رواية حب ودموع للكاتبة رهف سيد الفصل التاسع عشر
اسيل بصراخ، اميييييييييير
نظر امير من المراه الجانبية واوقف السيارة وظل ينظر لها وكانت عينيه مليئة بالدموع ولكنه اكمل سيرة ركض كريم إلى اختة الملقاه على الارض واحتضنها
كريم، بس خلاص
اسيل، لا هو بيهزر صح اكيد بيهزر مش هيسبني صح
هاله، خدها يا كريم طلعها فوق
نهضت من مكانها وتوجهت نحو والدتها.
اسيل، ماما انتي حبيبتي صح مش ممكن تخبي عليا حاجة امير بيهزر صح هو الصبح قالي انو بيحبني ازاي هيقدر يسبني مش هيعرف قولي يا ماما صح مش هيسبني
هاله، اسيل اهدي يا حبيبتي
نفضت اسيل يديها، لا مش ههدي امير مش هيسبني
عمر، خدها يا كريم واطلع فوق
سحبها كريم إلى الاعلى وهي تبكي وبعد مدة كانت تجلس على فراشها تبكي وكريم بجانبها وفجاة فتح الباب ودخل منه اصدقائها بسرعة
ريتاج، في إيه مالك يا اسيل
هدير، بس بس متعيطيش.
اسيل، بيقولو ان امير عايزنا نطلق
شهق الجميع بقوة
اسيل، بس ده كدب امير مستحيل يسبني امير بيحبني
امسكها كريم من يدها واصبح يهزها بقوة، خلاص يا اسيل مبقاش في امير خلاص هو باعك مبقاش في امير
ريتاج وهي تحاول ان تفلت يده، خلاص يا كريم سبها هي مش قادرة.
كانت اسيل تنظر إلى كريم بصدمة والدموع فقط تنزل من عينها سحبها كريم إلى احضانة واصبحت تبكي بقوة ظل كريم محتضنها لكن دموعها اصبحت كالانهار ولم تجف اما عند بطلنا ظل يجوب الشوارع لا يعلم ماذا يفعل ظل يمشي بسيارته حتى رجع إلى منزلة دخل وجد والديه يجلسان وعلى ملامحهم الغضب الشديد
شريف، انت شرفت حمد لله على السلامة يا بية
امير، الله يسلمك يا بابا
زينب، إيه اللي انتا عملتو فمراتك ده
امير، عملت إيه قولت هنطلق.
شريف، طلاق اييية انت اتجننت احنا امبارح اصلا كنا هنقدم الفرح
امير، طب اعمل إيه يا بابا محصلش نصيب
زينب، سبحان الله اللي يشوفكم امبارح وانتو بتحبو في بعض وتحضنها وتبوس ايديها ويشوف وشك دلوقتي يقول إيه
امير، ماما لو سمحتي الموضوع ده يخصني
شريف، يعني إيه يخصك واسيل
امير، ايوة ده موضوعي انا واسيل ومحدش ليه دخل فية نتطلق نتجوز محدش يتكلم.
زينب، هو إيه اللي محدش يتكلم انتا واعي للي انتا بتقولو ده ولا انتا شارب ولا إيه حكايتك
امير و هو يصعد غرفته، ولا حكاية ولا رواية هو كده قدرنا
جلست زينب ودموعها تنزل، اه يا قلبي يا فرحة قلبك اللي اتكسرت يا بنتي انتي وابني منو لله السبب ربنا ينتقم منو حسبي الله
شريف، وهنعمل إيه في البنت ديه تلاقيها مموتة نفسها من العياط
زينب، منو لله يا حبة عيني عليكي يا بنتي.
مر اسبوع عليهم كانت اسيل لا تغادر غرفتها نهائيا ولا تاكل ولا تشرب والفتيات اصبحو مقيمين معاها في غرفتها كي لا تبقى وحدها وجهزت هاله غرفة لاحمد وكريم وفي يوم كان اصدقائها مجتمعين في غرفتها بينما الفتيات في الحمام مع اسيل كانت تفرغ كل ما في معدتها واحمد وكريم في الخارج ووالدتها تقف امام الغرفة
هاله، طب افتح يا كريم عايزة اشوف اسيل
كريم، يا ماما هي كويسة سبيها شوية
احمد، معلش يا طنط شوية بس.
احمد بهمس لكريم، انتو ليه مش عيزنها تدخل تشوفها
كريم، مش هتستحمل تشوف اسيل كده
اما في الداخل كانت اسيل تجلس على الارض والفتيات بجانبها يملسون على شعرها وظهرها
هدير، حرام عليكي يا اسيل كفاية كده
ريتاج، معلش يا حبيبتي استحملي شوية كمان.
بعد قليل ساعد الفتيات اسيل على النهوض وغسلو لها وجهها ما ان فتحو الباب حتى تقدم كريم ليساعدهم على نقلها للفراش كان وجهها اصفر وعينيها اصبحت حمراء مثل كتل الدم واصبحت نحيفة جدا
عمر. الدكتور وصل افتحو يا عيال
فتح كريم باب الغرفة وخرج هو واحمد بينما دخلت هاله مسرعة لتنظر إلى حاله ابنتها شهقت عندما وجدتها نائمة على الفراش لا حول لها ولا قوة ذهبت لها ريتاج واحتضنتها
ريتاج، معلش يا طنط استهدي بالله.
