رواية حب في الصعيد للكاتبة فاطمة الألفي الفصل السابع عشر
في بيت المنشاوى
مازال الشجار مستمر والغضب مسيطر على عمار وتدخلت حب لتفض الشجار ولكن كان لها نصيب من ذلك الخلاف
مها بالم: بتضربنى ياود عمى
حب: انت بتمد ايدك عليها لية هي ماغلطتش
بهية: انتى تخرسى خالص يابت امنة.
حب: انتى إية ياشيخة عايزة تولعى في الدار عاجبك ان ابنك يضرب مراتة انتى مش امة المفروض تهدى ابنك مش تقوية كدة على مراتة ومها لو كانت راحت لدكتورة دة عشان ترضيك ياعمار وترضى الست امك إللى كل شويا تعايرها انها مخلفة بنت وعايزة تجبلك الولد عملت إيه غلط عشان تفضل مقهورة في بيتها وانت بدل ما تفهمها بالهدوء في إيه لا تمد ايدك وانتى إيه مشكلتك يامرات عمى كل شويا بنت امنة بنت امنة مالها بنت امنة احسن منك.
عامر: اخرسى يابت واتحدتى مع امى بادب
حب: مش هتعامل معاها اصلا عشان مايشرفتيش ان اتكلم معاها بعد كدة
صفع عامر حب بقوة صفعه مدميه اهتزت لها كرامتها وجرحتها فر في صميم قلبها وشعرت بالإهانة
عامر: انتى جليلة الحية والرباية وانا هربيكى.
عبدالرحيم وعبدالله: في إيه بيوحصل
عبدالرحيم: انت اتجننت اياك بتمد يدك على بت عمك
حب بدموع: انا غلطت لم جيت هنا
عبدالله: اهدى يابتى حوصل إيه.
مها: عمار ضربنى بالقلم يابوى وحب دافعت عنى راح عامر ضربها هي كمان
عبدالرحيم: لية حوصل إيه
عامر: اسالهم ياجدى عملو إيه.
حب بدموع: واحنا مع طنط زينب بتشترى حاجات مها تعبت قولت لماهر يوصلنا المستشفى نطمن على مها ويرجع يجيب طنط زينب وزاهية ونروح كلنا بس ياجدو ماغلطناش لم حبينا نطمن على مها ودكتورة هي إللى كشفت عليها والله ياجدو ولم خرجنا نستنى ماهر في الاستقبال قابلنا عامر ومن غير مايفهم في إيه جابنا على هنا وفضل يزعق ووالدتة فضلت تهزق فينا انا ومها ماحدش فيهم ادنا فرصة نتكلم احنا غلطنا ياجدو.
عبدالرحيم وعبدالله: لا يابتى ماغلطوش
عامر: وها يعنى إيه ماغلطوش
عبدالله: يعنى لم واحدة فيهم تعى وتمرض وتروح عند ضاكتورة تكشف مش غلط لازمن نطمن عليهم الاول مش تمد يدك ياعمار على مرتك سالتها هي كيفها إيه وجعها ياولد اخوى وانت يا كبير بتمد يدك على بت عمك باى حج
حب بدموع: تحضن جدها: انا همشى بعد اذنك ياجدو
عبدالرحيم: حجك علية يابتى لا مش هتمشى يابتى اطلعى استريحى وانتى يامها مالك يابتى.
مها بدموع: تعبانة ياجدى هطلع اريح بعد اذنك
عبدالرحيم: اطلعى يابتى وألف سلامة عليكى
في غرفة مها ذهبت إليها حب.
حب: مها بقولك اوعى تزعلى نفسك عشان ابنك وعمار دة لازم تعقبية
مها: ازاى
حب: لازم يتاسف ويصالحك واوعى تقولى انك حامل دلوقتى لازم يندم ويفكر بدل المرة الف قبل مايمد ايدو عليكى فاهمة اتقلى علية واوعى تستسلمى بسهولة
مها: طيب سامحينى انضربتى بسببى
حب: لا ولا يهمك بس انا لازم اربى عامر والعقربة امة.
مها: ربنا يهديها البعيدة
حب: اللهم آمين
عبدالرحيم: إيه إللى حوصل مش يتجرر تانى يا عامر واللى ورحمة ابوك ماهسكت على تصرفك وبت عمك محمد مالكش صالح بيها لا انت ولا اخوك ولا امك خابرين
وانت ياسبع الرجال صالح مرتك وراضيها وحج نفسك ليها خابر ولا مش خابر جبر يلمكم كلهاتكم
عبدالله: صحتك يابوى اهدى بس وكل حاجة هتتحل
في غرفة حب.
