كنتي بتحوشي علشان تشتري لعائلتك بيت جميل بجنينة كان حلم شجن.
شذي: كلنا ضايعين من غيرك. قومي بقي.
ممرضة: كفاية كدة حضرتك.
شذي(بدموع): حاضر.
اياد: انتي كويسة؟!
شذي: كان نفسي تقوم ترد عليا...

فريد: هتقوم بالسلامة ان شاء الله.
اياد: هدخلها انا.
ممرضة: بس مطولش برضو...
اياد: تمام.
اياد دخل ل جنون بعد ما اتعقم و راح قعد قدامها.
اياد: هو مش انا اخوكي. كنتي دايما بتعتبريني اخوكي.
اياد: مع ان اول مقابلة بينا كانت غريبة و كان من المستحيل نتصاحب و نبقي اخوات.
اياد(بضحك): افتكرتيني بعاكسك و ضربتيني قلم علي وشي خلتيني حديث المدينة لمدة سنة.

اياد: قومي بقي علشان هبقي اب و خالو في نفس الوقت. و هجوز بنتي لابنك بس انتي قومي بس.
اياد: شذي البت هتموت يرضيكي انا كدة هموت وراها...
اياد: بحبك اوي و انتي احسن اخت شوفتها في حياتي...
اياد: قومي يا جنون محتاجينك.
اياد قام و خرج ليهم و كان حزين اوي...
فريد: ما تكلموا مامتها و اختها.
اياد: فعلا.
عند شجن.
شجن بعد ما جنون مشيت هي دخلت علي اوضتها و قفلت الباب و قعدت تعيط كتير و افتكرت ذكرياتها مع جنون.

داليا قعدت حزينة علي بناتها و ساكتة.
تليفون شجن رن، الخط اتفتح...
شجن: خير يا اياد؟!
اياد: انتي كويسة؟!
شجن: لو ست جنون هي اللي قايلة ليك اتصل يبقي مش عايزة اتكلم.
اياد: انتي تعرفي حصل ايه ل جنون؟!
شجن: مش عايزة اعرف.
اياد: جنون عملت حادثة و بين الحياة و الموت.
شجن: حيل قديمة.
اياد: مش هكدب عليكي حقيقي اختك عملت حادثة و في العناية المركزة...
اياد: و العنوان مستشفي().

اياد قفل مع شجن، شجن قعدت شوية تستوعب لغاية ما قامت بسرعة طلعت اي حاجة تلبسها و خرجت بسرعة.
داليا: مالك يا بنتي؟!
شجن: جنون يا ماما جنون في المشتشفي.
داليا(بصدمة): يا نهار اسود.
داليا قامت بسرعة لبست اي حاجة بسرعة و خرجت هي و شجن.
جورچ: ايه ده رايحين فين في الوقت ده؟!
شجن: ودينا بعربيتك يا جورچ.
جورچ: طب افهم طب.
داليا: في العربية يلا بس.
جورچ جاب عربيته و شجن و داليا ركبوا معاه.
جورچ: في ايه؟!

شجن: جنون في المستشفي يلا بسرعة.
شجن: مستشفي()هوصفهالك...
داليا: طب نتصل ب ادهم...
شجن: شوية يا امي.
و بعد فترة وصلوا للمستشفي و دخلوا بسرعة.
شجن: جنون سيف الدين.
ممرضة: في الدور الرابع.
شجن: تمام شكرا.
طلعوا للدور اللي جنون فيه و راحو لاياد اللي لمحوه.
داليا(بدموع): بنتي يا اياد.
شجن: هي فين؟!
شذي: ادعيلها يا طنط تقوم بالسلامة هي و الطفل.
داليا(بصدمة): هي كانت حامل؟!
شذي: ايوه و معجزة انه لسة موجود.

