رواية حب تحت مسمى العلاج للكاتبة رهف سيد الفصل الرابع عشر
غيد بفرح، باركولي انا اتجوزت
فتحت ماجدة هي وماهي اعينهم بشدة بينما نهضت ليلي وركضت الية
ليلي، بجد يا غوغو
غيد، بجد يا حبيبتي
خرجت ليلي ونزلت للاسفل مسرعه
ماجدة، إيه اللي انتا بتقولو ده
غيد، إيه يا ماما بقولك انا اتجوزت
ماهي، انتا بتهزر
غيد، واهزر معاكي انا ليه
ماجدة، ازاي تتجوز من غير ما تقولي ولا انتا خلاص عيشتك برة مع الخوجات اثرت على دماغك.
غيد، ماما اولاً انا مش بتاثر بحد ثانياً انا معملتش حاجة لاهي حرام ولاهي عيب انا اتجوزت على سنه الله ورسولة ثالثاً انا مبسوط ومتوقعش ان ده ممكن يدايقك في حاجة وان انتي اهم حاجة انك تشوفيني سعيد
ماجدة، انا اه هفرحلك بس لما تتجوز اللي انا اخترهالك
غيد، هو انتي اللي هتتجوزيها ولا انا، انا من حقي اختار اللي هحسها مناسبة ليا
ماهي، يعني انا مش مناسبة ليك بقى ولا إيه
غيد، والله انا اللي اقرر مش انتي.
ماجدة، وريني بقى ست الحسن والجمال اللي انتا متجوزها
غيد، اتفضلي هي في الجنينه مع اسلام وليلي وملك
ماجدة، ما شاء الله كلكم عارفين وانا اخر من يعلم
وقفت في البالكون كي تنظر إلى هذه المدعوة زوجتة تفاجات عندما وجدتها همس
ماجدة، مش دية...
ماهي، همس اتجوزت همس!
غيد، ايوة
(فلاش باك)
مازن، طب عندك حل
غيد، اكييييد
مازن، اتفضل احب اسمعو
غيد، همس تيجي تكمل علاج عندي
مازن، عندك فين؟!
غيد، في البيت
مازن، افندم!
غيد، وهي على ذمتي
مازن، لا معلش فهمني
غيد، انا هتجوز همس واخليها تعيش معايا في البيت وتكمل علاجها وهتبقى تحت رعايتي
مازن، انتا مجنون
غيد، ليه بس والله فكر فيها كده معايا
زينب، انا موافقة
غيد، ايوة
مازن، مينفعش ليه هو حد قالك اني مش هقدر احمي اختي ومستنيك تحميها
غيد، مش زي ما حضرتك فاكر انا بس
مازن، عرضك مرفوض يا دكتور غيد.
غيد، يا استاذ مازن انتا بس ركز معايا لو حصلت لهمس حاجة مبتحميش لحد غيري ممكن حد يعملها حاجة وهي مش هتحكي لحد صدقني
زينب، خلاص يا غيد بكرة هنرد عليك
غيد، ان شاء الله وانا هنتظر الموافقة باذن الله
خرجت همس وهي تتسند على ريم نهض غيد ليمسكها ولكن سبقه مازن وحملها وهو يضعها على الفراش حتى نامت ثم غادر
في الصباح اليوم التالي استيقظ وايقظ اسلام واتجهو إلى المشفى
غيد، ها احب اسمع رايك
مازن، موافق.
امسك يده وهو يهنئه بحرارة، شكراً شكراً يا استاذ مازن ان شاء الله مش هتندم على اختيارك
رفع مازن سبابته بتحذير، بس صدقني اي حاجة مهما كانت صغيرة ودايقت اختي وقتها هخدها
غيد، متقلقش في عيني
اسلام. الماذون جه مبروك
كانت همس تنظر لهم باستغراب غير مدركة ما حدث لا تستوعبه
ريم، مبروك يا جوز اختي يا عسل على فكرة انا اللي اقنعت مازون عشان يوافق وهو بيسمع كلامي عشان كده وافق
مازن، يا شيخة!
ريم، مش يعني بس هه.
زينب، حطها في عينك يابني انتا خدت جوهرة من عندي
غيد، في عيني يا طنط
اسلام، طب يلا يا مرات اخويا عشان نمشي يلا يا هدهد
امسك اسلام يدها وهو يبارك لها
اسلام، الف الف مبروك خدتي زينه الرجال والله بس كان قدامك ضابط عسول كده وبعيون عسلي ودقن خفيفة حلوة اهي وطول بعرض وعند...
غيد وهو يسحب يده من يدها، إيه يا بابا انتا لو بتعمل اعلان لنفسك كنت خلصت
اسلام، يا بني انتا اخدت الماسة عسل
امسكت همس يد غيد وهي تبتسم.
