رواية حرب الحب للكاتبة سلسبيل كوبك الفصل التاسع عشر
ان شهاب كان بيتكلم مع كنان...
كنان: خير؟
شهاب: اللواء فريد والدك في المستشفي يا كنان.
كنان اتصدم جدا و بص ل جنون اللي بصتله بأستغراب...
جنون: مالك يا ابني؟
جنون مسكت التليفون من كنان و ردت علي شهاب.
جنون: في ايه يا شهاب؟
شهاب(بصدمة): جنون!
جنون: انطق في ايه؟
شهاب: اللواء فريد اتصاب و هو دلوقتي في المستشفي.
جنون اتصدمت و حاولت تمسك نفسها...
جنون: مستشفي ايه؟
شهاب: مستشفي().
جنون: خلاص طيب.
جنون قعدت قدام كنان و حاوطت وشه بأيديها.
جنون: كنان مفيش وقت اطلع البس يلا.
كنان: طيب.
جنون و كنان طلعوا و غيروا هدومهم و نزلوا.
جنون: هات المفاتيح مش هتعرف تسوق و انت في الحالة دي.
كنان: تمام.
-جنون بدأت تسوق بالعربية بسرعة كبيرة و لاحظت ان كنان بيعيط بصمت و بيحاول يداري دموعه من جنون...
جنون: العياط بيريح متبخلش علي نفسك بالراحة.
كنان(بدموع): كان صاحبي و ابويا و اخويا كان ليا حاجات كتير اوي، كنت بحبه جدا.
جنون: فعلا بنعيط علي اللي احنا بنحبهم اوي، بس في مواقف بتخلينا اقوي. و انت دلوقتي لازم تكون قوي عندك مامتك و اختك و اخوك مسئوليتك و كمان اللواء فريد مستحيل يسيبك و يمشي بالسهولة دي ده بطل...
جنون شبكت ايديها في ايد كنان و كملت سواقة.
-في مكان تاني...
في المستشفي.
شهاب: حصل ايه يا أوبي؟
أوبي(بحزن): معرفش يا شهاب.
اياد راح ناحية أوبي و طبطب علي ضهره.
اياد: اللواء فريد هيبقي كويس متخافش.
أوبي: إن شاء الله.
شهاب: ايه يا ندوش الدموع دي في اميرة برضو بتعيط.
ندي(بخوف و عياط): انا خايفة علي بابا اوي.
فارس: متخافيش اللواء فريد بطل يعني ده هيقوم و هيفضل يهزقنا كالعادة يعني.
شذي(بقلق): حصلت حاجة؟ طمنونا.
نور: في ايه يا طنط؟
جهاد(بدموع): منعرفش يا نور.
شجن(بخفوت): أوبي.
-شجن قربت من اوبي و مسكت ايده و هو مسك ايديها جامد و سند رأسه علي الحيطة.
اياد(بهمس): خليكي مع الستات واسيهم.
شذي(بهمس): تمام...
عطر: خلاص يا عسل انتي. حرام العيون دي تعيط و الله.
سجي: يعني ان شاء الله خير.
تامر: اهدوا يا جماعة الدكتور هيخرج و هيطمنا.
ندي: يا رب.
عدت فترة و الدكتور لسة مخرجش.
كنان و جنون وصلوا و كنان جري عليهم.
كنان: ايه الاخبار؟
ندي جريت علي كنان و حضنته و قعدت تعيط.
ندي(بعياط): لسة مخرجوش. انا خايفة اوي.
-كنان قعد يملس علي شعرها و حضنها و مش عارف يقولها كلام يواسيها. جنون حطت ايديها علي كتفه كنوع من الدعم ليه.
جنون: متخافيش يا ندي ان شاء الله سيادة اللواء هيخرج و هيبقي بخير...
اياد شد جنون من ايديها و بعد عنهم.
اياد(بحدة و همس): كنتي معاه بتعملي ايه يا جنون؟
جنون(بهمس): مش وقته يا اياد. دلوقتي بس نكون معاهم.
اياد(بهمس): و انا مش هسيبك الا لما تتكلمي.
جنون: انا اساسا مكنتش معاه، احنا اتصدمنا لما لقينا بعض في نفس المكان قريبين من بعض يعني، فهو عزمني عنده و انتوا اتصلتوا بيه علشان كدة جيت معاه...
اياد: طيب يا جنون، قدامنا ايام جاية و هنعرف.