شجن: ينفع ادخلها.
اياد: طيب كويس. خشي بس ابعدي عن اي حاجة ممكن تزعلها.
شجن: طيب.
عقموا شجن و دخلوها العناية و شجن قربت و قعدت قدام جنون.
شجن: متأخديش علي كلامي انا هبلة و بقول اي كلام انتي فوقي بس و عارفة هفضل قاعدة في حضنك كتير.
شجن: انتي هتخليني خالتو، قومي فاكرة.
شجن: فاكرة قولتي ليا هتفضلي معايا لاخر العمر.
شجن: قولتي انك انتي اللي هتلبسيني الفستان الابيض.

شجن(بدموع): أوبي وحشني اوي و مش هقدر علي بعدك انتي كمان ارجوكي اصحي و فوقي.
شجن: بيقولوا انك حامل و انتي كان نفسك تخلفي بنت صح تأخد غمازاتك و لون عيونك و تبقي مقلبظة كدة و قمر زيك.
شجن(بدموع): اصحي بقي قومي محتاجاكي. اسفة و الله مكنش قصدي.
شجن: اسفة و الله اسفة قومي بقي وحشتيني وحشني كلامك و وحشني كل حاجة فيكي.
ممرضة: كدة كفاية بقي كدة جهد علي عقلها و استوعابها.
شجن: تمام حاضر.

شجن خرجت و قعدت تعيط في حضن داليا.
فريد: اهدوا يا جماعة هي بخير.

-في مكان تاني...
عند ادهم.
ادهم: ورد.
ورد: نعم يا حبيبي.
ادهم: احم كنت عايز اسأل سؤال.
ورد: قول يا حبيبي.
ادهم: انتي بتحبيني من امتي؟!
ورد(بخجل): ليه بتسأل؟!
ادهم: عادي سؤال.
ورد: انا ورد يا ادهم اللي درست معاك في الثانوية.
ادهم: افندم؟! انتي ورد.
ورد: ايوه اضايقت اوي لما ماتعرفتش عليا بس عادي.
ادهم قرب من ورد و (لخيالكوا)...
ورد سابته و جريت علي اوضتها و ادهم افتكر كل اللي حصل الفترة دي...
Flash back.

ادهم كان مهموم جدا و بيشتغل و هو مش مركز. و في يوم كان ماشي.
بنت: ما تقوليله انك بتحبيه.
ورد: لا يا فاتن لا هو كمان مضايق و صاحبه توفي.
ورد: و كمان ممكن يرفضني لا يا فاتن.
فاتن: براحتك يا بنتي. و هتعملي ايه في العريس اللي جاي؟!
ورد: معرفش ده لازق ليا و خالي موافق.
ادهم: صباح الخير.
ورد(بتوتر): صباح النور.
فاتن: صباح النور يا دكتور.
ادهم: لو سمحت ممكن لحظة يا دكتورة ورد.
ورد: اه اكيد يا دكتور.

فاتن: طب همشي انا.
ادهم دخل المكتب و قفل الباب وراه و قرب من ورد اوي.
ادهم: مش بتخافي مني؟!
ورد: لا لانك محترم و مش هتعمل ليا حاجة وحشة.
ادهم بص ل ورد من فوق ل تحت و ورد بصت في الارض.
ادهم: بتحبيني؟!
ورد قعدت تكح كتير و مكنتش قادرة تأخد نفسها.
ادهم: اهدي.
ورد: عن اذنك.
ورد كانت هتخرج بس ادهم مسك دراعها و شدها ناحيته.
ادهم: بتحبيني؟!
ورد: هيفرق معاك؟!
ادهم: قولي.

ورد: اه بحبك و بحب كل تفصيلة فيك كمان. حاجة تانية؟!
ورد كانت هتخرج من باب المكتب بس وقفت مصدومة.
ادهم: تتجوزيني؟!
ورد لفت و بصت ليه بصدمة و ادهم باصص ليها بوجه خالي من التعبير...
ورد(بدون وعي): اه.
ادهم: كتب الكتاب بليل.
ادهم ساب ورد و هي لسة مصدومة و مشي روح علي بيته.
في البيت.
داليا: يعني ايه هتتجوز؟! عيب يا ادهم علي الاقل حاليا...
ادهم: و انا عايز اتجوز ورد يا امي.
داليا: علي الاقل علشان شجن.