همس، غيد احنا هنروح فين
غيد، عندي في البيت يا حبيبتي هتيجي تعيشي معايا
اومات همس بفرح
غيد، مبسوطة
همس. اااه عشان هقعد معاك
ريم، طب يلا اجدعان نروح
عودة من الفلاش باك
كانت ماهي في حاله صدمة ممزوجه بقهر وغيظ من هذه الفتاه
ماهي بصوت مرتفع، بقى تسبني انا وتروح تتجوز واحدة متخلفة
رفع غيد يده وكان على وشك ان يضربها بقوة مدافعاً عن ملاكه الصغير ولكنه كور يده بغضب شديد
غطت ماهي وجهها وهي متوقعة ان يضربها.
غيد، انتي تحمدي ربك انك لسة واقفة على رجلك لحد دلوقتي بعد ما اتكلمتي عن مراتي كده وان انا مش بمد ايدي على ستات لاني لو بمد كان زمانك موتي
رفع يده وهو يحذرها، ولو شفتك ولا حتى لمحتك بتقربي من همس او دايقتيها حتى ببصة ساعتها جبيلي اللي يخلصك من ايدي لاني مش هرحمك واللي هيزعل همس صدقوني انا اللي هقفلو
قال جملته وخرج وهو يهدا نفسة لينزل إلى صغيرته.
ماهي، شفتي يا طنط شفتي ابنك فوق مهو راح اتجوز دية كمان كان هيضربني
ماجدة، بصي انا اديتك كلمه مهما حصل انتي هتتجوزي غيد وانا هتصرف
ماهي، انا لازم امشي
نزلت ماهي وهي تركض وطرقت بهمس كادت ان تسقط همس ولكن لحقها غيد
غيد، انتي كويسة
همس وهي تتعدل، اه اه بس كنت هقع
نظر غيد إلى ماهي بغضب ولكنه وجدها تبخرت وغادرت
ليلي، ككضربة في قلبك يا كلبة
اسلام، فكك منها يا بنتي
ملك، يعني انتي دلوقتي هتفضلي معايا يا همس.
غيد، ايوة يا حبيبتي هتفضل معانا على طول
صعد غيد وهو ممسك بيد همس كي يبث لها الاطمئنان
ليلي، بصي تعالي اوريكي اوضتي
ملك، اه اه تعالي كمان عشان تشوفي اوضتي فيها العاب كتير ودباديب
همس، وانا كمان يا غيد عايزة العاب و دبدوب كتير
غيد، يا ستي من عيني دية قبل عيني دية
جاء ليدخل وهو ممسك بيدها ليجد والدته تمنعهم.
ماجدة، البت دية مش هتدخل هنا عايز تدخلها طلعها فوق لكن هنا مش هتدخل انتا وقت ما تحب تدخل اهلاً بيك بس هي لا
اسلام، إيه يا ماما اللي انتي بتقوليه ده
ليلي، مينفعش يا ماما
غيد، خلاص يا ماما انا وهمس مش هندخل عن اذنكم عشان هنطلع ننام
اسلام، طب استني مش هنتغدا يابني
غيد، لا شكراً تصبحو على خير
اخذ صغيرته وصعد إلى الاعلى واغلق باب شقته خلفه بقوة
نظر الجميع إلى ماجدة بعتاب
اسلام، تصبحو على خير.
ليلي، استنى يابني خدني معاك
ملك، خدوني معاكم
حملها اسلام بين يديه وتبعته ليلي ودخلو إلى احد الغرف
ليلي، ينفع اللي عملتو امك ده
اسلام، طب اعمل إيه بقولكم إيه اطلعو برة عايز انام
ليلي، مالك انتا كمان في إيه
اسلام، هتطلعي برة ولا اطلع اشوفلي داهيه انام فيها
ملك، يلا يا لي لي يلا ده بيت ولاد مجنونة
ما ان قالت هذا ركضت إلى الخارج
اسلام، ماشي يا اوزعة يا بنت الك.
ليلي، لا لا استني متشتمش بنت اخويا.
نظر لها اسلام برعب لتفزع
ليلي، اشتمها ياخويا براحتك انا مالي انا
خرجت ليلي مسرعه وأغلقت الباب خلفها
تنهد اسلام وهو يرمي بنفسة على الفراش
فلاش باك
في اثناء كتب كتاب غيد اتجهت إلى اسلام على استحياء
ريم، احم انا كنت جاية اعتزرلك
اسلام، بتكلميني انا!
ريم، اه انا اسفه عشان خبطك جامد
اسلام، ااااه ده انتي طلع عندك احمر
ريم، احمر! تصدق خسارة فيك الاعتذار الحق عليا قولت اعمل باصلي.
اسلام، استني بس انا بهزر ماشي يا ستي انا تقبلت اعتذارك
نظرت له ريم بطرف عينها ومدت يدها بسلام
ريم، صافيه لبن
نظر لها اسلام بابتسامة ومد يده
اسلام، حليب يا قشطة
ريم، ملك عاملة إيه
اسلام، كويسة الحمد لله
ريم، سلملي عليها لحد ما اشوفها
اسلام، ان شاء الله يوصل صحيح عقبالك
ريم، لا يا عم انا قاعدة عند امي وبعدين السنجلة جنتله
اسلام، هههههه معاكي حق فعلاً
عودة من الفلاش باك
اسلام، والله البت عسل.
