رواية حب مرفوض للكاتب عبد الرحمن أحمد الفصل التاسع
الظابط: ماشي بس متتأخروش علشان نقفل المحضر
احمد: حاضر
احمد يروح ل سلمى العربية
احمد بابتسامة: مش قولتك ماتخافيش
سلمى: والله انا كنت مرعوبة مش خايفة
احمد: وربنا ستر وانا كويس اهو
سلمى بابتسامة: الحمد لله انك بخير، انا كنت خايفة عليك اوي
احمد: خلاص يا حبيبتى مش هتخافي تاني، العصابة اتقبض عليها وكلهم هيدخلو السجن
سلمى: انا مش مصدقة ازاي عملتو كل دا وقتلتو الرجالة دي كلها لوحدكوا.
احمد: انتي اشتغلتي شغلة خالد في العين المدورة والا ايه
سلمى: ههههههههههههه انا كدا ماشي
احمد: ههههههه بهزر، انا بحبك
سلمى: وانا كمان بحبك
واحمد يحضن سلمى ويروحها وييروحو المستشفى ويشيلو الرصاصة من كتف خالد ويعالجوه ويروحو للمديرية.
في فيلا عاصم
عاصم: ايه، كل الرجالة ماتت وامجد مات
رامي: ايوة والورق اتسلم دلوقتي واكيد هيرفعوا الحصانة عنك وهيجولك
عاصم: طب اقفل، انا لازم اسافر دلوقتي
عاصم يقوم يجهز الشنط وكل حاجة تخصه وفجأة جرس الفيلا يرن
الشغالة تفتح الباب
الظابط: انت عاصم المصري
عاصم: ايوة، انتوا دخلتو هنا ازاي
الظابط: ممكن تتفضل معايا
عاصم: انتوا تعرفو انا مين انا عندي حصانة
الظابط: الحصانة اترفعت من على حضرتك، ممكن تتفضل بقا!
عاصم: حاضر، بس هجيب حاجة من جوا، ممكن؟
الظابط: اتفضل
عاصم يخش وفجأة يسمعو صوت ضرب رصاصة ويجرو يخشوا الاوضة ويتفاجئوا بعاصم على الارض وقتل نفسه.
في مديرية امن القاهرة
الظابط: احنا راجعنا الاسماء في الورق اللي بعتهولنا وكلهم اتقبض عليهم
احمد: طب كويس وعاصم المصري؟
الظابط: عاصم المصري انتحر
احمد: ايييه، امتى دا
الظابط: قبل ما يتقبض عليه
احمد: اه، خلاص ماشي يا باشا حضرتك محتاجنا تاني
الظابط: لا تقدروا تمشو بس امضوا هنا
احمد: حاضر.
في العربية واحمد وخالد وكريم راكبين
احمد: يااااااه زي ما يكون هم واتزاح
خالد: اه والله دا الواحد كان مش عارف ينام
كريم: كانت ايام سودة ربنا ما يرجعها
احمد: المصيبة دلوقتي عايزييين نذااااكر الامتحانات فاضلها شهر واحنا مذكرناش حاجة بسبب اللي كنا فيه دا
خالد: المحاضرات هاخدها من مي ونذاكرها كلنا مع بعض
كريم: عايزين ننجح السنة دي علشان عدى منها كتير واحنا مشغولين في الهم دا.
احمد: ماشي يبقى نتجمع بكرا في الكلية ونذاكر لما نرجع، مين موافق
كريم: انا موافق
خالد: وانا موافق
احمد: اشطا يلا بقا نرجع علشان جعاااان نوم، منمتش بقالي 3 اسابيع
كريم: ومين سمعك كلنا نسينا طعم النوم
خالد: انا بنام اساسا وانا بسمعكو
احمد: ههههههههههه يلا انزلوا يا اصحاب فقر وصلتو
خالد: ماشي اعم متزوقش بس
كريم: ههههههههههه.