هالة، يا رب يا رب
الدكتور، لازم تتنقل مستشفي حالا عندها انيميا وفقر دم حاد وانهيار عصبي انا هتصل على الاسعاف حالا
جائت الاسعاف وحملت اسيل وذهبو بها إلى المشفى ظل الجميع منتظرها خارج غرفة الكشف رن هاتف ريتاج نظرت لهم ثم ابتعدت عنهم قليلا
ريتاج، السلام عليكم يا طنط
زينب، وعليكم السلام يا حبيبتي واللهي انا مش عارفة اقول إيه واللهي انا وشريف كل يوم بنتكلم مع امير على انو يقول في إيه مش راضي.
ريتاج، الشكوة لله يا طنط
زينب، واسيل اسيل عاملة إيه
ريتاج والدموع تنزل منها، تعبانة اووي يا طنط تعبانة
زينب، يا قلبي عليها منو لله السبب طب قولي لهاله ان احنا هنيجي انهرده انا وشريف
ريتاج، بس احنا مش في البيت
زينب، اومال
ريتاج، احنا في المستشفى
شهقت زينب بفزع، ليه اسيل حصلها حاجة
حكت لها ريتاج كل شئ
زينب، يا حبة عيني يا بنتي احنا جايين يا بنتي
ريتاج، ماشي يا طنط
اغلقت زينب الهاتف مع ريتاج
شريف، مالك.
حكت له زينب كل ما حدث
شريف، ولسة قاعدة قومي البسي خلينا نشوف اسيل يلا
بعد مدة وصل الاثنان إلى المشفى ذهبت زينب إلى هاله عندما راتها هاله وقعت في احضانها باكية
زينب بدموع، طب تعالي اقعدي يا حبيبتي
اجلستها زينب وبدات في تهداتها.
هاله، انا مش قادرة اصدق بقى هي ديه اسيل اللي كنت كل يوم ازعقلها واقولها اتهدي يا بنتي انتي مش بتتعبي دلوقتي القيها مرمية في المستشفى بين الحيا والموت بقى هي دي اسيل اللي كان البيت كلو بيضحك بسببها دلوقتي بقى كده يا عيني عليكي يا بنتي بنتي هتروح مني انا عايزة بنتي واللهي حرام ابقى انا قاعدة هنا طب ليه واللهي انا بنتي طيبة عمرها ما عملت حاجة وحشة في حد يا رب يا رب نجيها
زينب، استغفري ربك يا هاله.
هاله، يا رب اني لا اسالك رد القضاء ولكن اسالك اللطف فيه يا رب
اما في الجانب الاخر كانت الشلة تحاول تهدات كريم
احمد، ممكن تهدا بقى
كريم، ماشي بقى انا اختي مرمية في المستشفى بسببو وهو ولا هو هنا والمصحف ما هسيبو
هدير، يعني هتعمل إيه ممكن تقعد وتهدا شوية
كريم، اهدا إيه بقولكم اختى جوا بين الحيا والموت بسببو واللهي ما هسيبو
سمع حوارهم شريف توجه اليهم
شريف، السلام عليكم
رد الجميع ما عدا كريم.
كريم، لو سمحت يا عمي وصل لابنك ان اختي لو حصلها حاجة انا مش هسكت وهجيب عليها وطيها انا مش عارف انا اصلا ماسك نفسي لحد دلوقتي ليه خلي بس اختي تفوق واطمن عليها وسعيتها لينا كلام تاني
ريتاج، عيب كده يا كريم عمو ملوش ذنب.
كريم صارخا، وانا إيه ذنب اختي انها تبقى ضحية لابنو واية ذنبي وذنب عيلتي وصحابي ان اشوف اختي مرمية جوا ومحدش عارف يعملها حاجة وكلو بسبب مين بسبب ابنو اللي رماها على الارض ومشي ومحدش همو ثم اكمل والدموع بدات تنزل من عينيه اختي اللي كانت ضحكتها بتبقي من الودن للودن دلوقتي عنيها بقت حمرا بسببو اللي كان البيت كلو بيبقى نفسو يسكتها ودلوقتي نفسو انها تقول حرف واحد اللي كانت سبب في ان كل واحد فيكم يضحك بقت هيا دلوقتي اللي محتاجة تضحك ليه الزمن جية عليها قولولي ثم انفجر في البكاء.
هل صدقتم هذا لقد بكى رجل من اجل اخته جميعا نعلم ان الرجل لا يبكي سوا لفقدانة اقرب الاقربين ولكن ليس هنا المشكلة هل توقعتم ان اصدقائها جميعا ظلو يبكون حتى احمد التي عيناه بدات في انزال الدموع على حال صديقتة واختة اقترب شريف وضم الفتيان إلى حضنه وبدا يربت على ضهرهم وكانت الدموع سوف تنزل من عينية ولكن حبسهم فهو يريد ان يمدهم بالطاقة ليتماسكو
ولكن حقا كيف يمدهم بالطاقة وهو اصلا يحتاج الطاقة.