شجن: اتجوز يا ادهم عادي.
شجن: ربنا يتمم علي خير...
ادهم قرب من شجن و باس رأسها.
ادهم: اتصلوا بجنون.
داليا: مينفعش كنان متعرفش عمل ايه.
ادهم: بس.
شجن(بحدة): اشمعنا يعني هي مش بتحس ليه بينا ها كله سي كنان...
داليا: خلاص يا حبيبتي معلش.
و جه بليل و ادهم راح ل ورد و خدها رجعوا البيت.
المأذون: العروسة؟!
ورد(بصوت واطي جدا): انا.
المأذون: العريس؟!
ادهم: انا.
المأذون: الشهود؟!
فارس و اياد: احنا.

و كتبوا كتاب ادهم و ورد.
فارس: مبروك.
اياد: مبروك. يلا عن اذنكوا.
ورد: تسمحيلي اناديكي ماما؟!
داليا: اكيد يا حبيبتي.
ادهم شال ورد و طلع الدور التاني و حطها علي السرير.
ادهم: غيري هدومك...
ورد: تمام...
ورد قامت فتحت شنطة هدومها و طلعت بيجامة و لبستها.
ورد: احم خلصت.
ادهم: طيب تصبحي علي خير.
ادهم راح نام علي السرير و ورد راحت نامت جمبه.
-و بيروحوا الشغل مع بعض و ادهم حس بشوية انجذاب ناحيتها.
Back.

ادهم فاق من شروده.
ادهم: استني طيب انا لسة عملت حاجة.
ادهم راح ناحية الباب و خبط.
ورد: يا نعم...
ادهم: افتحي الباب يلا.
ورد: لا و تصبح علي خير.
ادهم: طيب خليكي فاكراها و ربنا لما اشوفك مش هسيبك...

-في مكان تاني...
عند كنان.
جنون: كنان كنان.
كنان(بلهفة): جنون.
كنان: انا اسف جدا يا جنون...
جنون قربت من كنان و حط ايديها علي خده...
جنون: مسمحاك يا حبيبي.
كنان: جنون جنون.
كنان قام بسرعة مفزوع و قعد يتنفس بصعوبة و دخلوا حطوا ليه جهاز اوكسجين.
فريد: اهدي يا ابني بس مالك.
كنان: جنون كويسة؟!
فريد: اه يا حبيبي.
كنان: فاقت؟!
فريد: لا.
كنان: انا عايز اشوفها.
فريد: طب اهدي بس و شوية و ادخل ليها.

الدكتور: حضرتك هيبقي عليك عامل كبير ممكن تبقي انت سبب في رجوعها للحياة.
كنان قام و جهزوه علشان يدخل لجنون بس قابلته نظرات شجن اللي كلها غضب و نظرات داليا اللي كلها خذلان...
كنان دخل ل جنون و قعد جمبها.
كنان(بدموع): حبيبتي وحشتيني اوي. وحشتني ضحكتك وحشني كلامك وحشني اهتمامك.
كنان: وحشتيني اوي اوي، انا كنت غبي و حمار و حيوان و مليش لازمة و مستاهلش بس ارجوكي مش قادر اشوفك بالمنظر ده.

كنان: عارفة لما عرفت انك حامل فرحت جدا بس فرحتي مش هتكمل الا و انتي معايا و جمبي و مبسوطة، اسف كان تهور مني و تصرف غير لائق بس و الله العظيم بحبك و بموت فيكي.
كنان: قومي بس و انا اجيبلك كل الدنيا لغاية عندك قومي و انا مش هغرقك غير سعادة و بس...
كنان: قومي بس و الله هعمل كل اللي انتي عايزاه.
كنان حط ايده علي بطن جنون.

