قصص و روايات - قصص رائعة :

رواية حب تحت مسمى العلاج للكاتبة رهف سيد الفصل السادس

رواية حب تحت مسمى العلاج للكاتبة رهف سيد الفصل السادس

رواية حب تحت مسمى العلاج للكاتبة رهف سيد الفصل السادس

صعد غيد مسرعاً دخل إلى شقته القى الملف على المكتب ودخل إلى المطبخ حضر كأساً من النسكافية وخرج وضعه امامه على المكتب وأمسك الملف بين يديه وبدا بالقراءة.

غيد، خالد الرويعي احد اهم اطباء لصناعة الادوية منذ ان كان يدرس كان يحب ان يصنع هذه التراكيب وبعدها بدا بالدراسة في جامعة صيدلة وبدا رحلته وسافر للعديد من الدول الاروبية ثم عاد وبدا بالعمل في احد اكبر شركات الادوية حتى نجح وصنع لنفسة شركة صغيرة ثم بدات اعماله بالازدياد لدية ثلاثة اولاد اكبرهم مازن وهو بعمر 29 عاماً وهو يسير على خطا والده أيضا خريج من جامعة صيدلة وتليه ابنته همس وهي اعز ابنائه لديه وهي الوحيدة التي شهدت مقتل والدها وهي الان بعمر 21 عاماً واصغر ابنائه هي ريم وهي بعمر 19 عاماً تم قتل خالد قبل 11 عاماً ولم يكن يرى الحادثة سوا ابنته همس التي دخلت في حالة من غيبوبة رفض للعالم الواقعي ولقد تم اتهام اسرته لمافيا الادوية ولكن ليس هناك دليلاً على كذلك.

ولكن كانت قوات الشرطة تعلم ذلك بسبب التهديدات التي كانت تواجهه من قبل المافيا ولا يوجد شاهد سوى همس ولكنها لم تفق وحاولت الشرطة استجوابها قبل غيبوبتها ولكنها لم تتحدث
وضع غيد الملف على مكتبة وهو يمسك براسه
غيد، طب انا دلوقتي دماغي اتلخبطت.

بدا الاثنان بطرق باب الفلة بهدؤ
غيد، شكلي حلو
اسلام، ياا عم انتا جاي تتقدم خليني اخلص
فتحت عزة الباب وهي تحاول معرفتهم
عزة، اهلا وسهلا
غيد، اهلا انا دكتور غيد دكتور همس
عزة، اه اه ست هانم قالتلي اتفضل يا بية استاذ مازن قاعد في الصالة مستنيكم
اسلام، اتفضلي
اوصلتهم عزة إلى الغرفة ليستقبلهم مازن و والدته
مازن، عزة قهوه الضيوف
جلس الجميع في الصالة بينما اتجهت عزة لتلبي الطلب مسرعة.

مازن، دكتور سمير كلمني وقالي على اصرارك انك تعالج همس
غيد، فعلا يا استاذ مازن انا عندي اصرار كبير اني اعالج همس وان شاء الله هتتشفي على ايدي اه صحيح ده المقدم اسلام اخويا
زينب، اهلا وسهلا
غيد، حضرتك انا كنت عايز اعرف كل حاجة عن همس وتفاصيل حياتها وهي صغيرة والسبب اللي ادى ان هي تدخل في الغيبوبة دية واسلام هيساعدني عشان ممكن نسبت ان جريمة قتل خالد بية بفعل المافيا.

مازن بتعجب وضحك، واضح انك جاي دارس البيت كويس
ابتسم غيد بخفوت بينما قال اسلام
اسلام، يا استاذ مازن انا لما قرات الملف وقتها عرفت ان الجهاز عارف ان مافيا الادوية هي اللي ورا الجريمة دية ورغم جوابات التهديدات اللي كانت بتيجي للمرحوم وكان بيسلمها بس احنا عايزين دليل مثبت اظن حضرتك فاهم
زينب، اكيد يا ابني فاهمين بس انا كل اللي شاغلني همس.

مازن، بص يا سيادة المقدم انتا لو قريت في الملف هتعرف ان الحل في اول لغز للجريمة هيبقى عند همس همس اللي كانت مع بابا وقت الحادثة وهمس اللي كانت تعرف مكان تركيبة الدوا وهمس هي اصل كل شئ
زينب، ده حتى انا معرفش مكان التركيبة
غيد، يبقى لو سمحتو ممكن تدوني حاجات عن همس وهي صغيرة.

