قصص و روايات - قصص رائعة :

رواية حب تحت مسمى العلاج للكاتبة رهف سيد الفصل السابع عشر

رواية حب تحت مسمى العلاج للكاتبة رهف سيد الفصل السابع عشر

رواية حب تحت مسمى العلاج للكاتبة رهف سيد الفصل السابع عشر

دخلت إلى غرفتها وهي غير مصدقة لهذه الصدفة التي جمعتهم مرة اخرى عندما كانت تبدا في تعلم الدروس الاولى للسواقة مع صديقتها
ليلي، يا بنتي الاميرات مش بيسوقو
رنا، ملكيش فية يلا شغلي العربية
ليلي، اوف ودية بتشتغل ازاي
رنا، عوض عليا يا رب دوري العربية من المفاتيح ودوسي دبرياج وحده وحده رجلك من عليه
بدات ليلي بفعل ما قالته وبدات السيارة بالسير
رنا، شاطرة يلا ارجعي كده.

جائت لتعود إلى الخلف ولكن اخطات وتقدمت بسرعه لتطرق احد السيارات المصطفين نزل الاثنان بخوف
رنا، يخربيتك لبيت اللي علمك السواقة
ليلي، احيية والله بالغلط
نزل صاحب السيارة وهو يتمتم بالفاظة
مازن، هو يوم اسود على الصبح مش تفتحي
ليلي، انا انا اسفة
رنا، لامؤخذة هي مش بتعرف تسوق وبتتعلم
مازن، لم انتي مش بتعرفي تسوقي بتركبي عربيات ليه وبعدين مش فيه اماكن للتعليم ولا احنا نمشي نخبط في خلق ربنا.

ليلي، إيه يا عم اعصابك اهدى ليطقلك عرق ولا حاجة مطنتش خبطة وطلعت زي القرد اهو مفكش خربوش
رنا، يا ليلي خلاص يخربيتك
مازن، وكمان بجحة
ليلي، انا بجحة يا تروبش انتا صحيح معندكش لباقة تتعامل مع الجنس اللطيف
مازن، جنس لطيف إيه انا شايف برعي قدامي
ضيقت ليلي عينها بغضب واتجهت إلى السيارة واحضرت كاس القهوه والقته على قميصة لحسن الحظ لم يكن ساخناً
مازن وهو ينظر إلى القميص، انتي مجنونة.

ليلي، روح بقى لبرعي خليه ينضفهولك اشكال ما يعلم بيها إلا ربنا
اتجهت لتركب بجانب مكان السائق وركبت رنا وساقت هي مسرعة عن هذه الورطة
ظل يستوعب ما حدث لدقائق وركب سيارته متجهاً إلى المنزل كي يبدل ثيابة وهو يتوعد ان يكسر راسها مئات المرات
رنا، انتي مجنونة ازاي تعملي كده
ليلي، ده بيقولي يا برعي بقى انا ليلي كاملة الانوثة يقولي برعي
رنا، معاه حق
ليلي، إيه
رنا، العب بالية اتكتمي الله يفضحك.

فاقت من ذكريتها وضحكت بخفة
ليلي، ههههه والله القهوه كانت عاملة شغل إيه عناب.

استقبلتهم الاعيرة النارية بترحاب شديد مما اخاف همس بشدة
غيد، متخافيش ده عادي
اسلام، شوفي ملك مبسوطةازاي
اتجهت ليلي بخطوات اشبه بالركض إلى جدتها سناء
ليلي، وحشتيني اوي يا تيته
احتضنتها سناء بترحاب، يا مرحب وانا كمان اتوحشتك جوي يا حبيبتي
اتجه لها غيد وهو يقبل يدها، ازيك يا تيته وحشاني اووي
امسكته من اذنه بقرص، بجى تيجي بقالك 8 شهور ومتجيش عندينا
غيد بالم وهو يفك اذنه، اه يا تيته خلاص ودني.

