قصص و روايات - قصص رائعة :

رواية حب تحت مسمى العلاج للكاتبة رهف سيد الفصل الرابع والعشرون

رواية حب تحت مسمى العلاج للكاتبة رهف سيد الفصل الرابع والعشرون

رواية حب تحت مسمى العلاج للكاتبة رهف سيد الفصل الرابع والعشرون

صرخت مستغيثة عندما بدأ السخان باصدار الدخان اتجهت مسرعه إلى باب الحمام ليسقط القفل على الارض دليلا على حبتسها المؤكدة
اما في الخارج كاان غيد يتابع اسلام وهو يحتضن ريم
غيد، وبيقول عليا رومانسي ود...
قاطع كلامه عندما صرخت همس من الحمام اتجه لها مسرع بسبب عجلته ليسقط على الارض ولكنه عاود الركض لحبيبته اتجه ليفتح الباب ولكنه وجده مغلق طرق الباب ليسمع صوت شهقاتها من الداخل.

غيد بلهفه، همس همس مالك افتحي الباب
همس ببكاء وصراخ، الباب مكسور من جواه في دخااان
بدا يحاول كسر الباب وهو يهداها
كانت ليلي تمر بجانب غرفتهم لتسمع صراخ غيد مهدا لتطرق الباب بقلق فتح غيد الباب على امل ان يجد مساعدة
ليلي، في إيه
غيد، الباب اتقفل على همس روحي هاتي حد يساعدني
ركضت ليلي إلى غرفة مازن كان على استعداد للنوم ليقف عندما سمع صوت طرق الباب
مازن، انتا مش معاك مفتاح يا اسلام
فتح الباب ليجد ليلي امامه.

مازن ببرود، خير عندك ملاحظات تانية
ليلي، همس همس ال ال
مازن بفزع، مالها همس حصلها حاجة
ليلي، باب الحمام اتقفل عليها ومحبوسة جوة
عندما انتهت من جملتها وجدته يركض إلى غرفة همس اتجهت خلفه وبدا الاثنان بمحاولة كسر الباب كانت همس تبكي بشدة في الداخل تتصبب عرقاً بسبب الخوف والدخان الذي ادى إلى تقلص الاكسجين
غيد، البااب مش عايز يتكسر
مازن. لازم نحاول هتتخنق جوة
خرجت ليلي إلى البالكون وهي تصرخ منادية لاسلام.

كان محتضن صغيرته وهو يهداها عندما سمع صوت خفيض مناديا له لف وجهه ليجد ليلي تصرخ مناديه
اسلام، قومي شكل في مصيبة
ركض إلى الاعلى بينما هي مسحت دموعها وركضت خلفه دخل اسلام إلى الغرفة وهو يتنفس بصعوبة بسبب ركضة
اسلام، في إيه
ليلي ببكاء، الباب مش عايز يتفتح وهمس جوة
ريم، انا انا هروح انده الامن وشريف.

ركضت ريم مسرعه اما غيد كان قلبه يتقطع ويحاول ان يكسر الباب بقوة ولكنه كان صعبا اما عند همس لم يكن الحال بها مع هذا الدخان سوى لتسقط مغشية عليها
جاء الامن ليمسكو باحد الحدائد ليطرقاه بالباب عدة مرات حتى انكسر ليخرج الدخان كانه السنه نارية دخل غيد غير عابئ لنفسه كل ما يهمه هو صغيرته حملها وخرج مسرعا من الغرفة وقف في الممر وجلس على الارض وهو يحاول افاقتها بهلع
غيد، همس همس فوقي همس
ليلي، خد الماية.

رفع غيد راسها وضع القليل من المياة في فمها ونثر الباقي على وجهها لتفتح عيونها ببطئ وتبدا بالسعال بقوة احتضنها غيد كان روحه ارتدت لها
مازن، هاتها الاوضة عندنا بسرعة
اكمل غيد حملها واتجه إلى غرفة مازن وضعها على الفراش مازالت غير مستوعبة ما حدث لها ضمها غيد إلى صدرة وهو يملس على راسها
غيد، الحمد لله انك كويسة الحمد لله
دخل شريف وهو يلهث باحثاً بعينه عن همس.

