رواية حب تحت مسمى العلاج للكاتبة رهف سيد الفصل الثالث والعشرون
وقفت السيارات امام احد الفنادق الكبيرة دخلوا امرهم مازن بالجلوس في الاستقبال حتى يهاتف شريف
همس، حلو المكان ده اوي
ليلي، اه فعلا
جاء مازن وكان معه شريف ليستقبل الجميع بترحاب شديد
شريف، اهلا اهلا يا جماعه نورتو ازيك يا طنط عاملة إيه
زينب. انا كويسة يابني انتا عامل إيه
شريف، الحمد لله ازيك يا رورو
ريم، ازيك انتا يا شريف اخبارك
شريف، شرم نورت انتي همس صح.
كانت همس تنظر له معالم وجهه مألوفه وبشدة اومات بابتسامتها ليردف بفرح
شريف، ياااه يا همس كبرتي وبقيتي عروسة حلوة اهو زي القمر
غيد بابتسامه صفراء، اه فعلا والقمر اتاخد
مازن، اعرفك ده غيد جوز همس ودة اخوة اسلام اتجوز ريم ودية ليلي اختهم ودية لوكة بنت اسلام
شريف، يا اهلا وسهلا كبرتي يا ريم واتجوزتي يا اوزعة
ريم، شوفت يا معنس حتى مشفتكش داخل عليا بعغريت
شريف، لا انا وفي لحبيبتي بس هي خانتني واتجوزت.
ضحك مازن مع والدته واخته ليردف
مازن، اصل همس وهي صغيرة كانت بتحبو اوي وعايزة تتجوزو
شريف، شوفت واديها اتجوزت وانا قاعد مستنيها حتى انتي يا رورو اتجوزتي
اسلام لغيد بخفوت، وبعدين في الاخ اللي عايز يتجوز اي حد ده
غيد بغيظ، مش عارف حاسس شوية هقوم اقتلو
شريف، ياااه يا همس والله وحشتيني اووي
اقترب شريف منها ليسحبها غيد من يدها له
غيد، إيه يا بابا هو انا رجل كرسي ولا مش مالي عينك.
شريف بحرج، لا بس هي وحشتني اوي من زمان مشوفتهاش
غيد بابتسامه صفراء، اه متشوفش وحش
مازن، عملت إيه في الحجز
شريف وهو يعطيهم المفاتيح، بص السويت ده لهمس وجوزها هدية مني واتصرف بالباقي زي مانتا عايز لازم امشي دلوقتي عشان عندي شغل هشوفكم على الغدا
غادر شريف بينما تفحص مازن المفاتيح
مازن، ده ليك يا غيد وانتو عايزين تتقسمو ازاي
ريم، انا مع ماما
ليلي، وانا مش هسيبهم طبعا لازقة معاهم.
مازن، خلاص خدو ده سويت كبير وانتا يا اسلام
اسلام، راشق معاك او لو تحب...
مازن، لا مش بحب اقعد لوحدي خليك معايا
غيد، طب يلا العاملين هيطلعو الشنط
صعد الجميع إلى الاعلى دخل غيد وقف امام الشبام المطل على البحر
همس، بقولك يا غيد هو احنا شوفنا شريف ده قبل كده
غيد، لا ليه
همس، مش عارفة حاسة ان انا شوفتو قبل كده
غيد، عادي بقولك ماتيجي ننزل نتمشى على البحر
همس، اه احسن عشان زهقانه
غيد، طب يلا البسي عشان ننزل.
همس، طب تعالا ارفع الشنطه على السرير عشان اخرج هدوم
قرص وجنتها وهو يردف، حبيبي كسول يا ناس
ازاحت يده بغيظ، لا انا مش كسوله الشنطه تقيلة
غيد، تبقى ضعيفة حبيبتي ضعيفة يا ناس
همس، حبيبي رخم يا ناس
جذبها إلى احضانه وهو يقبل راسها بضحك
غيد، والله يا بت برائتك دية هتوديني في داهيه
حمل غيد الشنطه على الفراش وقفت وهي تتوسط خصرها وتبحث في الحقيبة على ما ترتدية
غيد، هتلبسي إيه
همس، مش عارفة بص إيه رايك في دول.
