رواية حب مرفوض للكاتب عبد الرحمن أحمد الفصل العاشر والأخير
في الطريق
احمد: ابوياااا؟، طب ودا احاربه ازاي والا اوقفه ازاي ده ابويا!
خالد: الحكاية اتعقدت اوي
كريم: وهنعمل ايه بس
احمد: مفيش حل غير اني اروحله
خالد: وانت لما تروح هتغير ايه!
احمد: انا ابنه الوحيد واكيد لما اكلمه هيقتنع
كريم: وتفتكر انه هيفرط في صفقة زي دي؟
احمد: والله ما اعرف، الحل اني اروح واللي يقدموا ربنا خير
خالد: ياااارب.
كريم مع دارين على الموبيل
كريم: ايوة يا دارين
دارين: ايه يا كريم انت مش قولتلي انك هتخرجني النهاردة علشان اجازة
كريم: معلش يا حبيبتي كنت في مشوار كدا وجايلك اهو
دارين: ماشي متتأخرش
كريم: حاضر، يلا سلام
دارين: سلام
احمد: يابني دا وقت حب
كريم: بس انت متتكلمش دا انا متعلم منك
احمد: ههههههه هو كل ما اكلم حد يقولي انه متعلم مني
خالد: اه انت، استاذ احمد في الحب هههههههه
احمد: طب يلا يا رخم انت وهو.
خالد: ادينا اتقابلنا اهو زى مانتي عايزة
مي: يا خالد انا مش متطمنة للي بتعملوه دا، شغل العصابات دا اخره وحش وانت مش قده
خالد: يا مي قولتلك كذا مرة، مفيش حاجة هتحصلي غير اللي ربنا مقدرها
مي: بس برده سيبك منهم، ده ميطمنش
خالد: متقلقيش انا عارف انا بعمل ايه وبعدين انا مشوفتكيش بتضحكي بقالك فترة، وحشتني ضحكتك
مي وبان على وشها ابتسامة كبيرة
خالد: ايوة كدا اضحكي وحشتني ضحكتك
مي: اهو ضحكت
خالد: قمر وربنا.
في شركة الجمال
الجمال: اهلا اهلا بأبنى اللي مش بيسأل على ابوه
احمد: ازيك يا بابا
الجمال: الحمد لله، بقا الفترة دي كلها مشوفكش
احمد: ما انت مشغول ومش فاضيلي اصلا
الجمال: مين قال كدا انا بعمل كل دا علشانك
احمد: علشاني، ولو كنت مت؟
الجمال: بعد الشر عنك يا احمد، ايه اللي بتقوله دا
احمد: بتكلم عن صفقة المخدرات اللي انت كنت بتنافس عاصم عليها وانا كنت طريق علشان تخلص من عاصم.
وميهمكش اموت والا اعيش، المهم المخدرات
الجمال: مين قالك الكلام دا؟
احمد: مش مهم مين قلي، المهم ان الكلام دا حصل، صح؟
الجمال: بص يا احمد، انا بعمل كل دا علشانك انت علشان متتعبش التعب اللي تعبته في حياتي علشان ابقى
البني ادم اللي قدامك دا، وانا كنت بحميك وانت متعرفش وكنت واثق انك هتنجح في دا وفعلا نجحت
احمد: بس مش بالمخدرات، عايز تعيشني بفلوس حرام!
الجمال: مين قال كدا، تجارة المخدرات مش حرام.
احمد: ومين الشيخ اللى فهمك كدا بقا؟
الجمال: يابني افهم انا بعمل كل دا علشانك
احمد: وانا مش عايزك تتاجر في دا، فيه الاف الشباب بيدمنو الزفت دا وفيه كتير اوي بيموتوا بسببه
الجمال: يابني انا مستعد اسيبه بس الصفقة دي لو سبتها هنبقى ف خطر وكل واحد هيتخانق عليها، وساعتها
هتيجي مافيا كبيرة وهتاخدها بس بعد ما تخطي بحووور دم
احمد: يعني انت مصر؟
الجمال: للأسف ايوة وكمان فيه منافسين وناس هيحاولو ينتقموا وانا خايف عليك ليقتلوك وينتقموا مني فيك
احمد: لا متقلقش على الاقل لو مت هموت بشرفي لكن انت الله اعلم بالمخدرات دي هتكون ايه، يلا سلام
ولما تفهم كلامي وتوافق عليه ابقى كلمني.
احمد يقابل سلمى
سلمى: مالك، حساك متضايق!
احمد: لا مفيش بس فيه حاجة مزهقاني شوية
سلمى: وايه دي
احمد: لا متشغليش بالك، المهم انتي عاملة ايه
سلمى: انا كويسة بس انت اللي شكلك مش كويس
احمد: سلمى، متسبنيش انا مخنوق اوي وحاسس اني لوحدي علشان خاطري خليكي جمبي
انا حاسس ان الدنيا بتلف بيا وتعبان اوي
سلمى انا محتاجك جمبي وتسانديني، انا حاسس اني همووت
سلمى بدموع: انا جمبك ومش هسيبك يا احمد، مهما حصل
احمد: توعديني.
سلمى بحب: اوعدك يا احمد
احمد وسلمى يحضنوا بعض وفى اول مرة احمد يحس بأمان وسلمى تحس بأمان وحب احمد ليها بجد.