شريف، همس همس انتي كويسة حصلك حاجة انا انا بعتذر والله على اللي حص...
غيد بغضب، همس كانت هتروح مني بسبب اهمالكم في الاوض السخان انفجر والباب اتكسر من جوة ده دليل على اهتمامكم بالنزلاء ولو حتى النزلاء دية بنت عمك في الاول والاخر
شريف، انا اسف والله بس مش عارف حصل كده ازاي
مازن، حتى يا شريف انتا عارف الحالة الصحية بتاعتها.

شريف، والله ده افخم سويت عندي انا بعتذر وكل من تسبب في المشكله دية هيتعاقب عن اذنكم وبعتذر مرة تانية
خرج شريف من الغرفة بحرج بالغ بينما كان الجميع متجمع حول همس
مازن، اهدي يا حبيبتي احكيلي إيه اللي حصل
همس ببكاء، انا انا كنت داخلة استحمى واول ما فتحت الماية البتاع انفجر جامد وقعد يطلع دخان جريت عشان افتح الباب الاوكرة وقعت على الارض
ريم وهي تقبل راسها، الحمد لله الحمد لله انك كويسة يا حبيبتي.

ليلي، مشفتيش شكل غيد وهو ملهوف عليكي قد إيه
نظرت له همس بنظراتها المعهودة ليجذبها غيد إلى ذراعه
غيد، كنت هموت لو حصلها حاجة
همس، بعد الشر
ليلي، طب تعالي معايا يا رورو اكيد مش هيفضلو في الاوضة بتاعتهم تعالي نلم حاجه همس وغيد
مازن، يلا يا اسلام انتا كمان تعالا معايا عشان ننزل نقول لشريف يجبلهم اوضة تانية ونشوفها احنا بنفسنا
اسلام، يلا
غادر الجميع تاركين لهم الغرفة لهذان العاشقان
غيد، كنت خايف عليكي اوي.

طبعت همس قبلتها على وجنتها واحتضنته بقوة
همس، وانا كنت خايفة مشوفكش تاني
طبع غيد قبله على كتفها وهو يردف بمرح
غيد، اهو لا انتي ولا انا استحمينا
ضحكت همس بخفوت لتردف، بس انا اللي هستحمى الاول بردو
غيد بضحك، محرمتيش يا بت
همس، تؤتؤ
تمددت على الفراش وهي تسحبه بجانبها
همس، غيد هو انتا عمرك عمرك ما هتزعلني
غيد، ليه يا قلبي بتقولي كده
همس، مش عارفة بس بسال لان انا عارفة ان انتا عمرك ما هتزعلني.

غيد، طالما عارفة بتسالي ليه انتي حبيبتي
احتضنها غيد وهو يملس على شعرها حتى نامت خرج إلى البالكون وهو يفكر في كلماتها وبما حصل له مسبقاً
فلاش باك...
عندما زارته والدته نزلت همس إلى اسفل بينما جلسو هم على الكنبة لتبدا ماهي بكائها الكاذب
غيد، بتعيط ليه
ماجدة بجدية، خليها تعيط لان العياط عمرو ما يغفر اللي هي عملتو
غيد بعدم فهم، وهي عملة إيه عشان تعيط
ماجدة، بنت خالتك حامل!
غيد، حامل ازاي يعني.

ماجدة، احكيلو يا هانم اتنيلي
ماهي بشهقات، لما لما انتا اتجوزت وانا كنت بحبك اوي رحت قعدت اشرب في ديسكو مع صحابي وتاني يوم صحيت لقيتني في شقة ومش فاكرة إيه اللي حصل
غيد بصراخ وعصبية، انتي مجنونه ازاي تعملي كده
ماهي، لما انتا سبتني مقدرتش حتى مش فاكرة حاجة
ماجدة، انا قولتلك انتا يا غيد عشان انتا راجل البيت و عارفة انك عاقل وهتقولي اعمل إيه.