سلمى بتكلم دارين على الموبيل
دارين: ايوة ياختي بقيتي تتخطفي وبقيتي مهمة اهو
سلمى: هههههههه بس يا كلبة انا مهمة من غير ما اتخطف
دارين: يا سلام على التواضع هههههه
سلمى: ثقة في الله نجاح
دارين: هههههه انتي قلبتي محمد رمضان كدا ليه
سلمى: انا محمد رمضان طب اقفلي يا كلبة
دارين: ههههههههه ماشي نتقابل بقا بكرا في الجامعة
سلمى: ماشىي يلا سلام
دارين: سلام.
مي بتكلم خالد على الموبيل
مي: حمدالله على سلامتك، انا كنت خايفة اوي عليك
خالد: الله يسلمك يا قلبي
مي: هى العصابة اتقبض عليها؟
خالد: لا خدنا استراحة وهنرجع نتخانق معاهم تاني
مي: بجد بقا مش بهزر
خالد: ما هو انتي بتسألي اسئلة غريبة الصراحة
مي: ههههههههههه خلاص مش هسأل تاني
خالد: ما هو انتي فاضية ياختي، انتي لو منمتيش اسبوعين ورا بعض زيي كان زمانك رايحة في سابع نومة دلوقتي.
مي: هههههههه خلاص روح نام ونبقا نتقابل بكرا في الجامعة
خالد: ماشي يلا سلام
مي: سلام.
كريم بيكلم دارين على الموبيل
كريم: ازيك يا دودو
دارين: الحمدلله، انا كنت قلقانة اوي عليك
كريم: قلقانة عليا والا على سلمى صاحبتك!
دارين: يعني انتو الاتنين
كريم: ولو كنت مت؟
دارين: بعد الشر عنك، متقولش كدا
كريم: ربنا يخليكي ليا ياااااااارب
دارين: ويخليك ليا يارب
كريم: امييين
دارين: يلا بقا سلام علشان هنام
كريم: سلام.
احمد بيكلم سلمى على الموبيل
احمد: كنت قلقان عليكي اوي لما عرفت انك اتخطفتي
سلمى: بجد!
احمد: لا بهزر، ايه اللي بجد، انا كنت هتجنن مش قلقان بس
سلمى: ههههههههه، انت بتحبني اوي كدا؟
احمد: بحبك اوي اوي اوي
سلمى: ربنا يخليك ليا
احمد: ويخليكي ليا يا روحي
سلمى: اه ماما زعلانة منك علشان متعشتش معانا
احمد: ههههههه الايام جاية كتير، وابقى اتعشى
سلمى: ماشي اما نشوف، يلا سلام
احمد: سلام.
احمد يقفل ويسيب الموب ولسى هينام، يلاقي رسالة وصلت، يفتح الرسالة ويكون النص كالأتى:
بجد مش عارف اشكرك انت وصحابك ازاي، انتوا سهلتوا عليا الطريق اوي وخلصتوني من العقبة اللي كانت قدامي، كدا اقدر استلم الشحنة بكل سهولة، سلام يا مغفليييين!
احمد بصدمة واندهاش: مغفليين!، مين دا، انا لازم اتصل بيه
احمد يتصل بالرقم وميردش ويحاول وميردش خالص وفي الاخر يقفل وينام وهو مش فاهم حاجة.
تاني يوم في الجامعة
سلمى: يالهوي تصدقوا انا حاسة ان الجامعة وحشتني
دارين: الجامعة توحشك بطلي هبل ياختي قال وحشتك قال
شهد: ههههههه لسى زي مانتو توم وجيرى
مي: الكلمة دي بتاعتي ابت انتي بتسرقي اقوالي والا ايه
شهد: ههههههه اقوالك ومعناها ايه دي بقا ان شاء الله
مي: وكمان حمارة مش فاهمة ههههه
شهد: انا حمارة يا كلبة
سلمى: هههههههه مين بقا اللي توم وجيرى.