كنان(بدموع): طب لو مش علشان خاطري انا علشان خاطر ابننا. هكون فخور جدا ان ابني عنده ام زيك ارجوكي قومي وحشتني عيونك اوي متبعدهمش عني و الله العظيم بحبك...
كنان: و الله عارف اني مستاهلش حبك بس اسف و ندمان اينعم فوقت بعد فوات الاوآن بس انتي قلبك كبير و هتسامحي صح، ارجوكي بس فتحي عينك وحشتيني اوي يا حبيبتي.
كنان: مش هقدر علي بعدك يا جنون فوقي و كلميني. ارجوكي.

كنان قرب من جنون و باس رأسها و مقدرش يمسك نفسه قعد يعيط و هو حاطط رأسه علي رأس جنون.
كنان(بعياط): انا تايه اوي من غيرك يا حبيبتي فوقي علشان خاطري و النبي، بحبك.
كنان مسح دموعه و خرج من عند جنون...
اياد: ايه الاخبار؟!
كنان: مفيش.
اياد: طيب معلش هي هتفوق قريب.
كنان لقي شجن راحة ناحيته و ضربته قلم.
داليا(بصدمة): شجن!
فريد: يا شجن مقدرين حالتك بس مش للدرجة دي.
اياد: شذي خدي شجن بعيد...

شجن(بدموع): انت السبب انت ليه موجود بقي حرام عليك ابعد عنها و عننا. مجيتك بخراب حرام عليك.
شجن: ابعد ابعد بعيد عنها بقي حرام عليك من ساعة ما شافتك و هي مشافتش يوم واحد سعادة...
شذي: خلاص يا شجن تعالي.
شذي شدت شجن بعيد عنهم نسبيا و وقفت تواسيها...
بعد يومين الكل عرف و جه المستشفي و الكل كان حزين و زعلان علي حالة جنون و كنان...

و كل يوم يدخلوا يتكلموا مع جنون و الحياة واقفة علي الكل بقوا مهملين في حياتهم.
عدي 3 شهور.

-الايام بقت زي بعضها و الايام بتمر ببطء بالنسبة للكل. و الكل بقي يعتبر بيته المستشفي و جنون لسة في الغيبوبة و مفاقتش و لا في اي إشارة توحي بالاستقرار او انها تفوق، و كنان كل يوم يدخل يتكلم معاها و يتبادلوا الساعات و بيشتغلوا و يرجعوا يقعدوا مع جنون، كنان هو و فرقته طلعوا عملية و كنان فقد تركيزه و خد رصاصة و الكل مش مركز في اي حاجة في حياته، اما جهاد فريد خدها و وداها بيت بعيد عن المدينة و منعزل شوية و قفل عليها الباب و كل فترة يروح يهينها بكلاماته و يمشي و هي مش عارفة تتصرف ازاي-.

كنان: خلاص روح انت يا فارس انا هقعد معاها.
فارس: تمام.
كنان دخل ل جنون و قعد جمبها و مسك ايديها.
كنان: وحشتيني اوي. بطنك كبرت شوية و اتحسنتي عن الاول مش هتقومي بقي، التلت شهور دول اكتر تلت شعور عدوا عليا عذاب و ذل بُعدك عني ذل يا جنون و عذاب، حاسس اني وحيد و لوحدي.
كنان: ارجوكي متعذبنيش اكتر من كدة. و ارجوكي فوقي علشان صحتك.
كنان: علشان خاطري قومي بقي.

كنان: كفاية اوي تلت شهور كفاية حرام و الله ارجوكي فوقي محتاجك جمبي، و ابنك محتاجك انتي عرفتي الدكتور قال ايه صح قال انها لازم تفوق من الغيبوبة لانه هيحصل مضاعفات للطفل من كتر التعذية اللي عن طريق المحاليل، و كمان قال غلط عليكي قلبك يضخ دم ليكي و للطفل و انتي في الحالة دي...
كنان: قومي بقي علشان خاطري و النبي...
كنان باس رأس جنون و باس ايديها و خرج بره الاوضة قعد قدامها و رجع رأسه ل ورا.