ماهي ببكاء، عشان خاطري يا غيد لو لو مامي وبابي عرفو هيموتوني وهيموتو ورايا
غيد بغضب، اهي مامي وبابي دية السبب في المرقعة اللي انتي فيها لو ربوكي عدل مكنش حصل كده
ماجدة، خلاص يا غيد البنت غلطت هنعمل إيه
جلس وهو يزفر بضيق، وهي دية فيها عمل لازم تقابل حد يساعدها على الأقل يرضى يتجوزها ويطلقها بعد مدة وتقول انها حامل ويرضى يكتب الطفل باسمو
ماهي، محدش هيرضى وهتفضح.

غيد، ده عقابك عشان غلطتي وكل اللي غلط لازم يستحمل نتيجة غلطو
ماجدة، بنت خالتك عندها حق لان الناس هيفضحوها لازم حد نعرفو كويس يتجوزها
غيد، شوفو مين وانا عندي استعداد اكلموا
ماجدة، انتا يا غيد اتجوزها
غيد، انا! مستحيل انسوني انا مش هينفع اتجوز
ماجدة، ليه بقى ان شاء الله انتا ابن خالتها وستر وغطا عليها
غيد بغضب، وانا ليه استر على غلط مش غلطي ومش مشكلتي اصلا.

ماجدة، يابني انتا راجل البيت وفاهم وبعدين الشرع حلل 4
غيد، يا امي همس ممكن تتعب بسبب حاجة زي كده
ماجدة، سيب همس عليا وانا هقنعها
غيد، يا امي حتى لو اقنعتي همس انا رافض جدا هي غلطة تستحمل عقابها
ماهي ببكاء، يا غيد اتجوزني شهر بس شهر عشان خاطري ربنا امر بالستر
غيد بقرف، ومش افتكرتي ربنا لما عملتي اللي عملتيه
ماجدة، يا بني انتا كده كده هتتجوز اتجوز...
غيد، لا معلش بس مين قالك ان انا هتجوز تاني غير همس.

ماجدة بصراخ، إيه همس همس همس البت دية عملالك عمل ولا إيه ده شوية شوية وهتفضلها عليا ويا ترى بقى اللي انتا فرحان بيها فيوم من الايام هتجبلك عيال ولا انتا اصلا عارف تقرب لها
غيد بعصبية، دية حاجة بيني انا ومراتي ومحدش ليه دخل بينا
ماجدة، وانا حقي ان اشوف احفادي منك غيد يا حبيبي عشان خاطري انا اتجوزها شهر بس على الاقل تبقى مطلقه
غيد، ولو موافقتش يا امي
ماجدة، هتبقى لا انتا ابني ولا اعرفك يا غيد.

غيد بصدمه، إيه اللي انتي بتقولية ده يا امي
ماجدة، اللي سمعتو يابني افهم انتا هتكتب عليها وطلقها بعدها بشهر
غيد، يا ماما ازاي حتى تقبلي ان انا اتجوز واحدة زي دية
ماجدة، يابني ده جواز ستر بس
غيد، يا امي...
ماجدة، اللي عندي قولتو يا تقبل تتجوزها يا انتا لا ابني ولا اعرفك يلا يا ماهي عندك فرصة لحد ما ترجع من السفر وماهي هتسافر بكرة شرم عشان تبعد
غادر الاثنان بينما القي غيد جسده على الاريكة بثقل.

عودة من الفلاش باك...
غيد، يا رب الهمني الصواب
سمع صوت انفتاح الباب ليدخل مازن
مازن، نامت
اوما له غيد ليردف بتعب، انا خايف عليها اوي
مازن، الحمد لله ربنا ستر اسلام بيشوف الاوضة التانية
غيد، تتوقع هما اللي وراها
مازن بحدة، انا مش متوقع انا متاكد
غيد، هو هو اللي مكتوب في تقرير همس زمان صحيح ان هي اتع...
مازن، ان هي اتعرضت لمحاولة اغتصاب
اوما له غيد بحزن ليردف.

مازن، ايوة لما كشفو عليها اكتشفو كده وكمان حد خبطها جامد برجلو في جنبها لان جنبها كان في كدمات كتير زرقا
غيد، انا خايف عليها اوي احنا لازم نمسك الناس دول
مازن، يا رب.