دارين مع كريم
دارين: الله المكان دا حلو اوي، انا كنت باجي هنا بس اول مرة احس انه حلو كدا وانا معاك
كريم: الله على الكلام الحلو، استني بس لما نخلص وهوديكي اي حتة انتي عايزاها
دارين: ربنا يخليك ليا يااارب يا كريم
كريم: ويخليكي ليا يا عيون كريم
دارين: طب يلا عايزة اروح هناك واتصور
كريم: ماشي يلا بينا نروح.
في مكان مجهول
قاسم: انا بدي هيدي الشحنة وابدا ما رح اسمح لاي حدا ياخدا مني
ذياد: متقلقش يا باشا الصفقة دي هتكون ليك انت وبس
قاسم: واللي اسمه الجمال هيدا، شو بنعمل فيه
ذياد: اللي تأمر بيه بس خلي بالك دا غني اوي وعليه حراسات جامدة وليه منصب كبير
قاسم: ولو انا لازم اخد هيدي الصفقة منه ولو اضطريت اقتله
ذياد: طب تأمر بأيه
قاسم: نفذ يلي قلتلك عليه هلأ
ذياد: اوامرك يا باشا.
قاسم لبناني وواخد الجنسية المصرية وبيتكلم باللبناني وبيتكلم مصري قليل اوي، قاسم صاحب مافيا كبيرة لتجارة الاعضاء وتجارة المخدرات وعايش في مصر.
خالد: هاتي يلا الصورة
مي: طب نتصور واحدة تانية، دي مش عاجباني
خالد: طب هاتيها ونتصور واحدة كمان
مي: ماشي خد اهي، بص انا عايزة صورة على الالبوم دا
خالد: ماشي يلا
مي: اوك.
احمد قاعد مع سلمى والموبيل بتاعه يرن
احمد: ايوة يا هاني، ايييييييه، انا جاي حالا
سلمى: فيه ايه يا احمد
احمد بدموع: قتلو ابويا يا سلمى، قتلوووووه
سلمى: طب استنى انا جاية معاك
احمد: ماشي.
خالد مع مي
خالد: كل الصور اهي يا ستي، بس انتي عايزة كل الصور دي ليه
مي: علشان لما توحشني اتفرج عليهم
خالد: ههههههههه وربنا مجنونة
موبيل خالد يرن
خالد: ايوة يا احمد، بتقول ايه!، انا جاي حالا
مي: فيه ايه يا خالد
خالد: لقوا الجمال والد احمد مقتول في شركته
مي: ايه، مش قولتلك دول عصابة
خالد: مش وقته، انا لازم اروح ل احمد دلوقتي على هناك.
في شركة الجمال
احمد: حصل ايه يا هاني
هاني: كان الشغل عادي والجمال باشا بعتني اروح اقفل حسابات وجيت لقيته بالمنظر دا والمصيبة ان الكاميرات
كلها اتقفلت في الوقت اللي الجمال باشا والدك اتقتل فيه
احمد: يعني ايه، ابويا مات ومنعرفش مين موته
الظابط: تتهم مين يا احمد بيه
احمد بحزن: اتهم مين، معرفش حد، هو اللي كان يعرف وكان متوقع يحصل دا، مين بس اللي عمل كدا..
ويتعصب: ومش انتوا المفروض اللي تعرفوا مين قتله.
الظابط: اهدى يا احمد بيه احنا هنعمل كل التحريات وهناخد كل اقوال اللي شغالين هنا وهنعرف مين اللي عملها
احمد: نفس الكلام مش بيتغير ومش بتجيبو حاجة
هاني: خد يا احمد بس وسيبهم يشوفوا شغلهم وان شاء الله هنعرف مين عملها
خالد يوصل
خالد: ايه اللى حصل يا احمد
احمد: قتلوا ابويااا يا خالد
خالد: البقاء لله بس اهدى كدا، كلنا هنموت يا احمد
احمد: بس مش مقتولين يا خالد
خالد: فعلا دي مافيا كبيرة اوي وبتلف علينا.
احمد: مش هسيب حق ابويا، مش هسيبه
كريم يوصل
واحمد يحكيلو ويفضلو يتكلمو كلهم
ويخلصو ويعملو العزاء وياخدو العزا كلهم ويفضلو موجودين لغاية ما ال 3 ايام العزاء يخلصوا
احمد وكريم وخالد وهاني بيتكلموا بعد ما العزاء خلص وواقفين واحمد وهو واقف يلاحظ واحد من بعيد بيراقب العزاء وبيبص عليهم
احمد يخرج في هدوء ويطلع يجري وراه والشخص ده يجري واحمد يطاااارده ويخش في شوارع ومناطق.
واحمد وراه ويجري في كل مكان واحمد وراه لغاية ما يمسكه ويضرب فيه جامد ويوقعه على الارض
احمد: انت مييين يلا ومين باااعتك، انطق!
الشخص: محدش بعتني
احمد يضربه تاني: انطق مييين
الشخص: معرفش
احمد يقوم يضرب فيه جامد لغاية ما الشخص يقول، هتكلم خلاص هتكلم
احمد: مين باعتك
الشخص يبدأ يتكلم ويقول على قاسم واحمد يقررو ويعرف مكانه ويعرف كل حاجة ويسيبوا ويحكي كل حاجة لهاني وكريم وخالد.
في مكان مجهول
قاسم: كيف هيك بصير؟، الشخص هيدا يلي بعتوه لازم يموت
زياد: هو فعلا مات بعد ما اعترف ل ابن الجمال على كل حاجة
بس الحل ايه
قاسم: شو الحل، شو الحل!
زياد: نقتل ابن الجمال علشان نخلص من دوشته!
