رواية حب ودموع للكاتبة رهف سيد الفصل الرابع والعشرون
وصلت اسيل إلى جامعتها بعد ان قررت الذهاب بسيارتها نزلت منها وعلى وجهها ابتسامة جذابة كان الجميع ينظر لها باعجاب كانت حقا ايقونة جمال مميزة حتى وصلت للكافتيريا وجدت امير يجلس ومعة اصدقائها ولكن جميلة وكريم كانو غير موجودين اغتاظ امير جدا مما ترتدية ومن رقبتها إلى تظهر
احمد، إيه المزة ديه
ريتاج، العب يا معلم
هدير، مصلحة ولا مروحة يا حجة.
اسيل، هههههه والمصحف من 2015 مسمعتش الكلام ده إيه مصلحة ولا مروحة ديه يا قديمة في تحديثات
احمد، ممكن نكلم بابي واجي
اسيل. تيجي فين
غمز لها احمد
اسيل، شوفتي خطيبك يا زين ما اخترتي
هدير، طبعا ده الحب كلو صح الخطوبة بتاعتي بعد 3 اسابيع والفرح في اجازة نص الترم
ريتاج، اشطا
اسيل، بالمربي
ريتاج، هههههه يا خفة إيه يا بت الظرافة اللي انتي فيها ديه
اسيل، مش هرد عليكي علشان انا محترمة
هدير، نعم يا عمر.
اسيل وهي ترمي عليها الشنطة، بابتي يا حيوانة صحيح جميلة فين
امير محاولا ايغاظتها، راحت تشوف فستان الخطوبة قالتلي مفاجاة
اسيل، ربنا يهني سعيد بسعيدة يا محممممممممممد يا محمد
محمد، يا ماما انا في التربيزة اللي وراكي مش في اخر الدنيا
اسيل، معلش معلش فين الفطار
محمد، طب هيبقى على حسابي مقابل انك تغني
اسيل، مني عنيا الخضرا الحلوة ديه تبا لتواضعي
محمد، هو ده اللي باخدو منك ياختي
ذهب محمد لكي يحضر الطلبات.
احمد، اومال اخوكي الجحش فين
اسيل وهي تلكمة، اتكلم عدل جحش في عينك
احمد، الامير فين يا حجة
اسيل، هقولك بس متشتمش ومتسيحش
احمد، اخلصي
اسيل، هات ودنك علشان ديه اسرار بيوت
هدير، لا انا عايزة اعرف
اسيل، هش هش
ريتاج، لا مش هينفع
احمد، اخرصو
مد اذنة إلى اسيل
اسيل بهمس، راح الشركة عند ابو ريتاج يتقدم ويعمل الخطوبة معاكم
احمد، يا ابن ال.
اسيل، قولت متشتمش
احمد، بس
اسيل، لحد دلوقتي اه
احمد، ماشي سرك في بير يا عباس يا خويا.
اسيل، ههه تسلم يا ابو دومة حبيب قلبي
هدير، في إيه هاهاها
اسيل، هتعرفو بس مش دلوقتي بطلي فضول شوية
ريتاج، اومال امتى امتى
اسيل. وانا بقول انتي العاقلة مش الهبلة
محمد، خدي ياختي اياكشي يطمر
اسيل وهي تقطم قطعة، يا ابني مكنش حتة 4سندوتشات ومش ليا دول للاساتذة اللي قدامك
محمد، اطفحي وبعدين اتنيلي غني
احمد، اطفحي واتنيلي يا جدعان انتو متاكدين ان ديه كلية اعلام
هدير، منها لله
اسيل. هي إيه ديه.
ريتاج، الكوسة ياختي منها لله
اسيل، ههههههه يا لهوي فاكر يا احمد لجنة تانية ثانوي
احمد، ههههههه منك لله يا شيخة منك لله على اللي حصلي في اليوم ده
امير، هو إيه اللي حصل
احمد، هههههه اصل هههههه مش قادر.
اسيل، يلا يا موكوس اصل الافندي الاهطل كان معايا في اللجنة والمراقب كان اهبل تقريبا المهم احمد جة يغش قولت استندل وشاورت للمراقب طبعا احمد وشو جاب الوان كان فاكر اني هبلغ عنو المهم المراقب جة رحت سالتو الساعة كام راح قالي لو عايزة تغششية براحتك بس من غير صوت ولقيتلك اللجنة كلها فطست ضحك ومن ساعتها انا واحمد بقينا بنقل بعض وجبنا نفس التقدير.
ريتاج، صح وساعتها الناس كلها اتفاجات نفس الدرجات بس الاغبية هدير، وانا اللي كنت فكراك بتذاكر
اسيل، للحق كنا عاملين زي كده رضا
احمد، بالضبط ان احفظ النص الاول وهي النص الاخر
محمد، كفاية لوك لوك لوك يلا ابدئي
اسيل. ماشي هغني لجنات
محمد، ان شاء الله لو تغني لعدوية اهم حاجة صوتك وحشني
اسيل، ان شاء الله يخليك
محمد. انا بتكلم عن صوتك مش عنك
ريتاج، هههههههه يخربيتك
اسيل، بقى كده انا مش هغني.