أوبي(بهمس): شكرا ليكي...
شجن(بخفوت): لا عادي ده واجبي.
عطر(بهمس): هتفضل لازق فيا كدة؟
علي(بهمس): الصراحة جيت حسبتها احنا بنخسر ناس بنحبهم فجأة و انا مش مستعد اخسرك، حبيت اقولك اني بحبك يا عطر، و كمان عطر و علي لايقين علي بعض.
عطر(بهمس): هي بالاسامي؟ طيب...
علي(بهمس): طيب يعني وافقتي يحيا العدل. لو مكناش في المستشفي كان زماني شيلتك و لفيت بيكي كتير...
عطر(بهمس): انت مجنون؟! و مين قال اني وافقت؟
علي(بهمس): يعني مش موافقة؟
عطر(بهمس): و مين برضو قال اني رفضت؟
علي(بهمس): يا مثبت العقل و الدين يا رب.
عطر(بهمس): اسكت شوية.
شهاب(بهمس): تعالي معايا.
شهاب مسك ايد سجي و نزل ل جنينة المستشفي.
شهاب: سيادة اللواء.
رأفت(بحزن): ايه اخباره؟
شهاب: لسة مفيش اخبار، هو حصل ايه؟
رأفت(بحزن): معرفش كنا بنركب عربياتنا علشان نروح حد ضربه بالرصاص لسة بيحققوا في الموضوع ده.
سجي: موضوع الرصاص و العداوة بدأ يكبر اوي.
شهاب: عندك حق. بس لازم نعرف مين و ازاي؟ و ليه اساسا؟
رأفت(بحزن): معرفش بس اطلعوا و سيبوني لوحدي.
سجي و شهاب قعدوا جمبه.
شهاب: ازاي بس؟ ده انت تعتبر ابويا. مش هنسيبك.
سجي: ايوه يا سيادة اللواء حضرتك لازم بس تريح نفسك.
سجي: سيادة اللواء فريد هيقوم بالسلامة ان شاء الله.
شهاب: ان شاء الله.
رأفت: ان شاء الله.
عند الباقي.
كنان(بحدة): اتأخر ليه الزفت ده؟
جنون(بهدوء): اهدي يا كنان. إن شاء الله خير.
جهاد(بعصبية): انتي ايه اللي جابك يا بت انتي؟
جنون(بهدوء): اعتقد مش وقته، ثانيا ده يبقي سيادة اللواء المشرف عليا و بعتبره بمثابة اب...
جهاد(بعصبية): طب امشي من هنا، يلا مش عايزة حد غير ولادي يلا كلكم بره.
شذي(بهمس): شايفة نسيبهم لوحدهم هما عائلة برضو.
اياد(بهمس): طيب.
اياد(بهمس): يلا يا جنون.
جنون: روحوا انتوا انا جاية وراكوا...
الكل نزل الا جنون و شجن...
شجن: هضطر امشي علشان مامتك و كدة.
أوبي: خليكي يا شجن.
شجن: مامتك.
أوبي: امي احنا مش فايقين المهم نطمن علي بابا.
كنان(ببرود): أوبي عنده حق خليكي في جوزك اللي ممكن يضيع منك.
جنون نزلت علي ركبها و قعدت قدام كنان.
جنون: هسيب شجن معاكوا، مامتك مش طيقاني هبقي موجودة تحت لو عوزت اي حاجة.
-جنون كانت هتمشي بس كنان مسك ايديها و قعدها جمبه و جمب ندي.
جنون(لنفسها): يعني امك مش طيقاني اقعد ليه يا الله، اهدي اهدي.
ندي(بعياط): هو بابا اتأخر ليه؟ هو حصله حاجة؟
جنون: لو بطلتي عياط هو هيخرج و هيفوق و هيتكلم معاكي كمان، انتي بس بطلي عياط هو اكيد مش هيحب يشوفك بتعيطي، صح؟
ندي: صح.
عدي ربع ساعة كمان و الدكتور خرج الكل جري عليه.
جهاد: طمنا يا دكتور.
الدكتور: عملنا اللي نقدر عليه الباقي علي ربنا...
طلعوا فريد من اوضة العمليات و دخلوه العناية المركزة.
كنان سابهم و مشي و جنون جريت وراه.
-كنان خرج من المستشفي و راح للجنينة الخلفية و سند علي الحيطة و بدأ يفتكر مواقفه مع فريد و بيعيط كان هيقع بس جنون مسكته و قعدته علي الارض و قعدت جمبه...