امسكت بنطال يصل إلى بعد ركبتها بقليل وبلوزة كب بيضاء
غيد، حلو ماشي
همس، طب وانتا هتلبس إيه
غيد، روحي البسي انتي وانا هختار
همس بتذمر، لا انتا بتختارلي هدومي انا هختارلك هدومك
غيد، طب بس بس متزعليش اختاري
ظلت تقلب في الحقيبة يميناً ويساراً وهي تبحث عن ملابس له لتاخذ شورت يصل إلى ركبته وبلوزة بيضاء
همس، خد نلبس زي بعض
غيد، يا شيخة قلبتي الشنطه
همس، مش مهم يلا البس
دخلت همس إلى الحمام وابدلت ثيابها وخرجت.
همس، يلا تعالا سرحلي شعري
غيد، يا بنتي طب احترميني شوية قوليلي ممكن لو سمحت بعد اذنك اي حاجة
همس، يلا بقا
غيد، اتفضلي
همس، ممكن تسيبه مفرود
غيد، لا عشان هو طويل والناس ممكن تحسدك
همس، عشان خاطري
غيد، لا يا هموس
رفع شعرها على شكل ذيل حصان
غيد، بصي بقيتي حلوة ازاي
همس بترجي، ممكن طلب صغنطوط بقا
غيد، طلباتك كترت
همس، هما طلبين
غيد، كمان قولي
همس. ممكن لما ننزل ناكول ايس كريم
غيد، موافق التاني
همس، ممكن احط احط.
غيد، تحطي إيه
همس، ممكن احط روج
غيد، إيه ياختي عايزة تحطي إيه
همس، روج بس شوية صغيرين
غيد، روج! تعالي يا بت هنا
اقتربت ببطئ وخوف امسكها من ياقتها ليدرف
غيد، مين اللي قالك كده يا بت
همس، طب سيب البلوزة بس هتبوظ البنات كلهم بيحطو اشمعنا انا
غيد، جيبي من الاخر مين اللي قالك
همس، ليلي
غيد، احسن حاجة فيكي مش بتكدبي
همس، وقالتلي مقولكش
غيد، كمان! بصي انتي لو ليلي ق.
همس، هو روج صغنطوط خالص.
غيد، لا صغنطوط ولا نيلة هتنزلي ولا...
همس، لا لا هنزل هنزل
غيد. هاتي ايدك كده
شبث غيد يده بيدها ونزل الاثنان خرجو من الفندق ليذهبو إلى الشاطى
همس، البحر حلو اوي يا غيد
غيد، اه حلو إيه رايك ننزل
همس، ننزل فين انا خايفة
غيد، انا معاكي خايفة من إيه
همس، لا بلاش
حملها غيد بين يديه وهو يضحك
غيد، ههههه يا حبيبتي متخافيش انا جنبك
همس، لا لا نزلني
اتجه غيد إلى المياه وبدا برمي الماء على جسدها بضحك.
لتسقط في المياه وسقط معاها
همس، شفت ادينا اتبلينا اهو
غيد، ههههه بس إيه رايك
همس، يلا اكلني الايس كريم
غيد، طب يلا تعالي
قفزت همس على ضهره وتشبثت بعنقه
همس، يلا امشي
غيد، بالمنظر ده
همس، ااااه يلاا امشي
وضع يده اسفل ظهره واتجه إلى احد المحالات التي تبيع الايس كريم
غيد، تاكلي إيه
همس، شوكولاته
غيد، لو سمحت عايز اتنين شوكولاته
حمل غيد الايس كريم وأعطاه اياه
غيد، اتفضلي ياختي.
امسكت همس الايس كريم وبدات باكله رن هاتفه ليجيب بضجر
غيد، يوووة بقا عليك يا اسلام عايز إيه
اسلام، ليه يا عم انتا فين
غيد، بنتمشى
اسلام، طب يلا احنا على الغدا مستنينك
غيد، طيب شوية وجاي
امسك يد صغيرته واتجهو نحو المطعم
غيد، ها مبسوطة
همس، جدااا بس عايزة احط...
غيد، لو قولتي روج هموتك!
همس، لا لا مش روج
غيد، اومال؟!
همس، احط مسكارا
غيد، اه مسكارا ماشي يا ليلي
همس، ههههههه والله لما حطتلي كنت عسولة اوي.
