رواية حرب الحب للكاتبة سلسبيل كوبك الفصل الأول
في احدي الاماكن الموجودة في أمريكا. قبل شروق الشمس.
حارس: He managed to escape(استطاع الهرب).
شخص(بعصبية): I want this person right now. (اريد هذا الشخص حالا).
حارس(بتوتر): Right now(حالا).
-و كل الحراس بدأت تجري و تبحث عن الشخص المطلوب.
حارس: He is there(إنه هناك).
الشخص المطلوب: Prepare(اجهزوا).
شخص2: Right now(حالا).
الشخص المطلوب بدأ يجري بأقصي سرعة لكنه وقف فجأة.
الشخص المطلوب: Leave your weapon,you will not ba able to shoot me(اترك سلاحك لن تستطيع إطلاق النار علي).
شخص: Give me what is in your hands and let you go(اعطيني ما في ايدك و سأتركك تذهب).
-الشخص المطلوب قرب من الشخص اللي قدامه و في اقل من لحظة كان خد مسدسه و كسر رجله.
و فجأة جم شخصين بعربية.
شخص(بسرعة): رعد يلا.
الشخص جري بسرعة و ركب العربية و ساق بأقصي سرعة.
شخص1: ابوس ايدك براحة.
رعد(ببرود): بطلوا جبن.
و بعد فترة بسيطة وصلوا لمكان مهجور.
شخص2: الطيارة قدامها اقل من تلت دقايق و توصل...
شخص1: جبت المعلومات؟
رعد(ببرود): لو مكنتش جبتها مكنتش شوفت وشكوا تاني.
شخص2: طيب طيب.
و الطيارة اللي مستنينها وصلت و ركبوها...
في مكان تاني في مصر.
-في الصباح الباكر.
في فيلا باين عليها الرقي.
خدامة: بسرعة مدام جهاد لو نزلت و ملقتش الفطار علي السفرة هتطردنا.
خدامة2: خدي بسرعة.
خدامة3(بخوف): مدام جهاد لبست و نازلة بسرعة.
-و الخدامين بدأوا يحطوا الاكل علي السفرة بسرعة.
جهاد(بعصبية): انتي يا زفتة منك ليها.
الخدامين(بخوف): نعم يا هانم.
جهاد: فين كِنان و أوبي و ندي؟
خدامة(بتوتر): كنان بيه طلع يجري من بدري يا هانم. و أوبي بيه حاولنا نصحيه مرضيش خالص و الله، و ندي هانم في اوضتها بترسم.
جهاد(بعصبية): طيب. و فريد؟
خدامة2: في الجنينة بيقرأ الجريدة.
جهاد(بعصبية): تمام...
جهاد طلعت لاوضة ابنها أوبي.
خدامة(بعصبية): اوف مش عارفة شايفة نفسها علي ايه كلنا ولاد تسعة.
خدامة2: احنا بنأكل عيش يلا بينا نكمل شغلنا.
في أوضة أوبي.
جهاد(بعصبية): أوبي أوبي.
جهاد(بزعيق): أوبي.
أوبي(بخضة): ايه في ايه حد مات؟
جهاد(بعصبية): قوم يا زفت.
أوبي: طيب.
جهاد: يلا.
جهاد نزلت و أوبي قام و دخل الحمام و خد دوش و خرج يلبس هدومه.
أوبي لبس بدلة رسمية باللون الرمادي و قميص ابيض و جذمة سوداء و لبس ساعته و حط البرفيوم بتاعه.
أوبي: شاب عنده 24 سنة متخرج من كلية تجارة إدارة اعمال. شاب وسيم بشرته باللون الابيض متوسط الطول عيونه بلون السماء عنده دقن بسيطة، شاب بسيط مرح و طفولي نوعا ما بس وقت الجد بيتحمل المسئولية بيحب الناس و بيحب عائلته.
أوبي خرج من أوضته و راح لاوضة أخته.