شجن: ان شاء الله خير، ده اختبار بسيط من ربنا و ان شاء الله عمو فريد هيتجاوز مرحلة الخطر...
ندي و جهاد قعدوا يعيطوا جمب بعض. اوبي حاول يمسك نفسه...
عند كنان...
كنان(بعياط): طب طب ليه هو؟ ليه انا عايزه جمبي. انا محتاجه اوي.
جنون: بص ربنا بس بيختبر ثقتك فيه، لازم يكون عندك ثقة في ربنا.
جنون: عارف ايه اللي هيريح قلبك دلوقتي. انك تقوم و تصلي و تدعي ل ربنا و تشكيله همك.
جنون: مش انت عايز تتغير يلا، قوم ادعي و صلي ل سيادة اللواء.
كنان ساب جنون و راح اتوضئ و صلي.
اياد: ممكن افهم ايه ده؟
جنون(ببرود): ايه؟
اياد(ببرود): لا خالص مفيش. حبتيه؟
جنون(بتريقة): حبتيه؟!
جنون: مبحبش حد و انت عارف ان قلبي ميت من زمان يا استاذ كنان...
اياد(برفعة حاجب): كنان؟!
جنون(بتوتر): انا مقولتش كنان. عن اذنك.
-جنون قامت و سابت اياد و خرجت من المستشفي كلها و راحت مكان هادي بسيط مفهوش اي شخص قعدت تفكر في كذا حاجة...
في المستشفي.
علي: طب هنعمل ايه؟ نمشي و لا؟
شذي: معرفش، بقول طالما جنون فوق خلاص.
شهاب: يلا بينا يا جماعة، يلا يا سيادة اللواء.
رأفت: هقعد هنا.
علي: يا سيادة اللواء لازم ترتاح علشان تيجي بكرة فايق.
رأفت: مش هعرف انام يا علي، سيبني ارجوك.
تامر: يلا يا جماعة يلا بينا. دي رغبته.
نور: طب و ندي و طنط جهاد؟
تامر: جنون فوق، يلا.
نور: طيب.
و الكل ركب عربياته و راح ل بيته، شذي كانت خايفة من ردة فعل داليا...
عند كنان...
كنان صلي و دعي ل ربنا و نزل للجنينة تاني لقي رأفت راح قعد جمبه.
كنان: مين اللي عمل كدة؟
رأفت: بيحققوا.
كنان: الموضوع زاد عن حده. زاد اوي اوي يعني.
رأفت: شغلنا هنعمل ايه؟
كنان: هعمل كتير هعمل.
رأفت: كنان انت في قمة غضبك دلوقتي اهدي و فكر ب عقل...
كنان: طيب. عن اذنك.
كنان طلع المستشفي و راح عند عائلته.
كنان: أوبي خد ماما و ندي و وصلهم البيت.
جهاد: لا مش هسيب فريد...
كنان(بعصبية): اسمعي الكلام. يلا.
أوبي: خلاص خلاص يلا يا امي يلا يا ندي.
ندي(بدموع): بابا هيبقي بخير؟
كنان: متخافيش.
أوبي: تعالي يا شجن.
كنان: سيبها.
شجن خافت شوية و اتوترت و أوبي بصلها بأطمئنان قبل ما يمشي...
كنان: تعالي هوصلك.
شجن: تمام شكرا...
كنان ركب عربيته و شجن ركبت معاه و وصل ل بيتها.
شجن: طب تشرب اي حاجة؟ اناديلك جنون طيب.
جنون كانت في الوقت خارجة من باب البيت و هي بتلبس الجاكت بتاعها.
جنون: ايه اللي حصل؟
كنان: راحة فين؟
جنون: راحة المبني...
كنان: في الوقت ده؟
جنون: خشي انتي جوا يا شجن.
شجن: حاضر.
جنون: لو ماما سألت قوليلها حصلت ظروف و لاغي شذي.
شجن: طيب.
جنون: اركب و هفهمك في العربية.
كنان ركب العربية و جنون جمبه.
كنان: ايه؟
جنون: لازم يبقي في مراقبة علي اوضة اللواء فريد و كمان حراسة.
كنان: تمام.
جنون: هنبحث عن الفاعل ب طريقتنا.
كنان: شكرا.
جنون: يلا.
كنان و جنون وصلوا للمبني.