غيد، هي كمان حطيتلك وصورتك
همس، مهو انا كنت حلوة وكانت سايبة شعري
غيد، لا يا حبيبتي البنات الوحشين هما بس اللي بيحطو
همس بضجر، طييب
غيد. حبيبي متعصب يا ناس
همس، والله انتا مجنون
غيد، شكرا شكرا
وصلوا اليهم دخلو إلى المطعم وجدوهم جميعاً مجتمعين
اسلام، ما كنت تتاخر شوية
غيد، مكنتش هاجي اصلا بس همس اصرت عليا
مازن، طب يلا اقعدو
جلس الاثنان بجانب بعض لياتي شريف ويجلس بجانب همس
شريف، مبسوطة يا همس هنا.
همس، اااه غيد خرجني على البحر واكلني ايس كريم
شريف، بتحبي الايس كريم
همس، اه جداا
شريف، خلاص اول ماتخلصي غدا هجبلك
سحبها غيد إلى احضانه بغيظ
غيد، لا شكرا لسة واكلة ومش بتاكول كتير عشان متتعبش
اسلام، هتتغدو إيه
ليلي، انا عايزة مكرونه
اسلام، طيب
احضر شريف جميع طلباتهم وبدؤ بالاكل حتى قاطعت لحظتهم ماهي وهي تتقدم
ماهي، هاي يا جماعه
اسلام، اهلا يا ماهي انتي نازلة هنا
ماهي، اااه
زينب، طب اقعدي يا حبيبتي اتغدي معانا.
جلست هي الاخرة بجانب غيد لتمسك همس يده بقوة ليرفعها غيد ويطبع قبله عليها
ليلي، هييييح يا حبيبي
اسلام، طلع رومانسي
ريم، ماتخليكم في نفسكم
غيد، حبيبتي اقسم بالله
اسلام، مراتي اقسم بالله
زينب، ههههه والله القعده حلوة اوووي
شريف، بنورك يا طنط
مدت ماهي يدها على الطاولة بخفة لتلتقط مفاتيح غرفة غيد
شريف، طب انا هروح اشوف الرسبشن دقيقه وجاي
غادر شريف بعجله لتردف ماهي وهي تنهض
ماهي، طب انا هطلع اغير هدومي وانزل.
صعدت ماهي إلى الاعلى وهي تنظر خلفها بخوف لتمد المفتاح في الغرفة وتفتحه لتعتلي الصدمه وجهها وفجاءة تحولت إلى ملامح خبث.
شريف، ها تحبو تشربو إيه
مازن، شاي
اسلام، شاي
ليلي، انا وريم نسكافيه
غيد، انا قهوه وهمس عصير
شريف بابتسامه، تشربي عصير إيه يا هموسة
غيد بجدية، اسمها همس وهتشرب عصير فراولة
شريف، وحضرتك
ماهي، ميلك شيك
شريف، حاضر
احضر شريف النادل فهو المالك لهذا الفندق جلسو معاً
اسلام، لازم نحدد يوم ننزل فيه البحر
شريف، فيه البسين بتاع الفندق الداخلي مش بينزل فيه الا الاشخاص المهمين افضلكم يوم وتنزلو فيه.
مازن. ماشي خليه بكرة
ظلو يتجاذبون اطراف الحديث حتى 11 مساء حتى صعدو إلى غرفهم.
خرج وهو ينشف شعره بضحك
مازن، ياعم ده اخوك كان هياكلو
اسلام، حقو الصراحه الواد تحسو عيل ميكي كده ومن ساعة ماشاف همس وهو بيقرب منها والصراحة دية حاجة تخنق
مازن، فعلاا
اسلام، بس احسن حاجة ان الفندق ده بتاعو الواحد يعمل اللي نفسو فيه
مازن بضحك، واسطه يعني
اسلام، مش عارف حاسس اني بجح
مازن، هههههه حاسس مش متاكد
اسلام، طب كويس طمنتني الله يطمنك.
خرج اسلام إلى البالكون وهو يضحك ليجد صغيرته تجلس على البحر امامه ليبتسم بخبث
اسلام مسرع، بقولك إيه انا نازل اتمشى على البحر
مازن، طيب بس ده التي شيرت بتاعي
اسلام، مش مهم مش مهم
اخذ تيشرته وغادر مسرع كانت في هذه اللحظات ليلي تخرج من غرفتها لمحت تيشرته لتعتقد انه مازن
ليلي، اخيرا مشي اما اروح انّم مع الواد اسلام شوية
ذهبت إلى الغرفة وبدات بطرق الباب فتح مازن الباب دخلت وهي تنظر إلى الهاتف.