دارين: وربنا اللي يشوفنا كدا يقول لسة طالعين من كي جي تو
الكل: ههههههههههه
احمد واقف مع خالد و كريم وحكالهم ووراهم الرسالة وكلو مندهش
خالد: معنى كدا ايه يعني، مش فاهم حاجة
كريم: اظن الرسالة باينة، واضح اننا ساعدناهم من غير ما نقصد
احمد: نساعد مين، احنا قضينا على العصابة ورئيس العصابة عاصم انتحر ومات!
خالد: معنى كدا ان عاصم دا كان مجرد واحد وعايزين يخلصو منه لانه على ما اظن كان واقف في طريقهم.
وهياخد شحنة المخدرات منهم ولما احنا كشفناه ومات ساعدنااااهم!
كريم: نعم!، اللي عملناه كل دا كان مساعدة ليهم
احمد: ازاااااي، انا هتجنن ولو فلا فيه كدا، مين دا
خالد: دا اكيد حد يعرفنا لان سياق الرسالة يدل انه كان متابع ومعانا لحظة بلحظة
كريم: طب ميييين!
احمد: بصو بقا انا مش مستعد اضيع وقت تاني، يعملو اللى يعملوه احنا ورانا امتحانات وعايزين نذاكر
خالد: كلامك صح، الامتحانات قربت ومذكرناش كلمة.
كريم: ماشي موافق بس انتو ناسين حاجة
احمد وخالد: ايه!؟
كريم: لو فعلا حد كان معانا علشان كدا السياق بتاع الرسالة بيدل انه حد كان معانا لحظة بلحظة، يبقى في حد بينا هو المستفيد بكدا و هو اللى بعت الرسالة ومصدق خلص من عاصم
احمد: حد بينا، ازااااي، مش معقولة احنا كلنا نعرف بعض وعمر ما انت او خالد تعملو كدا
خالد: امال مين، على العموم ملناش دعوة، زي ما احمد قال ورانا امتحانات.
كريم: ايوة يلا بقا علشان المحاضرة هتبدا
احمد وخالد: يلا بينا.
في مكان مجهول
الشخص 1: يا باشا الشحنة احنا اتفقنا عليها بعد موت عاصم و هناخدها
الشخص 2: كويس اوي، البضاعة عايزها تتسلم في معادها
الشخص 1: بس انت واثق من ان مفيش مشاكل هتقابلنا
الشخص 2: واثق زي ما واثق اني بكلمك
الشخص 1: ماشي كويس، بس احمد وصحابو لو عرفو؟
الشخص 2: عمرهم ما هيشكو ان انا، دول اغبية وهيطنشوا
الشخص 1: متأكد
الشخص 2: ايوة.
في الجامعة سلمى ودارين ومي قاعدين في المحاضرة
دارين: اووووف انا بكره الدكتور دا اوي
سلمى: ومين سمعك، انا مش بطيقو
مي: اسكتوا دا شافكوا وجايلكو يا جزم
الدكتور جيه ويقول: انا كنت بقول ايه
سلمى: احم هو حضرتك قلت حاجة؟
الكل يضحك
الدكتور: لا والله انا بنبح صوتي وانتي تقولي مقولتش حاجة
دارين: مش قصدها خالص الله يحرقك. هي قصدها انها مفهمتش الحتة دي
سلمى: اه فعلا مكنتش فاهماها.
الدكتور يتعصب ويرجع تاني وسلمى تطلع لسانها ويلف فجأة وهي تتعدل وترتبك وتبتسم
شهد: ههههههههههه الله يحرقك يا مصيبة
دارين: هههههه كنتي هتودينا في داهية الله يحرقك بجاز يا بعيدة
سلمى: ههههههههههه اسكتي بقا ليجيلنا تاني
دارين: سكت اهو.
احمد: اووووووف ايه الملل دا بحاول افهم اللي مكتوب دا ومش عارف افهم حاجة
خالد: والله وانا حاسس اني بقرأ طلاسم
كريم: ايه دا اجدعان احنا مش كفار
احمد: نهااار اسود، احنا لازم نفهم دا ايه، هنسقط ياخوانا
خالد: هههههه ادينا بنحاول نفهم ولو حد فهم حاجة من الكلام الفارغ دا يفهم الباقي
كريم: مش لو فهمنا
خالد: يا اخي بقول لو ودا حرف امتناع الامتناع
احمد: ايه، امتناع النعناع!