قاسم: وبتعتقد هيدا حل جذري؟
زياد: ايوة يا باشا
قاسم: بس ما بدي اي اثر بتعملو مثل عملية قتل الجمال
زياد: اوامرك يا قاسم بيه.
احمد مع خالد وكريم
احمد: مش قادر اصدق، ابويا يموت كدا!
خالد: معلش يا احمد كل حاجة مكتوبة ومتقدرة
احمد: لا وكمان مافيا وصاحبها واحد لبناني، انا مش عارف اية اللي بيحصل دا
كريم: وهنعمل ايه في المصيبة دي، دي مافيا كبيرة
احمد: ولو، مش هسيب حق ابويا ابدا
خالد: واحنا معاك يا احمد حتى لو هنموت
كريم: ايوة يا احمد احنا معاك
احمد: بجد والله ربنا رزقني باصحاب رجالة زيكوا ويارب اقدر ارد ليكو دا.
كريم وخالد: احنا اخوات يا احمد متقولش كدا.
سلمى: ربنا يستر عليهم، المصايب مش رادية تخلص
دارين: ايوة والله، ما صدقنا خلصنا من عصابة يجي اكبر منها
مي: دول بيقتلو بسهولة كدا؟
سملى: دول مجرمين وقتالين، ويعملو اي حاجة علشان الفلوس
دارين: ربنا ينجينا منهم
سلمى ومي: امييين
سلمى: بس تفتكري مين دول
مي: اكيد تجار مخدرات
دارين: او تجار سلاح واعضاء
سلمى: يالهوي، وازاي البوليس مش عارف يمسكهم.
مي: يمسكو مين يا ختي، دول وصلوا يوم ما كنتي مخطوفة بعد ما الضرب خلص واللي مات مات
دارين: مش بيحطوا في دماغهم اصلا
سلمى: خااااااالص.
احمد بيكلم سلمى على الموبيل
سلمى: البقاء لله
احمد: البقاء لله وحده
سلمى: مش عايزاك تزعل، ربنا عايز كدا ومش هيغلى على اللي خلقه
احمد: ونعم بالله، انا زعلان انه اتقتل وانا مش عارف اعمل ايه ولو اعرف مكنتش سيبته
سلمى: انت ملكش زنب خالص، ده قدر ربنا
احمد: بس والله ما هسيب حقه
سلمى: بس انا خايفة عليك اوي يا احمد دول عصابة كبيرة
احمد: محدش بيموت اكتر من مرة ولو مت هبقى شهيد
سلمى: بس انا عيزاك يا احمد.
احمد: وان محتاجك اكتر ما انتي محتاجاني بس لازم اعمل كدا وربنا هيسترها ان شاء الله
سلمى: بس علشان خاطري خلي بالك من نفسك يا احمد
احمد: حاضر يا سلمى، نتقابل بكرا في الجامعة
سلمى: ماشي مع السلامة
احمد: سلام.
كريم بيكلم دارين على الموبيل
دارين: وهتعملو ايه؟
كريم: لازم نكمل للاخر، لازم نخلص الحكاية دي
دارين: بس دا خطر اوي
كريم: خطر خطر، ربنا اكيد مش هيسيبنا وهيكون معانا
دارين: يا كريم انت لو حصلك حاجة انا ممكن اموت فيها
كريم: بعد الشر عليكي يا حبيبتي، وبعدين انتي بتفولي عليا
دارين: لا بس الوضع ميطمنش
كريم: انا حاسس اني بكلم قناة الجزيرة والله!
دارين: هههههههههه انا غلطانة.
كريم: ايوة كدا اضحكي محدش واخد منها حاجة
دارين: ماشي يلا بقا سلام علشان هنام
كريم: ماشي سلام.
تاني يوم في الجامعة
احمد: يااه انا مش عارف اذاكر الجزء دا، صعب اوي
خالد: فين دا
احمد: اهو
خالد: بص ذاكر الصفحة دي الاول وهتفهم دي
كريم: طب دي
احمد: دي سهلة، بص الحل في الصفحة اللي وراها
كريم: تمام
احمد: اه متنسوش بعد ما نخلص الكلية هنروح للي اسمه قاسم ده
كريم: هنروح كلنا
احمد: ايوة
خالد: خلاص تمام
كريم: انت شايل سلاح ليه يا احمد، انت لو حد شافه معاك هيبقى مشكلة.
احمد: من النهاردة همشي بيه لان اكيد الدور عليا.
سلمى: يادي الملل بكره محاضرة شعلة دا موت
دارين: اسكتي احسن يجيلك تاني زي المرة اللي فاتت
مي: دا بني ادم رخممممم، يارب توب علينا بقا منه
شهد: امييين يارب
سلمى: هو مراته وعياله مستحملينه ازاي دا
دارين: هههههههه الله يخربيتك هنتكشف
مي: ههههههههه.
بعد المحاضرة
سلمى: اخيرااااا
دارين: زي ما يكون هم وانزاح
مي: هم واحد بس!، قولي 100
شهد: هههههههههه شكله كدا على اخره من سلمى اوي
سلمى: يطق
الكل: ههههههههههههههههه.
الكل يخلص واحمد وخالد وكريم خارجين والناحية التانية سلمى وشهد ودارين ومي وشايفين بعض
سلمى تشوف من بعيد موتسيكل راكب علية اتنين وجايين وقلبها يدق من الخوف وتتوقع اللي الكل متوقعه، انه
هيقتل احمد
سلمى تلف وشها بعد ما تتأكد ان واحد منهم معاه مسدس ولسى هتنادي على احمد
الموتسيكل جاي بسرعة اوي ويبطأ اول ما يقرب من احمد
خالد يكون بيجيب ويشوف المنظر ويطلع يجري وينادي ل احمد.