ممرضة دخلت و بدأت تفحص جنون بس لاحظت حركة ايديها.
ممرضة(بفرحة): بتفوق...
الممرضة خرجت جري و راحت نادت الدكتور و كنان اتخض و افتكر في حاجة...
الدكتور: متأكدة؟!
كنان: في ايه يا دكتور؟!
الدكتورة: احسان بتقول انه المريضة حركت ايديها.
كنان: و ده معناه ايه؟!
الدكتور: لحظة.
الدكتور دخل و كنان و الممرضة معاه.
الدكتور بدأ يفحص جنون و هو مبسوط.

الدكتور: في اشارات للمخ المريضة بتبدأ تستعيد وعيها و بتخرج من الصدمة و الغيبوبة اللي هي كانت فيها.
كنان قرب من جنون و باس رأسها.
كنان(بهمس): قومي يا حبيبتي.
ممرضة: اهي يا دكتور بتحرك ايديها.
الدكتور: مدام جنون حضرتك فايقة؟!
الدكتور: مدام جنون حضرتك سمعاني؟!
الدكتور: تقدري تفتحي عينك؟!
جنون بدأت تحرك عيونها يمين و شمال و بتحرك صوابعها و بعدها سكتت تماما...
الممرضة: المريضة بتدخل في صدمة جديدة يا دكتور...

الدكتور: لازم نفوقها بسرعة هاتي جهاز الانعاش.
كنان(بصدمة): هو نبضها توقف؟!
الدكتور: لا بس لازم صدمة كهربية علشان العقل يرجع لوعيه قبل ما تدخل في صدمة جديدة.
و عملوا صدمة كهربية ل جنون مرة و اتنين و كنان كان مصدوم و مضايق حزين خايف.
الدكتور: الحمد لله انقذناها.
-و بعدها لاحظوا جنون بتأخد نفس بعمق و بدأت تفتح عينيها و تغمضهم لغاية ما فتحت عينيها براحة.
كنان(بضحكة و دموع): اخيراااااا.

جنون بصت يمين و شمال و لقت كنان بيمسك ايديها جنون ضغطت علي ايده بضعف.
الدكتور: مدام جنون حضرتك سمعاني؟!
جنون هزت رأسها بخفوت و بعدها غمضت عينها و فتحتهم...
جنون(بفزع): ابني...
جنون: ابني ابني.
كنان: هششش اهدي ابنك بخير.
جنون حطت ايديها علي بطنها و لقتها كبيرة شوية. رجعت رأسها ل ورا بارتياح.
كنان: انتي كنتي تعرفي؟!
الدكتور: كنان بيه مش وقته حاليا، نفحصها الاول.
الدكتور و الممرضة بدأوا يفحصوا جنون.

الممرضة: ممكن تضغطي علي ايدي.
جنون حاولت تضغط علي ايد الممرضة بس كانت اعصابها سايبة.
الدكتور: طب تعرفي تمسكي القلم ده؟!
جنون مسكت القلم بس كانت ايديها بتهتز شوية.
جنون: مش حاسة برجلي الشمال.
الدكتور: متقلقيش هنفك الجبس بليل.
الدكتور: تمام كتبت ملاحظاتي. احسان انقلوها لاوضة عادية.
الدكتور: اتفضل معايا يا كنان بيه.
الدكتور خد كنان و طلعوا بره و بدأوا يتكلموا.

الدكتور: حاليا هي احسن بكتير بس الاعصاب عندها بايظة شوية مش هتعرف تمسك حاجة بثبات تام.
الدكتور: لازم مراعاة تقلبات مزاجها لانها الفترة الجاية بالاضافة إلى ان اعصابها بايظة الا انها كمان حامل يعني محتاجة مراعاة شديدة.
الدكتور: و بالاخص تلعبوا علي العامل النفسي.
كنان: بس هي اهم حاجة كويسة؟!
الدكتور: اه الحمد لله احسن بكتير.
داليا: خلاص يا كنان روح انت و تعالي بليل انا و شجن جينا.