سناء، وبعدين إيه تيته دية بتاعت العيال المصراوين انتا تجول ستي فاهم يا واد ولا اقرص ودنك زيادة
غيد، لا فاهم فاهم
دخل اسلام وهو يحمل ملك بحب، حبيبتي يا ستي وحشاني صحيح
سناء، ازيك يا حبيبي انتا عامل إيه
ملك، تيته وحشاني
سناء، وانتي اكتر يا عيون ستك اومال فين مرتك ياولاه
غيد، اهي همس
اقتربت همس بقليل من الخجل ذاب عندما احتضنتها سناء بحب
سناء، يا زين ماخترت يا ولدي كيفك يا بنتي
همس، الحمد لله حضرتك كويسة.

سناء، زينة بعد ما شوفتكم يا نضري
سالم، طب مش نتكلم هنا يا اما ندخل جوة
سناء، صح صح يلا ندارى جوة
دخل الجميع كانت همس تنظر إلى كل ماحولها بفرح وسعادة
ليلي، بت يا صفية وحشاني
جائت لها صفية وهي تضع يدها على بطنها المنتفخة
صفية، الدوار نور وانتي اكتر يا حبيبتي عاملة إيه
غيد. الف مبروك يا صفية يتربى في عزك
صفية، تسلم من كل شر عجبالك
اسلام، ههههه بقيتي عاملة زي البطيخة يا صفية.

وجد اسلام من يمسكة من ياقة قميصة بحذر
احمد، مين دية اللي شبه البطيخة
اسلام، ابوحميد في إيه يا جدع بنت عمي بهزر معاها
احمد، بس بنت عمك مرتي يا حبيب هش هش
غيد. الف مبروك يا احمد
احمد وهو يفلت اسلام، الله يبارك فيك
صفيه، شوف بيجول عليا إيه انا شبه البطيخة يا احمد
احمد، ابدا يا حبيبتي ده انتي جمر (قمر) ليله بدر كمان وبعدين اللي متغاظ مننا يعمل زينا
حمل اسلام ملك وهو يهزها
اسلام، سبقتك سبقتك اهي.

ملك وهي تتوسط خصرها، إيه مش ماليه عينك انا
احمد وهو يحملها. لا طبعا ودة معجول (معقول) يام لسانين والله اتوحشتك
طبعت ملك قبله على وجنته، وانا كمان
صفية، اتحشمي يا بت عيب تبوسية
اسلام، لا خلاص الطار ولا العار هيستر البت وتبقى تربيه ايدو انا متنازل
سناء، طب مش هنرحب بالضيفة الجديدة ولا إيه
صفية. دية مرتك
غيد، ايوة همس
صفية، يا حلاوتها جميلة
احمد، الف مبروك ربنا يتمم بخير ويرزقكم بالذرية الصالحة.

سالم، يلا يا رجالة تعالو نطلع برة ونخلي الحريم تكمل الوكل لحد احنا ما نرجع
سناء، عاودو بسرعة
اوما سالم واخذ جميع الرجال
همس، ليلي هما رايحين فين
ليلي، مش عارفة
صفية، متخافيش يا عروسة دول هيطلعو يتمشو شوية ويعاودو تاني
ليلي، طب بقولك يا بت خدي همس وديها اوضة غيد تغير هدومها وانا هاخد ملك ونغير
صفية، ماشي اما تخلصي عاودي على غرفة غيد أحنا هنفضل هناك
ليلي، ماشي
صفية، اتفضلي معي يا عروسة.

صعدت همس وهي تبتسم دخلت الغرفة واخذت تخرج ما سوف تلبسه
صفية، البسي اللي انتي عيزاه يا حبيبتي وانا هندلى (هنزل) اشوف ستي واجيلك
همس، لا لا انتي هتسبيني لوحدي
صفية، مش هطول اما تغيري خلجاتك (هدومك)
همس، لا لا انا بخاف اقعد لوحدي
جلست صفيه على الفراش وهي تضع يدها على بطنها بالم
صفية، انتي بتخافي
همس، اه ومش متعودة غيد يسبني
صفية، ااااه
همس بلهفه، مالك انتي كويسة
صفية، اايوة ايوة بس الواد بيرفس.

