رواية حب تحت مسمى العلاج للكاتبة رهف سيد الفصل الخامس عشر
استيقظ غيد بعدما شعر بحركة غريبة في فراشة فتح عينه وجد ملاكه بين ذراعيه محتضنها طبع قبلة على راسها ثم تعدل في جلسته وهو يعيد شعره إلى الخلف سمع صوت هاتفه يصدع معلناً عن مكالمة
نهض مسرع ليمنعه عن ازعاج صغيرته
غيد، عايز إيه
اسلام، صباحية مباركة يا عريس
غيد، اخلص
اسلام، امك!
غيد، مالها
اسلام، عمك تحت انزلو
غيد، عمي وامي ازاي؟!
اسلام، امك اتصلت بعمك عشان يعني يزعقلك بس عمك بسم الله ما شاء الله ديب فريزر متحرك مديها وش البرود والواد مغلطش وهو حر وبراحتو
غيد. والنبي عمك ده عسل هنزل ابوسو دلوقتي
اسلام، خليك في اللي عندك وانزل
غيد، طيب ياخويا بس طلعلي اختك عشان تقعد مع همس عشان متقعدش لوحدها
اسلام، يا عم خليها تنزل
غيد، لا مش عايز مشاكل طلع لي لي
اسلام، طيب.
اغلق معه ثم اتجه واخذ احد تيشرتاته وارتداها سمع صوت طرقات صغيرة على الباب اتجه اليه
ليلي، صباحو
غيد، ادخلي ومتعمليش صوت عقبال ما انزل
ليلي، حاضر
دخلت ليلي بينما نزل غيد إلى الاسفل ما ان رأى عمه سلم عليه بشوق كبير
سالم، كيفك يا ولدي
غيد، انا كويس يا عمي حضرتك عامل إيه وحشتني والله
سالم، كل اللي في البلد متوحشينك جوي
غيد، سلملي عليهم عقبال ما اسافر اشوفهم
اسلام، لا مهو احنا على اخر الاسبوع هنكون هناك.
سالم، صفية هتولد عن جريب(قريب)
غيد، مبروك يا عمي يتربى في عزك
سالم، عجبالك يا ولدي
ماجدة، عقبالو امت...
قاطعها سالم وهو يشير إلى غيد
سالم، فين مرتك يا ولدي مش هتنزل تسلم عليا ولا إيه
ليلي، لا يا عمي اهي
قالتها ليلي وهي ممسكة يد همس عند الباب
نظر لها غيد بابتسامة جعلت خوفها يختفي ولكن تهجم وجهه عندما تذكر حديث والدته الصباح
غيد، استني عندك يا همس متدخليش
سالم، في إيه يا ولدي مش رايدها تدخل ليه؟!
اتجه غيد وامسك يد همس وهو يردف
غيد، انا مراتي مش هدخلها مكان تتهان فيه ومكان وجودها فيه مش محبوب اللي عايز يشوفني او يشوف مراتي يبقى يطلع فوق
سالم، مين اللي جال (قال) كدا مرتك ده بيتها واللي مش عاجبو اقرب حيطة في البيت يخبط راسو فيها ادخل يا ولدي.
وافق غيد مطيعاً لامر عمه دخل وهو ممسك بيد همس كانت همس خائفة شعر غيد بخوفها زاد في تمسك يدها جلس على الكرسي المقابل لعمه وجلست والدته وهي تتافاف بضجر بينما جلس الثنائي اسلام وليلي سوياً حتى يتحدثوا كما يريدون
اسلام، انا عندي حماس اني اشوف الخناقات
ليلي، اصتبر اما نشوف اجدع متقطعش الاحداث
كانت همس خائفة بسبب نظرات والدة غيد لها تشبثت بيدة تطلب الدفاع اقتربت من اذنه بخفوت.