الباب بيخبط.
ندي: ادخل.
أوبي: اميرتنا عاملة ايه؟
ندي(بابتسامة): حبيبي انت اخبارك ايه؟
أوبي: بخير بيكي. واو ايه الجمال ده؟
ندي: بجد الرسمة حلوة؟
أوبي: طبعا يا حبيبتي.
ندي: اومال ماما جت و قالتلي وحشة ليه؟
أوبي: سيبك منها جهاد هتفضل هي جهاد.
ندي: طيب يا حبيبي، النهاردة رايح تعمل مقابلة؟
أوبي: اه ادعيلي يا حبيبتي.
ندي: ربنا معاك اكيد هيختاروك انت اي حد و لا ايه.
أوبي: قلبي انتي. مش هتنزلي تفطري؟
ندي: ايوه نازلة هغير هدومي...
أوبي: طيب يا روحي.
أوبي نزل لتحت، و ندي دخلت غيرت هدومها.
ندي: بنت عندها 24 سنة تؤام أوبي. متوسطة الطول شعرها متوسط الطول باللون الاسود عيونها نفس لون أوبي بلون السماء. بنت رقيقة و خجولة و متخرجة من كلية فنون جميلة بتحب الرسم جدا. بتحب اخواتها جدا.
في الجنينة.
جهاد(بعصبية): حضرتك هنا و سايبني بدور عليك.
فريد(بهدوء): مش انتي سألتي عليا الخدم بس روحتي لاولادك الاول...
جهاد(بعصبية): انت قاصد تعصبني يا فريد.
فريد(بهدوء): عايزة ايه يا جهاد؟
جهاد: مش عايزة، هو انت مش رايح الشغل؟
فريد: مش دلوقتي.
جهاد: براحتك.
و بعدين لقوا حد جاي عليهم.
فريد: ها يا بطل جريت قد ايه؟
كنان: جريت لمدة ساعتين و نص.
فريد: كويس.
جهاد: ليه يا حبيبي بس تتعب نفسك ليه يا حبيبي.
فريد(بسخرية): و جنابك مبتعمليش ليه كدة مع أوبي.
كنان: بطلوا خناق شوية.
كنان(ببرود): و انا بخير يا جهاد هانم.
كنان: خليهم يجهزوا الفطار علشان ورايا شغل.
فريد: طيب يلا روح.
كنان طلع لاوضته و خد دوش و خرج بدأ يلبس هدومه.
كنان لبس بنطلون جينز و تي شيرت اسود و جاكت جلد باللون الجملي و كوتشي ابيض و لبس ساعته السوداء و حط البرفيوم بتاعه.
كِنان: شاب عنده 26 سنة ظابط في المخابرات و قائد فرقته ملقب بأسد المخابرات. طويل نوعا ما و عريض عنده دقن و عيونه باللون الأسود ملامحه حادة بشرته قمحاوية، جد جدا في حياته العملية و مبيحبش الهزار في إطار الشغل. مرح أحيانا مع أصحابه و زير نساء، بيحب اخواته و عائلته جدا.
كنان نزل لتحت لقي الكل قاعد علي السفرة راح قعد.
جهاد: كل يا حبيبي كل.
فريد(بحدة): جهاد.
جهاد: كلوا يا جماعة.
ندي: بابا.
فريد: نعم يا حبيبتي.
ندي: كنت عايزة اخرج النهاردة مع صحابي هنعمل شوبينج و نتفسح.
كنان: خدي حراسة وراكي.
ندي: حاضر.
كنان: رايح النهاردة يا أوبي.
أوبي: اه يا كنان، ادعولي.
فريد: ربنا يوفقك يا حبيبي.
فريد: كنان عملت ايه في قضية السواح؟
كنان: لما اروح مبني المخابرات هبقي اشوف.
فريد: طيب.
كنان: عن اذنكوا.
جهاد: خلي بالك من نفسك.
كنان: تسلمي عن اذنكوا.