همس، قصدك البيبي بيضربك فين
أمسكت صفية يدها و وضعتها على بطنها ليرفس الطفل مرة اخرى
همس، هههههه إيه ده ضربني انا كمان
صفية، شوفتي طول الوقت على كده
همس، طب استني ادخل بسرعة اغير هدومي و اجيلك
دخلت همس إلى الحمام مسرعه وخرجت وهي تضع ملابسها في الحقيبة ثم جلست على الفراش
همس، انتي متجوزة الراجل اللي تحت ده
صفية، احمد ايوة
همس، بتحبيه
صفية، طبعا مش جوزي ابو ابني اللي جاي.

همس، طب هو لما عرفتي ان في بيبي عندك كنتي فرحانه
صفية، اومال إيه ده انا كنت بقول يا ارض اتهدي محدش في سعدي
همس باستغراب، اية؟!
صفية، يعني كنت اسعد واحدة في الدنيا واحمد كان طاير من الفرحة
همس، طب تتوقعي لو جبت لغيد بيبي هيبقى فرحان
صفية، اومال إيه ده عايزة تسعدي الراجل وتربطية جنبك وميسبكيش اربطيه بالعيال
همس، اربطو بالعيال! ههههههه انتي بتقولي إيه المهم جبتي البيبي ده ازاي يعني دخلتيه بطنك ازاي.

صفية، هاا!
دخلت ليلي في هذه اللحظة منقذة صفية من خجلها
ليلي، اتاخرت عليكم
همس، لا بس كنت بسال صفية جابت البيبي ده ازاي
ليلي، هاه!
همس، هو غيد هيتاخر
صفية، لا هيرجع كمان شوية
همس، طب انا عايزة انام
ليلي، نامي واحنا جنبك اهو
نهضت صفية من على الفراش واتجهت إلى الكرسي ساعدت ليلي همس على التمدد حتى نامت وجلست على الكرسي المقابل لصفية
صفية، مش هندلى احسن ما نعملها ازعاج
ليلي، لا همس بتخاف خلينا معاها.

صفية، شوفتي كانت بتسالني إيه ده انا كنت في هدومي
ليلي، هههه يخربيتك
صفية، احكيلي هي مالها
ليلي بتنهيد، ياااه دية حكايتها حكاية بصي يا ستي
بدات ليلي بروي احداث همس من صغرها حتى زواجها
ليلي بتنهيد، بس يا ستي وبعدها غيد اتجوزها بس مش عشان الهبل ده عشان هو بيحبها بجد وهي بتموت فيه
صفية، يا حبة عيني شكلها غلبانه وملهاش في ايتوها حاجة
ليلي، فعلاً وطيبة اوي وتحبي تتكلمي معاها.

سمعو صوت طرقات الباب لترفع صفية طرحتها وترد ليلي بالايجاب
ليلي، ادخل
دخل غيد مبتسم، هي نامت
ليلي، اه من نصاية كده
صفية، طب يلا ندلى لحسن ستك تطين عشتنا
ابتعد غيد مفسحاً لهم الطريق واتجه إلى صغيرته النائمه وبدا يتحسس وجهها بحب
ليلي بمشاكسة، تحب اصحيها انا
غيد، غوري يا بت
أغلقت ليلي الباب وهي تضحك بينما نكزتها صفية في كتفها
صفية، يا قليله الحيا
ليلي، انا عملت إيه بس
سمعت صفية صوت احمد مستدعياً لها.

صفية، طب هشوفو عايز إيه واجيلك
ليلي، لا يا ست لا تجيني ولا متجنيش انا هندلى اجعد (اقعد) مع ستي وغورو كلكم
ضحكت صفية وهي تتجه إلى الغرفة بينما نزلت ليلي إلى الاسفل.