همس، غيد انا خايفة طنط عمالة تبصلي زي زي ما فؤاد كان بيبصلي
نظر غيد بضيق شديد وامسك يدها، متخافيش انا جنبك
همس، طب طب يلا نطلع فوق انا مش عايزة اقعد هنا خايفة
سالم، واه فيكم إيه انتا ماسك اختك وانتا ماسك مرتك بتتحدتو في إيه عاد
ليلي بضحك، اصلهم عرسان جداد يا عمي بقى
ملك، جدو انا زعلانة منك
سالم، ليه يا حبيبة جلب جدك حتزعلي مني ليه.
ملك، عشان طنط صفية هتجيب بيبي وانتا هتفضل معاها ومش هترجع تحبني زي الاول وهتحبها
سالم، لا يا حبيبتي ده انتي الاصل بردك ومهما جه عيال ده انتي فرحه العيلة الاولى عجبال ما اشوف عيالك يا غيد انتا وليلي
غيد، ان شاء الله يا عمي
سالم، وانتي بجى يا عروسة اسمك إيه
خبأت همس وجهها خلف ذراع غيد ليجيب غيد مفهماً
غيد، اسمها همس يا عمي
سالم، اسمها حلو
اسلام، والله يا عمي هي كلها حلوة على بعضها.
سالم، اتحشم يا ولد دية بردك مرت اخوك على العموم انا لازم اعاود البلد دلوكت (دلوقتي)
غيد، ليه بس يا عمي
اسلام، لسة بدري يا عمي خليك
سالم، لاا انا جيت بس عشان اجابل (اقابلك) انتا وعروستك وزي ما جال(قال)اسلام اخر الاسبوع تبجو (تبقو) عندنا في البلد
ماجدة، انا مش هعرف اجي يا حج
سالم، عذرك عندك يا مرت اخوي جصري الشر مع زوجه ولدك
لوت ماجدة شفتيها متسخطة بضيق
سالم، يلا السلام عليكم.
خرج سالم وخرج خلفه غيد واسلام كي يوصلانه
ما ان خرجو قفزت ليلي لتقترب من همس بضحك
ليلي، والله عمي ده عسل
همس بابتسامه، اه طيب وحلو
ليلي، بقولك إيه مش جعانه
مطت همس ذراعيها بكسل وهي تردف، نعسانه شوية بس جعانه جداا
ليلي. خلاص يا ستي نتغدا وبعدها اطلعي كملي نوم
همس، هي الساعة كام
ليلي وهي تلف ساعة معصمها، الساعة 6: 20 ليه
همس، بس كنت بسال
ماجدة، ليلي روحي اعمليلي فنجال قهوه
ليلي، حاضر تعالي معايا يا همس.
ماجده، إيه خايفة اكولها
ليلي، لا بس عشان ترغي معايا
دخلت ملك وهي تجلس على كتفي غيد
ملك، يا بابا لا انا عايزة بيتزا زي عمو
غيد، حبيبة قلب عمو
اسلام، بس يا بت احنا هنجيب كريب
ليلي، لا انا عايزة كريب
غيد، خلاص يبقى هنجيب ساندوتشات فول وطعمية.
طرق هاتفه في الحائط بقوة وغضب عارم
البوص، ازاي يتجوزها
مساعده، زي ما بقولك كده
البوص، انا الحق عليا اني مشغل نسوان معايا
مساعدة، يا بوص احن...
البوص، اطلعو غورو برة كتكم الارف
خرج الجميع وهم يتمتمون بغضب
البوص، انا هتصرف
اخرج هاتفه من جيبة وهو يبتسم بخبث
البوص، انا بقى هتصرف.
تحبه تعشقة تفاصيله تُحيها جالسة على الفراش تنظر له بهيام سارحه في عروقة الظاهرة عضلاته البارزة من اسفل قميصة الاسود يرفع الاكمام إلى ساعدية إنتبه في المرأه انها تنظر له غمز لها لتبتسم بخجل اخفته عندما ادارت وجهها إلى الجهه الاخرة تقدم اليها وهو ممسك بمشطة يحركه في يده ببراعه
غيد، القمر سرحان في إيه
همس، مش سرحانه في حد بس بحب اتفرج عليك
غيد، بحب اتفرج عليك! ليه يا امي حد قالك تلفزيون.
