رواية حب في الصعيد للكاتبة فاطمة الألفي الفصل التاسع
في اليوم التالى
جواد قلق على حب يريد أن يراها أو يقابلها لكن لم تتيح لة فرصة فهى ملازمه الفراش، ولا تريد ان تقابله، تتهرب من رؤيته بعد ان صفعها وشك بها.
وليد: هههه مالك ياحضرة الظابط
جواد: وليد انا يومين وماشى شوفلك حل لازم اتكلم معاها
وليد: اتحايل علية شويا
جواد: وليد لم الدور بقى
وليد: بسيطة ابعت ولاد اختك تطلع تشم هوا وتلعب معاهم وكلم قمر كمان
جواد: انا لاء كلمهم انت
وليد: نعم وماتكلمهمش لية بقى.
جواد: معلش ياوليد خليك جدع للاخر
وليد طيب قايم وعد الجمايل بقى
جواد: حبيبى يا ليد هههه
وليد: ادهم ولة ياادهم
ادهم: ايوة ياعمى
وليد: تعالى اجولك تعمل إيه روح عند خالتك حب في جاعتها وخبط على باب الجاعة فاهم وتخش تجولها تعالى نلعب في حوش الدار مع اخواتك صبرى وكامل
ادهم: طيب فوريرة
صعد ادهم إلى غرفة حب وبعد طرق الباب فتحت حب بابتسامة
حب: ادهومى حبيبى
ادهم: ازيك ياعسل كيفك
حب: الحمد لله ياحبيبى.
ادهم: تعالى نلعب تحت جدام الدوار
حب: بس كدة حاضر من عيونى ياجمر انت
ادهم: والنبى انتى إللى جمر مش امى
حب: مامتك كمان قمر القمرات اوع تزعلها عشان مش العب معاك
ادهم: لا أمى دى جلبى من جوة مش هزعلها واصل
حب: طيب هغير وانزل ماشى
ادهم: ماشى
في حوش الدار (الجنينه او الحديقة)
جواد: ادهم خد اخوات وروحو عند الخيل إيه رائيك
ادهم: احنا عايزين نلعب اهنية ياخال
جواد: حبيبى اسمع الكلام مش عايز تركب الحصان وتتعلم علية.
ادهم: ينفع ياخال
جواد: أيوة طبعا ينفع هبعت معاكم عمك محروس وهيخليك تركب خيل
ادهم: طيب ياخال
جواد: محروس خد الولاد وديهم عند الخيل وركبهم حصان يكون هزيل وخلى بالك كويس اوع حد يوقع
محروس: تحت امرك يا حضرة الضابط في عنية
هبطت حب من غرفتها بتوتر تخشي ان تقابل جواد واصبحت أمام المنزل وظلت تتلفت حولها يمينا ويسرا تبحث عن الصغار واذا بوجود جواد امامها.
جواد: بتدورى على حاجة ضايعة منك يابنت عمتى.
حب بغضب: لاء كانت تهم بمغادرة المكان وتدلف إلى المنزل مرة اخرى
قبض بيده معصم يدها يمنعها من الذهاب استني رايحه فين
حب بالم اه دراعي ايه سبني عاوز مني ايه هتضربني تاني
ترك جواد يدها وشعر بالضيق وظل صامتا
وشعر وليد بالتوتر بينهم اراد ان يتدخل واسرع ليتعامل مع الموقف بحكمه
وليد: عاملة ايه دلوقتى ياحب
حب: الحمد لله شكرا يادكتور على تعبك معايا امبارح
وليد: دة واجبى وبعدين انتى بنت خالتى يعنى اختى.
حب بصدمة: إيه انت تعرف
وليد: تعالى نقعد هنا ونتكلم
حب: طيب
وليد: المهم دلوقتى انتى حاسة بتعب او أى حاجة
حب بابتسامة: لا الحمدلله كويسة
وليد: تعرفى ان خالتك هتفرح اوى لم تعرف بوجودك هنا
حب: انا كمان كأن نفسى اشوفها اول لم دخلت هنا
وليد: الايام جايا وهتيجى وهتشوفيها مش تقلقلى بس طمنينى خالتى عاملة إيه
حب بابتسامة: الحمدلله بخير.
