رواية حب تحت مسمى العلاج للكاتبة رهف سيد الفصل الرابع
يجلس على مكتبة بضيق وهو يمسك الورقة ويحاول فهمها
ريم، مازن بتعمل إيه
مازن، تعالي اقعدي يا ريم
جلست ريم مقابلة لتجد على المكتب عروسة وبجانبها صندوق متوسط الحجم به سلسال يوجد به قلب في داخلة صورة لهمس مع والدها
ريم، انتا رجعت تفتح خزنة بابا الله يرحمو
مازن، هتجنن يا ريم مش فاهم حاجه
ريم، إيه اللي مش فهمو وبعدين العروسة والسلسلة دية بتوع مين
مازن، العروسة دية بتاعت همس والسلسلة كمان.
ريم، اهاااا والصندوق ده
مازن، ده بتاع بابا همس جبتهولو في عيد ميلاده
ريم، هههه ما تقول ان الحاجات دية كلها بتاعت همس يا عم
مازن بطرف عينه، بلاش استظراف يا ريم
ريم، خلاص خلاص ها قولي بقا يمكن اساعدك
مازن، طب هقرالك الوصية يمكن تفهمي
ريم، اشجيني يا سيدي
مازن، بصي يا ستي دية اول ورقة واول ورقة دية مفهاش حاجة خااالص كلها زي ما بتيجي في الافلام الكلام المهم في الورقة التانية
ريم، طب ما تقول يابني.
مازن، طبعا دلوقتي كلكم عايزين تعرفو تركيبة الدوا بس افتكرو انكم لازم تبصو لكل حاجة من كل ناحية عشان تعرفو وقلب همس متكسرهوش ابدا لانها بنت قوية وعروسة همس وحاجتها مترحش لغيرها والقلب هو مفتاح كل شئ هو اول شئ بينخطف ولازم تبصو لورا عشان تعرفو تبدؤ بقدام
ريم، يعني اية؟!
مازن، وانا ايش عرف امي اومال بقالي 5 سنين مش فاهم حاجه
ريم، بص هي سهله بس عايزة دماغ مفتحة.
مازن وهو يلقيها على المكتب، لا دماغ مفتحة ولا مقفلة البتاع دية محدش هيحلها الا همس
ريم، اشمعنا
مازن، همس اللي كتبتها مع بابا وكمان اسمها اتكرر اكتر من مرة يبقى اكيد في حاجة صحيح انتي كنتي جاية ليه؟!
ريم وهي تطرق جبهتها، صحيح يلا عشان نتعشا
مازن، طيب.
استيقظ وهو ينظر في الساعة وجدها 7: 20
غيد وهو ينهض من على السرير مسرعاً، هنبداها تاخير
اتجه مسرعا إلى الحمام اخذ حمامه وارتدى بذلته نزل مسرعا إلى الاسفل
ماجدة، مالك يابني مستعجل ليه
غيد. اتأخرت يا امي
ماجدة، طب استني افطر
غيد، لا لا يا امي
ماجدة، طب خد الساندوتش ده
ليلي، طب مين هياخدني الجامعة
اسلام، انا هاخد ملك
غيد، انا ماشي ادعولي سلام يا ماما
خرج من الفلة وهو ينظر إلى ساعته ليطرق بماهي.
غيد، ااااه مش تحاسبي انتي متخلفة
ماهي، سوري يا.
غيد، بلا سوري بلا بتاع
تركها غيد مسرعا وركب سيارته مغادراً
دخلت ماهي إلى الفلة وهي تمثل البكاء
ماجدة، مالك يا قلبي بتعيطي ليه
اسلام، مالك؟!
قصت لهم ما حكي
ليلي، عادي يعني
ملك وهي تأتي مسرعة، يلا يا بابي اتأخرت
اسلام، يلا يا بنتي يلا الله المستعان
ليلي، طب استنى خدني معاك
اسلام، هاتي ملك معاكي
غادر اسلام وهو يتمتم من دلعها الزائد، مكنش زعقلها اومال لو كلها الم.
ليلي، سلام يا مامي خلاص يا ماهي غيد بس كان متاخر وانتي جيتي يعني معلش
ملك، يلا يا عمتو لي لي
ليلي، يلا يا قلب لي لي
خرج الاثنان إلى اسلام الذي كان يطرق بوق سيارته لتاخرهم
ماجدة، خلاص يا ميمي بطلي عياط يا قلبي
ماهي، مشفتهوش يا انطي كان بيزعق ازاي
ماجدة، خلاص اول ما يجي هخليه يعتذر خلاص بقا
ماهي. يا انطي انا كنت جاية عشان اسلم عليكم بس
ماجدة، خلاص يا قلبي متزعليش.
دخل إلى المشفى مسرعاً
ابراهيم، مالك يابني جاي بتسابق الريح ليه
غيد، اتاخرت الساعة 8: 15
ابراهيم، ههههه بص احنا شغلنا بيبدأ الساعة 8 دكتور سمير بيجي الساعة9 يعني تيجي قبل الساعة 9 زي مانتا عايز لكن بعد 9 تاخيير
غيد، اااه وانا اللي فاكر
ابراهيم، لا متفتكرش المهم وافق
غيد، لا بس انا مش هيأس
ابراهيم، يابني.
غيد، انا عايز اشوفها
ابراهيم. تعالا اوريهالك قبل ما يجي
صعد الاثنان إلى الغرفة.