كريم: ههههههههههه دا احنا هنتنعنع في الامتحان والله.
احمد يشوف سلمى ويروحلها
احمد بحب: وحشتيني
سلمى: كداب، انت لسى شايفني امبارح
احمد: انتي بتوحشيني وانتي معايا
سلمى: امممم وانت كمان
احمد: ايه مشوفتكيش الصبح يعني
سلمى: اسكت دا انا كنت هتطرد من حصة دكتور شعلة النهاردة
احمد: ههههههه هار اسود دا خنيييييق
سلمى: خنيييق اوي
احمد: هههههههه الله يكون في عونك
احمد واقف بيتكلم مع سلمى وفجأة خالد يناديه ويبص يلاقي هاني واقف مع خالد وكريم ووشهم متغير.
احمد لنفسه: هاني! ايه اللي رجعه تاني!؟
هانى كان زميل احمد وخالد وكريم وكان متخانق معاهم وكان فيه مشاكل ما بينهم ومن فترة واحمد وكريم وخالد مبيكلمهوش خالص
احمد: ازيك يا هاني، ايه اللي جابك؟
خالد: اسمع منه الاول يا احمد
احمد: فيه ايه
هاني: انتوا فاكرين ان العصابة كدا خلصت، بالعكس دا فيه عصابة اكبر واكبر وكانوا واخدينكو وسيلة علشان يخلصو من عاصم المصري ويخدو منه صفقة المخدرات، ودلوقتي بيستعدوا علشان يستلمو شحنة
المخدرات.
احمد: ومين بقا صاحب العصابة دي
هاني: اللي اعرفه انه مهندس كمبيوتر وهكر كبير وياما نصب على ناس واسمه مش فاكره اوي، هو باسم
او صابر او...
احمد: ياسر؟
هاني: ايوة يااااسر
احمد وكريم وخالد يتصدموا ويبصو لبعض في دهشة
احمد: بس كدا وضحت، ياسر كان بيساعدنا علشان يخلص من عاصم وياخد هو شحنة المخدرات...
ياااااااه
كريم: ازاااااي مشكناش فيه، دا احنا فعلا زي ما قال مغفلين.
خالد: علشان كدا عرفو مكان الشقة واللي هجم على الشقة مش رجالة عاصم، دول رجالة ياسر علشان نقول عاصم هو اللي قتل ونفضل وراه لغاية ما نوقعه وفعلا وقعناه وياسر هو دلوقتي مستريح!
احمد: كدا وضحت اوي واتكشف
هاني: بس هنعمل ايه؟
احمد: مش عارف، احنا ما صدقنا خلصنا من حاجة ونخش ف حاجة اكبر
كريم: فعلا دي حاجة ميتسكتش عليها
خالد: طب عاصم مسكنا عليه ورق علشان كدا وقع، امال ياسر ده هنوقعه ازاي.
احمد: المصيبة مش في كدا، المصيبة انه هيستلم شحنة المخدرات في اي وقت واحنا منعرفش هو فين ولا هيستلمها فين وامتى!
كريم: اووووف ايه اللخبطة دي بقا؟
احمد: اه صحيح يا هاني انت عرفت كل المعلومات دي ازاي؟
هاني: من رؤوف صاحبي اصل هو شغال معاه وعرض عليا اشتغل معاه وانا رفضت و جيت اقولكوا
احمد بتفكير: طب رؤوف دا الاقيه فين؟
هاني: عنوانه اهو، انا هاجي معاكو
احمد: خلاص نروحلو بعد الجامعة
خالد وكريم: ماشي.
