رواية حب تحت مسمى العلاج للكاتبة رهف سيد الفصل الثالث
ابراهيم، كده يا سيدي خلصنا كل الاوض وتقدر تختار الحالة اللي هتبدا تشتغل فيها
لفت انتباه غيد الغرفة التي في اخر الممر
غيد، لا باقي اوضة اللي هناك دية مدخلنهاش
ابراهيم. اااه اصل الاوضة دية حالة خاصة بزيااادة
غيد، ازاي؟!
ابراهيم، دية الممرضة المسوؤلة عنها عبييير يا عبيير
عبير، ايوة يا دكتور ابراهيم
إبراهيم، ده دكتور غيد الدكتور الجديد
عبير، اهلا يا دكتور غيد
غيد، اهلا يا عبير
ابراهيم، اتفضلو معايا المكتب.
غيد، و الحالة
ابراهيم، هقولك في مكتبي يلا
نزل الثلاثة إلى المكتب في الاسفل عندما فتح ابراهيم الباب اتجه إلى آلة صنع القهوه
ابراهيم، قهوتك اية؟!
غيد، زيادة
ابراهيم، وانتي كمان ياعبير
عبير، مظبوط
اعطى لهم كوبين من القهوه وجلس على المكتب
ابراهيم، عايز تعرف إيه بقا يا سي غيد
غيد، انتا قولت ان دية حالة خاصة ليه؟!
عبير، بص يا دكتور دية جالها اطباء من برة ومن كل مكان
غيد باستغراب، ليه كل ده.
ابراهيم، بص يا سيدي دية هنا في المستشفى بقالها 11 سنة
غيد، 11 سنة ليه!؟
ابراهيم، عارف خالد الرويعي
غيد وهو يتذكر. خالد الرويعي ااااه مش ده صاحب شركة rppc بتاعت الادوية
ابراهيم، ايووة هو ده
غيد، بس ده ميت بقالو 11 او 12 سنة
ابراهيم، طب اسكت عشان احكيلك
غيد، اتفضل.
ابراهيم، بص يا سيدي خالد الرويعي بعد وفاتو طبعا جالنا فاكس من مستشفى ان في عندهم حالة مش عارفيين يسيطرو عليها وان هي لازم تتحول للمستشفى بسرعة المهم يومين ولقيناها بنت خالد الرويعي همس كانت تقريبا متعلقة بباباها جدااً لما جت كان عندها انهيار عصبي حاااد وحالة اكتئاب شديد اول ما جت كانت كل يوم تصحى تصرخ جامد تروح احنا مدينها مخدر وتنام فضلت كده اسبوعين تقريبا لحد ما فيوم لقيناها لا بتصحى ولاتصوت.
غيد، ماتت!
ابراهيم، ااه ماتت واحنا محنطنها فوق إيه يابني لا البنت دخلت في غيبوبة رفض للعالم الواقعي
غيد، ازاي
ابراهيم، زي اي حالة رافضة ان هي تعيش في العالم ده نجيب دكاترة نجيب أخصائيين مفيش اي حاجة وبعدها البوليس رجلو اتقطعت عن المستشفى
غيد، ايش دخل البوليس في الموضوع
ابراهيم، يابني ابوها اتقتل قدام عينها
غيد، ايية!
ابراهيم، اااه خالد الرويعي مات مقتول ومات قدام بنتو عشان كده.
عبير، وكمان عملولها عملية في دماغها بحيث لو فاقت وعملت عملية مرة تانية ترجع تاني انسانة عاقلة كبيرة
غيد، ومحدش عالجها
عبير، دكتور سمير مش مخلي حد يعالجها
غيد، اشمعنا!
عبير، عشان تفضل واهلها يدفعو بالالفات كل شهر
غيد، طب طب هو انا ممكن احاول اعالجها
ابراهيم، هههه إيه ده انتا اول ما تشطح تنطح بس انا موافق يا سيدي بس كلو عند الدكتور سمير
غيد، يعني هيوافق
عبير، معتقدش هيوافق
غيد، اشمعنا.
ابراهيم، زي ما قولتلك يا غيد الدكتور سمير دكتور مادي ولو انتا نجحت في علاج الحالة ودة شئ مش متوقع بتاتاً هياخدوها اهلها وانتا كده هتخسرو فلوس كتير
غيد، بس دية شغلتي واذا موافقش هفضل ازن فوق دماغو لحد ما يوافق وهروحلو دلوقتي
ابراهيم وهو يشير إلى الساعة المعلقة على الحائط، باقي على موعد خروجة من المستشفى نص ساعة لو قدرت تلحقوا ابقى قولي وافق ولا لا.
نهض غيد مسرعاً وخرج من الغرفة متجهاً إلى غرفة المدعو سمير وجده يخرج من الغرفة
غيد، دكتور سمير دكتور سمير
سمير. دكتور غيد انتا لسة هنا
غيد، لو سمحت يا دكتور ممكن طلب
سمير، اتفضل
غيد، همس، همس الرويعي انا كنت عايز اعالجها
سمير، نعم يادكتور!
غيد، ليه يا دكتور
سمير، حضرتك يا دكتور لسة جاي انهرده ولسة حتى مبداتش تشتغل وعايز تشتغل في اهم حالة عندنا
غيد، يا دكتور بس!
سمير، المستشفى عندك مليانة حالات اختار اللي انتا عايزاها عن اذنك
قالها وهو يغادر ليزفر غيد بضيق
غيد، بس و ربنا ما هستسلم
عاد غيد إلى المنزل وجدهم مجتمعين في الصالة
غيد، السلام عليكم
الجميع. عليكم السلام
اسلام، دية كانت مقابلة دية ولا رحت تشتغل
غيد، لا يا ظريف صحيح كنت عايزك في حوار
ليلي، حوار إيه هاها
غيد، بطلي تحشري نفسك في اللي ملكيش فييه
اسلام، من تدخل فيما لا يعنية سمِعَ مالا يرضيه!