جنون: خش مكتبك لو وصلت ل حاجة قولي و انا كمان.
كنان: طيب. عن اذنك...
جنون: كنان.
كنان بصلها و جنون قربت منه و حضنته كنوع من الدعم.
جنون: متيأسش.
-كنان بصلها بامتنان و ابتسامة بسيطة. كل واحد دخل علي مكتبه و بدأ يدور و يبحث عن اللي عمل كدة.
جنون قامت و راحت علي اوضة المراقبة.
جنون: عايزة اشوف حاجة.
شخص: اتفضلي يا فندم.
جنون: طبعا انت عارف ان في حد ضرب نار علي سيادة اللواء عايزة سجل الكاميرات بتاعت النهاردة.
شخص: اتفضلي قدامك كلها.
جنون: تمام.
جنون بدأت تدور في الفيديوهات.
جنون: ثبت الفيديو و كبر علي الشخص ده.
شخص: ماله الشخص ده؟
جنون: جه اكتر من 3 مرات و كان بيبص في ساعته و كل شوية بيتفقد حاجة ورا ضهره...
شخص(لنفسه): يخرب البيت الملاحظة يا جدع.
جنون: جيب ساعة الحادثة.
شخص: لحظة واحدة. كدة تمام.
جنون بصت كويس في الفيديو و حاولت تلاحظ اي حاجة.
جنون: كبر هنا.
شخص: بس مفيش حاجة.
جنون: كبر هنا و اسمع الكلام.
شخص: تمام.
جنون ركزت كتير في الصورة.
جنون: اطبعلي الصورة دي حالا.
شخص: تمام.
بعد لحظات الصورة كانت مع جنون.
جنون: هات الفيديو بتاع الحادثة و هات صورة للشخص اللي قولتلك ثبت عليه.
شخص: حاضر.
و بعد فترة جنون خدت كل اللي عايزاه و مشيت.
شخص: يا ناس يا مجانين.
جنون راحت ل مكتب كنان و فتحت الباب.
كنان: في ايه؟
جنون راحت وقفت قدامه و سندت علي المكتب بضهرها و بصتله كتير.
كنان: في ايه؟
جنون: بص هو احتمال مش اكيد. انت قمت بأي عمليات لاي حاجة ليها علاقة بالارهاب او كدة.
كنان: بمعني؟
جنون: يا ربي، يعني في اي ناس ارهابية انت قبضت عليها او عملت عمليه و كدة.
كنان: ايوه كتير...
جنون: في عملية قريب؟
كنان: ايوه قضية السواح...
جنون: هات الملف بتاعه.
كنان(باستغراب): طيب ثانية...
كنان: خدي.
جنون: لحظة.
جنون بدأت تقلب في الصفحات اللي في الملف لغاية ما وقفت.
جنون: ده.
كنان(باستغراب): مين ده؟
جنون: بص الصورة دي.
كنان: اه...
جنون: هو ده بس الفرق انه حلق دقنه.
جنون: بص ده الفيديو لما نيجي نشوف فوق السطح ده الملابس اللي دايما بنشوفها معظم الارهابين بيلبسوها، يعني ده كان انتقام منك انت...
كنان(بحزن): قصدك اني السبب.
جنون وطت و نزلت لمستوي كنان علي الكرسي و حاوطت وشه...
جنون: لا انت عملت واجبك بس مش اكتر. هما اللي غلطانين خليك واثق ان كل حاجة بتحصل بتبقي خير لينا...
كنان(بحزن): تمام. شكرا.
جنون: اممممم طب اعملك ايه علشان تضحك؟
كنان: مفيش شكرا علي تعبك، روحي لو عايزة.
جنون: طب و انا بقي هفضل قاعدة هنا...
كنان: جنون خلاص وصلنا للي احنا عايزنه و شكرتك. يلا بقي روحي.
جنون: لا و هتيجي معايا.
كنان: علي فين؟
جنون: هتعرف.
جنون مسكت ايد كنان و خدت حاجته و طلعت راحت علي مكتبها و خدت شنطتها و خرجت من المبني...
كنان: مش لعب عيال هو.
جنون(بضحك): لو مش عجبك طلقني.
كنان: استغفر الله العظيم...
-جنون ركبت كنان العربية و خدت المفاتيح منه و ساقت لغاية ما وصلت ل مكان هادئ عبارة عن جنينة و بحر و هواء.
