رواية حب تحت مسمى العلاج للكاتبة رهف سيد الفصل السادس عشر
تحبه تعشقة تفاصيله تُحيها جالسة على الفراش تنظر له بهيام سارحه في عروقة الظاهرة عضلاته البارزة من اسفل قميصة الاسود يرفع الاكمام إلى ساعدية إنتبه في المرأه انها تنظر له غمز لها لتبتسم بخجل اخفته عندما ادارت وجهها إلى الجهه الاخرة تقدم اليها وهو ممسك بمشطة يحركه في يده ببراعه
غيد، القمر سرحان في إيه
همس، مش سرحانه في حد بس بحب اتفرج عليك
غيد، بحب اتفرج عليك! ليه يا امي حد قالك تلفزيون.
جلس خلفها وبدا يمشط شعرها برقه
غيد، شعرك حلو وهو طويل متقصهوش
همس، بس بيتعبني اوي
غيد، هو انتي اللي بتسرحي ولا انا
رفع شعرها بعشوائية لينسدل على شكل ذيل حصان
غيد، كده حلو
همس، شعري انتا عملت في إيه
غيد، معملتش فيه حاجة مهو حلو اهو
همس، منعكش
غيد، لا ده حلو اوي يلا ننزل اتاخرنا
نزل الاثنان وقف غيد عند الباب وهو يناديهم
غيد، يلا يابني منك ليها
اسلام، جايين اهو.
في هذه اللحظة خرجت ماهي من الداخل وهي تحمل حقيبتها نظرت إلى غيد
ماهي، ازيك يا غيد ازيك يا همس سوري قصدي مدام همس
همس، الحمد لله كويسة
غيد، ما تخلصو بقى
خرجت ليلي وهي تحمل حقيبتها وممسكة بملك وخرج بعدها اسلام
ليلي، خلاص جينا اهو
اسلام، يلا
ماجدة من الداخل، غيد!
غيد، نعم يا امي
ماجدة، انا مش جاية خد ماهي بدالي
غيد، ليه يعني خلاص مش لازم تيجي
ماهي، بس انا بقى عايزة اجي
اسلام، خلاص يا غيد يلا.
نزلو إلى الاسفل ركب غيد وركب اسلام بجانبه و وضع صغيرته على رجلة بينما جلست ماهي في الوسط بين همس وليلي كانت عندما ياتي احد المطبات تلقي نفسها على همس قاصدة
ماهي، سوري يا همس بس المنطقة فيها مطبات كتير
همس، وهي المطبات بتوقعك بس عندي مش بتوقعك عند ليلي
ماهي، سوري
نفخت همس بضيق ليردف غيد
غيد، تعالي يا لي لي في النص بين همس وماهي
اسلام، خلاص يا عم احنا وصلنا اهو واحنا راجعين بقا.
اركن غيد السيارة ونزل الجميع سرعان ما تمسكت همس بغيد
رات ليلي هذا مالت على اسلام
ليلي، بص ماسكة غيد ازاي كانو بتاعها
ملك، يا عمتو علي صوتك شوية مش سامعة حاجة
نظرت لها ليلي لتردف، وانتي مالك انتي دية حاجو كبار
ملك، تحبي افتن عليكي انا عارفة مصايب
ليلي وهي تغلق فم الصغيرة، خلاص اكتمي ده انتي هقولك لما نرجع
ملك، طيب اما نشوف.
وقف الجميع امام الباب منتظرين ان يفتح احد كانت همس تنظر حولها تشعر انها تعرف هذا المكان فاقت على صوت عزة وهي تفتح الباب لتردف
عزة، يا اهلا وسهلا يا مليون مرحب اتفضلو اتفضلو
دخلو إلى الفلة ليستقبلهم مازن بترحاب
مازن، اهلا اهلا اتفضلو
غيد، ازيك يا مازن عامل إيه
مازن، تمام الحمد لله انتو عاملين إيه
غيد، الحمد لله انتا متعرفش إلا اسلام بس دية ملك بنتو ودية ماهي بنت خالتي ودية لي...