احمد يلف وشه والراجل لسى هيضرب نار وخالد وقف قدام احمد علشان يشده ويضرب رصاصتين وخالد يقع
في الارض بعد ما دافع عن احمد وخد الرصاصتين
احمد يتصدم ويطلع المسدس ويضرب على الاتنين ويوقعهم وبيتابع المشهد سلمى وشهد ودارين ومي مصدومة
وكلهم مصدومين
احمد يرجع لخالد ويوطي ويشيل راسه من على الارض وهو غرقان دم ويقول: خااااالد فوق يا خالد، هنروح
المستشفى وهتبقى كويس
خالد بيكح: ...
خالد بيكح: احمد اسمعني، انا خلاص دي نهايتي وشكلي كدا مش هكمل
احمد: متقولش كدا انت هتقوم وهتبقى كويس يا خالد!
خالد بتعب: اسمعني يا احمد، انا عارف انا خلاص هموت، متزعلش مني يا احمد في اي حاجة انت زي
اخويا واكتر وكنت بعتبرك الصديق والاخ وكل حاجة، متزعلش علشان مش هكمل معاكو، انا اسف يا
احمد، هتوحشني اوي، وقول ل مي اني كنت بحبها اوي وكنت هتجوزها بس بقا اللي حصل دا وهي.
تعتبر مراتي وكل حاجة، انا كنت بحبكم كلكم، اديعيلي يا احمد!
احمد: ال متقولش كدا انت هتعيش، اسعااااااااااااف!
في المستشفى
مي بتعيط جامد وسلمى وشهد و دارين بيهدوها
واحمد قاعد هو وكريم مش بينطقوا وخالد في اوضة العمليات
مي بعياط وانهيار: انا خايفة اوي، لو حصله حاجة انا هموت نفسي
سلمى: ان شاء الله هيقوم، متقلقيش ادعيلوا
مي: يااااااااارب
الدكتور يخرج من اوضة العمليات
احمد: هاااااا يا دكتور
الدكتور بحزن: البقاء لله
احمد بصدمة: ايه!
مي تقعد تصوت وتعيط وتفقد الوعي
احمد يقعد هو وكريم بصدمة وحزن.
احمد يحط ايده على دماغه ويعيط على خالد جامد اوي ومش متخيل انه يموت وكريم جمبه
الحزن يعم على المكان
احمد وكريم وهاني يخلصوا الاجراءات ويدفنوا خالد وكله بيعيط ومش متخيل اللي حصل ده خالص.
في العزاء
كريم واقف هو واحمد وزعلان اوي وكل ما بفتكره يعيط واحمد واقف منهار وبيعيط ومصدوم وكل اللي بيعزي
يقولو البقاء لله ويحاولوا يهدو احمد ويواسوه واحمد ولا هو هنا
ومي قاعدة بتصوت وبتعيط جامد وكله بيهديها وهي مصدومة وقاعدة تعيط جامد
والكل حزين
العزاء يخلص وكل واحد يروح بيته.
في فيلا احمد
احمد بيعيط على خالد وقاعد سرحان ومش متخيل اللي حصل
وقاعد بيفتكر خالد ولما يتقابلو ولما يهزرو مع بعض
flash back
احمد يتصل بخالد
احمد: ازيك يا خااالد فينك كدا
خالد: ايه دا غريبة يعني
احمد: هو ايه اللى غريب يابني
خالد: صوتك ماله فرحان كدا ليه ومنشكح اوي
احمد: هتعرف لما نتقابل دلوقتي، قابلني على الكافيه اللي بنقعد عليه يلا وانا جاي
خالد بتعجب: ربنا يستر، ماشي.
خالد يكون قاعد على الكافيه واحمد يجي
خالد: ها ياسيدي ايه اللي مطيرك من الفرح كدا
احمد: قابلتها يا خالد
خالد: هي مين اللى قابلتها
احمد: يوووه فتح مخك معايا كدا هيكون مين يعني غير سلمى
خالد: لا والله ودي قابلتها فين
احمد: جاتلي الشركة النهاردة تبع الاعلان اللي في الجرنال وكانت طالبة شغل
خالد: هااا وعملت ايه
احمد: اتكسفت مني وكانت مش عايزة تشتغل وانا اقنعتها وشكل دا هيبقى بداية الطريق يا خالد، حاسس اني.
بحبها اوي مش عارف ليه يا خالد
خالد: يا بختك ياعم الحظ معاك ايه دا، زي ما يكون الحظ ماشي معاك فيةكل حتة
احمد: يالهوي على عينك اللي هتموتني دي
خالد: عقبالي ياعم اما اكلم دارين انا كمان
احمد: هههههههه
خالد: اضحك اضحك مهو ناس هايصة وناس لايصة
احمد: وربنا انت شكلك يضحك لوحده ههههههههه
back
احمد: يااااااه يا خالد، معقولة مش هشوفك تاني!، مش هسمع صوتك تاني وانت بتناديلي، مش.
هتهزر معايا وتضحكني تاني!، اعز صحابي يموت كدا بسهولة!
انت فين يا خااالد، مين هيتصل بيا اول ما اصحى ويقولي اصحى يا كسلان؟
خلاص كدا!
احمد قاعد يفتكر ويعيط وسلمى تتصل بيه وميردش ومش هنا اصلا.