أوبي: و انا هروح المقابلة علشان متأخرش.
ندي: هطلع اكمل رسمتي يا بابا. عايزين حاجة؟
فريد: بعد ما تخلصيها تخليني اشوفها.
ندي: حاضر يا بابا.
فريد(بحدة): جهاد كنان زي اوبي زي ندي.
جهاد: هو انا عملت حاجة، هو بس كنان مثالي.
جهاد: اما ليه اوبي مكنش زي اخوه و لا زيك. و دي متبقاش دكتورة ليه ها؟
فريد(بحدة): حريتهم هما عايزين ايه مش انتي.
فريد(بزهق): زهقت من الكلام معاكي.
فريد ساب جهاد و قام راح لمكتبه...
جهاد(بعصبية): سيدة. سيدة.
سيدة: نعم يا هانم.
جهاد(بعصبية): خليهم يشيلوا الاكل و تعالي اعمليلي مساچ يريحني.
سيدة: حاضر يا هانم.
جهاد طلعت اوضتها. سيدة أمرت الخدم يشيلوا الاكل.
-سيدة دي سيدة الخدم في الفيلا و ايديها اليمين ل جهاد.
-في مكان تاني...
في مبني المخابرات.
شخص: اوف ده جايبنا يذلنا ده و لا ايه؟
شخص2: وطي صوتك كنان لو سمعك هيقتلك.
بنت: فيها ايه يعني ان كنان بيحب الشغل لازم كلنا نكون بنحب الشغل برضو.
شخص3: اسكتي يا واد يا بت انتي.
بنت(بعصبية): شهاب مش قولتلك متقوليش كدة تاني.
شهاب: يا ماما انا خوفت. ما تتكلم يا عادل...
عادل: خلاص بقي يا جدعان خلاص يا نور.
نور: انا عملت حاجة هو اللي بيقولي يا واد يا بت.
شهاب: يا ربي ما تتكلموا يا رجالة. بهزر يا نور.
تامر: ايه يا جدعان ما تهدوا علي نفسكوا كدة كنان لو جه و لقانا بنتخانق هيعاقبنا.
نور: هو اللي بدأ يا تامر. بص يا شهاب متكلمنيش و انا مش هكلمك الا في إطار الشغل. صح يا علي؟
علي: اهدوا بس.
كنان(بحدة): بيحصل ايه هنا؟
الكل وقف بأحترام و التزموا الصمت...
كنان(بحدة): احنا هنا في شغل مش جايين نلعب و نتخانق...
علي: آسفين يا كنان.
كنان: بالنسبة للزفت السواح اللي قولتلكوا عليه.
نور: انا عرفت اخترق تليفونه و لقيته انه حاطط خطة بس كل يوم بيغير حاجة في الخطة يعني مش ثابت علي حل.
شهاب: و انا عرفت ان ميعاد العملية قرب يعني في حدود اسبوعين تلت اسابيع لان البضاعة لو فضلت في المخازن اكيد هتبوظ و هو المرة دي واخد احتياطات...
عادل: و كمان لما حاولنا المرة اللي فاتت نمسكه و هو هرب و عرف ان في ناس مراقباه واخد كافة الاحتياطات...
كنان: و انت يا علي انت و تامر؟
علي: انا و تامر عرفنا انه في خاين في المبني. لكن منعرفش مين هو.
كنان(بحدة): يعني ايه متعرفوش مين هو في اقل من يوم تعرفوا مين هو.
تامر(بتوتر): طيب يا كبير مضايق نفسك ليه؟
كنان(بحدة): كله علي شغله فورا...
نور: بنت بتشتغل مع كنان و هي ليها في البرمجة و الاجهزة الالكترونية. متوسطة الطول شعرها قصير جدا قبل الاكتاف بشوية. بيضاء مرحة و بتحب شغلها و بتحب كنان و بتعتبره اخوها عندها 24 سنة.
