رواية حب ودموع للكاتبة رهف سيد الفصل الحادي عشر
دفع امير الحساب وخرج وتفاجا عندما وجد اسيل تجلس على مقدمة سيارته
امير، انتي إيه اللي مقعدك هنا
اسيل، معيش مفتاح العربية وبعدين الجو حلو اووي
امير، ومجتيش وقولتي ليه
اسيل، بقولك الجو حلو يا امير
اعطاها امير مفتاح السيار، اتفضلي بس اخر مرة
اسيل، امير
امير، اسيل
اسيل، بطل لماضة لو سمحت
امير، لما تبطلي تجننيني هبقى ابطل انا كمان
اسيل، اوك يبقى لا انا ولا انت هنبطل لماضة.
ركبت اسيل السيارة وركب امير خلف مقود السيارة
امير، زعلتي مهو مينفعش تقعدي على الكبوت في بنت حلوة تقعد على الكبوت
اسيل، طب ما انا مكنش معايا مفتاح العربية والجو كان حلو
امير، خلاص بقى متزعليش تشربي كابتشينو
اسيل، لا موكا
امير، ههههههههه ماشي يا موكا ساقعة ولا سخنة
اسيل، لا طبعا ساقعة
امير، في الجو ده
اسيل. ده احلى وقت وبعدين انا بقى هعزمك على ايس كريم
امير، برضو في الجو ده
اسيل، ايوه
امير، ماشي يا ستي.
ذهب امير واسيل إلى احد الكافيهات وثم ذهبو واكلو الايس كريم عندما عادت اسيل كانت الساعة العاشرة مساء
اسيل، بجد اليوم ده كان حلو اووي
امير، ها تخرجي بكرة
اسيل، والله على المجهود اللي عملتو انهرده احتمال متشوفنيش في يوم الخطوبة
امير، هههههههه ليه كل ده يعني
اسيل. يا امير احنا مع بعض من عشرة الصبح دلوقتي عشرة بليل يعني 12 ساعة يعني نص يوم متصور انت ولا إيه.
امير، امممم يعني مش بطال بكرة تبقى معايا يوم كامل مش نص يوم
اسيل، تعالا اتعشي معانا
امير، انتي جعانه
اسيل، لا بس اكيد هلاقي ماما عاملة اكل
امير، لا يا ستي مش جعان
اسيل، اوك اشوفك قريب
امير، ان شاء الله
اسيل، لا الة الا الله
امير، محمد رسول الله تصبحي على خير
اسيل، وانت من اهل الجنة
((وانتو مرارتكو تتفقع عادي جدا ))
اخذت اسيل فستانها وشبكتها والورد الخاص بها دخلت المنزل وهي تحمل الاغراض.
كريم، ههههههه انتي اشتريتي السوبر مركت كلو وانتي جاية
اسيل، تعالا شيل مني الحاجات بدل ما انت ملكش اي 30 لازمة
كريم وهو ياخذ الاغراض، يا شيخة طب هاتي ياختي مش باخد منك غير لسان بس
هاله، إيه الحاجات ديه يا بنتي
اسيل، الفستان والشبكة و ورد
هاله، طب وريني
اسيل، بصي ديه الشبكة
هاله، انتي جايباها فضة
اسيل، كنت بس امير رفض فاشتريت دهب ابيض بس إيه رايك
هاله، لا حلوة.
اسيل، ودة فستان الخطوبة قعدت ساعة ادور على حاجة عدلة
عمر، ههههههه اكيد امير هو اللي كان تعبك
اسيل، قوي قوي يا عمورة تصبحو على خير
هاله، مش هتتغدي
كريم، تتغدى إيه ديه اكيد فطرت واتغدت وحلت واتعشت وشربت
اسيل، قل اعوذ برب الفلق ديه تصبحو على خير
صعدت إلى غرفتها اخذت حماما دافئا وارتدت ملابس مريحة للنوم فتحت موقعوها الخاص بها على الفيس بوك كتبت ما اجمل ان تقضي يومك مع من احببت.
ما اكملت ثانية حتى وجدت احمد معلق
احمد، ايوة بقى الله يسهلو يا عم
اسيل، انت تاني
وضعت هاتفها بجانبها ثم ذهبت إلى النوم بعد قليل دخل كريم الغرفة قبل راسها ودثرها جيدا وجد هاتفه يرن
كريم، الو يا ابو نسب
امير، ههههه ايوة يا حبيبي عامل إيه
كريم، انا كويس كده مش كنت تاخدني معاكم
امير. بطل تحشر نفسك في اللي ملكش فية
كريم، شكرا الله يسامحك
امير، اسيل نامت
كريم، اهي قدامي بس نايمة
امير، هو انا ممكن اسالك سؤال.