كنان(بفرحة): جنون فاقت يا طنط.
شجن(بدموع): بجد!
كنان: ايوه.
داليا: الف حمد شكر ليك يا رب...
داليا: الف حمد و شكر ليك يا رب.
داليا: طب هي فين نشوفها؟!
كنان: هينقلوها اوضة عادية و بعدها ندخل نتكلم معاها...
شجن: طيب.
نقلوا جنون اوضة عادية واسعة و مريحة و داليا و شجن و كنان دخلوا ليها...
داليا(بدموع): حمد لله بالسلامة يا حبيبتي.
جنون(بتعب): الله يسلمك يا أمي.
داليا: وحشتينا اوي يا حبيبتي.

جنون: ليه هو انا بقالي قد ايه؟!
كنان: تلت شهور.
جنون(بلامبالاة و تعب): تمام.
شجن(بعياط): جنون.
جنون: مفيش حاجة مستاهلة عياط.
شجن راحت ناحية جنون و حضنتها جنون باست رأسها.
الباب خبط.
داليا: ادخل.
الممرضة دخلت و معاها ترابيزة الاكل و حطته قدام جنون.
الممرضة(بابتسامة): حمد لله بالسلامة. لازم حضرتك تأكلي و تتقوي علشانك انتي و البيبي.
الممرضة: المستشفي كلها كانت مقلوبة عليكي و الله.
جنون: شكرا.

داليا: يلا يا حبيبتي كلي...
جنون زقت ترابيزة الاكل بأيديها.
جنون: انا مش بأكل اكل مستشفيات و لا مسلوق.
كنان: لا يا حبيبتي لازم تأكلي و اول ما تقومي بالسلامة اوعدك هأخدك و نلف كل مصر و اكلك اللي انتي عايزاه.
جنون: هخرج من هنا امتي؟!
كنان: لسة الدكتور مقررش.
كنان جاب الاكل و قربه من جنون تاني.
كنان: يلا يا حبيبتي كلي...
داليا: طب يلا يا شجن تعالي نقول للباقي و نسيبها ترتاح و تأكل.
شجن: طيب يا امي.

كنان: يلا يا حبيبتي كلي...
كنان: وحشتنيي اوي اوي يا جنون و في كلام كتير عايز اقوله ليكي بس اول ما نرجع بيتنا.
جنون: اتمني ميكونش نفس كلام اول يوم روحت فيه الشقة لانك مطلعتش قده.
كنان(بابتسامة باهتة): خلينا نأجل كلامنا حاليا.
كنان: يلا كلي يا حبيبتي.
جنون: قولت مش هأكل اكل من المستشفي.
جنون زقت صينية الاكل بعيد عنها.
كنان: طول عمرك عنيدة بس المرة دي لازم تفكري في نفسك و في ابننا...

جنون: انا اكل اللي انا عايزاه و اعمل اللي انا عايزاه ملكش دخل في حياتي من دلوقتي، كل اللي بيربطنا ببعض ابني اللي في بطني دلوقتي لو خسرته انسي ان يبقي في امل نكون مع بعض.
كنان: بحبك.
جنون: عايزة اخرج من هنا و حالا.
كنان: هسأل الدكتور.
كنان خرج و قابل داليا و شجن.
داليا: ها يا ابني؟!
كنان: عنيدة بنتك اعند مخلوق شوفته. عموما ادخلوا ليها هشوف الدكتور هيقول ايه.
داليا: طيب يا ابني.

داليا: ها يا حبيبتي عاملة ايه دلوقتي؟!
جنون(بدموع): ماما انتي مسمحاني؟!
داليا: طبعا يا حبيبتي لازم اسامحك، و مستحيل ازعل منك انتي روحي يا هبلة.
جنون: و انتي يا شجن؟!
شجن: انا اللي اسفة يا جنون بحبك.
داليا: كنان كان تعبان اوي.
جنون: انا هسيب كنان كل اللي هيربطنا ببعض ابني غير كدة مفيش حاجة.
كنان كان داخل و سمع كلام جنون.
كنان: الدكتور قال ينفع تخرجي النهاردة و كلمت شذي و هي هتجيب هدوم ليكي...

