رواية حب في الصعيد للكاتبة فاطمة الألفي الفصل الحادي والعشرون
حب بصدمة: إيه عامر عايز يتجوزنى انا لية وازى مش غريبة ياجدو.
عبدالرحيم: انا عارف عامر ماشى ورى امة وهي مش عاوزة ابوكى ياخد ورثة يابتى عاوزو تكوش على الاطيان إللى نحتكم عليها طول عمرها طماعة وبتلعب في مخة وتجوية على وان ياخد بطار ابوة عشان كدية يابتى لازمن تروح تجعدى عند جدك صبرى وانا هاجى عنديك اطل عليكى واطمن يابتى وهخلى عمك عبدالله يسجل حج ابوكى في الأرض ومالة يابتى باسم ابوكى عشان لو جرالى حاجة يوصلة حجة.
حب: صدقنى ياجدى بابا مش عايز حاجة احنا مش راجعين عشان أرض ولا مال بابا عايز حضنك ورضاك علية احنا عيشنا طول عمرنا في الغربة بابا اشتغل بنفسة وكون تركة من شقاء وتعبة ومجهودة ياجدو بابا عاش في الغربة عشرين سنة وتعب بجد احنا مش محتجين لو عامر عاوز الفلوس ياخدها بس ينسى الأذى بلاش يظلم حد بلاش يفكر بطريقة ان لازم يتجوزنى عشان الفلوس والأرض ماتخرجش برة العيلة هو عايز يتجوز على مراتة ام ولادة وبنت عمة عايز يجرح قلبها ويتجوز عليها عشان الطمع في المال والأرض.
عبدالرحيم: ياريت بيعرف يفكر صوح يابتى انا ههملك ترتاحى وهتفج مع جدك ان تخرجى من هنية عليهم طوالى فاهمة ياجلب جدك
حب بابتسامة: حاضر ياجلبى هههه
وليد: عند حب: وليد: على فكرة ممكن تخرجى من دلوقتى بس عايزك ترجعى عندنا احسن ليكى
دخل جواد أيضا يتحدث معها.
جواد: حب انا لا يمكن اسيبك تروحى عندهم تانى كفاية اوى كدة
حب: انتو لية خايفين من اهل بابا هم بيحبونى اوى على فكرة انتو فاهمين غلط.
جواد: نعم يعنى مش هترجعى عندنا
حب بهزار: افكر الاول
وليد: انا هخلى بالى منك ومن صحتك وكمان قمر وبدر هيكونو جنبك في إيه بس
جواد بعصبية: انتى عايزة ترجعى هناك لية عشان تبتسم لسى ماهر دة وتهزرى معاة
حب: هههه وفيها إيه ابن عمى
جواد: ماتختبريش صبرى ياحب
حب: صبرى دة جدو هههههه
وليد: ههههه بطلو بقى نتكلم بالعقل.
حب: لو بالعقل فأهل بابا كلهم عارفين انا مين لكن اهل ماما مش كلهم عارفين لو رجعت هتقول إيه لخالى حكم وجمال وكامل ومامتك ومرات عمى هتقولو إيه تانى
جواد: جى الوقت لازم يعرفو الحقيقة
حب: هل هيقبلو بية بعد كدة
وليد: ماحدش يقدر يتصرف طول ماجدى عايش اطمنى
جواد: كلنا معاكى خايفة من إيه
حب بدموع: مش خايفة هنا ناس حبونى وكرهونى وبردو هنا ناس حبونى وكرهونى.
انا مش لية ذنب في حاجة اهل ماما كرهينى حتى من قبل لم يعرفو انى من دمهم خالى رافضنى ومراتة كرهانى ومرات خالى ام جمال بردو كرهانى ومن غير سبب وجمال الكبير مش طايق يتكلم معايا وكامل نفس الحكاية لكن قمر وبدر حبونى من غير مايعرفو ان قريبتم وجدى وتيتة قبلو بية وانت نفسك يا سيادة الرائد زعلت ومديت ايدك علية وكرهتنى من غير مبرر واسرعت في الحكم علية وهناك مش يفرق كتير عن إللى شوفتة جدى وجدتى قبلو بية وحبونى وبنات عمى واحدة كرهتنى من اول نظرة وواحدة قربت منى وحبتنى ابن عمى عبدالله رحب بية واعتبرنى اختة التالتة وقربنى من خطيبتة وحبتنى ومرات عمى عبدالله وعمى كمان حبونى لكن مرات عمى عبدالعزيز مش طيقانى مش بتقول غير بت امنة أولادها كمان عامر وعمار مش قابلين بية ولا باهلى عامر عمل زيك مد ايدو علية مش في فرق بينكم بس هو كان فاكر ان هو صح لم ضربنى بالقلم عشان عليت صوتى على امة وخرجت من وراهم يوم ماجيت هنا ياوليد عشان مها تكشف عند دكتورة قال انى جليلة الحيا والرباية.