علي بيشتغل مع كنان و بيحب يلعب بمشاعر البنات نوعا ما ملهوش في الشغل اوي. متوسط الطول عريض من غير دقن عيونه باللون البني عنده 25 سنة...
تامر اخو علي و تؤامه عاقل اكتر من علي و بيحب الشغل. متوسط الطول بدقن خفيفة عيونه باللون العسلي. عنده 25 سنة.
شهاب بيحب كنان و يعتبر صديقه المقرب متوسط الطول و عريض نوعا ما. عنده دقن بسيطة بيحب كل صحابه. عيونه بلون القهوة عنده 26 سنة.
عادل: شاب جاد في شغله بس برضو ساعات بيفضل اللعب و اللهو علي الشغل. متوسط الطول و معندوش دقن عيونه باللون الرمادي وسيم. عنده 24 سنة.
-في مكان تاني...
عند أوبي.
أوبي وصل للشركة اللي هو رايح ليها و ركن عربيته و دخل الشركة و ركب الاسانسير لسة الاسانسير هيتقفل...
بنت(بسرعة): حاسبوا.
البنت كانت ماسكة كوباية قهوة في ايديها و دخلت بسرعة و كانت هتتكعبل.
بنت(بصريخ): يا ماما.
أوبي مسكها بسرعة. البنت كانت مغمضة عينيها.
بنت(بفرحة): انا مموتش.
أوبي(باستغراب): تموتي؟
البنت بعدت عنه بسرعة و ضربته بوكس في بطنه.
البنت(بزعيق): مين وداك الحق تلمسني؟
أوبي(بصدمة): انتي ضربتيني؟!
البنت(بزعيق): و ايدك احمد ربك اني مكسرتهاش ليك.
أوبي(بحدة): نعم يا اختي؟! انتي كنتي هتقعي و انا غلطان اني مسكتك قبل ما توقعي.
البنت(في نفسها بخوف): يا ماما ده قلب كدة ليه...
أوبي(بعصبية: ردي؟
بنت(بتوتر و حدة): ملكش الحق تتعصب عليا.
أوبي(بعصبية): و انتي ملكيش الحق انك تضربيني و لولا انك بنت كنت مديت ايدي عليكي و كنت ندمتك.
بنت(بسخرية): مش هتقدر تعمل حاجة اسااسا.
أوبي(هدوء حاد): تحبي اوريكي؟
بنت: مش هتقدر اسااسا لاني ببساطة.
بنت: وصلت.
-البنت خرجت بسرعة من الاسانسير و قبل ما تمشي طلعت لسانها لأوبي و مشيت...
أوبي(بعصبية): اشوفك تاني و مش هسمحلك تعيشي بعد كدة يا حيوانة انتي.
أوبي خرج و راح للمكان اللي هيروحه.
أوبي: لو سمحت كنت جاي علشان اعمل interview...
موظفة: اتفضل معايا. بس اسم حضرتك ايه؟
أوبي: اسمي أوبي الهواري.
موظفة: تمام اتفضل.
أوبي دخل و بدأ يجري المقابلة.
بعد فترة.
الموظف: تمام يا أستاذ أوبي شكلك كنت جاهز اساسا. و انت احسن الاشخاص اللي قدمت.
الموظف: تحب تبدأ امتي؟
أوبي(بابتسامة هادية): من دلوقتي.
الموظف: جاهز اوي اوي. تمام اتفضل معايا.
الموظف خد أوبي و بدأ يمشي في الشركة لغاية ما وصل لمكتب أوبي الجديد...
الموظف: شجن أستاذ أوبي المدير الجديد.
شجن(رفعت عيونها): تمام يا...
شجن(بصدمة): يا نهار اسود!
الموظف: في حاجة يا شجن؟
شجن: اه، اقصد لا اقصد هو ايه بطني وجعتني عن اذنكوا.
شجن طلعت تجري و هي بتجري خبطت في اوبي و اوبي بصلها بانتصار. شجن طلعت علي الحمام جري.