جلس خلفها وبدا يمشط شعرها برقه
غيد، شعرك حلو وهو طويل متقصهوش
همس، بس بيتعبني اوي
غيد، هو انتي اللي بتسرحي ولا انا
رفع شعرها بعشوائية لينسدل على شكل ذيل حصان
غيد، كده حلو
همس، شعري انتا عملت في إيه
غيد، معملتش فيه حاجة مهو حلو اهو
همس، منعكش
غيد، لا ده حلو اوي يلا ننزل اتاخرنا
نزل الاثنان وقف غيد عند الباب وهو يناديهم
غيد، يلا يابني منك ليها
اسلام، جايين اهو.
في هذه اللحظة خرجت ماهي من الداخل وهي تحمل حقيبتها نظرت إلى غيد
ماهي، ازيك يا غيد ازيك يا همس سوري قصدي مدام همس
همس، الحمد لله كويسة
غيد، ما تخلصو بقى
خرجت ليلي وهي تحمل حقيبتها وممسكة بملك وخرج بعدها اسلام
ليلي، خلاص جينا اهو
اسلام، يلا
ماجدة من الداخل، غيد!
غيد، نعم يا امي
ماجدة، انا مش جاية خد ماهي بدالي
غيد، ليه يعني خلاص مش لازم تيجي
ماهي، بس انا بقى عايزة اجي
اسلام، خلاص يا غيد يلا.
نزلو إلى الاسفل ركب غيد وركب اسلام بجانبه و وضع صغيرته على رجلة بينما جلست ماهي في الوسط بين همس وليلي كانت عندما ياتي احد المطبات تلقي نفسها على همس قاصدة
ماهي، سوري يا همس بس المنطقة فيها مطبات كتير
همس، وهي المطبات بتوقعك بس عندي مش بتوقعك عند ليلي
ماهي، سوري
نفخت همس بضيق ليردف غيد
غيد، تعالي يا لي لي في النص بين همس وماهي
اسلام، خلاص يا عم احنا وصلنا اهو واحنا راجعين بقا.
اركن غيد السيارة ونزل الجميع سرعان ما تمسكت همس بغيد
رات ليلي هذا مالت على اسلام
ليلي، بص ماسكة غيد ازاي كانو بتاعها
ملك، يا عمتو علي صوتك شوية مش سامعة حاجة
نظرت لها ليلي لتردف، وانتي مالك انتي دية حاجو كبار
ملك، تحبي افتن عليكي انا عارفة مصايب
ليلي وهي تغلق فم الصغيرة، خلاص اكتمي ده انتي هقولك لما نرجع
ملك، طيب اما نشوف.
وقف الجميع امام الباب منتظرين ان يفتح احد كانت همس تنظر حولها تشعر انها تعرف هذا المكان فاقت على صوت عزة وهي تفتح الباب لتردف
عزة، يا اهلا وسهلا يا مليون مرحب اتفضلو اتفضلو
دخلو إلى الفلة ليستقبلهم مازن بترحاب
مازن، اهلا اهلا اتفضلو
غيد، ازيك يا مازن عامل إيه
مازن، تمام الحمد لله انتو عاملين إيه
غيد، الحمد لله انتا متعرفش إلا اسلام بس دية ملك بنتو ودية ماهي بنت خالتي ودية لي...
مازن، انتي
ليلي، انتا!
نظر لهم الجميع باستغراب
اسلام، انتو تعرفو بعض
مازن، اه
ليلي، لا
رفع اسلام حاجبية باستغراب، اه ولا لا
مازن، لا
ليلي، اه
همس. انتو مجانين
قاطعهم صوت زينب وهي تخرج من المطبخ
زينب، اهلا وسهلا نورتونا
غيد بابتسامه، بنورك يا طنط.