جنون: ايه رأيك في المكان الروعة ده؟
كنان: ايه ده؟
حنون: سلامتك عميت.
كنان(بحدة): جنون.
جنون: طيب طيب، هنا ممكن تفرح تحزن تعيط تضحك تحكي تتكلم و تهدئ تبوح بأسرارك.
كنان: و انتي بتيجي هنا بتعملي ايه؟
جنون: بص هناك انا بحب اقعد هناك قدام البحر مباشرةً.
كنان: و انتي بتيجي بتعملي ايه يا جنون؟
جنون: تعرف علي بُعد من هنا في راجل بيبع سندوتشات كبدة و سجق تعالي نأكل من عنده.
كنان: طيب يلا بينا.
جنون(بمرح): بس انت اللي هتدفع خد بالك.
كنان: تمام.
جنون: ما تفك يا عم. فين الابتسامة الحلوة بقي؟
كنان: هو انا مهم بالنسبة ليكي؟
جنون: اممممممم لا خالص علي المستوي الشخصي.
كنان: بصيلي و انتي بتتكلمي و عيدي كلامك.
جنون بصتله و وقفت قدامه و اتكلمت.
جنون: مع اني مش فاهمة ايه وجهة النظر بس تمام. علي المستوي الشخص اوي لا مش مهم لاننا يعني مش قريبين من بعض اوي.
جنون: بس انت زميل و كمان كنت معايا لما اتصابت في روسيا و شيلتني لما الكعب بتاعي اتشال يعني قدمت ليا خدامات و انا اهو ب رد خداماتك.
كنان: تمام. يلا بينا نروح بقي.
جنون: بس تبتسم الاول.
كنان(بابتسامة خفيفة): مش يلا بقي.
جنون: طيب.
جنون: مع اني شيفاك بتفكر في حاجة بس يلا هسيبك تفكر. لا لا مش فضولية ابدا.
كنان(بضحك): واضح واضح.
جنون باست خد كنان و شدته و ركبوا العربية و كنان وصل جنون البيت و روح علي بيته...
-في الصباح الباكر...
في المستشفي.
كنان: ايه الاخبار؟
الدكتور: الحمد لله بقي احسن و عدي مرحلة الخطر و مؤشرات القلب جيدة.
كنان: شكرا يا دكتور. طب هيفوق امتي؟
الدكتور: بص هو لو مفاقش النهاردة يبقي احتمال كبير هيدخل غيبوبة.
كنان: طيب يا دكتور شكرا.
أوبي: ايه الاخبار طمني؟
كنان: احسن من الاول. روح البيت طمن ماما و ندي.
أوبي: طيب عن اذنك.
أوبي نزل و ركب عربيته و تليفونه رن.
الخط اتفتح.
أوبي: الو.
شجن(بتوتر): الو ازيك.
أوبي: كويس.
شجن: باباك عامل ايه دلوقتي؟
أوبي: احسن الحمد لله.
شجن: الحمد لله.
شجن(بتوتر): طب اجيلك؟
أوبي: لا انا في المستشفي و رايح علي البيت النهاردة إجأزة ليكي من الشغل.
شجن: انا مش جاية الشغل تاني...
أوبي(بجدية): مش بمزاجك يا شجن. اقفلي.
أوبي كمل سواقة و راح علي بيته.
ندي: ها يا أوبي طمنا؟
اوبي: الحمد لله بابا بخير...
ندي: الحمد لله الحمد لله.
جهاد: طب هنروح نشوفه امتي؟
أوبي: مش دلوقتي وقت ما يفوق ان شاء الله.
جهاد: طيب. هروح انا مركز التجميل.
ندي و اوبي: ليه؟
جهاد: انا عيطت امبارح زمان وشي باظ...
ندي و اوبي بصولها بصدمة و سابوها و مشيوا.
جهاد: مالهم؟ مش مشكلة...
-في مكان تاني...
في بيت اياد.
اياد: ياض منك ليه اصحي.
اياد: تامر شهاب.
اياد(بصوت عالي): اصحوا.
شهاب: ايه في ايه؟
علي: هنقبض علي مين؟
فارس: في ايه يا اياد في ايه علي الصبح؟
تامر: عاملين دوشة ليه؟
اياد: ابدا متأخرين علي شغلنا. قوم ياض منك ليه.
تامر: اوف ينعل ابو اللي يبات بره بيته يا شيخ.
اياد: معلش ازعجت سيادتك.
علي: ما صدقت كنان مشغول سيبوني انام.