جواد يتدخل بعتتك لوحدك خايفة تواجه اهلها بعد العمر دة كله مش كدة: حب من فضلك ماتدخلش انا مابتكلمش معاك انا بتكلم مع ابن خالتى ولو سمحت ماتكلمنيش انت حكمت علية ومن غير حتى ماتسمعنى
جواد: اسمع إيه انك كدبتى عشان تقعدى وسطنا لية اول ام عرفتك بنفسي في القطر مش قولتى الحقيقة.
حب: وكنت اعرف رد فعلك ازاى هل هتقبل بيه وعيلتك هتقبل بيه ولا هكون من المغضوبين عليهم زى بابا وماما كنت اقول إيه لواحد اول مرة اشوفة صدفة مش كنت ممكن تقتلنى زى ماماما حذرتني من اهلها وبابا حذرنى من اهلة كنت مستنى منى إيه اقولك انا بنت عمتك إللى سابت اهلها من عشرين سنة وراحت اتجوزت.
كنت اقولك إيه كنت هتعاملنى ازاى انت حتى لم عرفت الحقيقة اتهمت ان جاية اتجسس عليكم عشان اخلى ولاد عمى ياخد التار منكم طب ازاى وانا ماعرفش حتى شكل جدى غير من صور صغيرة جدا كانت مع بابا انا ماعرفش شكل ولاد عمى إيه انا اعرف من بابا مجرد اسامى مش اكتر وانت رد فعلك كان إيه ان خدعتك وكدبت عليك هو انا اعرفك شوفتك قبل كدة عشان اقولك انا مين انا اعرف بس من خمس ايام يعني مدة بسيطه وانا حبيت.
حبيت اقرب من عيلتي واحبهم ويحبونى عشان لم يعرفو انى حتة منهم مش يرفضونى يكونو بيحبونى ويتعلقو بيه انا جاية المنيا عشان احقق هدفى اقرب العيلتين من بعض وينسو الدم إللى بينهم عشان مافيش اصلا تار بينهم دى خناقة وراح فيها خالى وعمى وماحدش عارف مين إللى قتلهم ليه متاكدين ان خالى اتقتل على يد عمى طب عمى اتقتل على يد مين خالى يعنى قتلو بعض وبعد كدة ماتو طب تيجى ازاى مش فاهمة ولو فرضنا اتقتلو خطأ نتيجة الخناق والشجار إللى بينهم فيبق خلاص هنا واحد مات وهنا قصادة واحد مات لية عايزين دم دلوقتى لية عايزين تاخدو طار تانى والطار يجيب طار يجيب طار ومش هنخلص بعد كدة هيفضل سلسال دم انا كنت جايا وناوية انزل عند جدى عبدالرحيم لكن القدر بعتك لية في القطر وتغيرت الخطة وجيت هنا انا حبيت جدى وجدتى وعيلتى كلها ولم عرفت ان جدى عبدالرحيم تعبان زعلت كان نفسى اروح اشوفة قبل حتى مايموت نفسى اخلية يسامح بابا ماهتمتش انهم مش قابلينى ممكن يقتلونى حتى بس عندى امل اشوف جدى وجدتى وعيلة بابا كمان واحاول اخلية يسامح بابا انا النقطة المشتركة بين العيلتين لية مش اخليها نقطة وصل توصل بعين العيلتين لية عايزين تكون نقطة مالا نهاية مافيش بداية ولا نهاية ليها.
وليد: انا معاكى يابنت خالتى
حب بفرحه: بجد انت واثق فيه وفي كلامى
وليد: طبعا ومعاكى معانا ياجواد
جواد: اكيد بس ماتخبيش حاجة تانى وتحكى كل حاجة وتبلغى باللى هي ناوية عليه
حب بطفوله: مش هكلمك انت هكلم ابن خالتى بس انا مخصماك
جواد: شوف بقى لعب العيال
وليد: ههه حقها
حب: انت حتى ماسالتش ماما وبابا عايشين طب انا جيت ليه يمكن خايفة اكلمكمو انت ظابط انت انت اخرك ظابط ايقاع صحيح
جواد: بت ماتختبريش صبرى فاهمة.