ابراهيم، يلا ادخل وانا هنزل لو جه هتصل عليك
غيد، ماشي
اتجه غيد إلى الغرفة دخل مسرعاً واغلق الباب خلفة وجد الغرفة مظلمة
غيد، إيه الضلمة دية
فتح النور ليظهر له ملاك تنام على الفراش اقترب بهدؤ وصدمة
غيد، دية طلعت شابة انا فاكرها كبيرة
نائمة على الفراش وشعرها الطويل المنسدل بجانبها شفتيها المنتكزتان و وجنتيها الحمراء رموشها الطويلة والكثيفة جسدها النحيف
غيد، الله دية جميلة او...
قبل ان يكمل جملتة وجد مقبض الغرفة يتحرك دليلاً على دخول احدهم بدا يلتفت يميناً ويساراً هو يبحث عن مكان ليختبئ به وجد الخزانة التي بجانب الحائط يوجد فراغ بينهم تخباء به لتدخل احد عاملات النظافة
العاملة، طب وانا هنضف الاوضة دية ليه قال يعني اسم الله حد بيدخلها
دخل ابراهيم خلفها الغرفة مسرعاً
ابراهيم، انتي بتعملي إيه هنا
العاملة، ابدا يا دكتور هبدا انضف اهو
بدا بالبحث عن غيد بعينية حتى اشار له غيد.
ابراهيم، طب طب روحي جيبي مُعقم للأرض
العاملة، بس يا دكتور...
ابراهيم، انتي هتناقشيني اتفضلي
العاملة، حاضر يا دكتور
خرجت العاملة وخرج خلفها غيد مباشره
ابراهيم، كنت هتودينا في داهيه
غيد، خلاص يلا بسرعة قبل ما ترجع
خرج الطبيبان من الغرفة مسرعين
ابراهيم، ها شفتها
غيد، انا اتفاجات لما شفتها
ابراهيم بضحك، ليه
غيد. كنت فاكرها واحدة كبيرة يعني مثلا جت وهي عندها 24 و دلوقتي 35 حاجة زي كده.
ابراهيم، لا لا دية جاية عندها 10 سنين ودلوقتي 21 سنة
غيد بأسى، 10 سنين حرام طب دية لو فاقت ان شاء الله هت.
ابراهيم مقاطعاً، هتبقى طفلة عندها 10 سنين مش انسة عندها 21 سنة
غيد، طب ازاي
ابراهيم، يابني انتا دكتور انتا نسيت
غيد، والله شكلي هعيد ال7 سنين دول تاني عشان اعرف الحالة دية
ابراهيم، هو مش احنا عندنا حاجة اسمها تأخر عقلي
غيد، ااااه اللي هو يبقى مثلا عندو 50 سنة وعقلو لسة صُغير.
ابراهيم، عقلو بيبقى صغيير بس جسمو كبير همس هتبقى كدا بس زي ما عبير قالت امبارح هما عملو لهمس عملية ان عقلها يكمل نمو و لم تفوق هيعملو عملية تانية
غيد، طب والتغير الجسدي ده مش هياثر عليها
ابراهيم، الا هياثر والمشكلة ان فية ناس كتير مش بتقدر الحالات اللي زي كده ولا عندها صبر
غيد، ااه جدا اصل هي هتبقى طفلة صغيرة داخل جسم انسة
ابراهيم، طب هتعمل اية؟!
غيد، انا عايز اجرب يمكن تصيب.
ابراهيم، البت دية صعبان عليا كل من هب ودب عمال يجرب فيها
غيد بضحك، هههه طب يلا ننزل الكافتيرا نجيب حاجة نشربها يكون سمير دى جة
ابراهيم، يلا.
البوص بعصبية شديدة للطبيب، بقالكم كام سنة مش عارفين تعملو ام الدوا ده
الطبيب مرتعب، يا يا باشا الدوا في تراكيب جديدة
البوص، لاجديدة ولا قديمة لانتو عارفين تعملو الدوا ولا الخرفان اللي برا دية عارفين يسرقو تركيبة الدوا إيه مشغل معايا نسوان
احد رجاله، يابوص احنا اكتر من مرة ندخل البيت ونجيب عليه وطية ومش بنوصل لحاجة ده حتى ابنو الكبير مش عارف.
البوص وهو ينفث سجارته بقوة، ماشي اصبرو عليا يا كلاب انا هوريكم.
اسلام، إيه يا ابو الامجاد عامل إيه
ماجد، ازيك يا اسلام عامل إيه
اسلام، اهو تمام اخبارك واية امور الدنيا
ماجد، ياعم هو واحد يبقى هنا ويرتاح
اسلام، على رايك صحيح كنت عايزك في حوار كده
ماجد، عايز فلوس
اسلام، ياعم انتا لاقي تاكول
ماجد بضحك، سترك يا ستار
اسلام، ههههه اسمع بقا الحوار عشان منساش
ماجد، قول.
اسلام، كان في جريمة قتل حصلت يجي من حوالي 11 12 سنة كده لارجل اعمال معروف اووي بتاع شركة ادوية خالد الرويعي
ماجد، اهاااا عرفتو عرفتو
اسلام، تعالا نقعد بقا في المكتب عندي واحكيلك
ماجد، طب يلا
اتجه الاثنان إلى المكتب وحكى لة اسلام كل ماقالة غيد
ماجد، هو انا سمعت كلام زي دى وفي طرطيش كلام ده بس بيني وبينك
اسلام، قول.
ماجد، بيقولو مافيا الادوية هي اللي ورا الحادثة وبنتو هي الشاهد الوحيد ولو فاقت من اللي هيا فيه هتموت!