زينب، همس اول ما اتولدت كانت حبيبة ابوها واكتر واحدة مدلعة قولنا يمكن عشان هي البنت الوحيدة وكدا لما اتولدت اختها اهتمام خالد لهمس مقلش بالعكس ده كان بيزيد وبردو كان بيهتم بالولاد كلهم بس همس كانت واخدة مكانه عالية يعني المفروض البنت تبقى مامتها اقرب ليها همس لا كان خالد اقرب حد ليها مكنتش بتقعد الا معاه تعمل كل حاجة معاه همس كانت تقدر تقول عاقلة كانت ناضجة من وهي صغيرة مش نضج جسدي نضج عقلي كانت عاقلة جدا كانت بتفهم بسرعة وذكية فاهمه حاجات كتير اكبر منها كان خالد معاها خطوة بخطوة يفهمها اللي هي عيزاه ويقولها كل حاجة عايزة تعرفها كانت روحو.

مازن، لما انا كان عندي 18 سنة همس كانت 10 سنين وريم كانت 7 سنين ساعتها خرجنا كلنا إلا همس وبابا ساعتها منعرفش إيه اللي حصل رجعنا لقينا نور الفلة كلو مطفي دخلنا الاوضة عند بابا لقيناه مقتول والدم مغرقو ومغرق الدنيا وهمس كانت نايمة في حضنو والدم كان مغرقها هي كمان طبعاً مقولكش شكلنا كان عامل ازاي.

زينب، احنا ساعتها افتكرنا ان همس هي كمان اتوفت لما طلبنا الاسعاف والشرطة طلع ان همس عايشة حتى مدخلش فيها رصاصة واحدة كل الرصاص كان في جسم خالد.

مازن، 6 رصاصات لاقوها في جسم بابا اتضح ان بابا هو اللي اتضرب ولما خرجو همس راحت نايمة في حضن بابا والدم غرقها معاه ولما فاقت كان عندها حالة عصبية تصحى تصوت وتصرخ وتتخدر وتنام بس دية كانت حالتها لشهرين بعد وفاة بابا حتى لو قعدت مش بتصرخ ولا متخدرة تبقى قاعدة كده متكورة في نفسها وتعيط ولما الشرطة حاولوا يسمعو اللي حصل كانت مش بتتكلم بس وبعدها دخلت في الغيبوبة.

زينب، حتى حاولنا نعرف مكان التركيبة ونصنعها عنّد في اللي قتلوة معرفناش حاجة حتى وصية المرحوم كانت غريبة اول ورقة عادية تاني ورقة كانت غريبة شوية
غيد، ممكن نشوفها
نهض مازن وأحضر الصندوق فتح الصندوق امامهم واخذ الورقة اعطاها اليهم.

غيد بصوت مسموع، طبعا دلوقتي كلكم عايزين تعرفو تركيبة الدوا بس افتكرو انكم لازم تبصو لكل حاجة من كل ناحية عشان تعرفو وقلب همس متكسرهوش ابدا لانها بنت قوية وعروسة همس وحاجتها مترحش لغيرها والقلب هو مفتاح كل شئ هو اول شئ بينخطف ولازم تبصو لورا عشان تعرفو تبدؤ بقدام
بعد ان انتهى من قراتها قال باستغراب
غيد، حد فاهم حاجة
في هذه اللحظة رن هاتف اسلام استاذن وخرج إلى الحديقة لكي يجيب.

غيد، على العموم يا استاذ مازن ثق في الله ثم فيا
مدت زينب يدها داخل الصندوق واخرجت دمية همس وسلسالها
زينب، هديلك امانة يا ابني توصلها لهمس
غيد، امري يا هانم
زينب، السلسلة دية بتاعتها لبسهالها العروسة دية كمان بتاعتها
غيد وهو ياخذ الاغراض، باذن الله
كان يتحدث في الهاتف ما ان اغلقة حتى شعر بعصا تضربة على راسه امسك راسة بقوة وجلس على الأرض لتردف ريم
ريم، حرامي بيتكلم في الفون وربنا لاسلمك يا كلب انتا.

اسلام بتوجع، ااااااه انتي مجنونة ده انا هوديكي ابو زعبل
ريم وهي تدفعة ليسقط على الارض، فوق منك حرامي كمان عايز تسجني انتا مجنون يلاا
اسلام، اااه وربنا لاوريكي
جائت عزة راكضة لتشهق
عزة، إيه اللي عملتية ده يا ريم
ريم، نادي الحرس واندهي مازن خليه يجي يقبض عليه الكلب الجزمة ده
عزة، احييية ده اخو الاستاذ اللي بيعالج اختو وضابط شرطة
تركت ريم الحديدة التي بيدها بصدمة لتسقط على رجله ليصرخ مرة اخرى.