غيد، من امتى العقل اللي نزل عليك ده
اسلام، ضيعت ام الهيبة اللي بحاول ابني فيها
غيد، خلينا في المهم اخيراً شغلتك كضابط هتنفعني
اسلام بضحك، رخصتك اتسحبت ولا عندك مخالفة ولا خبطت حد ولا كسرت كمين؟!
غيد، قتل!
اسلام وليلي معاً بصراخ، قتل!
ماجدة وهي تأتي مسرعة هي وملك، قتل مين اللي اتقتل قتلت مين؟!
غيد، اهدي يا امي مفيش حاجة عاجبكم كده
ملك، في إيه يا عمو.
غيد، مفيش حاجة يا قلبي ماما انا هطلع الشقة اغير هدومي واخد دش تكوني اتتي عملتي الغدا
ماجدة، ماشي يا حبيبي
اسلام، والحوار
لم يرد غيد واتجه إلى الخارج بينما اتجهت ماجدة إلى المطبخ
ليلي، اووووف مردش عليك في منتصف الجبهه
اسلام، عادي يعني بتحصل
ليلي، لا واللهِ
اسلام، بس يا اوزعة
اثناء حديثهم جائت لاسلام رسالة على whatsApp من غيد يخبرة ان يصعد للاعلى
اسلام، جبهتي رجعت تاني اخوكي باعت على الواتس اني اطلعلو.
ليلي وهي تنهض، طب يلا نطلع
سحبها اسلام من ياقة بلوزتها، على فين يا اوزعة انتي انا رايح لوحدي
ليلي. يوووه بقا يا أوس أوس
اسلام، قولي واللهِ
ليلي، ورب الكعبة
اسلام، ليلي!
ليلي، قلب وعمر وروح ليلي
اسلام، انا عارف ان انا مش هخلص منك
ليلي، ترضى تخلص من لي لي
اسلام، لا يا ستي مش هرضى
صعد الاثنان إلى الأعلى وهم يتمازحان
اسلام، ها يا غيد عايز إيه
غيد، تعرف حد اسمو خالد الرويعي
اسلام. ليه يابني
غيد، يا بني اتكلم بس.
ليلي، مش ده بتاع شركة rppc
غيد، ايوة
اسلام، اااااه بس ده ميت بقالو اكتر من 10 سنين
غيد، مات مقتول!
اسلام، طب وانا مال امي بس انا فاكر ان احنا عندنا الملف بتاعو
غيد، ايوة كده جبهولي بقا
اسلام، هو انتا فاكر ان الجهاز ده بتاع ابويا مينفعش
غيد، بنتو
ليلي، مالها بنتو هاها
غيد، يا شيخة اقعدي بنتو عندي يا اسلام في المستشفى بقالها 11 سنة في غيبوبة
ليلي، 11 سنة! لا يا حرام ساعدو يا اسلام.
اسلام، يا سيدي كان نفسي بس مش هينفع هو كان بتاعي
ليلي، لا يا اوس أوس عيب عليك دية اول مرة غيد يحتاجك في خدمة يا معفن
غيد، قوليلو
ليلي، منا بنقولو اهو بس هو اللي مش عايز يفهم
ملك، يلا يا بابي ساعد عمو غيد
اسلام، يا جدعان هحاول خلاص
غيد، بكرة يكون عندي
اسلام، شحات وبيتنك؟!
غيد، تمام يلا كده طرقوني خلوني اناااام
اسلام، والوكل
غيد بضحك، انتا هترجع للصعيدي ولا اية؟!
اسلام، اصل لسة مكلم عمك من شوية.
ليلي، واني لسة متحدتة (متكلمة) مع ستك وبتجولك (بتقولك) مش بتسال ليه يا واد
غيد بضحك، بصي اسلام يتكلم صعيدي مقبول انتي بتبقى مسخرة
اسلام، جوي جوي
ليلي، بحاول ارجع لاصلي
غيد وهو يضربها على مؤخرة راسها، يبقى ترجعي عدل لاصلك
اسلام، صحيح بنت عمك صفية طلعت حاامل
غيد، من ميين؟!
ليلي، يااادي الكسوف عيب بقا يا ابية غيد
اسلام، بس يا بت انتا مختل ياض حامل من جوزها
غيد، اللي هو مين
اسلام، يابني احمد ابن عمتك كريمة.
غيد، ااااه مكتش اعرف طيب
ليلي، يبقى متسالش كده قدام موزمازيل
ملك، يعني إيه مزنميل
ليلي، موزمازيل يا لولو
ملك، لوزلاليل
اسلام، بس يا حبيبتي متعوجيش لسانك دية ناس تافهه
قبل ان تشب مضاربة جديدة بين اسلام وليلي
غيد، بجولكو (بقولكو) اييية اتعاركو برة بيتي
اسلام، واه جرى إيه ياخوي
غيد، غور ياض من هنا
حمل اسلام ابنتة وهو يحتضنها
اسلام، انا من الاول غلطان عشان جيت انا وملك هنا
ليلي وهي تتأبط ذراعة. خدني وراك.
اسلام وهو يسحب ذراعة، مش توكتوك هو
غيد، خلصوني بقاا
ليلي، يلا بدل ما يطردنا ومش هيبقى من الشقة دية بس هيبقى من الفلة كلها
نزل الاثنان هاربان من بطش اخيهم الاكبر بينما استلقى غيد على الفراش وهو يفكر بهذه الهمس ليذهب إلى عالم الاحلام.