ظل يتلمس وجهها ويحفره في راسه تفاصيلها ليطبع قبلة عند وجنتها ثم ضمها إلى صدره
مطت ذراعيها بكسل لتردف، انتا جيت
غيد، لا بعمل بروفة
طرقت كتفه وهي تسحب غطائها، رخامه لا توصف
غيد، يا شيخة
همس، في إيه بقى
غيد، اصحى عشان تتغدي
همس، هاتلي الاكل على السرير
طرق راسها براسه وهو يضحك، ليه ياختي فاكرة نفسك في بيتك قومي يا بت
همس، طيب امشي كده وانا هقوم
غيد، يخربيت نومك انتي بتنامي نوم.

همس، هو نومك ولا نومي امرك عجيب
غيد. بت بطلي تقعدي مع ليلي بدات تبوظ لسانك ويلا قومي بقى عشان خاطري
نهضت من الفراش واتجهت إلى الحمام لتغسل وجهها
غيد، صحيح كنتي قاعدة مع ليلي وصفية بتتكلمو في إيه
همس، لما اخرج هقولك
غيد، ماشي ياختي
جلس على الفراش واخذ هاتفه يتفحصة حتى خرجت همس
همس، اسكت مش ابن صفية ضربني
غيد، ضربك ازاي
جلست همس امامها وامسكت يده
همس، بص صفية بطنها وجعتها بعدها مسكت ايدي وعملتها كده.

اخذت همس يده و وضعتها على معدتها
همس، بس والبيبي ضربني
نظر غيد إلى يده الموضوعة على معدتها، ويدها الناعمه الموضوعة على يده، ليدرف متسائلاً
غيد، وانتي عملتي إيه
همس. كنت فرحانة اوي غيد هو احنا ينفع يبقى عندنا بيبي
غيد باستغراب، اشمعنا
همس، اصل عبير قالتلي زمان ان كل اتنين متجوزين يقدرو يجيبو بيبي وانتا قلت ان احنا متجوزين هو احنا ينفع نجيب بيبي
نظر لها غيد قليلا لتردف مسرعه.

همس، لو هتدايق خلاص خلاص مش عايزة المهم انتا متزعلش
سحبها غيد إلى احضانه ليعانق قلباً لا يعتقد انه يوجد احن او اطيب منه قلباً خالصاً نقياً غير ممتلئ بالحقد والحساسية ليبتعد وهو يرجع خصلاتها إلى الخلف
غيد، طب يلا ننزل
همس بابتسامة، يلا
نزل الاثنان وشاركو الجميع جلوسهم على الطاولة
سناء، اغرفلك يا حبيبتي رز معمر
همس، إيه!؟
كانت ملامح الاستغراب تكسو وجه همس بينما ملامح الضحك على وجه الجميع.

ليلي، رز معمر يا هموس
اسلام، جربيه يا هدهد هيعجبك
همس، معمر ازاي يعني
وضعت سناء القليل في صحنها، دوقي بس ده معمول بالسمنه البلدي
ليلي، يا ستي ده كده هنزيد الاستغراب تعجب كلي يا همس وقولي رايك ده يجنن ومش هتلاقي طعم زيو
اخذت ملعقة صغيرة و وضعتها في فمها لتردف
همس، لا طعمو حلو على فكرة
سناء، يلا كلي عشان انتي شكلك عدمانه وخسانه انتا مش بتوكلها ولا إيه
غيد، والله انا بنام اخاف اصحى من غير دراع.

همس، محسسني ان اكلك تحفة وهو اصلاً وحش
غيد، اسم الله على اللي بتعرف تطبخ ومقطعه المطبخ عمايل خليني ساكت
احمد، طب تحمد ربك يا غيد انتا بتصحى لكن مش رفسة على الارض وتجولك روح جيب بطيخ الساعة 3 الفجر
صفية، تصدجي يا ريم في ناس انهرده هيندلو ينامو في الصاله
ضحك الجميع واكملو طعامهم.

الفصل التالي
جميع الفصول
روايات الكاتب
روايات مشابهة