مازن، انتي
ليلي، انتا!
نظر لهم الجميع باستغراب
اسلام، انتو تعرفو بعض
مازن، اه
ليلي، لا
رفع اسلام حاجبية باستغراب، اه ولا لا
مازن، لا
ليلي، اه
همس. انتو مجانين
قاطعهم صوت زينب وهي تخرج من المطبخ
زينب، اهلا وسهلا نورتونا
غيد بابتسامه، ده نورك يا طنط
اتجهت همس إلى والدته واحتضنتها
همس، ازيك يا ماما
فرحت زينب لدرجة ادمعت عينها ولكنها لم تكن دمعه كانت دموع فرحه احتضنتها بحب بالغ.
زينب، يا حبيبتي يا بنتي انا انا كويسة بعد ما شفتك يا حبيبتي انا انا كويسة كويسة اوي
تقدم مازن وهو يملس على ظهر والدته واخته
مازن، خلاص بقى يا ماما متنكديش علينا
خرجت وهي تمتم بكلماتها
ريم، إيه دااا! خيانه حضن جماعي من غيري اخص عليكم
اتجهت ريم إلى مازن لتردف، بقى بحتضنها وانا بتديني بالقفا اخص عليك وعلى شكلك
زينب وهي تجفف دموعها، خلاص خلاص يلا نروح نتغدا قبل ما الاكل يبرد.
اتجه الجميع إلى الطاولة السفرة ثم بدؤ بتناول الغداء
همس، الاكل حلو اووي
زينب، طبعا ده الاكل اللي انتي بتحبية
ريم، شفتي عشانك امي مصحياني من الساعة 7 الصبح بتحضر الغدا وانا اللي عمري ما عملت كوباية نسكافية عملت اكل ايدي راحت فيها كلو عشانك ياختي
ضحك الجميع عليها
ليلي، مجربة شعورك لما غيد رجع من برا
ريم، والله احنا لو اسرى مش هيعملو فينا كدا.
ملك، شوفي حتى انا عذبوني روحي هاتي ماية روحي هاتي روحي هاتي تعبت منهم اووف
مازن، هههههه بسم الله ماشاء الله الله يخليهالك يا اسلام
اسلام، تسلم يا مازن عقبالك
زينب، اومال مامتها فين
ليلي، اتوفت ماتت وهي بتولدها
زينب، الله يرحمها سامحني يابني
اسلام، لا عادي يا طنط
ماهي، انا لازم امشي دلوقتي غيد ممكن توصلني
غيد، لا انا عايز اقعد قوم يا اسلام وصلها
اسلام، اااه اسيب الاكل اللي يجنن ده واقوم اوصلها.
ليلي، يبقى عليكي وعلى اوبر او كريم والتاكسي هيبقى عند باب الفلة
ماهي، عن اذنكم
خرجت ماهي وهي متوعدة لهم بان تحطم قلب عزيزتهم
انا عايز اعرف امتى هنعمل العملية
قالها مازن وهو يحدث غيد عن حالة اخته
غيد، انا بفكر اخليها تفتكر مل حاجة من غير عملية
مازن، ازاي
غيد، اوريها فيديوهات ليها وهي صغيرة حاجتها ممكن ده يخليها تفتكر
مازن، نجرب
غيد، هخدها اوديها اوضتها وهي صغيرة
اسلام، والمكتب.
غيد، حاسس المكتب هيبقى صعب عليها بس نشوف
رفع نبرة صوته وهو ينادي صغيرته من جلستها من الفتيات
همس، نعم
مازن، تعالي يا همس اوريكي البيت
همس، طيب
تمسكت بيده واتجهو إلى الاعلى وهو يحدثها
ريم، هما رايحين فين
غيد، مازن هيوريها اوضتها وهي صغيرة يمكن تحاول تفتكر حاجة
زينب، يا رب املي فيك كبير
تسير بجانبه وهي ترا هذه الاشياء تقسم الاف المرات انها رأت هذا من قبل ولكن لا تعلم اين
مازن، دية اوضتك يا هموسة.