ظلو هناك اسبوع وعادو مرة اخرى مقررين عمل حفله صغيرة بعد اسبوعان كازفاف لريم وتنقل إلى عش زوجها
اما غيد كان قلبه يتقطع عليها لا يعرف ماذا يفعل هل يرضى والدته ام يخاف على حبيبته
دخلو إلى الفله صعد غيد مسرع وهو يمسك بهمس حتى لا يحدث احتكاك بينه وبين والدته وتساله عن قرارة
همس، ياااه أخيرا رجعنا
غيد في نفسه، يارتنا فضلنا هناك
همس، غيد روحت فين
غيد، ها موجود يا حبيبتي يلا ندخل ننام
همس، لا مش عايزة انام.

غيد، ليه بس صحيح ما انتي مقضياها نوم طول الطريق
نظرت له بضيق، دول شوية صغيرين
غيد، لا كتير على العموم انتي عارفة مين جاي بكرة
همس، مين
غيد، مس فريدة عشان تكمل دروس ونبقي شطار
همس بتذمر، لا لا مش عايزة
غيد، لا لازم نذاكر عشان خاطري
همس، لا
غيد، عشان خاطري يا هموسة
نظر لها ببرائة لتردف، امري لله هذاكر عشانك
غيد، حبيبتي ولو طلعتي شاطرة هجبلك شوكولاته وحلويات
همس، ماشي.

ماجدة، وافق ولا لا
كانت تتحدث مع ماهي عبر الهاتف متساله
ماهي، معرفش يا انطي والله مش سالتو
ماجدة، متخافيش يا حبيبتي هيوافق
ماهي، يا ريت يا انطي
اغلقت معها لتتفاجا باسلام يقف عند باب الغرفة
اسلام، مين ده اللي هيوافق
ماجدة بلعثمه، مفيش انتا بتتصنت عليا يا ولد
اسلام، اولا انا مش بتصنت عليكي انا سمعتك بالصدفة تانيا انا مش اهبل عشان تقلبي التربيزة ممكن اعرف مين اللي هيوافق على ماهي.

ماجدة، غيد هيتجوز ماهي ارتحت
اسلام بصدمة، ازاي!
ماجدة، عادي يعني هيتجوزها هو حرام يتجوز
اسلام، لا بجد انا مش مصدق يتجوز ماهي ليه
ماجدة، ظروف
اسلام، ظروف بردو ولا حضرتك اللي بتلعبي في دماغو
ماجدة. احترم نفسك يا ولد
ليلي، مالكم بس بتتخانقو ليه
قالتها ليلي وهي تدلف إلى الغرفة ليرد اسلام بعصبية
اسلام، تعالي شوفي امك عايزة تجوز غيد لماهي.

شرقت ليلي لتبدا بالسعال، نهار اسوح عايزة تجوزي غيد لماهي بقى تسيبي همس الملاك الطاهر وتجوزيه للعقربة اللي ما تتسم
ماجدة، احترمي نفسك وانتي بتتكلمي عن بنت خالتك وبعدين انا بعمل كده عشان عايزة اشوف ولاد غيد ده حتى حقوقو مش واخدها من البت دية
تلون وجه ليلي بسبب حديث والدتها بينما تلون وجه اسلام بالغضب.

اسلام، ده موضوع محدش يقدر يتكلم فيه وبعدين غيد بيحب همس جدا ولا يا ماما لازم تبصمي على كل عيل من عيالك جوزتيني واحدة مش بحبها وقضيت نص حياتي خناق معاها لحد ربنا ما افتكرها ربنا يرحمها يبقى ليه تعملي كده في غيد ليه بتكرري الغلطه
ليلي، ااهدي يا اسلام
ماجدة، الله اكبر عليكم يا ولاد الهواري كلكم اتفقتو عليا
ليلي، يا امي احنا بنقول كلام مظبوط مينفعش وبعدين غيد مستحيل يوافق
ماجدة، هنشوف.

خرج اسلام صافكا الباب بقوة مغادراً لتنظر إلى والدتها بعتاب وغادرت هي الاخرى
امسكت ماجدة الهاتف وارسلت لغيد تخبرة ان ينزل مساءاً هو وزوجته
قرا غيد الرساله ونظر إلى حبيبته.

الفصل التالي
جميع الفصول
روايات الكاتب
روايات مشابهة