فارس: ياض خلي عندك دم، الواد مشغول يعني بيتجوز لا.
شهاب: طب مش يلا بينا.
اياد: خشوا البسوا اي حاجة من دولابي عقبال ما احط الفطار.
فارس: طيب يا حبيبي.
الكل ضحك علي فارس و اياد ضربه برجله.
اياد: امشي ياض من وشي...
اياد دخل المطبخ و الكل قام اختار حاجة من دولاب اياد...
فارس: اياد حبيبي التي شيرت ضيق اوي. و انا بتكسف.
اياد: بتتكسفي يا بيضة، طيب.
اياد طلع جري ورا فارس.
فارس: لا لا ايده تقيلة امسكوه.
علي: تستاهل اسااسا.
تامر: خلاص يا اياد.
شهاب: استرجل ياض.
فارس: لا علفكرة راجل و اعجبكوا.
اياد: يا ربي. يلا تعالوا كلوا.
شهاب: و الله مش عارفين نعمل ايه قصاد الواجب الكبير بتاعك ده...
اياد: انتوا اخواتي.
علي: هدومك واسعة اه بس كويس.
تامر: قول الحمد لله يا بغل، تسلم يا ابو الصحاب.
فارس: مع اننا عارفين بعض من قريب بس حقيقي اتشرفت بيكوا.
تامر: و احنا.
اياد: يلا بينا.
الكل نزل ركب عربيته و راحوا للمبني.
-في مكان تاني...
في بيت جنون.
داليا: تعالي يلا يا شجن كلي.
شجن: طب مش هتصحي جنون و شذي؟
داليا(بفرحة): هي جنون جت؟
شجن: اه امبارح بليل بس مرضيتش تصحيكي.
داليا: اه معرفش نمت امبارح و مصلتش الفجر للاسف.
شجن: اه طب روحي ليهم بقي.
داليا راحت فتحت باب اوضة جنون و دخلت.
داليا(باستغراب): من امتي جنون بتنيم جمبها حد؟
داليا: جنون حبيبتي. جنون. شذي يا بت يا شذي.
جنون(بنوم): في ايه يا ماما؟
داليا: حمد لله بالسلامة يا روحي.
جنون: طب اقفلي الشباك انا مصدعة اوي.
داليا: مالك بس يا روحي؟
جنون: مفيش حاجة. بس منمتش كويس.
داليا: هتلاقي البت دي هي اللي منيمتكيش.
جنون: لا يا روحي، انا بس اللي مكنش جايلي نوم.
داليا: طيب يا روحي قومي براحتك و خدي شاور كدة و فوقي و اول ما تقومي هعملك تأكلي.
جنون(باست ايديها): تسلمي يا ست الكل.
داليا: ربنا يخليكي ليا.
جنون: يا روحي. بحبك.
شذي: هو انا مليش في الجو الشاعري ده. و لا علشان وحيدة و مليش اهل.
داليا: بس بس يا بت، انتي واحدة من البيت ده.
شذي: قلبي يا رب.
شجن(بصوت عالي): جعااااااااااااااااااااااااانة...
داليا: بس بس صوتك مزعج علشان واخدة كام يوم اجازة هتضايقيني لا يا ستي غوري روحي شغلك.
جنون(بجدية): شجن صوتك ميعلاش هنا...
شجن: اوف طيب حاضر.
داليا: اطلعي قدامي اعملك تأكلي...
داليا و شجن خرجوا من الاوضة. شذي حضنت جنون جامد.
جنون: يا بت ابعدي.
شذي: بس بقي اسكتي عايزة احضنك كدة علطول.
جنون: هو انا جوزك و انا معرفش...
شذي: لا انتي احن حضن و اخت.
جنون: حضن قبل اخت يا حيوانة.
شذي: بس بقي.
جنون: ما انتي فرضتي نفسك عليا و نمتي في حضني طول الليل.
شذي: اه الساعتين دول لا يا ستي...
جنون: طيب مش انتي جيتي و اتكلمتي معايا علي موضوع اياد و حليناه سوا.
شذي: ايوه بس بحبك انتي اكتر.
جنون: طيب ابعدي بقي.
شذي: اوف يا رزلة.
شذي: ينعل ابو اللي يقولك كلمة حلوة، دبش دبش.
جنون: اتكلمي حلو اتكلمي قبل ما اقطعلك لسانك.