فتح الغرفة نظرت همس بداخلها بدات تسير بداخلها مع ازدياد دقات قلبها تلمس كل شئ برجفه تشعر انها راتها تقدم مازن اليها
مازن، مالك
همس، دية صورة مين
القى مازن نظرة ليدرف بتنهيدة، ده بابا الله يرحمو ودة انتي وانتي صغيرة كنتي عسولة اوي وحلوة وبتفضلي تضحكي وتلعبي
كانت تنظر للغرفة ترى اشخاص غير واضحين يمسكونها وهي متمسكة بشخص ليحميها
كان مازن يروي لها عنها ولكن نظر لها وجدها غير ثابته بمكانها.
مازن، انتي كويسة يا همس
جائت لتسقط ولكن امسكها مازن ليجدها بين يده كالخرقة المبلله
مازن، همس همس
كان صوت كفيل بان يصل اليهم في الاسفل صعد الجميع اليهم وضعها مازن على الفراش وهو يحاوب افاقتها
مازن، همس همس
غيد. همس حبيبتي مالك همس
اسلام، خد البرفان ده رش
وضع غيد القليل من العطر على يده وبدا يفيقها حتى استعادت وعيها
غيد، انتي كويسة
همس، اه اه حسيت اني دخت بس
ليلي، طب خدي اشربي الماية دية.
اخذت همس منها وشربت القليل من المياة ليردف غيد
غيد، احنا لازم نروح عشان ادي لهمس الدوا بتاعها بكرة نحضر الشنط
زينب بتردد، هي هي البلد بتاعت اهل بباك ولا مامتك
غيد، لا دية بلد بابا عشان بابا اصلو صعيدي
مازن، ماشي ابقو طمنونا عليها
اوما غيد واستاذنو وغادرو جلس غيد في الخلف وهو يحتضن صغيرته وفي الامام ليلي واسلام وعلى رجلها ملك
اسلام، عاملة إيه دلوقتي
غيد، نامت
ملك، هي تعبانه
غيد، ايوة يا حبيبتي.
ما ان وصلو حملها غيد وصعد إلى الاعلى و وضعها على الفراش بعد ان ازال حذائها ونظر لها قليل ثم اتجه بجانبها.
اسلام، نسيت اقولها انا حمار خلاص بكرة هروحلها الجامعة واللي يحصل يحصل
في اليوم التالي كان ينتظرها عند باب جامعتها حتى وجدها تخرج مع صديقتها خرج من السيارة واشار لها فتحت عينها وبدات بدعكها عدة مرات كي تتاكد ثم استاذنت صديقاتها وذهبت اليه
اسلام، ازيك
ريم، انتا انتا بتعمل إيه هنا
اسلام، لمي لسانك عايزك في موضوع
ريم، خير
اسلام، طب اطلعي نروح كافيه
ريم، انتا مجنون صح يابني مينفعش ان انتا تكون هنا اصلا.
اسلام، طب بصي خدي بالك من نفسك عشان في ناس كتير مستقصدينك انتي واخواتك بسبب الموضوع اياه
ريم، والله الموضوع ده من زمان تمام وانا بقالي كتير ومفيش حد كلمني
اسلام، افهمي دلوقتي الوضع اختلف دلوقتي همس فاقت وهي عارفة كل حاجة ممكن يستخدموكي كنقطة ضعف
ريم، ميهمنيش وانا مش صغيرة
القت جملتها اللاذعة وعادت إلى اصدقائها بينما عض على شفتيه بضيق وامسك هاتفه
اسلام، نفذ اللي قولتلك عليه.
مساعدة، خير يا بوص
البوص، وصلت لفين
مساعدة، خلاص كلها 3/4 ايام وكل حاجة عندي تتم
البوص، وانا هستني لما يرجعوا من البلد اللي هيروحوها.