داليا: تعالي معايا يا كنان.
كنان: تمام.
داليا: متزعلش من جنون يا كنان.
كنان: لا خالص يا طنط انا عارف اني غلطت و هي حاليا شايفة انها بتعاقبني.
داليا: انا كنت مقدرة حالتك يا كنان و مسمحاك و مش هزعل منك، علشان كدة هساعدك يا كنان.
كنان حضن داليا جامد و غصب عنه عيونه دمعت.
داليا: متخافش انا عارفة ان سعادة جنون معاك هو بس الدنيا مش هتمشي علطول علي مزاجنا.
كنان: تسلمي يا طنط اوي.
داليا: اسمع دلوقتي هقولك ايه.

و بعد فترة جت شذي و اياد.
اياد: حمد لله بالسلامة.
جنون: الله يسلمك...
شذي(بدموع): وحشتيني اوي.
جنون: امشي يا كرومبة...
شذي: شايف يا اياد بتقول عليا ايه؟!
اياد: عندها حق.
شذي: ماشي يا اختي كلها شهرين و تبقي زيي.
جنون: لما بقي.
داليا: يلا اخرجوا جنون هتلبس.
شذي: هو الدكتور جه شال الجبس؟!
جنون: جنابك شايفة ايه.
داليا ساعدت جنون انها تلبس.

جنون لبست فستان لغاية الركبة واسع باللون الازرق و بنص كم. لبست كوتشي ابيض و رفعت شعرها ديل حصان.
جنون: امي انا هأجي عندك.
داليا: اه ما انا عارفة يا حبيبتي. كنان قالي.
جنون: يعني كنان هو اللي قالك؟!
داليا: اه هو انتي عندك رأي تاني الواد عايز مصلحتك اساسا يا بنتي.
داليا: اقولك علي سر؟!
جنون: ايه!
داليا: كنان اغمي عليه كذا مرة و كمان راح عملية و خد رصاصة و كمان مكنش بيأكل الا علشانك.
جنون(ببرود): عادي.

جنون خرجت و كانت ماشية براحة اوي زي السلحفاة.
جنون(بزعيق): نزلني نزلني حالا...
كنان: انتي مش قادرة تمشي...
جنون(بعصبية): و يوم ما هتسند مش هتسند عليك نزلني.
كنان ركب جنون العربية و هي بصتله بغيظ. و داليا و شجن ركبوا معاهم و وراهم اياد و شذي.
في عربية اياد و شذي.
اياد: تفتكري هيحصل ايه؟!
شذي: طنط داليا هتظبط الامور متخافش.
اياد: طيب.
كنان وصل ل بيت جنون داليا و شجن نزلوا.
جنون: افندم قافل الباب ليه؟!

كنان: جنون.
جنون: قولت افندم!
كنان: بحبك.
جنون: يا الله طيب شكرا.
عدي ربع ساعة و كنان قاعد عمال يتكلم و جنون مش طايقة نفسها.
جنون: لا ايه ده ايه ده؟!
داليا: جاهزين يا ابني سوق.
جنون(بصدمة): ايه ده؟!
داليا: عادةً الام بتروح ل بنتها و هي حامل علشان كدة انا جايالك.
جنون: ابدا مش هرجع البيت ده تاني.
كنان: ده بيتك و محدش هيدخله غيرك.
اياد ساق جمب كنان...
اياد: هبقي اجيلك بليل ماشي؟!
كنان: ماشي.

كنان وصل للبيت بتاعهم و نزلوا و جنون بتبص ل كنان بغيظ.
جنون: هقدر امشي لوحدي.
جنون بدأت تمشي براحة و ركبوا الاسانسير و طلعوا للشقة و كنان فتح الباب.
كنان: اتفضلي يا حماتي اتفضلي يا شجن...
كلهم دخلوا و اول ما كنان قفل الباب كلهم بصوا بصدمة...