جنون مدت ايديها خدت تليفونها و اتصلت ب سجي.
الخط اتفتح...
جنون: صباح الخير.
سجي: صباح النور...
جنون: بقولك يا سجي.
سجي: ايه؟
جنون: عايزاكي تكلمي عطر و تروحوا للمبني قبلي انا و شذي. و زمان اياد و فارس راحوا تبدأوا شغل علي القضية الجديدة.
سجي: تمام يا روحي...
جنون: طيب باي. طمنيني لما توصلي.
سجي: باي.
جنون قامت خدت دش طويل يهدي بالها و جسمها. جنون خرجت غيرت هدومها.
جنون لبست بنطلون جينز و تي شيرت بكم ابيض قصير لغاية الخصر واسع شوية و لبست كوتشي باللون الاسود عالي شوية. رفعت شعرها علي شكل كحكة و نزلت كام خصلة من شعرها، و اختارت شنطة باللون الاسود ضهر.
جنون: يلا يا شذي بطلي حش ورانا شغل.
داليا: يا بنتي حرام عليكي بقي بصي ل نفسك شوية مبقاش وراكي غير شغل و تأمني لينا فلوس. عايزة اشوف عيالك قبل ما اموت. نفسي اشوف عريسك و هو بيلبسك الدبلة ف ايدك و يحافظ عليكي. نفسي اشوفك بالفستان الابيض...
جنون(وهي بتصقف): برافوا استمري ادائك هايل. يلا يا شذي.
شذي(بضحك): يلا...
جنون شذي كانوا ماشين...
داليا(بغيظ): طيب يا جنون.
داليا قلعت الشبشبت بتاعها و حدفته علي جنون.
جنون(بوجع): آه حرام عليكي. اوف شبشب كل ام.
شجن(بضحك): منظرك مسخرة يا جنون.
شذي(بضحك): عندك حق.
جنون(بتريقة): عندك حق.
جنون: متشكرين يا رجولة.
جنون: مفتاح عربيتك.
شذي: اوف مستولية علي كل العربيات...
جنون: لو مش عجبك طلقني.
شذي: الصبر يا رب.
-جنون ساقت بالعربية بسرعة و لغاية ما كانت قربت توصل للمبني بس كنان كان قدامها و هي حاولت تفرمل بسرعة و خبطت في العمود.
جنون(بوجع): آآآه.
كنان(بقلق): جنون!
كنان جري علي عربية جنون و فتح باب العربية.
كنان: جنون جنون انتي كويسة؟
جنون(بوجع): اه شوية، شوف شذي.
في المبني.
فارس: عربية شذي اتخبطت.
اياد طلع جري علي مكان الحادثة لقي شذي مغمي عليها و جنون مخبوطة في دماغها.
اياد(بخضة): شذي شذي.
كنان: اهدي نفسها منتظم...
اياد شال شذي بين ايديه و راح علي الدكتور...
ساهر: في ايه؟
اياد: عملت حادثة بالعربية.
ساهر: حطها هنا.
ساهر بدأ يكشف علي شذي تحت نظرات اياد القلقانة.
ساهر: مفيش اغماء بسيط هتفوق كمان خمس دقايق.
عند كنان.
كنان: مالك حاسة بوجع؟ طمنيني عنك.
جنون: زعلانة من نفسي اوي...
كنان: ليه؟
جنون: شذي اغمي عليها بسببي.
كنان: لا ده خير كل حاجة بتحصل بتبقي خير لينا.
كنان: تعالي نطمن عليكي.
جنون قامت وقفت بس داخت و كانت هتقع و كنان شالها بسرعة.
جنون: شكرا.
كنان دخل المبني تحت نظرات الكل و دخل ل ساهر.
ساهر(بقلق): جنون.
كنان(ببرود): اه مالها يعني؟ ما شذي جت كنت قلقان عليها كل ده.
ساهر(بتوتر): عادي. دي زميلة ليا.
كنان(ببرود): طب شوف شغلك.
كنان قعد جنون علي السرير و وقف جمبها.
جنون(بهمس): هو اسااسا بيحبني.
كنان(ببرود): و جنابك مبسوطة؟
جنون(بهمس): عادي و لا يهمني.
كنان: طيب.
ساهر: الحمد لله جرح بسيط.
كنان: يلا يا جنون.
جنون: طيب الله.
و الكل راح علي شغله و بدأ يشتغل، و بعد فترة كنان راح للمستشفي و قعد يتكلم مع فريد شوية و فريد مكنش فايق.