دارين: بقولك اسلمى انا مش فاهمة حاجة من الكتاب دا
سلمى: هاتي، بوصي دي اصلها دي والحل في الصفحة دي
دارين: يا دحيحة يا كلبة، عرفتيها منين
سلمى: الله اكبر، خمسة ف عينك
دارين: ههههههههه دحيحة بردوا، يعني كنتي مخطوفة وعارفة المعلومات دي كلها، لييييه العصابة كانو بيدوكي الكتب تذاكري
سلمى: يلا يا جزمة من هنا بدل ما اضربك
دارين: ههههههه حاضر متزوقيش بس كدا.
مي مع خالد
مي: مالك وشك متغير؟
خالد: لا مفيش
مي: لا فيه باين عليك اهو، قولي فيه ايه
خالد: العصابة ياستي طلع فيه غيرها وهيسلموا مخدرات وحاجة وجع دمااااغ
مي: وانت مالك ما تطنشوا بقا وملكوش دعوة
خالد: مينفعش، قطعنا الطريق من الاول يبقى لازم نكمل
مي: انا خايفة عليك، مش عايزاك تروح مني يا خالد
خالد: متقلقيش يا حبيبتي كل واحد بياخد قدره، وبعدين هخلص امتحانات السنة دي وهتجوزك يا مي
مي بفرحة: بجد.
خالد: ايوة بجد
مي: انا بحبك اوي يا خالد
خالد: وانا اكتر يا مي.
كريم مع دارين
كريم: تصدقي لما بكون مضايق وبشوفك بفرح وبنسى الضيق
دارين: وانا من ساعة ما عرفتك وانا حسيت انك كل حاجة ليا
كريم: ربنا يخليكي ليا، اه صحيح انا هخلص امتحانات وهاجي اخطبك ولما تخلصي نتجوز
دارين بفرحة: بجد يا كريم
كريم: ايوة بس ادعيلنا نخلص السنة دي علشان مذاكرتش ولا كلمة
دارين: هههههههه، ذاكر يا حاج هتسقط
كريم: فولي عليا بقا
دارين: هههههههههه
كريم: بتضحكي على ايه
دارين: بصراحة شكلك يضحك اوي.
كريم: وربنا بضحك، اقدم بلياتشو بقا السنة الجاية
دارين: ههههههههههههههه وربنا مسخرة
كريم: يلا يا بت من هنا.
احمد مع سلمى
احمد: دي سنة فقر
سلمى: ليه
احمد: مذاكرتش كلمة ولما بحاول اقرأ واذاكر مبفهمش كلمة
سلمى: ليه هو شعلة اللي بيديكوا
احمد: يا شيخة افتكريلنا سيرة عدلة، شعلة مين بس
سلمى: ههههههه شعلة دا وربنا مسخرة، بحضر المحاضرة علشان اضحك عليه بس.
احمد: دا ملل اوي، دنا مرة زهقت من المحاضرة علشان طولت اوي وهو ملل روحت رامي القلم من الزهق راح جيه في دماغه من غير ما اقصد فضل يتوجع وماسك دماغه وعمال يسأل مين اللي حدفه وكلنا
ميتيييين من الضحك
سلمى: هههههههههههه احسن يستاهل.
كله يخلص ويتجمع احمد وكريم وخالد وهاني ويروحو ل رؤوف ويخبطو على الباب ويفتح
رؤوف: مين دول يا هاني
هاني: دول صحابي، ودول اللى كشفوا عاصم المصري
رؤوف: يا نهار اسود انت قولتلهم اللي قولتهولك
هاني: ايوة
رؤوف: ياعم انت غبي
احمد: بص بقا يا اخ رؤوف، انت هتدلنا على مكان ياسر وميعاد استلام الشحنة في السريع كدا
رؤوف: انا معرفش حاجة ومعرفش حد اسمه ياسر
احمد: اه انت شكلك هتتعبنا.
احمد يقوم يمسك رؤوف من القميص ويقوله: هتقول على كل حاجة والا اوديك في داهية والبسك القضية معاه
والا تقول وتبقى بعيد عن اللي هيحصل؟
رؤوف بخوف: خلاص خلاص هقول كل حاجة بس اوعدوني ان محدش يعرف اني قلت حاجة وابقا بعيد عن القضية
احمد: اوعدك، اتكلم بقا
رؤوف: حاضر.