مي في البيت
مي قاعدة بتعيط ومصدومة وبتفتكر خالد وهزاره معاها وانه وعدها بالجواز وكانت فرحانة اوي و بتتفرج على البوم الصور وتفتكر...
flash back
خالد: هاتي يلغ الصورة
مي: طب نتصور واحدة تانية، دي مش عاجباني
خالد: طب هاتيها ونتصور واحدة كمان
مي: ماشي خد اهي، بص انا عايزة صورة على الالبوم دا
خالد: ماشي يلا
مي: اوك
...
خالد: كل الصور اهي يا ستي، بس انتي عايزة كل الصور دي ليه
مي: علشان لما توحشني اتفرج عليهم.
خالد: ههههههههه وربنا مجنونة
...
خالد: ادينا اتقابلنا اهو زي مانتي عايزة
مي: يا خالد انا مش متطمنة للي بتعملوه دا، شغل العصابات دا اخره وحش وانت مش قده
خالد: يا مي قولتلك كذا مرة، مفيش حاجة هتحصلي غير اللي ربنا مقدرها
مي: بس برده سيبك منهم، ده ميطمنش
خالد: متقلقيش انا عارف انا بعمل ايه وبعدين انا مشوفتكيش بتضحكي بقالك فترة، وحشتني ضحكتك، ومي تضحك
خالد: ايوة كدا اضحكي وحشتني ضحكتك
مى: اهو ضحكت.
خالد: قمر وربنا
back
مي بعياط: انا كنت حاسة، قولتلك بلاش، معقولة انا مش هشوفك تاني ولا هتقعد تهزر معايا ولا هتصبرنى وتفرحني
معقولة انت مت يا خالد
لا مش مصدقة انت اكيد بتعمل مقلب فيا وهتطلع تضحك صح
بس المقلب طول اوي، اطلع بقا اطلع بقا!
وتعيط وتنهار.
سلمى بتكلم دارين
سلمى: انا صعبان عليا مي اوي دث منهارة
دارين: وصعبانة عليا اوي، فعلا دي حاجة تزعل
سلمى: ربنا معاها ويصبرها
دارين: متنسيش نروحلها بكرا
سلمى: ماشي، واحمد بردو صعبان عليا اوي دا مبيخرجش من البيت وقافل موبيله ومش بيرد
دارين: لازم تروحيله وتهديه دا بردو صاحبه اللى متربي معاه
سلمى: حاضر ان شاء الله هروحله بكرا، يلا سلام
دارين: سلام.
كريم في البيت
قاعد بيفكر فى خالد ويفتكر هزاره ولما كان بيعمل فيهم مقالب وقاعد يفتكر وهو بيعيط
flash back
كريم: انت فين يا خالد النور قطع!
خالد: بخ
كريم: اهااااا، يا اخي حرام عليك ده انا قطعت خلف
خالد: هههههههههه احسن تستاهل
كريم: ههههههه طب امشي من هنا بدل ما اضربك ياض
خالد: هههههههه ماشي
back
كريم بعياط وحزن: يااااااه وحشني هزارك وكلامك ومقالبك يا خالد، وحشني ضحكتك الحلوة اللي مليانة تفائل وحب.
الله يرحمك يا خالد
الله يرحمك.
تاني يوم
احمد قاعد حزين اوي وبيفتكر خالد واول يوم يصحى فيه وميكلمش خالد وكان متعود يصحى على خالد بيتصل
بيه ويصحيه لكن كل دا انتهى
وفجأة جرس الفيلا يرن واحمد يقوم بكل حزن يفتح ويلاقي
احمد بحزن: سلمى!
سلمى: ممكن اخش؟
احمد: اكيد انتي بتسألي!
سلمى: متزعلش يا احمد انا عارفة ان خالد كان اعز اصحابك وكان غالي عليك اوي بس دا قدر يا احمد.
احمد بدموع: مكنتش اتوقع انه يموت يا سلمى، دا كان اخويا مش صاحبي بس، كنت متعود كل يوم اكلمه
، النهاردة اول يوم اصحى ومكلموش، حاسس ان حاجة غالية عليا اوي راحت مني
سلمى: لازم تستحمل يا احمد، هي دي الحياة، ملهاش امان
لازم تقوم وتبقى اقوى من كدا وتاخد حقه
احمد: انتي اللي بتقولي الكلام دا بعد ما كنتي خايفة
سلمى: بقولك كدا لان دا الصح وكل واحد قدره مكتوب ودا فعلا اللي لازم يحصل.
احمد: اول مرة احس اني ضعيف كدا، مش مصدق ولا مستوعب اللي حصل
سلمى: اللي حصل ربنا عايزه ولا انت ولا حد كان هيمنعه
احمد: عارف والله، بس انتي لما حد يكون غالي عندك اوي وفجأة متالقيهوش قدامك، دي حاجة صعبة اوي
سلمى: انا بحبك يا احمد ومش هسيبك ابدا، فاكر لما قولتلي انك محتاجني جمبك واني كل حاجة في حياتك
احمد: ايوة
سلمى: من ساعتها وانا بقول لنفسي مش هخليه يزعل بعد كدا ولا هخليه يشوف يوم وحش، علشان خاطري.
يا احمد، قوووووم و واجه كل دا بقلب قوي واتحمل وانا مش هسيبك ومعاك حتى لو هموت
احمد: بعد الشر عليكي يا سلمى، حاضر انا هقوم بس الفترة دي ومتخرجيش من البيت علشان والله ما هسيب اللى عمل كدا
سلمى: طب والمحاضرات والجامعة
احمد: ابقى خديها من شهد
سلمى: خلاص ماشي، بس خد بالك من نفسك اوي، انا محتجااالك اوي
احمد: وانا اكتر يا سلمى، اه صحيح انتي روحتى ل مي
سلمى: لسى هعدي على دارين اهو وهنروحلها.