كان الليل جه.
جنون: دلوقتي احنا.
تليفون جنون رن كتير.
جنون: لحظة.
جنون(بصوت واطي): الو يا ماما.
داليا: تيجي هنا بالامر مفهوم.
جنون(بقلق): في حاجة؟
داليا: تعالي و خلاص يلا.
جنون: هو في ايه؟
شذي: في ايه حصلت حاجة؟
جنون: معرفش، خلاص نكمل بكرة.
اياد: اجي معاكي.
جنون: لا لا. تعالي يا شذي و كمان انا تعبت شوية.
الكل روح علي بيته و جنون و شذي راحوا البيت.
جنون: في ايه يا امي؟
داليا: عريس لقطة يا جنون.
جنون(بصدمة): What!
جنون: بتهزري صح؟
شجن(بضحك): للاسف لا.
جنون(و هي بتأخد شهيق و زفير): اهدي اهدي.
جنون: يعني حطتيني قدام الامر الواقع.
شذي: باينة.
جنون(بعصبية): بس بس اخرسوا.
جنون: روح امه جاي امتي؟
داليا: كمان نص ساعة.
جنون: ماشي كويس اوي طيب. طيب و ربي لو طلع فيه عيب واحد لارفضه مش جنابك بتقولي لقطة طيب...
جنون دخلت اوضتها و قفلت الباب بعنف.
شذي و شجن قعدوا يضحكوا عليها...
داليا: يلا تعالوا جهزوا معايا الاكل اللي هيتقدم.
شذي: هغير هدومي.
شذي طلعت جري غيرت هدومها و نزلت.
عند جنون...
جنون(بغضب مكتوم): طيب طيب طيب.
تليفون جنون رن، الخط اتفتح.
جنون(بعصبية): خير؟
كنان: مالك يا بنتي؟
جنون: مفيش عايز ايه؟
كنان: رجعت روحت علي المبني ملقتكيش و لا انتي و لا الفريق بتاعك...
جنون: معلش اصل في ظروف في البيت و كدة ومشيت.
كنان: طيب بكرة نبقي نتكلم في موضوع الارهابي ده.
جنون: تسلم يا كنان.
كنان: متأكدة انك كويسة؟
جنون: شوية و هبقي كويسة عن اذنك.
جنون فتحت دولابها و قعدت تدور علي لبس تلبسه.
جنون لبست بدلة بناتي مناسبات باللون الاحمر. البنطلون احمر و تي شيرت توب باللون الاسود بحمالة عريضة و جاكت البدلة باللون الاحمر. و لبست صندل كعب باللون الاسود. و سيبت شعرها علي كتفها الاتنين. و حطت روچ خفيف جدا و كحل حدد عينيها.
جنون: طيب يا عريس الغفلة.
جنون قعدت علي موبايلها لغاية ما الباب خبط...
جنون: ادخل.
داليا: قومي بسرعة...
جنون: اقوم اعمل ايه؟
داليا: العريس قدامه خمس دقايق انتي اللي هتفتحي.
جنون: يا ربي يا امي. دايما لازم تخليني افتح ليه هو الوزير و لا الرئيس.
داليا: هو كدة ربنا يا رب يعجبك علشان بقي اشوف عيالك.
جنون: خليكي عارفة لو فيه عيب واحد مرفوض علطول.
داليا: بس لو عيب يعدي و عند كل الرجالة يعدي يا جنون...
جنون: لا. لو عمل غلطة واحدة او قال كلمة واحدة معجبتنيش مرفوض.
الباب خبط.
داليا: يلا يلا اخرجي افتحي.
جنون: مستعجلة علي موته يعني.
جنون راحت عند باب الشقة و فتحت الباب ورفعت رأسها.
جنون(لنفسها بصدمة): يا نهار اسود! لا لا لا اكيد مش هو لا.
جنون فتحت الباب لقت فريد و أوبي و كنان كنان كان في قمة وسامته لابس بدلة باللون الاسود و قميص ابيض و لابس جذمته اللي بتلمع و حاطط البرفيوم بتاعه و لابس ساعته و كنان كان ماسك في ايده بوكيه ورد باللون الاحمر و ابتسم اول ما شاف جنون و غمز ليها بعينه
جنون بسرعة قفلت الباب في وشهم و سندت بضهرها علي الباب و هي بتأخد نفسها بصعوبة...