اغمض عينه وهو يسحب غطائه عليه
خرجت ليلي وهي تحك راسها بضيق
ليلي، والله البت صدقت بيت مجانين ملك يا ملك
ملك من اسفل الطاولة، انا هنا يا عمتو
نزلت اسفل الطاولة، بتعملي إيه هنا يا بت
ملك، مستخبية
ليلي، طب يلا ابوكي نام تعالي
خرجت ملك وهي تمط ذراعيها
ملك، واحنا هنعمل إيه
ليلي، انا بقول نروح نتفرج على تلفزيون
ملك، يلا
ليلي، يلا يا ختي
اما في الاعلى كان غيد متضايق من فعلة والدته فتح باب الشقة ثم ادخل صغيرته.
غيد، ادخلي يا حبيبتي
جائت لتدخل ولكن طرق غيد راسه باسف
غيد، استني استني انا نسيت
همس، نسيت إيه
غيد، تعالي كده شوية تنحت جانباً بينما هو ادخل الحقائب ثم اتجه إلى همس ومال على ركبتها ليحملها بين ذراعيه شهقت همس بخوف وتمسكت بقميصة
همس، هقع
غيد، عيب عليكي
دخل بها غيد واغلق الباب برجله ثم بدا يعرفها على شقته وهو يحملها حتى وصل إلى الحمام
همس، نزلني هنا عشان عايزة اغسل وشي
مال غيد وانزلها.
غيد، طب بصي انا هروح اغير هدومي وانتي خلصي وتعالي
همس، ماشي
خرج غيد بينما اقفلت همس الباب وهي سعيدة بسبب انها سوف تقيم مع غيد غسلت وجهها ورفعت شعرها على شكل كعكه وهي تنظر إلى المراءه
همس، يا خلاصي ده انا جميلة اوي حتى احلى من سنووايت وسندريلا
خرجت همس وهي تبحث بعينها عن الغرفة حتى وجدتها عندما دخلت اغلقت عينيها بشهقه جعلت الدماء تفر إلى وجنتيها لتزيدهم احمرار.
نظر لها غيد وعلى وجهه علامات الاستفهام ثم نظر إلى نفسة كي يرى ماذا هناك ليجد نفسه بدون تيشرته العلوي هز راسه على غبائه واخذ احد تيشرتاته القطنية الرفيعة وارتداها
غيد، خلاص يا هموس شيلي ايدك
أزاحت همس يد واحدة لتتاكد ثم ازاحت الثانية
غيد، مالك قربي
اقتربت منه همس على استحياء ما ان اقتربت حتى سحبها غيد من خصرها ليتملكه بكل شوق
غيد، مالك مكسوفة كده ليه
همس، لا مش مكسوفة انا عايزة انام.
غيد، طب انا كنت عايز اتكلم معاكي شوية
همس، طب نقعد وبعدها اتكلم
غيد، لا نتكلم واحنا كده
همس، كده!
غيد، اه بصي يا هموسة دلوقتي انتي إيه مراتي فاهمه يعني إيه
هزت براسها نافيه
غيد، يعني انا بقيت جوزك مش صح عبير متجوزة
همس، ايوة
غيد. انتي كمان بقيتي متجوزة
همس، وهيبقى عندي نونو زي عبير
رفع غيد حاجبية باستغراب شديد
غيد، اه اه ان شاء الله
ما ان انهى جملته حتى القت نفسها بين احضانه تحتضنه بحب.
رفعها غيد من خصرها وهو يحتضنها هي الاخرة
همس، انا بحبك اووي يا غيد
صمت غيد قليلاً ليردفها بكل حب، وانا كمان بحبك اوي يا همستي
ظل يحملها من خصرها و وضعها على الفراش
همس، وانتا هتروح فين
غيد، هنام جنبك
اتجه غيد إلى الجزء الثاني من الفراش وخلع التيشيرت الخاص به
اعادت همس حكم اغلاق عينها لتردف بغيظ
همس، يوووة بقى يا غيد البس
غيد، يا حبيبتي عادي اهدي مفيش حاجة.
سحبها غيد إلى احضانه وانزلها اسفل الغطاء وهو يملس على شعرها حتى نامت بين يديه
نظر لها غيد بحب
غيد، عمري ما اتوقعت ان اللي كنت بحلم بيه يتحقق وان انتي تبقي قدامي وحلالي سحب الغطاء عليه هو الاخر واتجه إلى عالم الاحلام الخاص به.
همستي ها قد جاء عشقك وها قد جئتي إلى عشي و وقعنا نحن الاثنان في حب تحت مسمى العلاج وسوف نشهد الكثير من الشوق والعشق في ليالينا التي لم ولن تملئها سوى العشق والشغف و الجنون بين المحبين
الناس اللي بيبركولي ان غيد اتجوز همس غيد جابلي ضرة وزي ما جبلي هجيب لحبيبة القلب دية ضرة وقد زعتر من بعتر.