جواد بيقرب منها: بقى عامر مد ايدو عليكى وربنا ما: حب: هتعمل إيه ماانت عملتها قبلة
جواد باسف: انا اسف انا كنت فاكر انك سمحتينى وقدرتى موقفى
حب: مش شرط ان اقولك نسيت ولا سمحتك انى الوجع إللى اتسببت فية اتمحة ممكن يكون لسة لة اثر جوايا
وليد بتغير الموضوع
اوعى تكونى ناوية ترجعى مصر وتستسلمى من اول جولة كدة انتى صعيدية والصعايدة دماغهم حجر صوانى ومش من عوايدنا نسلم ونرفع الرايا البيضة.
حب بجدية: وانا بنت ابويا صعيدية من النخاع ومش اتربيت على الخسارة ولا الهزيمة ومش عندنا حاجة اسمها استسلام واللى انا جاية عشانة ححققة
وليد: ايوة كدة يابنت خالتى
جواد بحزن: يعنى هتروحى عند اهل ابوكى
حب: لا هروح عند جدى صبرى اصل كركر واحشتنى اوى ههههه
جواد بفرحة: بجد هتيجى عندنا
حب: ايوة بس يعرفو ان بنت امنة بنتهم
جواد: ماتشغلش بالك هكلم جدى يقولهم قبل لم نوصل.
حب: اوكية بس قولى صحيح انت إيه إللى صابك وعامل فيها وحش الشاشة والشرطة الخاصة وعمليات إرهابية إيه بقى انت طلعت فشنك ههههه
وليد: هههههه دة يابت رجل المهام الصعبة ههه
جواد: اتريقو اتريقو انتو مش عارفين انا كنت بواجة الموت ازى في كل عملية بطلعها بكون عامل حسابى ممكن ارجع منها شهيد وساعتها هتفتخرو بيه بجد
حب بخوف: بعد الشر عليك احنا بنضحكو معاك هههه
جواد: يعنى احمدو ربنا انى موجود وسطيكم هههه.
حب: الحمدلله انك بخير
جواد: طب هنخرج وجهزى نفسك عشان تروحى معانا
حب: طب حاجتى عند جدو
جواد: ممكن جدك يبق يبعتهم عندنا هخلى جدى يكلمة ويعرفة اصلا انك هتروحى معانا
بعد ساعة تركت حب المستشفى وتوجهت إلى بيت العزازى...
الحاج صبرى خبر الجميع ان حب هي ابنة بنتة امنة فمنهم من فرح ورحب بالخبر ومنهم من غضب.
في بيت المنشاوى
تحدث الحاج صبرى مع الحاج عبدالرحيم واخبرة ان حب سوف تذهب الى هناك لتستقر الأحوال بين العيلتين وفرح عبدالرحيم بهذا الخبر واطمن قلبة ان حب سوف تبعد عن مواجهة عامر وسوف يبعت لهم شنطة ملابسها إلى بيت العزازى.
في بيت العزازى
دخل البيت جواد بصحبة حب ووليد
رحبت بها الجدة
كريمة: ياجلب ستك سلامتك ياجلبى ياريتنى انا بدالك وانت لا ياضنايا
حب بابتسامة: بعد الشر عليكى ياتيتة
قمر بفرحة: نورتى موطرحك يابت عمتى
بدر: اتوحشتك ياعسل كيف صحتك دلوك
حب بابتسامة: الحمدلله واحشتونى اوى
حكم: مرحب بيكى وسط اهلك وناسك وسلامتك يابتى
حب: الله يسلمك ياخالى حضرتك مش مدايق من وجودى.
حكم: وها كيف وانتى بت خيتى الزغيرة صوح زوعلان من خيتى لم هربت زمان بس انتى مالكيش صالح عاد ومصارين البطن بتتعاركو
كريمة: احنا راضين عنيكى يابتى وعن ضنايا اتوحشتها جوى جوى
صبرى: نورتى دارك موطرحك يابتى وامك غالية جوى كلهاتنا نعزوها وخالك رضى عنيها لم خد خبر بمرضها هي خيتو والدم عمرة مايبج مية اطلعى ريحى مع البنتة
في قاعتك زى ماهملتيها
حب تنظر إلى جمال وكامل: لم اخواتى الرجالة يقبلونى وسطيهم.
كامل: نورتى بيت جدك يا خيتى
سيدة بمكر: بج انتى تطلعى بت عمتى امنة يا مورحب يا مورحب
نعمة بحقد: سلامتك يابتى كفلنا الشر مش احسن دلوك انتى وارثة المرض عن اماكى ياضنايا
حب بابتسامة: الحمدلله كويسة ومش عيب لم اورث حاجة من امى حتى لو كان مرض دة فضل من عند ربنا
جمال بتردد: كيفك يابت عمتى
حب بابتسامة: كويسة ياابو ادهم
جواد: قمر اطلعى مع حب
قمر وبدر: تعالى ياخيتى.
صبرى: جدك عبدالرحيم هيشيع خلجاتك البسى من عند البنتة
حب: حاضر ياجدى
طلعت غرفتها مع قمر وبدر وقمر احضرت لها جلباب لتستريح بية كان جلباب لونة بمبى بية خطوط سودة رفيعة وكان شكلها بية جميل اول مرة ترتدى جلباب
قمر: والله الجلبية هتنطق عليكى
بدر: ماشاء لله عليكى زينة البنتة
حب بابتسامة: اول مرة البس كدة بس مريحة اوى تسلمى ياقمر وانتى يابدر قربتى تولدى وتسمى حب ولا مش عايزة بنت.