ليلي، ساعة عقبال ما تفتح يا اسلام وبعدين الواد مازن ده انا ما صدقت انو نزل
رفع مازن حاجبية لتجلس على الفراش مستربعه وهي مستكمله النظر إلى الهاتف
ليلي، اصل الصراحة الواد رخم وتحسو تقيل حدة وعاقل زيادة عن اللزوم والنوع ده بيبقى رخم ورزل جداااا
اغلق مازن الباب بقوة معبرا عن غضبة لتفزع ليلي
ليلي، براحة يا اسل، مازن
مازن بابتسامه صفراء، ايوة مازن الرخم.
بلعت ريقها بتوجس كيف لم تنتبه له من الاساس نهضت من الفراش بعجله
ليلي، اومال اس اسلام فين
مازن، نزل يتمشى على البحر
عضت على شفتيها بخجل فهي الان معه في هذه الغرفة لتردف باعتذار
ليلي، انا انا اسفة اوي بس...
مازن، مكنتش اعرف اني مدايقك اوي كده
ليلي مسرعه، لا والله بس انتا الصراحة يعني رخم وليك تصرفات غلسه و 24 ساعة كئيب ومش بتضحك كتير
مازن، إيه الجراءة دية.
ليلي، مش جراءة بس صراحه وانا مش بحب الكدب انا اسفة يعني الحياه مش لازم تبقى بالجدية دية عشان متموتش صغير
حكت مؤخرة راسها بحرج، طب انا لازم امشي عشان مينفعش افضل هنا يلا تصبح على خير وانا اسفة مرة تانية
خرجت من الغرفة وهي تتنفس صعداء لتردف بضيق
ليلي، حمارة حمارة مشفتش كويس ليه.
نزل اسلام ليجدها تجلس على البحر وتضع سماعاتها في اذنيها ليسحب احدهم ويردف
اسلام، القمر بيعمل إيه هنا الوقت متاخر
ريم، انتا بتعمل إيه هنا
اسلام، انا اللي سالت الاول
ريم، قاعدة قاعدة مش بعمل حاجة
اسلام. طب اهدي ليطقلك عرق وانا عايزك ومحتاجك
ريم باستنكار، هو انتا مش هتطلقني
اسلام ببرود، لا
ريم بحزن، بس انا عايزة اطلق عشان خاطري انا صغيرة ومش عايزة اتجوز دلوقتي.
اسلام، صغيرة على الجواز في الحلال وكبيرة على انك تحبي في الحرام وتكسري ثقة اهلك وتسؤي سمعتهم وتغضبي ربك وتزعلي ابوكي في تربتو انتي عارفة لو كنت قلت لمازن انتي عملتي إيه هيعمل فيكي إيه ده ممكن يعلقك فيها
ريم، بس ياسين بيحبني وكان وعد...
اسلام، وكان وعدك بالجواز بصي يا ريم الكلام مفيش اسهل منو والكلام طول عمرو هوا مش بيصدقو غير الفعل تقدري تقوليلي كان هيتجوزك سنه كام لو كان بجد بيحبك زي مابتقولي كان قال للدنيا كلها كان قال لاهلك بصي انا بكلمك بالعقل شوفي لو جبتيلي والله اصيع واد فيكي يا مصر وقولتيلو اتجوز واحدة من اللي انتا اتمشيت معاها يقولك لا نا عايز واحدة تربي عيالي مش بعيد تعلم بنتي اللي كانت بتعملو معايا لو كان بيحبك كان قالك كلميني قدام اهلك مش من وراهم لو كان بيحبك كان مخلكيش تخرجي معاه من ورا اهلك فوقي يا ريم الحب عمله نادرة ونادر اللي يحب بجد ومش اي حد يقولك بحبك تصدقيه الحب كلمه متصدقهاش إلا بفعل.
كانت تستمع لكلمته وعيونها تذرف الدموع نظر لها اسلام وسحبها إلى حضنه لتتشبث به وتكمل بكائها.
همس بصراخ، لا انا هدخل استحمى الاول
غيد، طب خلاص بطلي صويت ماشي
همس، ايوة كده
سحبت ملابسها ودخلت إلى الحمام بدات بتعليق ملابسها
غيد، انا هخرج البالكونه
همس، ماشي
خرج غيد إلى البالكون بينما وقفت همس بتفكير
همس، انا هحط الماية كويس وبعدين هستحمى
اتجهت إلى الصنابير وبدات بفتحها لتتفاجا بها تنتطلب في الهواء منفجرة وبدا سخان المياه باخراج دخان
رجعت إلى الخلف بهلع وبدات بالصراخ.