شجن(بصدمة): لا لا مستحيل هقدم استقالتي لا لا.
شجن(بصدمة): ده هيمرمطني. انا هأخد اجازة النهاردة.
شجن رجعت مكتبها بسرعة و ملقتش حد.
شجن: ليكون مشي. الحمد لله.
شجن دخلت مكتب المدير لقت اوبي بيشدها من ايديها.
شجن(بخضة): يا ماما.
أوبي(بهدوء): لو اعتذرتي حالا هنسي كل اللي حصل و نبدأ من جديد...
شجن(لنفسها): اعتذر لا لا. و لا اعتذر علشان اخلص. لا مش هعتذر هو مين ده اساسا...
شجن(ربعت ايديها): و لو معتذرتش.
أوبي: و لا اي حاجة قابلي اللي هيحصل.
شجن قربت رأسها من أوبي و حطت صباعها في وشه.
شجن(بسخرية): ورينا قدراتك يا بطل.
أوبي شد شجن بسرعة ناحيته و شجن اتصدمت منه.
أوبي: الجبن بينط من عينيكي.
شجن(بحدة): ابعد ايدك عني.
أوبي رفع ايده و بص ل شجن دلالة علي انه ملمسهاش.
شجن: كداب.
شجن: و انا النهاردة إجازة. عن اذنك يا زفت.
أوبي: و انا كنت ناوي اوديكي اجازة لغاية ما تظبطي نفسك هتقدمي استقالتك و لا اخليكي تقدمي استقالتك بطريقتي انا.
شجن(بتحدي): مش هقدم استقالتي و انت اللي هتأخد بعضك و هتمشي.
شجن: بتحداك.
أوبي: بعشق التحديات يا قمامة الشركة.
-شجن بصتله بغضب و هو بصلها بهدوء و شجن سابته و مشيت نزلت ركبت تاكسي و روحت بيتها.
شجن(بعصبية): انا قمامة الشركة يا حقير يا زبالة يا يا يا يا حيوان انت و ربي لاندمك و اوريك مين هي شجن، هندمك يا حقير...
مامت شجن(باستغراب): شجن بتكلمي نفسك؟
شجن: ها لا مفيش يا دودو.
مامت شجن: هو انا هستغرب ليه ما انتي مجنونة عادي.
شجن: ما هو شي وراثي يا دودو...
مامت شجن: متقوليش دودو دي اسمي داليا و كمان مدلعنيش اسمي ماما فاهمة يا بت انتي.
شجن: ماشي يا دودو.
شجن طلعت تجري علي اوضتها...
داليا: ربنا يهديكي يا بنت بطني.
شجن: و ادعيلي اتجوز كدة واحد مز.
داليا قلعت الشبشب و رمته علي شجن...
شجن: مجتش.
داليا(بعصبية): شجن غوري من وشي يا بنت انتي.
شجن: عيوني يا ام العيال يا مزة انتي. ما تيجي اتجوزك بدل الجفاء اللي انا فيه ده.
داليا: شجن و ربي اجي اخلي شبشبي يسلم علي كل حتة في جسمك و مش هخليكي تمشي لمدة سنة.
شجن: لا و علي ايه بقي جهزي الاكل يا بطة.
داليا: طيب.
شجن: بنت جميلة و مرحة و شقية ملامحها طفولية عندها 23 سنة متخرجة حديثا من كلية تجارة إدارة اعمال كانت بتشتغل و هي في الجامعة و الكل انبهر في جديتها في الشغل بس برضو مش بتخلو من المرح. شعرها اسود و واصل لنص ضهرها عيونها باللون البندقي. بشرتها بيضاء متوسطة الطول و بتحب الاكل. بتحب عائلتها جدا.
-في مكان تاني.
في امريكا.
شخص(بغضب): You are stupid(انتم اغبياء).
شخص(بغضب): Leave immediately(انصرفوا حالا).