ريم، احييية اسكت هتفضحنا وانتي يا زوزو مش كنتي تقولي
عزة، يخربيتك
ريم، بسيطة بسيطة بقولك يا أخ انتا لا شفتني ولا تعرفني فاهم ايوة شاااطر يلا سلااام
انهت جملتها وهي تركض إلى الخارج بينما ساعدت عزة اسلام ليجلس على احد الكراسي
عزة، انتا كويس يا استاذ
اسلام، اه اه بس مين بنت المجنونة دية
عزة، دية ريم بنت الست هانم اخت استاذ مازن
اسلام، اااه دية هبله خالص
عزة، معلش يا باشا امسحها فيا وانا هروح اجبلك تلج.

ذهبت عزة إلى المطبخ بينما قال هامساً بين نفسه
اسلام، ااااه يا بنت المجنونة الله يسامحك وربنا بس اما اشوفك تاني.

ركضت إلى السيارة التي تنتظرها بجانب الفلة لتركبها بسرعة
ريم، ازيك يا حبيبي
ياسين، اهلا يا حبيبتي مالك بتجري ليه
ريم، اول حاجة عشان محدش يشوفك تاني حاجة عشان في ضابط جوة ضربتو بالغلط فخفت
ياسين. طيب ياختي صحيح يا بت وانا بكلمك كنتي بتقوليلي غادة خير
ريم، اخويا كان جنبي هو وماما
ياسين، قولتيلي طب يلا يا قلبي تحبي نروح فين
ريم، اللي تحبو.

دخل اسلام إلى الفلة وهو يضع القماش الملئ بالماء البارد على راسة
غيد، مالك في إيه
عزة، اصل ريم افتكرتو حرامي ونزلت على دماغو
مازن، البنت دية مش هترتاح انا بعتذر يا سيادة المقدم
اسلام، لا عادي
غيد، طب خلاص هستاذن انا دلوقتي عشان رايح المستشفى
مازن، اتفضلو
غادر كل من اسلام وغيد
غيد، طبعا المفروض اوصلك عشان شكل الخبطة كانت شديدة.

اسلام، بنت ال خبطتني بحديدة ولما قالتلها ان انا ضابط راحت رامية العصايا على رجلي
غيد، ههههههه يا معلش تعيش وتاخد غيرها
اسلام. والنبي انا مصدع وديني البيت
غيد، طب ماتيجي عندي المستشفى اشوفك يمكن البت جابتلك ارتجاج ولا حاجة
اسلام، انتا بتتريق يا جزمة والنبي لاقول لامك
غيد، هههههه طب انزل احنا وصلنا
اسلام، تعالا وصلني
غيد، ما احميك بالمرة امشي يلاا
نزل اسلام وخبط باب السيارة برجله.

غيد بضحك، على مهلك عليها قسااط
اسلام، امشي بدل ما ابلغ عنك
انطلق غيد بسيارته وهو يضحك
دخل اسلام الفلة وهو ممسك براسه
ماجدة، مالك يا حبيبي تعالا اقعد
ليلي، احيييية دية دماغو حمرا
ملك، في إيه مالك يا بابا
ماجدة. مين اللي ضربك
ليلي، قول متخافش ق.
صرخ اسلام بهم، بس اسكتوو إيه مكنتش خبطة
وضعت ليلي يدها على المكان الاحمر وضغطت عليه بقوة ليصرخ اسلام
اسلام، يا بنت ال
ليلي، يا بنت الاية كمل كمل.

ماجدة، بس يا بت هاتي لاخوكي تلج
ليلي، حاضر اووف
ملك، مالك يا بابا
اسلام، مفيش حاجة.

فتح باب الغرفة هو وعبير اعطى الاغراض إلى عبير واتجه إلى همس اخذ السلسال وعلقة على رقبه همس والدمية بجانبها
ثم سحب الغطاء من على جسدها
عبير، هنعمل إيه يا غيد
غيد، هنبدا نحرك عضلات جسمها نحرك رجلها ايديها يلا ساعديني
امسك غيد رجلها وبدا يثنيها ويعيدها عدة مرات
عبير، ها يا غيد هنعمل إيه
غيد، هاتي ماية كده
عبير. اشمعنا
غيد، هتعرفي.

احضرت عبير كاس الماء تقدم غيد ورفع راس همس قليلا وبدا يشربها القليل من الماء
عبير، انتا بتعمل إيه
غيد، قولتلك لازم نغير كل حاجة نظام اي حاجة نعاملها زي الاطفال حتى البطاطس تنفع مهروسة والكلام ده
عبير، اه فهمت طب اجبلك لبن تشربهولها
غيد، مش كلو في يوم واحد يا عبير ناخدها بالتدريج انهرده شربت ماية بكرة تشرب لبن بعدو عصير بعدها نبدا ناكلها
عبير، ده هيبقى مشوار طويل
غيد، لازم يبقى في صبر لاي حاجة.

الفصل التالي
جميع الفصول
روايات الكاتب
روايات مشابهة