كريم، اتفضل
امير، يعني هو ليه انت واسيل بتنامو في اوضة واحدة وانتو كبار.
كريم، الصراحة اسيل وهي صغيرة سيبناها لوحدها في البيت والكهربا قطعت وهي قعدت تعيط لغاية ما اغمي عليها وفضلت سنتين تصحى مفزوعة من النوم وماما كانت كل يوم بتنام معاها ولما كانت تسيبها كانت بتصرخ انا اقترحت على ماما انها تفضل معايا في الاوضة واسيل وافقت حتى لغاية دلوقتي متعرفش تنام الا ونور الاباجورة مفتوح حتى من كام شهر هي كانت داخلة تنام وانا خضيتها قعدت تضربني وبعدين جت نامت في حضني علشان كانت خايفة.
امير، اه طب محاولتش تتخلص من عقدتها
كريم، حاولت كتير بس معرفتش بس الصراحة انا ببقى مبسوط وهي معايا في الاوضة لما تيجي تصحيك بعد ما تكون في احلى نومة وتقولك انا خايفة وبعدين تنام في حضنك تحس انك بتتعامل مع طفل عندو 7 سنين مش 23 سنة ولما تفضل تتكلم معاها لغاية ما تنام منها او هي تنام منك ولو انا نمت تيجي تغطيني وتطفي انوار الاوضة كلها الا الاباجورة برضو
امير، طب انت هتعمل إيه مع ريتاج.
كريم، اااااااه مش عارف واللهي بس ان شاء الله في اول فرصة تيجي هقولها وبعدين اتقدم
امير، ربك كبير
كريم، يا رب ها عايز تعرف حاجة تانية عن اسيل
امير، لا كفاية انهرده كده بكرة نكمل
كريم، ههههه ماشي تصبح على خير
امير، وانت من اهل الخير.
اغلق امير الهاتف ودخل إلى حسابة وجد منشورها في المقدمة وجد تعليق احمد ورد اسيل عليه ضحك عليهم وذهب في نوم عميق فكان بالحق يوما متعبا مرت عليهم الايام سريعا حتى جاء موعد عقد القرن كان الجميع مجتمع في منزل اسيل ما عدا جميلة التي تحججت بانها سوف تنتظرهم بالقاعة ولم تعرف بعقد القرن
امير، يا جدعان حد يشوف الماذون فين
كريم، مستعجل كده ليه يا خويا
احمد، اهو الماذون جه اياكشي تفتح بوقك.
بينما في الاعلى كانت السيدات تجلس في غرفة اسيل
زينب، بسم الله ما شاء الله قمر 14
هدير، قمر بالستر
اسيل، يا غلسة
ريتاج، سيبك منها ديه غيرانة علشان هتتخطبي قبلها
هاله، بس بزمتك هدير ولا جميلة
ريتاج، لا طبعا هدير هي ديه فيها كلام
زينب، اقولكو على حاجة انا قلبي مش بيحبها
هاله، ولا انا ولا ريتاج
اسيل، يا جماعة جميلة مش وحشة
هاله، خليكي عبيطة كده
ريتاج، هبلة
في هذه اللحظة دخل كريم.
كريم، مامتي يلا الماذون وصل تحت وعايز عباس
اسيل، انا جاهزة
كريم، مين ديه انا قولت عباس عن اذنكم بس احب اتعرف على المزه
اسيل، يلا يا حنفي
كريم، كده انا اتاكدت انك عباس يلا ياختي
نزل الجميع وقف امير يتحدث مع والد اسيل ولكن انتبه إلى ذلك الملاك الذي ينزل من الدرج بطوق الورد الموضوع على شعرها ومكياجها الخفيف استفاق على شرودة على صوت صفير قووي من احمد معلنا انبهاره.
احمد، احم احب اتعرف بالمز قريبتكم ديه بصي يا هدير انتي من طريق وانا من طريق وانتي يا مزة طريقك منين
اسيل، ههههه طب خلي بالك علشان المزة ديه ممكن متسيبكش الا جثة
احمد، مين عباس يا جدعان انتو بتهزرو انتي اسيل صبرت ونولت يا ابن المحظوظة سوري يا طنط
زينب، لا سوري إيه انا فعلا محظوظة
شريف، ههههه سيبكم من اسيل بصو للواد اللي متنح
نظر الجميع لامير وظلو يضحكو بقوة
امير، خلصتو يلا يا حضرة الشيخ نبدا.
ما ان رفع الماذون المنديل معلنا عن اتمام الزواج وقد انطلقت الزغاريد من السيدات معلنين فرحتهم اقترب كريم من ريتاج
كريم...
فتحت ريتاج عينيها على مصرعها من كلامة.