رؤوف: هو دلوقتي قاعد في العنوان ده ، والشحنة هتتسلم اول الشهر الجاي
احمد: امتى يعني؟
رؤوف: معرفش بس لسى متحددش ميعاد
احمد: خلاص، بس ياسر ميعرفش اني جيت هنا، ماشي؟
رؤوف: ماشي
رؤوف يغمز لهاني وهو ماشي واحمد ياخد باله.
احمد وكريم وخالد وهاني ينزلو من بيت رؤوف و يمشو شوية واحمد يقف ويمسك هاني من قميصه ويزقه ويقوله انت تبعه صح؟، قوووووووول ويضرب فيه وخالد وكريم يحوشو
خالد: فيه ايه يا احمد
احمد: ما ترد انت يا هاني، رؤوف كان بيغمزلك ليه، انا كنت حاسس انها لعبة علشان توقعونا...
انطق!
هاني: خلصت اللي عندك؟، احب اعرفك بقا ان رؤوف على طول كدا واحنا ماشين او انا مروح يغمزلي.
، عادي هو صاحبي ودي عوايده وانت مش هتعرف صاحبي اكتر مني
احمد يسيبه ويقول بزهق يلا انا عايز اروح انا زهقت
كريم: اهدى يا احمد، انت شكلك تعبان، استريح
احمد بزهق: طب يلا.
سلمى بتكلم دارين على الموبيل
سلمى: يابنت الايه ومقولتليش ان كريم بيحبك ليه
دارين: كنتب انتي مخطوفة ساعتها، ونسيت
سلمى: يعني اعترفلك؟
دارين: ايوة وقالي انه هيخطبني بعد الامتحانات
سلمى: ايوة ياختي حبي حبي
دارين: مش زيك ياختي، دا انتي استاذة
سلمى: هههههههه بطلي يا بت، روحي ذاكري الامتحانات قربت
دارين: ماشي يا سلمى بس تون
سلمى: ايه!
دارين: راح وجيه هههههههه.
سلمى: تصدقي انا غلطانة انب بكلم واحدة زيك، اقفلي يا جزمة
دارين: هههههه ماشي.
في فيلا احمد
خالد: مالك يابني
احمد: مش عارف، حاسس ان الموضوع دا فيه ان
خالد: مش فاهم، ازاااي يعني
احمد: مش مستريح ل هاني و حاسس ان وراه حاجة
خالد: حاجة زي ايه!
احمد: الله اعلم، بس حكاية انه يجي مرة واحدة كدا ويحذرنا ويقولنا ياسر ومش ياسر والكلام دا، مش داخل دماغى
خالد: ما هو مقدمناش حل غير اننا نروح لياسر بكرا ونشوف بقا هيحصل ايه
احمد: ماشي، كويس ان بكرا اجازة علشان نعرف نروح بدري.
خالد: اه يلا انا همشي وريح انت علشان هنتقابل الصبح بدري
احمد: حاضر.
مي بتكلم شهد على الموبيل
مي: بس بردو مش متطمنة، خايفة اوي عليه
شهد: ان شاء الله مفيش حاجة، وبعدين انتي المفروض تفرحي علشان هيتجوزك
مي: ربنا يستر
شهد: ياااارب.
تاني يوم الصبح
احمد: يلا يا خالد علشان نعدي على كريم نجيبو
خالد: ماشي يلا
احمد وخالد يعدو على كريم بالعربية وياخدوه ويروحو ل عنوان ياسر
خالد: متاكد من العنوان
احمد: المفروض دا العنوان اللي اداهولنا الزفت رؤوف
كريم: هنطلع ونشوف
احمد وخالد وكريم يطلعو ويخبطوا وياسر يفتح
احمد: اهلا اهلا ب ياسر ازيك يا راجل، متسألش كدا؟
ياسر: انا بردو اللي مش بسأل، ماشي هعديهالك بس ايه سر الزيارة الجميلة دي.