حب بعند: لا مش فاهمة
وليد: بس ياجواد هي عندها حق اعتذرلها
جواد: مش معتذر لحد أى حد مكانى كان عمل كدة
حب: انت شايف نفسك على إيه عشان ظابط يعنى طظ ها
جواد: وليد قولها تتكتم
وليد: ياعم انت غلطت فيها وضربتها اعتذر بقى
حب بغضب طفولي: اه ضربني ووجعنى في كتفى جامد حتى ايدى ازرقت
وليد يغيظ جواد: ازرقت يا خبر وانا روحت فين انا دكتور هدهنهالك مرهم هيخف اى ورم أو زرق
جواد بغيرة: لا والله.
وليد: اه والله عندى مرهم هايل هههه تجرب
جواد يقضم باسنانه من شدة غضبه: لا خليهولك يمكن تحتاجلة قريب
وليد: حب انا عايزك تيجى المستشفى نطمن عليكى
حب: شكرا يادكتور بس انا بجد كويسة
جواد: ماهى قالتلك كويسة اتلم بقى
وليد: بجد مابهزرش ياجواد لازم تيجى اطمن عليها
حب: هههه إيه هي حالتى خطيرة اوى كدة هموت بعد قد إيه بقى هههه
جواد بحب: بعد الشر عليكي إيه إللى انت بتقولى دة.
وليد: يابنتى انا دكتور وزيادة اطمئنان مش اكتر
حب: لا بعدين عشان انا ماشيه اصلا
جواد: نعم رايحة فين
حب: مش هقعد هنا عشان في ناس مش حبه وجودى
جواد بعصبية: انتي مجنونة احنا مش قولنا هنكون معاكى
حب: انت بتزعقلى لية انت مالك اصلا تكلمنى كدة وبعدين انا رايحة عند جدى عبدالرحيم هفضل هناك وانتو هنا اقصد وليد هنا عشان انت عندك شغلك ومابتقعدش هنا كتير
وليد: حب بتتكلم صح.
جواد: صح إيه انت كمان ازاى تروح تقعد هناك ممكن يعملو فيها حاجة
حب: لية هو انتو عملتو فية حاجة
جواد: احنا غيرهم وكمان ماحدش هنا عارف حاجة هتفضلى زى ماانتى دلوقتى لحد لم نفكر نعمل إيه
حب: لا طبعا انتو قربو من عيلتكم وانا هقرب من جدى هناك وولاد عمى يعنى كل واحد يمسك جزء
جواد: اخاف عليكى
حب: من إيه وبعدين انا مش هروح اقولهم ان بنت محمد كدة علطول
وليد: طب هتدخلى باى صفه.
حب: بابا قلى تيتة نجية هتساعدنى وهتخلى جدى يساعدنى وبعد كدة العيلة تعرف بس من جدى لم يلاقى الامان
جواد: انتى ضامنة رد فعل جدك إيه
حب: أيوة ضامنه انى حتة منه وماهيصدق يشوفنى وياخدنى في حضنه كمان
وليد: تمام بس هنقولهم إيه هنا لم تمشى
حب: عادى لاقيت مكان في سكن الجامعة
جواد: مظبطة كل حاجة بقى.
حب: مالكش دعوة كلامى مع وليد عشان مش هاين عليك تعتذر على تصرفك وغلطك معايا وبتكابر كمان وانا بقى مش هسامحك ولا اكلمك
جواد: اسكتى بدل مااقلب الدوار عليكى دلوقتي
حب: ها ولا يهمنى
وليد: بقولكم إيه سبوكم من لعب الكبار دة وخلينا في المفيد
حب: أيوة إيه المفيد
وليد: قبل لم تروحى عند جدك هاخدك المستشفى لازم
حب: طيب عشان ترتاح اوكية
وليد: هو ممكن اسألك شويا اسئله.
حب: طبعا يا ابن خالتى بس هتورينى خالتى امتة قبل ماامشى
وليد: ممكن انهاردة بس قوليلى هو انتى كنتى بتاكلى اكل صحي ولم جتى هنا اكلتى اكل دسم وتعبتى مش كدة حب.