محمد، ده انا ادفنك غني يا بت
اسيل، إيه ده انت بتشخط فيا طب مش لاعبه
محمد. حد يناولني خرزانة
اسيل، انت صدقت ولا إيه خلاص هتنيل اهو
اجتمع عدد صغير من الطلاب حول اسيل ليسمعو صوتها
اسيل...
قاعد وسطيهم وبتضحك، فرحانلي بنفسك
علشان صدقتك و بكدبك خلتني أحبك
مش أي حد يدق باب القلب نفتح
في ناس بتلعب لما نفتح قلوبنا تجرح
ودول خسارة اللوم عليهم مهما كان
صغيرين، يمكن كمان فاكرينها لعبة
ميعرفوش إن القلوب كسرتها صعبة.
شوف لما تيجي م اللي مديله الأمان
ودي مش رجولة انك تخون قلب حب
ياللي انت خليت الحنان والحب ذنب
و اهو درس واتعلمت منه كتير أنا
ودي مش رجولة انك تخون قلب حب
ياللي انت خليت الحنان والحب ذنب
وكتير عليك كل الحنان والحب ده
أيامي جاية وانت وقتك فات وعدّى
أصل اللي زيك مش بيفهم في الكلام ده
عايز الصراحة؟ خسارة فيك حتى السكات!
كل ما تتكلم بتصغر عندي أكتر
معرفش امتى يعني انت ف يوم هتكبر.
كان ليك في قلبي حُب و انت خليته مات
كانت اسيل تغني بابتسامة وتعطي امير نظرات جانبية كانت الاجواء متوترة بين احمد وريتاج وهدير من القلق اما امير فكانت اذنية تطلق صفير وعينية يخرج منها شرار فكانت تقصدة بهذه الاغنية حقا لقد اهانت رجولتة للمرة الثانية حلف في نفسة ليجعلها تتمني ان لم تفتح فمها انتهت اسيل من الاغنية صفق لها كل من في الكافتيريا
محمد، كفارة يا شيخة يلا مع السلام.
امير بحدة، انا عندي محاضرة سلام
غادر امير
احمد، يخربيتك إيه اللي انتي غنتية ده
اسيل، مالو
ريتاج، ديه مش رجولة ها
هدير، الواد واللهي ودانو كانت بتطلع دخان
اسيل، ميهمنيش يلا عندنا محاضرة دكتور جاسم
احمد، يلا ياختي
ذهب الجميع إلى محاضرته انتبهت اسيل إلى نظرات جاسم التي تظهر اعجابة الواضح بها انتهت المحاضره جائت اسيل لتخرج
جاسم، اسيل استني عايزك
احمد بهمس، هنستني في الكافتيريا.
اومات له اسيل عندما خرجو وجدو امير ينتظرهم عند الباب وعلى وجهه القليل من العصبية
احمد، يلا الكافتيريا في انتظارنا
امير، فين اسيل
ريتاج، دكتور جاسم عيزها في موضوع
امير باستغراب، موضوع! هو في موضوع بينهمو
هدير بتوجس، هو يعني
قاطعتها ريتاج بحزم، منعرفش وحتى لو في يبقى ربنا يهني سعيد بسعيدة برضو وهو ابن ناس وكويس
امير، انتي مجنونة ولا إيه انتي ناسية ان هي على ذمتي لسة ورايحة تحب.
ريتاج، يعني انتا عارف انها لسة على ذمتك ورايح تحب لا وتخطب كمان إيه حرام عليها وحلال ليك
((يالهوووي على القصف معلش يا حبيبي تعيش وتاخد غيرها ده انا هخلي البنات يربوك اصبر عليا ))
تركته ريتاج وسحبت هدير في يدها وذهبو رتب احمد على كتف امير
احمد، معلش بس هي صحبتها من زمان واللي انتا عملتو وحش ووحش اووي كمان.
وتركة احمد هو الاخر وغادر ذهب امير وفتح باب المدرج قليلا ليسمع ما يدور في الداخل فمهما حدث هي فتاته
جاسم، بصي يا اسيل باختصار ومن غير اي كلام كتير انا معجب بيكي من اول الترم اللي فات وانا عايزك بالحلال يا بنت الناس
اسيل بصدمة، بس يا دكتور انا كنت مخطوبة وك.
قاطعها جاسم، كنتي يا اسيل ماضي خلاص ميهمنيش
اسيل، اصل.
قاطعها للمرة الثانية، انا مش عايز جوابك دلوقتي فكري وصلي استخارة وربنا يقدم اللي فيه الخير.
لم ينتبهو اثناء حديثهم للذي يقف على الباب و وجهه الذي اصتبغ باللون الاحمر من شدة الغضب...
((يا جدعان انتو مصدومين كده ليه مش اول مرة اقفل الحلقة كده اتعودتو انتو على الحاجات ديه )).