بدر: كل مجايب ربنا زينة والله ماهكسر خاطرك ولو بت صوح هنسميها حب عشان تكون اسمها حب جمال عشان انى بحبو جوى
حب: جوى جوى ههههه
جاء الثلاث اطفال
ادهم وصبرى وكامل
ادهم: كيفك ياخالة اتوحشتك جوى
صبرى: كيفك ياجمر انت ياجمر
حب: هههههه جمر مين ياصبرى ماماتك اسمها جمر مش انا
صبرى: بس انتى جمر برضك وعسل ابيض
حب: ازيك ياكامل باشا طالع عاقل لابوة هههه مش كدة يابدر
بدر: جمال حبة عنى من جوة.
ادهم: ماانا عاجل كيف ابوى كامل برضك
حب: طبعا دة ابوك كامل دة زين الرجال ياادهم باشا ههههه
صبرى: هنلعبو مع بعض
قمر: لا ياحبايبى خالتكم حب بعافية شوى بلاش لعب دلوك
ادهم: سلامتك ياخالة
حب: هات بوسة ياواد انت هههه
صبرى: وانى مش هتبوسينى
حب: دى انا هقطعك بوس وكمول كمان تعالو هنا ههه:
في بيت المنشاوى
جاء عامر بعصبية بعد أن علم بخير خروج حب من المستشفى والذهاب إلى جدها صبرى العزازى.
عامر بغضب: جدى ياجدى كيف توافج ان بت ولدك تروح تجعد عنديهم كيف عاوز افهم
عبدالرحيم: ماليكش صالح عاد
عامر: لا ليا ياجدى ولو شايف انى ظالم وباكل حج الناس يبج تجوزها لغيرى عنديك عمار وماهر جوزها لواحد فيهم بس تضل هنية ومش تخرج برة عيلة المنشاوى انا اضرة بمصلحت بت عمى وولد عمها أولى بلحمة من الغريب والمال والأرض مايطلعش برانة.
عبدالله: انت اتجننت كيف تعلى صوتك على جدك وكيف تخلغط في الحديت انت اتجننت عاد مين يجوز مين ياولد اخوى ياعاجل طمعان في أرض عمك وكمان عاوز تجوز بتة عشان الطمع والجشع ومش همك مرتك وعيالك وكمان واقف جصاد جدك عينى عينك كدية لية حوصل إيه في الدنيا وكمان عاوز تخرب بيتك وبيت اخواتك يااخى اتقى الله
عبدالرحيم: سيبو ياولدى يجول ما بدالة ياخسارة تربيتى فيك يا ولد المرحوم ياخسارة.
ماهر: مين يجوز مين كيف بتجول كدية انت متجوز خيتى واخوك مجوز خيتى وانا هتجوز بت خالى بعد سبوعين وانت تجول حديت ماسخ مالوش عازة
عامر: لا الشرع يحلل أربعة وبعدين انا ظالم وعايز اكوش على حج عمى وطمعان في بيتة وجدك مش راضى بية يبج انت الطيب الجدع إللى جدك هيجوزك بت عمة مش كدية ياجدى انا موافج جوزها لماهر واهى مش هتطلع برانة موصلحة واحدة.
عبدالله: اقفل خاشمك واصل ماهر قراى فاتحة بت خالة وهيجوزها لايمكن يهملها واصل احنا لايمكن نفرط في شرفنا وزاهية شرفنا كيف يتركها جبل الفرح انت اتجننت
ماهر: دة مجنون راسمى انا لايمكن اهمل زاهية لو بكنوز الدنيا
زينب: وها ياولدى كيف بدك خيك ماهر يترك بت اخوى عاوز اخوى يجطعنى العمر كلهاتو عاوز الناس تاكل وشينا ياولدى
عبدالرحيم: خلاص مابجاش حد عارف يوجف الشر إللى جواك يا ولد عبعزيز.
عمار: جدى الحج عوض وولدة حسين عاوزين يجبلوك دخلو المونضرة
عبدالرحيم: تعالى ياعبدالله نشوف جاين لية عاد
في اوضة المونضرة(الضيوف )
عبدالرحيم: يامورحب ياحج عوض يامورحب يا ولدى
عوض المنصوري: مورحب بيك ياحج
عبدالله: كيفك ياحج عوض كيف ياحسين ياولدى
عوض: بخير تسلم ياحج عبدالله
حسين: فضل ونعمة ياعمى
عبدالرحيم: يا ويلد جول للبنتة الشاى جوام
عوض: بلاش شاى ياحج يمكن تبلو الشربات.
عبدالله: شربات بس لسة سبوعين على فرح ماهر عبجال حسين كدية
عوض: مبروك لماهر بس اجصد شربات الموضوع إللى هتحدتو معاكم فية
عبدالرحيم: خير يا عوض ياولدى
عوض: كول خير ياحج انا عاوز.