كل الحراس خرجت.
شخص(بغضب): فوزي مين الزفت ده؟
فوزي(بتوتر): زفتة...
شخص(بصدمة): ست؟!
فوزي(بتوتر): الرعد.
شخص(بصدمة): واحدة ست عملت كل ده.
فوزي: هي دي الرعد يا باشا.
شخص: مين يعني؟
فوزي: اسمها الحقيقي جنون سيف الدين تلقيبها الرعد لشدة سرعتها في كل حاجة الجري التصرف التفكير الضرب ممكن تعمل اي حاجة علشان شغلها لان شغلها رقم واحد في حياتها عندها اخت اسمها شجن و مامتها و اخوها مسافر و والدها متوفي.
شخص: تعرف انا بعمل ايه في الغبي يا فوزي؟
فوزي(بخوف): سامحني يا باشا.
الشخص طلع مسدس و قتل اللي اسمه فتحي.
-في مكان تاني...
في الطيارة.
شخص: رعد.
رعد: خير؟
شخص: انا حاسس ان في خطر.
رعد: متقلقش يا فارس.
فارس: الزفت اياد نام. مع انه متعبش.
رعد(ببرود): و يا حرام انت اللي تعبت...
اياد(بضحك): قصف جبهة.
فارس: مكنتش نايم يا زفت.
اياد: من امتي و احنا بنام صح يا جنون.
جنون(ببرود): الرعد او رعد طول ما احنا في الشغل بره الشغل اسمي جنون.
اياد: احم ايه الاحراج ده؟
فارس: تستاهل...
اياد: اهو انت و ربي لاربيك...
فارس: علي اساس تقدر. هو انت بتعرف تقتل فرخة اساسا.
جنون(بحدة): بطلوا. احنا لسة في شغلنا مش معني اننا خلصنا مهمتنا و جبنا المعلومات المطلوبة يبقي خلاص، لغاية ما نسلم المعلومات ل سيادة اللواء يبقي خلصت مهمتنا و تقدروا تموتوا و لا تولعوا بجاز...
فارس و اياد بصوا لبعض و سكتوا...
فارس: شاب عنده 25 سنة بيشتغل مع جنون ملهوش في الشغل بس جنون بتخليه يشتغل غصب عنه. شاب طويل نوعا ما معندوش دقن مرح بيحب يتخانق مع اياد اوي. عيونه باللون البني الفاتح.
اياد: شاب عنده 25 سنة بيشتغل مع جنون و فارس و بيحبهم كأخواته و بيخاف من جنون وقت الشغل. بيحب يتخانق مع اياد و ليه في البنات نوعا ما. متوسط الطول عنده دقن خفيف و عيونه باللون العسلي، ساعات بيبقي جد في شغله.
جنون: جنون سيف الدين بيلقبوها بالرعد لسرعتها في ردة الفعل و سرعتها في التصرف و سرعتها في انهاء مهمتها. هي قائد فريقها بتشتغل في المخابرات. بتحب شغلها جدا جدا و بتحب اختها و مامتها، بنت جادة في شغلها بس بتحب الفريق اللي هي بتشغل معاه و بتبقي مرحة مع الناس اللي بتحبهم مجنونة نوعا ما بتصرفاتها، شعرها طويل باللون البني بيوصل لنهاية ضهرها عيونها باللون الرصاصي طويلة نوعا ما، عندها 25 سنة.
و بعد فترة وصلوا للمطار. و بدأوا ينزلوا.
جنون مسكت شنطتها و لبستها علي كتفها.
جنون: هنلاقي باقي الفريق طبعا لانهم مش بيحرموا.
اياد: شذي و عطر و سجي.
جنون: اساميهم متناسقة قدامي يلا...
اياد و فارس نزلوا الاول و بعدها جنون نزلت وراهم...
شذي(بصريخ): جنووووووووووووووووون...
و فجأة سمعوا صوت ضرب نار في كل مكان...