حب بدموع: هو انا ملطشة جواد يضربنى قبل كدة ودلوقتى عامر بس جواد انا سامحتة لكن عامر لازم يعتذر ويتاسف هو وامنا الغولة كمان
جواد ووليد حبونى وقررو يساعدونى وجدو وتيتة معايا وكمان خالتو لكن هنا إيه مين معايا جدو وتيتة هنا بيحبونى ومها وماهر بس وكمان عمو عبدالله ومراتة بس العقربة وعيالها مش قابلنى اصلا هيقبولو ازى بالصلح.
نفسى جواد يكون جنبى هو انا لية محتاجة وجودة معايا ماوليد موجود بردو بس انا عايزة جواد وكمان هو واحشنى اوى بقالى أسبوع ماشفتوش هو انا بحبة اوى كدة لية يمكن عشان اول حد يقف معايا وساعدنى ولا إيه مش عارفة انا لم بفكر فية بس مجرد تفكير ببتسم مش عارفة إيه السبب وكمان قلبى دقاتة بتزيد هو دة الحب مش عارفة بس مبسوطة انى بفكر فية ونفسى اشوفو واحكيلو على عمايل عامر اكيد لو عرف ان عامر ضربنى مش هيسكت يوة بقى انا تعبت من التفكير انا احسن حاجة انام واخلص من التشوش إللى انا فية.
في غرفة مها
يقترب عمار اليها يحاول ان يطلب السماح
عمار: مها حجك علية ادى راسك احب عليها معلشى
مها: بعد عنى ياعمار انت مافكرتش تطمن على ولا تعرف مالى بعد عنى
عمار: ياجلبى حجك عليه مش تزعلى عاد
مها: قولت بعد وهملنى اتخمد
عمار: طب إيه بيوجعك لية كشفتى
مها: هملنى مش هتحدت امعاك
عمار: براحتك
في غرفة بهية
عامر: شوفتى جدى جلب علينا بسبب بت عمى.
بهية: طول مابت امنة في الدار اهنية هتاخد الكل تحت طوعها وجدك هيرضى عن عمك ومش بعيد يشيع يجيبهم سمعت جدك بيتحدت مع عمك وبيجولة اعطى امحمد حجة لو موت ولا جرالى حاجة ادى اخوك ارثة في الأرض والمال وكافة شئ شوفت جدك بعد لم طلع عنيكم وشجاكم وتعبكم راح يروح لعمك على طبج من دهب ودة مش يرضى ربنا بعد لم هرب عشرين سنة يرجع ياخد ارضة على الجاهز كدية.
عامر: طب والعمل يااماى وازاى يدخل الدار بعد ماكان سبب موت ابوى هو وبت العزازى كيف جدى هينسى كدية في طار بينا لازم يتنفذ
بهية: كيف ماجولت جدك نسى ابوك وبيفكر بس في عمك محمد وانت لازم تتصرف جبل ماعمك يجى هنية لازم نحتكم على الأرض وحج عمك يكون ليك انت وخيك
عامر: نعمل إيه عاد يااماى
بهية بمكر: لازمن نحط البت تحط عنينة لازمن مش تطلع براك انت وخيك واحد فيكم لازمن يتجوزها والفلوس والأرض تكون ليكم.
عامر: وها نتجوزها كيف احنا متجوزين وكمان عمى هيزعل منينة وانا مش بطيج البت دى
بهية: يبج عمار يتجوزها وتتحط تحت الضرس ولازمن نزلها ونشكمها ونعرفها مجامها بس انا عايزاك انت تجوزها وتربيها وتنسيها اسمها لازم ترجع حج ابوك إللى ناوية تاخدة هي وابوها مش تفرط في أرضك دى كيف عرضك ياولدى امال تستنو لم حد من جرايب امنة يتجوزها
عامر: وها عندك حج يا اماى عندهم وليد وجواد لسة من غير جواز.
بهية: اه عاد وياخدو أرض المنشاوى ويتحكمو فيكم لا يمكن يوحصل واصل
عامر: طب جدى هيرضى يجوزها لحد فينا
بهية: لازمن يرضى ياولدى لو عايز نتصالحو مع العزازية وننسو الدم والطار يبج يوافج يجوزك البت وعمك يرجع يعيش هنية لكن لو رفض مش هنسمح أرض المنشاوية يخدوها والدم هيبج لركب ولو بت امنة فكرت تجوز الضاكتور ولا الظالط اياك هتترمل يوم دخلتها وبدل ما تدخل دنيا هتدخل القرافة عاد
عامر: عندك حج يااماى عفارم عليكى.
في مكان ما يتم اطلاق الاعيرة النارية ويتبادلون اطلاق الرصاص الحي بين قوات الشرطة الخاصة واحدى كمين ارهابى في سيناء.
تم القبض على الارهابين وتم الاستحواذ على الزخائر والقنابل المستخدمة في العمليات الارهابية الأخيرة وتم القبض على جميع العناصر الإرهابية وتم تبادل اطلاق النار وأصابه ضباط من قوات الشرطة و
تم نقل المصابين من الشرطة إلى المستشفى العسكرى لتلقى العلاج اللازم.