احمد: ربنا يصبرها، كانت بتحبه اوي، وكانت متعلقة بيه، الله يرحمه
سلمى: فعلا دي حالتها وحشة اوي، ربنا يصبرها
احمد: ياااارب
سلمى: يلا بقا همشي علشان متأخرش عليها
احمد: ماشي، مع السادلامة
سلمى: سلام.
في مكان مجهول
قاسم: والله غبي، شو هيدا الغبى يلي عملته
زياد: انا اسف بس اللى اسمه خالد دا وقف قدامه وخد الرصاص مكانه ومات
قاسم: وانا شو بعمل فيه هيدا الحكي، لازم نتصرف و نخلص منه
زياد: تحب امتى يا باشا، دلوقتي؟
قاسم: لا لا هلأ ما بيمشي الحال، بعد يومين تلاتة، هالمشكل يهدى وتنفذ، وبسرعة
زياد: تؤمرني يا قاسم بيه.
في الطريق
دارين: اتاخرتي كدا ليه
سلمى: كنت عند احمد، حالته وحشة اوي
دارين: لية حق دا اعز صحابه بردو
سلمى: ايوة فعلا، ربنا يصبره
دارين: يارب
سلمى: يلا بقا نروح ل مي دلوقتي
دارين: ماشي يلا.
في بيت مي
سلمى: يا بنتي هدي نفسك مش كدا، دا قضاء ربنا
مي بعياط: مش قادرة يا سلمى، هموت مش مصدقة
دارين: معلش يا مي، ربنا عايز كدا
مي: انا كنت عايشة علشانه، دلوقتي اعيش علشان مين، اعيش علشان مين وتعيط
سلمى: هو دلوقتي في مكان احسن يا مي، انا مقدرة اللي انتي فيه وحاسة بيكي، بس لازم تستحملي وتهدي
مي بعياط: انا كنت طايرة من الفرح علشان هيتجوزني، يمشي كدا ويسبني!، طب ليه.
دارين: معلش يا مي ربنا عايز كدا، هتعترضي!
مي: ونعم بالله، يااارب اموت بقا
سلمى: ليه بس كدا، بعد الشر عليكي
دارين: ربنا يفك كربنا ده، ياااااارب.
احمد: الو ايوة يا كريم، تعالى دلوقتي
كريم: حاضر جايلك
احمد: ماشي مستنيك
...
احمد: الو ايوة يا هاني، تعالى دلوقتي
هاني: حاضر خمس دقايق وهكون عندك
احمد: ماشي مستنيك.
في فيلا احمد
احمد: زي ما قولت مش عايزين حاجة غلط
كريم: ماشي بس هنثبت انه صاحب مافيا وهنمسكه بالمخدرات ازاي
هاني: انا جاتلي معلومات انه هيستلم الشحنة بكرا في المكان ده
احمد: متأكد من المعلومات دى
هاني: ايوة
احمد: ماشي، ابعت العنوان ل النائب العام يا كريم وهنروح احنا قبل التسليم
كريم: ماشي
احمد: جاهزين
كريم وهاني: ايوة
احمد: تمام، دلوقتي نتحرك.
قاسم: زياد اتحرك، الشحنة قربت توصل خمس دقائق ونتحرك
زياد: ماشى تمام وانا جاهز
احمد يخش هو وكريم وهاني ومعاهم مسدسات
احمد: مش بالسرعة دي يا قاسم
قاسم: انت كيف دخلت لهون؟
احمد: مش مهم دخلت ازاي المهم انك وقعت تحت ايدي خلاص وكلها دقايق وهيتقبض عليك بالمخدرات اللي برا دي
قاسم: ههههههه وانت مفكر انك من عقلك رح تدخل لهون وتطلع من هون سليم؟
احمد: هموت؟ واية يعني بس هموتك معايا.
قاسم: ههههههه مبين قتل صاحبك مأثر عليك كتير
احمد: وصاحبي مش هيستريح غير لما انت يتقبض عليك، للأسف كنت عايز اقتلك بس لما تاخد اعدام والا 25 سنة احسن
قاسم: عن جد هيك مفكر، طيب نلعب مع بعض بس اللعبة فيا موت
قاسم يشاور والرجالة يضربو نار وهم يستخبوا كل واحد في حتة
والضرب شغال وقاسم يستخبى والمخدرات وصلت والرجالة اللي جايبنها في العربيات شافو ضرب النار ودخلو يساعدو قاسم.
واحمد يقتل ويضرب بكل شراسة وبيتخيل كل واحد قدامه هو اللى قتل خالد ويضرب ويقتل كتير وكريم معاه ويقتل وهاني برده، والعصابة بيقعو واحد ورا واحد وقاسم يجري
احمد يقوم يجري وراه ويمسكه ويضربه ويوقعه على الارض
وقاسم يدوخ ويفضل في الارض وفجأة واحد ماسك مسدس يجي من ورا احمد واحمد يلف والاتنين رافعين
المسدس في وش بعض
ويضربوا الاتنين في نفس الوقت واحمد يقع والراجل دا يقع كريم ياخد باله
كريم: احمد!
البوليس يوصل وينتشر في المكان ويمسكو اللي اتبقى من العصابة ويمسكو قاسم والمخدرات وعربية اسعاف
تيجي ويشيلو احمد وكريم وهاني معاه ويروحوا على المستشفى.