احمد: يا راااجل بقا مش عارف احنا جايين ليه
ياسر: ايه شغل الافلام والفوازير دا يا احمد ما تتكلم ياعم
احمد: مكنتش اتوقع انك تكون بتعمل كدا علشان تخلص من عاصم وتستولي انت على شحنة المخدرات
ياسر: ايه اللي بتقوله دا يا احمد، ما تفهمني!
احمد: شغل الاستعباط دا مش معايا
ياسر: انت شكلك اتجننت يا احمد ولو فاكر ان ليا علاقة باي عصابة والا اللي في دماغك دا تبقى غلطان واللي.
عايز يوقعك بيا علشان يبعد الشبهة عن نفسه روح شوفه
احمد: ياسر، انت بجد ملكش علاقة
ياسر: والله ما ليا دعوة يا احمد، افهم بقا
احمد: امال مين؟
ياسر: اللي قالك الكلام دا بيلعب بيك
كريم: انا فعلا كنت شاكك في هاني دا
ياسر: وانت يا احمد ما كنتش شاكك فيه
احمد: انا اول واحد مكنتش مصدقه
ياسر: هاني دا اكيد شغال عند حد والحد دا قاله يروح يعمل كدا علشان يبعد الشبهة عن نفسه ويبقى في الامان
خالد: ودا يبقى مين؟
ياسر: واضح انه حد قريب اوي منكم وبالاخص احمد
احمد: انا؟، هيكون مين!
احمد وكريم وخالد وياسر يفضلوا يتكلمو وميوصلوش لحل في الاخر.
احمد وكريم وخالد يروحو ل هاني بسرعة ويخبط على الباب ويفتح ويزقه ويوقعه على الارض
احمد: انطق يلا مين باعتك
هانى: ايه اللي بتقوله ده؟
احمد: بقولك مين اللي باعتك، انطق
هانى: محدش باعتني، بطل هبل
احمد بعصبية: انت هتقول مين باعتك والا ادفنك مكانك
هاني: واضح انك بتشك في نفسك
احمد يضرب فيه وكريم وخالد يحوشوه وهو بيضرب ومش عارفين يمسكوه
احمد: انطق بقولك!
هاني بيكح: حاضر حاضر.
تتوقعوا مين اللى بعت هانى وهو اللى هيستلم الشحنة؟
احمد: انطق بدل ما اموتك
هاني: اللي بعتني ليك هو الجمال باشا
احمد: اييييه، الجمال دا والدي؟
هاني: ايوة هو
احمد: طب اهدى كدا واحكيلي كل حاجة
هاني: حاضر، من زمان والجمال باشا حاطط عينه على شحنة المخدرات وكان بيقول عليها صفقة العمر
وكان خلاص هيتفق عليها لغاية ما دخل عاصم في الموضوع وبقا فيه صراع بينهم والجمال باشا كان عايز.
يخلص منه باي وسيلة ممكنة ولما حصل انك انت وكريم ومحمد وخالد دخلتو في الموضوع الجمال باشا قالي
سيبهم واحمد ابني راجل وهيقدر يوقعه ويخلصنا منه وانا قولتله وافرض مقدرش عليه قالي لا احمد اصلا من زمان وهو عنده حس بوليسي وهيعرف يوقعه وفعلا هو اللي حصل والجمال باشا حاول يحميك باي شكل لكن
في الاخر دا اللي حصل
وهيستلم شحنة المخدرات الاسبوع الجاي، ونسيت اقولك.
انا ابقى دراعه اليمين وكنت بحميك منهم باي شكل وكذا مرة كنت هتموت واحنا انقذناك ودي اوامر الجمال باشا
احمد: ياااااااه دا كله!، ابويا انا كان بيعمل كل دا وكان هيبقى سبب في موتي، ازااااي معرفش كل دا
هانى: انا قولتلك كل حاجة عايز تعرفها
احمد بحزن: ماشي هسيبك لانك ملكش زنب، اللوم على السبب في كدا.