في المستشفى
احمد في اوضة العمليات وسلمى قاعدة بتعيط وبتفتكر نفس الموقف بتاع خالد وخايفة ان المشهد يتكرر تاني
ودارين بتهديها وشهد معاها
دارين: ايه اللي حصل يا كريم!
كريم: خلاص يا دارين العصابة اتقبض عليها
دارين: بجد خلاص!
كريم: ايوة، بس يارب احمد يقوم بالسلامة
دارين: يااارب
كريم: جدع يا هاني والله كنت متخيلك حاجة تانية بس اثبت غير كدا
هاني: على ايه يا كريم انا عملت اللي المفروض يتعمل.
كريم: يارب احمد يقوم علشان يفرح معانا باللي حصل دا
هاني: ان شاء الله هيقوم بالسلامة
الدكتور يخرج من اوضة العمليات وسلمى اول ما تشوفه تعيط اكتر وخايفة
كريم: خير يا دكتور طمني!
الدكتور: الحمدلله هو نزف كتير بس هو كويس بس هنحتاج نقل دم فصيلة A
كريم: انا فصيلتى B يووووه انت يا هاني
هانى: انا B بردو
سلمى بحماس: انا فصيلة دمي A يادكتور وجاهزة
الدكتور: بس انتي مينفعش وهيجيلك هبوط علشان بنت وهناخد دم كتير.
سلمى: مش مهم، انا جاهزة اهو
الدكتور: طب اتفضلي والممرضة هتقولك وناخد الدم
سلمى: حاضر.
الدكتور ياخد من سلمى الدم وسلمى تفقد الوعي و الدكتور يديها حقنة علشان تفوقها وقال لدارين هاتيلها اي عصير دلوقتي علشان تعوض الدم دا وتفوق
دارين: حاضر
...
شهد: يلا يا سلمى خدي العصير دا علشان تفوقي
سلمى: مش عايزة
دارين: مش عايزة ايه بس، يلا علشان احمد يفوق يلاقيكي كويسة قدامه كدا وحالته تتحسن
سلمى: بجد، ماشي هشربه اهو
شهد: شطوووورة.
احمد يفضل 12 ساعة نايم والكل موجود وفجأة يفوق
احمد بتعب: انا فين!
كريم: انت في المستشفى يا احمد
احمد: حصل ايه
كريم: بعد ما اخدت الرصاصة ووقعت البوليس وصل وقبض على العصابة وخد المخدرات وجبناك على هنا
احمد: يعني خلاص مفيش مافيا ولا مخدرات تاني
كريم: ايوة مفيش
احمد: فين سلمى! هي فين، وحشتني اوي
كريم: دي يا عم نقلت دم وتعبت ودا كله علشانك
احمد: ايه دا بجد.
سلمى: انا كل اللي فكرت فيه انك تفوق وتقوم وترجع تاني
احمد: تعرضي نفسك للخطر والتعب علشاني؟
سلمى: واعمل اكتر من كدا
احمد: ربنا يخليكي ليا وميحرمني منك ابدا
كريم يخبط دارين
دارين: اه بتضرب ليه
كريم: يلا برا بقا نحب احنا كمان ونسبهم يحبو
دارين: ههههههههه ماشي
هاني يكلم شهد
هانى: ممكن نخرج نتكلم شوية يا شهد، مش شهد بردوا؟
شهد بكسوف: ايوة
هانى: ماشي يلا نتكلم برا شوية
شهد: حاضر.
احمد: وانا هناك كنت بفكر فيكي وبقول يا ترا هرجع واشوفك تاني والا مش هرجع، كنت خايف اوي اموت ومش اشوفك تاني
سلمى: انا كنت خايفة عليك اوي لدرجة ان لما الدكتور قال لازم يتنقلك دم جريت وقولت انا وقالي خطر بس محطتش في دماغي، كل اللي كنت بفكر فيه ان انت تقوم ومش مهم اموت انا
احمد: بعد الشر عليكي يا سلمى، انتي الحاجة الوحيدة اللي عايش علشانها
سلمى: وانت بردوا كل حاجة ليا.
احمد: ربنا يخلينا لبعض ونعيش مع بعض على طول
سلمى: يااااااارب.
دارين: حمد لله على سلامتك، كنت خايفة اوي عليك
كريم: الله يسلمك يا قلبي
دارين: ابقى علمني اضرب بالمسدس ازاي
كريم: نعم! ليه بقا
دارين: علشان لما تيجي عصابة تانية اروح احارب معاكو
كريم: هههههههههه تحاربي، احنا هنحرر سينا يا بنتي هههههههه
دارين: اضحك اضحك
كريم: وبعدين تفي من بؤك، عصابة ايه تاني وبعدين احنا هنشتغل بوليس والا ايه
دارين: هههههههههه ماشي بس هتعلمني بردو
كريم: بحبك
دارين: هتعلمني!
كريم: بحبك.
دارين: وانا ايضا
كريم: ايوة بقا يا لغة عربية فصحة
دارين: ههههههههه اجل يا سيدي.
هاني يتكلم مع شهد ويتعرفوا على بعض اكتر وشهد تستريح لهاني وهو يستريحلها
هاني: تصدقي انا اول مرة احس بمتعة في الكلام كدا معاكي
شهد بكسوف: وانا الصراحة
هاني: شهد
شهد: نعم
هاني: تتجوزيني!
شهد: هااااا
هاني: تتجوزيني!
شهد: علطول كدا؟
هاني: ايوة انا استريحتلك وحبيتك اوي من المقابلة دي
شهد بكسوف: افكر!
احمد يخرج من المستشفى والامتحانات تقرب وكله يذاكر ويشغل نفسه بالمذاكرة والدح يشتغل
وتيجي الامتحانات
كله في الجامعة
احمد وهاني وكريم واقفين يتكلموا قبل الامتحان وفجأة يوصل شخص
الشخص ده مييييين؟
احمد ياخده بالحضن وكريم ياخده بالحضن وهاني ياخده بالحضن ويفرحو اوي ويسلمو علية ويضحكو
احمد: بس والله خطة جامدة
خالد: هههههههه مش قولتلك، مبرووك عليا اعم.
كريم: والله الكام يوم اللي اختفيت فيهم دول وحشتني اوي ياض
خالد: وانتو والله وحشتوني اوي
هاني: انا بقا افتكرتك مت ولسى عارف قبل ما تيجي
خالد: ههههههههه منا كنت هموت فعلا، بس الدكتور دا رخم
احمد: ههههههه اه والله مرضيش يخرج ويقول انك مت غير لما كتبتلو شيك بمليون جنيه
خالد: حرق نار في جتته
الكل: ههههههههههههه
خالد: طب عن اذنكوا بقا رايح بقا وكدا ها
كريم: ايوة يا عم الله يسهلك
خالد: امشي ياض
الكل: هههههههههه.
خالد يروح ل مي وهي باصة في الارض وقاعدة ومش واخدة بالها وخالد يصفر الصفارة اللي كان بيصفرهلها على طول ومي تتصدم وترفع راسها وتبص تلاقي خالد، تتصدم وتروحله براحة وخايفة وفي نفس الوقت
روحها ردتلها وفرحانة اوي
مي بصدمة: انت خالد؟
خالد بابتسامة: انتي شايفة ايه
مي: بس انت مت!
خالد: لا دي كانت خطة
مي تفرح اوي وتجري وتترمي في حضنه وتعيط جامد
خالد: اهدي انا عايش اهو يا مي.
مي بعياط: انا كنت هموت يا خالد، كنت ماشية من غير روح، انا كنت عايزة انتحر يا خالد
خالد: معلش يا مي والله كانت خطة وانا فعلا كنت هموت بس ربنا ستر
مي: يعني مش هتسيبني لوحدي
خالد: عمري ما هسيبك تاني
مي تفرح اوي وترجعلها الضحكة من جديد وتتكلم هي وخالد ويهزرو.
سلمى: يالهوي بصي مي قاعدة مع مين
دارين: هاااار اسود، عفريت خالد!
سلمى: يالهوي استنى اسأل احمد
دارين: ماشي
سلمى: احمد هو خالد اللي هناك دا
احمد يضحك ويقول: ايوة هو
سلمى: ايه مش هو مات!
احمد: لا يابنتي دي كانت خطة
سلمى: يا رخم وانت بقا كنت بتمثل الزعل والحزن
احمد: هههههههههه اه
سلمى: ههههههههههه ماشي يلا بقا علشان الامتحان هيبدأ
احمد: ماشي.
احمد وكريم وخالد وهاني وسلمى ودارين وشهد ومي، يمتحنوا ويخلصو امتحانات والنتيجة تظهر وينجحو
واحمد يخطب سلمى، خالد يخطب مي، كريم يخطب دارين، هاني في مفاجأة يخطب شهد
كله يخطب ويفرحوا كلهم
----)بعد مرور 3 سنوات دراسية، كلهم يخلصوا (----
يجي يوم ظهور النتيجة وكلهم واقفين مع بعض وخالد يخش يجيبها
احمد: ها يا خالد جبتها
خالد بحزن: ايوة
احمد: شكلك ميطمنش، سقطنا!
خالد يضحك بصوت عالي: كلنا نجحناااااااااااا.
كلهم: ههههههههههههههههه الحمد لله
خالد: بالمناسبة السعيدة دي، دي دعوات فرحي انا ومي
الكل: مبرووووووك.
خالد يتجوز مي
خالد: ياااه اخيرا اتجوزنا يا مي
مي: انا مش مصدقة
خالد: ربنا يقدرني ويخليني اخليكى اسعد واحدة
مي: ربنا يخليك ليا ياااارب
خالد: ويخليكي ليا يارب.
كريم يتجوز دارين
كريم: مش مصدق نفسي ان انتي بقيتي مراتي
دارين: وانا مش مصدقة، بحبك اوي يا كريم
كريم: انا بحبك مووووووت يا قلبي، يارب يخلينا لبعض
دارين: يارب.
بعد مرور 4 سنوات من الجواز
بسملة: بابا، بابا اصحى يلا علشان نفطر
احمد بيصحى من النوم: ماشي يا روح بابا هقوم اهو امال فين ماما
بسملة: ماما اهي جابت الفطار
سلمى: قوم يا كسلان
احمد: هههههههه ماشي قومت اهو
بسملة: انت بتحب النوم كدا ليه
احمد: هههههههه طب خدي هنا يا اروبة انتي
بسملة: هههههههه خلاص اهو
احمد يحضن بسملة وياخد سلمى في حضنه ويقول ربنا يخليكو ليا
سلمى: يارب يخليك لينا ياااارب.
وتعم السعادة والفرحة عليهم كلهم وكل اسبوع بيتجمعو كلهم ويتقابلوا ويهزرو ويلعبو ويضحكو
النهااااااية.
ملحوظة للى نسى: الرواية دى اول رواية كتبتها فى 2016 يعنى بلاش تنمر.
تمت